Það er þörf á breytingum í Hafnarfirði! Á kjörtímabilinu hefur Samfylkingin sett brýn hagsmunamál Hafnfirðinga á dagskrá og lagt fram fjölbreyttar tillögur sem allar miða að því að bæta hag bæjarbúa. Við höfum starfað með almannahag að leiðarljósi og það munum við gera á næsta kjörtímabili í meirihluta undir forystu jafnaðarfólks fáum við til þess umboð kjósenda. 

Skýr stefna sem byggir á fjölbreyttu og virku samráði

Við leggjum nú fram ítarlega stefnuskrá þar sem við nálgumst stór og smá viðfangsefni af skilningi og raunsæi. Stefnan byggir á vinnu og málflutningi okkar í bæjarstjórn á kjörtímabilinu og fjölbreyttu og virku samráði við íbúa og atvinnulíf bæjarins og frjáls félagasamtök.

 Haldnir voru opnir málefnafundir sem voru vel sóttir, félagasamtök og fyrirtæki heimsótt og íbúar sendu okkur hugmyndir og ábendingar í gegnum netið. Viðtökurnar voru frábærar og okkur barst fjöldinn allur af frábærum tillögum og ábendingum frá íbúum, atvinnulífi og félagasamtökum. Stefnan byggir einnig á metnaðarfullri vinnu Samfylkingarinnar á landsvísu þar sem daglega lífið var sett í forgrunn og markmiðið var að einfalda daglegt líf fólks og útspil flokksins á grunni þeirrar vinnu nefnist 

Það má því með sanni segja að stefnan sé unnin í samræmi við það hvernig Samfylkingin mun vinna í bæjarstjórn; fyrir fólkið og með fólkinu! 

Traustur og ábyrgur rekstur er forsenda góðrar þjónustu í þágu íbúa og nauðsynlegra framkvæmda. Þar skiptir rétt forgangsröðun öllu máli. Samfylkingin setur börn og ungmenni í fyrsta sæti þar sem við ætlum að lækka kostnað barnafólks og tryggja öflugt starf í leik- og grunnskólum bæjarins sem veitir börnum og ungmennum þann stuðning sem þau þurfa. Sömuleiðis forgangsraðar jafnaðarfólk í þágu eldra fólks, fólksins sem byggði bæinn og landið, með eflingu heimaþjónustu, uppbyggingar lífsgæðaíbúða og fjölgun hjúkrunarrýma. 

Bærinn á að vera skipulagður á forsendum fólks og iðandi mannlífs og í sátt við umhverfið. Húsnæðismál eru velferðarmál og því á húsnæðisuppbygging að vera fjölbreytt. Það þarf m.a. að gerast með auknu samstarfi við óhagnaðardrifin leigufélög og í þeim efnum ætlar Samfylkingin sérstaklega að huga að uppbyggingu fyrir ungt fólk, fyrstu kaupendur, tekjulægri hópa og uppbyggingu lífsgæðaíbúða fyrir eldra fólk. 

Framkvæmdir í samgöngumálum þola enga bið og Samfylkingin setur nauðsynlegar úrbætur í samgöngumálum í forgang. Þar er um að ræða löngu tímabærar úrbætur í vegamálum, eflingu almenningssamgangna og uppbygging göngu- og hjólastíga. Hafnfirðingar eiga að komast greiðlega um bæinn með fjölbreyttum ferðamátum.  

Hafnarfjörður á að styðja við atvinnulífið og auðvelda rekstur og uppbyggingu með einföldun regluverks. Samhliða á Hafnarfjörður að vera lifandi menningarbær sem laðar til sín listafólk, ferðamenn og aðra gesti. 

Samfylkingin ætlar að byggja upp bæ sem forgangsraðar í þágu fólksins þar sem við tökum ábyrgð hvert á öðru. Við erum sterkari saman! 

