Það er öllum ljóst að slíkt íþróttamannvirki myndi stórbæta þjónustu við íþróttafélög og iðkendur í t.d. fótbolta, frjálsum íþróttum og golfi en það kemur fleira til.

Slíkt hús verður einnig aðstaða fyrir hinn almenna borgara til að stunda hreyfingu í skjóli fyrir veðri og vindum. Þá erum við sérstaklega að hugsa um tækifæri fyrir eldri borgara en það gaf einnig góða raun í Grindavík að hafa húsið opið fyrir krakka, innan sem utan íþróttafélaga, að koma og stunda hreyfingu og hafa gagn og gaman af. Það væri einnig kjörið að nýta þetta samhliða grunn- og leikskólastarfi og auka þannig enn frekar þátttöku barna í íþróttum og vera frábær viðbót við það flotta starf sem fer fram í skólunum okkar. Þetta íþróttamannvirki myndi á sama tíma létta á íþróttahúsinu og auka möguleika fyrir aðrar íþróttir að komast að og fá aðstöðu undir sína starfsemi. Raddir hafa verið uppi um að ræktin sé sprungin og erfitt að stækka núverandi aðstöðu en svona hús gæti einnig nýst undir slíkt. Þá er auðvelt að sjá fyrir sér tækifæri fyrir aðra menningartengda viðburði s.s. tónleikahald og ýmsar sýningar eða kynningar. Þá þekkjum við flest öll að skipulagðir viðburðir utandyra hafa þurft að víkja fyrir veðri og þetta væri frábær kostur þegar slíkt kemur upp.

Listinn að ofan er alls ekki tæmandi en gefur ákveðna hugmynd um möguleikana sem fjölnota íþróttahús býður upp á. Það er líka okkar vilji að húsið verði nýtt sem mest og þjónusti íbúa sem best.

Varðandi staðsetninguna, sem verður mögulega umdeild, þarf að taka tillit til margra sjónarmiða: Nálægð við önnur íþróttamannvirki og samlegð við þau, aðgengi og bílastæðamál, möguleika á framtíðarstækkun og áhrif á íbúa og umhverfi. Þar sjáum við frábært tækifæri, að kynna vel fyrir íbúum og hagsmunaaðilum 2 -3 mögulegar staðsetningar og kjósa svo um bestu staðsetninguna. Það er algjörlega í takt við okkar stefnu hjá Samfylkingunni og félögum, að treysta íbúum og gefa þeim aukið vægi í að hafa áhrif á samfélagið sitt og nærumhverfi.

Það er vissulega margt eftir að gera, s.s. þarfagreina og funda með forsvarsmönnum íþróttafélaga, áætlanagerð, frumhönnun, kostnaðargreina slíka framkvæmd og finna henni stað o.m.fl. Það er því ekki hægt að sjá fyrir nákvæmlega kostnað að svo stöddu þótt uppbygging annarra sveitarfélaga gefi hugmyndir. Ljóst er að kostnaðurinn við fjölnota íþróttahús er töluverður en sveitarfélagið getur algjörlega staðið undir honum og það má halda því til haga að minni bæjarfélög en okkar hafa ráðist í slíka framkvæmd. Útfærsla á fjármögnun hefur verið misjöfn á milli sveitarfélaga en svona mannvirki er byggt með áratuga notkun í huga og því er verið að fjárfesta til framtíðar. Einnig gerir þetta sveitarfélagið að enn eftirsóknarverðari búsetukosti fyrir utanaðkomandi - meira fólk = meira fjármagn til reksturs. Þannig hefði þetta mjög jákvæð áhrif á fasteignamarkaðinn, hvort sem horft er til sölu á öllum þeim íbúðum sem eru í byggingu eða fólks sem vill minnka eða stækka við sig. Það er líka skýr afstaða okkar að þetta muni ekki hafa neikvæð áhrif á nauðsynlega uppbyggingu annarra innviða í sveitarfélaginu, s.s. stækkun grunnskólans. Það er mikilvægt að hefja undirbúning strax svo hægt sé að tryggja aðkomu allra og að framkvæmdin ásamt fjármögnun verði sem hagkvæmust.

