Pétur Marteinsson leiðir lista Samfylkingarinnar í Reykjavík

Niðurstöður flokksvals Samfylkingarinnar í Reykjavík voru kynntar í Iðnó laugardaginn 24. janúar, að lokinni kosningu meðal félagsmanna flokksins í Reykjavík.

Alls voru 16 frambjóðendur í kjöri og kepptu þau um sex efstu sæti á lista Samfylkingarinnar í Reykjavík fyrir komandi borgarstjórnarkosningar. Kosningin hófst klukkan 00:00 og lauk klukkan 18:00. Flokksvalið fór fram með rafrænni kosningu og var kjörsókn góð og var 69,7%.  

Pétur H. Marteinsson bar sigur úr býtum í oddvitavali Samfylkingarinnar í Reykjavík. Hann er rekstrarmaður í Reykjavík, búsettur í Vesturbænum og alinn upp í Breiðholti og Árbæ. Pétur býr yfir víðtækri reynslu af atvinnulífi og borgarþróun og leggur áherslu á sterka forystu Samfylkingarinnar í Reykjavík, bætta þjónustu borgarinnar, einfaldari stjórnsýslu og að auðvelda daglegt líf borgarbúa.

Niðurstöður flokksvalsins eru eftirfarandi:

1. Pétur H. Marteinsson

2. Heiða Björg Hilmisdóttir

3. Steinunn Gyðju- og Guðjónsdóttir

4. Skúli Helgason

5. Stein Olav Romslo

6. Bjarnveig Birta Bjarnadóttir

Með niðurstöðunum liggur nú fyrir öflugur framboðslisti Samfylkingarinnar í Reykjavík.