Aðalfundur Samfylkingarinnar á Vestfjörðum verður haldinn þriðjudaginn 21. apríl 2026 á netinu kl 20:00-21:00.

Dagskrá aðalfundar
1.       Skýrsla stjórnar.
2.       Reikningar félagsins lagðir fram.
3.       Skýrslur nefnda sem starfa á vegum félagsins.
4.       Breytingar á lögum félagsins.
5.       Kosning formanns.
6.       Kosning stjórnar, fjögurra aðalmanna og tveggja til vara.
7.       Kosning tveggja skoðunarmanna reikninga.
8.       Ákvörðun um félagsgjald.
9.       Önnur mál
 
Stjórn óskar eftir framboðum í stjórn og fyrir skoðunarmenn reikninga. Sérstaklega er kosið til formanns en nýkjörin stjórn skiptir öðrum verkum á milli sín.

Allar nánari upplýsingar veitir varaformaður Samfylkingarinnar á Vestfjörðum Guðrún Anna Finnbogadóttir, gasfrise@gmail.com.

Aðalfundur Samfylkingarinnar á Vestfjörðum

Daglega lífið hefur verið í forgangi í málefnastarfi Samfylkingar í vetur. Við höfum farið víðs vegar um landið, haldið opna fundu og bankað og dyr og spurt: Hvernig léttum við lífið þitt? Hvernig getur Samfylkingin aðstoðað?

Afraksturinn af þessum samtölum má finna í nýju útspili Samfylkingar – sem ber yfirskriftina Tökum ábyrgð hvert á öðru. Þar eru lögð fram þrjú samvinnuverkefni ríkis og sveitarfélaga sem verða sett í forgang á næsta kjörtímabili í sveitarstjórnum landsins.

Í útspilinu er að finna tillögur til að lækka kostnað barnafólks og hlúa að fólkinu sem byggði landið. Þá er kynnt áætlun um að halda áfram einföldun regluverks eins og verið hefur við stjórn landsmála og gera slíkt hið sama á sviði sveitarstjórna. „Í gær kynnti ríkisstjórnin lækkun á dælunni, til að taka á hækkandi olíuverði, samhliða nýrri atvinnustefnu Íslands sem er 10 ára vaxtarplan. Í dag kynnir Samfylking nýtt útspil til að létta daglega lífið – eftir umfangsmikið samtal við fólkið í landinu á síðustu misserum,“ segir Kristrún Frostadóttir forsætisráðherra og formaður Samfylkingar, sem kynnti útspil flokksins fyrir sveitarstjórnarkosningar á fréttamannafundi í dag við Smáratorg í Kópavogi, ásamt Jónasi Má Torfasyni sem er oddviti Samfylkingar í Kópavogi.

Útspil Samfylkingar kveður einnig á um að eyða biðlistum eftir hjúkrunarrýmum fyrir árið 2030 og ljúka við að fækka ríkisstofnunum um 15% á yfirstandandi kjörtímabili í landsmálunum.

Smelltu hér til að lesa útspilið í heild

Tillögur Samfylkingar til að lækka kostnað barnafólks fela meðal annars í sér þak á leikskólagjöld og 100% systkinaafslætti. Þá leggur flokkurinn til að réttur til leikskólavistar verði lögfestur frá því að fæðingarorlofi lýkur – með löggjöf og sameiginlegri fjármögnun ríkis og sveitarfélaga í skrefum á næstu 4 árum.

Tillögurnar gera ráð fyrir að engin fjölskylda greiði meira en 50 þúsund krónur á mánuði fyrir 40 tíma leikskólaviku – en að tekjulægri greiði minna.

Kristrún Frostadóttir forsætisráðherra og formaður Samfylkingar segir:

„Þannig hlífum við barnafjölskyldum við allt að 450 þúsund króna kostnaði á ári – ef miðað er við hið svokallaða Kópavogsmódel.