Fjölnota íþróttahús er ekki bara raunhæfur möguleiki heldur frábær lyftistöng fyrir okkar samfélag, gefur mikinn kraft í íþróttastarf og styður við menningu og almenna hreyfingu og samveru þar sem allir íbúar á öllum aldri geta notið góðs af. Við munum leggja mikinn kraft í þetta verkefni og vinna hörðum höndum að þetta verði að veruleika, í góðu og nánu samstarfi og sátt við hagsmunaaðila og íbúa. Stuðningur við Samfylkinguna og félaga er því stuðningur við uppbyggingu fjölnota íþróttahúss. Setjum X við S þann 16. maí.

6. sæti á lista Samfylkingar og félaga í Ölfusi

Fjölnota íþróttahús hefur lengi verið í umræðunni í okkar sveitarfélagi. Við hjá Samfylkingunni og félögum ætlum að gera þá hugmynd að veruleika.

Samfylkingin og óháðir í Árborg fagna sumrinu með því að opna kosningskrifstofu og kynna stefnuskrá framboðsins á sumardaginn fyrsta, 23. apríl kl. 16.00, Eyravegi 23 (Rauði krossinn) á Selfossi.

Frambjóðendur á staðnum kynna stefnumálin - léttar veitingar og pylsur á grillinu.

Plokkum saman hjá Skógræktinni í tilefni plokkdagsins!

Hittumst kl. 11:00 hjá Skógræktinni, plokkum og grillum pylsur að plokki loknu!

Öll velkomin, hlökkum til að sjá ykkur!

Hámundur Örn Helgason

Í fyrsta lagi er uppbygging íþróttamannvirkja ekki „aukaatriði“ heldur forsenda öflugs íþróttastarfs. Ný mannvirki eins og íþróttahús og sundlaug við Stapaskóla skapa aukið aðgengi, bæta æfingaaðstöðu og gera fleiri börnum kleift að taka þátt í íþróttum. Slík fjárfesting er eins mikill fjárstuðningur og hugsast getur og fyrir okkur Njarðvíkinga var þetta lífsnauðsynlegt framlag frá sveitarfélaginu okkar.

Í öðru lagi þarf að horfa til heildarmyndarinnar. Aukin þátttaka barna í íþróttum, auknar kröfur um fagmennsku og fjölbreyttari þjónusta kalla á bæði aukið rekstrarfé og bætta aðstöðu. Það er því eðlilegt að fjármunir skiptist á milli uppbyggingar innviða og stuðnings við daglegt íþrótta- og tómstundastarf. Að stilla þessu upp sem andstæðum þáttum þjónar ekki málefnalegri umræðu.

Í þriðja lagi ber að viðurkenna að uppbygging tekur tíma. Fjárfestingar í mannvirkjum skila sér ekki alltaf strax í rekstri félaga, en til lengri tíma skapa þær betri rekstrarskilyrði, meiri nýtingu og aukin tækifæri til tekjuöflunar og þróunar. Það er ekki rétt að halda því fram að aukin framlög skili sér ekki. Þau birtast einfaldlega á fleiri en einn hátt, bæði í ytri aðstöðu og innra starfi. Verkefnið fram undan er ekki að gera lítið úr þeirri uppbyggingu sem hefur átt sér stað, heldur að tryggja að næstu skref byggi ofan á þá miklu innspýtingu sem hefur verið sett í málaflokkinn.

Reykjanesbær fór í mikilvæga og metnaðarfulla vinnu 2023 við endurskoðun rekstrarsamninga við íþróttafélög. Það skipti miklu máli að stærstu íþróttafélög bæjarins áttu fulltrúa í þeirri vinnu. Skýrsla starfshópsins byggir því á sameiginlegri sýn og raunverulegum þörfum hreyfingarinnar sjálfrar. Skýrslan dregur enn fremur fram skýrar tillögur um hvernig bæta megi rekstrargrundvöll íþróttafélaganna og það er sérstaklega ánægjulegt að sjá að Reykjanesbær hefur unnið markvisst að því að hrinda þessum tillögum í framkvæmd. Nú þegar er búið að uppfylla mörg þeirra atriða sem lögð voru fram í skýrslunni, sem sýnir að þetta var ekki einungis stefnumótandi skjal heldur einnig raunveruleg aðgerðaáætlun sem hefur þegar skilað miklum árangri fyrir íþróttastarf í bænum, í það minnsta finnur undirritaður vel fyrir þessum stuðningi.

