Þar bar hann saman mannfjölda, tafatíma í umferðinni, lengd sérrýmis strætisvagna og svo ferðavenjur íbúa. Í ljós kom að mældar tafir á höfuðborgarsvæðinu eru meiri hér miðað við nágrannalöndin. Við erum á pari við Árósa og höfuðborgirnar Kaupmannahöfn, Osló og Stokkhólm, sem eru mun stærri en Reykjavík.

Verkfræðingurinn setti hlutina í samhengi: „Í þessum borgum hefur verið byggt meira sérrými strætó. Strætóinn gengur hraðar. Við sjáum líka að það eru færri sem ferðast á bíl og auðvitað hlýtur þetta að spila einhverja rullu í því, hversu miklar tafir eru hér á landi, á höfuðborgarsvæðin,“ sagði Daði.

Samkvæmt samanburði hans eru um 72% ferða á höfuðborgarsvæðinu farnar á einkabíl, en um 5% með almenningssamgöngum. Engin önnur norrænu borganna fer yfir 60% hlutfall einkabíla, í Stafangri er hlutfallið 57/15 og í Björgvin er hlutfallið 50/16. Í Þrándheimi er hlutfallið 50/18 og í Árósum 48/14.

Þetta held ég að sé punktur sem við þurfum að staldra oftar við. Samgöngumynstrið í borginni er ekki nógu gott, valkostirnir við bílinn eru ekki nógu aðlaðandi til að fólk velji þá. Það er ekki út af veðrinu – ég þekki það til dæmis af eigin raun að það er oft napurt í Stokkhólmi á veturna – heldur af því að borgin hefur að mestu verið byggð upp fyrir bílinn.

Bílar eru náttúrulega frábærir. Þeir koma fólki hratt á milli staða, nema auðvitað þegar allt situr fast. En bílar eru líka dýrir, bæði í innkaupum og rekstri. Þeim fylgir svo ýmis afleidd neikvæð áhrif á nærumhverfi okkar – hverfin verða háværari og hættulegri, stórkarlaleg mannvirkin slíta byggðina í sundur og dreifa henni, sem svo letur fólk til að nota aðra ferðamáta. Afleiðingin er minni hreyfing borgarbúa og lakari heilsa.

Þess vegna þurfum við betri valkosti. Við þurfum almenningssamgöngur í sérrými þannig að þær festist aldrei í annarri umferð. Við þurfum áreiðanleika og aukna tíðni. Því ef þú getur verið viss um að þú sért fljótari að taka vagninn til vinnu en á bílnum, þá kemur góð húfa og úlpa manni ansi langt ef það er kalt úti. Þarna kemur Borgarlínan til sögunnar.

Fjölbreytt og vaxandi borg kallar á fjölbreytta ferðamáta. Á liðnum áratug hafa verið byggðir upp fleiri tugir kílómetrar af hjólastígum í Reykjavík. Það hefur skilað sér í meira en tvöföldun þeirra sem hjóla allt árið um kring og staðfestir að fólk vill hafa raunverulegt val um ólíka ferðamáta fyrir ólík erindi og mismunandi árstíma. En þá þurfum við líka að skipuleggja og byggja borgina út frá þeim markmiðum.

Samgöngusáttmáli höfuðborgarsvæðisins er svar við þessari áskorun, með uppbyggingu innviða fyrir alla ferðamáta. Við í Samfylkingunni leggjum höfuðáherslu á koma sáttmálanum í framkvæmd. Því í honum felst framtíðarsýn um greiðari, öruggari og betri samgöngur fyrir alla borgarbúa.

Höfundur skipar 8. sæti á lista Samfylkingarinnar fyrir borgarstjórnarkosningarnar laugardaginn 16. maí næstkomandi.

Samgönguverkfræðingurinn Daði Baldur Ottósson hjá Eflu varpaði upp merkilegum samanburði á milli norrænna borgarsvæða á ráðstefnu um samgöngur á höfuðborgarsvæðinu, Greiðari leið, sem haldin var á Hilton-hótelinu fyrir skemmstu.

Bílar eru frá­bærir, nema ef við þurfum öll að nota þá

Jafnaðarmenn og óháðir bjóða í notalegt fjölskyldugrill við íþróttahúsið á Ólafsfirði þann 14. maí klukkan 17:30-19:00

Boðið verður upp á grillmat og gott spjall í afslöppuðu og skemmtilegu andrúmslofti fyrir alla fjölskylduna.

