Fótbolta pub quiz með Pétri Marteinssyni á Nínu.

Pétur mætir á Nínu með brakandi ferskar spurningar & áður óheyrðar sögur

Frítt inn & frír bjór fyrir fyrstu þyrstu

Fimmtudagur 7. maí
Nína bar á Hverfisgötu
19:30

Glæsilegir vinningar! Ekki missa af þessu

Akureyringurinn og þingmaðurinn Sigmundur Ernir Rúnarsson kemur í heimsókn til okkar á miðvikudaginn. Sigmundur Ernir var alþingismaður Norðausturkjördæmis árin frá 2009 til 2013 og hefur setið á þingi sem þingmaður Reykjavíkurkjördæmis norður síðan 2024.

Sigmundur Ernir er Akureyringum að góðu kunnugur, ekki síst fyrir skrif sín, en hann hefur gefið út fjölda bóka; skrifað ævisögur og endurminningar og ljóðabækur.

Við ætlum að eiga notalega baðstofustund í kosningamiðstöðinni þar sem tilvalið er að koma með handavinnuna með sér og hlusta á ljóðalestur. Hægt verður að fá bómullargarn á staðnum sem er tilvalið í tuskuprjón.

S-listinn býður ungum sem öldnum að mæta á kosningaskrifstofu okkar við Austurmörk 23 kl. 17:00 og taka þátt í skemmtilegum gömlum dönsum.

Þeir Þorsteinn og Halldór Smárason sjá um tónlistina og spila fyrir dansi á píanó og harmonikku.

Komdu og njóttu góðrar stemningar, tónlistar og dans!

Síðar sjómennsku á togurum, loðnuskipi og handfæraveiðar. Meðfram háskólanámi stundaði ég sjómennsku, blaðamennsku, útvarpsþáttagerð, kennslu í eðlis- og efnafræði við Iðnskólann í Reykjavík, svo fátt eitt sé nefnt. Kennari í sömu greinum við Fjölbrautarskólann í Breiðholti til nokkurra ára. Eftir embættispróf í guðfræði var ég sóknarprestur á Höfn í Hornafirði, í Útskálaprestakalli í afleysingu og til síðustu 25 ára á Breiðabólstað í Fljótshlíð. Fyrsti varaþingmaður Samfylkingarinn fyrir Suðurkjördæmi 2003-2007. Vara- og aðalbæjarfulltrúi. Samfylkingarinnar og óháðra í Suðurnesjabæ 2022-2026.

Þegar ég lét af embætti í Rangárþingi þurfti ég að líta til beggja átta með framtíðarbúsetu í huga. Stór-Reykjavíkursvæðið kom ekki til greina og ég taldi Rangæinga vera búna að fá nóg af mér. Hins vegar leið mér afar vel hér á Reykjanesskaganum meðal þess góða fólks sem hér bjó þegar ég þjónaði Sandgerði og Garði og ákvað því að festa hér kaup á húsnæði til ævibúsetu. Eftir því hef ég ekki séð, sama góða fólkið á hverju strái sem áður, þjónusta við eldri borgara framúrskarandi og ekki skemmir fyrir að hafa einhverja bestu golfvelli landsins til beggja handa, nánast í göngufæri og einn alþjóðaflugvöll í túnfætinum. Reyjavík úr áreitisfjarlægð, en tekur örskots stund að renna þangað í áreitið ef nauðsyn krefur.

Suðurnesin eru sérstök perla á heimsvísu. Þau skarta ægifegurð náttúrunnar, ekki síst það svæði sem við byggjum. Strandlengjan með sínum fögru fjörum, hvítum, svörtum og sumum grýttum, gleðja mig ævinlega þegar ég rölti þær á mislygnum dögum. En kirkjustaðirnir tveir, Hvalsnes og Útskálar og umhverfi þeirra, eru í sérstöku dálæti, staðir sem hafa verið íbúum svæðisins helgir um aldir, þrungnir stórbrotinni sögu, sögnum og minningum, staðir þar sem íbúar, liðnir og lifandi hafa átt sínar hástundir lífsins, í sorg og í gleði. Reynir heitinn Sveinsson og Jóhanna Sigurjónsdóttir eiga ótæplegar þakkir skyldar fyrir öll þau handtök og umhyggju sem þau inntu af hendi til fegrunar Hvalsneskirkju og kirkjugarði. Og nú hefur bæjarfélagið lagt í umtalsverðar framkvæmdir í viðhaldi og endurnýjun gamla prestssetursins á Útskálum sem innan tíðar verður tilbúið til notkunar.

