Samfylkingin vill að Ísland sé samfélag þar sem er gott að eldast. Eldra fólk á að njóta virðingar, öryggis og tækifæra, vera sjálfs sín ráðandi, taka sjálft ákvarðanir um eigin mál og leggja til samfélagsins eftir því sem aðstæður leyfa. Við viljum að aldraðir búi við heilsueflandi umhverfi sem veitir hvata til athafna, hreyfingar og samskipta í daglegu lífi.

Samfylkingin leggur höfuðáherslu á að tryggja afkomuöryggi allra þegar komið er á efri ár. Enginn á að þurfa að búa við fátækt á ævikvöldi sínu og engum má ætla að framfleyta sér á tekjum sem eru lægri en lægstu laun. Tryggja þarf örugga framfærslu eldra fólks, sem býr við mjög íþyngjandi húsnæðiskostnað, svo sem á almennum leigumarkaði. Samfylkingin vill að greiðslur almannatrygginga hækki árlega í samræmi við raunverulega launaþróun í landinu og standi undir mannsæmandi framfærslu. Samfylkingin vill ráðast af krafti gegn alltof skörpum tekjutengingum almannatrygginga með því að hækka frítekjumörk og tryggja að fólk njóti ávinnings af því að hafa greitt í lífeyrissjóði um ævina. Samfylkingin telur að í gildandi regluverki almannatrygginga sé gengið of langt í tekjutengingu ellilífeyris. Við teljum brýnt að strax verði hafist handa um endurskoðun kerfisins, þar sem dregið verði úr skerðingum og sniðnir af því aðrir agnúar, með það að markmiði að ná meiri sátt um þetta mikilvæga kerfi.

Flest eldra fólk býr á og rekur eigin heimili. Þessum hópi þarf að tryggja fullnægjandi framboð á viðeigandi húsnæði auk tækifæra til samfélagslegrar virkni, menntunar og atvinnuþátttöku með möguleikanum á sveigjanlegum starfslokum og hlutastörfum. Það eldra fólk sem þarf aðstoð á að njóta fyrsta flokks heimaþjónustu, heimahjúkrunar og geðþjónustu, sem við viljum að miði í auknum mæli við þarfir hvers og eins. Samfylkingin leggur áherslu á að eldra fólk njóti stuðnings til að geta lifað sjálfstæðu lífi á eigin heimili, kjósi það svo. Þó er ljóst að ráðast verður í stórátak til að fjölga dvalar- og endurhæfingarrýmum sem og hjúkrunarrýmum fyrir þau sem þess þurfa þar sem heimilisfólki stendur til boða fullnægjandi heilbrigðisþjónusta, bæði á sviði líkamlegrar og andlegrar heilsu. Á stofnunum sem þjóna öldruðum þarf að vera tryggt að öll njóti öryggis og virðingar óháð kynhneigð, kynvitund, uppruna eða trúarbrögðum og að tekið sé tillit til óska þeirra, til dæmis um fyrirkomulag persónulegrar þjónustu og hjúkrunar.

Á næstu tuttugu árum má vænta þess að hlutfall fólks 67 ára og eldri hækki um helming. Brýnt er að hið opinbera og aðilar vinnumarkaðarins taki höndum saman um að bregðast við þessari þróun. Samfylkingin vill að áfram verði unnið að styrkingu íslenska lífeyriskerfisins sem byggist á söfnun í samtryggingarsjóði með skylduaðild, gegnumstreymi almannatrygginga og séreignarsparnaði. Lífeyrissjóðirnir standa þegar undir stærstum hluta kerfisins og er líklegt að vægi þeirra vaxi enn á næstu árum. Almannatryggingar munu þó áfram að gegna mikilvægu hlutverki til að tryggja afkomuöryggi eldra fólks.

Samfélag þar sem er gott að eldast

Nú er svo komið að framtíð okkar og velferð komandi kynslóða er undir því komin að ríki, stór og smá, taki höndum saman um róttækar breytingar á framleiðslu og lifnaðarháttum. Við Íslendingar erum rík þjóð, búum yfir gnótt auðlinda og höfum skyldum að gegna gagnvart heimsbyggðinni og komandi kynslóðum.

Loftslagsbreytingarnar eru nú þegar farnar að hafa áhrif á íslenska náttúru, samfélag og atvinnulíf. Alvarlegastar eru að líkindum hitabreytingar og súrnun í hafinu, sem stöðugt þarf að fylgjast með og meta. Sífellt kemur betur í ljós að Íslendingar vilja almennt taka fullan þátt í að vinna gegn loftslagsvánni en mjög hefur skort á pólitíska forystu í loftslagsmálum. Samfylkingin ætlar að breyta þessu og vill að bætt lífskjör byggist á sjálfbærri þróun, varfærinni hagnýtingu auðlinda og vernd náttúru og líffræðilegs fjölbreytileika.

