Þverpólitísk samstaða var um þá tillögu þáverandi meirihluta sem Samfylkingin og fleiri flokkar höfðu verið með í sínum kosningastefnuskrám fyrir síðustu kosningar. Fyrir hækkun nýttu um 74% barna í Reykjavík frístundastyrkinn en það hlutfall hefur hækkað í 82% eftir hækkun styrksins. Nokkur munur er þó á nýtingu eftir hverfum og er hún minni í tveimur hverfum Breiðholti og Kjalarnesi, þó þátttakan þar hafi aukist talsvert undanfarin tvö ár. Verkefni okkar er að grípa til aðgerða til að auka þátttöku barna og ungmenna í íþróttum, listnámi og öðru skipulögðu frístundastarfi, með sérstaka áherslu á þessu hverfi.

Tillögur um aukið frístundaframboð á Kjalarnesi

Við höfum þegar samþykkt tillögur um fjölgun frístundatilboða á Kjalarnesi þar sem áberandi er að þátttaka stúlkna er marktækt minni. Þar viljum við auka framboð á frístundatilboði í dansi, kórastarfi og fleiri greinum sem höfða sérstaklega til stúlkna. Þá leggjum við til að sérstök áhersla verði lögð á að kynna björgunarsveitastarf fyrir unglingum á Kjalarnesi í samvinnu við Björgunarsveitina Kjöl og Landsbjörg. Ég þekki það úr minni fjölskyldu að starf í unglingadeildum björgunarsveitanna er frábær reynsla fyrir ungt fólk sem sameinar göfugt starf við að bjarga samborgurum sínum úr háska, fjölbreytta útivist og upplifun sem eflir seiglu, úthald og snerpu auk þess að vera frábær félagsskapur fyrir unglinga. Ég er sannfærður um að námskeið og frístundatilboð sem tengjast björgunarsveitunum er mál sem á erindi í öðrum hverfum borgarinnar.

Íþróttabandalag Reykjavíkur og Suðurmiðstöð sem þjónar íbúum í Breiðholti hafa undirbúið nýtt þróunarverkefni til þriggja ára sem miðar að aukinni inngildingu barna og unglinga, með sérstaka áherslu á börn af erlendum uppruna. Menningar – og íþróttaráð Reykjavíkurborgar samþykkti á fundi sínum 27. júní sl. að taka þátt í verkefninu og leggja fram 4 milljóna króna fjárveitingu til þess. Verkefninu verður ýtt úr vör á morgun 6. september með veglegri íþróttahátíð í Breiðholti þar sem börn og fjölskyldur þeirra fá innsýn í þau fjölmörgu tilboð sem eru í boði varðandi íþróttaiðkun í hverfinu. Kynningar fara fram á ÍR svæðinu, Leiknis svæðinu og í íþróttahúsinu Austurbergi milli 12 og 14.30, vegleg skemmtidagskrá verður með lifandi tónlist og dagskránni lýkur með leik Leiknis og Selfossi í Lengjudeildinni kl. 16. Öll eru velkomin og aðgangur ókeypis.

Í næstu viku verður svo haldin málstofa í Leiknisheimilinu þar sem boðið verður upp á kynningu og samtal við foreldra og fulltrúa íþróttafélaganna um hvernig megi styrkja samstarf allra aðila í Breiðholtinu með það að markiði að þátttaka barna og ungmenna í íþróttum og öðru frístundastarfi, þ.m.t. listnámi aukist. Það er gríðarlega mikilvægt bæði fyrir heilsu og hreysti ungu kynslóðarinnar en líka í forvarnarskyni og til að efla félagsþroska.

Þátttaka barna og ungmenna í íþróttum og öðru skipulögðu frístundastarfi hefur aukist eftir að við hækkuðum frístundastyrkinn í Reykjavík um helming, úr 50 þúsund í 75 þúsund fyrir hvert barn í upphafi þessa kjörtímabils.

I.
Frú forseti – háttvirtir þingmenn.

Helstu áherslur ríkisstjórnarinnar á nýju þingi – sem birtast meðal annars í þingmálaskrá og fyrstu fjárlögum þessarar ríkisstjórnar – eru tiltekt, verðmætasköpun og aðgerðir til að styrkja öryggi og innviði Íslands.

Ríkisstjórnin gengur samstíga til verka. Sem fyrr munu verkin tala. Og í þessari stefnuræðu hyggst ég stikla á stóru um helstu verkefni vetrarins.

II.
En áður en lengra er haldið vil ég ávarpa störf þingsins og samstarf okkar sem erum kjörin á Alþingi.

Það er heiður að sitja á Alþingi. Og því fylgir ábyrgð. Þegar þjóðin kýs – þá verður þingið að virka. Það er undirstaða lýðræðis í landinu.

Í alþingiskosningum síðastliðið haust urðu verulegar breytingar í hinu pólitíska landslagi. Sem leiddu af sér hrein stjórnarskipti, nýja ríkisstjórn, nýja stefnu og nýtt verklag. Sömuleiðis urðu breytingar á starfsháttum í stjórnarandstöðu sem eftir var tekið.

Við getum öll verið sammála um það að þingstörfin hefðu átt að ganga betur síðastliðið vor. Þar er ábyrgðin bæði hjá meirihluta og minnihluta. Því að þingið verður að virka.

Ríkisstjórnin hefur verið sögð ganga heldur hratt til verka, fremur en hitt. Og sem forsætisráðherra get ég sagt að við tökum þá gagnrýni til okkar. Því þó að stjórnkerfið hafi virkað vel síðasta vor – og þingmál ríkisstjórnarinnar skilað sér betur og hraðar til þingsins en áður – þá er nauðsynlegt að Alþingi og nefndirnar hérna inni ráði vel við hraðann. Þannig að mál séu afgreidd með skilvirkum hætti, jafnt og þétt yfir veturinn.

Þess vegna hefur ríkisstjórnin nú brugðist við ábendingum forseta og þingflokksformanna: Við höfum stillt upp sterkri þingmálaskrá sem vissulega er stórpólitísk – stórpólitísk að því leyti að hún hreyfir nálina, hreyfir við íslensku samfélagi – en trúverðug og takmörkuð að umfangi til að tryggja skilvirka afgreiðslu á þinginu. Til að undirstrika það, þá inniheldur þingmálaskrá ríkisstjórnarinnar 157 mál – samanborið við 217 mál á sama tíma á síðasta ári, hjá fyrri ríkisstjórn. Og af þessum 157 málum eru 41 mál endurflutt frá fyrra þingi, eftir ítarlega umfjöllun, og ættu því að geta fengið fljóta meðferð í þinginu í haust.

Ég höfða til ábyrgðar þingmanna allra flokka: Látum lýðræðið virka. Ræðum málin og greiðum svo atkvæði og leiðum þau þannig til lykta. Það er skylda okkar gagnvart þjóðinni og lýðræðinu í landinu.

III.
Forseti. Á öllum heimilum kemur sá tími að það þarf að staldra aðeins við og taka svolítið hressilega til. Og þar er ríkisheimilið engin undantekning. Tiltekt ríkisstjórnarinnar á sér ýmsar birtingarmyndir:

Við erum að laga ríkisfjármálin – með því að taka til í kerfinu, hagræða og skrúfa fyrir skattaglufur. Og með því að ná betri stjórn á starfsemi ríkisins heilt yfir. Þetta er mikilvægt.

Tillögur um hagsýni í ríkisrekstri – frá almenningi, atvinnurekendum, stéttarfélögum, stjórnendum sem og starfsfólki hins opinbera – hafa nú skilað sér í yfir 100 milljarða uppsafnaðri hagræðingu á tíma nýrrar fjármálaáætlunar. Þetta sést strax í fjárlögum fyrir árið 2026 – sem verða fyrir vikið mun nær sjálfbærum rekstri en áður stefndi í. Og þannig færumst við líka nær settu marki um að fjárlög ársins 2027 verði fyrstu hallalausu fjárlög ríkisins í áratug.

Ný stöðugleikaregla er strax farin að bíta.

* * *

En forseti – og þetta er lykilatriði – ef við þurfum að gera meira hraðar til að vinna niður vexti og verðbólgu. Þá gerum við meira hraðar. Svo sem í ríkisfjármálum og aðgerðum í húsnæðismálum. Það er alveg á hreinu. Þessi ríkisstjórn tekur ábyrgð á stjórn efnahagsmála í landinu – fulla ábyrgð. Og við munum aldrei hlaupast undan eða benda fingri á alla aðra. Ekki á minni vakt.

