Við höfum skelfilega reynslu af samstjórn Sjálfstæðisflokks og Framsóknarflokks þegar kemur að sölu eigna almennings. Þessir flokkar báru ábyrgð á einkavæðingu ríkisbankanna sem endaði með bankahruninu, þeir seldu Símann og hluti í Íslandsbanka til vildarvina og seldu á spottprís hlut borgarinnar í Landsvirkjun með tug milljarða tapi fyrir borgina sem hefði getað nýst í t.d. að bæta viðhald mannvirkja borgarinnar eftir hrun.

Nú boðar Sjálfstæðisflokkurinn sölu verðmætra dótturfyrirtækja Orkuveitunnar, eins og Ljósleiðarans sem er mikilvægt innviðafyrirtæki sem hefur öryggishlutverki að gegna og stuðlar að heilbrigðri samkeppni á fjarskiptamarkaði. Hann vill líka selja Carbfix sem hefur sparað Orkuveitunni 15 milljarða undanfarin 10 ár með því að Carbfix tæknin hefur verið nýtt til að hreinsa brennisteinsvetni frá jarðvarmavirkjunum Orkuveitunnar og draga þannig verulega úr losun út í andrúmsloftið með tilheyrandi mengun.

Framsóknarflokkurinn hefur líka lagt fram tillögu um að selja hlut borgarinnar í Landsneti sem Sjálfstæðisflokkurinn á Alþingi vill einkavæða ásamt RARIK.

Samfylkingin hafnar einkavæðingu Orkuveitunnar og dótturfélaga hennar!

Samgöngusáttmálinn er besti samningur sem borgin og sveitarfélögin á höfuðborgarsvæðinu hafa náð við ríkið í samgöngumálum í marga áratugi ef ekki frá upphafi. Með honum var tryggt fjármagn frá ríkinu í mikilvægar framkvæmdir sem munu bæta til mikilla muna umferðarmenninguna í Reykjavík.

Þar best hæst Miklubraut í göng, Sæbraut í stokk, Borgarlínuna og tímamóta samkomulag um verulega hlutdeild ríkisins í fjármögnun Strætó. Sá þriðjungshlutur er þegar kominn til framkvæmda og gerði að verkum að hægt var að fjölga ferðum, stytta biðtíma niður í 10 mínútur á mörgum fjölförnustu leiðum og þar með bæta þjónustuna. Það hefur skilað sér strax í fjölgun farþega.

Nú vill Sjálfstæðisflokkurinn taka upp sáttmálann og fresta þar með löngu tímabærum framkvæmdum til að bæta umferðina í borginni án þess að bjóða neinar alvöru lausnir í staðinn.

Hagkvæm húsnæðisuppbygging í uppnámi

Samfylkingin hefur leitt eitt lengsta samfellda uppbyggingarskeið í húsnæðismálum borgarinnar frá upphafi. Þar hefur leiðarljósið verið skýrt alla tíð, að tryggja markvissa uppbyggingu félagslegs húsnæðis fyrir þá sem minnst hafa milli handanna en líka örugga uppbyggingu stúdentaíbúða og almennra íbúða fyrir ungt fólk og fólk með lægri meðaltekjur.

Það hefur borgin gert með samningum við óhagnaðardrifin uppbyggingarfélög. Þessi uppbygging er í uppnámi ef hægri flokkar komast til valda en Sjálfstæðisflokkurinn hefur boðað að markaðurinn eigi að ráða í húsnæðisuppbyggingu og ekki verði lögð áhersla á samstarf við óhagnaðardrifin félög.

Sporin hræða frá þeim tíma þegar Sjálfstæðisflokkur og Framsókn lögðu niður félagslega íbúðakerfið.

Atlaga að jöfnu aðgengi barna að leikskólum

Samfylkingin hefur leitt leikskólauppbygginguna í borginni með 8 nýjum leikskólum og 1300 nýjum leikskólaplássum frá 2018. Frá sama tíma hafa starfsaðstæður batnað með nýju fjármagni sem nemur ríflega 5 milljörðum.

Við jafnaðarmenn höfum sett í undirbúning opnun a.m.k. 8 nýrra leikskóla til viðbótar og 1500 nýjum plássum til að taka við börnum frá fæðingarorlofi. Samhliða þarf að bæta mönnun og starfsumhverfi sem Samfylkingin vill gera með tryggu fjármagni, 2,4 milljörðum á tímabilinu.

Hægri flokkarnir, Sjálfstæðisflokkur og Framsókn vilja fórna jafnræði í leikskólakerfinu með því að innleiða fyrirtækjaleikskóla, þar sem börn starfsmanna ákveðinna stórfyrirtækja munu fá forgang umfram jafnaldra sína sem ekki eru jafn „heppin“ með foreldra. Samfylkingin hafnar slíkri mismunun og sömuleiðis heimgreiðslu hugmyndum sömu flokka sem grafa undan jafnrétti kynjanna á vinnumarkaði.

Samfylkingin er besta vörnin fyrir almannahagsmuni

Við stöndum vörð um almannahagsmuni og erum flokkurinn sem hefur reynslu af því að stýra farsællega meirihlutasamstarfi flokka frá miðju til vinstri. Við kunnum að koma hlutum í verk. Það þurfa öll að hafa í huga sem bera hag almennings í borginni fyrir brjósti í kosningunum á morgun. Kjósum Samfylkinguna – XS!

Höfundur er borgarfulltrúi í 4. sæti Samfylkingarinnar í Reykjavík.

