Samt býr fjórða hvert barn á Íslandi í leiguhúsnæði og líklegt er að veruleiki þeirra margra séu tíðir flutningar með tilheyrandi róti og aðlögun að nýjum skóla.

Ég held að flest séum við sammála um að þetta sé ekki góð staða. Við viljum að börn búi við stöðugleika og öryggi af því að þannig líður þeim vel og ná árangri í því sem þau taka sér fyrir hendur. Sem samfélag viljum við börnum allt fyrir bestu, en samt getum við ekki sameinast um að skapa þeim og foreldrum þeirra húsnæðisöryggi.

Upp úr aldamótum hurfu stjórnvöld, undir forystu Sjálfstæðisflokksins, frá félagslegum lausnum á húsnæðismarkaði og lögðu þess í stað áherslu á að markaðurinn myndi tryggja öllum húsnæðisöryggi. Þetta leiddi til aukinna lánveitinga til húsnæðiskaupa, sem endaði með fasteignabólu sem sprakk í efnahagshruninu 2008. Tilraunin til að láta markaðinn sjá einan um málin var fljót að mistakast og ekki skánaði ástandið eftir hrun.

Þetta varð til þess að almenna íbúðakerfið varð til í nýrri mynd árið 2015, í stað verkamannabústaða urðu til leigufélög sem njóta stofnframlaga frá ríki og sveitarfélögum og bjóða húsnæði til þeirra sem hafa minna milli handanna. Verkalýðshreyfingin stofnaði leigufélagið Bjarg sem býður vinnandi fólki með lágar tekjur öruggt heimili og er það stærsta sem starfar á þessum grundvelli.

Bjarg hefur sýnt og sannað þörfina fyrir sína þjónustu. Munað getur 70-80 þúsund krónum á mánuði á leigu hjá þeim og á markaðsleigu, auk þess sem íbúar Bjargs segjast upplifa umtalsvert meira húsnæðisöryggi. Byggðar hafa verið um 1100 íbúðir og búa þar á þriðja þúsund manns en betur má ef duga skal. Uppbyggingin hefur ekki gengið alveg sem skyldi vegna þess að sum sveitarfélög draga lappirnar og hefur Kópavogur t.a.m. ekki úthlutað neinni lóð til uppbyggingar á vegum Bjargs. Reykjavík undir forystu Samfylkingar hefur leitt vagninn í þessum efnum.

Sjálfstæðisflokkurinn í Reykjavík er hins vegar afdráttarlaus í stefnu sinni um að hann hefur engan áhuga á að byggja fyrir alla tekjuhópa. Í stefnu flokksins nú fyrir kosningar kemur fram að þau vilji draga úr opinberum afskiptum af húsnæðisuppbyggingu, treysta markaðnum til að þróa lausnir og draga úr áherslu á niðurgreidd húsnæðisúrræði.

Með öðrum orðum ætla þau aftur að láta markaðinn sjá um þessi mál – sem mistókst hrapalega síðast – og halda áfram að treysta á gömlu góðu séreignarstefnuna. Alveg burtséð frá því að hér hafa alltaf verið hópar vinnandi fólks í fullu starfi sem geta ekki keypt sér íbúð. En kannski skilur Sjálfstæðisflokkurinn ekki að það eru ekki allir með bakland sem getur hjálpað til við útborgun í íbúð.

Á biðlista hjá Bjargi í dag eru um 3900 manns. Þetta er fólk á vinnumarkaði sem getur ekki keypt íbúð fyrir sig og börnin sín. Það þarf að mæta þessu fólki með alvöru lausnum. Óhagnaðardrifnu leigufélögin sýna að það er hægt að skapa húsnæðisöryggi á viðráðanlegu verði fyrir stóra hópa fólks.

Það er okkar val hvort við viljum búa fullorðnu fólki og börnum þann veruleika að vera upp á einstaka leigusala komna eða halda áfram að byggja upp heilbrigðan leigumarkað. Samfylkingin stendur með óhagnaðardrifinni uppbyggingu af því að við vitum að öruggt heimili er grundvöllur allrar velferðar. Það á ekki að skipta máli hvort foreldrar manns eru á leigumarkaði eða eiga húsnæði. Við viljum að öll börn geti notið þess að eiga sitt heimili, í sínu hverfi, nærri vinum og tómstundum. Þetta er jafnaðarstefnan í Reykjavík.

Höfundur, Steinunn Gyðu- og Guðjónsdóttir, er frambjóðandi í 3. sæti á lista Samfylkingarinnar í Reykjavík.

Á Íslandi hefur aldrei verið til heilbrigður leigumarkaður. Örugg langtímaleiga þar sem fólk getur byggt sér upp heimili og framtíð hefur staðið fáum til boða. 