Barnaskatturinn í Kópavogi er 450 þúsund krónur á ári – því fjölskylda með tvö leikskólabörn greiðir allt að 450 þúsund krónum meira á ári í Kópavogi en í Reykjavík fyrir 40 tíma leikskólaviku.“

„Það er kominn tími til að lögfesta rétt til leikskólavistar – líkt og gert hefur verið á öllum Norðurlöndum – til að brúa bilið milli fæðingarorlofs og leikskóla. Til þess þarf nýja löggjöf og sameiginlega fjármögnun ríkis og sveitarfélaga.“

Því til viðbótar er lagt til að öllum börnum og ungmennum verði boðið frítt í Strætó og að haldið verði áfram að efla frístundastyrki við barnafjölskyldur til að ýta undir virka þátttöku í íþrótta- og tómstundastarfi um land allt.

Til að hlúa að fólkinu sem byggði landið boðar Samfylkingin áframhaldandi þjóðarátak í umönnun eldra fólks og uppbyggingu yfir 1.500 hjúkrunarrýma (samkvæmt framkvæmdaáætlun til 2030) – þannig að árið 2027 verði búið að helminga biðlistann eftir hjúkrunarrýmum og að árið 2030 sé miðað við að biðlistinn verði kominn niður í 100 manns en að sá hópur fái biðrými og enginn bíði lengur en 90 daga.

„Við erum að tækla biðlistann sem tvöfaldaðist frá árinu 2017 og við erum nú þegar á réttri leið með stórfelldri fjölgun hjúkrunarrýma,“ segir Kristrún.

Þá hyggst Samfylkingin stórefla þjónustu við eldra fólk í heimahúsum með því að bjóða samfellda þjónustu við eldra fólk sem felst meðal annars í samþættingu heimaþjónustu, heimahjúkrunar og öldrunarráðgjafar– sem fylgir þörfum hvers og eins (þar með talið fyrir heimilishjálp, félagsstarf, heilsueflingu, dagdvalir, iðju- og sjúkraþjálfun o.s.frv.).

Tillögur Samfylkingar til að auðvelda rekstur og uppbyggingu snúa meðal annars að því að einfalda leyfisveitingar og regluverk — eins og Samfylkingin hefur gert markvisst á fyrsta ári í ríkisstjórn. Leyfisferli verði einfölduð og sameinuð, dregið verði úr kvöðum við að afla umsagna og skýr tímamörk sett á afgreiðslu leyfi sveitinga.

„Við höfum ráðist í stórfellda einföldun á regluverki á fyrsta ári okkar í ríkisstjórn og við viljum gera það sama í sveitarstjórnum um allt land. Treystum frumkvöðlum og fyrirtækjum til að fara strax af stað og hefja rekstur — en veitum leiðsögn um úrbætur þegar þörf er á,“ segir Jónas Már Torfason, oddviti Samfylkingar í Kópavogi og formaður stýrihóps Samfylkingar um daglega lífið.

Samfylkingin leggur einnig til að komið verði upp einum viðkomustað fyrir fyrirtæki hjá hverju sveitarfélagi, þar sem fyrirtæki hafi fastan tengipunkt til halds og trausts. Þá verði haldið áfram að létta á kerfi nu með fækkun ríkisstofnana um 15% á kjörtímabilinu, til að auka hagræði og bæta þjónustu við fólk og fyrirtæki.

* * *
Útspilið var unnið af stýrihópi Samfylkingar um daglega lífið sem hóf störf á flokksstjórnarfundi á Helli haustið 2025 og var kynnt og tekið til umræðu á flokksstjórnarfundi í Reykjavík vorið 2026.

Kristrún Frostadóttir forsætisráðherra kynnti í dag nýtt útspil Samfylkingarinnar fyrir komandi sveitarstjórnarkosningar við Smáratorgi í Kópavogi. 

Nýtt útspil Samfylkingar: „Tökum ábyrgð hvert á öðru“

Samfylkingin býður íbúa Hafnarfjarðar velkomna á opinn fund um menntamál þriðjudaginn 21. apríl kl. 19:30 í sal Samfylkingarinnar Strandgötu 43.

Við viljum heyra frá ykkur, foreldrum, starfsfólki í skólum og öllum sem láta sig menntamál varða.

Hvað gengur vel?
Hvar eru áskoranirnar?
Hvað viljum við sjá þróast á næstu árum?

Magnús Þór Jónsson formaður Kennarasambands Íslands verður frummælandi.