En þótt Suðurnesjabær sé til stakrar fyrirmyndar í þjónustu sinni við bæjarbúa og mannlíf allt hið besta, má lengi gott bæta. Hugmyndir mínar þar að lútandi snúa fyrst og fremst að jöfnuði í samfélginu, að öllum sé gert jafn hátt undir höfði til mennta, þjónustu og búsetu. Sífellt er leitað fanga um að bæta hag og þjónustu við börn og fjölskyldur þeirra, leiða er leitað til að lækka álögur á íbúa, koma betur til móts við þarfir eldri borgara, stuðla að atvinnuuppbyggingu og þar með auknum atvinnutækifærum fyrir íbúa.

Sem gefur að skilja slær hjarta mitt með ungviðinu og öllum þeim sem að umönnun þeirra koma. Málefni eldri borgara eru mér dýrmæt og hugleikin, enda einn af þeim ört vaxandi hópi. Hér í Suðurnesjabæ þarf að ganga frá formlegri og löglegri stofnun eldri borgara sem ásamt öldungaráði bæjarins getur verið bæjaryfirvöldum bæði ráðgefandi og veitt aðhald. Sem afi og eldri borgari mun ég í afskiptum mínum af stjórnun bæjarins halda trausta taki bæði um taum og keyri til að þoka málum til enn betri vegar, bættrar þjónustu og farsælla lífs og tilveru í Suðurnesjabæ, sem boðberi jafnaðar, framfara og farsælda.

Um dagana hef ég víða komið við, eins og títt er „um unga menn á öllum aldri“. Má þar nefna verkamannastörf á uppvaxtarárum, s.s. saltfiskverkun og beitingu.

Katrín - Félag ungs jafnaðarfólks í Kraganum býður í partý í tilefni sveitarstjórnarkosninga!

Veistu ekki hvað þú ætlar að kjósa? Eða veistu hvað þú ætlar að kjósa og langar í góðan félagsskap ungs jafnaðarfólks?
Komdu í partý miðvikudaginn 13. maí á Strandgötu 43 í Hafnarfirði og komdu í kosningagírinn með okkur

Öll velkomin og aldrei að vita nema nokkrir frambjóðendur (ungir sem aldnir) kíki við!

Frambjóðendur okkar (kk) verða með hvellheita kjötsúpu og kaldan í boði fram eftir kvöldi, tilbúnir að ræða stefnumál, fótboltasumarið, skipulagsmál eða hvað sem liggur ykkur á hjarta.

Karlar og kjötsúpa í kosningamiðstöð

Í framhaldinu fór ég að kanna hvað væri í boði fyrir okkur „gamla fólkið“ og þar kom ég ekki að tómum kofanum. Bærinn okkar,  Suðurnesjabær, er skilgreindur sem Heilsueflandi samfélag og hér getum við sem eldri erum sótt allskyns heilsueflandi tíma, allt frá sundleikfimi til jógadans, verið í bókaklúbbi í Bókasafninu og í Unuhúsi í Garði. Við getum sótt félagsstarfið í Auðarstofu og Miðhúsum og þar höfum við tækifæri á að fá keyptan mat.  Öll sú afþreying sem okkur stendur til boða kostar okkur ekkert nema það að mæta og eðlilega greiðum við lágmarksverð fyrir efnin sem við notum í föndri sem við vinnum að.

Við höfum fengið heilsugæslustöð og dagdvöl í sveitarfélagið okkar og þar er stutt við áframhaldandi sjálfstæða búsetu fólks með því að veita öruggt umhverfi og með þessu er leitast við að rjúfa félagslega einangrun fólks og um leið er einnig stuðlað að hreyfingu og virkni.

Á síðast liðnu ári var unnið að stefnu Suðurnesjabæjar í málefnum eldri  borgara, ásamt aðgerðaráætlun. Stefnunni er ætlað að vera leiðbeinandi við ákvaðanatöku og þróun þjónustu við eldri borgara á komandi árum. Bæjarstjórn Suðurnesjabæjar samþykkti samhljóða að staðfesta stefnuna og aðgerðaráætlunina þann 10. desember 2025. 

Yfirskrift stefnunnar er „Farsæl efri ár“ og þar er tekið á flestum þeim þáttum sem efla og bæta lífsgæði eldri borgara. Í stefnunni er meðal annars lögð áhersla á að tryggja að hér verði byggður lífsgæðakjarni með íbúðum fyrir 60 ára og eldri og hjúkrunarheimili. Þá er gert ráð fyrir að efla dagdvöl og félagsstarf og aðra þá starfssemi sem mun nýtast eldri borgurum í Suðurnesjabæ.

