Ný stjórn sveitarstjórnarráðs kjörin á aðalfundi

Aðalfundur Sveitarstjórnarráðs Samfylkingarinnar var haldinn föstudaginn 9. október sl. Formaður fór yfir skýrslu stjórnar þar sem farið var yfir starf ráðsins frá síðasta aðalfundi sem haldinn var í mars 2025. Starf ráðsins markaðist auðvitað mest af undirbúningi sveitarstjórnarkosninga sem fram fóru í maí sl. Formaður fór yfir niðurstöður kosninganna og stöðu Samfylkingarinnar í sveitarstjórnarstiginu í kjölfar þeirra.

Árni Rúnar Þorvaldsson, bæjarfulltrúi í Hafnarfirði, gaf áfram kost á sér til formennsku í sveitarstjórnarráði og var kjörinn formaður á fundinum. Eydís Inga Valsdóttir, bæjarfulltrúi í Kópavogi, var kjörin gjaldkeri og hún kemur ný inn í stjórn. Ritari var kjörinn Stefán Þór Eysteinsson, bæjarfulltrúi í Fjarðabyggð. Varamenn voru kjörin þau Guðný Birna Guðmundsdóttir, bæjarfulltrúi í Reykjanesbæ og Kjartan Páll Þórarinsson, bæjarfulltrúi í Norðurþingi, sem kemur nýr inn í stjórn. Úr stjórn gengu þau Guðný Maja Riba fyrrverandi borgarfulltrúi í Reykjavík og núverandi varabæjarfulltrúi í Mosfellsbæ og Benóný Valur Jakobsson, fyrrverandi bæjarfulltrúi í Norðurþingi. Við þökkum þeim kærlega fyrir þeirra störf í þágu Sveitarstjórnarráðs Samfylkingarinnar.

Í síðustu kosningum fjölgaði S-lista framboðum Samfylkingarinnar umtalsvert og það þýddi að bæjar- og sveitarstjórnarfulltrúum Samfylkingarinnar fjölgaði heilt yfir á landsvísu. Margir nýir fulltrúar náðu kjöri í vor og stjórn sveitarstjórnarráðs hlakkar til þess að vinna með nýkjörnum sveitarstjórnarfulltrúum og öðrum á kjörtímabilinu. Staða Samfylkingarinnar á sveitarstjórnarstiginu er sterk um allt land núna og stjórn sveitarstjórnarráðs ætlar að byggja á því til þess að styrkja stöðu okkar enn frekar á kjörtímabilinu og í næstu kosningum.