Það eru orð að sönnu enda gilda sérstök lög í landinu um sölu á hlut ríkisins í bönkum. 

Sala á eignum almennings krefst vandaðra vinnubragða þar sem hugað er að hverju skrefi með tilliti til jafnræðis, gagnsæis og hlutlægni. Skýrsla Ríkisendurskoðunar um framkvæmd sölu 22,5% hlutar ríkisins í Íslandsbanka með svokallaðri tilboðsaðferð færir sterk rök fyrir því að jafnræðis, gagnsæis og hlutlægni hafi ekki verið gætt með fullnægjandi hætti. 

Í skýrslu Ríkisendurskoðunar er ekkert fjallað um það hvort salan sé í samræmi við meginreglur stjórnsýsluréttar eins og sjá má af afmörkun Ríkisendurskoðunar í upphafi skýrslunnar. Þegar minni hluti stjórnskipunar- og eftirlitsnefndar Alþingis lagði til að fá lögfræðiálit um þá hlið sölunnar felldi meiri hlutinn tillöguna og forseti Alþingis hreyfði ekki við því þegar leitað var til hans í samræmi við þingskapalög.

Vorið 2022 kölluðu fulltrúar stjórnarandstöðunnar strax eftir að sett væri á fót rannsóknarnefnd á vegum Alþingis vegna sölunnar. Aðeins þannig væri mögulegt að „velta við hverjum steini“ og svo virtist um tíma að þingmenn Vinstri grænna vildu halda því opnu. Bjarni Benediktsson fjáramála- og efnahagsráðherra brást við þeirri kröfu með því að biðja Ríkisendurskoðun að gera úttekt á sölunni. Ég kallaði þá ráðstöfun smjörklípu þegar hún var gerð og stend við þau orð. 

Tryggvi Gunnarsson, fyrrverandi umboðsmaður Alþingis, fór vandlega yfir það á fundi stjórnskipunar- og eftirlitsnefndar að að ekki sé fjallað um það í skýrslu Ríkisendurskoðunar hvort framkvæmdaraðilar útboðsins hafi gætt að meginreglum stjórnsýsluréttar, svo sem rannsóknarreglu eða hæfisreglum, þrátt fyrir að þau lög eigi við um söluferlið. Þá sé heldur ekki fjallað um það hvort skilyrði upplýsingalaga um skráningu gagna vegna stjórnvaldsákvarðana hafi verið uppfyllt, þrátt fyrir að í skýrslunni sé að finna margar ábendingar um skort á skráningu og skjalfestingu viðmiða og beitingu þeirra.

Það kom mér ekki á óvart að Skúli Magnússon, umboðsmaður Alþingis, skyldi á dögunum senda fjármála- og efnahagsráðherra ítarlegar spurningar um hvort hann hafi gætt að hæfi sínu við söluna. Úttekt Ríkisendurskoðanda fól ekki í sér athugun á því hvort farið hafi verið að stjórnsýslulögum líkt og fjármálaráðherra hefur haldið fram enda ekki hluti af þeim spurningum sem lagt var upp með.  Spurningunni um hvort undirbúningur og framkvæmd sölumeðferðarinnar hafi verið í samræmi við lög er því enn ósvarað. 

Sala á eignum ríkisins er viðkvæmt og vandmeðfarið verkefni og mikilvægt að um það ríki traust, ritaði Hildur Sverrisdóttir þingmaður Sjálfstæðisflokksins í þetta blað á dögunum. 

Þessi orð leituðu á mig þegar ég las grein Ágústs Bjarna Garðarssonar, þingsmanns Framsóknarflokksins og fyrrum bæjarfulltrúa í Hafnarfirði, á Vísi fyrr í vikunni. 

Þar lýsti þingmaðurinn þungum áhyggjum sínum af húsnæðismálum og mestar áhyggjur hafði hann af stöðu ungs fólks á húsnæðismarkaði. Hann fór yfir erfiðar og óhagstæðar efnahagsaðstæður eins og verðbólgu í tveggja stafa tölu og vexti í hæstu hæðum. 