Ungmennafélögin okkar í Reykjanesbæ hafa til að mynda verið styrkt með fjórum stöðugildum, íþróttastjórum og fjármálastjórum, stöðugildum sem eru fjármögnuð af Reykjanesbæ. Knattspyrnudeildir Keflavíkur og Njarðvíkur hafa fengið mikilvægan rekstrarsamning um rekstur knattspyrnuhallar og fimleikadeild Keflavíkur hefur á síðustu árum fengið sérstaka samninga um eflingu barna- og ungmennastarfs, samþykktan rekstur Fimleikaakademíu og fengið aukinn stuðning til kaupa og endurnýjunar á búnaði. Einnig hefur fimleikadeildin, í ljósi mikils fjölda iðkenda, fengið aðstöðu í Akurskóla og í Keili auk aðstöðunnar í Fimleikaakademíunni.

Þá hefur sveitarfélagið almennt veitt íþrótta- og tómstundafélögum verulegan fjárhagslegan stuðning, bæði í formi beinna framlaga, hækkun hvatagreiðslna (nú frístundastyrkir), hækkun þjálfarastyrkja, styrk til Íþróttabandalags Reykjanesbæjar í formi hálfs stöðugildis framkvæmdastjóra ásamt fjölmörgum þjónustu- og rekstrarsamningum við íþrótta- og tómstundafélög í Reykjanesbæ. Þegar horft er til þessarar heildarmyndar er erfitt að halda því fram að aukin framlög séu aðeins til staðar á blaði en komi ekki fram í raunverulegu starfi.

Tölum af sanngirni um það sem vel er gert og byggjum áfram ofan á það!

Hámundur Örn Helgason, 5. sæti á lista Samfylkingar í Reykjanesbæ

Nýlega birtist grein í Víkurfréttum þar sem því var haldið fram að aukin framlög til íþróttamála í Reykjanesbæ væru einungis sýnileg í bókahaldi sveitarfélagsins en kæmu ekki fram í raunverulegu starfi íþróttafélaganna. Það er mikilvægt að þessi umræða fari fram en jafn mikilvægt er að hún sé byggð á staðreyndum.

Framlög til íþróttamála, tölum af sanngirni

Bæjarmálafundur hjá Samfylkingunni í Kópavogi verður haldinn miðvikudaginn 15. apríl kl. 20:00 í Hlíðasmára 9.

Á dagskrá verða helstu mál í bæjarstjórn og nefndum og ráðum bæjarins. 

Nýlega var mikilvægi Akureyrarbæjar staðfest með borgarstefnu sem samþykkt var á Alþingi, við búum nú í svæðisborg sem gegnir þjónustuhlutverki við mun stærra svæði. Atvinnumálin í okkar bæ snúast því ekki bara um fyrirtækin sjálf, heldur um það hvort að fólk sjái framtíð sína hér og ekki á höfuðborgarsvæðinu. Akureyrarbær hefur alla burði til að auka samkeppnishæfni Íslands í heild og vera raunverulegur valkostur fyrir einstaklinga og fjölskyldur sem vilja flytja til Íslands og búa í borgarsamfélagi. Þar með aukast lífsgæði allra þeirra sem byggja landshlutann eins og hann leggur sig.