Borgarstjórnarkosningar eru á laugardaginn. Þær geta valdið straumhvörfum í borginni, raunveruleg hætta er á að til valda komist hægri stjórn með Sjálfstæðisflokki, Viðreisn og Framsóknarflokki eða Miðflokki sem fórni samgöngusáttmálanum, uppbyggingu á hagkvæmu húsnæði fyrir ungt fólk og fólk með lágar tekjur, innleiði tvöfalt kerfi í leikskólamálum sem hyglir starfsfólki stórfyrirtækja og einkavæði verðmæta hluti úr Orkuveitunni.

Við í Samfylkingunni ætlum að setja fjölskylduna í fyrsta sæti og setjum fram raunhæfar lausnir í leikskólamálum.

Á flestum stefnuskrám framboðslista í Norðurþingi eru sett fram freistandi loforð um nýjar áður ófyrirséðar lausnir á hækkandi leikskólagjöldum ásamt áherslum á að minnka álögur á fjölskyldufólk. Loforðin líta flest öll vel út á pappír, en maður spyr sig þó, eru þau raunhæf og munu þau á endanum skila sér sem bætt þjónusta við fjölskyldufólk

Fyrirsjáanleiki í leiksskólagjöldum
Á yfirstandandi kjörtímabili voru innleiddir sérskráningardagar á Leikskólanum Grænuvöllum til að leysa styttingu vinnuviku leikskólakennara. Sérskráningardagar sem slíkir eru þó ekki lögbundnir, en með þessari útfærslu skiptast kennarar á að taka sína styttingu út á þessum dögum í stað þess að ráðnar séu inn afleysingar eða að sveitarfélagið þurfi að greiða yfirvinnu. Leikskólagjöld eru síður fyrirsjáanleg en áður, en samkvæmt úttekt ASÍ á leikskólagjöldum ásamt skráningardögum hafa gjaldskrár leikskólans á Grænuvöllum hækkað um 20% á þessu kjörtímabili.

Líkt og með margar nýjungar tekur tíma að fínstilla framkvæmdina sem skráningardagarnir eru, en óánægja hefur ríkt með aukið álag á foreldra og þann auka kostnað sem fellur á þau heimili sem þurfa að nýta sér þjónustuna.
Flest vinna fullan vinnudag

Fjölskyldur sem nýta fulla 40 tíma vistun og sérskráningardaga munu þurfa þess áfram. Almennur vinnutími er milli átta og fjögur á daginn og flestir þurfa að vinna fullan vinnudag til að halda heimilisbókhaldinu réttu megin við núllið. Þar sem tveir fullorðnir eru í heimili er ekki óalgengt að annar aðilinn sé jafnvel í vaktavinnu. Fyrir einstætt foreldri með lítið bakland er magn starfs- og sérskráningardaga nægilegt til að vinna vel á eða klára hreinlega launað orlof foreldris, sem ætlað er í sumarfrí á sumrin. Ef allir sérskráningardagar á nýliðnu skólaári eru nýttir greiðir því hvert heimili um 42 þúsund krónum aukalega fyrir hvert barn í leikskólagjöld, hátt í jafn mikið og fyrir heilan mánuð.

Að útrýma sérskráningardögum færir þó bara vandamál heimilanna yfir á skólakerfið, en nýir kjarasamningar kveða á um ákveðna vinnutímastyttingu kennara sem þarf að leysa. Að leysa styttinguna mun alltaf kosta pening og má deila um hvaða leiðir megi fara að því, en það er frambjóðendum Samfylkingarinnar mikilvægt að ákvörðunin verði tekin með alla aðila við borðið. Það er álag á skólakerfinu, vinnumarkaðnum og á fjárhagslegri byrði heimilanna og því mikilvægt að ákvarðanir verði teknar sem allir aðilar geti sætt sig við.

Gylliboð um gjaldfrjálsan 36 stunda leikskóla, frá flokki sem tveimur mánuðum fyrir kosningar ákvað að skera niður þjónustu í skólakerfinu um milljónir hljómar eitthvað þversagnakennt. Þar fyrir utan hefur samantekt ASÍ sýnt fram á að þar sem boðið er upp á lengingu leikskóladagsins fellur kostnaðurinn þyngst á síðustu klukkustundirnar og hverjir eru það sem þurfa nauðsynlega á fullri vistun að halda?

Við teljum að með því að setja 50 þúsund króna þak á leikskóla- og frístundagjöld á hvert heimili, að skráningardögum meðtöldum, þar sem einstæðir og tekjulægri greiði minna megi koma best til móts við fjölskyldufólk, án þess þó að auka álag of mikið á skólakerfið. Þegar réttur til leikskólavistar verður lögfestur mun því fylgja samtal um fjármögnunarhlutfall leikskólastigsins, sem fram að þessu hefur alfarið verið á hendi sveitarfélaganna.

Höfundur skipar 3. sæti á lista Samfylkingarinnar í Norðurþingi.

Raunhæft greiðsluþak – forðumst gylliboð

Uppbygging bæjarins þarf að byggja á skýrri framtíðarsýn, faglegri stjórnsýslu og samstarfi við íbúa um þróun hans.

Í barna- og skólamálum viljum við tryggja öruggt og öflugt skólastarf þar sem velferð barna er alltaf í forgrunni. Leikskólar, grunnskóli og frístundastarf þurfa að þróast í takt við fjölgun íbúa svo fjölskyldur finni fyrir öryggi og góðri þjónustu.

Málefni eldri borgara skipta einnig miklu máli. Við viljum styrkja heimaþjónustu og aðra félagslega þjónustu og skapa fleiri tækifæri fyrir eldra fólk til að njóta innihaldsríks lífs. Að þessu verður unnið í miklu samstarfi við Félag eldri borgara og fleiri. S-listinn er eina framboðið með eldri borgara í forystusveitinni sem á möguleika á að komast í bæjarstjórn. Greinarhöfundur hefur mikla reynslu af sveitarstjórnarmálum og óskar því eftir stuðningi eldra fólks í Hveragerði og sem flestra bæjarbúa.

