Jöfnum leikinn og nýtum fyrirframgreiddar vaxtabætur til að fjármagna útborgun við húsnæðiskaup fyrir þá sem ekki eiga.

Allt of margar fjölskyldur eru fastar á ótryggum leigumarkaði og ungt fólk á í vanda við að koma sér upp þaki yfir höfuðið. Við ætlum að veita þeim sem ekki eiga íbúð og ættu rétt á vaxtabótum forskot á fasteignamarkaði sem nemur allt að þremur milljónum króna.

  • 3,0 milljónir kr. fyrir fólk í sambúð
  • 2,5 milljónir kr. fyrir einstætt foreldri
  • 2,0 milljónir kr fyrir einstaklinga
  • 4.000 almennar leiguíbúðir
  • 1.000 námsmannaíbúðir  

Vandamálið í hnotskurn:

  • Stærsta vandamál ungs fólks sem er að kaupa sína fyrstu íbúð er að kljúfa útborgunina, sem er mismunur á kaupverði og hámarksláni.
  • Margar fjölskyldur eru fastar á ótryggum leigumarkaði þar sem stærstu útgjöld heimilisins eru í leigu og minna til skiptanna fyrir aðrar nauðsynjar.
  • Mánaðarleigan er hærri en það sem fólk myndi borga af húsnæðisláni.
  • Ekkert er til skiptanna til að spara fyrir öruggu húsnæði.
  • Börn geta lent á hrakhólum þegar íbúðir eru teknar úr langtímaleigu í skammtímaleigu til ferðamanna.

Forskot á fasteignamarkaði

Með því að greiða vaxtabætur næstu fimm ára út fyrirfram er hægt að styrkja fólk til kaupa á íbúð um:

  • 3,0 milljónir kr fyrir fólk í sambúð
  • 2,5 milljónir kr fyrir einstætt foreldri
  • 2,0 milljónir kr fyrir einstakling

Þrjár milljónir króna er til dæmis útborgun í 20 milljón króna íbúð m.v. 85% lán, eða stór hluti útborgunar í dýrari eign.

Það er stuðningur sem kemur unga fólkinu úr foreldrahúsum, námsmannaíbúðum og leigjendum í öruggt húsnæði.

Spurt og svarað um Forskot á fasteignamarkaði.

Nýjar húsnæðisbætur

Samhliða Forskoti á fasteignamarkaði ætlum við að taka upp nýtt kerfi húsnæðisbóta, hækka skerðingarmörk og styðja betur við barnafjölskyldur en nú er gert. Við ætlum að láta vaxtabætur ráðast af fjölda barna, sem er nýmæli.

5.000 leiguíbúðir á kjörtímabilinu

Forskot á fasteignamarkaði er liður í kosningastefnu Samfylkingarinnar.

Í henni felst einnig veruleg fjölgun almennra leiguíbúða um 4.000 á kjörtímabilinu auk 1.000 námsmannaíbúða um allt land.

Einnig að tvöfalda stuðning við barnafjölskyldur og útrýma barnafátækt á Íslandi, en árið 2014 bjuggu 6.100 börn við efnislegan skort á Íslandi, hlutfallslega flest í leiguhúsnæði.

 Kjósum heilbrigðari húsnæðismarkað

  • Hreinsa