Fundarstjórn er í höndum Margrétar Lilju Pálsdóttur aðstoðarskólastjóra í Skarðshlíðarskóla.

Öll velkomin – hlökkum til að eiga samtalið með ykkur

Menntamál í Hafnarfirði - hvað skiptir máli?

Samfylkingin í Reykjanesbæ opnar kosningaskrifstofu sína sunnudaginn 19. apríl klukkan 16 að Hafnargötu 32 (Gallerí Keflavík).

Við bjóðum í dýrindis vöfflupartý með frambjóðendum og kynnum áherslurnar okkar og málefni fyrir kosningar.
Okkar frábæri Guðjón Þorgils, sigurvegari söngkeppni framhaldsskóla, kemur og tekur nokkur lög fyrir okkur

Samfylkingin í Reykjanesbæ
- fyrir fólkið í bænum

En þannig er staðan því miður. Frá árinu 2014 hef ég séð um Matargjafir Akureyri og nágrenni og á þessum 12 árum hef ég aðstoðað hundruði fjölskyldna og einstaklinga með mat, innlögnum á kort, skógjöfum (í samstarfi við jólasveinana), jóladagatölum, jólagjöfum og mörgu öðru sem Matargjafir hafa getað gert til að létta undir með skjólstæðingum.

Undanfarið hefur þörfin fyrir aðstoð aukist gríðarlega í öllum aldurshópum, en þá sérstaklega hjá sambúðarfólki sem starfar við láglaunastörf, með eitt barn eða fleiri á leikskóla og búandi í leiguhúsnæði. Eldra fólk á einnig erfiðara uppdráttar en áður. Sem dæmi fékk ég símtal í vetur frá konu sem átti 80 ára afmæli tveimur dögum seinna. Hún hafði hvorki efni á að halda upp á afmælið sitt eða bjóða börnum sínum í jólamat. Ég hef rætt við einstæða móður sem gat ekki sent barnið sitt í bíó með bekknum því hún átti ekki til 1000 krónur og foreldra sem hafa þurft að minnka við sig vinnu vegna hárra leikskólagjalda. Það eru foreldrar í þessum bæ sem ekki eiga fyrir nesti handa börnunum sínum í skólann, og börn sem fá ekki jöfn tækifæri á við önnur vegna utanaðkomandi aðstæðna sem þau hafa enga stjórn á.

Ég hef hlustað, horft á fólk niðurbrotið, faðmað það og reynt að vera til staðar öll þessi ár, því mannúðarfélag eins og Matargjafir er síðasti kosturinn sem fólk vill leita til en því miður kannski sá eini sem getur aðstoðað á þessum stundum.Vegna þess sem ég hef séð og upplifað í störfum mínum við Matargjafir Akureyrar, og vegna skjólstæðinganna, ákvað ég að bjóða mig fram í 3. sæti á lista Samfylkingarinnar til bæjarstjórnakosninga 16 maí. Ég býð mig fram því ég vil breytingu, ég vil að fólk hafi það betra en það gerir nú í okkar góða bæ og ég vil að við hlustum á fólkið sem hér býr.

Hlustum á að fólkið vilji breytingu á leikskólagjöldum.

Hlustum á að það vanti félagslegt húsnæði.

Hlustum á að sumir foreldrar hafi ekki bolmagn til að börnin þeirra geta verið í íþróttum þó svo að frístundastyrkur sé í boði. Það er margt annað sem fylgir því að stunda íþróttir s.s. fatnaður, búnaður og ferðir sem foreldrar hafa ekki efni á.

Hlustum á og opnum augun fyrir því að það sé fátækt í okkar góða bæjarfélagi og að hér búa börn sem færu ekki nestuð í skólann eða södd að sofa ef ekki væri fyrir mannúðarfélög.

Hlustum á eldra fólkið okkar sem líður skort og þarf að leita til mannúðarfélaga.

Lokum ekki eyrunum heldur látum verkin tala.

Sigrún Steinarsdóttir er í 3. sæti á lista Samfylkingarinnar fyrir bæjarstjórnarkosningarnar 16. maí

Það er sorgleg staðreynd að í rúmlega 20 þúsund manna bæjarfélagi þurfi að vera mannúðarfélög sem aðstoða fólk sem lítið sem ekkert eiga.