Það er hinsvegar langt í frá ódýrt að eiga börn í Árborg. Undanfarin ár hafa komið fram allskonar sparnaðarleiðir til að sporna við þeim halla sem komin var í sveitarfélagið, þær sparnaðarleiðir bitna á fólkinu sem við viljum styðja við og hlúa að í samfélaginu okkar, barnafólkinu. Til dæmis höfum við sem eigum börn á leikskólaaldri orðið fyrir miklum hækkunum á sama tíma og þjónusta er minnkuð sbr. skráningardaga og skráning eftir kl 14 á föstudögum.

Sláandi samanburður
Ég ákvað því að bera saman leikskólagjöld í sveitarfélögunum í kringum okkur sem og í Reykjavík. Niðurstöðurnar voru sláandi. Ég lagði fyrir og reiknaði með dyggri aðstoð leikskólagjöld fyrir hjón með eitt barn í vistun 40 klst á viku ( milli kl 8 og 16), með tekjur upp á 14 milljónir á ári og fékk þannig samanburð á milli Árborgar og þriggja annarra sveitarfélaga.

Í Ölfusi er nýlega komið í gegn að vistun fyrir 36 klst á viku er gjaldfrjáls, foreldrar greiða einungis fyrir tvær klukkustundir á dag. Fyrir 40 klukkutíma vistun á viku greiða foreldrar því 8.820 krónur auk 12.815 krónur fyrir fæði. Það gera 21.635 kr á mánuði eða 259.620 kr á ári. Þar eru engir sérstakir skráningardagar en hægt er að skrá börnin í leikskóla milli jóla og nýárs og í dymbilviku en fyrir það greiða foreldrar ekki aukalega, þó ef börn eru skráð í fríi þessa daga þá falla niður fæðisgjöld. Systkinaafsláttur nær yfir öll skólastig (dagforeldra, leikskóla og frístund) eins og á hinum stöðunum sem kannað var. Í Ölfusi er systkinaafsláttur 30 % með barni númer 2 og 50 % af barni númer 3.

Í Hveragerði er sama saga en þar eru gjaldfrjálsir 36 klst á viku eða 6 klukkutímar á dag. Fyrir 8 tíma greiða því foreldrar 8.800 kr auk 12.300 kr í fæðisgjald. Það gera 21.100 krónur á mánuði eða 253.200 kr á ári. Þar eru einnig engir sérstakir skráningardagar. Í Hveragerði er systkinaafsláttur á þann veg að 30 % afsláttur er fyrir barn númer tvö og 100 % afsláttur fyrir barn númer þrjú og fleiri.

Í Reykjavík er komið nýtt kerfi sem metur leikskólagjöld einnig eftir tekjum foreldra og því var gert ráð fyrir 14 milljónum í árstekjum hjá viðkomandi foreldrum. Fyrir 40 klukkustunda vistun á viku greiða foreldrar því 14.400 kr auk 15.290 kr í fæðisgjald. Foreldrar greiða því 29.690 kr á mánuði eða 356.280 kr á ári. Teknir voru upp skráningardagar sem eru vetrar- og haustfrí sem fylgja fríum grunnskólanna, í dymbilviku og milli jóla og nýárs en fyrir það greiða foreldrar 5000 kr á dag. Systkinaafsláttur er þannig að 100 % afsláttur er gefinn fyrir hvert barn umfram eitt.

Í Árborg samkvæmt „nýju“ leiðinni greiða foreldrar fyrir 40 klukkustunda vistun 47.586 kr auk 12.884 kr í fæði. Foreldrar greiða því 60.470 krónur á mánuði eða 725.640 kr á ári fyrir vistunina. Þar eru einnig skráningardagar sem fylgja grunnskólum sveitarfélagsins og þarf að greiða 3000 kr á dag fyrir þá. Í Árborg er systkinaafsláttur 50 % fyrir barn númer tvö, 75% fyrir barn númer þrjú og 100 % fyrir barn númer 4.

Það blasir því við að mun dýrara er að hafa börn í vistun á leikskólum í sveitarfélaginu okkar, en það munar um 179,5 % á Leikskólagjöldum í Ölfus og Árborg á ári. Milli Árborgar og Hveragerðis munar 186,6% á leikskólagjöldum og á hvorugum þessum stað eru skráningardagar svo foreldrar geta nýtt sér 40 klukkustunda vistun. Í Árborg og Reykjavík eru skráningardagar en það munar þó 103,7 % á leikskólagjöldum.

Við sem samfélag eigum öll að vilja að barnafólkið flytji í okkar sveitarfélag en með þennan gríðarlega mun á leikskólagjöldum þá er nokkuð víst að barnafólkið flytur í nágrannasveitarfélögin við okkur. Við þurfum að breyta þessu og vera samkeppnishæf við þá sem í kringum okkur eru.

