Samfélagsmiðlar

Kosningastefna Samfylkingarinnar á Akranesi 2026-2030

Oddviti Samfylkingarinnar á Akranesi

Sigurður Vopin Vatnsdal

Bæjarfulltrúi Samfylkingarinnar á Akranesi

Jónína M. Sigmundsdóttir

Varabæjarfulltrúi Samfylkingarinnar á Akranesi

Kristinn Hallur Sveinsson

Anna Sólveig Smáradóttir

Bæjarfulltrúar

Formaður Samfylkingarfélagsins á Akranesi

Stillholt 16 - 18

Félagsheimili Samfylkingarinnar á Akranesi

Við í Samfylkingunni 60+ Hafnarfirði verðum með kaffispjall á fimmtudaginn 21. maí klukkan 10:00-11:30.

Gestir okkar verða Hildur Rós Guðbjargardóttir og Árni Rúnar Þorvaldsson bæjarfulltrúar okkar.

Við hlökkum til að sjá ykkur á Strandgötu 43.
Öll hjartanlega velkomin!

Börn með sérþarfir eru um 14,5% barna í Reykjanesbæ og því ljóst að þjónustuálag sveitarfélagsins er verulega meira en víða annars staðar á landinu. Þörfin fyrir þjónustu hefur aukist hratt á undanförnum árum og kallar það á markviss viðbrögð.

Þjónusta við fötluð börn er mikilvæg lögbundin þjónusta sem Reykjanesbær sinnir með öflugu og lausnamiðuðu fagfólki. Á síðustu árum hefur markvisst verið unnið að því að efla þjónustuna enn frekar, enda skiptir hún sköpum fyrir bæði börnin sjálf og fjölskyldur þeirra.

Má þar meðal annars nefna hópastarf fyrir fötluð börn sem hófst árið 2025. Þar hittast börn með sérþarfir undir leiðsögn starfsfólks, sinna áhugamálum sínum, kynnast öðrum börnum og efla félags- og lífsleikni í öruggu umhverfi. Hópastarfið hefur skilað mikilvægum árangri, biðlisti eftir liðveislu hefur tæmst og fleiri börn fengið þjónustu sem hæfir þörfum þeirra.

Þrátt fyrir það er skammtímavistun fyrir fötluð börn enn undir miklu álagi og biðlistar allt of langir. Fyrir vikið fá fjölmörg börn ekki þá þjónustu sem þau eiga skilið. Nú þegar er unnið að úrbótum, en ljóst er að áfram þarf að byggja upp öflugri úrræði til að mæta þörfum barnanna og fjölskyldna þeirra. Fyrst og fremst skiptir mig máli að þessi hópur fái raunverulegan stuðning við hæfi.

Markmið okkar er að opna Velferðarhús Reykjanesbæjar sem mun hýsa meðal annars skammtímavistun fyrir fötluð börn, eftirskólaúrræði, hópastarf og aðra þjónustu sem þarfir barnanna kalla á. Með því skapast tækifæri til að sameina mikilvæga þjónustu á einum stað, stytta biðlista og byggja upp sterkari stuðning við fjölskyldur í sveitarfélaginu.

Foreldrar og aðstandendur fatlaðra barna hafa lengi þurft að berjast fyrir þeirri þjónustu og þeim lífsgæðum sem ættu að vera sjálfsögð. Það hlýtur að vera sameiginlegt markmið okkar að tryggja að fötluð börn í samfélaginu fái þann stuðning og þau tækifæri sem þau eiga svo sannarlega rétt á.

Sigurrós Antonsdóttir,
frambjóðandi á lista Samfylkingarinnar í Reykjanesbæ.

Á undanförnum árum hefur gríðarleg fjölgun orðið á íbúum Reykjanesbæjar og eru börn þar ekki undanskilin, en alls búa 7,6% allra barna á landinu í sveitarfélaginu.

Velferðarhús Reykjanesbæjar – betri þjónusta fyrir fötluð börn

Framboð Samfylkingar, Viðreisnar og óháðra hlakkar til að taka á móti bæjarbúum í heitt kaffi og ljúffengt kruðerí á sjálfan kjördaginn!

Við verðum með opið hús laugardaginn 16. maí milli kl. 13:00 og 16:00 að Melabraut 30. Þetta er kjörinn staður til að koma saman, spjalla og njóta samveru á þessum spennandi degi.