Samfylkingin og óháðir í Suðurnesjabæ hefur unnið ötullega að málefnum eldri borgara og mun gera það áfram. Við vinnum saman að þeim markmiðum sem við stefnum að og finnum þeim málum farveg sem við teljum skipta máli fyrir fólkið okkar og framtíð Suðurnesjabæjar.

Að lokum hvet alla eldri borgara í Suðurnesjabæ til að kíkja við á kosningamiðstöðinni okkar á Garðvangi á 1. maí, degi verkalýðsins, og 10. maí þegar við ætlum að fjalla um málefni eldri borgara með góðum veitingum.

frambjóðandi á lista Samfylkingar og óháðra í Suðurnesjabæ

Þegar ég horfði á myndirnar af fólkinu okkar í stólaleikfimi hjá henni Þurý og sá öll þessi brosandi andlit sem ánægjan skein af hugsaði ég „Það hlýtur að vera gott að búa í Suðurnesjabæ“.

„Láttu þig langa í það sem þú hefur“

Kosningastefna Samfylkingarinna á Seltjarnarnesi 2026 - 2030

1. Lögum fjármálin – Styrkjum samfélagið

Ábyrg fjármálastjórn er undirstaða sterks samfélags og betri þjónustu við íbúa á Seltjarnarnesi. Eitt mikilvægasta verkefni okkar er að tryggja að fjármunum bæjarins sé varið af framsýni og festu svo unnt sé að bjóða upp á öfluga innviði og betri lífsgæði til framtíðar. Grundvöllur þessa er samþætt nálgun þar sem fjárhagslegur stöðugleiki og fagleg stjórnun mætast til að stuðla að bæjarfélagsins.

Það blasir við að mæta þarf áskorunum vegna uppsafnaðs halla og vaxandi skuldsetningar síðasta áratugar. Skuldasöfnun bæjarins hefur dregið verulega úr getu til viðhalds og þróunar. Við ætlum að tryggja að reksturinn verði í jafnvægi með því að styrkja tekjugrunninn og hagræða án þess að skerða grunnþjónustu. Jafnframt þurfa öll innkaup og stór verkefni að vera unnin á forsendum fagmennsku og útboða til að hámarka nýtingu fjármuna og verja sameiginlegar eignir okkar til lengri tíma.

Við ætlum að laga fjármálin og styrkja samfélagið.

Hagræðum í rekstri bæjarins og verjum grunnþjónustu svo íbúar njóti áfram hágæða þjónustu þrátt fyrir auknar kröfur um hagkvæmni í stjórnsýslu.

Aukum gagnsæi og aðhald með reglulegri upplýsingagjöf og opnu bókhaldi svo íbúar hafi skýra innsýn í hvernig sameiginlegum fjármunum er ráðstafað.

Styrkjum tekjugrunn bæjarins til framtíðar með markvissri þróun á miðbæjarsvæðinu og fjölgum fyrirtækjum sem sjá hag sinn í að starfa á Nesinu.

Sinnum viðhaldi eigna bæjarins jafnt og þétt til að verja verðmæti og komum í veg fyrir dýrt viðhald.

Sækjum nýjar tekjur af ferðafólki á Seltjarnarnesi með því að bæta aðstöðu og stýringu við Gróttu.

Leggjum fram raunhæfar fjárhagsáætlanir, tekjur þurfa að standa undir útgjöldum. Tryggjum að ákvarðanir dagsins í dag, íþyngi ekki komandi kynslóðum.

Drögum markvisst úr skuldsetningu bæjarsjóðs. Þannig lækkum við vaxtakostnað og sköpum svigrúm fyrir nauðsynlegar innviðafjárfestingar.

Stýrum eignasafni bæjarins með faglegum hætti til að hámarka virði fasteigna og lausafjár. Tryggjum að allar eignir nýtist samfélaginu með sem bestum hætti.

Aukum innkaupamátt bæjarins með gagnsæjum útboðum og tryggjum að stórar framkvæmdir fari ávallt í opið útboðsferli þar sem gæði og hagkvæmni ráða för.

2. Öruggt og framsækið skólasamfélag 

Menntun og vellíðan barna er mikilvægasta fjárfesting Seltjarnarness. Skólarnir okkar eiga að vera í fremstu röð, státa af framúrskarandi fagfólki og fyrirmyndaraðstöðu sem skapar grunn að vexti og öryggi hvers barns. Heilnæmt starfsumhverfi sem íbúar og starfsfólk bæjarins geta treyst, fæst með því að forgangsraða viðhaldi og fylgja eftir skýrri framkvæmdaáætlun gegn myglu og vanhaldi.