Við hlökkum til að hitta sem flesta, spjalla saman og eiga góða stund!

Hann sagði einnig að uppsafnaður halli á kjörtímabilinu væri að lágmarki rúmir fimm milljarðar en þegar leiðrétt væri fyrir sölu á byggingarrétti þá væri uppsafnaður halli raunverulega tæpir 10 milljarðar. Sjálfstæðisflokkur og Framsókn beittu því töframætti skapandi reikningsskila af fullum þunga að hans mati. Svo mörg voru þau orð. Þess vegna kom það nokkuð á óvart að sami maður tilkynnti það í gær að hann hefði ákveðið að kjósa Sjálfstæðisflokkinn með sérstakri vísan til ábyrgrar fjármálastjórnunar. Hér birtist okkur alveg ný tegund af stefnufestu, sem jafnvel gleggstu menn gætu átt erfitt með að skilja til fulls. 

Það er hins vegar hægt að taka undir flest sem Oddviti Viðreisnar hefur sagt um fjármálastjórn meirihluta Framsóknar- og Sjálfstæðisflokks á kjörtímabilinu þar til tónninn breyttist nú undir lok kjörtímabilsins af einhverjum ástæðum. Fyrri orð oddvitans eiga nefnilega jafn vel við í dag og fyrir ári síðan. 

Rekstrarniðurstaðan dapurleg fyrir meirihluta Framsóknar- og Sjálfstæðisflokks 

Rekstur bæjarins er ekki sjálfbær og það staðfestir ársreikningur fyrir árið 2025. Bærinn er rekinn með umtalsverðum halla því sameiginlegar tekjur bæjarins standa ekki undir hefðbundnum rekstrarútgjöldum. A-hluti bæjarsjóðs er rekinn með tæplega 1,2 milljarða halla þrátt fyrir að tekjur af útsvari og fasteignaskatti séu tæpum 1,5 milljarði hærri en áætlanir gerðu ráð fyrir. Fyrir meirihluta Framsóknar- og Sjálfstæðisflokks, sem hefur stært sig af traustri fjármálastjórn, er það dapurleg niðurstaða en staðfestir viðvörunarorð Samfylkingarinnar allt kjörtímabilið. 

Skuldir hækkað um 24 milljarða á fjórum árum

Til þess að mæta þessari stöðu og brúa bilið eru ný lán tekin og skuldir bæjarins hækka verulega á milli ára, raunar hvergi meira á höfuðborgarsvæðinu. Heildarskuldir og skuldbindingar Hafnarfjarðarbæjar hafa hækkað úr rúmum 46 milljörðum króna í tæpa 68 milljarða á síðustu fjórum árum. Skuldir bæjarins hafa því hækkað um heila 24 milljarða króna á þeim tíma og skuldir á hvern íbúa vaxið úr rúmlega 1,5 milljón í rúmar 2 milljónir á kjörtímabilinu og eru þær hæstu á höfuðborgarsvæðinu. Það er áfellisdómur yfir fjármálastjórn Framsóknar- og Sjálfstæðisflokks.

Veltufé frá rekstri langt undir viðmiðum og einskiptistekjur klikka 

Allar helstu lykiltölur ársreikningsins tala sínu máli. Veltufé frá rekstri á síðasta ári stendur ekki undir nema um 30% af afborgunum lána. Þessi staða hringir viðvörunarbjöllum og verður að taka föstum tökum.

Skýringar fulltrúa Framsóknar- og Sjálfstæðisflokks á versnandi stöðu valda einnig áhyggjum. Þeir segja eina meginástæðuna fyrir verri afkomu þá að ekki hafi tekist að selja nægilega margar lóðir á nógu háu verði eins og áformað var. Áætlanagerð sem byggir á einskiptistekjum er ekki skynsamleg og jafnaðarmenn hafa varað við henni. 

Stórar skuldbindingar utan efnahagsreiknings

Meirihluti Framsóknar- og Sjálfstæðisflokks setur líka kíkinn fyrir blinda augað því hann kýs að líta algjörlega framhjá þeirri staðreynd að stórar skuldbindingar upp á milljarða króna standa utan efnahagsreiknings og hafa því ekki áhrif á niðurstöðu ársreiknings en munu sannarlega hafa fjárhagsleg áhrif á rekstur og framkvæmdagetu bæjarins til framtíðar. Hér er um að ræða skuldbindingar vegna nýbyggingar Tækniskóla Íslands í Hafnarfirði, en þar ber bærinn fjárhagslega ábyrgð á útvegun byggingarhæfrar lóðar og með stofnframlagi í verkefnið og aðeins lítill hluti þeirrar skuldbindingar upp á um 5 milljarða hefur verið inntur af hendi. 