Ríkisstjórninni hafa verið mislagðar hendur í efnahagsmálum og fólk finnur það á eigin skinni. Að mati þingmannsins er þó ein vonarglæta í myrkrinu og það eru aðgerðir innviðaráðherra, formanns Framsóknarflokksins. Sú vonarglæta felst í því að rammasamningur innviðaráðherra og Húsnæðis- og mannvirkjastofnunar við sveitarfélögin muni skapa meiri fyrirsjáanleika í uppbyggingu íbúðarhúsnæðis. Því skýtur það skökku við að flokksfélagar þingmannsins í samvinnu við fulltrúa Sjálfstæðisflokksins í heimbæ hans, Hafnarfirði, hafi í byrjun febrúar fellt tillögu Samfylkingarinnar í bæjarstjórn um gerð rammasamkomulags við ríkið um húsnæðisuppbyggingu. Þarna fer ekki saman hljóð og mynd og Framsókn talar tungum tveim, með einni á þingi en annarri í héraði. Reykjavíkurborg hefur riðið á vaðið og gert slíkt samkomulag við ríkið en þar er Framsóknarflokkurinn í meirihluta með Samfylkingunni, Viðreisn og Pírötum.

Áhugaleysi meirihlutans á félagslegum lausnum

Lausatök hafa verið á húsnæðismálunum í Hafnarfirði og uppbygging íbúðarhúsnæðis gengið hægt, raunar svo hægt að árið 2020 var fólksfækkun í bænum – í fyrsta sinn í áratugi. Þá var einmitt Ágúst Bjarni Garðarsson forystumaður Framsóknarflokksins í bæjarstjórn Hafnarfjarðar í samstarfi við Sjálfstæðisflokkinn. Það kjörtímabil einkenndist af áhugaleysi á félagslegum lausnum í húsnæðismálum og þar sýna verkin merkin svo ekki verður um villst. Því miður hefur engin breyting orðið á nýju kjörtímabili, áhuga- og metnaðarleysið er ennþá ríkjandi. Lítið sem ekkert hefur gengið að fjölga félagslegum íbúðum í eigu sveitarfélagsins með þeim afleiðingum að biðlistar lengjast og fólk situr eftir í brýnni þörf eftir húsnæði. Ekki er útlit fyrir að staðan batni neitt á næstu árum því tæplega 1% þeirra rúmlega þúsund íbúða, sem eru á framkvæmdastigi í bænum, eru ætlaðar í félagslega íbúðakerfið. Hlutfallið er 12% þegar kemur að íbúðum á vegum óhagnaðardrifinna leigufélaga. Þetta er órafjarri þeim samningsmarkmiðum sem lagt er upp með í rammasamkomulagi Reykjavíkur og ríkisins um að 30% allra nýrra íbúða verði hagkvæmar íbúðir og 5% verði félagslegar íbúðir í eigu sveitarfélagsins. Uppleggið í tillögu jafnaðarfólks í Hafnarfirði, sem fulltrúar Framsóknar felldu í samfloti með Sjálfstæðisflokknum, var samhljóða markmiðum rammasamkomulags Reykjavíkur og ríkisins. Áhugaleysið kemur ekki á óvart þegar Sjálfstæðisflokkurinn á í hlut því hann lítur ekki á húsnæðismál sem velferðarmál heldur fyrst og fremst markað fyrir útvalda til að græða á. Vonbrigðin snúa að Framsókn sem hefur dansað eftir þessum fölsku tónum í bæjarstjórn Hafnarfjarðar á undanförnum árum.

Nú hefur þingmaður Framsóknarflokksins og fyrrum forystumaður flokksins í bæjarstjórn Hafnarfjarðar kallað eftir því að sveitarfélögin gangi til samninga við ríkið eins og Samfylkingin í Hafnarfirði hefur lagt til. Vonandi eru þetta ekki orðin tóm og boltinn er hjá Framsóknarflokknum í Hafnarfirði, sem getur afsannað það með því að samþykkja fyrrnefnda tillögu Samfylkingarinnar. Það mun ekki standa á fulltrúum Samfylkingarinnar að ganga til samninga við ríkið um gerð húsnæðissáttmála fyrir Hafnarfjörð. Ágúst Bjarni Garðarsson getur treyst því.

Þegar hægri höndin veit ekki hvað sú vinstri gerir er það til marks um ráða- og stefnuleysi. 

Hús­næðis­markaðurinn, Fram­sókn og Hafnar­fjörður

Aðalfundur Samfylkingarinnar á Akureyri verður haldinn 28. mars kl. 20:00, í sal Samfylkingarinnar í Sunnuhlíð 12. 

Á dagskrá eru hefbundin aðalfundarstörf og önnur mál. Félagar eru hvattir til að mæta.  

Öll velkomin! 