Hins vegar er rétt að halda því til haga að stýrivextir hafa lækkað um 1,5% – frá því að fyrri ríkisstjórn boðaði til kosninga. Sem hefur lækkað kostnað meðalheimilis um allt að 50 þúsund krónur í hverjum mánuði. Það er meiri lækkun fyrir marga – minni fyrir suma – en þetta eru upphæðir sem skipta miklu máli í bókhaldi heimila og fyrirtækja sömuleiðis.

Við þurfum að halda tiltektinni áfram – til að verðbólgan fari niður í markmið Seðlabankans og svo vextir haldi áfram að lækka. Og það munum við gera.

* * *

Dæmi um tiltektarmál á þingmálaskrá eru til að mynda:

Afnám handhafalauna fyrir handhafa forsetavalds – samkvæmt frumvarpi sem ég mun leggja fram – ásamt frumvarpi um eitt nefndahús fyrir nefndir ríkisins, að norrænni fyrirmynd. Þá verður lagt fram frumvarp sem skýrir viðmið við launabreytingar þjóðkjörinna fulltrúa og embættismanna sem unnið er, að sjálfsögðu, með aðilum vinnumarkaðarins.

Sameining sýslumanna er umbótamál sem verður endurflutt Og til viðbótar við sameiningu sýslumannsembætta verða stofnanir á sviði safnamála og húsnæðis- og skipulagsmála teknar fyrir og við munum sjá sameiningu ýmissa samkeppnissjóða.

Ráðist verður í tiltekt í heilbrigðismálum – til að draga úr skriffinnsku og gera þjónustuna skilvirkari.

Tiltekt í útlendingamálum verður ofarlega á blaði. Með afturköllun á alþjóðlegri vernd fyrir fólk sem fremur alvarleg eða síendurtekin brot. Með afnámi á séríslensku 18 mánaða reglunni sem hefur veitt fólki sjálfkrafa dvalarleyfi þegar tafir verða á afgreiðslu mála. Farið verður í sameiningu atvinnu- og dvalarleyfa með hertum skilyrðum, innleiðingu nýjasta hælispakka Evrópusambandsins og byggingu á brottfararmiðstöð – til að uppfylla skuldbindingar Íslands samkvæmt Schengen-samningnum. Um leið verður hætt að vista útlendinga í gæsluvarðhaldi sem á að brottvísa.

Félags- og húsnæðismálaráðherra leggur fram frumvarp um breytingar á atvinnuleysistryggingum – þar á meðal styttingu bótatímabils samhliða styrkingu á virkniúrræðum fyrir atvinnulausa.

* * *

Svona mætti lengi telja. Það verða ekki allir sáttir við allt – sumt verður erfitt – en við ætlum áfram. Því það er betra að vera með ríkisstjórn sem tekur ákvarðanir og framkvæmir – þó að margir verði ósáttir með einstök mál – frekar en ríkisstjórn sem getur ekki tekið ákvarðanir og gerir alla ósátta.

Við erum að einfalda regluverk. Það er tiltekt sem styður við aukna verðmætasköpun. Þar má nefna: Stórfellda einföldun leyfisferla í orkumálum. Mestu einföldun í eftirlitsumhverfi fyrirtækja í áratugi – með niðurlagningu heilbrigðiseftirlita, sem fækkar eftirlitsaðilum úr 11 í 2. Ráðist verður í einföldun regluverks um erlenda fjárfestingu í nýsköpunarfyrirtækjum. Létt á jafnlaunavottun. Og okkar ágæti félags- og húsnæðismálaráðherra mun í vetur ganga í það verk – loksins – að snareinfalda og létta á byggingarreglugerð. Sem oft var lofað en aldrei efnt – þar til nú.

* * *

Við erum að móta atvinnustefnu fyrir Ísland – vaxtarplan til ársins 2035. Sem lýsir hvernig stjórnvöld vinna með atvinnulífinu að aukinni verðmætasköpun. Það er tiltekt. Til að leggja grunn að betri hagvexti á Íslandi, meiri hagvexti á mann – sem er lykilatriði – með minna álagi á samfélag, umhverfi og innviði.

Á næsta ári verða hafnar framkvæmdir við stækkun fjögurra verknámsskóla vítt um land – sem hafa nú verið fjármagnaðar. Þetta er stórmál fyrir menntun og atvinnulíf í landinu.

Atvinnuvegaráðherra mun leggja fram frumvarp í haust um auðlindagjald fyrir aðgang ferðamanna að náttúruperlum Íslands. Og eftir áramót ætlum við að lögfesta nýjan ramma fyrir lagareldið. Loks mun innviðaráðherra mæla fyrir frumvarpi um framtíðarfyrirkomulag strandveiða og byggðakvóta í sjávarútvegi.

Og áfram göngum við rösklega til verka í orkumálum. Umhverfis-, orku- og loftslagsráðherra mun í haust mæla fyrir frumvarpi sem felur í sér fulla jöfnun á dreifikostnaði raforku um land allt. Þetta eru stór tíðindi fyrir hinar dreifðu byggðir í landinu – og þetta er mál sem við getum öll verið stolt af og undirstrikar það að auðlindir Íslands eru sameign þjóðarinnar.

Af öðrum orkumálum má nefna nýtt 10 ára orkuöflunarmarkmið sem verður til hliðsjónar við vinnslu rammaáætlunar. Fluttar verða tvær rammaáætlunartillögur, nærsamfélagi tryggðar tekjur af öflun raforku og settar reglur um vindorkunýtingu – sem kveða meðal annars á um takmörkun á tilteknum svæðum og neitunarvald sveitarfélaga.

Ný heildarlög um loftslagsmál verða lögð fram á þinginu í haust. Sem fela í sér tiltekt og taka betur mið af raunverulegri stöðu mála – styttri listi, með raunhæfum markmiðum og aðgerðum til að ná settu marki.

* * *

Forseti – samhliða áherslu ríkisstjórnarinnar á tiltekt og verðmætasköpun – þá munum við um leið hefjast handa við að styrkja öryggi og innviði Íslands:

Öryggi á vegum – með 7 milljarða viðbót í vegabætur strax á næsta ári. Og með stofnun innviðafélags, samhliða nýrri samgönguáætlun, til að byrja aftur að bora jarðgöng í þessu landi.

Öryggi borgaranna aukum við – með því að fjölga lögreglumönnum um 50, styrkja Landhelgisgæslu og stofnanir fangelsismála og útlendingamála. Og með því að veita loksins heimild til að framfylgja nálgunarbanni með notkun ökklabands. Síðast en ekki síst má nefna nýtt úrræði til öryggisvistunar fyrir ósakhæfa einstaklinga – sem lengi hefur verið kallað eftir og nú verður komið á fót.

Örugg skref í heilbrigðis- og öldrunarmálum verða tekin – með því að fjölga áfram hjúkrunarrýmum og efla úrræði vegna fíknisjúkdóma og geðþjónustu barna og aldraðra svo dæmi séu tekin. Þá munu framkvæmdir hefjast við byggingu legudeildar Sjúkrahússins á Akureyri.

Og tekin verða markviss skref til að bæta afkomuöryggi öryrkja og eldra fólks – lífeyrir mun nú fylgja launaþróun, við hækkum almennt frítekjumark ellilífeyris í skrefum upp í 60 þúsund krónur á mánuði og greiddur verður jólabónus til öryrkja og tekjulægra eldra fólks.

IV.
Forseti. Utanríkisráðherra mun í haust mæla fyrir nýrri öryggis- og varnarstefnu Íslands sem hefur verið unnin með fulltrúum þingflokka úr meirihluta og minnihluta á Alþingi. Ég vonast eftir áframhaldandi breiðri sátt um öryggi og varnir landsins.

Í utanríkismálum hefur meginverkefni ríkisstjórnarinnar verið að sinna hagsmunagæslu fyrir Ísland – og það gerum við áfram af fullum þunga. Með því að þétta raðirnar með bandalagsríkjum okkar, bæði vestan Atlantshafs og í Evrópu. Með kröfu um að alþjóðalög séu virt og landamæri standi. Og með því að berjast af alefli gegn tollum á íslenskan útflutning.