Þörf er á breytingum við stjórn Hafnarfjarðar. Samfylkingin er tilbúin til að taka við stjórn bæjarins að loknum kosningum 16. maí nk. Við leggjum nú fram ítarlega og skýra stefnuskrá, sem unnin er í víðtæku samráði við íbúa, atvinnulíf og félagasamtök og erum tilbúin að ganga í verkin á grunni hennar. 
Bæjarbúar munu strax skynja þann sóknarhug sem mun fylgja nýjum stjórnarháttum þegar jafnaðarfólk tekur við stjórn bæjarins. Það er hægt að taka mark á orðum okkar og við ætlum að láta verkin tala. Við bendum með stolti á verk jafnaðarfólks fyrr og síðar í Hafnarfirði og óskum eftir stuðningi kjósenda til þess að stýra Hafnarfirði á forsendum jafnaðarstefnunnar á nýjan leik í sveitarstjórnarkosningunum 16. maí næstkomandi.

Þar læra börn ekki aðeins lestur og reikning heldur gagnrýna hugsun, samskipti og félagsfærni. Skólinn á líka að vera öruggur staður sem styður vellíðan og veitir rútínu. Vegna skólaskyldu er hann jafnframt sá vettvangur sem nær best til allra barna og getur greint og brugðist snemma við vanda. Skólarnir eru stærsti hluti rekstrar sveitarfélagsins. Það eitt og sér ætti að gera það að forgangsverkefni okkar að tryggja að kerfið virki sem best og að við séum stöðugt að leita leiða til að gera enn betur.

Gögn sýna alvarlegar áskoranir. Niðurstöður PISA benda til þess að íslenskir nemendur standi undir meðaltali OECD í öllum greinum. Samkvæmt OECD (2025) segjast um fimmtungur íslenskra kennara á unglingastigi upplifa streitu í vinnunni sem er ívið hærra hlutfall en í samanburðarlöndum (OECD, 2025). Þrír helstu streituþættirnir eru að aðlaga kennslu að nemendum með sérþarfir, viðhalda agastigi í bekk og bera ábyrgð á félagslegri og tilfinningalegri líðan nemenda. Samkvæmt könnun Velferðarvaktarinnar (2019) glíma um 2,2% grunnskólanema við skólaforðun en rannsóknaraðilar telja að talan sé líklega hærri þar sem skráning á fjarvistum er ábótavant víða. Meðal helstu ástæðna nefna skólastjórnendur andlega vanlíðan nemenda eins og kvíða og þunglyndi.

Við erum með frábæra kennara en biðjum þá um of mikið. Þeir eru ekki menntaðir til að sinna hlutverki sálfræðinga, félagsráðgjafa, atferlisfræðinga og sérkennara samtímis. Hlutfall kennara án réttinda hefur farið hækkandi síðustu ár sem er staða sem taka þarf alvarlega. Menntakerfið okkar er undir of miklu álagi og við þurfum að bregðast við, bæta starfsumhverfi, styðja við kennara og geðheilbrigði barna.

Skóli án aðgreiningar krefst þjónustu

Hugmyndafræðin um skóla án aðgreiningar byggir á því að hvert barn eigi rétt á að tilheyra. Í Finnlandi fylgdi þessari stefnu raunveruleg uppbygging stuðnings innan skólanna. Þegar Finnland tók upp þessa stefnu fór hlutfall barna í sérkennsluúrræðum úr 2% í 17%, ekki vegna þess að börnin breyttust, heldur vegna þess að kerfið fór að greina þarfirnar fyrr. Í Finnlandi fylgdi þjónustan stefnunni. Þar fá börn þann stuðning sem þau þurfa inni í bekknum og gripið er snemma inn í. Munurinn á Íslandi og Finnlandi liggur ekki í stefnu heldur þjónustu.

Árangursríkt kerfi eins og í Finnlandi byggir á þremur þrepum:

1. þrep: Góð kennsla fyrir alla. Kennari aðlagar verkefni og fylgist með þróun hvers barns. Þetta á að vera grunnurinn.

2. þrep: Snemmbær hjálp. Börnin sem sýna vísbendingar um vanda fá stuðning í litlum hópum, á skólatíma, í samvinnu sérkennara og umsjónarkennara. Þetta er mögulega mikilvægasta stigið, hér er hægt að grípa inn áður en lítill vandi verður of mikill.

3. þrep: Sérhæfð þjónusta. Mat hjá skólasálfræðingi, sérkennsla og þverfaglegt samstarf fagfólks.