S-listinn leggur áherslu á fjölbreytt húsnæði fyrir ólíka hópa samfélagsins. Mikilvægt er að ungt fólk, barnafjölskyldur og eldri íbúar geti fundið húsnæði við sitt hæfi í bænum og að skipulagsmál byggi á fagmennsku, jafnvægi, samtali við íbúana og langtímahugsun.

Íþróttir, listir, frístundastarf og græn svæði

Íþróttir, listir, frístundastarf, græn svæði og fjöllin í kring eru meðal þess sem gerir bæjarbraginn í Hveragerði sérstakan. Við ætlum að styðja íþróttafélög, menningarstarf, listafólk og þau fjölmörgu félagasamtök sem skapa gleði og líf í samfélaginu okkar.

Við leggjum ríka áherslu á það að hlúa að útivist og fjölbreyttu æskulýðsstarfi, þar á meðal skátastarfi, hestamennsku og golfi, sem eiga djúpar rætur í bæjarlífinu. Slík starfsemi styrkir bæjarbraginn, eflir tengsl milli kynslóða og veitir börnum og ungmennum dýrmæt tækifæri til þroska og samveru í heilbrigðu umhverfi.

S-listinn ætlar að vinna fyrir allt samfélagið — með ábyrgri uppbyggingu, faglegri stjórnsýslu og skýrri sýn um fallegan og skapandi bæ þar sem gott er að búa.

Höfundur er eldri borgari og skipar 2. sæti S-listans í Hveragerði.

Framtíð Hveragerðis byggist ekki aðeins á framkvæmdum og fjárfestingum heldur fyrst og fremst á fólkinu sem býr í bænum. S-listinn leggur áherslu á samfélag þar sem þjónusta, tækifæri og lífsgæði ná til allra aldurshópa.

Fólkið í Hvera­gerði skiptir öllu máli

Því viljum við í Samfylkingunni breyta og móta heildstæða framtíðarsýn fyrir svæðið, svo það verði nýtt í sátt við náttúru, notendur og fjölbreytt útivistartækifæri allt árið um kring.

Síðustu árin hefur aðsókn að Austurheiðum vaxið hratt og notkun svæðisins er afar fjölbreytt. Þar mætast ólíkir hópar; göngufólk, hlaupafólk og hjólreiðafólk, hestafólk, hundaeigendur og fjölskyldur, auk sívaxandi hóps sem stundar vetrarútivist á borð við gönguskíði og skauta.

Þessi fjölbreytni er einn helsti styrkleiki svæðisins, en kallar jafnframt á skýrari umgjörð, þjónustu og aðgreiningu til að tryggja öryggi og góða upplifun allra. Með því að bæta stígakerfið á svæðinu, skýrari merkingar og auka þjónustu, skapast tækifæri fyrir gesti að stunda útivist við ólíkar aðstæður allt árið um kring.

Rauðavatn, Reynisvatn og Langavatn eru vötnin þrjú og þau geta orðið spennandi áfangastaðir. Með því að byggja upp svæði fyrir fólk með aðstöðu og góðum tengingum skapast skýrara skipulag og betri dreifing á gestum.

Væri ekki geggjað að hafa þjónustumiðstöð við Rauðavatn, bætta aðstöðu fyrir vatnaíþróttir og útinám við Reynisvatn eða hafa kyrrðarstað fyrir náttúruupplifun, stjörnuskoðun eða ratleik við Langavatn? Taka gönguskíðahring undir stjörnubjörtum himni milli furutrjáa á sporinu, ganga í litadýrð haustsins í leit að berjum eða stunda fuglaskoðun?

Austurheiðar fyrir lýðheilsu og lífsgæði

Samfylkingin er með skýra framtíðarsýn á Austurheiðar og vötnin þrjú. Með því að skipuleggja svæðið í þágu lýðheilsu og lífsgæða mun verða til ný Heiðmörk Reykvíkinga í jaðri borgarinnar. Við viljum skipuleggja og fjárfesta til framtíðar í nýju útivistarsvæði og um leið skapast tækifæri til að vernda ennþá betur vatnsból höfuðborgarbúa í Heiðmörk.

Undir forystu Samfylkingarinnar er Reykjavíkurborg borg lífsgæða og lýðheilsu og af því erum við stolt. Við viljum halda áfram að þróa Austurheiðar til framtíðar enda getur svæðið orðið eitt af sterkustu kennileitum Reykjavíkur – svæði þar sem borg og náttúra mætast, þar sem fjölbreytt útivist styður við heilsu, vellíðan og lífsgæði fyrir öll.

Tryggjum áframhaldandi uppbyggingu lífsgæða í landi Austurheiða og merkjum X-við S þann 16. maí næstkomandi.

Höfundur er borgarfulltrúi Samfylkingarinnar, skipar 10. sæti á lista flokksins í kosningunum 16. maí og vill sjá Austurheiðar rísa upp sem nýja Heiðmörk Reykvíkinga.

Austurheiðar hafa verið falin útivistarperla við borgarmörkin. Svæðið hefur verið vannýtt og óskipulagt, þar sem ólíkir hópar og tegundir útivistar hafa skarast og stundum rekist á.

Betri strætó hefði í för með sér minna skutl, sjálfstæðari börn, hreinni lungu, minni losun og einfaldari hversdag fyrir fjölda íbúa.