Aðalfundur Samfylkingarinnar á Akureyri

Nú er málefnastarfið farið af stað! Fyrsta skrefið er samræður um heilbrigðismál um land allt núna í vor. Liður í því er að Samfylkingin boðar til hátt í fjörutíu opinna funda í samstarfi við aðildarfélög og aðrar einingar flokksins. Öllum er velkomið að mæta og taka þátt. Á opnu fundunum verða fulltrúar úr stýrihópi um heilbrigðismál og öldrunarþjónustu auk fulltrúa úr forystu flokksins, bæði á Alþingi og í sveitarstjórnum.

Málefnastarfið um heilbrigðismál verður helsta áhersla Samfylkingarinnar fram á haust. „Útkoman á að vera verklýsing fyrir næstu ríkisstjórn; forgangsröðun og skýr pólitík; verkefnalisti frá fyrstu 100 dögunum og upp í fyrstu tvö kjörtímabilin í ríkisstjórn undir forystu Samfylkingarinnar,“ eins og Kristrún orðaði það í ræðu sinni á flokksstjórnarfundi.

Smellið hér til að sjá upplýsingar um málefnastarfið og hvernig þú getur tekið þátt.

Stýrihópinn um heilbrigðismál skipa Anna Sigrún Baldursdóttir sem er formaður, Guðný Birna Guðmundsdóttir og Sindri Kristjánsson. Þau hafa þegar haldið nokkra fundi til að skipuleggja vinnuna sem er framundan og meðal annars haldið fundi með forystu flokksins, þingflokki og 60+.

Næst á dagskrá er að blása til opinna funda um land allt en stýrihópurinn mun einnig eiga fundi með heilbrigðisstofnunum, sérfræðingum og fólki af gólfinu úr heilbrigðis- og öldrunarþjónustunni.

Í dag fundar stýrihópurinn með fulltrúum Heilbrigðisstofnunar Suðurnesja og Hrafnistu í Reykjanesbæ. Fyrstu opnu fundirnir verða síðan eftir helgi á Suðurnesjum — fyrst í Reykjanesbæ, svo í Garðinum og í Grindavík.

Reykjanesbær
Park Inn
mánudag 27. mars kl. 17:00

Grindavík
Bryggjan
þriðjudag 28. mars kl. 12:00

Garðabær
Dæinn
laugardagur 1. apríl kl. 11:00

Reykjavík
Iðnó (Sunnusalur)
laugardagur 1. apríl kl. 13:00

Borgarnes
Geirabakarí
mánudagur 3. apríl kl. 17:00

Akranes
Samfylkingarsalurinn í Stillholti 16-18
mánudagur 3. apríl kl. 20:00

Kristrún Frostadóttir formaður Samfylkingarinnar kynnti nýja nálgun í málefnastarfi flokksins á flokksstjórnarfundi í Hafnarfirði 4. mars sem nú er unnið eftir. 

Samræður um heilbrigðismál um land allt

Stjórn Verkalýðsmálaráðs Samfylkingarinnar boðar til rafræns félagsfundar í Verkalýðsmálaráði þriðjudaginn 14. mars n.k. kl. 17:00.


Dagskrá fundarins:
1. Fundur settur
2. Yfirferð á málstofunni 2. mars s.l.
3. Starfið í Verkalýðsmálaráði fram á vor
4. Önnur mál

Rafrænn félagsfundur í Verkalýðsmálaráði

Samfylkingin í Kópavogi  býður á opinn fund miðvikudaginn 29. mars kl. 20:00 í Siglingaklúbbi Ýmis við Naustavör. Umræðuefni fundarins er efnahagsstaðan í samfélaginu, m.t.t. verðbólgu, vaxtahækkanna, ríkisfjármála og kjarasamninga. Frummælendur verða Jóhann Páll Jóhannsson, alþingismaður, Margrét Kristmannsdóttir framkvæmdastjóri og Kristján Þórður Snæbjörnsson forseti ASÍ.  

Það er ómannúðlegt, mun ekki auka skilvirkni í kerfinu og mun bitna á öðrum grunnstoðum samfélagsins. Það mun heldur engu breyta um fjölda umsækjenda um vernd hér á landi.

Breytingum sem gerðar voru við lokameðferð þingsins var einungis ætlað að bjarga andliti þingmanna Vinstri grænna og Framsóknar sem talað hafa fyrir mannúðlegri stefnu í málefnum flóttafólks en gera það svo ekki í verki, enda engar raunverulegar breytingar á núverandi framkvæmd þar á ferð.

Allsherjar- og menntamálanefnd barst fjöldi umsagna sem voru nánast allar neikvæðar utan þeirra sem komu frá ráðuneytinu sjálfu. Í umsögnum frá Rauða krossinum og Flóttamannastofnun Sameinuðu þjóðanna, svo dæmi séu tekin, komu fram skýrar tillögur um hvernig mætti gera frumvarpið ögn skárra en stjórnarliðar gerðu bókstaflega ekkert með þær tillögur.