Á vettvangi Atlantshafsbandalagsins (NATO) höfum við haldið styrkleikum Íslands kirfilega til haga – með góðum árangri. Aðildin að NATO og varnarsamningurinn við Bandaríkin verða áfram grunnstoðir í utanríkisstefnu Íslands. Og það verður engin eðlisbreyting á sambandi okkar við NATO: Við verðum áfram herlaus þjóð en leggjum okkar af mörkum með öðrum hætti – svo sem með því að efla innviði hér heima sem styðja við öryggi og varnir landsins.

Af þessu öllu leiðir að Ísland stendur áfram þétt með Úkraínu gegn árásarstríði Rússlands – líkt og okkar nánustu bandalagsríki.

Sömuleiðis mun ríkisstjórnin áfram beita sér á alþjóðlegum vettvangi gegn framgöngu Ísraelshers í Palestínu sem er löngu gengin alltof langt. Afstaða okkar hefur verið sú að við náum mestum árangri í þessu máli með þrýstingi í samfloti með ríkjum sem deila okkar gildismati. En viðbrögð alþjóðasamfélagsins hafa valdið vonbrigðum. Og við þurfum því að eiga opinskátt samtal um það hvernig er best fyrir Ísland að auka þrýstinginn á að árásum verði hætt svo hörmungunum linni.

V.
Forseti. Ég vona að við vinnum gagn á þessu þingi – í þágu lands og þjóðar. Þegar upp er staðið þá erum við sammála um býsna margt. Við viljum skapa fallegt samfélag frelsis og mannvirðingar á Íslandi.

Þá skiptir máli að við hlustum á hvert annað. Og reynum að skilja hvaðan fólk er að koma – þótt við séum ósammála. En það skiptir ekki síður máli hvernig við tölum hvert við annað. Því að við komumst nokkuð langt með virðingu. Ef við leitum síðan lausna á þeim grunni. Með því að leiða fólk saman – í stað þess að ýta undir það sem sundrar og færast fjær hvert öðru.

Þessi ríkisstjórn mun standa vörð um mannréttindi allra landsmanna – að sjálfsögðu. Og ég geng út frá því að það eigi líka við um langflesta, ef ekki alla, þingmenn í stjórnarandstöðu.

Hér hafa allir fullt málfrelsi – en gætum orða okkar. Því orðum fylgir ábyrgð. Og tónn skiptir máli.

Gott fólk, virðum og elskum náungann. Og þá mun okkur farnast vel.

Stefnuræða Kristrúnar Frostadóttur forsætisráðherra, flutt á Alþingi 10. september 2025.

Stefnuræða Kristrúnar: „Við erum að taka svolítið hressilega til“

Málefnastarf Samfylkingarinnar í Kópavogi fyrir bæjarstjórnarkosningarnar 16. maí er í fullum gangi.  Á næstu vikum verða fundir í málefnahópum þar sem unnið verður áfram að móta stefnu og áherslur Samfylkingarinnar hér í Kópavogi.  Allir fundirnir verða haldnir í húsnæði Samfylkingarinnar að Hlíðasmára 9. 

15. október kl. 20:00 Velferðarmál - Málefni aldraðra og fatlaðs fólks.

21. október kl. 18:30 Umhverfis- og skipulagsmál - Íbúalýðræði ( Miðbærinn/Kárnes o.frv. ) / Ný vinnubrögð í skipulagsmálum.

29. október kl. 20:00 Velferðarmál - Málefni fjölskyldna og málefni íbúa af erlendum uppruna.

4. nóvember kl. 18:30 Umhverfis- og skipulagsmál - Útivist og opin svæði (Kópavogsdalur, Fossvogsdalur, Kárnes o.fl.)

Frummælandi er Tryggvi Felixson, hagfræðingur og fyrrv. formaður Landverndar og Kópavogsbúi.

12. nóvember kl. 20:00 Menntamál - Leikskólamál.

18. nóvember kl. 18:30 Umhverfis- og skipulagsmál - Efri byggðir Kópavogs. Frummælandi: Bjarki Valberg, arkitekt hjá COWI Íslandi. Fyrrum starfsmaður Kópavogsbæjar og Kópavogsbúi.

26. nóvember kl. 20:00 Menntamál - Málefni grunnskóla.

Félagsmenn eru eindregið hvattir til að mæta og taka þátt í umræðunum og taka með sér gesti ef þeir vilja.

Umhverfis og skipulagsmál - Borgarlína / Almenningssamgöngur

Málefnastarf: Umhverfis og skipulagsmál II

Stjórn kjördæmisráðs Samfylkingarinnar í Norð-Austurkjördæmi boðar til aðalfundar á Húsavík 1. nóvember n.k.

Fundurinn verður haldinn á Fosshótel Húsavík og hefst kl. 12:30 með léttum hádegisverði.

Kaffigjald að upphæð 2.000 kr. verður innheimt á staðnum.
 
Kl. 13 verður gengið til lögbundinnar dagskrár:

Umræður um skýrslu stjórnar og afgreiðsla ársreiknings,

Ákvörðun um árleg gjöld aðildarfélaganna, og

Stjórn kjördæmisráðs Samfylkingarinnar í Norð-Austurkjördæmi

Aðalfundur kjördæmisráðs í NA-kjördæmi

Skuldbindandi reglur um aðferðir við val á framboðslista 

1.1  Reglur þessar fjalla um og ná yfir þær aðferðir sem aðildarfélög, fulltrúaráð og kjördæmisráð skulu nota til að velja frambjóðendur Samfylkingarinnar fyrir alþingis- og sveitarstjórnarkosningar.   

1.2  Reglur þessar eru bindandi og samþykktar af flokksstjórn í samræmi við lið g í 7.04 gr. í lögum Samfylkingarinnar þar sem kemur fram að eitt af hlutverkum flokksstjórnar sé að setja flokknum skuldbindandi reglur um val á framboðslista. 

1.3  Að öðru leyti en kveðið er á um í reglum þessum vísast til laga flokksins. 

2.  Ákvörðun um aðferð við val á framboðslista 

2.1  Kjördæmisráð, fulltrúaráð eða aðildarfélag ákveður, í samræmi við reglur þessar, með hvaða hætti skuli velja á framboðslista Samfylkingarinnar. 

Samkvæmt 9.11 gr. laga Samfylkingarinnar skulu kjördæmisráð ákveða framkvæmd og fyrirkomulag niðurröðunar á framboðslista Samfylkingarinnar við alþingskosningar og skal valið fara fram eftir reglum sem flokksstjórn samþykkir. 

Samkvæmt 10.08 gr. laga Samfylkingarinnar skal fulltrúaráð – eða stærsta aðildarfélagið í sveitarfélaginu – ákveða framkvæmd og fyrirkomulag niðurröðunar á framboðslista Samfylkingarinnar við kosningar til sveitarstjórnar og skal valið fara fram eftir reglum sem flokksstjórn samþykkir. 

2.2 Ef stærsta aðildarfélagið í sveitarfélaginu ákveður fyrirkomulag og niðurröðun á framboðslista skal það gert á fundi sem er opinn öllu flokksbundnu Samfylkingarfólki með lögheimili í viðkomandi sveitarfélagi. 

2.3  Fundi sem taka ákvörðun um tilhögun við val á framboðslista skal boða með skýrum hætti í samræmi við lög og reglur viðkomandi félags eða stofnunar. Einfaldan meirihluta atkvæða þarf á fundi til að samþykkt sé lögmæt. 

2.4 Tillögur um tilhögun framboðsmála, sem bera skal upp á til þess boðuðum fundi, skal leitast við að senda út með fundarboði. Þó er heimilt að taka tillögur til afgreiðslu sem borist hafa fundarboðanda eigi síðar en þremur sólarhringum fyrir upphaf fundar, nema samþykktir eða lög viðkomandi einingar kveði á um annað. Fundarboðandi skal kynna allar tillögur sem fyrir fundi liggja á vef Samfylkingarinnar, í tölvupósti eða með öðrum sambærilegum hætti.  

2.5  Hafi til þess bærir aðilar ekki boðað til fundar er stjórn viðkomandi einingar skylt að halda fund innan 4 vikna um framboðsmál ef 15 félagsmenn óska þess skriflega. Slík ósk verður að koma fram eigi síðar en 5 vikum fyrir lok framboðsfrests til Alþingis eða sveitarstjórna. Ef ákvörðun um tilhögun framboðsmála hefur verið tekin á löglegum, til þess boðuðum fundi, er ekki hægt að krefjast fundar í samræmi við ákvæði þessarar greinar.  