Hlökkum til að sjá ykkur sem flest, verið hjartanlega velkomin!

Aðalfundur Samfylkingarinnar á Suðurlandi, verður haldinn fimmtudaginn 28. maí kl. 17 í sal Rauða krossins að Eyravegi 23 á Selfossi.

Á dagskrá eru venjuleg aðalfundarstörf og önnur mál.

Fastir liðir aðalfundar skulu vera:

Skýrsla stjórnar flutt og lögð fram til umræðu og samþykktar.

Reikningar félagsins lagðir fram til umræðu og samþykktar.

Skýrslur nefnda sem starfa á vegum félagsins.

Breytingar á samþykktum félagsins bornar upp til umræðu og samþykktar.

Kosning stjórnar, formanns og fjögurra aðalmanna og tveggja til vara.

Kosning þriggja manna í skoðunarnefnd, skv. lögum Samfykingarinnar

Aðalfundur hjá Samfylkingunni á Suðurlandi 

Mér heyrist formaður Sjálfstæðisflokksins vera kominn með hausinn út til Brussel, en við skulum hafa það algerlega á hreinu að það er í höndum þjóðarinnar, ekki okkar hér inni, að ákveða hvort farið verði í þá vegferð. Við skulum treysta þjóðinni til að svara þeirri spurningu og við fáum rétt svar, hvort sem það verður já eða nei.

Ísland er frábært land, en við vitum öll að það er margt sem má er hægt að gera betur. Við vitum líka að það er margt sem gekk ekki alveg nógu vel á síðustu árum, sem við erum að laga núna. Og um þetta snúast stóru málin á þessu löggjafarþingi. Að styrkja Ísland.

Við gerum það með nýrri samgönguáætlun, með innviðafélagi og stórauknum framlögum til viðhalds á vegum um allt land. Þetta er ekki sóun á fjármunum. Það er atvinnumál, byggðamál og öryggismál. Þetta er góð ráðstöfun á ríkisfé.

Við styrkjum Ísland með því að höggva á hnúta í orkumálum, ryðja burt hindrunum í málaflokki sem ræður einna mestu um verðmætasköpun, framleiðni og lífskjör hér á Íslandi til næstu áratuga.

Þess vegna einföldum við regluverk. Þess vegna gerðum við það sem þurfti að gera til að koma Hvammsvirkjun áfram, þess vegna eyddum við óvissunni í raforkumálum Norðausturlands og núna á Vestfjörðum líka. Um leið setjum við strangari reglur um vindorku, þó það nú væri. Það er löngu tímabært, og við lækkum raforkureikninginn í dreifbýli og á köldum svæðum. Þetta er jafnaðarmennska í orkumálum, og hún fer fullkomlega saman við kraftmikla náttúruvernd.

Allt tengist þetta svo líka atvinnustefnu ríkisstjórnarinnar: hún snýst um að hverfa frá hagvexti sem byggði á fjöldainnflutningi vinnuafls en beina frekar sjónum að háframleiðnigreinum vaxtarbroddum sem byggja á styrkleikum Íslands og geta staðið undir íslenskum kjörum og íslenskri velferð.

Við styrkjum Ísland með því að koma styrkri stjórn á útlendingamálin og tryggja öruggari landamæri. Við styrkjum Ísland með fjölgun lögreglumanna og fumlausum aðgerðum gegn skipulagðri glæpastarfsemi.

Þar stöndum við frammi fyrir verkefni sem kallar á stefnufestu og úthald.

Á einu og hálfu ári höfum við lækkað skuldir ríkisins um meira en 7% af vergri landsframleiðslu, við höfum fækkað ríkisstofnunum um 5% nú þegar og stefnum að 15% fækkun á kjörtímabilinu, við höfum hrint í framkvæmd umfangsmiklum hagræðingaraðgerðum, lánshæfismat ríkisins hefur hækkað og lánakjör batnað.

Það breytir því ekki að verðbólga er enn of mikil og vextir eru allt of háir, en einmitt þess vegna verðum við að halda kúrs. Þess vegna megum við aldrei láta undan kröfunum sem heyrast frá stjórnarandstöðunni hér í þessum sal um að horfið verði aftur til þeirrar efnahagsstefnu og þeirrar óstjórnar sem kom okkur í þessa stöðu til að byrja með.