Í dag virkar kerfið oft öfugt; börn fá ekki stuðning fyrr en vandinn er orðinn mikill sem krefst þriðja þreps. Slík nálgun er mun dýrari heldur en að bregðast við á fyrri stigum

Deildarstjóri sérkennslu er lykilhlutverk

Lykilmanneskja þessa kerfis er deildarstjóri sérkennslu. Hlutverk hans er ekki bara að bregðast við vandanum heldur koma í veg fyrir að vandi vaxi. Starfið felst í að styðja kennara, greina þarfir snemma og samhæfa þjónustu. Í Hafnarfirði er staða deildarstjóra sérkennslu oft hlutastarf, sem þýðir að tíminn fer í brýn mál og lítið svigrúm er til snemmtækrar íhlutunar. Þá er verið að slökkva elda í stað þess að koma í veg fyrir þá. Eða að skólarnir þurfa að nýta aðra sérkennslutíma í að fylla upp í stöðugildið sem kemur niður á sérkennslu skólans við nemendur.

Reynsla Norðurlanda sýnir að þegar hlutverk deildarstjóra sérkennslu er sinnt eins lýst var hér að ofan, dregur úr þörf fyrir dýr sérúrræði síðar. Því er nauðsynlegt að auka þessi stöðugildi í skólum í Hafnarfirði.

Styrkja stoðþjónustu og geðheilbrigði

Stærstu áskoranir kennara tengjast hegðunar- og tilfinningavanda nemenda. Það krefst sérfræðiaðstoðar. Bandaríska skólasálfræðingafélagið (NASP) mælir með að hlutfallið sé einn skólasálfræðingur á 500 nemendur, ef sálfræðingurinn á að geta sinnt fleiru en slökkvistarfi. Hlutfall skólasálfræðinga er langt frá þessu faglegu viðmiðum og börn bíða of lengi eftir þjónustu. Stærsti hluti starfs skólasálfræðings er að sinna frumgreiningum. Greiningar opna oft leið að stuðningi og vegna þess að greiningar opna á þjónustu, er eftirspurnin gríðarleg og biðlistarnir langir. Það er því nauðsynlegt að kerfið tryggi að börn fái aðstoð óháð greiningu. Þá gætu sálfræðingar við skóla haft svigrúm til þess að sinna forvörnum og snemmtækri íhlutun og aðstoðað börn sem glíma við tilfinninga- og hegðunarvanda.

Stoðþjónustan eins og sálfræðimeðferð þarf að vera þrepaskipt, líkt og stuðningur í námi. Leggja þarf meiri áherslu á lágþröskulda úrræðum, við kvíða, hegðun og vanlíðan. Eins og fram kom hér að ofan er skólinn frábær vettvangur til þess að sinna fyrsta þrepi í geðheilbrigði barna og unglinga. Rannsóknir sýna að líðan getur haft áhrif á námsárangur og með bættri líðan drögum við einnig úr álagi á kennara sem veitir þeim svigrúm til að sinna sínum störfum.

Skóli án aðgreiningar er góð hugmyndafræði en hún krefst raunverulegrar fjárfestingar. Í dag höfum við sett markmið án þess að tryggja tæki og stuðning til að ná þeim. Niðurstaðan er kerfi þar sem kennarar standa einir, stuðningur kemur of seint og börn bíða og lengi eftir viðeigandi þjónustu.

Samfylkingin í Hafnarfirði vill breyta þessu með því að:

gera stöður deildarstjóra sérkennslu að fullu starfi

styrkja stoðþjónustu og fjölga sérfræðingum í skólunum

Auka aðgengi að úrræðum til að bæta geðheilbrigði barna og unglinga

Þetta er fjárfesting sem skilar sér til seinni tíma og því nauðsynlegt að við förum að hugsa um menntamál og velferð barna til framtíðar. Það er ódýrara að grípa inn snemma en að bregðast við þegar vandinn er orðinn mikill. Við þurfum að laga kerfið að börnunum ekki öfugt. Tækifærin til breytinga í Hafnarfirði verða 16. maí með því að setja X við S.

Höfundur er sálfræðingur og frambjóðandi Samfylkingarinnar í Hafnarfirði.

Velferðarvaktin (2019). Könnun um skólasókn og skólaforðun í grunnskólum. Maskína fyrir Félags- og vinnumarkaðsráðuneytið.

