Dagur spjallar um Evrópumálin

Samfylkingarfélagið í Reykjavík gengst í vetur fyrir spjallfundum um Ísland og Evrópusambandið. Þetta eru stuttir mánaðarlegir fundir með einum gesti eða tveimur.

Næsti spjallfundur er á miðvikudaginn, 3. desember, frá kl. 17 til 18.30, á Hallveigarstíg 1, og er gestur okkar Dagur B. Eggertsson alþingismaður og fyrrverandi borgarstjóri. Við spjöllum um stöðu Evrópumálsins, evruna, öryggis- og varnarmál, og um þróunina í heimsmálunum.

Fyrsti fundurinn var fyrir í október með Magnúsi Árna Skjöld, formanni Evrópuhreyfingarinnar, og í nóvember heimsótti okkur Þorgerður Katrín Gunnarsdóttir utanríkisráðherra. Í janúar (14.1., sama stað og tíma dags) verður gestur okkar Kristrún Frostadóttir, formaður Samfylkingarinnar og forsætisráðherra.

Allir flokksfélagar velkomnir ‒ og gestir þeirra, en fundirnir eru ekki opnir fjölmiðlum.