Samfylkingin leggur til að þak verði sett á leikskólagjöld og 100% systkinaafsláttur tekinn upp. Auk þess verði réttur til leikskólavistar verði lögfestur frá því að fæðingarorlofi lýkur. Það þarf að gerast í samstarfi ríkis og sveitarfélaga og er löngu tímabært.

Tillögur flokksins gera ráð fyrir að engin fjölskylda greiði meira en 50 þúsund krónur á mánuði fyrir 40 tíma leikskólaviku, en að tekjulægri greiði minna. Þannig hlífum við barnafjölskyldum við allt að 450 þúsund króna kostnaði á ári.

Því til viðbótar er lagt til að haldið verði áfram að efla frístundastyrki við barnafjölskyldur til að ýta undir virka þátttöku í íþrótta- og tómstundastarfi um land allt.

Tinna Berg Damayanthi Rúnarsdóttir
Frambjóðandi Samfylkingarinnar og óháðra í Árborg

Það er yndislegt að ala upp börn í Árborg, börnin fara út að leika sér, hjóla út um koppa og grundir, þekkja alltaf einhvern allstaðar svona eins og þegar maður sjálfur ólst upp í litlu bæjarfélagi. 

Lækkum leikskólagjöld og tökum upp 100% syskinaafslátt

Kosningastefna Samfylkingarinna í Fjarðabyggð 2026 - 2030

Við viljum með samtali við fjölskyldur, starfsfólk leikskólanna og atvinnulíf tryggja að þjónustan virki vel í daglegu lífi. 

Styrkjum skóla og frístundastofnanir með virku samráði við starfsfólk og foreldra svo daglegt líf barna og fjölskyldna gangi betur upp.

Aukum frístundastyrk og jöfnum aðgengi að íþróttum og tómstundum óháð búsetu.

Eitt kort fyrir heimili sem veitir aðgang að sundlaugum, líkamsrækt og skíðasvæðum. Lækkum kostnað íbúa og gerum sveitarfélagið raunverulega að heilsueflandi samfélagi. 

Tryggjum að þjónusta við fatlað fólk sé samfelld, persónumiðuð og byggð á raunverulegum þörfum í daglegu lífi.

Byggjum þjónustu á raunverulegum þörfum

Eflum persónumiðaða þjónustu og byggjum hana á virku samráði við notendur, fjölskyldur og starfsfólk.

Fylgjum eftir áætlun um bætt aðgengi og tryggjum samfellda þjónustu við yfirfærslu barna í fullorðinsþjónustu.

Eflum félags- og íþróttastarf og aukum framboð á stuðningsþjónustu með betri upplýsingagjöf og kynningu.

Setjum á laggirnar heimastjórnir í hverjum byggðakjarna 

Setjum á laggirnar heimastjórn í hverjum kjarna og gefum íbúum Fjarðabyggðar rödd til að hafa raunveruleg áhrif á ákvarðanir.  

Einföldum stjórnsýslu og eflum samráð við íbúa

Minnkum flækjustig með skýrum svörum og reglulegum íbúafundum og virku samtali áður en ákvarðanir eru teknar.

Tryggjum að öll sem flytja til Fjarðabyggðar, óháð uppruna, geti nálgast upplýsingar um þjónustu sveitarfélagsins.

Gerum Fjarðabyggð að stað þar sem ungt fólk velur að vera, með sterkari tengslum við skóla og atvinnulíf, auknum tækifærum og virkri þátttöku í samfélaginu.  

Eflum félagsmiðstöðvar og bætum opnunartíma

Mótum framtíðarsýn fyrir félagsmiðstöðvarnar okkar og búum til vettvang fyrir aldursbilið 16–18 ára.

Tryggjum að raddir unga fólksins hafi vægi í ákvörðunum sem eru teknar í sveitarfélaginu.

Gerum fólki kleift að læra í heimabyggð

Bætum aðgengi að námi í samstarfi við skóla með bættri nýtingu stafrænnar tækni. 

Aukum samstarfi við HSA og leitum lausna sem gerir fólki kleift að búa lengur heima með reisn og öryggi. 

Vinnum með verktökum og óhagnaðardrifnum leigufélögum til að finna hentugar lausnir á húsnæði fyrir eldra fólk.

Mótum og þróum þjónustu í samstarfi við eldri kynslóðina, þannig að reynsla og þarfir þeirra ráði ferðinni. 

Styðjum betur við frumkvöðla og nýsköpunarfyrirtæki því þannig sköpum við fleiri og fjölbreyttari störf.

Tengjum atvinnulíf við menntun og nýsköpun

Sköpum vettvang fyrir atvinnulífið til að tengjast við háskóla, rannsóknarstofnanir og þekkingarsetur.