Við leggjum áherslu á snemmtæka íhlutun og öfluga lágþröskuldaþjónustu, svo stuðningur við börn og foreldra berist hratt og örugglega þegar hans er þörf. Brúum bilið milli fæðingarorlofs og leikskóla, gætum hófs í gjaldtöku og léttum þannig álagi af barnafjölskyldum. 

Byggjum upp öruggt og framsækið skólaumhverfi. 

Brúum bilið milli fæðingarorlofs og leikskóla með kerfisbundinni inntöku barna í leikskóla tvisvar á ári, í september og janúar.

Flýtum endurbótum á skólalóðum í virku samráði við nemendur, starfsfólk og foreldra.

Ráðumst í heildstæðar endurbætur á skólahúsnæði með tímasettri og birtri framkvæmdaáætlun svo unnt sé að tryggja heilnæmt og öruggt umhverfi fyrir börn og starfsfólk.

Aukum umferðaröryggi barna, bætum leiðir þeirra til og frá skóla og tryggjum öryggi. Drögum úr umferðarhraða við leiðir til og frá skólum.

Bætum aðgengi að ráðgjöf og stuðningi með beinum boðleiðum til fagaðila sem stytta viðbragðstíma og efla farsæld barna og ungmenna.

Ljúkum byggingu leikskóla og mótum framtíðarsýn fyrir uppbyggingu og starfsemi Mánabrekku og Sólbrekku til að mæta þörfum framtíðar.

Stuðningur fylgi börnum í tómstundastarf svo öll börn fái jöfn tækifæri til að nýta hæfileika sína og sinna áhugamálum.

Eflum samstarf skóla og íþróttafélaga á Nesinu og samþættum þjónustu.

Styðjum við starfsþróun kennara og fagfólks svo að Seltjarnarnes sé ávallt í fremstu röð þegar kemur að faglegu skólastarfi.

Tryggjum rétt barna til vandaðrar sérkennslu og að sérhver nemandi fái nauðsynlegan stuðning og viðeigandi úrræði á sínum eigin forsendum.

Leggjum mat á nýtt leikskólamódel með árangur að leiðarljósi, þar sem hagsmunir barna, foreldra og starfsfólks eru settir í forgang.

Seinkum upphafi skóladags um 20 mínútur og endurvekjum morgunstund með hafragraut fyrir nemendur og foreldra, það minnkar streitu og stuðlar að rólegri skólabyrjun fyrir alla.

3. Öflugt íþrótta- og tómstundastarf fyrir alla

Íþrótta- og tómstundastarf er hjartað í uppvexti barna á Seltjarnarnesi, þar sem sjálfstraust og félagsleg tengsl verða til. Við ætlum að tryggja öllum jöfn tækifæri til þátttöku með því að efla samstarf við íþróttafélög og listaskóla, samhæfa sumarstarf og verja mikilvæga forvarnarstarfsemi. Með fyrirsjáanleika í fjármögnun og bættri aðstöðu sköpum við hvetjandi umhverfi þar sem öll börn geta blómstrað á sínum forsendum.

Markmið okkar er að fá heildarmynd á útgjöldum bæjarins þegar kemur að rekstri íþróttafélaga og mannvirkja. Við leggjum áherslu á að rjúfa einangrun og efla geðheilbrigði með því að styrkja félagsmiðstöðina. Seltjarnarnes á að vera fyrirmyndarsamfélag þar sem íþróttir, listir og tómstundir eru aðgengilegar öllum og fjárhagur foreldra stendur ekki í vegi fyrir virkni barna.

Öflugt og íþrótta-, lista- og tómstundastarf fyrir alla.

Hækkum frístundastyrk í takt við verðlagsþróun svo hann haldi verðgildi sínu og létti raunverulega undir með barnafjölskyldum á Nesinu.

Eflum starfsemi félagsmiðstöðvarinnar Selsins og ungmennahússins með bættri aðstöðu, öflugu fagstarfi og lengri opnunartíma. Tryggjum öllum ungmennum öruggt og hvetjandi athvarf.

Samhæfum allt sumarstarf bæjarins með heildstæðum hætti í samvinnu við íþróttafélög, listaskóla, stofnanir bæjarins og aðra hagaðila með skýru þaki á þátttökukostnað fyrir fjölskyldur.

Aukum fjölbreytni í framboði námskeiða fyrir 10–12 ára börn til að brúa bilið milli barna- og unglingastarfs og mætum þörfum þessa aldurshóps í Selinu.

Viðhöldum kvöldopnun í Sundlaug Seltjarnarness svo íbúar geti nýtt heilsueflandi þjónustu lengur.

