Loftslag, náttúra og umhverfi
Kraftmiklar alvöru aðgerðir í loftslagsmálum
Loftslag, náttúra og umhverfi
Loftslagsváin og rýrnun líffræðilegrar fjölbreytni er mesta áskorun sem mannkynið stendur frammi fyrir.
Veldu málefni undir jafnaðarstefna í náttúruvernd, loftslags- og umhverfismálum
- Inngangur
- Loftslagsvá
- Samgöngur og loftslagsmál
- Atvinnulíf og umhverfismál
- Græn störf og fjárfestinga- og nýsköpunarsjóður
- Kolefnisspor
- Íslensk náttúra og auðlindir hennar
- Hringrásarhagkerfi og úrgangsmál
- Umhverfisréttlæti og aðkoma almennings
- Dýravelferð
Umhverfisréttlæti og aðkoma almennings
Samfylkingin vill auka samráð við almenning, fulltrúa almennings og félagasamtök í umhverfismálum. Ísland hefur fullgilt Árósasamninginn sem kveður á um að tryggja þurfi aðgengi almennings að upplýsingum um umhverfismál, ákvarðanatöku um umhverfismál og að dómskerfinu, en ríkisstjórn og Alþingi hafa ekki fylgt fullgildingunni eftir í lagasetningu. Samfylkingin ætlar að taka á þessu. Aðkoma almennings og félagasamtaka að stefnumótun og ákvarðanatöku er réttlætismál sem stjórnvöld verða að tryggja.
Samfylkingin ætlar að auka gagnsæi um stefnumótun og ákvarðanatöku stjórnvalda í umhverfis- og loftslagsmálum sem og gagnsæi um meðferð og ráðstöfun opinberra fjármuna í þágu loftslagsmála.
Aukin þátttaka og aðkoma ungs fólks í málefnum sem varða umhverfis- og loftslagsmál er grundvallaratriði til að vinna að hagsmunum komandi kynslóða. Samfylkingin ætlar að greiða fyrir því að ungt fólk komi í auknum mæli að ákvarðanatöku sem snertir málefni, framtíð og velsæld komandi kynslóða og náttúru landsins.