Samfylkingin í Suðvesturkjördæmi hefur samþykkt framboðslista fyrir komandi þingkosningar.

„Á listanum er fjölbreyttur hópur sem endurspeglar ólíkan aldur, reynslu og búsetu. Við hlökkum til að tala fyrir hinum sígildu skilaboðum jafnaðarstefnunnar, um jöfn tækifæri, félagslegt réttlæti og frelsi fólks til orða og athafna.“ segir Árni Páll Árnason, oddviti listans.

Kjördæmisþing Suðvesturkjördæmis og Reykjavíkur ákvað í aðdraganda flokksvals að beita paralista aðferð við uppstillingu á lista. Einnig var samþykkt að í einu þriggja efstu sætanna skuli vera frambjóðandi undir 35 ára aldri.

Margrét Tryggvadóttir sem náði kjöri í 3. sæti í flokksvalinu en lenti í 5. sæti eftir röðun í samræmi við aldursreglu og kynjakvóta ákvað að að taka ekki sæti á listanum eftir að ljóst var að reglurnar voru ekki látnar gilda í Reykjavík.

Listinn er eftirfarandi:

1. Árni Páll Árnason, alþingismaður, Kópavogi

2. Margrét Gauja Magnúsdóttir , bæjarfulltrúi, Hafnarfirði

3. Sema Erla Serdar, stjórnmála- og evrópufræðingur, Kópavogi

4. Guðmundur Ari Sigurjónsson, bæjarfulltrúi, Seltjarnarnesi

5. Símon Birgisson, dramatúrg, Hafnarfirði

6. Steinunn Dögg Steinsen, verkfræðingur, Mosfellsbæ

7. Árni Rúnar Þorvaldsson, grunnskólakennari, Hafnarfirði

8. Margrét Kristmannsdóttir, framkvæmdastjóri, Kópavogi

9. Algirdas Slapikas, formaður Stál-úlfs, Hafnarfirði

10. Þóra Marteinsdóttir, tónlistarkennari og tónskáld, Kópavogi

11. Óskar Steinn Ómarsson, háskólanemi, Hafnarfirði

12. Sigurþóra Steinunn Bergsdóttir, ráðgjafi, Seltjarnarnesi

13. Gylfi Ingvarsson, vélvirki, Hafnarfirði

14. Katrín Sif Sigurgeirsdóttir, ljósmóðir, Hafnarfirði

15. Amal Tamimi, jafnréttisfulltrúi, Kópavogi

16. Friðþjófur Karlsson, skólastjóri, Hafnarfirði

17. Birgitta Björg Jónsdóttir, háskólanemi, Hafnarfirði,

18. Gísli Geir Jónsson, verkfræðingur, Garðabæ

19. Ýr Gunnlaugsdóttir, viðburðarstjóri, Kópavogi

20. Andrea Dagbjört Pálsdóttir, menntaskólanemi, Mosfellsbæ

21. Hjalti Már Þórisson, læknir, Kópavogi

22. Svala Björgvinsdóttir, tónlistarmaður, Hafnarfirði

23. Jónas Sigurðsson, húsasmiður og fv. bæjarfulltrúi, Mosfellsbæ

24. Jóhanna Axelsdóttir, kennari, Hafnarfirði

25. Magnús Orri Schram, fv. alþingismaður, Kópavogi

26. Katrín Júlíusdóttir, alþingismaður, Garðabæ