Sjálfbær þróun ‒ að mæta þörfum samtímans án þess að draga úr möguleikum komandi kynslóða til að mæta sínum þörfum ‒ á að vera leiðarstef í baráttunni við loftslagsbreytingar, náttúruvernd og framþróun samfélags þar sem jafnvægis er gætt á milli umhverfislegra, efnahagslegra og félagslega markmiða.

Til þess að við getum dregið hratt og markvisst úr losun og byggt upp sjálfbært samfélag þurfa ríki og sveitarfélög að taka frumkvæði og ryðja brautina. Það er í verkahring stjórnvalda að skapa ramma sem styður við fyrirtæki, heimili, félagasamtök og aðra aðila í samfélaginu og leysir úr læðingi drifkrafta breytinga og framþróunar.

Loftslagsváin og rýrnun líffræðilegrar fjölbreytni er mesta áskorun sem mannkynið stendur frammi fyrir.

Samfylkingin boðar framsækna atvinnustefnu um allt land, sem byggir á góðum og vel launuðum störfum, atvinnugreinum með háa framleiðni og sterku velferðarkerfi. Meginmarkmiðið er að stuðla að fjölgun fjölbreyttfra atvinnutækifæra víða um land sem bæta lífskjör og hæfa framboði vinnuafls á íslenskum vinnumarkaði.

Stefnan grundvallast á fjölbreytni og jafnræði milli fyrirtækja og atvinnugreina og felur auk þess í sér græna uppbyggingu og umbreytingu atvinnulífs. Aukin fjölbreytni í atvinnulífi skýtur fleiri og sterkari stoðum undir íslenskt hagkerfi og útflutning, dreifir áhættu, dregur úr sveiflum og eykur stöðugleika. Jafnræði milli fyrirtækja og atvinnugreina spornar gegn því að einstök fyrirtæki eða atvinnugreinar verði allsráðandi á kostnað annarra og eykur þannig líkur á að sprotar í íslensku atvinnulífi megi vaxa og dafna og verða að öflugum undirstöðugreinum í samfélaginu til framtíðar.  

Rannsóknir og þróun byggja á náinni samvinnu atvinnulífs, hins opinbera og vísindasamfélagsins sem skal tryggja nægt fé til að stunda grunnrannsóknir. Samfylkingin styður eindregið nýsköpun á öllum sviðum atvinnulífsins og vill ýta undir vöxt atvinnugreina sem byggja á hugviti og sköpunargáfu, tækni og verkkunnáttu enda er nýsköpunar- og frumkvöðlastarf lykill að samkeppnishæfni fyrirtækja og þjóða. Nýsköpun gegnir veigamiklu hlutverki í baráttunni við áskoranir framtíðarinnar og er grundvöllurinn að því að byggja upp sjálfbært samfélag. Skapa þarf hvata fyrir stofnendur og stofnfjárfesta farsælla íslenskra nýsköpunarfyrirtækja til að leyfa fyrirtækjum sínum að vaxa áfram  og sækja fram hér á landi.

Samfylkingin vill búa til sterkan ramma fyrir vöxt og verðmætasköpun um allt land. Almenn auðlindagjöld eru lykilatriði og tekjum af þeim skal  að skipta á milli sveitarfélaga og ríkissjóðs til að stilla saman hagsmuni nærsamfélags og þjóðar. Vaxandi vægi háframleiðnigreina í hagkerfinu og skynsamleg  nýting takmarkaðra auðlinda leiðir til hærri launa og skilar sér í bættum lífskjörum vinnandi fólks og almennings á Íslandi um ókomin ár.  Samfylkingin vill koma á sjálfstæðu atvinnustefnuráði sem vinnur þvert á ráðuneyti og leggur í sífellu mat á stöðu atvinnugreina, framleiðni þeirra, sjálfbærni, framlag til hagvaxtar og áhrif á vinnumarkað og innviði. 

Framsækin atvinnustefna fyrir allt Ísland verður að taka mið af markmiðum um byggðaþróun og skoðast í samhengi við framfarir í samgöngumálum og uppbyggingu menntastofnana í landinu. Skilgreina verður markmið atvinnu- og byggðaþróunar út frá styrkleikum og sóknarfærum í hverjum landshluta fyrir sig og eftir vinnusóknarsvæðum. Á þeim grunni geta einkaaðilar, stjórnvöld og stofnanir gert samstilltar áætlanir til lengri tíma og ráðist í uppbyggingu og fjárfestingar sem miða að settu marki. Þá er brýnt að hið opinbera nýti með markvissum hætti þau tækifæri sem felast í fjölgun starfa án staðsetningar sérstaklega út á landi.