Höfum sjálfbærni að leiðarljósi í atvinnuuppbyggingu

Tryggjum jafnvægi ábyrgrar nýtingar auðlinda og uppbyggingu atvinnulífs. 

Gerum fjarvinnu og fjarnám að raunhæfum valkosti

Stuðlum að uppbyggingu samvinnurýma, betri tengingu við háskóla og sterkari innviðum.

Setjum á reglulegar ferðir sem taka mið af skóla, vinnu og tómstundum.

Suðurfjarðarvegur og Fjarðagöng í forgang

Bætum öryggi lykilinnviða, styttum vegalengdir og styrkjum atvinnu og búsetu á svæðinu.

Tengjum byggðakjarna betur saman og styðjum við heilsu, öryggi og daglegt líf.

Tryggjum að íbúar geti fundið og byggt upp húsnæði sem hentar þeirra þörfum í öllum byggðarkjörnum Fjarðabyggðar, með einfaldari ferlum og markvissari áætlanagerð.

Einföldum skipulagsferla, styttum málsmeðferð og styðjum við uppbyggingu með markvissum hvötum.

Kortleggjum húsnæðisþörf í hverjum byggðarkjarna og nýtum betur tómt og vannýtt húsnæði.

Tryggjum jafnt aðgengi og framtíðarsýn

Styðjum minni byggðarkjarna, bætum aðgengi fyrir öll og setjum fram skýra langtímaáætlun um uppbyggingu og viðhald.

Hér má nálgast ítarlegri kosningastefnu í pdf skjali.  

You can view the entire election manifesto in English on a PDF file here.

Pełny manifest wyborczy można przeczytać w pliku PDF tutaj.

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar.

Það hefur varla farið fram hjá neinum að íbúum Sveitarfélagsins Árborg hefur fjölgað mjög hratt á síðustu árum. Íbúar Árborgar á Selfossi, Eyrarbakka, Stokkseyri og í Tjarnabyggð eru rétt um 13.000. Áskoranirnar sem fylgja örri íbúafjölgun eru miklar og jafnvel heyrast raddir um að það mætti hægja á þróuninni.

Þessi háværa umræða á hins vegar engan veginn við um allt sveitarfélagið. Það er einungis Selfoss sem stækkar á ógnarhraða, svo að erfitt er að halda í við byggingu skóla og leikskóla. Á sama tíma er mjög hægur vöxtur í þorpunum tveimur, Eyrarbakka og Stokkseyri. Þar gerir fólksfæðin það að verkum að sveitarfélagið á erfitt með að uppfylla lögbundnar skyldur sínar og veita góða þjónustu. Ef skoðaðar eru tölur frá Hagstofu Íslands um fjölgun íbúa í sveitarfélaginu frá árinu 2000 fram til 2026, sést svart á hvítu hvað íbúar Árborgar búa við ólíkan veruleika eftir búsetu.

Augljóslega kallar þetta á stefnubreytingu. Til að stuðla að hagkvæmari innviðum í þorpunum eins og skóla, leikskóla og íþrótta- og menningaraðstöðu o.fl. þarf íbúðabyggðin að stækka. Samgöngur yrðu efalaust betur nýttar með fjölgun íbúa og svo mætti lengi telja. Sveitafélagið mætti nota hvata eins og að lækka verulega lóðarverð í þorpunum og jafnvel leggja af byggingarréttargjöld. Sama mætti gilda um atvinnulóðir. Til lengra tíma litið hagnast Árborg á því. Einnig væri hægt að byggja sómasamlegt skólahús á Eyrarbakka og bæta aðstöðu fyrir skóla og íþróttaiðkun á Stokkseyri. Góð aðstaða laðar að fjölskyldufólk og starfsfólk.

Heilbrigð stækkun þorpanna hagur allra
Margir þorpsbúar, og þar með talin ég sem bý á Eyrarbakka, vilja ekki of öran vöxt sem gæti skert lífsgæðin sem fylgja því að búa í litlu samfélagi. Heilbrigður vöxtur væri samt tvímælalaust til hagsældar. Það væri t.d. flott markmið að ná upp í þann íbúafjölda sem var hér árið 1920. Þá bjuggu í Eyrarbakkahreppi 857 manns og í Stokkseyrarhreppi voru íbúar 742 talsins. Væri ekki fínt markmið að sjá aftur svipaðar íbúatölur? Því það er ekki góður kostur að vera afskekkt þorp í alfaraleið um ókomin ár.