Pólítíkin á að móta stefnuna, ekki öfugt

Síðasta atvinnustefna sem unnin var fyrir Akureyri rann út árið 2021 og núverandi meirihluti bæjarstjórnar hefur ekki séð ástæðu til að hefja vinnu við nýja. Á næsta kjörtímabili þarf að endurnýja aðalskipulag Akureyrarbæjar og ég tel rétt að vinna atvinnustefnu samhliða aðalskipulagi úr því sem komið er. Akureyrarbær þarf sína eigin, skýru atvinnustefnu til 10-15 ára þar sem grundvallarspurningum verður svarað; Hvernig atvinnulíf viljum við að vaxi og dafni til framtíðar í Akureyrarbæ? Hvaða greinar viljum við efla og hvers vegna? Hvernig tryggjum við að ávinningurinn skili sér til samfélagsins? Þegar þessum spurningum er svarað þurfa að fylgja aðgerðir, m.a. í gegnum aðalskipulag, með ákvörðunum um atvinnusvæði, blöndun byggðar, hafnarsvæði, samgöngur og aðra innviði. Þannig mótar pólitísk stefna skipulagið en ekki öfugt.

Þegar fjárfestar leita til bæjarins þurfum við að geta svarað til um lóðaframboð, hvaða innviðir og grunnþjónusta eru til staðar og hvernig samgöngumálum er háttað. Þessum spurningum svörum við bæði með skýrri atvinnustefnu og öflugu aðalskipulagi sem svarar þörfum atvinnulífs jafnt við uppbyggingu á hverfum og íbúðum fyrir íbúa.

Í tengslum við atvinnustefnu þarf að taka umræðu um fasteignagjöld atvinnuhúsnæðis. Fasteignagjöld eru bæði mikilvægur tekjustofn og stýritæki sveitarfélagsins. Þau geta stutt við fjölbreytt atvinnulíf eða hamlað því og það skiptir því máli hvernig þeim er beitt.

Fasteignagjöld eiga ekki einungis að „fylla gatið í fjárhagsáætlun“ heldur verður þau að styðja við þá atvinnustefnu sem bærinn hefur mótað. Ef við viljum t.a.m. styðja við nýsköpun, þjónustu, skapandi greinar og smærri atvinnurekendur á Akureyri, þá verðum við að endurskoða hvort gjaldtakan í dag styðji við þá stefnu eða vinni gegn henni. Samfylkingin á Akureyri boðar heiðarlega greiningu og breytingar sem tryggja bæði sterkan bæjarsjóð og vaxandi, fjölbreytt atvinnulíf.

Þekkingarsamfélag og störf framtíðarinnar

Það er einnig augljóst að Akureyrarbær á að halda áfram uppbyggingu sinni sem raunverulegt háskóla- og þekkingarsamfélag. Ef við viljum halda ungu fólki í bænum, sérfræðingum og skapandi einstaklingum á svæðinu, verðum við að bjóða upp á störf framtíðarinnar hér fyrir norðan og ekki aðeins í Reykjavík.

Atvinnustefnan þarf því að leggja skýra áherslu á samstarf við Háskólann á Akureyri og framhaldsskóla bæjarins, á uppbyggingu nýsköpunar- og frumkvöðlasamfélags og að gera Akureyri að augljósum kosti fyrir fjarvinnandi fólk og þekkingarfyrirtæki. Styðja þarf við að hér verði áfram öflugur sjávarútvegur, iðnaður og ferðaþjónusta en því til viðbótar verðum við einnig að skjóta nýjum stoðum undir atvinnulíf bæjarins. Sem dæmi má nefna að við eigum nú þegar öflug nýsköpunarfyrirtæki í gagnavers- og líftækniiðnaði sem við viljum að geti vaxið áfram hér og skapað afleidd störf.

Atvinnustefna sem talar ekki um húsnæði, velferð, menningu og innviði væri ekki merkilegur pappír. Staðreyndin er að fyrirtæki og fjárfestar koma ekki þar sem starfsfólk fær ekki húsnæði við hæfi eða leikskólapláss, og fólk vill síður búa þar sem ekki er aðgengi að heilbrigðisþjónustu, góðar samgöngur og öflug menningarstarfsemi.