Afleiðingar frjálshyggjuævintýris Framsóknar- og Sjálfstæðisflokks bíða úrlausnar nýrrar bæjarstjórnar

Þá verður ekki litið framhjá því að nýrrar bæjarstjórnar bíður að leysa úr stórkostlegum rekstrarmistökum Framsóknar- og Sjálfstæðisflokks frá síðustu aldamótum. Þar er um að ræða frjálshyggjutilraun flokkanna sem fólst í því að fá einkaaðila til að byggja og eiga skólahúsnæði í bænum og leigja þau af þeim. Á leigutímanum hafa himinháar fjárhæðir verið greiddar í leigu til einkaaðila en nú er komið að skuldadögum þar sem leigutímanum er að ljúka í Áslandsskóla og leikskólunum Tjarnarási og Hörðuvöllum og samningaviðræður við eiganda mannvirkjanna hafa ekki leitt til niðurstöðu. Ljóst er að það bíður nýrrar bæjarstjórnar að leysa úr þessum erfiða hnút og greiða úr afleiðingum einkaframkvæmdarævintýris og frjálshyggjutilraunar Framsóknar- og Sjálfstæðisflokksins frá síðustu aldamótum. 

Raunsæi og hreinskilni í stað innihaldslausrar glansmyndar 

Fyrir liggur að ný bæjarstjórn mun fá í fangið mörg þung og erfið mál þar sem núverandi meirihluta hafa verið mislagðar hendur. Tryggja verður fjárhagslegan stöðugleika, skapa framtíðarsýn og festu í rekstrinum á sama tíma og farið er í nauðsynleg og aðkallandi uppbyggingarverkefni. Samfylkingin er tilbúin til þess að leiða það verkefni á næsta kjörtímabili. Kjósendur geta treyst því að við munum ekki beita töframætti skapandi reikningsskila í fjármálum bæjarins. Við munum ekki bera á borð glansmynd án innihalds þegar við ræðum fjárhagsuppgjör bæjarins. Við ætlum að nálgast þessi mál af raunsæi og hreinskilni gagnvart bæjarbúum um leið og við tökum á rekstrinum af festu og ábyrgð. Eina raunhæfa leiðin til þess að tryggja breytingar í rekstri Hafnarfjarðar á næsta kjörtímabili er að kjósa Samfylkinguna í kosningunum á laugardaginn. 

 Höfundur er bæjarfulltrúi og skipar 3. sætið á lista Samfylkingarinnar í Hafnarfirði.

Við afgreiðslu ársreiknings fyrir árið 2024 sagði oddviti Viðreisnar í Hafnarfirði að það væri þriðja árið í röð sem meirihluti Framsóknar- og Sjálfstæðisflokks skilaði bænum í halla.

Töfra­máttur skapandi reiknings­skila hjá meirihluta Framsóknar- og Sjálf­stæðis­flokks í Hafnar­firði

Kosningakaffi Samfylkingarinnar
og annars félagshyggjufólks í Fjarðabyggð

Neskaupstaður, Safnaðarheimilið frá kl. 12-16
Eskifjörður, Eskifjarðarskóla frá kl. 12-16
Reyðarfjörður, Kaffi Cosy frá kl. 14-16
Stöðvarfjörður, Kaffibrennslan Kvörn frá kl. 13-15

Með því brúum við endanlega bilið fyrir foreldra og tryggjum börnum jafnan rétt til skólavistar á fyrsta skólastiginu. Við leggjum mikla áherslu á að létta barnafólki lífið, þau bera oft þyngstu byrðarnar, eru að koma sér upp heimili og börnunum í gegnum skóla, til dæmis með því að setja þak á leikskólagjöld og taka upp 100% systkinaafslátt.

Framtíðarlausn í stað plástra
Lögfestingu leiksólastigins þarf að fylgja að betur verði hlúð að faglega starfinu á leikskólunum, starfsaðstæðum kennara og annars starfsfólks. Með þessari breytingu fá leikskólarnir „loksins þann sess sem þeir eiga skilið og innspýtingu fjármagns með aðkomu ríkisins,“ einsog forsætisráðherra orðaði það svo vel í ræði sinni í Iðnó á 1. maí.