Árborg á lóðir
Þessi hæga byggðaþróun á Eyrarbakka og Stokkseyri er frekar undarleg í ljósi þess að sveitarfélagið á fjölmargar byggingarlóðir í báðum þorpum, en velur frekar uppbyggingu á Selfossi. Ef sveitarstjórn vill sýna í verki tiltrú þess á vöxt samfélagsins í heild sinni þá ætti uppbygging á Eyrarbakka og Stokkseyri að vera í forgangi. Hingað til hefur það ekki verið svo. Það er ósk mín að Sveitarfélagið Árborg verði til fyrirmyndar sem fjölkjarnasveitarfélag þar sem allir byggðarkjarnar fá að blómstra. Til þess þarf víðsýni, hugarfarsbreytingu og hugrekki til athafna.

Linda Ásdísardóttir
Óháð í 11. sæti á lista Samfylkingarinnar og óháðra í Árborg

Árborg – þar sem fámennið er áskorun

Staðreyndin er sú að börn keyra ekki bíla. Borg sem er göngu- og hjólavæn ásamt því að hafa öflugar almenningssamgöngur og sterka hverfakjarna er borg sem styður við lífsgæði og sjálfstæði barna.

Flestir foreldrar þekkja skutlið sem því fylgir að eiga börn, hvort sem það er í skóla, tómstundir eða annað. Við minnkum skutlið með því að byggja borg þar sem hverfakjarnar eru sterkir og vegalengdir eru stuttar. Stefna Samfylkingarinnar hefur verið að byggja upp svokölluð 15 mínútna hverfi þar sem nauðsynleg þjónusta og afþreying er í að hámarki 15 mínútna fjarlægð. Þar er íþróttahús, skóli, matvörubúð, frístundamiðstöð, kaffihús og leikvellir í nálægð við þar sem fólk býr. Þessi stefna styður við félagslíf barna og einfaldar líf þeirra, ekki síður en foreldranna sem annars þyrftu að skutla börnunum á þessa staði. Við verðum að halda áfram á þeirri leið svo fleiri gefst kost á að njóta þessara lífsgæða.

Barnvæn borg felur einnig í sér öflugar almenningssamgöngur. Samfylkingin í Reykjavík hefur nú gert grunnskólabörnum ókeypis að ferðast um með Strætó. Þetta stuðlar að aukinni notkun Strætó. Þar að auki eru mun fleiri leiðir sem fara á aðeins 10 mínútna fresti á háannatíma. Höldum áfram að efla Strætó á meðan uppbygging Borgarlínu á sér stað. Það gerum við með því að fjölga áfram ferðum Strætó og innleiða nýtt leiðakerfi sem bætir tengingar innan og milli hverfa.

Áframhaldandi uppbygging göngu- og hjólastíga

Göngu- og hjólastígar eru einnig mikilvægt samgöngumál fyrir börn. Í Þrándheimi, þar sem ég bjó áður en ég flutti til Reykjavíkur, var ráðist í átak til að greina flytileiðir sem fólk nýtti sér þvers og kruss um alla borg. Þá var til dæmis verið að skoða svokallaða óskastíga sem myndast þegar mörg labba sömu sporin þar sem er ekki lagður stígur fyrir. Í síðustu viku var til umræðu í borgarstjórn stefna Reykjavíkurborgar um gönguvæna borg. Þar voru einmitt óskastígarnir teknir fyrir og það á að setja aukið fjármagn í viðhald göngustíga. Stefnt er að áframhaldandi uppbygging göngustíga og hjólastíga um alla borg.

Samgöngur eru eitt af þeim málum sem hafa hvað mest áhrif á lífsgæði barna. Börn eiga að geta valið sér ferðamáta eftir því hvað hentar best hverju sinni. Að ganga, hjóla og nota almenningssamgöngur á að vera öruggt og aðgengilegt í borginni okkar. Þó eru flokkar sem vilja fækka valkostum í samgöngum, hætta við Borgarlínu og fjölga bílaakreinum út í hið óendanlega. Í borgarstjórnarkosningum 16. maí er kosið um hvert Reykjavík stefnir í samgöngumálum. Þá er spurningin: Viljum við færast nær því að vera eins og jafnaðarborgir Norðurlandanna þar sem fólk hefur raunverulegt val um samgöngumáta – eða viljum við gera Reykjavík að amerískri bílaborg undir forystu Sjálfstæðisflokksins? Hvað myndu börnin vilja?

Höfundur skipar 5. sæti á lista Samfylkingarinnar í Reykjavík fyrir borgarstjórnarkosningarnar 16. maí nk.

Borg sem er hugsuð út frá þörfum barna er borg sem virkar fyrir okkur öll. Börn þurfa ekki síður en fullorðnir að komast leiðar sinnar með öruggum og fljótlegum hætti hvort sem það er innan hverfisins eða á milli hverfa.