Svifryksmengun er umhverfis- og lýðheilsuvá sem ber að taka alvarlega og helgast fyrst og fremst af malbikssliti. Þrif á götum eru nauðsynlegur þáttur í að halda bænum hreinum en þrifin eru bara viðbragð við ástandi – best væri að draga úr slitinu í upphafi, m.a. með að gera vistvænum ferðamátum hærra undir höfði í bænum.

Í dag er bílaeign Akureyringa með því mesta sem gerist í Evrópu, fjöldi bíla er meiri en fjöldi bílprófa hér í bæ og algengt er að við hvert heimili séu fleiri en einn bíll. Í annasömum hversdegi þar sem foreldrar vinna úti og börn eru í fjölbreyttum frístundum þarf ansi oft að skjótast, sækja og skutla. Strætó gengur sjaldan og ekki er gaman að lenda í því að þurfa að bíða í klukkutíma eftir næsta vagni, missi maður af. Í dag er leiðarkerfið þannig að oft þarf að taka útsýnistúr í gegnum hálfan bæinn áður en komist er á leiðarenda, þar sem keyrður er hringur. Það hentar helst ferðamönnum sem koma á skemmtiferðaskipunum og nýta sér, eðlilega, þennan ókeypis skoðunartúr sem þeim býðst í boði Akureyringa en hentar heimafólki síður.

Talsverð áhersla er lögð á strætókerfið í Umhverfis- og loftslagsstefnu Akureyrarbæjar, sem bæjarstjórn hefur skuldbundið sig til að vinna eftir. Það þarf ekki að koma á óvart, enda eru helstu sóknarfærin til að draga úr losun innan bæjarmarkanna með því að draga úr notkun jarðefnaeldsneytis.

Þar kemur fram að hefja átti notkun á nýju leiðarkerfi árið 2021, sem var síðan frestað til 2022. Nýtt leiðarkerfi átti að innifela aukna tíðni ferða, beinni leiðir og styttri ferðatíma og áhersla á að leiðanetið tengdist miðbæ, skólum, frístundastarfsemi og helstu atvinnukjörnum. Nú er árið 2026 og ekkert að frétta af nýju leiðarkerfi, ekki er ekið inn í nýbyggð hverfi sem fólk er flutt í – og ekki liggur fyrir hvenær eigi að byrja á því. Stórir vinnustaðir eins og TDK eru langt utan leiðarkerfis og hvorki er hægt að taka strætó í Kjarnaskóg eða Hlíðarfjall.

Það hefði verið gullið tækifæri að setja sem skilyrði inn í hugmyndakeppnina um skipulag Akureyrarvallar að komið væri fyrir samgöngumiðstöð syðst á reitnum, þar sem landsbyggðastrætó gæti haft bækistöðvar ásamt innanbæjarstrætónum, hopp-hjól og hleðslustöðvar væru til staðar og upp byggðist almennilegur tengipunktur sem hefði jákvæð áhrif á bæjarlífið í kring. Það tækifæri rann bæjarbúum úr greipum og í staðinn fyrir samgöngumiðstöð miðsvæðis rís nú í flýti svokölluð jöfnunarstöð við Glerána, í miklum þrengslum og af litlum metnaði fyrir öflugri almenningssamgöngum.

Akureyringar eiga skilið almenningssamgöngur sem eru raunverulegur valkostur við fjöl-bílaeign og útgjöldin sem þeim fylgja. Það er þá líka valdeflandi fyrir krakka að koma sér sjálfir á milli staða og um að gera að auðvelda þeim það. Hér ætti að ganga strætó sem gengur fyrir innlendum orkugjöfum, oftar og víðar og eftir leiðarkerfi sem hentar íbúum. Samfylkingin á Akureyri er tilbúin í það verkefni.

Höfundur skipar níunda sæti á lista Samfylkingarinnar á Akureyri.

Ef Akureyrarbæ ber gæfa til að koma á almennilegu strætókerfi á næstu árum væri hægt að slá margar flugur í einu höggi.

Af svif­ryki, strætó og sjálf­stæðum krökkum

Fleiri stöðugildi eru auðvitað ekki sjálfkrafa lausn við öllum okkar vandamálum, en við teljum að fólkið sjálft sé grunnurinn að góðu samfélagi. Þar nýtist fjármagnið best og þar á það heima.

Þegar við styrkjum skóla, félagsþjónustu, frístundir eða stuðning við fjölskyldur erum við ekki að blása út báknið, heldur erum við að fjárfesta í fólkinu sem heldur samfélaginu gangandi á hverjum degi. Fólkinu sem sér um börnin okkar, tekur á móti þeim sem þurfa aðstoð og grípa þau sem annars gætu misst fótfestuna.

Kannski horfi ég öðruvísi á þetta vegna þess bakgrunns sem ég hef úr verkalýðshreyfingunni, en þar hef ég séð hvað gerist þegar fólk nær ekki endum saman þó það vinni fullt starf. Ég hef séð ungt fólk gera allt „rétt“ og samt upplifa að það dugi ekki til. Fólk sem vill flytja heim, stofna fjölskyldu, kaupa sér íbúð eða einfaldlega fá tækifæri til að byggja sér líf en kemur ítrekað að lokuðum dyrum.

Það hefur mótað mína pólitík meira en nokkuð annað.

