Ársþing 60+ í Reykjavík verður haldinn miðvikudaginn 28. janúar kl. 10-12 á Hallveigarstíg 1.

Dagskrá ársþing 60+ í Reykjavík:
1. Greinargerð um störf og framkvæmdir stjórnar á liðnum 2 árum.
2. Breytingar á samþykktum.
3. Kosning formanns.
4. Kosning fjögurra félagsmanna í aðalstjórn.
5. Kosning tveggja félagsmanna í varastjórn.
6. Kosning þriggja manna í uppstillingarnefnd.
7. Önnur mál.

Þeim sem vilja bjóða sig fram til stjórnarstarfa er bent á að hafa samband við formann uppstillingarnefndar, Ragnheiði Sigurjónsdóttur (s. 8994927).


Ég er varabæjarfulltrúi í Kópavogi. Sit þar fyrir hönd Samfylkingarinnar. Það er ekki ýkja krefjandi starf, ætli þetta hafi ekki verið í fjórða sinn sem ég hef þurft að taka sæti á þessu kjörtímabili. Ég átti ekki von á að þessi fundur yrði sérlega eftirminnilegur. Reyndin varð önnur – en það kom ekki til af góðu. Maður er ýmsu vanur úr herbúðum þessa meirihluta – og kannski fyrst og fremst frá bæjarstjóranum sem greinilega lítur á sína tilveru þannig að það eiga ekki að gilda sömu reglur um hana og aðra.

Dagskrárefnið var meðal annars svokallaðar „hagræðingartillögur meirihlutans vegna nýgerðra kjarasamninga við kennara í skólum og leikskólum bæjarins“. Lágkúran var með ólíkindum. Þegar ég heyrði bæjarstjóra Kópavogs byrja að tala – þá rifjaðist upp texti úr lagi Stuðmanna af plötunni „Listin að lifa“ frá 1989 sem ber heitið „Bara ef það hentar mér“. Þar segir m.a:

Ég sit með augun opin og sitthvað fyrir ber,

ég sé það sem að hentar mér,

svo hlusta ég á flest það sem hérna skrafað er

og heyri það sem hentar mér.

Svo skil ég fyrr en skellur í tönnunum á þér,

ég skil það sem hentar mér.

„Hagræðingartillögur“ meirihluta bæjarstjórnar voru fyrst og fremst á þá leið að „lækka laun kjörinna fulltrúa“ um 10%. Svo komu alls konar tillögur sem höfðu ekkert með „hagræðingu“ að gera. Auknar tekjur og lægri kostnaður vegna styttri viðveru nemenda í leikskólum bæjarins, sala eigna og svo aukning á framlögum úr Jöfnunarsjóði sveitarfélaga. Að Kópavogsbær fái meiri tekjur frá ríkinu er gott mál – en hvað hefur það með „ráðdeild og sparsemi“ að gera? Breyttar forsendur fyrir fjárhagsáætlun (t.d. færri börn sem dvelja á leikskólum) hefur ekkert „hagræðingu“ að gera. Reyndar voru þarna tillögur eins og að hækka gjöld á smíðavöllum bæjarins og að stytta opnunartíma sundlauga í Kópavogi. Nokkuð sem skiptir engu máli í heildarsamhenginu en segir margt um hugarfar meirihlutans. Þessi meirihluti hefur dásamað „Kópavogsmódelið“ í rekstri 22 leikskóla bæjarins. Með þeirri ráðstöfun er verið er að flytja umönnun og kennslu á fyrsta skólastiginu inn á heimilin aftur – og lækkun kostnaðar er auðvitað afleiðingin. Engar rannsóknir hafa kannað hvað áhrif minnkandi meðaldvalartími barna á leikskólum bæjarins (úr 8,05 klst í 7,2klst) hefur haft á foreldra leikskólabarna í bænum og börnin sjálf – sem auðvitað skiptir höfuðmáli. Hins vegar vantar ekki sjálfumgleði meirihlutans vegna þessara breytinga, þó engin gögn styðji ágæti þessar breytingar.

Mest sláandi var að bæjarstjórinn sjálfur mun ekki taka á sig þessar launalækkanir eins og aðrir kjörnir fulltrúar. Heildarlaun bæjarstjórans eiga einungis að lækka um 1,8%! Tillögur minnihlutans um að hún myndi lækka í launum eins og aðrir kjörnir fulltrúar voru snarlega felldar af meirihlutanum. Sem er óskiljanleg meðvirkni og ekkert annað en forréttindablinda.