2.6  Kjördæmisráð, fulltrúaráð, aðildarfélag eða til þess valdir aðilar setja nánari reglur um framkvæmd vals á framboðslista. Þar skal m.a. koma fram hversu marga frambjóðendur skuli kjósa, hvað gerir kosningu bindandi o.s.frv., í samræmi við neðangreindar reglur. 

  3.  Aðferðir við val á framboðslista 

Fjórar leiðir eru í boði við að velja á framboðslista Samfylkingarinnar. 

3.1  Flokksval – prófkjör þar sem flokksmenn einir hafa kosningarétt. 

3.2 Flokksval – prófkjör þar sem flokksmenn og skráðir stuðningsmenn einir hafa kosningarétt. 

3.3 Kjörfundur – kosið á kjörfundi í hvert sæti fyrir sig. Kjörfundur getur verið: 

a) Kjördæmisþing eða fundur fulltrúaráðs (þar sem sitja fulltrúar kosnir af aðildarfélögum). 

b) Aukið kjördæmisþing eða aukinn fundur fulltrúaráðs (þar sem sitja fulltrúar kosnir af aðilarfélögum og varamenn þeirra). 

3.4 Uppstilling – raðað á framboðslista af sérkjörinni uppstillinganefnd. Setja skal  uppstillinganefnd starfsreglur og afmarka verksvið hennar. 

3.5 Þegar ákvörðun er tekin um aðferð við val á framboðslista eftir 2. gr. þessara reglna er heimilt að ákveða að notast skuli við fleiri en eina af þeim leiðum sem taldar eru upp að framan þannig að notast sé við tiltekna leið í ákveðin sæti framboðslistans og aðra leið í önnur sæti framboðslistans.

4.1 Kjörgengir eru allir félagsmenn í Samfylkingunni sem uppfylla skilyrði landslaga um kosningarétt og kjörgengi og hafa meðmæli félaga í Samfylkingunni. Hvert félag eða kjördæmisráð/fulltrúaráð ákveður kröfur um fjölda meðmælenda en þeir skulu þó ekki vera fleiri en 30. 

4.2  Kosningarétt í flokksvali eða á kjörfundi hafa allir félagsmenn í Samfylkingunni með lögheimili í viðkomandi kjördæmi eða sveitarfélagi, sem náð hafa 16 ára aldri á valdegi og hafa skráð sig í viðeigandi flokksfélag fyrir lokun kjörskrár. Kjörskrá skal lokað sólarhring áður en kosning hefst. 

4.3 Kosningarétt í flokksvali skv. gr. 3.2 hafa allir þeir sem kosningarétt hafa skv. gr. 4.2 að viðbættum skráðum stuðningsmönnum Samfylkingarinnar 16 ára og eldri, sem undirritað hafa stuðningsyfirlýsingu og skráð sig á kjörskrá innan lokafrests til skráningar. Skráðir stuðningsmenn skulu sérgreindir í kjörskrá. 

Framkvæmdastjórn Samfylkingarinnar skal setja reglur um skráða stuðningsmenn og gera eyðublað með yfirlýsingu sem þeir undirrita. Á því eyðublaði skal koma fram nafn, kennitala og lögheimili, netfang og sími og hvernig með stuðningsmannaskrár verður farið, t.d.: 

 Að þær verði notaðar til útsendinga á upplýsingum sem flokksskrifstofa telur að eigi erindi við flokksmenn og almenning. 

 Að skráðir stuðningsmenn hafi engar skyldur eða réttindi í félagsstarfi flokksins umfram óflokksbundið fólk. 

 Að skráður stuðningsmaður verði að segja sig persónulega frá stuðningsyfirlýsingu sinni. 

 Að með skrár yfir stuðningsmenn verði farið með sama hætti og segir í lögum flokksins um félagatöl, s.s. að þeim verði ekki dreift til óviðkomandi. 

Telji framkvæmdastjórn þörf á öðrum upplýsingum eða ákvæðum á eyðublaði fyrir skráða stuðningsmenn en að ofan eru nefndar þá hefur hún sjálfdæmi þar um. 

5.  Réttindi og skyldur frambjóðenda og framkvæmdaaðila 

5.1 Kjörnefnd eða kjördæmisráð gefa út sameiginlegt kynningarefni um frambjóðendur sem senda skal öllum á kjörskrá. Einnig standa þessir aðilar fyrir kynningarfundum þar sem frambjóðendur kynna framboð sitt. 

5.2 Kostnaður sem hverjum frambjóðanda er heimilt að stofna til vegna framboðs má mest nema 20% af hámarksfjárhæðum sem koma fram í lögum nr. 162/2006 (4. mgr. 7. gr.) eins og þær eru á hverjum tíma, að meðtöldu þátttökugjaldi og sameiginlegum kostnaði ef við á. Kjörnir fulltrúar (aðalmenn í sveitarstjórnum og alþingismenn) sem taka þátt flokksvali eða kjörfundi mega aðeins nýta sér 75% áðurnefndrar kostnaðarheimildar. Óheimilt er að innheimta þátttökugjald af frambjóðendum í flokksvali eða á kjörfundi.

5.3 Frambjóðendur skulu skila fjárhagslegu uppgjöri innan tímamarka sem ákveðin eru hverju sinni. Í einu og öllu skal farið eftir gildandi landslögum og reglum Samfylkingarinnar um fjármál frambjóðenda. 

5.4 Ef settar eru nánari reglur um framgöngu í prófkjörsbaráttu, þar sem ákveðnar eru lægri fjárhæðir en reglur þessar mæla fyrir um, eða þrengri skilyrði um aðgang að flokksskrá, reglur um kynningarefni og önnur slík atriði, skulu slíkar reglur (eða drög að þeim) liggja fyrir áður en framboðsfrestur rennur út. 

5.5 Hlutfall kvenna skal tryggt í efstu sætum framboðslista með því að láta reglur um paralista eða fléttulista ráða í þeim sætum sem kosið er í bindandi kosningu. 

Paralisti: Kvenframbjóðandi skal hið minnsta skipa annaðhvort sæti 1 eða 2, hið minnsta annaðhvort næstu tveggja sæta og svo koll af kolli í hver tvö sæti.

Fléttulisti: Aldrei skal vera meira en eitt sæti á milli kvenframbjóðenda á framboðslista

Þegar efstu sætum sleppir skal hlutfall kvenna vera tryggt á listanum öllum í samræmi við lög og reglur flokksins. Þá skal tryggja að framboðslistinn í heild endurspegli á sem bestan hátt fjölbreytni samfélagsins (t.d. með tilliti til aldurs, kyns og starfsstéttar). Víki frambjóðandi sæti eftir prófkjör færist næsti frambjóðandi upp eftir þeirri reglu að áður samþykkt kynjahlutfall haldist í gildi. Víki frambjóðandi sæti eftir prófkjör færist næsti frambjóðandi upp eftir þeirri reglu að áður samþykkt kynjahlutfall haldist í gildi. 

5.6 Ávallt skal leitast við að á framboðslistum séu frambjóðendur yngri en 35 ára í að minnsta kosti fimmtungi þeirra sæta sem stillt er upp í. 

5.7 Niðurstaða flokksvals eða kjörfundar er bindandi fyrir fyrirfram ákveðinn fjölda efstu sæta að teknu tilliti til reglna samkvæmt gr. 5.5 hér að ofan. Þeir frambjóðendur sem ekki ná bindandi sæti í flokksvali eða á kjörfundi öðlast ekki sjálfkrafa rétt til sætis neðar á listanum. 

5.8 Með framboði undirgangast frambjóðendur góðar siðvenjur og siðareglur Samfylkingarinnar og heita því að orð þeirra og athafnir verði Samfylkingunni til sóma og framdráttar. 

6.  Framkvæmd flokksvals og kjörfunda   

6.1  Þegar haldið er flokksval eða kjörfundur skal viðkomandi stjórn eða fundur velja sérstaka kjörstjórn sem sér um undirbúning og framkvæmd kosningar, kjörskrá, talningu atkvæða, úrskurð kærumála og tilkynningu úrslita. 