Nú þegar sú starfsemi er á undanhaldi þarf að huga að því hvernig hægt sé halda þessari menningararfleifð á lofti og láta heilsubæinn blómstra. Í hugmyndavinnu S-listans hefur komið fram frábær hugmynd um að stofna samfélagsgróðurhús sem gæti verið samkomustaður fyrir íbúa á öllum aldri. Þar skapast tækifæri til ræktunar, fræðslu, sköpunar og viðburðahalds af ýmsu tagi. Gott dæmi um samfélagshús er Grønttorvethúsið í Valby í Danmörku en það hús býður upp á fjölnota rými fyrir íbúa í hjarta hverfisins. Nokkur samfélagsgróðurhús eru svo í næsta nágrenni. Ekki er um hefðbundinn rekstur sveitarfélags að ræða heldur lifandi samfélag íbúanna sem bera sameiginlega ábyrgð enda eru þeir sammála um að verkefnið stuðli að vellíðan þeirra og samkennd.

Frambjóðendur S-listans vilja gjarnan skoða hvort hægt sé að koma samfélagsgróðurhúsi á laggirnar í Hveragerði. Þar gæti verið ræktunarrými fyrir íbúa (grænmeti, krydd, blóm o.fl), samkomustaður fyrir fjölskyldur, fræðsla (grunnskóli, leikskólar, námskeið o.fl.), miðstöð fyrir viðburði og listsköpun. Ekki er ólíklegt að einstaklingar, félagasamtök og fyrirtæki hefðu áhuga á að taka þátt í uppbyggingu og rekstri samfélagsgróðurhúss með bæjarfélaginu. Í því sambandi mætti skoða að stofna óhagnaðardrifið félag í kringum starfsemina. Þá gæti samfélagsgróðurhús auðveldað vinnu við geðrækt í litlum hópum og virkniverkefni fyrir bæði börn og fullorðna sem glíma við kvíða og félagslega einangrun. Í því sambandi ætti heilbrigðis- og velferðarþjónusta einnig að vera hluti af starfsemi hússins.

Hvernig er hægt að koma samfélagsgróðurhúsi á laggirnar?
Þegar horft er til næstu ára væri gaman að koma upp alvöru samfélagshúsi hér í bæ og samfélagsgróðurhúsum í tengslum við það. Sé hins vegar tekið mið af fjármögnun og stöðu framkvæmda á vegum Hveragerðisbæjar kann einhver að benda réttilega á að ekki sé fjárhagslegt svigrúm til að byggja upp hús sem er sambærilegt við samfélagshúsið í Valby, en samfélagsgróðurhús gæti ef til vill verið raunhæfur kostur. Í því sambandi mætti skoða til að byrja með hvort ekki sé hægt að kaupa notað gróðurhús erlendis frá og/eða að taka gróðurhús á leigu sem er í litlum eða engum rekstri. Frambjóðendur S-listans eru tilbúnir til að skoða málið vel nái þeir góðri kosningu 16. maí næstkomandi, enda vantar samkomustað í Hveragerði sem gæfi tækifæri til að rækta saman, skapa, læra og njóta. Þá spillir ekki fyrir að verkefnið fellur vel að megin leiðarljósum í nýlegri skipulagsgreinargerð með aðalskipulagi Hveragerðisbæjar 2025-2037:

Skapandi Hveragerði, sjálfbært samfélag með náttúruna í fyrirrúmi.

Heilsueflandi Hveragerði, samfélag þar sem lögð er áhersla á ró, vellíðan, heilsueflingu, góða þjónustu og fjölskylduvænt umhverfi.

Blómstrandi Hveragerði, með blómlegu atvinnulífi og fjölbreyttum atvinnutækifærum sem byggja á auðlindum og sérkennum bæjarins, svo sem á sviði ferðaþjónustu, græns iðnaðar og tækifæra í nýsköpun innan þessara sviða.

Samfélagsgróðurhús er í raun lítið verkefni en á sama tíma stórt fyrir íbúana því það
gæti styrkt félagsleg tengsl þeirra og vellíðan sem og ímynd Hveragerðis sem
blómstrandi heilsubæjar.