Samfélag jafnra tækfæra á að setja markið hátt og hugsa stórt þegar kemur að menntun og umönnun. Þar jöfnum við leikinn óháð aðstæðum og efnahag. Tryggjum öllum sama rétt og sama aðgengi.

Á meðan boða andstæðingar okkar úreltar hugmyndir, plástra á sárin með hvötum fyrir konur til að vera heima og að leikskólum geti í sumum tilfellum ráðist af því hvort foreldrarnir vinni hjá stórfyrirtæki eða ekki, líkt og hægri flokkarnir í borginni boða núna.

Bætum kjör og aðstæður starfsfólks
Sjálf hef ég unnið á leikskóla og veit af eigin raun að það er bæði krefjandi starf og gefandi. Hinsvegar er það fullkomlega óásættanlegt að starfsfólki þeirra, faglærðu og ófaglærðu séu ekki tryggð mannsæmandi kjör og góðar vinnuaðstæður.

Átakið sem við jafnaðarfólk boðum í leikskólamálum snýr annarsvegar að því að lögfesta réttinn til leikskóla, setja þak á leikskólagjöld og taka upp 100% systkinaafslátt, og hinsvegar að bæta kjör og aðstæður starfsfólks leikskóla.

Á næsta kjörtímabili þarf að lækka kostnað barnafólks, tryggja aðgang að leikskólum frá 1 árs aldri og gera dvalartímann sveigjanlegri með meiri fyrirsjánleika. Þetta eru háleit og stór markmið sem nást ekki nema að við stöndum saman að þeim, setjum markið hátt og hugsum stórt. Þannig jöfnum við leikinn í samfélaginu.

Elísabet Björgvinsdóttir
4. sæti á lista Samfylkingarinnar og óháðra í Árborg

Eitt af stefnumálum Samfylkingarinnar er að lögfesta leikskólastigið og rétt til leikskólavistar að loknu fæðingarorlofi í samstarfi ríkis og sveitarfélaga.

Mitt nærsamfélag heitir Garðabær og þar er ágætt að búa. Frá mínu heimili er stutt í leikskóla og matvöruverslun og öll almenn þjónusta yfirleitt innan seilingar. En það er ekki þar með sagt að allt sé eins og best verður á kosið.

Sem Garðbæingur ætti maður ekki að þurfa að fara í nágrannasveitarfélögin til að komast á tónleika eða aðra menningarviðburði. En þannig er það samt aðeins og oft. Vissulega er ástandið mun betra en það var. Hér er rekið flott Hönnunarsafn og Jazzþorpið er frábært. Svo eru minni viðburðir og tónleikar af og til. En það væri hægt að gera svo miklu meira.

Í Garðabæ skortir einfaldlega grunninnviði fyrir menningarlíf. Hér er hvorki alvöru tónleikasalur né menningarhús og menningarstefna bæjarins er bæði gömul og úrelt. Reyndar á nú loksins að stækka okkar ágæta Tónlistarskóla en börnin sem lentu á biðlistum síðustu ára hafa nú þegar misst af lestinni.

Við í Samfylkingunni viljum breyta þessu. Við viljum byggja menningarhús þar sem íbúar geta bæði notið og skapað. Menning á ekki að vera munaður heldur er hún nauðsynlegur þáttur í því að byggja upp lifandi samfélag.

Ef betur er að gáð er ljóst að Garðabær hefur allt of lengi setið í farþegasætinu þegar kemur að menningarmálum og látið nágrannabæina ráða för. Við sitjum einfaldlega hjá á meðan aðrir byggja upp innviði og skapa mannlíf. Því miður á þetta ekki bara við um menninguna.

Til eru dæmi um að fólk hafi þurft að flytja til annarra bæjarfélaga vegna þess að það fékk ekki þá félagslegu þjónustu í Garðabæ sem það þurfti á að halda og á rétt á, samkvæmt lögum. Það er grafalvarlegur vitnisburður um hina værukæru bæjarstjórn sem hefur haft áratugi til að byggja upp þjónustu og innviði. Nokkrar skóflustungur korter í kosningar breyta ekki miklu.

Nú er kominn tími á breytingar. Bæjarstjórn Sjálfstæðisflokksins er mjög einsleitur hópur sem endurspeglar alls ekki hið fjölbreytta og skemmtilega samfélag sem Garðabær er í dag. Við skulum því hleypa þeim í kærkomið frí.