Ég trúi því ekki að hlutverk sveitarfélags sé bara að halda bókhaldinu í lagi og vona það besta. Sveitarfélag á að skapa aðstæður þar sem fólk á sér framtíð; þar sem ungt fólk getur sest að, foreldrar finna öryggi og eldra fólk fær þjónustu með reisn. Þar sem það á ekki að skipta máli hvort þú eigir mikið eða lítið á bankabókinni, þú eigir alltaf rétt á góðu lífi. Það þýðir ekki að það skipti ekki máli að halda vel utan um rekstur sveitarfélagsins, það er mikilvægt. Þetta snýst um forgangsröðun. Við í Samfylkingunni viljum forgangsraða í þágu fjölskyldunnar, í öllum sínum formum.

Þess vegna höfum við talað svona mikið um húsnæði, leik- og grunnskóla, samgöngur, menningu og aðgengi að þjónustu. Af því að þetta eru þau mikilvægu atriði sem stjórna því hvort fólk geti raunverulega byggt sér gott líf hér. Og hér eru tækifærin svo sannarlega til staðar.

Við sem erum í forystu Samfylkingarinnar í Ísafjarðarbæ erum ný rödd á vettvangi stjórnmálanna í sveitarfélaginu. Með fjölbreytta reynslu og ferska sýn á það hvernig sveitarfélag á að vinna með fólkinu sínu. Ég er sannfærð um að það skipti máli núna.

Ég fór í framboð af því að ég trúi því að Ísafjarðarbær geti verið samfélag þar sem fleiri sjá bjarta framtíð fyrir sér, þar sem fólk og fyrirtæki fá að blómstra.

Og ég vona að við fáum tækifæri til að gera það saman.

Höfundur er oddviti Samfylkingarinnar í Ísafjarðarbæ

Á opnum fundi nýlega ræddi ég að við ættum að horfa jákvæðari augum á að bæta við mannauði í þjónustu sveitarfélagsins.

Um var að ræða fyrsta fimm flokka meirihlutann í sögu borgarinnar, sem tók við krefjandi aðstæðum í borgarsjóði, húsnæðismarkaði, leikskólamálum og innviðauppbyggingu.

Þrátt fyrir efasemdir um stöðugleika samstarfsins hefur meirihlutinn á 15 mánuðum komið fjölda stórra mála áfram í framkvæmd og afgreiðslu. Fleiri tillögur hafa verið lagðar fram og afgreiddar í borgarstjórn á þessu tímabili en samanlagt á þremur árum þar á undan. Frá upphafi var jafnframt lögð áhersla á virka dagskrá og stöðuga framvindu mála á hverjum fundi.

Samstarfsflokkarnir hafa stýrt borginni við krefjandi aðstæður í efnahagsmálum, hátt vaxtastig og verðbólgu. Viðbrögð okkar voru að verja grunnþjónustuna fremur en að fara í harkalegan niðurskurð, á sama tíma og áfram var fjárfest í innviðum og verkefnum forgangsraðað með skýrari hætti.

Áhersla hefur verið lögð á aukið gagnsæi og styrkari rekstrarstjórn, meðal annars með auknu eftirliti með aksturs- og ferðakostnaði, ráðgjafakaupum, útboðum, innkaupum og ráðningum. Innkaupastefna hefur verið endurnýjuð og verklag gert skýrara, með það að markmiði að styrkja traust og yfirsýn í rekstri borgarinnar.

Húsnæðisuppbygging var sett strax í forgang. Unnið hefur verið að auknu framboði íbúða, fleiri hagkvæmum lausnum og hraðari skipulagsferlum, með aukinni samvinnu við verkalýðshreyfinguna og óhagnaðardrifin húsnæðisfélög.

Meðal annars hefur verið unnið að nýjum samstarfssamningum og viljayfirlýsingum við aðila á borð við Bjarg og fleiri félög. Félagslegt húsnæði hefur verið skilgreint sem hluti af grunninnviðum borgarinnar, með áherslu á fjölgun íbúða, dreifingu um borgina, félagslega blöndun og styttri biðlista. Markmiðið hefur verið skýrt: Reykjavík eigi að vera borg þar sem fólk með venjulegar tekjur getur búið.

Börn og barnafjölskyldur hafa verið sett í forgang. Í leikskólamálum hefur verið unnið að því að styrkja bæði þjónustu og starfsaðstæður, meðal annars með Reykjavíkurleiðinni, auknum fjárframlögum, hærri launum, betri mönnun og auknum stuðningi við stjórnendur.

Fáliðun hefur minnkað og ófyrirséðum lokunum fækkað, á sama tíma og faglegur stuðningur hefur verið styrktur með ráðgjöf og mannauðsúrræðum. Samhliða hefur verið unnið að aukinni þjónustu við börn með fjölþættan vanda, styrkingu íslenskukennslu og aukinni sálfræði- og talmeinaþjónustu.

Á breiðari vettvangi hefur verið ráðist í aðgerðir til að létta á kostnaði fjölskyldna, þar á meðal með 36 gjaldfrjálsum leikskólatímum á viku, styrkingu frístundastarfs, gjaldfrjálsum strætó fyrir grunnskólabörn og aukinni aðkomu að íþrótta- og menningarstarfi. Sérstök úrræði hafa verið sett á laggirnar til að tryggja þátttöku barna tekjulágra foreldra í frístundum.

Haldið hefur verið áfram með stór innviðaverkefni, þar á meðal Borgarlínu, uppbyggingu hjóla- og göngustíga og þéttingu byggðar sem fylgir nú skýrum viðmiðum borgarhönnunarstefnunnar sem samþykkt var í vetur. Samhliða hefur verið unnið að umbreytingu lykilsvæða og þróun nýrra hverfa.

Stefna borgarinnar hefur verið skýr um að draga til lengri tíma úr bílaumferð með fjölbreyttari ferðamátum og betri nýtingu innviða. Þétting byggðar hefur verið áfram meginstefna, með áherslu á hagkvæmni, styttri ferðatíma, minni innviðakostnað og betri stuðning við almenningssamgöngur.