Árný Fjóla Ásmundsdóttir, skipar 7. sæti S-listans í Hveragerði
Berglind Ósk Guttormsdóttir, skipar 5. sæti S-listans í Hveragerði
Halldór Grétar Einarsson, skipar 10. sæti S-listans í Hveragerði
Þorsteinn Hjartarson, skipar 2. sæti S-listans í Hveragerði

Gróðurhús og garðyrkja eru stór hluti af sögu og menningu Hveragerðis. 

Í ítarlegu viðtali við Víkurfréttir fer hún yfir fjárhagslega endurskipulagningu bæjarins, uppbyggingu innviða, áskoranir sem fylgja því að vera ört vaxandi ferðaþjónustubær, samstarfið í meirihlutanum og hvort hún vilji verða næsti bæjarstjóri Reykjanesbæjar.

Hér er hægt að hlusta á viðtalið í heild sinni. 

Guðný Birna Guðmundsdóttir, oddviti Samfylkingarinnar í Reykjanesbæ, hefur setið í bæjarstjórn undanfarin þrjú kjörtímabil.

Guðný Birna í hlaðvarpi Víkurfrétta

Ekki má heldur gleyma tómstundastarfinu, þar sem bærinn býr að faglegu starfsfólki sem hefur eflt starf félagsmiðstöðva og aukið þátttöku ungmenna í samfélaginu.

Þetta mikilvæga starf þarf að standa vörð um og efla til framtíðar. Það höfum við gert á kjörtímabilinu – og við erum hvergi nærri hætt.

Framlög til íþrótta- og tómstundamála hafa hækkað um 1,2 milljarð króna frá 2022.   Það er hækkun um 300 milljónir króna á ári að meðaltali sem þýðir rúmlega tvöföldun á framlögum. Enginn annar málaflokkur hjá Reykjanesbæ hefur vaxið jafn hratt á kjörtímabilinu. Þannig höfum við sýnt í verki að við fjárfestum í framtíðinni.

Árið 2022 fóru um 6% af skatttekjum bæjarins í íþrótta- og tómstundamál, en í dag er það hlutfall komið í 9,2%. Þessi breyting er meðvituð ákvörðun.

Reykjanesbær hefur lengi verið tekjulægra sveitarfélag en mörg þeirra sem við berum okkur saman við, og á sama tíma höfum við unnið okkur út úr erfiðri skuldastöðu fyrri tíma. Þrátt fyrir það setti núverandi meirihluti sér það markmið að forgangsraða fjármagni í þágu barna og ungmenna.

Við höfum aukið framlögin jafnt og þétt eftir því sem svigrúm hefur skapast. Þessi viðbótarmilljarður er nauðsynleg og tímabær fjárfesting í forvörnum og heilbrigðu uppeldi barnanna okkar.

Raunverulegar aðgerðir sem skipta máli

Meðal þeirra verkefna sem ráðist hefur verið í til að styrkja málaflokkinn eru:

- Beinn stuðningur við rekstur: Reykjanesbær fjármagnar nú stöður fjármálastjóra og íþróttastjóra fyrir bæði ungmennafélögin, auk þess sem bætt var við 50% starfi hjá ÍRB.

- Hærri þjálfarastyrkir: Styrkir hafa verið hækkaðir til að mæta betur launakostnaði íþróttafélaganna og tryggja gæði þjálfunar.

- Hækkun frístundastyrkja: Á kjörtímabilinu hafa styrkir hækkað úr 40 þúsund í 50 þúsund krónur á ári fyrir 4–18 ára og í 45 þúsund krónur fyrir 67 ára og eldri.

- Ný tómstundastefna: Í samvinnu við ungmennaráð Reykjanesbæjar var unnin ný tómstundastefna og úrræðum í hverfunum fjölgað. Félagsmiðstöðvum fjölgaði úr einni í fjórar á kjörtímabilinu.

Þetta eru mikilvæg skref sem við munum halda áfram að byggja ofan á. Fram undan er stórt verkefni: kynning á Íþróttaakademíunni, sem mun marka tímamót í bættri aðstöðu til íþróttaiðkunar í bænum.