OECD. (2025). Results from TALIS 2024: Iceland. OECD Publishing. https://doi.org/10.1787/90df6235-en

Moberg, S., & Zumberg, M. (1994). Inclusive education in Finland: Present and future perspectives. Psychological Reports, 75(3), 1519–1528. https://doi.org/10.2466/pr0.1994.75.3f.1519

Skólar eru einn mikilvægasti hornsteinn samfélagsins og lykill að jöfnuði.

Skóli án að­greiningar krefst raun­veru­legrar þjónustu

Viðskiptafræðinemi og formaður ASÍ-UNG

1. Svanfríður Guðrún Bergvinsdóttir

Rafmagnstæknifræðingur

2. Helgi Karl Guðmundsson

Aðstoðarskólastjóri

3. Finney Rakel Árnadóttir

Véliðnfræðingur

4. Sigurður Jón Hreinsson

Stjórnmálafræðingur

5. Hrafnhildur Hrönn Óðinsdóttir

Rafvirki

6. Gísli Már Guðjónsson

Umsjónarmaður

7. Jónína Eyja Þórðardóttir

Ljósmyndari og verkefnastjóri

8. Úlfar Logason

Sérkennari

9. Iwona Maria Samson

Húsvörður

10. Sveinberg Þór Birgisson

Lýðheilsufræðingur

11. Sigurrós Elddís Huldudóttir

Ráðgjafi

12. Rúnar Helgi Haraldsson

Kynjafræðingur

13. Ingibjörg Andrea Hallgrímsdóttir

Gæðastjóri

14. Guðmundur Ólafsson

Gatahönnuður

15. Þ. Sunnefa Elfarsdóttir

Fisksali

16. Kári Jóhannsson

Frumkvöðull

17. Inga María Guðmundsdóttir

Fyrrverandi bæjarfulltrúi

18. Bryndís G Friðgeirsdóttir

Pétur Marteinsson kynnir áherslur Samfylkingarinnar í Reykjavík laugardaginn 18. apríl kl. 13:00 við opnun kosningamiðstöðvar á Laugarvegi 114, 105 Reykjavík.

Boðið verður upp á veitingar og drykki.

Dagsskrá:
13:00 - Kosningamiðstöð opnar
13:30 - Pétur Marteinsson kynnir áherslur Samfylkingarinnar í Reykjavík

Öll velkomin og hlökkum til að sjá ykkur!

Opnun kosningamiðstöðvar í Reykjavík

Það er öllum ljóst að slíkt íþróttamannvirki myndi stórbæta þjónustu við íþróttafélög og iðkendur í t.d. fótbolta, frjálsum íþróttum og golfi en það kemur fleira til.

Slíkt hús verður einnig aðstaða fyrir hinn almenna borgara til að stunda hreyfingu í skjóli fyrir veðri og vindum. Þá erum við sérstaklega að hugsa um tækifæri fyrir eldri borgara en það gaf einnig góða raun í Grindavík að hafa húsið opið fyrir krakka, innan sem utan íþróttafélaga, að koma og stunda hreyfingu og hafa gagn og gaman af. Það væri einnig kjörið að nýta þetta samhliða grunn- og leikskólastarfi og auka þannig enn frekar þátttöku barna í íþróttum og vera frábær viðbót við það flotta starf sem fer fram í skólunum okkar. Þetta íþróttamannvirki myndi á sama tíma létta á íþróttahúsinu og auka möguleika fyrir aðrar íþróttir að komast að og fá aðstöðu undir sína starfsemi. Raddir hafa verið uppi um að ræktin sé sprungin og erfitt að stækka núverandi aðstöðu en svona hús gæti einnig nýst undir slíkt. Þá er auðvelt að sjá fyrir sér tækifæri fyrir aðra menningartengda viðburði s.s. tónleikahald og ýmsar sýningar eða kynningar. Þá þekkjum við flest öll að skipulagðir viðburðir utandyra hafa þurft að víkja fyrir veðri og þetta væri frábær kostur þegar slíkt kemur upp.

Listinn að ofan er alls ekki tæmandi en gefur ákveðna hugmynd um möguleikana sem fjölnota íþróttahús býður upp á. Það er líka okkar vilji að húsið verði nýtt sem mest og þjónusti íbúa sem best.