6.2  Kjörstjórn skal bóka allar ákvarðanir sínar og niðurstöður. 

6.3  Skrifstofa Samfylkingarinnar afhendir kjörstjórn félagatal kjördæmisráðs/fulltrúaráðs eða aðildarfélags til umsjónar eigi síðar en þremur vikum fyrir lokun kjörskrár. Skal kjörstjórn sjá um allar nýskráningar og afskráningar. Kjörstjórn afhendir skrifstofu Samfylkingarinnar leiðrétt og uppfært félagatal eigi síðar en 14 dögum eftir að flokksval hefur farið fram. 

6.4  Kjörstjórn útbýr sérstaka kjörskrá sem notuð er á kjörfundi. Eftir að kjörskrá er lokað liggur hún frammi hjá kjörstjórn þar sem tekið er á móti athugasemdum vegna hennar.  

 6.5 Veita skal frambjóðendum aðgang að félagatali Samfylkingarinnar í samræmi við reglur flokksins um meðhöndlun félagatals. 

6.6  Röð frambjóðenda á kjörseðli í flokksvali er ákveðin af handahófi þannig að nafn efsta frambjóðanda er dregið út og svo fylgja aðrir á eftir í stafrófsröð. Á kjörseðli skulu kjósendur merkja við tiltekinn fjölda frambjóðenda með númerum og raða þeim með því í sæti.

6.7  Fyrsta sætið fær sá frambjóðandi sem fær flest atkvæði í það sæti, annað sætið sá frambjóðandi sem fær flest atkvæði í fyrsta og annað sæti samanlögð, o.s.frv. Hlutkesti skal ráða ef frambjóðendur lenda í sama sæti við talningu. 

6.8  Kjörstjórn er heimilt að skipa sérstakan trúnaðarmann sinn, einn eða fleiri, til þess að annast um og bera ábyrgð við undirbúning flokksvals og til þess að vera viðstaddur alla framkvæmd kosninganna. Trúnaðarmaður skal ekki vera úr hópi frambjóðenda. 

6.9  Frambjóðanda er heimilt að láta umboðsmann sinn vera viðstaddan framkvæmd flokksvalsins á kjörstað og við talningu atkvæða.

6.10  Kjörstjórn skal ljúka afgreiðslu kærumála, m.a. vegna framkvæmdar flokksvals, kjörskrár og kosningaréttar, kjörgengis, framgöngu, notkun fjármuna og talningar. Allar kærur skal afgreiða með formlegum og rökstuddum hætti áður en úrslit eru tilkynnt. Brot á ákvæðum gr. 5.2 um hámarkskostnað geta varðað ógildingu á framboði þess sem í hlut á og ætíð ef brot er alvarlegt. Kærum vegna brota á reglum þessum um hámarksfjárhæðir í kosningabaráttu sem fram koma eftir að tilkynnt hefur verið um úrslit skal beint til framkvæmdastjórnar flokksins sem fer þá með þær heimildir sem kjörstjórn hefur skv. reglum þessum. 

6.11  Úrskurðir kjörstjórnar eru kæranlegir til úrskurðarnefndar sbr. gr. 6.13 hér að neðan. Sá sem hyggst kæra úrskurð kjörstjórnar skal tilkynna kjörstjórn þá ákvörðun sína þegar í stað og áður en kjörstjórn lýkur störfum og tilkynnir úrslit. Sæti úrskurður kjörstjórnar kæru, skal kjörstjórn gera fyrirvara um úrslit þar til úrskurður kjörstjórnar og eftir atvikum úrskurðarnefndar liggur fyrir. Kjörstjórn skal eyða kjörgögnum þegar kærufrestir eru liðnir.

6.12  Framkvæmdastjórn flokksins skal í upphafi kjörtímabils síns kjósa þriggja manna úrskurðarnefnd sem hefur umsjón með reglum þessum og leiðbeinir kjördæmisráðum, fulltrúaráðum og aðildarfélögum um framkvæmd þeirra.

6.13  Ágreiningi um framkvæmd flokksvals/kjörfundar eða önnur atriði sem það varða má skjóta til úrskurðarnefndar. Skal hún að öllu jöfnu fella úrskurð innan þriggja sólarhringa frá móttöku erindis. Úrskurðir úrskurðarnefndar eru endanlegir. 

7. Sérreglur um rafræna atkvæðagreiðslu og bréflega kosningu  

7.1  Sérreglur rafrænnar atkvæðagreiðslu. 

7.1.1  Við rafræna atkvæðagreiðslu skal notast við miðlægt rafrænt kosningakerfi Samfylkingarinnar. Kjörstjórn ber ábyrgð á skilum kjörskrár sem nota skal í rafrænni atkvæðagreiðslu. 

7.1.2  Þeir sem hafa kosningarétt bera sjálfir ábyrgð á öflun aðgangslykils fyrir rafræna atkvæðagreiðslu. 

7.1.3  Þegar kjörstaðir eru tilgreindir fyrir rafræna atkvæðagreiðslu skal kjörstjórn tryggja að tilnefndir séu umsjónarmenn sem aðstoða kjósendur sem þess þurfa við kosninguna í samræmi við ákvæði kosningalaga. 

7.2.1  Atkvæðaseðlar skulu sendir út til flokksmanna eigi síðar en tveimur vikum eftir að kjörskrá er lokað. Í kjörgögnum komi skýrt fram hvernig lögmæt kosning er framkvæmd og hvenær frestur til að skila atkvæði rennur út.

7.2.2  Atkvæðaseðlar skulu hafa borist kjörstjórn eigi síðar en 3 dögum eftir að kjörfundi lýkur. Kjósandi ber sjálfur ábyrgð á að koma seðli sínum til skila tímanlega. Póststimpill gildir sem staðfesting á því að skilað hafi verið innan tilskilins frests. 

7.2.3  Gengið skal frá kjörgögnum í samráði við skrifstofu flokksins. 

8.1  Fundur kjördæmisráðs, fulltrúaráðs eða félagsfundur aðildarfélags skal samþykkja endanlegan framboðslista að loknu flokksvali, eða starfi uppstillinganefndar, sé stillt upp á framboðslista. 

8.2  Samkvæmt gr. 9.12 í lögum Samfylkingarinnar þurfa framboð til Alþingis á vegum Samfylkingarinnar endanlega staðfestingu flokksstjórnar. 

9.1  Tillögur um breytingar á reglum þessum skal bera upp á landsfundi eða á flokksstjórnarfundi skv. þeim reglum sem gilda um framlagningu tillagana skv. lögum flokksins og fundarsköpum flokksstjórnar. Til breytinga á reglum þessum þarf helming greiddra atkvæða og taka þær gildi strax nema annað sé tekið fram. 

Samþykkt af flokksstjórn Samfylkingarinnar 25. ágúst 2012 Hótel Natura Reykjavík, 

Breytingartillaga við lið 5.5, samþykkt á flokkstjórnarfundi Samfylkingarinnar 19. október 2019 í Austurbæ Reykjavík.

Breytingartillögur við grein 3.5, grein 5.2 og grein 5.5, samþykktar á flokksstjórnarfundi Samfylkingarinnar 20. apríl 2024 á Laugarbakka.

Breytingartillögur við grein 4.2 var samþykktar á flokksstjórnarfundi Samfylkingarinnar 27. september 2025 á Hellu.

SffR boðar til fundar með borgarstjóra laugardaginn 11. október, kl. 11:00 á Hallveigarstíg 1.

Á fundinum mun Heiða Björg fara yfir stöðuna í borginni, það sem hefur áunnist og þau verkefni sem bíða meirihlutans.

Hér gefst grasrót mikilvægt tækifæri að eiga beint samtal við okkar oddvita í borginni.

Fundarstjóri: Sigfús Ómar Höskuldsson, formaður SffR.

Lög Samfylkingarinnar - jafnaðarflokks Íslands 

1.1          Samfylkingin - jafnaðarflokkur Íslands er stjórnmálaflokkur. Hlutverk hennar er að vinna að mótun íslensks samfélags í anda jafnaðarstefnunnar. Samfylkingin - jafnaðarflokkur Íslands er opin öllum sem þetta styðja. Flokkurinn er með heimili og varnarþing í Reykjavík. Heimilisfang og aðalstarfsstöð Samfylkingarinnar - jafnaðarflokks Íslands er Hallveigarstígur 1, 101 Reykjavík.

1.2         Samfylkingin - jafnaðarflokkur Íslands vill lýðræðislegt þjóðskipulag byggt á virkri þátttöku almennings, valddreifingu og virðingu fyrir mannréttindum.