1. Hrefna Jónsdóttir

2. Þorleifur Guðjónsson

3. Jóhanna Ösp Einarsdóttir

4. Ólafur Þór Jónsson

5. Margrét Dögg Sigurbjörnsdóttir

6. Phedias Cadavez Rizon

7. Guðlaug Guðmunda Ingibjörg Bergsveinsdóttir

8. Tindur Ólafur Guðmundsson

9. Helena Þóra Sigurbjörnsdóttir

10. Andrea Björnsdóttir

Verið öll velkomin í kjötsúpuveislu með frambjóðendum S-listans á Stokkseyri, þriðjudaginn 12. maí kl í kl. 17.30. Við verðum á túninu á bakvið sjoppuna!

• Dýrindis kjötsúpa
• Hoppukastali
• Gengið á stultum
• Flugdrekar
• Kleinur og drykkir
• Hressir frambjóðendur
Sjáumst hress

Staðreyndin er hinsvegar sú að myglan hefur ekki farið eftir flokkspólitískum línum á Íslandi. Ein af skýringunum á því að mygla hefur greinst í miklum mæli í skólahúsnæði á Íslandi er skortur á viðhaldi en það voru teknar pólitískar ákvarðanir um niðurskurð í viðhaldsverkefnum eftir efnahagshrunið árið 2008. Þá stýrðu til dæmis Sjálfstæðismenn og Framsóknarmenn borginni og frá 2010 -2014 voru það Besti flokkurinn og Samfylking og var sá fyrrnefndi með borgarstjórann.

Þetta voru mjög krítísk ár þegar kom að rekstri sveitarfélaga. Sammælst var um að verja velferðina og þá meðal annars á kostnað verklegra framkvæmda. Það sama átti við í flestum öðrum sveitarfélögum. Ég hef heldur ekki séð eina einustu tillögu frá Viðreisn í þau sjö ár sem flokkurinn hefur verið í meirihluta sem fjallar sérstaklega um að verja meiri fjármunum í viðhaldsverkefni.

Fréttastofa Ríkisútvarpsins gerði könnun á myglu í skólum árið 2023. Í ljós kom að það var mygla í leik- og grunnskólum í yfir helmingi sveitarfélaga landsins. Á höfuðborgarsvæðinu var mygla í 64 grunn- og leikskólum, þar af 34 í Reykjavík og 15 í Kópavogi. Sem sagt hlutfallslega jafn mikið um myglu, miðað við íbúafjölda í öllum sveitarfélögunum. Talið var að kostnaður hafi þá numið um 20 milljörðum á landinu öllu.

Síðan hefur enn bæst í og kostnaður hækkað verulega. Engu skiptir hvort bæjum hafi verið stjórnað af Viðreisn, Sjálfstæðisflokki, Framsóknarflokki eða Samfylkingu, það hafa allir setið í sömu súpunni.

Til að bregðast við þessu er ekki nóg að bara „snúa hlutum við“, það þarf raunverulegt plan og forgangsröðun. Við í Samfylkingunni viljum gefa verulega í endurbætur á húsnæði leik- og grunnskóla. Á næsta kjörtímabili munum við til að mynda, fáum við til þess traust, hækka framlag til endurbóta og uppbyggingu leikskóla um 10 milljarða á kjörtímabilinu úr 20 milljörðum í 30 milljarða. Við viljum setja pólitíska stjórn yfir framkvæmdahluta umhverfis- og skipulagssviðs og hafa þannig betri tök á að fylgja eftir stefnumótun og áherslumálum þegar kemur að fjárfestingum og viðhaldi.

Við erum ábyrgur flokkur og erum stolt af borginni okkar og viljum gera enn betur á næsta kjörtímabili. Setjum X við Samfylkinguna í kosningunum 16. maí.

Höfundur skipar 7. sætið á lista Samfylkingarinnar fyrir borgarstjórnarkosningarnar.

Viðreisn hefur farið mikinn í kosningabaráttunni og kennt Samfylkingunni um allt sem aflaga hefur farið. Nýjasta útspilið er umfjöllun um myglu í skólum og leikskólum.

Frá árinu 2017 hafa rúmlega 900 námsmannaíbúðir verið byggðar í Reykjavík og um 750 til viðbótar eru ýmist í byggingu eða fyrirhugaðar á næstu misserum. Margar þessara íbúða á vegum Félagsstofnunar stúdenta sá ég rísa á minni háskólagöngu og hafði síðar aðkomu að, með beinum eða óbeinum hætti, í gegnum störf mín sem forseti Stúdentaráðs Háskóla Íslands. Ég var til dæmis nýbyrjuð í háskólanum þegar uppbygging 244 íbúða á Vísindagarðasvæðinu (Mýrargörðum) var komin á fullt skrið árið 2017 og fylgdist með þeim rísa á daglegri leið minni þar hjá, allt þar til þær voru teknar í notkun árið 2020. Árið 2021 fögnuðum við í Stúdentaráði svo nýrri viðbyggingu við Gamla garð, þar sem bættust við 69 herbergi. Sama ár fékk ég þann heiður að taka þátt í ferli FS og Háskóla Íslands vegna kaupa á Hótel Sögu, þar sem nú eru 111 íbúðir. Með því allra síðasta sem ég gerði sem forseti var að vera viðstödd undirritun viljayfirlýsingar árið 2022 um stúdentaíbúðir við Vatnsstíg, þar sem nú hafa 14 einstaklingsherbergi nýlega verið tekin í notkun.