Varðandi staðsetninguna, sem verður mögulega umdeild, þarf að taka tillit til margra sjónarmiða: Nálægð við önnur íþróttamannvirki og samlegð við þau, aðgengi og bílastæðamál, möguleika á framtíðarstækkun og áhrif á íbúa og umhverfi. Þar sjáum við frábært tækifæri, að kynna vel fyrir íbúum og hagsmunaaðilum 2 -3 mögulegar staðsetningar og kjósa svo um bestu staðsetninguna. Það er algjörlega í takt við okkar stefnu hjá Samfylkingunni og félögum, að treysta íbúum og gefa þeim aukið vægi í að hafa áhrif á samfélagið sitt og nærumhverfi.

Það er vissulega margt eftir að gera, s.s. þarfagreina og funda með forsvarsmönnum íþróttafélaga, áætlanagerð, frumhönnun, kostnaðargreina slíka framkvæmd og finna henni stað o.m.fl. Það er því ekki hægt að sjá fyrir nákvæmlega kostnað að svo stöddu þótt uppbygging annarra sveitarfélaga gefi hugmyndir. Ljóst er að kostnaðurinn við fjölnota íþróttahús er töluverður en sveitarfélagið getur algjörlega staðið undir honum og það má halda því til haga að minni bæjarfélög en okkar hafa ráðist í slíka framkvæmd. Útfærsla á fjármögnun hefur verið misjöfn á milli sveitarfélaga en svona mannvirki er byggt með áratuga notkun í huga og því er verið að fjárfesta til framtíðar. Einnig gerir þetta sveitarfélagið að enn eftirsóknarverðari búsetukosti fyrir utanaðkomandi - meira fólk = meira fjármagn til reksturs. Þannig hefði þetta mjög jákvæð áhrif á fasteignamarkaðinn, hvort sem horft er til sölu á öllum þeim íbúðum sem eru í byggingu eða fólks sem vill minnka eða stækka við sig. Það er líka skýr afstaða okkar að þetta muni ekki hafa neikvæð áhrif á nauðsynlega uppbyggingu annarra innviða í sveitarfélaginu, s.s. stækkun grunnskólans. Það er mikilvægt að hefja undirbúning strax svo hægt sé að tryggja aðkomu allra og að framkvæmdin ásamt fjármögnun verði sem hagkvæmust.

Fjölnota íþróttahús er ekki bara raunhæfur möguleiki heldur frábær lyftistöng fyrir okkar samfélag, gefur mikinn kraft í íþróttastarf og styður við menningu og almenna hreyfingu og samveru þar sem allir íbúar á öllum aldri geta notið góðs af. Við munum leggja mikinn kraft í þetta verkefni og vinna hörðum höndum að þetta verði að veruleika, í góðu og nánu samstarfi og sátt við hagsmunaaðila og íbúa. Stuðningur við Samfylkinguna og félaga er því stuðningur við uppbyggingu fjölnota íþróttahúss. Setjum X við S þann 16. maí.

6. sæti á lista Samfylkingar og félaga í Ölfusi

Fjölnota íþróttahús hefur lengi verið í umræðunni í okkar sveitarfélagi. Við hjá Samfylkingunni og félögum ætlum að gera þá hugmynd að veruleika.

Samfylkingin og óháðir í Árborg fagna sumrinu með því að opna kosningskrifstofu og kynna stefnuskrá framboðsins á sumardaginn fyrsta, 23. apríl kl. 16.00, Eyravegi 23 (Rauði krossinn) á Selfossi.

Frambjóðendur á staðnum kynna stefnumálin - léttar veitingar og pylsur á grillinu.

Plokkum saman hjá Skógræktinni í tilefni plokkdagsins!

Hittumst kl. 11:00 hjá Skógræktinni, plokkum og grillum pylsur að plokki loknu!

Öll velkomin, hlökkum til að sjá ykkur!

Hámundur Örn Helgason

Í fyrsta lagi er uppbygging íþróttamannvirkja ekki „aukaatriði“ heldur forsenda öflugs íþróttastarfs. Ný mannvirki eins og íþróttahús og sundlaug við Stapaskóla skapa aukið aðgengi, bæta æfingaaðstöðu og gera fleiri börnum kleift að taka þátt í íþróttum. Slík fjárfesting er eins mikill fjárstuðningur og hugsast getur og fyrir okkur Njarðvíkinga var þetta lífsnauðsynlegt framlag frá sveitarfélaginu okkar.