Framsækin atvinnustefna fyrir allt Ísland

Framsækin atvinnustefna fyrir allt Ísland

Kraftmiklar alvöru aðgerðir í loftslagsmálum

Loftslag, náttúra og umhverfi

Jafnaðarstefna í náttúruvernd, loftslags-  og umhverfismálum 

Samfylkingin lítur á Ísland sem eina heild. Jafna verður tækifæri allra landsmanna til atvinnu og þjónustu, jafna lífskjör og stuðla að sjálfbærri þróun byggðarlaga um land allt. Skapa þarf aðstæður til fjölbreyttrar atvinnusköpunar og gefa landshlutum tækifæri til þróast á grunni styrkleika hverrar byggðar. Stjórnvöld eiga að vera í fararbroddi í að stuðla að fjölbreyttum og verðmætum störfum um allt land. Til að styðja við byggðaþróun og búsetufrelsi verði störf hjá ríkinu ekki staðbundin nema eðli starfsins krefjist þess sérstaklega. Lífæðar allra samfélaga eru traustir grunninnviðir án þeirra verða engar framfarir né framþróun. Þá er öflug byggðastefna verkfæri í aðgerðum á húsnæðismarkaði. Með jafnari kjörum, aukinni þjónustu, þar á meðal fjarþjónustu, sem og auknu búsetufrelsi dreifist eftirspurn á húsnæðismarkaði og skapar fjölbreyttari möguleika fyrir fólkið í landinu til að eignast öruggt heimili.

Samfylkingin lítur á Ísland sem eina heild þar sem sterkt höfuðborgarsvæði nýtur góðs af blómstrandi byggðum og bæjum um land allt og öfugt. Við viljum byggja höfuðborgarsvæði sem keppir við aðrar borgir í okkar heimshluta og er brimbrjótur Íslands í alþjóðlegri samkeppni um fólk og fyrirtæki. Á sama tíma viljum við nýta til fulls sérstöðu og sóknarfæri landsbyggðanna sem felast ekki síst í nánd við einstaka íslenska náttúru og gjöfular auðlindir. Þessi markmið eru ekki andstæð heldur styðja hvort annað.

Samfylkingin leggur áherslu á góða samvinnu milli borgar og byggða. Við vinnum að sameiginlegum hagsmunum og auknum samhljómi meðal landsmanna á grundvelli jafnvægis og gagnkvæmrar virðingar. Samfylkingin vill draga úr ójöfnuði og aðstöðumun í íslensku samfélagi. Það kallar á að við vinnum betur að því að tryggja jöfn tækifæri og möguleika allra landsmanna óháð búsetu, svo sem til atvinnu, menntunar, menningar, heilbrigðis og hvers kyns þjónustu. Huga þarf sérstaklega að því að börn njóti jafnra tækifæra í íþrótta- og tómstundastarfi.

Allir landsmenn eiga rétt á að njóta lista- og menningar og því vill Samfylkingin styðja við öflugt menningarstarf um allt land, enda er það grundvöllur þróttmikils samfélags.

Samfylkingin leggur áherslu á öflugt sveitarstjórnarstig og nauðsyn þess að bæta samskipti ríkis og sveitarfélaga og skapa þannig farsæl samskipti og traust á milli aðila. Sérstaklega mikilvægt er að efla efnahagssamráð og samstarf vegna húsnæðisuppbyggingar á milli ríkis og sveitarfélaga. Efla skal óhagnaðardrifin leigufélög til uppbyggingar á húsnæði um land allt.

Mikilvægt er að efla sveitarstjórnarstigið sem sinnir sífellt fleiri verkefnum og því vill Samfylkingin stuðla að frekari sameiningu sveitarfélaga að undangengnum atkvæðagreiðslum. Samfylkingin vill stuðla að réttlátari tekjuskiptingu ríkis og sveitarfélaga og styrkja tekjustofna sveitarfélaga svo þau verði betur í stakk búin til að sinna lögbundnum verkefnum og veita íbúum enn betri nærþjónustu.