Hvað gerðist hér á síðasta kjörtímabili þegar olíuverð rauk upp eftir innrás Rússlands í Úkraínu? Þá var almenningur látinn taka hækkanirnar á kassann. Og á sama tíma varla gerð minnsta tilraun til að beita ríkisfjármálum til sveiflujöfnunar. Verðbólga rauk upp í 10 prósent og stýrivextir upp í 9,25 prósent.

Núna blasir við allt önnur mynd og allt önnur nálgun. Þegar olíuverð hækkar vegna stríðsátaka við Hormuz-sund, þá lækkum við verðið á dælunni, og tryggjum með lögum að lækkunin skili sér til almennings. 

Og við hvikum hvergi frá stefnunni um hallalaus fjárlög árið 2027. Það er sú lækning sem hagkerfið okkar þarf, sem fyrirtækin og heimilin í landinu þurfa.

Meðalið er ábyrgur ríkisrekstur eftir áratug af lausatökum. Meðalið getur verið vont á bragðið á meðan við erum að taka það inn, það þrengir að og hagkerfið er að kólna, en þetta er forsenda þess að við náum nýju jafnvægi, að við sköpum forsendur til vaxtar og verðmætasköpunar, til þess einmitt að byggja sterkara velferðarþjóðfélag á Íslandi.

Við styrkjum Ísland með stórfelldri uppbyggingu hjúkrunarheimila. Þannig léttum við á bráðamóttöku og heilbrigðiskerfinu um land allt. Við hækkuðum frítekjumark og festum lífeyri við laun, við lögfestum samning Sameinuðu þjóðanna um réttindi fatlaðs fólks við erum að laga húsnæðismarkaðinn, hemja verðhækkanir, liðka fyrir uppbyggingu…

Þetta er bara brot af þeim stóru verkefnum sem ríkisstjórnin hefur fengist við hér heima. En við styrkjum líka Ísland með því að treysta þjóðinni og standa við gefin loforð um að haldin verði þjóðaratkvæðagreiðsla um mögulegt framhald viðræðna við Evrópusambandið. Við erum stolt af þeirri lýðræðislegu nálgun, og það kemur rétt svar. Sama hvort það verður já eða nei þá fáum við rétt svar og við skulum, í guðanna bænum, virða niðurstöðuna hvar í flokki sem við stöndum.

Forseti. Þegar við lítum yfir sviðið, þá blasir við að undir verkstjórn Kristrúnar Frostadóttur hefur tekist að blása nýju lífi í stjórnmálin og stjórnkerfið á Íslandi. Við höfum hrist rækilega upp í kerfinu til þess að það virki fyrir venjulegt fólk.

Þar sem áður var deyfð og doði er nú framtak og verkgleði. Þar sem áður voru lausatök og linkind, þar er nú stefnufesta og framtíðarsýn. Þar sem áður voru endalausir starfshópar og stýrihópar og skýrslur eru nú beinharðar aðgerðir, sem fólk sér og finnur fyrir.

Þetta skiptir máli fyrir Ísland. Þetta skiptir máli fyrir traust og tiltrú lýðræðisins í landinu. Og hvar sem fólk í flokki stendur þá hljótum við að geta fagnað þessu og unnið hér saman, þvert á flokka, að sterkara Íslandi fyrir okkur öll.

Virðulegi forseti, góðir landsmenn. Það er bjart úti, það er sumar í loftinu og margt sem gengur vel.

Önnur afleiðing er sú að ungt fólk býr lengur í foreldrahúsum og ég held að við þekkjum öll til fjölskyldna þar sem foreldrarnir eru aðstoða börn sín við að komast að heiman og það getur reynst erfitt. Og við því þarf að bregðast og þar hafa sveitarfélögin hlutverki að gegna.