Festum í sessi sérstakan tómstundastyrk fyrir börn af efnaminni heimilum til að jafna tækifæri og tryggja að öll börn geti tekið þátt í skipulögðu starfi óháð efnahag.

Eflum samstarf við sjálfstætt starfandi listaskóla þannig að vandað nám í dansi og leiklist geti áfram vaxið og dafnað.

Gerum langtímaáætlun um viðhald og uppbyggingu íþróttamannvirkja í samstarfi við íþróttafélögin með fyrirsjáanleika og örugga aðstöðu að leiðarljósi.

Uppfærum samninga við íþróttafélögin með hliðsjón af kröfum um sjálfbæran rekstur og öflugt barna- og unglingastarf í allri starfsemi.

Virkjum unga fólkið til þátttöku í stefnumótun og ákvörðunartöku með reglulegum fundum bæjarstjórnar með nemendaráði og ungmennaráði bæjarins.

4. Fjölbreytt menningarlíf og lifandi bæjarbragur

Við ætlum að gera Seltjarnarnes að hvetjandi menningarsamfélagi með lifandi bæjarbrag. Sameiginlegir samkomustaðir okkar þurfa að styðja betur við frumkvæði íbúa, efla listastarf og styrkja þar með sjálfsmynd bæjarins og tengslin okkar á milli.

Markmið okkar er að félagsheimilið og aðrir lykilstaðir bæjarins iði af lífi og verði miðstöð tónlistar, menningar og samfélagslegrar nýsköpunar. Við viljum endurvekja hátíðir sem tengja okkur saman og skapa menningarlíf á Seltjarnarnesi sem er aðgengilegt og hvetjandi fyrir allar kynslóðir.

Opnum félagsheimilið að nýju sem lifandi samkomustað með þátttöku íbúa þar sem menning og samfélagsstarf fær að blómstra.

Stofnum stafrænan samstarfsvettvang fyrir íbúa og félagasamtök til að efla samfélagslega þátttöku og styðja við nýsköpun í menningarstarfi.

Eflum menningarstarf með markvissum stuðningi við listafólk og tónlistarskóla, sköpum fleiri tækifæri fyrir íbúa til virkrar þátttöku.

Setjum markvissa stefnu um styrki til menningarmála sem styðja við fjölbreytni og auka lífsgæði og bæjarbrag.

Byggjum upp árlega viðburðadagskrá með fjölbreyttum hátíðum í nánu samstarfi við félagasamtök og bæjarbúa.

Eflum bókasafnið sem menningar- og samverustað sem styður við öflugt skólastarf bæjarins.

Virkjum kraftinn sem felst í opnun Náttúruminjasafns Íslands til að laða að menningartengda viðburði og auka aðdráttarafl Seltjarnarness.

Nýtum Eiðistorg betur fyrir mannlíf og viðburði svo torgið okkar verði lifandi hjarta samfélagsins.

5. Fyrirmyndarsamfélag í velferðarmálum

Seltjarnarnes á að vera fyrirmyndarsveitarfélag þar sem íbúar á öllum aldri lifa sjálfstæðu og innihaldsríku lífi í öruggu umhverfi. Við forgangsröðum samþættri þjónustu og fjölbreyttum húsnæðisformum svo fólk geti búið sem lengst á eigin heimili og „minnkað við sig“ innan Seltjarnarness þegar þarfir breytast. Rjúfum einangrun og tryggjum að þjónusta sé ávallt veitt á forsendum einstaklingsins.

Við ætlum að ráðast í aðgerðir sem snúa að heilbrigðri öldrun. Við viljum einfalda aðgengi að ráðgjöf og upplýsingum um réttindi eldri borgara og aðstandenda þeirra og úrræði og bjargir sem þeim standa til boða. Hér á að vera gott að eldast, það á að vera keppikefli að búa eldri borgurum góðar aðstæður í lífi og leik með þeim hætti að það létti álagi af aðstandendum.

Markmið okkar er að brjóta niður múra milli kerfa og tryggja heildstæða og tafarlausa þjónustu sem eykur lífsgæði allra íbúa. Með því að nýta tæknilausnir og efla félagslegt starf búum við til samfélag þar sem vellíðan og öryggi eru í fyrirrúmi á öllum lífsskeiðum.

Byggjum upp fyrirmyndarsamfélag í velferðarmálum.

Samþættum heimaþjónustu og heimahjúkrun með ríkri áherslu á endurhæfingu svo íbúar búi við öryggi og sjálfstæði á eigin heimili sem lengst.

Nýtum tæknilausnir og fjarlausnir til að auka sjálfstæði íbúa og tryggja skjótari viðbrögð og bætta þjónustu.