Samfylkingin er öflugur jafnaðarmannaflokkur sem lætur verkin tala. Veljum jöfnuð, kjark og framfarir fyrir Garðabæ.

Höfundur er menningarstjórnandi og óperusöngvari og skipar 8. sæti á lista Samfylkingarinnar í Garðabæ.

Nú styttist í sveitarstjórnarkosningar og þá gefst okkur tækifæri til að hafa raunveruleg áhrif á nærsamfélagið okkar. 

Hleypum þeim værukæru í kær­komið frí

Flestir sem þangað koma keyra nokkra hringi á torginu í leit að bílastæði klára sín erindi og fara svo aftur. Til að fólk sæki í miðbæinn til að dvelja og njóta þarf í bland við þjónustufyritæki og stofnanir að vera menningarstarfsemi, listasöfn, útisvæði og rými fyrir samveru. Á góðviðrisdögum þarf að vera hægt að setjast niður og njóta, leyfa krökkunum að hlaupa aðeins um án þess að þurfa stöðugt að hafa áhyggjur af bílaumferð. Þar á að vera rými til að vera með uppákomur og bæjarhátíðir bæði utanhúss og innan.

Svona miðbæ er hægt að skapa í Garðabæ en til þess þarf að útvíkka miðbæjarsvæðið, hugsa stórt en framkvæma af skynsemi. Hvernig mætti hugsa sér að þetta liti út?

Hús lista, menningar og opinberrar þjónustu

Fyrirtækin Veritas, Distica og Vistor hafa verið að leita að lóð sem hentar betur undir starfsemi fyrirtækjanna. Æskilegast væri ef Garðabær gæti boðið fyrirtækjunum slíka lóð til að missa ekki þessi öflugu fyrirtæki úr bæjarfélaginu. Við það myndu opnast möguleikar á að nýta núverandi húsnæði og lóð fyrirtækjanna við skipulag og uppbyggingu miðbæjarins. Húsnæðið er fjölbreytt og bíður uppá mikla möguleika með stórum rýmum og góðum gluggum Þar mætti hýsa ýmsa starfsemi á vegum bæjarins s.s. bæjarskrifstofur og bókasafn. Einnig væri þar kjörinn staður fyrir nýsköpunar- og menningarhús og ýmiss konar menningarstarfsemi. Þessi lóð gefur einnig möguleika á að leysa bílastæðaþörf miöbæjarsvæðisins án þess að ganga á græna svæðið. Fyrir utan húsið er stórt grænt svæði sem bíður uppá fjölda möguleika þar mætti t.d. hugsa sér skrúð og listigarð sem yrði sannkölluð vin í miðbænum.

Garðatorgið er í dag eingöngu nýtt sem bílastæði. Með því að leysa bílastæðaþörfina á annan hátt skapast möguleikar til fjölbreyttari nýtingar á torginu. Þar gæti verið lifandi borgartorg með uppákomum og útiveitingum. Nýting torgsins gæti verið mismunandi eftir árstíðum.

Tengja þarf saman stærra svæði til að útvíkka og efla miðbæinn. Hugsa má sér sögustíga sem tengja Hofstaði, minningarreitinn, Vídalínskirkju og aðra merka staði í nágrenninu við miðbæinn. Góðar tengingar yfir Vífilstaðaveg myndu gera skólann, sundlaugina, íþróttasvæðin og stoppustöð almenningssamgagnana hluta af miðbænum, miðbæjarlífinu og miðbæjarstemmingunni.

Mikilvægt er að skipuleggja svæðið í heild og hugsa til langs tíma. Þá geta rúmast innan þessa skipulags framkvæmdir og fjárfestingar sem hvort sem er yrði farið í. Í ofangreindum hugmyndum má ná uppí kostnað með því að flytja ýmsa starfsemi á vegum bæjarins s.s. bókasafni, bæjarskrifstofum Í Veritas húsið og selja þær eignir.

Byggjum mannvænan, lifandi miðbæ. Hugsum stórt framkvæmum af skynsemi.


Höfundur skipar 4. sæti á lista Samfylkingarinnar fyrir sveitarstjórnarkosningar í vor.

Miðbær Garðabæjar þjónar í dag fyrst og fremst því hlutverki að vera staður þar sem íbúar geta sótt ýmiss konar þjónustu. Sem slíkur þjónar miðbærinn hlutverki sínu ágætlega.