Það virðist sem stjórnarflokkarnir séu staddir í einhverju leikriti, nokkuð fyrirsjáanlegu þó og leiðigjörnu til lengdar. Fyrir nokkrum vikum var látið líta út fyrir að Vinstri græn ætluðu sér að koma til leiðar einhverjum breytingum á frumvarpinu með því að taka það inn í nefnd til breytingar milli annarrar og þriðju umræðu og lét forsætisráðherra meira að segja hafa það eftir sér í fjölmiðlum. En hvað gerðist? Það urðu engar raunverulegar breytingar. Málið kom til nefndar, gestir mættu á fund en þegar það átti sér stað höfðu stjórnarliðar þegar ritað nýtt nefndarálit sem var samþykkt á sama fundi án þess að tekið væri tillit til orða gestanna.

Það sem hefur gerst hér er að löggjafarvaldið hefur tapað fyrir framkvæmdarvaldinu eða við skulum segja tapað fyrir lífslokameðferð ríkisstjórnar Katrínar Jakobsdóttur sem virðist vera það eina sem stjórnarliðar brenna fyrir.

Stjórnarþingmenn vinna svona inni í nefndum þingsins. Leiksýning ríkisstjórnarinnar inniheldur leikrit án innihalds, með leiktjöld án lita og með leikara sem bíða bara eftir aðstoð hvíslara í sviðsvæng svo þeir viti hvað eigi að segja næst.

Greinin birtist í Fréttablaðinu 16. mars 2023. 

Í gær samþykktu stjórnarflokkarnir á Alþingi útlendingafrumvarpið. 

Á meðal gesta verða Kristrún Frostadóttir formaður Samfylkingarinnar og Oddný Harðardóttir þingmaður Suðurkjördæmis. Fulltrúar úr stýrihópi flokksins um heilbrigðismál og öldrunarþjónustu verða Anna Sigrún Baldursdóttir og Guðný Birna Gunnarsdóttir, bæjarfulltrúi í Reykjanesbæ.

Ert þú með sérþekkingu í heilbrigðismálum eða reynslu af gólfinu? Eða ertu almennur borgari sem vill sjá breytingar til hins betra í heilbrigðismálum á Íslandi? Þá viljum við fá þig með í samtalið 

Samfylkingin stendur nú fyrir samræðum um heilbrigðismálum um land allt. Málefnastarf flokksins er með nýju sniði og heilbrigðismálin verða í forgrunni frá mars og fram á haust 2023. Vinnan hefst með hátt í fjörutíu opnum fundum með fólkinu í landinu. Á hverjum fundi verða fulltrúar úr stýrihópi Samfylkingarinnar um heilbrigðismál og öldrunarþjónustu auk forystufólks flokksins, bæði á Alþingi og í sveitarstjórnum.

Kristrún Frostadóttir formaður Samfylkingarinnar leggur þunga áherslu á málefnastarfið og bindur miklar vonir við vinnuna sem nú er að hefjast: „Útkoman á að vera verklýsing fyrir næstu ríkisstjórn; forgangsröðun og skýr pólitík; verkefnalisti frá fyrstu 100 dögunum og upp í fyrstu tvö kjörtímabilin í ríkisstjórn undir forystu Samfylkingarinnar,“ sagði Kristrún í ræðu sinni á flokksstjórnarfundi í vor.

Opinn fundur um heilbrigðismál á Bryggjunni í Grindavík! Fundurinn verður þriðjudaginn 28. mars kl. 12:00. Öllum er velkomið að koma með og taka þátt.

Grindavík: Opinn fundur um heilbrigðismál

Opinn fundur um heilbrigðismál í Kiwanishúsinu í Garði! Fundurinn verður mánudaginn 27. mars kl. 20:00. Öllum er velkomið að koma með og taka þátt.

Garður: Opinn fundur um heilbrigðismál

Spjallkaffið verður á sínum stað á miðvikudaginn 22. mars kl. 10 - 12 í sal Samfylkingarinnar á Hallveigarstíg 1. 

Gestur okkar að þessu sinni verður Viðar Eggertsson, varaþingmaður.

Það verður heitt á könnunni og eitthvað með því. 
Verið velkomin.

Bestu kveðjur, 
stjórn 60+ í Reykjavík.

Leit um „��“

2747 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������“

2747 niðurstöður fundust við leit að „���������������������������������������������������“