Ég hitti góðan og gegnan Framsóknarmann úr Kópavogi í vikunni. Hann hefur kennarabakgrunn og miklar efasemdir um þessa ráðstöfun. „Hvaða skilaboð er verið að senda til kennarastéttarinnar?“ spurði hann. „Það er verið að skapa hugrenningatengsl um að versnandi afkoma bæjarsjóðs sé þeim að kenna, jafnvel þó bæjarstjórn hafi átt aðild að þessum samningum með galopin augun. Hvað gerist næst? Það er mjög dapurt að henda kennarastéttinni með þessum hætti fyrir vagninn og gera þá ábyrga fyrir að hafa samið um kaup og kjör eins og aðrir í samfélaginu“ sagði þessi ágæti maður. Þeir sem í raun lenda í niðurskurði og beinlínis lækkun í launum eru kjörnir fulltrúar. Ótalin er sú fækkun funda sem þegar hefur tekið gildi en fundum nefnda hefur fækkað um allt að 50%. Er það hvetjandi fyrir fólk að taka þátt í grasrótarstarfi og hlúa þannig að lýðræðislegri þátttöku í samfélaginu? En menn vita að þetta er pópúlismi og gengur vel í marga. Menn geta haft skoðun á því hvort kjörnir fulltrúar séu með góð laun. Ég á t.d. sæti í skipulagsráði og reyni að sinna því í hvívetna með vönduðum undirbúningi fyrir fundi. Ég hef aldrei haft lélegra tímakaup um ævina – en það er gott og blessað, maður lítur á þátttöku sína sem framlag fyrir betra samfélagi. Það sem skiptir máli þar er hvort kjörnir fulltrúar sinni hlutverki sínu vel með því að undirbúa sig fyrir fundi og sinni sínu starfi af kostgæfni. Eitt má þó fullyrða: Það er enginn kjörinn fulltrúi á einhverjum „ofurlaunum“ – nema einn – það er bæjarstjórinn í Kópavogi sem telur að ekki eigi sömu reglur að gilda um hana og aðra.

Það væri ekki hægt að skálda þetta.

Höfundur er varabæjarfulltrúi í Kópavogi og á sæti í umhverfis- og skipulagsráði Kópavogsbæjar.

Flokksvalið fer fram laugardaginn 24. janúar, þar sem flokksfélagar kjósa um röðun á lista Samfylkingarinnar fyrir komandi kosningar.

Hér er hægt að sjá yfirlit frambjóðenda: https://xs.is/frambjodendur-i-flokksvali-i-reykjavik-2026

2. sæti - Steinunn Gyðu- og Guðjónsdóttir

3. - 4. sæti - Dóra Björt Guðjónsdóttir

Framboðsfrestur í flokksvali Samfylkingarinnar í Reykjavík rann út laugardaginn 3. janúar. Alls hafa 17 einstaklingar gefið kost á sér til setu á framboðslista flokksins.

17 í framboði í flokksvalinu í Reykjavík

Spjallkaffi Samfylkingarinnar í Reykjavík 60+ verður á sínum stað miðvikudaginn 15. október kl. 10:00 - 12:00 í sal Samfylkingarinnar, Hallveigarstíg 1, 101 Reykjavík.

Gestur okkar verður Víðir Reynisson alþingismaður.

Það verður heitt á könnunni og eitthvað með því.

Verið öll velkomin!

Málefnastarf Samfylkingarinnar í Kópavogi fyrir bæjarstjórnarkosningarnar 16. maí er í fullum gangi.  Á næstu vikum verða fundir í málefnahópum þar sem unnið verður áfram að móta stefnu og áherslur Samfylkingarinnar hér í Kópavogi.  Allir fundirnir verða haldnir í húsnæði Samfylkingarinnar að Hlíðasmára 9. 

29. október kl. 20:00 Velferðarmál - Málefni fjölskyldna og málefni íbúa af erlendum uppruna.

4. nóvember kl. 18:30 Umhverfis- og skipulagsmál - Útivist og opin svæði (Kópavogsdalur, Fossvogsdalur, Kárnes o.fl.)

Frummælandi er Tryggvi Felixson, hagfræðingur og fyrrv. formaður Landverndar og Kópavogsbúi.

12. nóvember kl. 20:00 Menntamál - Leikskólamál.

18. nóvember kl. 18:30 Umhverfis- og skipulagsmál - Efri byggðir Kópavogs. Frummælandi: Bjarki Valberg, arkitekt hjá COWI Íslandi. Fyrrum starfsmaður Kópavogsbæjar og Kópavogsbúi.

26. nóvember kl. 20:00 Menntamál - Málefni grunnskóla.

Félagsmenn eru eindregið hvattir til að mæta og taka þátt í umræðunum og taka með sér gesti ef þeir vilja.

Velferðarmál - Málefni fjölskyldna og málefni íbúa af erlendum uppruna.