Gerum mið­bæ Garða­bæjar iðandi af lífi og menningu

Þá verður það að formsatriði en ekki raunverulegu samtali.

Margir þekkja tilfinninguna að fá að tjá sig þegar ákvörðunin er í raun þegar tekin. Það er ekki samráð. Virkt samráð snýst um að hlusta og leyfa sjónarmiðum að hafa áhrif. Íbúar þekkja sitt nærumhverfi best og hafa dýrmæta þekkingu á því hvað virkar. 

Í fræðunum er oft talað um að lýðræði sé ekki bara kosningar heldur þátttaka. Það byggir á því að fólk taki virkan þátt í mótun samfélagsins og hafi raunveruleg áhrif á ákvarðanir sem snerta það. Það gerist ekki að sjálfum sér því að lýðræði þarf að rækta. Það þarf að æfa það, það þarf að gera ráð fyrir því í daglegum vinnubrögðum.

Í Fjarðabyggð, með sína ólíku byggðarkjarna, er þetta sérstaklega mikilvægt. Án samtals skapast óánægja og vantraust en með þátttöku eykst skilningur og samheldni. Það felur í sér betri upplýsingagjöf, reglulega íbúafundi og aðgengilegar leiðir til áhrifa, bæði stafrænt og á staðnum. Einnig að færa ákvarðanir nær fólkinu. Raunverulegt samráð þýðir líka að hlusta á starfsfólk á gólfinu. Án þess missum við mikilvæga sýn á hvað virkar og hætta er á að ákvarðanir nái ekki markmiðum sínum og traust rofni.

Eitt skýrasta dæmið um þetta eru breytingar á fræðslumálum í Fjarðabyggð. Þar sem ákvarðanir voru teknar án nægs samráðs við starfsfólk, foreldra og skólasamfélagið allt. Ég tók sjálf afstöðu gegn þessum breytingum eins og fór ekki framhjá neinum. Ég gerði það vegna samráðsleysis og að ég tel ekki rétt að byrja á því að veikja faglegt stoðkerfi inni í skólunum. Ég hef ekki séð starfsfólk í leik- og grunnskólum sveitarfélagsins sitja aðgerðalaust. Þvert á móti er þetta fólk lykillinn að daglegu starfi skólanna og mikilvægt fyrir bæði börn og starfsfólk. 

Málið sýndi líka hversu mikilvægt gagnsæi og raunverulegt samráð eru. Þegar stórar ákvarðanir eru teknar án þess að fólk upplifi að á það sé hlustað skapast óánægja og vantraust. Það er lærdómur sem við verðum að taka með okkur áfram, ekki bara í fræðslumálum heldur í stjórnsýslu sveitarfélagsins almennt. 

Heimastjórnir eru lykilþáttur í þessari uppbyggingu. Með því að koma á heimastjórnum í öllum byggðarkjörnum, skipuðum fulltrúum íbúa og sveitarfélagsins, skapast vettvangur til að ræða málefni nærsamfélagsins, móta forgangsröðun og hafa raunveruleg áhrif á ákvarðanir. Með heimastjórnum færast ákvarðanir nær fólkinu, þekking á staðbundnum þörfum nýtist betur og traust og samráð milli íbúa og stjórnvalda styrkist. Þetta er sérstaklega mikilvægt í sveitarfélagi eins og Fjarðabyggð þar sem aðstæður og þarfir eru ólíkar milli byggðarkjarna. 

En það krefst líka hugarfarsbreytingar. Að við sem tökum þátt í stjórnmálum séum tilbúin að hlusta, líka þegar það er óþægilegt. Vera tilbúin að breyta um stefnu ef íbúar benda á betri leið.

Samráð er ekki veikleiki. Það er styrkur.

Við trúum því að sterkasta samfélagið sé það þar sem fólk upplifir að það hafi áhrif, þar sem ákvarðanir eru teknar með fólki en ekki bara fyrir það.

Þannig byggjum við Fjarðabyggð með fólkinu.

Höfundur, Helga Hjördís Seljan, er í 2. sæti á lista Samfylkingarinnar og annars félagshyggjufólks í Fjarðabyggð.

Það er oft talað um samráð við íbúa. En of oft er það þannig að samráðið kemur of seint eða hefur lítil áhrif á þær ákvarðanir sem teknar eru. 