1.3         Samfylkingin - jafnaðarflokkur Íslands berst fyrir því að kynferði, trú, kynhneigð, fötlun, efnahagur eða uppruni hindri ekki aðgang að áhrifum, menntun eða störfum.

1.4         Að þessu hlutverki starfar Samfylkingin - jafnaðarflokkur Íslands á grundvelli lýðræðis og þingræðis með því að bjóða fram við Alþingis- og sveitarstjórnarkosningar og með því að beita áhrifum sínum á Alþingi, í ríkisstjórnum og sveitarstjórnum í samræmi við stefnu sína á hverjum tíma.

2. kafli Stjórn, skipulag og meginreglur 

2.1          Samfylkingin - jafnaðarflokkur Íslands er lýðræðisleg fjöldahreyfing íslensks jafnaðarfólks. Stjórnmálastarf hennar krefst náins sambands við flokksmenn og kjósendur.Flokkurinn ber ábyrgð á:

a)     útbreiðslu hugsjóna jafnaðarstefnunnar út frá stefnuskrá flokksins,

b)     framþróun hugmynda jafnaðarfólks, stefnuskrár þeirra og vinnuaðferða,

c)      skipulagningu og samhæfingu kosningabaráttu,

d)     samhæfingu stjórnmálastarfs í sveitarstjórnum og í kjördæmum,

e)      skipulagi alþjóðastarfs sem flokkurinn tekur þátt í,

f)      stefnumótun um samstarf og samráð við verkalýðshreyfinguna,

g)     stuðningi við flokksstarf í sveitarfélögum,

h)     fræðslu og þjálfun flokksmanna,

i)       sameiginlegri skipan á félagaskrá flokksins og innheimtu flokksskatts.

2.2         Landsfundur Samfylkingarinnar - jafnaðarflokks Íslands er æðsta vald í þeim málefnum sem varða stjórn hennar á landsvísu, stefnumál og samræmt stjórnmálastarf. Landsfundur markar stefnu hennar og setur henni lög.

2.3         Flokksstjórn fer á milli landsfunda með það vald sem ella er í höndum landsfundar með þeim takmörkunum sem lög þessi geyma.

2.4         Stjórn Samfylkingarinnar - jafnaðarflokks Íslands skipa sjö menn: formaður flokksins, sem jafnframt er formaður stjórnar, varaformaður, ritari, gjaldkeri, formaður þingflokks, formaður sveitarstjórnarráðs og formaður framkvæmdastjórnar.

2.5         Stjórnin ber höfuðábyrgð á stjórnmálastarfi flokksins og stuðlar að stefnumótunar- og málefnavinnu sem fram fari á breiðum grundvelli í málefnanefndum, sjálfstæðum málefnahópum og ráðum á vegum flokksins. Stjórn skal upplýsa framkvæmdastjórn um efni og ákvarðanir stjórnarfunda. Stjórn flokksins á sjálfkrafa sæti í framkvæmdastjórn Samfylkingarinnar - jafnaðarflokks Íslands, á fundum þingflokks hennar og sveitarstjórnarráðs.

2.6         Framkvæmdastjórn Samfylkingarinnar - jafnaðarflokks Íslands skipa stjórn flokksins skv. gr. 2.4 og 6 aðalfulltrúar og 6 varafulltrúar sem kosnir eru sérstakri kosningu á landsfundi. Framkvæmdastjórnin stýrir starfsemi flokksins í umboði landsfundar og flokksstjórnar, sbr. 8. kafla.

2.7          Flokksstarf Samfylkingarinnar - jafnaðarflokks Íslands byggist á sjálfstæðum, staðbundnum aðildarfélögum, sem eru grunneiningar flokksins sbr. 3. kafla. Staðbundin aðildarfélög ungs jafnaðarfólks teljast til grunneininga. Grunneiningar mynda saman kjördæmis- og fulltrúaráð og kjósa fulltrúa á landsfund. Auk grunneininga starfa málfundarfélög og klúbbar að tilteknum málefnum og hugðarefnum en teljast ekki til grunneininga.

a)     Réttindi félagsmanna í aðildarfélögum eru að:

1.      greiða atkvæði á félagsfundum, við val fulltrúa á landsfund, á framboðslista, til kjördæmisráðs eða fulltrúaráðs og í almennri atkvæðagreiðslu í flokknum ásamt því að bera upp tillögur á félagsfundi,

2.      bjóða sig fram til trúnaðarstarfa innan félagsins og flokksins,

3.      taka þátt í stefnumótun flokksins og fræðslustarfi á vegum hans.

b)     Skyldur félagsmanna í aðildarfélögunum eru að:

1.      samþykkja grunnhugmyndir flokksins eins og þær koma fram í stefnu og lögum hans,

2.      vinna að stefnumálum flokksins af heilindum, vera reiðubúnir til þátttöku í starfi flokksins og valda flokknum eða starfsemi hans ekki skaða,

3.      greiða árgjald í þeim félögum þar sem það er skilyrði aðildar.

2.9         Aðildarfélög Samfylkingarinnar - jafnaðarflokks Íslands í hverju kjördæmi landsins mynda kjördæmisráð sem fer með sameiginleg málefni aðildarfélaganna í kjördæminu, sbr. 9. kafla.

2.10       Aðildarfélög Samfylkingarinnar - jafnaðarflokks Íslands í hverju sveitarfélagi landsins mynda fulltrúaráð sem fer með sameiginleg málefni aðildarfélaganna í sveitarfélaginu, sbr. 10. kafla.

2.11        Kjördæmis- og fulltrúaráð aðildarfélaganna eru sjálfstæð um eigin málefni sé ekki á annan veg mælt fyrir um í lögum þessum.

2.12       Skrifstofa Samfylkingarinnar - jafnaðarflokks Íslands heldur rafræna félagaskrá fyrir flokkinn og öll aðildarfélög hans. Hún sér um að færa fólk milli aðildarfélaga í samræmi við búferlaflutninga og tilkynna stjórnum aðildarfélaga um það þegar þau þess óska. Óheimilt er að láta utanaðkomandi aðilum í té félagaskrár aðildarfélaga eða annast áritanir úr félagatali fyrir aðra.

a)     Í öllum stofnunum flokksins, sem kosið er til, skal þess gætt að konur skipi hið minnsta 40% aðalfulltrúa og 40% varafulltrúa, svo fremi að nægilega margir séu í framboði. Ef færri konur en 40% eru í framboði teljast þær sjálfkjörnar. Við skipan á framboðslista skal stefnt að því að ekki halli á konur. Hið sama á við, þegar skipað er í ráðherrastörf á vegum flokksins.

b)     a-liður þessarar greinar gildir ekki um þær stofnanir flokksins sem myndaðar eru af einstaklingum kjörnum í einstaklingskjöri, t.d. stjórn flokksins sbr. a-lið gr. 6.06.

2.13       Einfaldur meirihluti skal ráða úrslitum í sérhverju máli innan Samfylkingarinnar - jafnaðarflokks Íslands, nema annað sé ákveðið í lögum þessum. Kosningar skulu vera leynilegar ef þess er óskað.

2.14        Við val fulltrúa í ráð og nefndir utan Samfylkingarinnar - jafnaðarflokks Íslands,  hvort heldur á Alþingi eða í sveitarstjórnum, skal að því stefnt, að fulltrúar hennar gegni ekki sömu trúnaðarstörfum lengur en átta ár í röð.

3.1          Stjórnmálafélög sem hlíta vilja grundvallarstefnuskrá Samfylkingarinnar - jafnaðarflokks Íslands undirgangast lög hennar og hafa a.m.k. 10 fullgilda félaga er heimilt að sækja um aðild að Samfylkingunni - jafnaðarflokki Íslands.