Samfylkingin stendur með þjóðum sem þurfa að þola ólöglegt hernám og yfirgang, svo sem í Palestínu og Úkraínu, og gerir kröfu um að reglur þjóðaréttar um friðsamleg samskipti þjóða séu virtar í hvívetna. Ísland á alltaf að taka skýra afstöðu gegn mannréttindabrotum, styðja réttindabaráttu viðkvæmra hópa á heimsvísu og berjast gegn fordómum og hvers kyns mismunun.

Samfylkingin vill að íslensk stjórnvöld beiti sér af festu á alþjóðlegum vettvangi fyrir tveggja ríkja lausn milli Ísraels og Palestínu. Samfylkingin fordæmir landtökubyggðir Ísraelsmanna á Vesturbakkanum og árásir á íbúa Gaza. Samfylkingin fordæmir með afgerandi hætti þá stríðsglæpi sem framdir hafa verið fyrir botni Miðjarðarhafs. Einnig fordæmir Samfylkingin innrás og stríðsglæpi Rússa í Úkraínu. 

Samstaða með kúguðum og jaðarsettum

Listin er ómetanleg og hefur gildi í sjálfri sér. Öflugt listalíf er ein meginforsenda þess að hér sé gott að búa. Gróskumikið menningarlíf þroskar einstaklinginn og styrkir samfélagið. Listir og menning veita okkur mikilsverð lífsgæði sem ekki verða metin til fjár og gegna þýðingarmiklu hlutverki í frjálsu og lýðræðislegu þjóðfélagi. Skapandi greinar eru nú ört vaxandi og má telja meðal undirstöðuatvinnugreina þjóðarinnar.

Á Íslandi búum við að fjölskrúðugu menningarlífi og njótum sköpunarkrafts metnaðarfullra listamanna sem miðla listsköpun sinni um land allt og út um allan heim. Við erum stolt af því að eiga fjölda fulltrúa á sviði menningar og lista sem eru í fremstu röð á heimsvísu. Ekkert af þessu er sjálfsagður hlutur. Til að viðhalda góðum árangri og sækja fram er brýnt að hlúa vel að hvers kyns menningarstarfsemi í landinu og vinna markvisst að bættu starfsumhverfi listafólks. Þá er fjölbreytt og öflugt listnám undirstaða auðugs menningarlífs.

Samfylkingin vill styðja við menningarlíf, listafólk og áframhaldandi vöxt skapandi greina á Íslandi af myndarskap. Við vitum að slíkur stuðningur skilar samfélaginu miklum efnahagslegum og samfélagslegum ávinningi og horfir því meðal annars á stuðninginn sem fjárfestingu fyrir framtíðina. Skapandi greinum fylgja ört vaxandi útflutningstekjur, íslenskt menningarlíf er annað helsta aðdráttarafl ferðaþjónustu í landinu og allar atvinnugreinar reiða sig í einhverjum mæli á framlag listafólks eða skapandi greina í víðara samhengi. Menning, listir og skapandi greinar verða í  lykilhlutverki í efnahagslífi Íslands og í heimshagkerfinu öllu á næstu áratugum og við viljum búa í haginn fyrir það með því að styrkja stöðu okkar á því sviði. 

Samfylkingin leggur ríka áherslu á aðgengi allra að listum og menningu, listnámi og þátttöku í menningarstarfi. Í þeim efnum er okkur ekki síst umhugað um að stuðla að jöfnum tækifæri allra barna og ungmenna og að auka hlutdeild fólks úr jaðarsettum hópum í opinberu menningarlífi.

Menning er sameiningarafl. Við búum í fjölmenningarsamfélagi, fögnum auknum menningarlegum fjölbreytileika og viljum efla þátttöku og sýnileika Íslendinga sem ekki hafa íslensku að móðurmáli á sviði lista og menningar í landinu. Reynslan sýnir að íslenskt menningarlíf blómstrar best þegar það er opið fyrir alþjóðlegum straumum og stefnum. Einangrun og afturhald gera menningu okkar fátækari. Samfylkingin beitir sér því fyrir virkri þátttöku í alþjóðasamstarfi á sviði menningarmála um leið og við viljum varðveita menningararf okkar og tryggja stöðu íslenskrar tungu í stafrænum heimi. 

Listin er ómetanleg og hefur gildi í sjálfri sér.

Samfylkingin í Mosfellsbæ efnir til samtals um velferð og atvinnumál fimmtudaginn 6. nóvember kl. 19:30 í húsnæði Samfylkingarinnar að Þverholti 3. 

Gestir fundarins eru þingmennirnir Kristján Þórður Snæbjarnarson og Sigurþóra Steinunn Bergsdóttir. 

