Samfylkingin mælist með 10,6% fylgi í nýrri skoðanakönnun MMR og hækkar um tæp tvö prósentustig milli kannana. Fylgi Samfylkingarinnar hefur aukist jafnt og þétt frá síðustu Alþingiskosningum.

Logi Einarsson, formaður Samfylkingarinnar, er ánægður með fylgisaukninguna. „Með staðfestu og samkvæmni munum við hægt og rólega sjá stíganda í fylgi,“ segir Logi. „Menn munu átta sig á hverjir eru trúverðugir málsvarar jafnaðarstefnunnar; hvað er fölsk vara og hvað ekta.“

Samfylkingin hlaut 5,7% atkvæða í síðustu Alþingiskosningum en mælist nú í 10,6% fylgi. Flokkurinn er sá eini á Alþingi sem bætir við sig fylgi milli kannana. „Þetta er ánægjuleg vísbending um að sjúklingurinn er að braggast. Hann var ekki í neinni lífshættu en flensan hefur verið ansi þrálát. Honum líður mikið betur núna og sér fram á langt og innihaldsríkt líf, þar sem hann ætlar að leggja mikið af mörkum,“ segir Logi.