Þess vegna þarf atvinnustefnan að vera þverfagleg: Íbúðauppbygging og atvinnuuppbygging verða að ganga í takt; samgöngur innan bæjar og út úr honum eru einnig mikilvægur hluti af atvinnustefnu; öflugt skólakerfi og heilbrigðisþjónusta eru lykilatriði í samkeppnishæfni Akureyrar sem borgar. Jafnframt má ekki gleyma mikilvægi menningarinnar og tækifæranna í skapandi greinum. Enn fremur er ljóst að engin atvinnustefna verður mörkuð í dag án þess að taka tillit til áhrifa gervigreindar á vinnumarkað nútímans og framtíðar.

Að lokum skiptir máli hvernig stefnan verður til. Sterk atvinnustefna verður ekki skrifuð í lokuðu reykfylltu bakherbergi né verður hún mótuð í tómarúmi. Hana þarf að móta í opnu samráði við íbúa, stéttarfélög, fyrirtæki, háskólasamfélagið, stofnanir og félagasamtök. Henni þarf þar að auki að fylgja skýr aðgerðaáætlun, með skilgreindri ábyrgð og tímalínu ásamt reglulegu stöðumati.

Akureyrarbær má ekki lengur láta atvinnumálin reka á reiðanum og vera ávallt í viðbragði og skammtímaákvörðunum. Hluti þess að standa undir nafni sem svæðisborg er að uppfylla skyldur sínar í að móta skýra, réttláta og framsækna atvinnustefnu. Þetta ætlar Samfylkingin á Akureyri að gera í anda jafnaðarstefnu, samfélagslegrar ábyrgðar og í þeirri trú að Akureyrarbær hafi tækifæri og möguleika á að vaxa langt umfram það sem er í dag.

Það muna flestir hvað það var algengt á yngri árum að fá spurninguna „hvað ætlarðu að verða þegar þú verður stór?“Það stóð auðvitað ekki á svörum, en þau tóku breytingum eftir því sem tíminn leið; lögga, bófi, hárgreiðslukona eða skrifstofumaður. En á endanum stóðu flestir frammi fyrir því að ákveða sig og tóku ákvörðun. Bærinn okkar þarf að mínu mati að fara að ákveða sig. Hvernig bæ viljum við búa í eftir 10 ár, eða 15 ár, eða 30 ár? Hvað ætlar hann að verða þegar hann verður stór? Þar leikur atvinnustefnan lykilhlutverk. Hugsum stórt, og til framtíðar.

Hvernig sem á það er horft er Akureyrarbær höfuðstaður Norðurlands.

Hvað ætlar Akur­eyri að verða þegar hún verður stór?

Ég kynntist konu sem er fædd og uppalin á Skaganum og hún sannfærði mig fljótt um að hér væri gott að búa. Smám saman fór ég að taka eftir því sem gerir Akranes einstakt. Andrúmsloftið er rólegra, daglegt líf einfaldara, ljósir sandar meðfram strandlengjunni og viðmót fólks hlýlegt.

Akranes er barnvænt sveitarfélag með framúrskarandi skóla á öllum skólastigum og hér hefur verið lögð áhersla á þjónustu við börn og fjölskyldur. Hér er líka mjög öflugt íþróttasamfélag með fjölbreyttu íþrótta- og tómstundastarfi fyrir alla aldurshópa og kennileiti eins og Akranesviti og Akrafjall prýða veggi á flestum heimilum á Skaganum.

Unga fólkið sem ólst hér upp fór annað hvort aldrei í burtu eða valdi að flytja aftur heim. Það segir sitt um bæinn. Akranes er nefnilega afar góður staður til að búa á og ég hlakka til að ala upp litla drenginn okkar hér.

Akranes er stækkandi sveitarfélag og því fylgir ábyrgð en líka tækifæri. Það er mikilvægt að við horfum fram á veginn og spyrjum okkur hvernig við getum gert gott samfélag betra.

Við þurfum að halda áfram að styrkja innviði bæjarins. Stórbæta viðhald gatna og fasteigna, efla þjónustu við eldri borgara og tryggja barnafjölskyldum góðan stuðning. Þar skiptir miklu máli að brúa bilið milli fæðingarorlofs og leikskóla og halda áfram að byggja upp og styðja við leik- og grunnskóla bæjarins.