Tryggjum íbúðir fyrir eldri borgara í  allri nýbyggingu þannig að auðveldara sé að skipta um húsnæði og búa áfram á Nesinu.

Sköpum lífsgæðakjarna á Seltjarnarnesi í samstarfi við Félag eldri borgara sem verður lifandi miðpunktur fyrir heilsueflingu og samfélagslega virkni.

Vinnum markvissa áætlun um húsnæðisúrræði fyrir fatlað fólk þar sem þjónusta og búseta mæta ólíkum þörfum hvers og eins af virðingu.

Eflum hlutverk forvarnarfulltrúa og tengjum saman ólíka málaflokka. Bætum geðheilbrigði og hvetjum til aukinnar hreyfingar hjá öllum aldurshópum.

Brjótum niður múra milli sveitarfélagsins og ríkisins svo íbúar fái heildstæða þjónustu án óþarfa flækju og tafa.

Sjálfbær rekstur Seltjarnarnesbæjar til framtíðar byggir á því að nýta tækifærin í umhverfi okkar til að styrkja tekjustofna og draga úr skuldsetningu. Við viljum skapa líflegt og aðlaðandi bæjarfélag þar sem skynsamlegt skipulag og fjölbreytt mannlíf haldast í hendur við sterka grunnþjónustu. Með því að þróa miðbæjarsvæðið og fjölga íbúum í sátt við samfélagið, bætum við rekstur og aukum vellíðan allra Seltirninga.

Samhliða vexti bæjarins er lykilatriði að efla samgöngur og tryggja öruggt flæði umferðar til og frá Nesinu. Við ætlum að nýta stöðu okkar sem stofnaðilar að Samgöngusáttmála höfuðborgarsvæðisins til að virkja vinnu við vannýtt tækifæri og bæta tengingar fyrir alla ferðamáta. Markmið okkar er uppbygging sem skilar raunverulegum árangri fyrir íbúa og atvinnulíf.

Stuðlum að árangursríkri uppbyggingu.

Mótum heildstæða framtíðarsýn um Eiðistorg og miðbæinn þar sem skipulögð er blönduð byggð á lóðum bæjarins við Austurströnd og Eiðistorg í góðu samstarfi við íbúa og hagaðila.

Endurreisum Eiðistorg sem lifandi hjarta bæjarins með því að ljúka viðgerðum á þaki torgsins, bætum hljóðvist og sköpum aðlaðandi stemningu í samstarfi við einkaaðila á svæðinu.

Þróum nútímalegan lífsgæðakjarna fyrir eldri borgara þar sem áhersla er lögð á fjölbreytt búsetuform sem mætir þörfum fólks á mismunandi æviskeiðum.

Bætum umferðaröryggi í öllum hverfum bæjarins með því að grípa til markvissra aðgerða með öryggi vegfarenda í fyrirrúmi, svo sem með takmörkun á hraða. 

Eflum almenningssamgöngur og bætum tengingar, stofnleiðir Strætó þjóni Gróttubyggð og tengist betur öflugri starfsemi á Granda.

Ljúkum gerð öruggra hjólastíga við Nesveg og sköpum góða tengingu bæjarins við háskólasvæðið í Vatnsmýrinni og aðra lykilstaði á höfuðborgarsvæðinu.

Bætum aðgengi og stýringu við Gróttu með því að skipuleggja bílastæði og hefja gjaldtöku þar sem Seltirningar eru sérstaklega undanskildir.

Styrkjum innviði til útivistar við Náttúruminjasafnið með gerð vandaðrar uppbyggingaráætlunar fyrir gönguleiðir með stuðningi úr opinberum framkvæmdasjóðum.

Forgangsröðum Miklubrautargöngum til að tryggja greiðari samgöngur fyrir íbúa Seltjarnarness og bæta tengingar við aðra hluta höfuðborgarsvæðisins.

Tryggjum markvisst viðhald á vegakerfi bæjarins með því að leggja fram og fylgja eftir skýrri áætlun um endurbætur á götum og stofnbrautum á og að Nesinu.

Hækkandi sjávarstaða og breytt veðurfar kalla á nýja nálgun þar sem forvarnir og framsýni í skipulagi eru í fyrirrúmi. Við ætlum að miða hönnun innviða og stjórnsýslu bæjarins við 50 ára framtíðarspár. Markmið okkar er að vernda líf, eignir og innviði með markvissri áhættustýringu og nánu samstarfi við sérfræðinga.

Með því að endurnýja fráveitukerfið og styrkja sjóvarnir á berskjölduðum svæðum lágmörkum við hættu á tjóni og mengun. Nýtum nútímatækni til vöktunar í rauntíma og tryggjum að flóttaleiðir og vegtengingar séu ávallt öruggar í samstarfi við nágranna okkar. Seltjarnarnes á að vera öruggt skjól þar sem búið er í sátt við náttúruöflin.