Í öðru lagi þarf að horfa til heildarmyndarinnar. Aukin þátttaka barna í íþróttum, auknar kröfur um fagmennsku og fjölbreyttari þjónusta kalla á bæði aukið rekstrarfé og bætta aðstöðu. Það er því eðlilegt að fjármunir skiptist á milli uppbyggingar innviða og stuðnings við daglegt íþrótta- og tómstundastarf. Að stilla þessu upp sem andstæðum þáttum þjónar ekki málefnalegri umræðu.

Í þriðja lagi ber að viðurkenna að uppbygging tekur tíma. Fjárfestingar í mannvirkjum skila sér ekki alltaf strax í rekstri félaga, en til lengri tíma skapa þær betri rekstrarskilyrði, meiri nýtingu og aukin tækifæri til tekjuöflunar og þróunar. Það er ekki rétt að halda því fram að aukin framlög skili sér ekki. Þau birtast einfaldlega á fleiri en einn hátt, bæði í ytri aðstöðu og innra starfi. Verkefnið fram undan er ekki að gera lítið úr þeirri uppbyggingu sem hefur átt sér stað, heldur að tryggja að næstu skref byggi ofan á þá miklu innspýtingu sem hefur verið sett í málaflokkinn.

Reykjanesbær fór í mikilvæga og metnaðarfulla vinnu 2023 við endurskoðun rekstrarsamninga við íþróttafélög. Það skipti miklu máli að stærstu íþróttafélög bæjarins áttu fulltrúa í þeirri vinnu. Skýrsla starfshópsins byggir því á sameiginlegri sýn og raunverulegum þörfum hreyfingarinnar sjálfrar. Skýrslan dregur enn fremur fram skýrar tillögur um hvernig bæta megi rekstrargrundvöll íþróttafélaganna og það er sérstaklega ánægjulegt að sjá að Reykjanesbær hefur unnið markvisst að því að hrinda þessum tillögum í framkvæmd. Nú þegar er búið að uppfylla mörg þeirra atriða sem lögð voru fram í skýrslunni, sem sýnir að þetta var ekki einungis stefnumótandi skjal heldur einnig raunveruleg aðgerðaáætlun sem hefur þegar skilað miklum árangri fyrir íþróttastarf í bænum, í það minnsta finnur undirritaður vel fyrir þessum stuðningi.

Ungmennafélögin okkar í Reykjanesbæ hafa til að mynda verið styrkt með fjórum stöðugildum, íþróttastjórum og fjármálastjórum, stöðugildum sem eru fjármögnuð af Reykjanesbæ. Knattspyrnudeildir Keflavíkur og Njarðvíkur hafa fengið mikilvægan rekstrarsamning um rekstur knattspyrnuhallar og fimleikadeild Keflavíkur hefur á síðustu árum fengið sérstaka samninga um eflingu barna- og ungmennastarfs, samþykktan rekstur Fimleikaakademíu og fengið aukinn stuðning til kaupa og endurnýjunar á búnaði. Einnig hefur fimleikadeildin, í ljósi mikils fjölda iðkenda, fengið aðstöðu í Akurskóla og í Keili auk aðstöðunnar í Fimleikaakademíunni.

Þá hefur sveitarfélagið almennt veitt íþrótta- og tómstundafélögum verulegan fjárhagslegan stuðning, bæði í formi beinna framlaga, hækkun hvatagreiðslna (nú frístundastyrkir), hækkun þjálfarastyrkja, styrk til Íþróttabandalags Reykjanesbæjar í formi hálfs stöðugildis framkvæmdastjóra ásamt fjölmörgum þjónustu- og rekstrarsamningum við íþrótta- og tómstundafélög í Reykjanesbæ. Þegar horft er til þessarar heildarmyndar er erfitt að halda því fram að aukin framlög séu aðeins til staðar á blaði en komi ekki fram í raunverulegu starfi.

Tölum af sanngirni um það sem vel er gert og byggjum áfram ofan á það!