Framtíðin er björt og það eru spennandi tímar fram undan í íþrótta- og tómstundamálum í okkar frábæra Reykjanesbæ. Við ætlum áfram að forgangsraða í málefnum barna og ungmenna – því þar liggur framtíð samfélagsins.

Guðný Birna Guðmundsdóttir, forseti bæjarstjórnar í Reykjanesbæ

Við vitum öll hversu mikilvægar íþróttir og tómstundir eru fyrir samfélagið okkar. Í Reykjanesbæ eigum við tvö öflug og metnaðarfull ungmennafélög, Keflavík og Njarðvík, auk fjölda annarra deilda sem eiga sína heimahöfn undir merkjum ÍRB.

Fjárfest í framtíðinni: Íþrótta- og tómstundamál í sókn

Samfylkingin í Mosfellsbæ býður ykkur öll velkomin á Kratakvizz - PubQuiz með frambjóðendum. 

📅 Fimmtudaginn 30. apríl
⏰ Kl. 20:00
📍 Þverholt 3 - Mosfellsbæ

Hjörtur M. Guðbjartsson

Á þriðjudaginn þyrlaðist upp mikið moldviðri upp úr þurru þegar þingmaður Suðurkjördæmis og frambjóðandi til bæjarstjórnarkosninga í Reykjanesbæ, gerði sér mikinn mat úr því að í greinargerð með frumvarpi um stofnun innviðafélags í eigu ríkisins, kemur fram að skoðað hafi verið að leggja gjöld á áður byggð mannvirki.

Sem betur fer hefur það þegar verið staðfest að slíkt standi alls ekki til og hafi aldrei komið inn á borð ríkisstjórnar, enda yrði það gríðarlegt högg fyrir mörg þúsund íbúa Suðurnesja sem sækja vinnu og nám á höfuðborgarsvæðinu dag hvern. En burtséð frá því þá var tilkynnt í upphafi bæjarstjórnarfundar að forseti bæjarstjórnar Reykjanesbæjar hefði kallað umsvifalaust eftir fundi með þingmönnum Suðurkjördæmis til að ræða málið.

Það vakti athygli að hvergi kom fram í máli hans að þingmenn Sjálfstæðisflokks og Miðflokks lögðu sjálfir fram þingsályktunartillögu um samgöngufélagið Þjóðbraut sem var ætlað nákvæmlega sama hlutverk og innviðafélag fjármálaráðherra. Ég var gáttaður eftir harða umræðu þriðjudagsins að sjá nafn Vilhjálms Árnasonar þingmanns á þingsályktunartillögu Þjóðbrautar. Er hægt að vera bæði harður á móti veggjöldum en leggja þau á sama tíma til þegar það hentar?

Það er ljóst að takmarka þurfti fé til uppbyggingar á umferðarmannvirkjum landsins í nýrri Samgönguáætlun. Bæjarfulltrúar Reykjanesbæjar mótmæltu þeim áformum harðlega þegar í ljós kom að áframhaldandi tvöföldun Reykjanesbrautar hafi verið frestað í annan fasa Samgönguáætlunar en sannleikurinn er sá að tvöföldun Reykjanesbrautar hefur verið í vinnslu í 25 ár! Sterkt ákall heimamanna í gegnum tíðina til þingmanna kjördæmisins virðist þar litlu máli hafa skipt.

Það skiptir höfuð máli fyrir atvinnusvæðið Suðurnesin, sem er stærsta byggð í suðri með 32 þúsund íbúa, að tvöföldun Reykjanesbrautar og endurbygging Nesvegar klárist sem allra fyrst.

Gríðarleg uppbygging í fiskeldi á Reykjanesi, fjölgun ferðamanna og margt fleira stendur og fellur með mannsæmandi innviðum á mesta vaxtarsvæði Íslands, svæðinu okkar.

Hættum að eltast við hræðsluáróður og stöndum frekar saman að því að byggja áfram upp Reykjanesbæ. Verum stolt af okkar svæði og eflum Suðurnesin í sameiningu.

Hjörtur M. Guðbjartsson, bæjarfulltrúi og formaður atvinnu- og hafnarráðs Reykjanesbæjar

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"