Tryggjum sjóvarnir og öryggi sveitarfélagsins.

Framkvæmum heildstætt áhættumat, kortleggjum flóðasvæði og leggjum fram áætlun um aðlögunaraðgerðir í samvinnu við íbúa og hagaðila.

Lagfærum og endurnýjum fráveitukerfi bæjarins með áherslu á aðskilnað ofanvatns og skólps til að koma í veg fyrir skemmdir og mengun við aftakaúrkomu.

Styrkjum sjóvarnir fyrir tómstunda- og útivistarsvæði þannig að þau verði varin fyrir vaxandi náttúruvá og sjávarflóðum.

Stóreflum sjóvarnir fyrir berskjaldaða byggð með sérstakri áherslu á Suðurströnd og önnur skilgreind hættusvæði þar sem eignir íbúa liggja nærri fjöruborði.

Byggjum upp getu til vöktunar innviða og öflugs viðbragðs með því að fjárfesta í mælitækjum sem vaka yfir sjávarhæð og stöðu fráveitu í rauntíma.

Samhæfum aðgerðir með nágrannasveitarfélagi okkar vegna flóttaleiða svo tryggt sé að vegtengingar rofni ekki þegar á reynir.

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar.

Frambjóðendur Samfylkingarinnar á Akureyri verða til viðtals í Verbúðinni 66 milli klukkan 16 og 18 fimmtudaginn 7. maí.

Hvetum íbúa til að kíkja við og taka spjallið - hvernig getum við einfaldað þér lífið á næsta kjörtímabili?

Kosningastefna Samfylkingarinnar í Reykjansebæ 2026 - 2030

Við viljum einfalda daglega lífið fyrir íbúa Reykjanesbæjar, hvort sem fólk er að reka fyrirtæki, ala upp fjölskyldu eða njóta efri ára. Það gerum við með bættri þjónustu og auknum stuðningi. Þannig léttir Samfylkingin undir með þér í daglegu lífi, því við erum hér fyrir fólkið í bænum.

Styttum og einföldum boðleiðir fyrir íbúa og fyrirtæki með einni viðkomu.

Setjum fram skýra ferla þegar fyrirtæki sýna áhuga á að koma í sveitarfélagið.

Hámark leikskólagjalda verði 50 þúsund krónur á mánuði fyrir hvert heimili, óháð barnafjölda. 

Fylgjum eftir lögfestingu réttar til leikskólavistar að loknu fæðingarorlofi.

Hlúum að fólkinu sem byggði samfélagið með því að efla félagslega ráðgjöf til aldraðra og bætum stuðning í daglegu lífi.

Fjölgum tómstundaúrræðum og viðburðum fyrir fólk 67 ára og eldri.

2. Aðeins það besta fyrir börnin okkar

Börnin okkar eiga skilið bestu mögulegu umgjörð til að vaxa og dafna. Við leggjum áherslu á öflugt skólastarf og fjölbreytt íþrótta- og tómstundastarf sem hvetur til hreyfingar, þátttöku og vellíðan barna og ungmenna. Þannig tryggjum við jöfn tækifæri fyrir öll börn í bænum.

Tryggjum áfram inngöngu á leikskóla við 18 mánaða aldur og styrkjum dagforeldrakerfið.

Bjóðum upp á heimgreiðslur til að auka valfrelsi foreldra.

Byggjum nýjan Garðasel, ljúkum gerð Stapaleikskóla og stækkum aðra leikskóla.

Ljúkum uppbyggingu Myllubakka- og Holtaskóla og hefjum byggingu nýrra skóla á Ásbrú og í Hlíðarhverfi.

Eflum velferð barna með markvissum stuðningi og úrræðum líkt og Hlýjunni.

Hækkum frístundastyrki fyrir börn í 70 þúsund krónur að lágmarki. 

Fjölgum tómstundamiðstöðvum í skólahverfum og eflum starfsemi 88 hússins.

Stóreflum íþróttaaðstöðu í bænum, m.a. með uppbyggingu við Afreksbraut.

Styrkjum rekstrargrundvöll íþróttafélaganna með fjölbreyttum leiðum.

Styrkjum málaflokk íþrótta-, tómstunda- og lýðheilsumála. 

Opnum íþróttahús bæjarins fyrir íbúa til að auka virkni og hreyfingu.

Við viljum öflugt og fjölbreytt atvinnulíf. Með markvissri uppbyggingu, sterkum innviðum og stuðningi við fyrirtæki sköpum við grundvöll fyrir fleiri störf og styrkjum þannig framtíð Reykjanesbæjar.