Hámundur Örn Helgason, 5. sæti á lista Samfylkingar í Reykjanesbæ

Nýlega birtist grein í Víkurfréttum þar sem því var haldið fram að aukin framlög til íþróttamála í Reykjanesbæ væru einungis sýnileg í bókahaldi sveitarfélagsins en kæmu ekki fram í raunverulegu starfi íþróttafélaganna. Það er mikilvægt að þessi umræða fari fram en jafn mikilvægt er að hún sé byggð á staðreyndum.

Framlög til íþróttamála, tölum af sanngirni

Bæjarmálafundur hjá Samfylkingunni í Kópavogi verður haldinn miðvikudaginn 15. apríl kl. 20:00 í Hlíðasmára 9.

Á dagskrá verða helstu mál í bæjarstjórn og nefndum og ráðum bæjarins. 

Nýlega var mikilvægi Akureyrarbæjar staðfest með borgarstefnu sem samþykkt var á Alþingi, við búum nú í svæðisborg sem gegnir þjónustuhlutverki við mun stærra svæði. Atvinnumálin í okkar bæ snúast því ekki bara um fyrirtækin sjálf, heldur um það hvort að fólk sjái framtíð sína hér og ekki á höfuðborgarsvæðinu. Akureyrarbær hefur alla burði til að auka samkeppnishæfni Íslands í heild og vera raunverulegur valkostur fyrir einstaklinga og fjölskyldur sem vilja flytja til Íslands og búa í borgarsamfélagi. Þar með aukast lífsgæði allra þeirra sem byggja landshlutann eins og hann leggur sig.

Pólítíkin á að móta stefnuna, ekki öfugt

Síðasta atvinnustefna sem unnin var fyrir Akureyri rann út árið 2021 og núverandi meirihluti bæjarstjórnar hefur ekki séð ástæðu til að hefja vinnu við nýja. Á næsta kjörtímabili þarf að endurnýja aðalskipulag Akureyrarbæjar og ég tel rétt að vinna atvinnustefnu samhliða aðalskipulagi úr því sem komið er. Akureyrarbær þarf sína eigin, skýru atvinnustefnu til 10-15 ára þar sem grundvallarspurningum verður svarað; Hvernig atvinnulíf viljum við að vaxi og dafni til framtíðar í Akureyrarbæ? Hvaða greinar viljum við efla og hvers vegna? Hvernig tryggjum við að ávinningurinn skili sér til samfélagsins? Þegar þessum spurningum er svarað þurfa að fylgja aðgerðir, m.a. í gegnum aðalskipulag, með ákvörðunum um atvinnusvæði, blöndun byggðar, hafnarsvæði, samgöngur og aðra innviði. Þannig mótar pólitísk stefna skipulagið en ekki öfugt.

Þegar fjárfestar leita til bæjarins þurfum við að geta svarað til um lóðaframboð, hvaða innviðir og grunnþjónusta eru til staðar og hvernig samgöngumálum er háttað. Þessum spurningum svörum við bæði með skýrri atvinnustefnu og öflugu aðalskipulagi sem svarar þörfum atvinnulífs jafnt við uppbyggingu á hverfum og íbúðum fyrir íbúa.

Í tengslum við atvinnustefnu þarf að taka umræðu um fasteignagjöld atvinnuhúsnæðis. Fasteignagjöld eru bæði mikilvægur tekjustofn og stýritæki sveitarfélagsins. Þau geta stutt við fjölbreytt atvinnulíf eða hamlað því og það skiptir því máli hvernig þeim er beitt.

Fasteignagjöld eiga ekki einungis að „fylla gatið í fjárhagsáætlun“ heldur verður þau að styðja við þá atvinnustefnu sem bærinn hefur mótað. Ef við viljum t.a.m. styðja við nýsköpun, þjónustu, skapandi greinar og smærri atvinnurekendur á Akureyri, þá verðum við að endurskoða hvort gjaldtakan í dag styðji við þá stefnu eða vinni gegn henni. Samfylkingin á Akureyri boðar heiðarlega greiningu og breytingar sem tryggja bæði sterkan bæjarsjóð og vaxandi, fjölbreytt atvinnulíf.