Til þess að bregðast við þessari stöðu sem hefur versnað á síðustu árum þurfa sveitarfélögin að tryggja nægt framboð af lóðum fyrir fjölbreytta húsnæðisuppbyggingu. Hafnarfjörður eins og önnur sveitarfélög verður að stíga sterkt inn og skipuleggja lóðir í samræmi við þarfir ólíkra hópa. Það þarf frekari uppbyggingu hagkvæms húsnæðis sem fellur undir hlutdeildarlán svo að ungt fólki, tekjulægri einstaklingar og fjölskyldur hafi tækifæri til þess að komast inn í húsnæðismarkað sem fyrstu kaupendur. Þess þá heldur þarf að hafa fjölbreytt framboð húsnæðis til leigu hvort sem það er að skipuleggja lóðir til uppbyggingar fyrir stúdenta eða annarra félaga sem eru með óhagnaðardrifin sjónarmið að leiðarljósi. Því það skiptir öllu máli að sveitarfélög taki ábyrgð og skipuleggi uppbyggingu með hagkvæmt húsnæði í fyrirrúmi til þess að ná niður húsnæðisverði fyrir umrædda hópa samfélagsins og tryggja jafnframt húsnæðisöryggi.

Það sem helst áberandi í þessari sviðsmynd er að það er ungt fólk, einstaklingar og fjölskyldur í lægsta tekjuhópi sem eiga erfitt með að fóta sig á húsnæðismarkaði. Hátt leigu- og kaupverð gerir það nær ómögulegt fyrir umrædda hópa að öðlast húsnæðisöryggi þá er engu að skipta hvort um er að ræða húsnæði til leigu eða fyrstu kaupa. Afleiðingarnar eru þær að ungt fólk býr lengur í foreldrahúsum og tekjulægri einstaklingar og fjölskyldur sem ekki búa í eigin húsnæði eru iðulega á flutningum vegna stuttra leigusamninga.

Markvisst samstarf um óhagnaðardrifna uppbyggingu

Það hefur sýnt sig að raunhæfasta leiðin til þess að ná niður húsnæðisverði fyrir tekjulægri hópa samfélagsins er markviss uppbygging í samstarfi við óhagnaðardrifin félög. Þess vegna þarf að ráðast í kraftmikla og fjölbreytta húsnæðisuppbyggingu fyrir ungt fólk og fyrstu kaupendur, eldri íbúa, námsmenn og tekjulægri hópa í samfélaginu. Þetta getum við gert með því að fjölga íbúðum sem falla undir skilyrði hlutdeildarlána og með samstarfi við byggingarfélög eldri borgara, stúdenta og óhagnaðardrifin leigufélög á vegum verkalýðshreyfingarinnar.

Með þessum aðgerðum geta sveitarfélög tekið þátt í að minnka sveiflurnar á húsnæðismarkaði og skapað frekara húsnæðisöryggi fyrir íbúa sína. Samfylkingin ætlar að tryggja fjölbreytt framboð tryggja fjölbreytt framboð lóða til að stuðla að uppbyggingu húsnæðis fyrir ungt fólk og fyrstu kaupendur sem og til þess byggja upp öruggan leigumarkað.

Höfundur er bæjarfulltrúi og skipar 2. sætið á lista Samfylkingarinnar í Hafnarfirði.

Það sem einkennt hefur síðustu ár hér á landi eru miklar sveiflur á húsnæðismarkaði. Þessar sveiflur hafa leitt það af sér að hópur fólks hefur setið eftir vegna húsnæðiskostnaðar og búa því við lítið húsnæðisöryggi.

Byggjum upp í­búðir fyrir ungt fólk og fyrstu kaup­endur svo börnin geti flutt að heiman

Árið 2024 hækkuðu leikskólagjöld fyrir fulla vistun í Fjarðabyggð um rúmlega 50% og átti þessi hækkun sér stað á sama tíma og blekið þornaði á kjarasamningum þar sem sveitafélögin samþykktu að gjaldskrár skyldu ekki hækka umfram 3% á samningstímanum. Þessi aðgerð var ekki til þess fjármagna leikskólakerfið okkar heldur til þess að ‘hvetja’ (þvinga) foreldra í Fjarðabyggð til þess að nýta þjónustuna í minna magni. Það sem gerir þessa þróun varhugaverða er að hún snýst ekki aðeins um rekstur leikskóla, heldur líka um framtíð samfélagsins okkar. Þegar ungt fólk velur sér búsetu horfir það ekki eingöngu til húsnæðis eða atvinnu, heldur líka til þess hvort samfélagið styðji við fjölskyldulíf. Þar Skipta leikskólamál gríðarlegu máli. Sveitafélag sem gerir foreldrum erfitt fyrir að nýta leikskólaþjónustu er einfaldlega síður samkeppnishæft í baráttunni um að fá unga fólkið okkar aftur heim.