Loftslagsmál hafa áfram verið í forgangi, með áherslu á orkuskipti, vistvænar samgöngur, græn innkaup og kolefnisminni borgarrekstur. Samhliða hefur verið unnið að vernd grænna svæða, bættu aðgengi að útivist og styrkingu göngu- og hjólatenginga.

Meirihlutinn hefur lagt áherslu á að Reykjavík sé ekki aðeins skilvirk borg heldur réttlátt samfélag. Aukinn stuðningur hefur verið veittur til tekjulægri hópa, þjónusta við fatlað fólk og eldri borgara styrkt og félagsþjónusta efld.

Húsnæðisöryggi hefur verið skilgreint sem lykilþáttur velferðar og lögð áhersla á að börn alist ekki upp við óöryggi, með skýru sjónarhorni um samfélagslega ábyrgð sveitarfélagsins.

Fimm flokka samstarfið hefur staðið af sér miklar efasemdir um stöðugleika og sýnt meiri festu en margir höfðu spáð. Meirihlutinn hefur samþykkt metnaðarfullar fjárhagsáætlanir, haldið áfram stórum framkvæmdum og komið sameiginlegum áherslum sínum í framkvæmd.

Samhliða hefur orðið skýr áherslubreyting í borgarpólitíkinni, með aukinni áherslu á félagsleg sjónarmið, húsnæðisöryggi, barnafjölskyldur, almenningssamgöngur, jöfnuð og samfélagslega ábyrgð.

15 mánuðir samstarfsflokkanna í Reykjavík hafa einkennst af ábyrgð, skýrri verkefnastjórn og stöðugri framvindu í stórum málaflokkum.

Meirihlutinn hefur verið samstíga við að setja húsnæðismál og börn í forgang, verja grunnþjónustuna, halda áfram innviðauppbyggingu, styrkja félagslega nálgun í borgarmálum og aukið gagnsæi í rekstri.

Í heild hefur verið unnið að því að móta borg þar sem við öll getum byggt okkur líf, alið upp börn og fundið öryggi, þrátt fyrir blikur á lofti. Þetta var stutt og krefjandi en þegar upp er staðið erum við stoltar af verkum okkar. Við vitum að sú vinna sem lögð var í undanfarna 15 mánuði á eftir að skila sér í betri borg.

Nýr meirihluti Samfylkingar, Pírata, Vinstri hreyfingarinnar græns framboðs , Sósíalista og Flokks fólksins tók við stjórn Reykjavíkur eftir pólitíska yfirplottun oddvita Framsóknarflokksins snemma árs 2025.

Græn svæði og borgarrými fyrir íbúa til að koma saman. Veitingastaðir. Kaffihús. Barir. Menningarstofnanir. Svona mætti lengi telja.

Í Reykjavík tökum við utan um eldra fólk og öryrkja og byggjum íbúðir fyrir alla tekjuhópa sem fólk hefur efni á. Hér viljum við tryggja börnum allan þann stuðning sem þau þurfa svo öll börn fái tækifæri til að blómstra. Vegna þess að við erum sterkari saman.

Ástæða þess að Reykjavík virkar fyrir alla er sú að hún, líkt og allar bestu borgir Norðurlandanna, hefur byggst upp á jafnaðarmannahugsjón síðustu áratugi. Frá því að R-listinn ýtti Sjálfstæðisflokknum frá völdum fyrir 32 árum hefur borgin breyst úr bæ sem rekinn var með tilviljanakenndu valdboði yfir í höfuðborg á heimsmælikvarða með þjónandi stjórnsýslu og iðandi mannlífi og menningu.

Þessa Reykjavík vil ég verja. Borgina sem við byggðum upp saman. Reykjavíkina okkar.

En ég vil líka sækja þar sem hægt er að gera betur, hlusta á athugasemdir borgarbúa og auka enn á þau miklu lífsgæði sem við Reykvíkingar búum við.

Það gerum við með því að bera áfram ábyrgð hvert á öðru og forðast að hleypa flokkum að sem draga úr mikilvægri þjónustu, selja mikilvægar eignir borgarbúa og umbylta áformum sem búið er að vinna eftir árum saman við þróun borgarinnar.

Áherslur okkar í Samfylkingunni eru skýrar í öllum mikilvægustu málaflokkum. Við ætlum að standa vörð um eignir borgarbúa og koma í veg fyrir að hægt verði að brjóta niður það sem við höfum byggt upp saman. Við ætlum að einfalda lífið fyrir fólk og fyrirtæki, hraða afgreiðslu mála, stytta biðtíma, bæta þjónustu en fara áfram vel með almannafé.

Eitt það mikilvægasta sem við munum gera er að standa vörð um Samgöngusáttmála höfuðborgarsvæðisins sem hægriflokkar vilja eyðileggja nú þegar árangur hans er rétt handan við hornið.

Það er nefnilega þannig að framkvæmdir við stofnvegi og fyrstu lotu Borgarlínu eru á fleygiferð og mörgum mun ljúka á næsta kjörtímabili að óbreyttu. Ef okkur ber gæfa til að standa með sáttmálanum og klára þessa stærstu fjárfestingu í samgöngum inn á höfuðborgarsvæðið í sögunni, sem er að mestu greidd af ríkinu, þá gætu íbúar höfuðborgarsvæðisins tekið sér far með vögnum Borgarlínu áður en kosið verður næst til borgarstjórnar.

Verði sáttmálinn rifinn upp og byrjað upp á nýtt þá eru þær væntingar fyrir bí, með tilheyrandi neikvæðum áhrifum á þegar þunga umferðarhnúta. Úrbætur munu tefjast um mörg ár.