3.2         Hlutverk aðildarfélags er meðal annars:

a)     að breiða út grunnhugmyndir   jafnaðarfólk og stefnu Samfylkingarinnar - jafnaðarflokks Íslands,

b)     að vinna að stefnumótun í sveitarstjórnarmálum fyrir starfssvæði félagsins,

c)      að standa fyrir umræðum um lands- og bæjarmál,

d)     að veita félögum fræðslu og þjálfun í hugmyndafræði jafnaðarfólks og starfsemi flokksins,

e)      að auka gildi flokksaðildarinnar með nánu samstarfi og samráði við flokksmenn,

f)      að bera ábyrgð á framboði til sveitarstjórnarkosninga, meirihlutamyndun og nánu samráði félagsmanna og kjörinna fulltrúa,

g)     að vera bakhjarl og samráðsvettvangur kjörinna fulltrúa í sveitarstjórnum, nefndum og ráðum,

h)     að kjósa fulltrúa frá starfssvæði sínu á landsfund Samfylkingarinnar - jafnaðarflokks Íslands, og í kjördæmis– eða fulltrúaráð,

i)       að taka til umræðu og láta í ljós álit sitt á framkomnum tillögum fyrir flokksstjórnar- og landsfundi.

3.3         Ef félag óskar eftir aðild, getur flokksstjórnin veitt því viðtöku til næsta landsfundar með sömu réttindum og aðildarfélög þau hafa, sem landsfundur hefur samþykkt en á næsta landsfundi skal lagður fullnaðarúrskurður á það mál. Umsókn félags um inngöngu skal fylgja afrit af lögum félagsins.

3.4         Félög sem fengið hafa aðild að Samfylkingunni - jafnaðarflokki Íslands skulu leitast við að kenna sig við Samfylkinguna - jafnaðarflokk Íslands, í heiti sínu.

3.5         Hvert aðildarfélag hefur fullt frelsi um sín innri mál, svo fremi að ekki brjóti í bága við lög þessi.

3.6         Rétt til inngöngu í aðildarfélag á hver einstaklingur, sem náð hefur 18 ára aldri og skuldbindur sig til að hlíta lögum félagsins. Aldursákvæði þetta tekur ekki til aðildarfélaga ungs fólks sem aðild á að Samfylkingunni - jafnaðarflokki Íslands. Réttur til inngöngu í aðildarfélag er háður því að umsækjandi sé ekki félagi í öðrum stjórnmálaflokkum.

3.7          Aðildarfélagi er heimilt að takmarka aðild að félaginu við búsetu innan þess sveitarfélags sem félagið starfar í.

3.8         Skriflegri umsókn um inngöngu má beina til aðalskrifstofu Samfylkingarinnar - jafnaðarflokks Íslands, sem þá skipar umsækjanda í félag eftir búsetu hans, komi ekki fram ósk um annað. Þó skulu einstaklingar undir 35 ára aldri vera skráðir í Ungt jafnaðarfólk eftir búsetu þeirra komi ekki fram ósk um annað.

3.9         Enginn getur verið fullgildur félagi nema í einu aðildarfélagi. Um réttindi og skyldur aukafélaga fer skv. lögum viðkomandi aðildarfélaga. Hvert aðildarfélag ber ábyrgð á að halda utan um skrá yfir sína aukafélaga og ber að hlíta reglum Samfylkingarinnar - jafnaðarflokks Íslands um félagsskrá við meðferð skrárinnar.

3.10       Hvert aðildarfélag skal tilgreina í lögum sínum hvenær skuli halda aðalfund svo og dagskrá hans. Í lögum skal tilgreint hvernig standa skuli að kjöri stjórnar, varastjórnar og skoðunarmanna. Á aðalfundi skulu og lagðir fram reikningar félagsins fyrir næstliðið ár og teknar ákvarðanir um önnur þau mál er fyrir fundinum liggja. Reikningsár aðildarfélags er almanaksárið. Í lögum aðildarfélags skal jafnframt tilgreina hvernig standa skuli að fundarboði svo fundur teljist löglegur og einnig hvernig fara skuli með félagsslit. 

3.11        Hvert aðildarfélag hefur rétt til að skjóta öllum ágreiningsmálum sem rísa kunna í félaginu og varða starfsemi þess og lög til framkvæmdastjórnar. Úrskurður framkvæmdastjórnar er bindandi fyrir báða eða alla aðila en vísa má þeim úrskurði til flokksstjórnar og er hann ekki bindandi fyrr en flokkstjórn hefur afgreitt hann. 

3.12       Þar sem Samfylkingin - jafnaðarflokkur Íslands á kjörna sveitarstjórnarfulltrúa ein og sér eða í samstarfi með öðrum flokkum skal starfa bæjar- eða borgarmálaráð, sem skal halda reglulega fundi um bæjar- eða borgarmál.

3.13       Kjörnir sveitarstjórnarfulltrúar og stjórn aðildarfélags eða eftir atvikum fulltrúaráð í viðkomandi sveitarfélagi skulu í sameiningu leggja fram tillögu til félagsfundar um meirihlutamyndun og verkaskiptingu við stjórn sveitarfélagsins.

3.14       Rísi ágreiningur milli tveggja eða fleiri aðildarfélaga, sem varðar starfsemi þeirra og samskipti innan Samfylkingarinnar - jafnaðarflokks Íslands og sem þeim tekst ekki að jafna skal honum áfrýjað til framkvæmdastjórnar sem sker úr deilunni eins fljótt og tök eru á eftir að leitað hefur verið sátta með aðilum. Úrskurður framkvæmdastjórnar er bindandi fyrir báða eða alla aðila, en vísa má þeim úrskurði til flokksstjórnar og er hann ekki bindandi fyrr en flokksstjórn hefur afgreitt hann.

3.15       Gætt skal jafnræðis með aðilum við meðferð deilumála og skal þeim gefinn kostur á því, að koma að sjónarmiðum sínum innan hæfilegra fresta áður en deila er tekin til úrskurðar.

3.16       Úrsögn úr flokknum eða einstökum aðildarfélögum skal vera skrifleg með vottaðri undirskrift eða með auðkennanlegum rafrænum hætti í gegnum vefsetur flokksins.

3.17       Tillögu um að aðildarfélag segi sig úr Samfylkingunni - jafnaðarflokki Íslands, eða hætti störfum innan hennar má einungis taka til afgreiðslu ef hún er skriflega fram borin við stjórn félagsins af eigi færri en 1/4 hluta fullgildra aðalfélaga. Hljóti tillagan samþykki tveggja löglega boðaðra félagsfunda sem haldnir hafa verið með tveggja vikna millibili skal um hana höfð allsherjaratkvæðagreiðsla. Tillagan telst samþykkt ef 2/3 hlutar greiddra atkvæða eru með henni.

3.18       Bækur, sjóðir og aðrar eignir félags, sem til ráðstöfunar eru eftir að skuldir hafa að fullu verið gerðar upp, skulu er félag segir sig úr Samfylkingunni - jafnaðarflokki Íslands, eða hættir störfum, falla til Samfylkingarinnar - jafnaðarflokks Íslands, og ber að afhenda þær skrifstofu hennar.

a)     Skrifstofa flokksins heldur skrá yfir aðalfundi aðildarfélaga, innsenda ársreikninga og ársskýrslur og er skráin framkvæmdastjórninni ávallt tiltæk. Sama á við landshreyfingar, sbr. gr. 11.4.

b)     Skili aðildarfélag eða landshreyfing ekki ársreikningi og ársskýrslu, sbr. a-lið, í tvö ár skal stjórn flokksins heimilt að boða til aðalfundar.

4.1          Landsfund Samfylkingarinnar - jafnaðarflokks Íslands skal halda annað hvert ár. Framkvæmdastjórn boðar til landsfundar og ákveður fundarstað. Framkvæmdastjórn er heimilt að fresta landsfundi ef brýn nauðsyn þykir bera til, t.d. vegna þingrofs eða kosninga, og skal þá boða til landsfundar eins fljótt og auðið er.

4.2         Reglulegan landsfund skal halda annað hvort að vori eða hausti. Framkvæmdastjórn hefur heimild til þess að boða landsfund á öðrum tíma ef nauðsyn þykir bera til, t.d. vegna þingrofs. Landsfundur er lögmætur ef hann er löglega boðaður.

4.3         Afl atkvæða ræður niðurstöðu mála á landsfundi. Í starfsnefndum á landsfundi, eins og í öðru starfi Samfylkingarinnar - jafnaðarflokki Íslands, skal þó leitast við að ná sameiginlegri niðurstöðu um helstu mál án atkvæðagreiðslu.

4.4         Allir félagar í Samfylkingunni - jafnaðarflokki Íslands og aðildarfélögum hennar eiga sæti á landsfundum með málfrelsi og tillögurétti. Kjörgengi á landsfundi miðast við 18 ára aldur. Þó skal kjörgengi í flokksstjórn miðast við 16 ára aldur. Um atkvæðisrétt fer samkvæmt 5. kafla.

