Vorfundur flokksstjórnar 2024
Flokksstjórnarfundur Samfylkingarinnar fer fram laugardaginn 20. apríl á Hótel Laugarbakka í Húnaþingi vestra. Fundurinn verður settur kl. 11:30 og lýkur með kvöldverði og sveitaballi fram á rauða nótt.
Á fundinum verður tekið til umræðu nýtt útspil Samfylkingarinnar um atvinnu og samgöngur, sem er afrakstur af metnaðarfullu málefnastarfi um land allt á liðnum vetri. Og þá verður næsta forgangsmáli í málefnavinnu flokksins hleypt af stokkunum sem fjallar um húsnæðis- og kjaramál.
Flokksstjórnarfundur er opinn öllu Samfylkingarfólki og öðrum sem hafa áhuga á að kynnast starfi flokksins.
Að venju gefst tækifæri til að spjalla beint við forystufólk flokksins. Rætt verður um undirbúning Alþingiskosninga, landsfund flokksins sem verður næsta haust og fleira.
Þau sem vilja gistingu og hafa enn ekki fengið er bent á að senda póst á [email protected], unnið er að því að finna gistirými í nálægð við Laugarbakka. Ekki er hægt að lofa því enn sem komið er.
Stefnt er á að rúta fari snemma á laugardagsmorgni frá Reykjavík og tilbaka á sunnudeginum.
Dagskrá:
8.30 Rúta leggur af stað frá Húsi verslunarinnar
11:00 Innskráning
11:30 Fundur settur
11:45 Kynning á málefnavinnu í atvinnu- og samgöngumálum
12:50 Hádegismatur
13:40 Ræða formanns
14:00 Upptaktur að landsfundi
14:10 Kynning á málefnastarfi í húsnæðis- og kjaramálum
14:20 Townhall með forystu flokksins
15:00 Kaffihlé
15:20 Almennar umræður, afgreiðsla tillagna og ályktun fundarins
17:30 Fundi er slitið
19:30 Kvöldverður og skemmtun
Áætluð brottför frá Laugarbakka er upp úr kl. 11, sunnudaginn 21. apríl.
Skráning á fundinn: https://forms.gle/JLgcgL9uuv9bSdjeA
Tillögur:
- Tillaga stjórnar um breytingar á skuldbindandi reglum um aðferðir við val á framboðslista.
- Tillaga um breytingu á skuldbindandi reglum um aðferðir við val á framboðslista, gr. 5.2. Tillöguflytjendur: Stein Olav Romslo, Lilja Hrönn Önnudóttir Hrannarsdóttir, Arnór Heiðar Benónýsson, Kolbrún Lára Kjartansdóttir og Stefán Pettersson.
- Tillaga um breytingar á skuldbindandi reglum um aðferðir við val á framboðslista, gr. 3.3. Tillöguflytjendur: Ásgeir Beinteinsson og Mörður Árnason.
- Tillaga að ályktun flokksstjórnarfundar. Tillöguflytjendur: Alexandra Ýr van Erven, Auður Alfa Ólafsdóttir, Sabine Leskopf, Vilhjálmur Þorsteinsson og Þorbjörg Þorvaldsdóttir.
Breytingatillögusniðmát. Eingöngu breytingartillögur á þeim tillögum sem komnar eru fram verða leyfðar. Ekki aðaltillögur og ekki heldur breytingartillögur sem í raun eru aðaltillögur.
Fundarstjóri kveður upp hvaða tillögur verða teknar til greina á fundinum.
Hér er hægt að kynna sér Skuldbindandi reglur um aðferðir við val á framboðslista.
Mikilvægar dagsetningar
6. apríl - Síðasti dagur til að skila inn ályktunar- og breytingartillögum
20. apríl - Flokksstjórnarfundur á Hótel Laugarbakka