Íþróttalífið er einn af hornsteinum samfélagsins á Akranesi. Það er mikilvægt að efla og styrkja hið öfluga starf ÍA og aðildarfélaga þess, horfa til framtíðar og móta skýra heildarsýn fyrir íþróttasvæði og íþróttamannvirki bæjarins.

Það er brýnt að bæjaryfirvöld kalli skólana, sundfélagið og ÍA að borðinu sem fyrst til að taka ákvarðanir um hvar og hvenær ný innisundlaug verður byggð. Uppbygging hennar þarf að hefjast á næstu árum. Ný innisundlaug mun ekki eingöngu nýtast sundfélaginu, heldur er hún mikilvæg fyrir kennslu skólasunds, ungbarnasunds og leikfimi aldraðra.

Golf er önnur almenningsíþrótt sem hefur ótvírætt lýðheilsugildi. Golfvöllurinn er tvímælalaust ein af perlum Akraness og hefur mikið aðdráttarafl. Horfa þarf til framtíðar golfvallarins, uppbyggingar hans og stækkunar með það fyrir augum að hann haldi stöðu sinni sem einn af allra bestu völlum landsins. Með skýrri framtíðarsýn og markvissum skrefum í rétta átt getum við tryggt að Akranes verði áfram eitt öflugasta íþróttasamfélag landsins.

Við Akurnesingar eigum ekki að bera okkur saman við sveitarfélög þar sem staðan er slæm. Við eigum að stefna að því að vera fyrirmyndin og nýta þau tækifæri sem felast í bænum okkar með því að vekja athygli á Akranesi sem góðum stað fyrir fyrirtæki. Við þurfum að vera skapandi í hugsun með það að markmiði að renna stoðum undir fjölbreytt, nútímalegt atvinnulíf, skapandi störf og ferðaþjónustu sem byggir á sérstöðu staðarins.

Einföldum leyfisferli og regluverk, aðstoðum framsækið fólk að fara af stað með hugmyndir eða framkvæmdir. Horfum á hvaða áhrif það hefur á daglegt líf bæjarbúa, grípum tækifærin sem skapast en finnum jafnframt lausnir á þeim hindrunum sem gætu komið upp. Þannig getum við haldið áfram að byggja upp öflugt samfélag og verið fyrirmynd, sem önnur sveitarfélög bera sig saman við.

Ein besta ákvörðun sem ég hef tekið var að flytja á Akranes, hér vil ég búa og leggja mitt að mörkum fyrir samfélagið, fjölskylduna mína og bæinn minn.

Höfundur er oddviti Samfylkingarinnar á Akranesi fyrir komandi sveitarstjórnarkosningar

Ég grínast oft með það að ég hafi verið dreginn á Akranes.

Mótum Fjarðabyggð saman! – Opið stefnuþing hjá Samfylkingunni og öðru félagshyggjufólki

Við viljum bjóða þér og öllum þeim sem láta sig bæjarfélagið okkar varða á opið stefnuþing næsta miðvikudag kl. 20:00 í húsnæði Grunnskóla Reyðarfjarðar.

Samfylkingin á Akranesi boðar til opins fundar þar sem að gestum gefst færi á að móta með okkur stefnu flokksins fyrir komandi kosningar á Akranesi.

Fundurinn er miðvikudaginn 15. apríl kl. 20:00 í Stillholti 16-18.

Samfylkingin 60+ Hafnarfirði verður með kaffispjall fimmtudaginn 16. apríl klukkan 10:30-12:00. 

Gestir fundarins verða bæjarfulltrúarnir Hildur Rós Guðbjargardóttir og Árni Rúnar Þorvaldsson 🌹

Við hlökkum til að sjá ykkur á Strandgötu 43.
Öll hjartanlega velkomin! 

Leit um „��"

3201 niðurstaða fannst við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3201 niðurstaða fannst við leit að „������������������������������������������������������������"