Klárum byltinguna og forðumst barnaskattinn

Öflugt leik- og grunnskólakerfi fyrir öll börn er eitt mikilvægasta jöfnunartækið sem við eigum. Við í Samfylkingunni höfum verið skýr með að það sé löngu orðið tímabært fyrir ríki og sveitarfélög að taka höndum saman – í eitt skipti fyrir öll – og klára leikskólabyltinguna sem hófst með stjórn jafnaðarfólks og Reykjavíkurlistans í borginni fyrir aldamótin.

Á komandi kjörtímabili ætlum við að vinna með ríkinu að rétti barna til leikskólavistar, að taka upp systkinaforgang, bæta vinnuaðstæður og fjölga leikskólaplássum um 1.500, meðal annars á fallegustu útivistarsvæðum borgarinnar eins og Elliðaárdal, Fossvogi og á Klambratúni. Þetta ætlum við að gera til að geta boðið enn yngri börnum inn á leikskóla.

Þessar áherslur koma í kjölfar þess að nú þegar er búið að innleiða Reykjavíkurleiðina sem gerir leikskóla borgarinnar að enn meira aðlaðandi vinnustöðum, minnkar bil milli vinnutíma starfsfólks og vistunartíma barna, bætir mönnun en mætir um leið foreldrum á jafnræðisgrundvelli út frá efnahagslegri stöðu.

Vel hefur verið tekið í leiðina og skráning nýs vistunartíma verið umfram áætlanir. Jafnaðarfólksfótsporið er svo sérstaklega sýnilegt þegar leiðin er borin saman við það sem boðið er upp á í næststærsta sveitarfélagi landsins Kópavogi. Þar fá foreldrar gjaldfrjálsan leikskóla í 30 stundir á viku en í Reykjavík eru þær stundir 36. Fyrir hjón með tvö börn á leikskóla þá kostar það um 450 þúsund krónum meira á mánuði að búa í Kópavogi en að búa í Reykjavík. Þetta er það sem er kallaður barnaskatturinn í Kópavogi.

Í kosningaáherslum okkar er lagt upp með að byggja um 6.000 nýjar íbúðir í Reykjavík á næstu fjórum árum. Auk þess hefur náðst tímamótasamkomulag milli ríkisstjórnarinnar, sem leidd er af Samfylkingunni, og borgarinnar um uppbyggingu allt að 1.400 íbúða á reitum innan borgarinnar sem eru í eigu ríkisins.

Áhersla verður lögð á að vinna verkefnið hratt og að byggja minni íbúðir sem mest eftirspurn er eftir. Á bilinu 20 til 30 prósent þeirra verða almennar íbúðir, íbúðir sem uppfylla skilyrði hlutdeildarlána, aðrar leiguíbúðir (til dæmis stúdentaíbúðir, leiguíbúðir Félagsbústaða og íbúðir fyrir eldra fólk) og búseturéttaríbúðir.

Með þessum áherslum verður til stöðug og fyrirsjáanleg uppbygging þar sem markmiðið er að ná jafnvægi á húsnæðismarkaði og mæta raunverulegri þörf allra borgarbúa.

Það að eiga heimili á nefnilega ekki að vera forréttindi, það eru mannréttindi.

Sterk Samfylking er besta sóknin og öflugasta vörnin

Fyrir allt þetta stendur Samfylkingin. Lífsgæði og umhverfi þar sem við berum ábyrgð hvert á öðru. Þar sem við náum mestum árangri með því að vinna saman. Samfylkingin vill gera frábæru Reykjavíkina okkar enn betri þannig að við getum öll verið stolt af henni.

Sömuleiðis er afar mikilvægt að þeir flokkar sem ætla að kúvenda þeim gríðarlega árangri sem við höfum náð á undanförnum árum í borginni komist ekki í aðstöðu til að eyðileggja það sem vel gengur, draga úr mikilvægri þjónustu, selja mikilvægar eignir borgarbúa og umbylta áformum sem búið er að vinna eftir árum saman við þróun borgarinnar.

Til að það gangi eftir þarf að kjósa Samfylkinguna í komandi borgarstjórnarkosningum. Hún er bæði besta sóknin í átt að því sem við getum gert betur og vörnin fyrir það sem þegar hefur verið gert og við viljum alls ekki missa.

Setjum X við S á laugardaginn. Ég lofa að standa undir væntingum ykkar.

Höfundur er oddviti Samfylkingarinnar í Reykjavík.

Ég er stoltur af Reykjavík. Hér eru öflug hverfi. Sterk íþróttafélög. Hér er gott skólakerfi og mikið aðgengi að fjölbreyttum tómstundum fyrir börn. Hér eru sundlaugar sem eru gersemar sem aðrar þjóðir öfunda okkur af.

Framtíðarsýn og skipulag íþróttamannvirkja er okkur hjartans mál. Í fyrsta lagi þarf að vanda vel til verka þannig að mannvirkin standist tímans tönn og verði ekki of lítil á fyrsta degi. Það er dýrt að taka rangar ákvarðanir í þeim málum.

Eitt af þeim málum sem Samfylkingin hefur lagt fram er bygging fjölnota hús undir heilsutengda starfsemi á Húsavik. 
Nú stoppa eflaust margir við og segja að þetta sé allt of dýrt og ekki tímabært í miðað við núverandi stöðu. 

Orð eru til alls fyrst og nú þegar höfum við rætt við fjölmarga aðila sem starfa í þessum geira. Allir þessir aðilar eiga það sameiginlegt að vera á leigumarkaði og greiða háa leigu. Margir í þessari starfsemi hafa þurft að hlaupa á milli húsnæða með tilheyrandi kostnaði, vinnu og raski. 

