#MeToo - Nýtt verklag Samfylkingarinnar

Sérstakur umræðufundur um#Metoo var haldinn í hádeginu á landsfundi Samfylkingarinnar.

Heiða Björg Hilmisdóttir, varaformaður Samfylkingarinnar tók fyrst til máls og fór yfir upphaf og farveg #metoo byltingarinnar.

Í pallborðsumræðum sem Þórarinn Snorri, nýkjörinn ritari Samfylkingarinnar, stýrði bað Rósanna Andrésdóttir, verkefnastjóri Ungra jafnaðarmanna, allar konur í salnum sem höfðu lent í kynferðislegri áreitni eða ofbeldi að rétta upp hönd. Hver einasta kona í salnum rétti upp hönd.

Elfur Logadóttir tók að lokum til máls og kynnti nýtt verklag Samfylkingarinnar í meðferð um móttöku og meðferð umkvartana á sviði eineltis og áreitni.