Þekkingarsamfélag og störf framtíðarinnar

Það er einnig augljóst að Akureyrarbær á að halda áfram uppbyggingu sinni sem raunverulegt háskóla- og þekkingarsamfélag. Ef við viljum halda ungu fólki í bænum, sérfræðingum og skapandi einstaklingum á svæðinu, verðum við að bjóða upp á störf framtíðarinnar hér fyrir norðan og ekki aðeins í Reykjavík.

Atvinnustefnan þarf því að leggja skýra áherslu á samstarf við Háskólann á Akureyri og framhaldsskóla bæjarins, á uppbyggingu nýsköpunar- og frumkvöðlasamfélags og að gera Akureyri að augljósum kosti fyrir fjarvinnandi fólk og þekkingarfyrirtæki. Styðja þarf við að hér verði áfram öflugur sjávarútvegur, iðnaður og ferðaþjónusta en því til viðbótar verðum við einnig að skjóta nýjum stoðum undir atvinnulíf bæjarins. Sem dæmi má nefna að við eigum nú þegar öflug nýsköpunarfyrirtæki í gagnavers- og líftækniiðnaði sem við viljum að geti vaxið áfram hér og skapað afleidd störf.

Atvinnustefna sem talar ekki um húsnæði, velferð, menningu og innviði væri ekki merkilegur pappír. Staðreyndin er að fyrirtæki og fjárfestar koma ekki þar sem starfsfólk fær ekki húsnæði við hæfi eða leikskólapláss, og fólk vill síður búa þar sem ekki er aðgengi að heilbrigðisþjónustu, góðar samgöngur og öflug menningarstarfsemi.

Þess vegna þarf atvinnustefnan að vera þverfagleg: Íbúðauppbygging og atvinnuuppbygging verða að ganga í takt; samgöngur innan bæjar og út úr honum eru einnig mikilvægur hluti af atvinnustefnu; öflugt skólakerfi og heilbrigðisþjónusta eru lykilatriði í samkeppnishæfni Akureyrar sem borgar. Jafnframt má ekki gleyma mikilvægi menningarinnar og tækifæranna í skapandi greinum. Enn fremur er ljóst að engin atvinnustefna verður mörkuð í dag án þess að taka tillit til áhrifa gervigreindar á vinnumarkað nútímans og framtíðar.

Að lokum skiptir máli hvernig stefnan verður til. Sterk atvinnustefna verður ekki skrifuð í lokuðu reykfylltu bakherbergi né verður hún mótuð í tómarúmi. Hana þarf að móta í opnu samráði við íbúa, stéttarfélög, fyrirtæki, háskólasamfélagið, stofnanir og félagasamtök. Henni þarf þar að auki að fylgja skýr aðgerðaáætlun, með skilgreindri ábyrgð og tímalínu ásamt reglulegu stöðumati.

Akureyrarbær má ekki lengur láta atvinnumálin reka á reiðanum og vera ávallt í viðbragði og skammtímaákvörðunum. Hluti þess að standa undir nafni sem svæðisborg er að uppfylla skyldur sínar í að móta skýra, réttláta og framsækna atvinnustefnu. Þetta ætlar Samfylkingin á Akureyri að gera í anda jafnaðarstefnu, samfélagslegrar ábyrgðar og í þeirri trú að Akureyrarbær hafi tækifæri og möguleika á að vaxa langt umfram það sem er í dag.

Það muna flestir hvað það var algengt á yngri árum að fá spurninguna „hvað ætlarðu að verða þegar þú verður stór?“Það stóð auðvitað ekki á svörum, en þau tóku breytingum eftir því sem tíminn leið; lögga, bófi, hárgreiðslukona eða skrifstofumaður. En á endanum stóðu flestir frammi fyrir því að ákveða sig og tóku ákvörðun. Bærinn okkar þarf að mínu mati að fara að ákveða sig. Hvernig bæ viljum við búa í eftir 10 ár, eða 15 ár, eða 30 ár? Hvað ætlar hann að verða þegar hann verður stór? Þar leikur atvinnustefnan lykilhlutverk. Hugsum stórt, og til framtíðar.

Hvernig sem á það er horft er Akureyrarbær höfuðstaður Norðurlands.

Hvað ætlar Akur­eyri að verða þegar hún verður stór?

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"