Raunin er sú að þegar leikskólagjöld hækka svona mikið verða afleiðingarnar ekki bara hærri reikningar. Fyrir margar fjölskyldur verður niðurstaðan sú að annað foreldrið dregur úr starfshlutfalli vegna þess að leikskólakostnaðurinn étur upp stóran hluta launanna. Fram kom í viðhorfskönnun AFLs að í öllum þeim tilvikum sem foreldrar minnkuðu við sig vinnu voru það konur sem gerðu það. Það hefur áhrif á tekjur heimilanna, starfsþróun og lífeyrisréttindi til framtíðar. Það er ekki jafnréttisstefna að verðleggja fjölskyldur út úr þjónustu sem á að gera fólki kleift að taka þátt á vinnumarkaði.

Sterkt leikskólakerfi á ekki að vera lúxus sem aðeins þeir tekjuhæstu hafa efni á að nýta sér til fulls. Það á að vera grunnþjónusta sem gerir fólki kleift að vinna, ala upp börn og byggja framtíð sína í sveitarfélaginu. Ef Fjarðabyggð ætlar að vera aðlaðandi valkostur fyrir ungt fólk þarf sveitarfélagið að fjárfesta í fjölskyldum og ekki verðleggja þær út úr kerfinu.

Höfundur skipar 6. sæti á lista Samfylkingarinnar og annars félagshyggjufólks í Fjarðabyggð.

Það er ekki nema gott að heyra af foreldrum sem upplifa öryggi og góða þjónustu í leikskólakerfi Fjarðabyggðar. Öll viljum við að börnin hafi öruggt pláss og að starfsmenn vinni við góðar aðstæður. Spurningin sem blasir nú við er einföld: hver borgar fyrir þetta öryggi?

Leikskóladvöl í Fjarðabyggð er lúxus

Undir stjórn Regínu var til að mynda ráðist í mikilvægar umbætur í þjónustu við eldra fólk í gegnum verkefnið Gott að eldast. Segja má að Mosfellsbær sé fyrirmynd fyrir önnur sveitarfélög að þessu leyti en í samvinnu við hjúkrunarheimilið Eir kom sveitarfélagið á laggirnar samþættri heimaþjónustu og heimahjúkrun sem efldi þjónustu og öryggi eldra fólks í Mosfellsbæ. Þá var ráðist í verkefnið Börnin okkar með fjölda aðgerða er varðar velferð barna.

Verkefnið Börnin okkar og stafræn umbreyting sveitafélagsins voru tilnefnd til nýsköpunarverðalauna í vor og var Regína sérstaklega tilnefnd fyrir forystu sína við stefnumótun og innleiðingu verkefnanna. Regína hefur einnig verið bæjarstjóri á Akranesi við góðan orðstír og sviðsstjóri velferðasviðs Reykjavíkurborgar.

Það er ekki sjálfgefið að fólk með jafn víðtæka reynslu sé í framboði til borgarstjórnar og það væri synd ef Reykvíkingar fengju ekki að njóta krafta Regínu. Hún þekkir rekstur sveitarfélaga frá fyrstu hendi og skilur að sveitarfélög eru samfélög þar sem jafnt aðgengi að góðri þjónustu við íbúa, óháð efnahag, uppruna og aldri, er lykilatriði.

Regína skipar 7. sæti Samfylkingarinnar og atkvæði þitt getur skipt sköpum. Ég hvet Reykvíkinga til að tryggja að kraftar Regínu nýtist í þágu borgarbúa og setja X við Samfylkinguna á laugardaginn.

 þingmaður Samfylkingar og heilbrigðisráðherra

Regína Ásvaldsdóttir skipar 7. sæti á lista Samfylkingarinnar í Reykjavík. Regína var nú síðast farsæll bæjarstjóri í Mosfellsbæ og náði þar framúrskarandi árangri í rekstri og þjónustu við bæjarbúa en ánægja íbúa Mosfellsbæjar mældist sú hæsta á landinu árið 2025.

Að nýta kosningaréttinn snýst um að velja fulltrúa sem maður treystir til að taka réttar ákvarðanir fyrir hönd allra bæjarbúa, þar með talið ungs fólks. Hvert framboð kynnir sín helstu mál og hvað það vill leggja áherslu á. Samfylkingin setur málefni ungs fólks í forgang hjá sér því þau málefniskipta sífellt meira máli.Viðviljum skapa samfélag þar sem þessi hópur getur vaxið, dafnað og orðið virkur þátttakandi bæjarins til lengri tíma.

