Listi Samfylkingarinnar í Suðurnesjabæ
S-listinn, listi Samfylkingar og óháðra í Suðurnesjabæ, hefur lagt fram framboðslista sinn fyrir
Framboðið bauð til kynningarfundar og samtals við frambjóðendur á Bókasafni Suðurnesjabæjar sunnudaginn 29. mars. Svavar Grétarsson sem leiðir framboðið kynnti
frambjóðendur til leiks og lýsti um leið ánægju sinni með öflugan og fjölbreyttan framboðslista sem skipaður er aðilum úr báðum byggðakjörnum Suðurnesjabæjar, Garði og Sandgerði. Þá sagði Svavar jafnframt frá því að á næstu dögum verður íbúum og áhugasömum boðið að taka þátt í málefnavinnu með frambjóðendum áður en formleg stefnuskrá verður birt og að búast megi við líflegum og skemmtilegum undirbúningstíma fyrir komandi kosningar sem S-listinn er svo sannarlega tilbúinn til að taka þátt í. S-listinn í Suðurnesjabæ mun leggja mikla áherslu á sameinað samfélag á komandi kjörtímabili og í kosningabaráttunni.
Listi Samfylkingar og óháðra í Suðurnesjabæ er skipaður eftirfarandi aðilum:
1. Svavar Grétarsson, flotastjóri
2. Bergný Jóna Sævarsdóttir, verkefnastjóri og stjórnsýslufræðingur
3. Egill Rúnar Sigurðsson, stjórnmálafræðingur, atvinnurekandi og ökukennari
4. Önundur S. Björnsson, bæjarfulltrúi og fyrrum sóknarprestur
5. Thelma Dís Eggertsdóttir, grunnskólakennari
6. Bára Kristín Þórisdóttir, háskólanemi, er í fæðingarorlofi
7. Agnes Helgadóttir, uppeldis- og menntunarfræðingur
8. Jón Þór Jónsson, formaður Björgunarsveitarinnar Sigurvonar, háskólanemi og
stuðningsfulltrúi
9. Benóný Þórhallsson, smiður
10. Przemyslaw Antoni Szymajda, verkstjóri
11. Magnús Orri Arnarson, kvikmyndagerðarmaður
12. Hildur Guðný Björnsdóttir, nemi
13. Fannar Sigurbjörnsson, slökkviliðsmaður
14. Sigurbjörg Ragnarsdóttir, fyrrum gjaldkeri
15. Jón Snævar Jónsson, húsasmíðameistari
16. Sigursveinn Bjarni Jónsson, sölustjóri og formaður bæjarráðs
17. Elín Frímannsdóttir, löggiltur fasteignasali og fyrrum bæjarfulltrúi
18. Jórunn Alda Guðmundsdóttir, fyrrverandi leikskólastjóri og eldri borgari