Verkefnið Betri borg fyrir börn í Reykjavík fékk á dögunum 140 milljóna króna fjárveitingu frá borginni. 

Með einstöku samstarfi Velferðarsviðs og svo Skóla- og frístundasviðs, undir handleiðslu Samfylkingarinnar, mun aukin þjónusta færast inn í hverfi borgarinnar, það á að taka betur utan um þjónustuna og samþætta hana frekar. Þetta mun taka á biðlistum og gera þjónustu betur aðgengilega fyrir öll börn í borginni!

Skúli Helgason, formaður skóla og frístundaráðs, og Heiða Björg Hilmisdóttir, varaformaður Samfylkginarinnar og formaður velferðarráðs Reykjavíkurborgar ræddu betri borg fyrir börn í Reykjavík síðdegis og Morgunútvarpinu.

https://www.ruv.is/utvarp/spila/morgunutvarpid/23822/7grr6j/betri-borg-fyrir-born

Tilraun forsætisráðherra til breytinga á stjórnarskránni sigldi í strand, að því er virðist vegna áhugaleysis þeirra sem stóðu að málinu. Rökin fyrir strandinu eru sögð vera að ekki ríki fullkomin sátt um breytingar á stjórnarskrá en hefði áhugi verið fyrir hendi hjá forsætisráðherra hefði verið hægðarleikur að klára málið. Heimsfaraldri verður ekki kennt um þessi vinnubrögð.

Frá lýðveldisstofnun hefur staðið fyrir dyrum að semja okkur stjórnarskrá sem þá yrði samfélagssáttmáli lítillar eyþjóðar en ekki nánast óbreytt afrit af stjórnarskrá danska konungsríkisins. Fjöldi nefnda sem hafa verið að störfum eru nánast óteljandi og afrakstur ekki mikill ef frá er talin sjálfsögð viðbót við stjórnarskrána þegar mannréttindakafla stjórnarskrárinnar var bætt við á síðasta áratug síðustu aldar. Það sem veldur ósættinu eru miklir hagsmunir valds og fjármagns. Valds sem er samtvinnað ákveðnum stjórnmálaöflum hér á landi sem ríkt hafa nánast óslitið frá lýðveldisstofnun.

Afleikur forsætisráðherra í upphafi var að virða að vettugi þá faglegu, lýðræðislegu og málefnalegu vinnu sem farið var í á kjörtímabilinu 2009 – 2013 að frumkvæði Jóhönnu Sigurðardóttur, þá forsætisráðherra. Jóhanna hafði áratugum saman talað fyrir nauðsynlegum breytingum á stjórnarskrá, að jafna þyrfti atkvæðisrétt allra landsmanna og að auðlindir skyldu vera í eigu þjóðar og nýtingu úthlutað tímabundið, gegn gjaldi til eigenda þeirra.

Hið lýðræðislega ferli sem þá var farið í fólst ekki í að handvelja fólk til setu í stjórnarskrárnefnd eða til ritunar ákveðinna ákvæða heldur var ferlið allt mun faglegra og í samvinnu þjóðar; þjóðfundur og svo stjórnlagaráð 25 einstaklinga sem skipað var af Alþingi, drög að nýrri stjórnarskrá samin sem að meginþorra til er byggð á núgildandi stjórnarskrá en aðrir kaflar ýmist skapaðir eða þeim breytt. Í hinni nýju stjórnarskrá sem skilað var til þings var til dæmis að finna ákvæði um arð af sameiginlegum auðlindum sem renna skyldi til þjóðarinnar, ákvæði um náttúruvernd og gagnsæja stjórnsýslu, ákvæði um jafnt vægi atkvæða og persónukjör, vernd fjölmiðla og uppljóstrara og framsalsákvæði svo dæmi sé tekið. Hið síðastnefnda hefur verið rætt óteljandi sinnum meðal lögfræðinga á opinberum vettvangi sem og fyrir fastanefndum Alþingis enda sambærilegt ákvæði talið nauðsynlegt og sett rakleitt inn í stjórnarskrá Noregs við aðild að evrópska efnahagssvæðinu en ekki okkar.

Sú fullkomna sátt sem valdið telur nauðsynlegt að sé á breytingum á stjórnarskrá er ekki möguleg því um það ríkir engin sátt. Það er ekki sátt um þeirra tillögu, að gera engar breytingar. Sérhagsmunir eiga ekki að ráða för þegar kemur að breytingum á stjórnarskrá heldur hagsmunir almennings.

Greinin birtist fyrst í Morgunblaðinu 23. júní. 


Helga Vala Helgadóttir, þingmaður og oddviti í Reykjavíkurkjördæmi norður fyrir komandi Alþingiskosningar

Samfylkingarfélagið í Reykjavík býður þér og þínum í pólitískt pylsupartý næstkomandi miðvikudag 23. júní kl 16:30 í Mjóddinni. Kjörnir fulltrúar og frambjóðendur í komandi Alþingiskosningum verða á staðnum tilbúnir í samtal við þig. Nú er tími til að spyrja þá spjörunum úr. 

Við verðum í Mjóddinni nálægt túlípanagarðinn og þjónustumiðstöð Breiðholts. Í boði verða vegan og ó-vegan pylsur og gos. 

Samfylking’s Summer Grill in Breiðholt - All Welcome!

