Um er að ræða flokksval þar sem flokksmenn og skráðir stuðningsmenn einir hafa kosningarétt, sbr. grein 3.2. í skuldbindandi reglum Samfylkingarinnar.

Kosið er um efstu 4 sætin á framboðslista og er kosning bindandi í þau sæti. Framboðslisti verður svokallaður paralisti. Það þýðir að kvenframbjóðandi skal hið minnsta skipa annaðhvort sæti 1 eða 2, hið minnsta annaðhvort næstu tveggja sæta og svo koll af kolli í hver tvö sæti. Eða öfugt.

Kjörseðill: https://outcomesurveys.com/ExternalSurveyLogin/282a5d17-8c73-42b2-93b0-800609100395/b5f2c54d-a10e-429d-9e5d-45a139707611

Kosningarétt hafa allir flokksfélagar og stuðningsmenn Samfylkingarinnar sem eiga lögheimili í Kópavogi og hafa náð 16 ára aldri og hafa skráð sig fyrir kl. 9 föstudaginn 6. febrúar.

Til þess að tryggja aðgengi að kosningunum verður kosningaaðstoð í Hlíðarsmára 9, 4. hæð og er aðgengi með lyftu, á kjördegi frá kl. 10 - 17 sem og í síma 8373277 og í síma kjörstjórnar 8979695. Boðið verður upp á lausn fyrir fólk sem ekki hefur rafræn skilríki til þess að kjósa í persónu í gegnum rafræna kosningakerfið.

Slóð á kjörseðil verður birt hér á síðu flokksins og send út í tölvupósti á kjörskránna.

Leiðbeiningar við rafræna kosningu.

Að lokinni rafrænni auðkenningu opnast kjörseðillinn.

1. Kjósandinn þarf að velja tungumál kjörseðils. Í boði eru íslenska, enska og pólska.
2. Raða skal frambjóðendum í sæti með því að velja tölu úr flettiglugga við nafn og mynd frambjóðandans.
3. Raða skal fjórum frambjóðendum á kjörseðlinum.
4. Hægt er að skila auðum seðli með því að velja „Skila auðu“.
5. Þegar búið er raða frambjóðendum í sæti er smellt á „Áfram“ hnapp.
6. Nú birtist staðfestingargluggi þar sem röð frambjóðenda birtist eins og hún var valin.
7. Með því að smella á „Kjósa“ happinn er valið staðfest, en einnig er hægt að fara til baka og endurraða valinu áður en valið er staðfest.
8. Hægt er að breyta vali á kjörseðli allt til klukkan 17:00 á kjördegi. Síðasta atkvæði telur.

Flokksvalið verður haldið þann 7. febrúar 2026.