Miðað við okkar upplýsingar geta samanlagðar leigutekjur í heilsutengdri starfsemi verið samtals á bilinu 2-5 milljónir á mánuði. Því er vel mögulegt að hægt sé að byggja húsnæði sem borgar sig út frá fjárhagslegu sjónarmiði. Þá er ótalinn lýðheilsulegur og samfélagslegur ávinningur af byggingunni.

Okkar hugmynd er að Norðurþing kanni möguleika á að byggja skel utan um áðurnefnda starfsemi og leigutekjur einkaaðila standi undir byggingu og rekstri hússins. Við erum tilbúin að hefja þetta samtal strax og jafnvel má segja að við séum þegar byrjuð að vinna að málinu.

Við hjá Samfylkingunni í Norðurþingi viljum að framkvæmdafé sé ráðstafað með fjölskylduna í forgrunni. 

Þá þarf að hefja framkvæmdir sem frestað var á núlíðandi kjörtímabili. Við þurfum að hefjast handa við framkvæmdir við sundlaugina í Lundi og skólasund á svæðinu geti farið fram án vandræða. Sundlaugin styrkir samfélagið og ferðaþjónustu á svæðinu til framtíðar. Einnig er brýn þörf á að endurnýja stúku og gólf í íþróttahöllinni á Húsavík sem er líklega best nýtta íþróttamannvirki í sveitarfélaginu. 

Samhliða samtali um byggingu á húsnæði undir heilsutengda starfsemi er mikilvægt að klára íþrótta- og tómstundastefnu sveitarfélagsins, en það er viðbúið að með stækkandi samfélagi muni iðkendum í heilsutengdu tómstundastarfi fjölga. Framtíðarsýn á því hvar og hvernig dýr mannvirki byggjast upp er nauðsynleg.

Norðurþing þarf að spennandi valkostur fyrir íbúa og það er okkar að vera útsjónarsöm 

og skapandi í að koma verkefnum af stað sem styrkja samfélagið. 

Kjartan Páll Þórarinsson og Rebekka Ásgeirsdóttir

Höfundar skipa fyrsta og annað sæti á lista Samfylkingarinnar í Norðurþingi

Íþróttamannvirki eru almennt séð dýr í framkvæmd. En vel sótt íþróttamannvirki er góð fjárfesting fyrir samfélagið.

Íþróttamannvirki - fjárfesting sem borgar sig

Eftir því sem börn eldast breytast fyrirmyndirnar. Þau tengjast starfsmönnum í leikskóla og skóla, þjálfurum í íþróttum og vinum. Forráðamenn hætta jafnvel á tímabili að vera „kúl“, en áhrif þeirra hverfa þó aldrei alveg.

Rannsóknir sýna að jákvæðar fyrirmyndir tengjast betri sjálfsmynd barna, meiri félagsfærni og minni líkum á áhættuhegðun. Á sama tíma getur skortur á slíkum fyrirmyndum, eða neikvæðar fyrirmyndir, haft alvarleg áhrif – sérstaklega hjá börnum sem búa við fátækt eða óstöðugleika.

Gögn frá OECD sýna að um helmingur barna endar á svipuðu hæfnistigi og foreldrar þeirra. Það þýðir ekki að börnin velji endilega nákvæmlega sama starf og foreldri, en tengslin eru sterk milli kynslóða. Félagsleg staða, menntun og aðstæður í æsku hafa áfram mikil áhrif á lífsleið einstaklinga. Ástæðurnar eru nokkrar. Börn hámenntaðra foreldra fara líklegar í nám, á meðan önnur hafa færri tækifæri – foreldrar varða að vissu leyti leiðina. Tengsl skipta líka máli, þar sem mörg störf opnast í gegnum tengslanet. Og svo eru það fyrirmyndirnar sjálfar: börn herma eftir því sem þau sjá. Ef þau sjá foreldra sína eða aðra í kringum sig í ákveðnum störfum eða sjá eða heyra viðhorf foreldra getur það mótað val þeirra síðar meir.

Sterkar fyrirmyndir utan heimilisins skipta miklu máli fyrir framtíð barna, sér í lagi þar sem aðstæður heima fyrir kunna að vera bágar. Börn sem alast upp við fátækt hafa oft minni aðgang að jákvæðum fyrirmyndum, sérstaklega í skipulögðu starfi eins og íþróttum. Þau upplifa meiri streitu, eru líklegri til að dragast úr félagsstarfi og hafa minni möguleika á að breyta stöðu sinni. Það skiptir miklu máli að við áttum okkur á að íþróttir og tómstundir eru ekki bara afþreying – þær eru vettvangur þar sem börn hitta fyrirmyndir utan heimilis.

Samfélag sem leyfir að efnahagur foreldra ráði því hvaða fyrirmyndir börn hafa, er samfélag sem velur að skapa ójöfnuð. Það viljum við í Samfylkingunni á Akureyri ekki. Við trúum því að jöfn samfélög séu sterk samfélög og að öll börn eigi að fá sömu tækifæri.

Höfundur skipar þriðja sæti lista Samfylkingarinnar á Akureyri.

Ég held að ég geti fullyrt að nær öll okkar eigum eða höfum átt fyrirmyndir. Í upphafi lífsins eru það forráðamenn sem gegna því hlutverki. Þar mótast fyrstu viðhorfin, hegðunin og skilningur á heiminum.

Leit um „��"

3426 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3426 niðurstöður fundust við leit að „���������������������������������������������������"