Samfylkingin vill gera Kópavoginn að enn betri stað fyrir ungt fólk að búa á og hér eru 4 hlutir sem við viljum gera til að bæta aðstæður þeirra í Kópavoginum.

Í fyrsta lagi viljum við bæta samgöngur. Við erum fylgjandi Borgarlínu þar sem hún getur gert ferðalög þægilegri fyrir marga. Ekki aðeins þeirra sem munu nýta sér almenningssamgöngur heldur líka fyrir notendur einkabíls. Umferðin á Höfuðborgarsvæðinu er orðin of mikil og Borgarlínan er skynsamasta lausnin í þeim málaflokki.. Við viljum að ungt fólk geti nýtt betri samgangna og geti komið sér á milli staða með betri hætti.

Í öðru lagi ætlum við að snúa þeirri þróun við sem hefur skapast á húsnæðismarkaði. Við ætlum að bjóða upp á fjölbreytta valkosti í húsnæðismálum og greiða veginn fyrir óhagnaðardrifin leigufélög í Kópavogi . Staða húsnæðismála í Kópavogi sýnir ábyrgðarleysi gagnvart þeim sem þurfa hvað mest á stuðningi að halda, ungu fólki og lágtekjuhópum. Ný greining ASÍ og BSRB afhjúpar að Kópavogsbær er langt eftir á miðað við önnur bæjarfélög þegar kemur að uppbyggingu íbúða í almenna íbúðar kerfisins. Með svokallaðri „0-stefnu“ meirihlutans hefur Bjargi verið neitað um lóðir, auk þess er ekki að finna eina einustu námsmannaíbúð í Kópavoginum. Þegar húsnæðismarkaðurinn er í ójafnvægi á sveitarfélagið að byggja í takt við þarfir allra hópa, en ekki skilja ungt fólk og efnaminni íbúa eftir í kuldanum.

Í þriðja lagi ætlum við að lengja opnunartíma sundlauga. Hvað er betra en kvöldsund með vinum? Fara í körfu í lauginni og taka eina troðslu? Steikja sig í heita pottinum eða gufu og kæla sig í kalda pottinum? Tala um pólitík við eldri borgara? Rekast á fullt af fólki og vinum sem maður myndi annars ekki hitta? Sundlaugarnar á Íslandi er menningin okkar og styður við félagslíf og lýðheilsu okkar allra. Við viljum nýta þessa dýrmætu auðlind í Kópavoginum betur og hafa sundlaugarnar lengur opnar. Við ætlum að hafa báðar sundlaugar opnar á rauðum dögum og tryggja það að þú komist í sund án þess að vera rass í rass við næsta mann í klefanum. Miðnæturopnanir verða reglulegar og við bætum menningarlífið með viðburðum og skemmtunum í laugunum.

Í fjórða lagi viljum við stórefla menningar- og félagslíf barna og ungmenna í Kópavogi, með sérstakri áherslu á þau sem stunda ekki hefðbundnar íþróttir. Öflugt félagslíf er lykillinn að bættri geðheilsu og vellíðan. Til þess að hvert og eitt barn fái að blómstra þurfum við að bjóða upp á fjölbreyttari tækifæri á borð við rafíþróttir, listir og leiklist. Með því að efla menningarlíf og skapa nýja samkomustaði, til dæmis með því að gera enn betur við ungmennahúsið Molann, getum við spornað gegn félagslegri einangrun og þar með bætt geðheilsu ungs fólks. Við viljum skapa bæjarfélag þar sem öll ungmenni hafa aðgang að hvetjandi og félagslegu andrými sem styrkir félagsleg tengsl og styður við andlega heilsu þeirra til frambúðar.

Þess vegna viljum við hvetja ungt fólk til að kjósa, til að hafa áhrif á framtíðina og sitt nærumhverfi.

Höfundar skipa 10. og 11. sæti á lista Samfylkingarinnar í Kópavogi.

Kosningaþátttaka ungs fólks á Íslandi hefur farið minnkandi með árunum líka í sveitarstjórnarkosningum. Við ungt fólk í Samfylkingunni í Kópavogi lítum á þetta sem áhyggjuefni með hliðsjón af komandi sveitarstjórnarkosningum 16. maí næstkomandi.

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"