Taktu þátt í beinu og milliliðalausu samtali.
Öll velkomin!

Velferð og atvinna - samtal við þingmenn

Mestu skiptir þó að ná niður vöxtum og tryggja aukið, fjölbreytt húsnæðisframboð. Vegna hárra vaxta og þröngra lántökuskilyrða hefur hægst á fasteignamarkaði og uppbyggingu. Um 5.000 íbúðir eru nú óseldar og hefur hægst á meðalsölutíma íbúða. Sölutími er lengri á landsbyggðinni en á höfuðborgarsvæðinu og lengri á dýrari og stærri íbúðum en ódýrari og minni. Það er þó enn undirliggjandi eftirspurn fyrir hendi. Óvissan vegna nýfallinna dóma bætist ofan á þetta.

Til skamms tíma þarf því að bregðast við dómum Hæstaréttar. Til milli-langs tíma þarf að stýra efnahagsmálum og ríkisfjármálum af ábyrgð og festu og til lengri tíma þarf að stefna að upptöku evru og aðild að Evrópusambandinu.

Í næsta húsnæðispakka verður meðal annars lögð áherslu á að bæta ríkislóðum við lóðaframboð sveitarfélaga. Ástæðan er sú að þrátt fyrir að mikið hafi verið byggt af íbúðarhúsnæði hér á landi á undanförnum árum, einkum í Reykjavík, hefur uppbygging íbúðarhúsnæðis ekki náð að halda í við fólksfjölgun.

En hver er staðan? Árleg uppbyggingarþörf íbúðarhúsnæðis er um 3.000 íbúðir. Til viðbótar er gert ráð fyrir að til langs tíma minnki heimili og íbúum í hverri íbúð fækki að meðaltali. Því þurfi að byggja allt að 4.000 íbúðir á ári.

Hvað er í áætlunum? Í húsnæðisáætlunum sveitarfélaga á höfuðborgarsvæðinu eru sett fram útfærð áform til næstu tíu ára. Næstu fimm árin gera áætlanirnar ráð fyrir að 3.900 íbúðir geti farið af stað árlega. Þetta eru metnaðarfullar áætlanir sem stefna að því að mæta eftirspurn eftir íbúðauppbyggingu á landsvísu. Ýmsir þessara reita eru þó háðir skipulagi, innviðaframkvæmdum og flutningi fyrirtækja svo dæmi séu tekin.

Til að styrkja enn frekar framboð íbúðarhúsnæðis, lóða og svæða, og leita nýrra leiða til að fjármagna innviði hefur Reykjavíkurborg unnið með verkalýðshreyfingunni og lífeyrissjóðum, og núna ríkisstjórninni, að því að leita nýrra leiða við þróun og fjármögnun nýs hverfishluta í Úlfarsárdal.

Í næsta pakka á svo að vera hægt að kynna stóraukið framboð ríkislands og húsnæðis í eigu ríkisins sem má breyta í íbúðir. Það myndi gera lóða- og íbúðaframboð öruggara. Allt að 11.000 íbúðir geta orðið til skv. þeim áætlunum sem húsnæðishópur þingmanna hefur tekið saman og þær geta orðið ennþá fleiri. Sumir kostirnir kalla á pólitíska forystu og samkomulag við hlutaðeigandi ráðuneyti, stofnanir og sveitarfélög. Slíkt flækjustig er þó ekki nýtt þegar húsnæðismál eru annars vegar. Það er gott að hafa ríkisstjórn með skýra sýn, kjark og plan.

Höfundur er alþingismaður Reykvíkinga. dagur@althingi.is

Ríkisstjórnin kynnti fyrsta húsnæðispakka sinn fyrir helgi. Þar voru góðar áherslur á óhagnaðardrifið húsnæði, höggvið er á hnúta varðandi hlutdeildarlán, undirstrikaðar breytingar vegna Airbnb og fjöldi annarra mikilvægra mála.

Húsnæðispakki og öruggara lóðaframboð

60+ í Hafnarfirði boðar til aðalfundar fimmtudaginn 13. nóvember kl. 10.30 í húsnæði Samfylkingarinnar Strandgötu 43.
 
Dagskrá:
 
1. Greinargerð um störf og framkvæmdir stjórnar á liðnum 2 árum
2. Skýrsla gjaldkera
3. Breytingar á samþykktum
4. Kosning formanns
5. Kosning fjögurra félagsmanna í aðalstjórn
6. Kosning þriggja félagsmanna í varastjórn
7. Önnur mál

Kær kveðja stjórn 60+!

Leit um „��"

2942 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

2942 niðurstöður fundust við leit að „���������������������������������������������������"