Tvöföldun stúdentagarða vegna stefnufestu

Þessi umfangsmikla uppbygging stúdentagarða hefði ekki átt sér stað nema vegna góðs samstarfs Reykjavíkurborgar við HÍ og FS, Háskólann í Reykjavík og Byggingafélag námsmanna. Samstarfið við borgina gekk vel vegna pólitísks vilja þeirra sem hafa stýrt henni á liðnum kjörtímabilum. Það endurspeglar þá forgangsröðun Samfylkingarinnar að húsnæðisuppbygging sé að hluta óhagnaðardrifin og þjóni fjölbreyttum hópum.

Uppbyggingin í Vatnsmýrinni gekk reyndar ekki alltaf snurðulaust fyrir sig - og í þeim tilfellum var brýnt að eiga trausta bakhjarla. Það kom nefnilega fyrir að forysta stúdentahreyfingarinnar hafði aðrar áherslur en stjórnsýsla háskólans, eða HÍ aðrar fyrirætlanir en FS. Stúdentaráð naut hins vegar ávallt ótvíræðs stuðnings FS - og öfugt! Auk þess reyndist gott samstarf við borgarstjóra og meirihluta borgarstjórnar, með Samfylkinguna í fararbroddi, nauðsynlegt. Verkefnunum var ýtt áfram í sameiningu og það skipti sköpum að Samfylkingin í Reykjavík sýndi vilja í verki með því að vera eina sveitarfélagið á höfuðborgarsvæðinu sem studdi uppbyggingu námsmannaíbúða með lóðaúthlutunum.

Mikilvægi óhagnaðardrifinnar uppbyggingar

Aðsókn á stúdentagarða FS er enn í dag mikil og telur biðlistinn 724 manns. Stofnunin bíður eftir því að geta reist um 380 íbúðir, þar á meðal á nýjum lóðum í Nýja Skerjafirði í

Vatnsmýrinni. Það eru áform um rúmlega 180 fjölskylduíbúðir fyrir stúdenta, innan svæðis þar sem gert er ráð fyrir íbúðum fyrir allt að þrjú þúsund manns. Þarna eru mikil tækifæri sem brýnt er að nýta og það væri hagur allra að leysa úr þeirri flóknu stöðu sem hefur tafið uppbyggingu svæðisins. Það er önnur saga sem er óþarfi að rekja hér, en ég nefni til að undirstrika þörfina fyrir áframhaldandi uppbyggingu stúdentagarða og óhagnaðardrifins húsnæðis, sem og mikilvægi náins samstarfs ríkis og sveitarfélaga í þágu íbúa.

Stefna Samfylkingarinnar er að styðja afdráttarlaust áfram við fjölbreytt búsetuform. Við lítum svo á að aðgangur námsfólks að húsnæði í nálægð við skóla og á viðráðanlegu verði sé lykilforsenda þess að jafna aðgengi að námi óháð búsetu, um leið og slíkt eflir mannlíf í hverfum borgarinnar. Þess vegna skiptir máli hver stýrir Reykjavík og hvaða framtíðarsýn ræður för í skipulags- og húsnæðismálum.

Kjósum Samfylkinguna í Reykjavík og höldum því til streitu að byggja borg sem styður við daglegt líf, tryggir fjölbreytt húsnæði fyrir alla hópa og hefur grunnþjónustu innan seilingar. Borg sem hvetur til samveru og útivistar og hverfi sem iða af lífi og gleði. Þitt atkvæði skiptir máli til að tryggja það.

Höfundur skipar 9. sæti á lista Samfylkingarinnar fyrir borgarstjórnarkosningarnar 16. maí næstkomandi.

Í mínum huga hefur Reykjavík alltaf verið háskólaborg. Eða eins og Dagur B. Eggertsson, fyrrverandi borgarstjóri, sagði oft: „Það eru til tvenns konar borgir: deyjandi borgir og háskólaborgir!“

Hér er ég fædd og uppalin, menntaði mig erlendis og hef búið víða, en þegar ég flutti aftur heim kom aldrei annað til greina en að búa á Akranesi. Þar er fólkið mitt, góðir skólar og leikskólar, náttúruperlur til útivistar, stutt í allt, fjölbreytt íþróttalíf og kjöraðstæður til að ala upp börn. Hér er allt sem ég þarf.