4.5         Landsfund skal boða bréflega með minnst 12 vikna fyrirvara til allra aðildarfélaga flokksins og með a.m.k. einni almennri auglýsingu í útbreiddum fjölmiðli.

4.6         Tillögur málefnanefnda skulu berast stjórn minnst 10 vikum fyrir upphaf landsfundar. Þær skal senda aðildarfélögum til umræðu og umsagnar minnst 8 vikum fyrir upphaf landsfundar.

4.7          Tillögur að ályktunum frá aðildarfélögum og einstökum félagsmönnum skulu berast framkvæmdastjórn minnst 4 vikum fyrir upphaf landsfundar. Þær skulu birtar á vef flokksins þá þegar.

4.8         Samhliða útsendingu fundarboðs til landsfundar skal boðað til fundar formanna aðildarfélaga og landshreyfinga þar sem farið er yfir undirbúning og vinnulag í aðdraganda landsfundar í aðildarfélögum.

4.9         Heimilt er að boða til aukalandsfundar með skemmri fyrirvara, ef sérstakar og óvenjulegar aðstæður eru fyrir hendi að dómi flokks- eða framkvæmdastjórnar, eða ef meirihluti aðildarfélaga krefst þess skriflega. Sé boðað til aukalandsfundar með hinum skemmri fyrirvara er óheimilt að láta fara fram kosningar til stjórnar flokksins, framkvæmdastjórnar eða flokksstjórnar, eða afgreiða lagabreytingar.

4.10       Landsfundur samþykkir fundarsköp og skal fundum stjórnað samkvæmt þeim. Ritari flokksins og ritari framkvæmdastjórnar hafa umsjón með ritun fundargerðar landsfundar og bera ábyrgð á frágangi hennar.

4.11        Framkvæmdastjórn kýs fimm manna landsfundarnefnd sem undirbýr dagskrá landsfundar og gerir tillögur um embættismenn fundarins.

4.12       Landsfund skal halda í heyranda hljóði. Þó skal umræða um ákveðin mál fara fram fyrir luktum dyrum, ef tillaga þess efnis hlýtur meira en helming greiddra atkvæða.

4.13       Atkvæðisbærir fulltrúar á landsfundi skulu skipta með sér ferðakostnaði sínum til og frá landsfundi, þannig að allir greiði sem næst sömu fjárhæð í beinan ferðakostnað hvar sem þeir eru búsettir á landinu.

4.14       Fulltrúar á landsfundi eða félög sem þeir eru fulltrúar fyrir skulu greiða kostnað við landsfund. Framkvæmdastjórn ákveður upphæð greiðslu og skal hún innt af hendi í síðasta lagi við upphaf landsfundar.

5. kafli Fulltrúar á landsfundi og val þeirra 

5.1          Hverju aðildarfélagi er skylt að láta fram fara kosningu atkvæðisbærra fulltrúa á landsfund úr hópifélaga sinna. Tala fulltrúa miðast við tölu fullgildra aðalfélaga eins og hún var samkvæmt flokksskrá 31. desember næstliðins árs. Fyrir 10 félagsmenn sé kjörinn einn fulltrúi og síðan til viðbótar einn fulltrúi fyrir hverja 10 félagsmenn eða brot úr þeirri tölu sem þó sé eigi minna en einn þriðji. Kjósa skal jafn marga fulltrúa til vara.

5.2        Nýtt félag miði fulltrúatölu sína við tölu félaga eins og hún var þegar félagið sótti um inngöngu. Sé félag stofnað innan þriggja mánaða fyrir boðaðan landsfund öðlast það félag ekki rétt til fulltrúakjörs.

5.3         Félag sem ekki hefur haldið aðalfund undanfarin 2 ár fyrir boðaðan reglulegan landsfund og sent ársskýrslu sína ásamt ársreikningi til framkvæmdastjórnar eða vanrækt skattgreiðslur til

Samfylkingarinnar - jafnaðarflokks Íslands hefur ekki rétt til að senda atkvæðisbæra fulltrúa á

5.4         Enginn félagi getur neytt atkvæðisréttar við fulltrúakjör til landsfundar í nema einu aðildarfélagi og þá einungis þar sem hann er fullgildur félagi.

Opinn fundur með Kristrúnu Frostadóttur forsætisráðherra í Reykjanesbæ. Verið velkomin í Hljómahöllina miðvikudaginn 8. október kl. 20:00. Þar verða einnig Víðir Reynisson og Ása Berglind Hjálmarsdóttir þingmenn Samfylkingar í Suðurkjördæmi.

Hvað brennur á þér? Hvernig gerum við Ísland betra? Hvað er framundan hjá ríkisstjórninni?

Tökum opið samtal. Beint og milliliðalaust. Kaffi og kruðerí.

Opinn fundur með Kristrúnu í Reykjanesbæ 

Það lenti upp á skeri þegar Vegagerðin ætlaði einhliða að fara brúarleið á svokallaðri innri leið árið 2004. Brúin hefði beint mikilli umferð inn í íbúðahverfin í Laugardal og einnig skert lífsgæði íbúa í Grafarvogi. Í kjölfarið var efnt til íbúasamráðs, þar sem innri leiðin var útilokuð en gangaleið skilgreind sem fyrsti kostur.

Ástæða þess að Sundabraut var mikið í deiglunni á þessum tíma var að þáverandi ríkisstjórn Davíðs Oddssonar hafði selt Símann úr ríkiseigu. Hluti söluverðsins var ætlaður í Sundabraut. Peningarnir voru geymdir í Seðlabankanum. Þeir töpuðust allir ásamt fé fyrir nýjum Landspítala og fleiru. Frægt er samtal þáverandi seðlabankastjóra, Davíðs Oddssonar, og þáverandi forsætisráðherra, Geirs H. Haarde, um risalán til Kaupþings á síðasta degi þess banka. Þeir gerðu sér augljósa grein fyrir áhættunni af lánveitingunni.

Davíð sem hljóðritaði samtalið og birti orðrétt á síðum Morgunblaðsins sagði: „Við megum ekki setja íslenska ríkið á galeiðuna.“ Og Geir svarar: „Nei, nei, þetta eru 100 milljarðar, spítalinn og Sundabrautin.“

Sjálfstæðisflokkurinn vissi auðvitað þessa ástæðu fyrir frestun Sundabrautar. Í umræðunni lét flokkurinn þó alltaf að því liggja að Reykjavíkurborg væri að tefja. Það heyrist enn. Staðreyndin er sú að undirbúningur Sundabrautar komst ekki á skrið fyrr en Sjálfstæðisflokkurinn vék úr samgönguráðuneytinu og Sigurður Ingi formaður Framsóknarflokksins tók við. Við gerðum fyrsta og eina samkomulagið um málið árið 2021. Eftir því er nú unnið.

Útfærsla ganganna og brúar til samanburðar verður sem sagt kynnt á næstunni. Þar eru metin áhrif þessara miklu mannvirkja á nærliggjandi hverfi, umferðina almennt, umhverfi og almannahag. Við getum því búist við mikilli og vonandi góðri umræðu.

Sjálfstæðisflokkurinn er nú að skrifa nýjan kafla í sögu sinni um Sundabraut. Eftir að hafa gagnrýnt borgina og aðra fyrir að vilja Sundabraut í göngum og kallað það tafa-taktík þá hefur þingmaður þeirra, Guðlaugur Þór Þórðarson, nú gagnrýnt áform um Sundabraut harðlega á tveimur opnum íbúafundum og ekki færri en þremur viðtölum í Morgunblaðinu.

Guðlaugur heldur því ítrekað fram að Samgöngusáttmálinn geri ekki ráð fyrir Sundabraut og að Sæbraut geti ekki tekið við umferð frá henni. Þetta er rangt. Sæbrautarstokkur sem er lykilframkvæmd sáttmálans er beinlínis hannaður með Sundabraut í huga. Guðlaugur segist nú vilja göng alla leið upp á Kjalarnes, vitandi það að slík útfærsla myndi tefja málið um fjölmörg ár og líklega koma í veg fyrir hana vegna kostnaðar. Ætli honum verði að ósk sinni?

Höfundur er alþingismaður Reykvíkinga. dagur@althingi.is

Leit um „��"

2908 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

2908 niðurstöður fundust við leit að „������������������������������������������������������������"