Bjóðum Landhelgisgæsluna velkomna til Reykjanesbæjar með stækkun Njarðvíkurhafnar.

Fjölgum komum skemmtiferðaskipa í Keflavíkurhöfn.

Eflum Reykjanesbæ sem ferðaþjónustubæ með öflugri verslun og þjónustu ásamt því að nýta tækifærin sem felast í nálægð við flugvöll og auðlindir.

Fjölgum atvinnutækifærum með virkri atvinnustefnu og bjóðum út fleiri atvinnulóðir.

Byggjum upp Helguvík sem grænan iðngarð.

Tryggjum fólki með skerta starfsgetu að lágmarki 1% starfa hjá bænum.

Hefjumst handa við að lækka lóðarleigu til að styrkja samkeppnisstöðu fyrirtækja.

Sterkt samfélag byggir á öflugri velferð og jöfnum tækifærum. Við viljum tryggja að allir fái þann stuðning sem þeir þurfa með góðu aðgengi að viðeigandi þjónustu. Saman erum við sterkari.

Opnum Velferðarhús Reykjanesbæjar sem hýsir lögbundna þjónustu fyrir börn með langvarandi stuðningsþarfir.

Tryggjum ungmennum á fjárhagsaðstoð jöfn tækifæri til náms með fartölvustyrkjum.

Styrkjum grunnþjónustu með fjölgun starfsfólks á velferðarsviði og bjóðum fólki á fjárhagsaðstoð upp á aukin virkniúrræði.

Byggjum fleiri íbúðir fyrir fatlað fólk, öryrkja og aldraða í samvinnu við Brynju hússjóð og óhagnaðardrifin leigufélög.

Byggjum námsmannaíbúðir fyrir skólafólk til að auðvelda því inngöngu á húsnæðismarkaðinn.

Drögum úr útgjöldum heimilanna og hefjumst handa við að lækka lóðarleigu.

Við viljum þróa bæinn okkar áfram á sjálfbæran hátt til framtíðar með bættum samgöngum, uppbyggingu hverfanna ásamt því að skapa umhverfi sem hvetur til hreyfingar og útivistar. Með skýrri framtíðarsýn gerum við Reykjanesbæ að besta staðnum til að búa á.

Bætum umferðarflæði og umferðaröryggi á Njarðarbraut með hringtorgum.

Greiðum leið á milli bæjarhluta með ofanbyggðarvegi og þrýstum á tvöföldun Reykjanesbrautar til Leifsstöðvar.

Tryggjum örugga þverun Reykjanesbrautar fyrir gangandi og hjólandi ásamt nauðsynlegum tengingum við Reykjanesbæ. 

Setjum umferðaröryggi barna í forgang með markvissum lausnum um allan bæ.

Bjóðum út lóðir í Keflavíkurborgum og á Akademíureitnum og höldum áfram uppbyggingu á Ásbrú.

Þróum svæðið við Svarta pakkhúsið og Fischershús í samvinnu við uppbyggingaraðila.

Ljúkum uppbyggingu á göngu- og hjólastígum bæjarins, tengjum Hafnir við Ásbrú og gerum stíga til Voga og Sólbrekkuskógar við Seltjörn.

Byggjum áfram upp útivistarperlurnar við Seltjörn og á Fitjum og fjölgum útivistarsvæðum.

Eflum skógrækt með sameiginlegu átaki bæjarins, íbúa og fyrirtækja.

Fjölgum leikvöllum í hverfunum til að hvetja til aukinnar útiveru.

Lífleg menning gerir góðan bæ enn betri. Við viljum styrkja menningarlega sjálfsmynd Reykjanesbæjar með fjölbreyttum viðburðum og stuðla að gróskumiklu menningarlífi í heimabyggð.

Eflum bæjarhátíðirnar okkar og lengjum opnunartíma sundlauganna.

Byggjum upp líflegan útimiðbæ við Duus-hús, eflum bæinn enn frekar í viðburðahaldi og komum á samtali milli veitingaaðila til að glæða bæinn lífi. 

Sköpum aðstöðu og tækifæri fyrir ungt fólk í menningu og tónlist.

Sköpum fjölbreytt og lifandi félagslíf fyrir heldri borgara.

Fjölgum sýningum um Suðurnesin til að styrkja menningarlega sjálfsmynd bæjarins.

Hér má skoða kosningastefnuna í heild sinni á pdf skjali.

The election strategy for Reykjanesbær 2026-2030

Strategia wyborcza w Reykjanesbær 2026–2030.

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar. 

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"