Akranes er íþróttabær. Hér er fjölbreytt íþróttalíf fyrir flest sem áhuga hafa á að stunda eða æfa íþróttir eða fylgjast með sem áhorfendur og stuðningsmenn. Yngri hóparnir eiga kost á sundþjálfun, íþróttaskóla, fótbolta á leikskólatíma og þannig mætti áfram telja. Þau sem eldri eru eiga einnig fjölbreytta möguleika m.a. með niðurgreiddum hreyfiúrræðum hjá ÍA í „Sprækum Skagamönnum“ og FEBAN, ásamt því sem í boði er varðandi líkamsrækt hjá einkaaðilum.

En ég segi „flest“ því það er alltaf hægt að gera betur. Mig langar sérstaklega að hrósa þeim sem hafa lagt áherslu á að bjóða upp á íþróttir fyrir öll, en þar má til dæmis nefna FIMA, Sundfélag Akraness, Badmintonfélag Akraness o.fl. Við höfum einnig séð vísi að samvinnu milli aðildarfélaga (fótbolti og fimleikar) og er það vel. Þetta þarf að styðja við. Þarna gætu einnig verið tækifæri fyrir einkaaðila til að bjóða upp á hreyfingu og þjálfun fyrir fullorðið fólk með fötlun og/eða skerta hreyfigetu, í einhvers konar samvinnu við Akraneskaupstað. Einnig þarf að huga betur að þjálfun þeirra sem eldri eru og passa ekki inn í þau hreyfiúrræði sem í boði eru, til dæmis fyrir eldra fólk sem býr heima en er jafnvel á biðlista eftir annars konar búsetuúrræði. Eins þá sem eru í dagstarfi á einum stað og þurfa að sækja t.a.m sjúkraþjálfun annað. Þarna gætu legið möguleikar til samþættingar þjónustu við þennan hóp á einum stað.

Stöðug uppbygging á aðstöðu til fjölbreyttrar íþróttaiðkunar

Á Akranesi er fjölbreytt íþróttaflóra. Hér eru 20 aðildarfélög undir merkjum Íþróttabandalagsins sem öll þurfa sína aðstöðu til að þrífast og dafna.

Nýtt og stórglæsilegt íþróttahús var tekið í notkun á Jaðarsbökkum í fyrra. En þá er ekki öll sagan sögð því einnig hefur verið ráðist í miklar endurbætur á íþróttahúsinu við Vesturgötu á síðastliðnum árum. Nú er frábært að sjá t.a.m. Klifurfélagið vera komið með fastan samastað og eins verður spennandi að fylgjast með Kraftlyftingafélaginu sem er að undirbúa flutning aftur í kjallarann á Vesturgötu í stærra rými en áður,  sem mun væntanlega bjóða upp á skemmtilega möguleika í starfi þeirra, en  starf félagsins var útvíkkað fyrir stuttu með stofnun Lyftingafélags innan þess.

Næst á dagskrá er að byggja nýja innisundlaug ásamt því að ráðast í frekari uppbyggingu á Jaðarsbakkasvæðinu. Ný innisundlaug er ekki bara hagsmunamál fyrir sundfélagið, heldur einnig skólasamfélagið og bygging hennar er stórt lýðheilsu- og forvarnarmál fyrir almenning!

Íþróttastarf er líka forvarnarstarf. Hreyfing og þjálfun í hópi styrkir allt í senn; líkamlega, andlega og félagslega heilsu. Þetta er því mikilvægur grunnur og öll börn ættu að geta stundað fjölbreytta hreyfingu. Við þurfum að hækka frístundastyrk í samvinnu við ÍA þannig að það komi ekki til mikilla hækkana á æfingagjöldum á móti. Vinna við þetta er þegar farin af stað með það að markmiði að börn geti prófað og stundað fleiri íþróttir áður en þau velja sér ákveðnar íþróttagreinar til að stunda og æfa. Það skiptir  máli fyrir góða almenna hreyfifærni og hreyfigrunn. Ein leið væri að festa frístundastyrkinn við fleiri en eina íþrótt. Aðrar leiðir þarf að skoða, mögulega í samvinnu aðildarfélaga í gegnum ÍA, að það verði ákveðinn samþættur og fjölbreyttur grunnur í þjálfun allra aðildarfélaganna.

Þannig verður hagur barna hafður að leiðarljósi.

Höfundur er sjúkraþjálfari, fyrirtækjaeigandi og skipar 4.s æti á lista Samfylkingarinnar á Akranesi

„Það er gott að búa í Kópavogi,“ sagði Gunnar Birgisson eftirminnilega og það er sjálfsagt rétt. Mér finnst hins vegar best að búa á Akranesi.

Sterkari saman – Heilsueflandi Akranes og íþróttabær (fyrri hluti)

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"