Frambjóðendur Samfylkingar, Viðreisnar og óháðra ætla að hitta og spjalla við kjósendur sem vilja koma í bjór og ræða við okkur um bæinn okkar á Rauða ljóninu.

Spjall við frambjóðendur á Seltjarnarnesi

Nú í maí 2026 er áætlað að íbúar séu orðnir rúmlega 4.300. Slík fjölgun á svo stuttum tíma er öllum sveitarfélögum talsverð áskorun. Þegar svo hraður vöxtur á sér stað þarf sveitarfélagið að byggja upp innviði, styrkja þjónustu og fjárfesta í framtíðinni. Það kostar mikla fjármuni og krefst ábyrgðar í rekstri.

Á kjörtímabilinu hefur verið ráðist í umfangsmiklar framkvæmdir og fjárfestingar. Árin 2022 og 2023 var fjárfest í A og B hluta fyrir rúmar 1.215 milljónir. Árin 2024 og 2025 var fjárfest í A og B hluta fyrir tæpar 1.387 milljónir. Slíkar framkvæmdir, stórar sem smáar, eru nauðsynlegar í samfélagi sem vex jafn hratt og Suðurnesjabær. Margar fjárfestingar kjörtímabilsins munu nýtast íbúum sveitarfélagsins til langrar framtíðar.

Þrátt fyrir þessa miklu uppbyggingu hefur skuldastaða sveitarfélagsins batnað með hverju árinu. Samkvæmt fjárhagslegum viðmiðum sveitarfélaga má skuldahlutfall hæst vera 150% af reglulegum tekjum. Í Suðurnesjabæ var skuldahlutfall A-hluta aðeins 36,28% árið 2025 og 52,28% fyrir samstæðu A- og B-hluta. Þetta sýnir að sveitarfélagið stendur betur í fjárhagslegu tilliti heldur en mörg önnur sveitarfélög á landinu.

Rekstur bæjarins hefur styrkst verulega á síðari hluta kjörtímabilsins. Árin 2022 og 2023 var samanlagt rekstrartap á A og B hluta bæjarsjóðs rúmar 73 milljónir króna, niðurstaðan var neikvæð bæði árin. Árið 2024 hafði staðan snúist við í rúmlega 376 milljóna króna rekstrarafgang og árið 2025 var afgangurinn rúmar 401 milljónir króna, samtals 777 milljónir króna.

Lausafjárstaðan hefur einnig verið góð. Veltufjárhlutfall A-hluta var 1,80 árið 2025 sem telst mjög fín staða og sýnir að sveitarfélagið hefur gott svigrúm til að standa við skuldbindingar sínar og mæta óvæntum verkefnum.

Fjárfestingaáætlun A og B hluta fyrir árið 2026 hljóðar upp á rúmar 782 milljónir króna. Verkefnin eru af ýmsum toga, til dæmis:

-Malbikun bílastæða og bætt ásýnd við Sandgerðiskirkju

-Malbikun á bílastæði við golfskála Golfklúbbs Sandgerðis

-Skólasel og félagsmiðstöð Sandgerðisskóla flutt í húsnæði Sólborgar

-Nýtt gervigras lagt á sparkvelli grunnskólanna

-Umhverfi og ásýnd Reynisvallar bætt, m.a. með malbikun og nýrri girðingu

-Frekari uppbygging Klappa- og Teigahverfis

-Göngu- og hjólreiðastígar frá Sandgerði og Garði til Reykjanesbæjar og flugstöðvar

-Eftirlitsmyndavélar við innkomu í sveitarfélagið

Við í S-listanum, sem höfum setið í meirihluta ásamt O og D lista síðastliðin 2 ár, teljum okkur skila góðu búi til þeirra sem nú taka við. Ný bæjarstjórn hefur frábært tækifæri til að móta glæsta framtíð sveitarfélagsins. Ég óska öllum kjörnum fulltrúum velfarnaðar við sín störf á komandi kjörtímabili og að leiðarljós þeirra verði samvinna og sátt.   

Formaður bæjarráðs Suðurnesjabæjar.

Á því kjörtímabili sem nú er að líða undir lok hefur Suðurnesjabær vaxið með miklum hraða. Frá 1. janúar 2022 til 1. janúar 2026 fjölgaði íbúum úr 3.648 í 4.232, eða um rúmlega 16%.

Við erum í góðri stöðu til að gera meira

Leit um „��"

3426 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3426 niðurstöður fundust við leit að „���������������������������������������������������"