Mannsæmandi lífeyrisgreiðslur og afturvirkar hækkanir

Laun öryrkja verða að nægja svo þeir geti lifað góðu lífi.

Við ætlum að láta greiðslur til öryrkja fylgja þróun lægstu launa þannig að þær verði 300.000 kr. á mánuði. Við höfum lagt fram tillögur þess efnis við gerð síðustu fjárlaga en ríkisstjórn Sjálfstæðisflokks og Framsóknar felldi þær. Einnig viljum við afturvirkar hækkanir frá 1. maí 2016 en þá hækka lægstu laun á vinnumarkaði. Við ætlum ekki að skilja öryrkja og aldraða eina eftir.

Nýlegar tillögur hægri stjórnarinnar auka skerðingar og auka mun eftir sambúðarformi. Ríkisstjórnin hafnar réttlátum tillögum okkar um að kjör öryrkja og aldraðra sem eru í sambúð nái 300 þúsund krónum. Öryrkjar og eldri borgarar í sambúð eru skildir eftir og tekjuskerðingar aukast hjá ákveðnum hópum. Þessu munum við breyta á næsta kjörímabili

Hærri lífeyrir og minni skerðingar

  • Hækkum lífeyri svo aldraðir og öryrkjar fái að minnsta kosti 300 þúsund krónur á mánuði.
  • Afnemum krónu-á-móti-krónu skerðingar: Refsum ekki þeim sem geta og vilja vinna.
  • Búum til einfaldara og skilvirkara lífeyriskerfi.