Við auglýsum eftir rekstrarstjóra

Nú leitum við að öflugri manneskju til að vinna fyrir flokkinn. Það er mikilvægt að við finnum réttan aðila í stöðu rekstrarstjóra. Auglýsingin er hér fyrir neðan. Við sendum hana á alla flokksfélaga og biðjum ykkur að hugsa þetta með okkur og áframsenda ef þið þekkið öflugt fólk sem gæti haft áhuga á starfinu. Viðkomandi aðili mun gegna lykilhlutverki í spennandi starfi sem framundan er innan flokksins á næstu misserum.

Bestu kveðjur,
Kristrún og Guðmundur Ari

Samfylkingin auglýsir eftir rekstrarstjóra

Samfylkingin – Jafnaðarflokkur Íslands auglýsir eftir umsóknum um starf rekstrarstjóra á skrifstofu flokksins.
 
Það eru spennandi tímar í Samfylkingunni. Ný forysta var kjörin á landsfundi síðasta haust og hyggst nýta tímann vel fram að næstu kosningum til Alþingis.
 
Rekstrarstjóri mun gegna mikilvægu hlutverki við rekstur flokksins og taka þátt í að leiða breytingar í samstarfi við nýja forystu.

Starfssvið:

• Daglegur rekstur og fjármál
• Áætlanagerð í samstarfi við framkvæmdastjórn
• Skipulagning funda og annarra viðburða
• Samskipti við stofnanir flokksins og almenna félaga
• Samskipti við ytri aðila sem leita til flokksins
• Aðstoð við kjörna fulltrúa á Alþingi og í sveitarstjórnum
• Yfirumsjón með stærri verkefnum flokksins á hverjum tíma í nánu samstarfi við forystu

Hæfni sem litið verður til:

• Menntun eða almenn reynsla sem nýtist í starfi
• Drifkraftur og metnaður eru lykilatriði
• Góðir samskiptahæfileikar
• Örugg tjáning í ræðu og riti
• Reynsla af stjórnun
• Reynsla af gerð fjárhagsáætlana og fjármálastjórnun
• Reynsla af skipulagningu félagsstarfs og/eða sjálfboðavinnu
• Reynsla af störfum í fjölmiðlum eða við markaðsmál
• Það er kostur að þekkja til starfa Samfylkingarinnar og/eða verkalýðshreyfingarinnar
  

Óskað er eftir einnar blaðsíðu kynningarbréfi frá umsækjanda auk ferilskrár. Umsókn sendist á [email protected] fyrir föstudaginn 27. janúar 2023. Guðmundur Ari Sigurjónsson, formaður framkvæmdastjórnar, veitir frekari upplýsingar í síma 846-6747.