Samfylkingin vill að markmið atvinnu- og byggðaþróunar verði skilgreind eftir styrkleikum landshluta og vinnusóknarsvæða og að út frá þeim verði mótuð framsækin atvinnustefna fyrir Ísland allt sem taki einnig til uppbyggingar menntastofnana og heilbrigðisstofnana. Þannig má vinna markvisst að farsælli byggðaþróun í landinu. Halda þarf áfram að vinna með sóknaráætlanir landshluta enda hafa þær gefið góða raun en hækka þarf framlögin. Samfylkingin vill jafna aðgengi að grunnþjónustu og hún verði veitt sem mest í nærsamfélagi. Huga þarf að störfum fyrir fólk af öllum kynjum. Sveitarfélögin eru best til þess fallin að leiða vinnu af þessu tagi sjálf í nánu samstarfi innan landshlutasamtaka sveitarfélaga. Ráðast ætti í rannsóknir á kostnaði ríkis og sveitarfélaga vegna landflutninga á vegakerfinu. Í ljósi gríðarlegs álag og kostnaðar á vegakerfnu gætu sjóflutningar verið góður kostur í stöðunni.

Byggðajöfnuður, samgöngur og sveitarstjórnarmál.

Fátt ræður meiru um lífskjör fólks en framleiðni í hagkerfinu. Aukin framleiðni færir okkur meira fyrir minna og er að jafnaði ávísun á bætt lífskjör almennings til langframa. Framleiðniaukning er þó til lítils ef ábatinn af henni dreifist ekki með sanngjörnum hætti um samfélagið.

Fyrir þorra Íslendinga skiptir jöfnuður höfuðmáli þegar kemur að bættum lífskjörum. Auknum tekjujöfnuði má annars vegar ná með jafnari dreifingu tekna á vinnumarkaði og hins vegar með réttlátara skattkerfi og tilfærslum. Hið opinbera ræður miklu um hvort tveggja og þar með um skiptingu arðsins af þjóðarframleiðslunni, enda er það í höndum stjórnvalda að setja markaðnum leikreglur og ákveða skipan skattkerfisins.

Kaupmáttur almennings ræðst þó ekki aðeins af framleiðni og jöfnuði heldur einnig verðlagi. Þess vegna leggur Samfylkingin mikla áherslu á lifandi samkeppni til að halda aftur af okri á markaði í skjóli fákeppni, á hóflega gjaldtöku fyrir almenna opinbera þjónustu og ekki síst á ábyrga hagstjórn sem heldur verðbólgu í skefjum og leiðir þannig af sér stöðugri kaupmátt og lægri vexti.

Aukinn jöfnuður

Samfylkingin vill draga úr ójöfnuði og aðstöðumun í íslensku samfélagi.

Jafnaðarstefna í byggðaþróun og samgöngum

Landsfundur er ekki bara vinna – það er mikilvægt að hafa gaman saman líka!

Á laugardagskvöldinu blásum við til Landsfundargleði, þar sem við fögnum ekki aðeins vinnu landsfundar heldur einnig 25 ára afmæli Samfylkingarinnar!

18:30 – Fordrykkur & léttir tónar
 19:30 – Matur & ýmis skemmtiatriði*
 22:00 – DJ Danni Deluxe heldur partýinu gangandi!

*Skemmtiatriði: Leynigestadúó - ótrúlegt uppboð - svakalegt atriði Þingflokks Samfylkingarinnar

Greitt er fyrir landsfundargleðina með millifærslu:
kt: 6901992899
rnr: 0111-26-019928

Ekki missa af þessu – við lofum frábæru kvöldi!

Landsfundargleði og 25 ára afmæli Samfylkingarinnar – Fögnum saman!

Verið velkomin á opinn fund með Kristrúnu Frostadóttur forsætisráðherra í Menningarhúsinu Miðgarði í Varmahlíð mánudaginn 28. apríl kl. 17:30. Þar verður einnig Arna Lára Jónsdóttir þingmaður Samfylkingar í Norðvesturkjördæmi.

Hvað brennur á þér? Hvernig gerum við Ísland betra? Hvað er framundan hjá nýrri ríkisstjórn?

Tökum opið samtal. Beint og milliliðalaust. Kaffi og pönnukökur.
Sjáumst í Skagafirði.

Athugið að forsætisráðherra verður einnig sérstakur gestur á kirkjukvöldi Sauðárkrókskirkju kl. 20:00 mánudaginn 28. apríl í tilefni sæluviku í Skagafirði.

Opinn fundur með Kristrúnu Frostadóttur í Skagafirði

Næsti bæjarmálafundur verður í Hlíðasmára 9 miðvikudaginn 16. apríl kl. 20.00. Eins og venjulega verða þar rædd þau mál sem efst eru á baugi í bæjarstjórn og nefndum bæjarins hverju sinni.  Allir félagar eru hvattir til að mæta og taka þátt í umræðum um málefni bæjarins.

Leit um „��"

2969 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

2969 niðurstöður fundust við leit að „���������������������������"