June 23rd 16:30-18:00, Mjódd, by the Tulip Garden

Let´s Grill hotdogs, discuss issues and enjoy time together.

Fátt verður okkur úr verki, manneskjunum ef okkur líður ekki nægilega vel, andlega, líkamlega eða félagslega. Með Lýðheilsustefnu Reykjavíkurborgar til ársins 2030 hefur Samfylkingin sett sér markmið að þjónusta borgarbúa með ráðum og dáð, umhverfi og innviðum til að sem flestum líði vel í borginni okkar. Þannig manneskjan nái að blómstra, nýta styrkleika sína, fái stuðning við það sem þarf til að geta lifað sjálfstæðu lífi í virkni, njóti jöfnuðar, menningar, menntunar og geti leikið sér og dafnað frá æsku til eldri ára á eins heilbrigðan máta og hverri er unnt.

Á borgarstjórnarfundi þann 1. júní sl. voru lögð fram drög að Lýðheilsustefnu Reykjavíkurborgar til ársins 2030. Með þessari stefnu og öðrum stefnum sem eru í bígerð hjá Reykjavíkurborg eru lýðræðisleg vinnubrögð í hávegum höfð. Þar er lögð áhersla á að leita álits og ráðgjafar hjá sem flestum hagaðilum, sérfræðingum og borgarbúum. Auk víðtæks samráðs og samstarfs var einnig stuðst við Heimsmarkmið Sameinuðu þjóðanna og Barnasáttmálann. Þess ber að geta að sérstaklega var haft samráð við börn í ferlinu en 21% borgarbúa eru börn undir 18 ára aldri.

Heilsueflandi nálganir og íslenska forvarnarmódelið 

Eitt af markmiðum stefnunnar er að vinna markvisst með áhrifaþætti heilbrigðis á öllum æviskeiðum meðal annars með heilsueflandi nálgunum í samfélaginu svo sem í leikskólum, grunnskólum, frístundastarfi. Þar er verið að huga að framtíðarheilsu einstaklingsins og lagður grunnur að góðri heilsu barna sem hefur áhrif ævina út.

Reykjavíkurborg getur nú þegar státað sig af því að frístundastarf í borginni hefur um nokkra hríð unnið markvisst að heilsueflingu en þá eru 35 af 63 leikskólum heilsueflandi leikskólar og 29 grunnskólar af 36 heilsueflandi grunnskólar.

Þá er Reykjavik fyrirmyndarborg í forvörnum en íslenska forvarnarmódelið er samfélagsmiðuð nálgun sem byggir á samstarfi fjölmargra aðila í nærumhverfi barnsins, bæði fagaðila í íþrótta- og tómstundum og foreldra. Aðferðin hefur vakið athygli víða um heim og hefur haft þau áhrif að áfengis- og vímunefnaneysla ungmenna hefur dregist margfalt saman frá miðjum tíunda áratug síðustu aldar. Þá er frístundakort borgarinnar einnig nátengt þessu íslenska forvarnarmódeli þar sem það er hvatning fyrir börn til að stunda skipulagt tómstundastarf og vera virk undir leiðsögn fagfólks.

En til að viðhalda góðum árangri í forvörnum verðum við, allt samfélagið, að vera á tánum þar sem tímarnir breytast. Við verðum áfram að veita börnum og ungmennum greiðan aðgang að auðlindum borgarsamfélagsins, menningu, menntun, íþróttum, tómstundum, umhverfi og náttúru. Við eigum einnig að leggja áherslu á að leita álits hjá þeim um málefni sem þau varðar og þannig trúi ég að við búum betri borg fyrir börn. 

Að lokum vil ég hvetja alla borgarbúa til að kynna sér stefnuna og senda inn umsögn í gegnum „Betri Reykjavík“ því öll getið þið haft áhrif.  https://lydheilsustefna.betrireykjavik.is/community/3284

Ellen Calmon er borgarfulltrúi Samfylkingarinnar og ritari stjórnar Kvenréttindafélags Íslands

Lýðheilsustefna Reykjavíkurborgar – betri borg fyrir börn

En það voru líka sigrar á þing­loka­sprettinum. Einn af þeim var þegar Al­þingi sam­þykkti að fela ríkis­stjórn Ís­lands að vinna að þings­á­lyktun Sam­fylkingarinnar um græna at­vinnu­byltingu. Þings­á­lyktunin hefur það mark­mið að fjölga störfum, örva eftir­spurn og styðja við lofts­lags­væna verð­mæta­sköpun á Ís­landi. Til­lagan er í sam­hengi við al­þjóð­legar lofts­lags­skuld­bindingar Ís­lands í ljósi efna­hags­sam­dráttar, sögu­legs fjölda­at­vinnu­leysis og fram­leiðslu­slaka vegna kórónu­veirufar­aldursins. Til að ná þessu felur þings­á­lyktunin í sér 10 eftir­farandi að­gerðir;


Komið verði á fót grænum fjár­festingar­sjóði af hálfu hins opin­bera sem leggur sjóðnum til 5 milljarða hluta­fé. Sjóðnum ber að leita eftir sam­starfi við einka­fjár­festa og á að styðja við þróun lofts­lags­lausna, græns há­tækni­iðnaðar og aukið vægi lofts­lags­vænnar at­vinnu­upp­byggingar á Ís­landi. Það hefur verið skortur á fjár­festingu í fyrir­tækjum og verk­efnum sem skila nægi­legum sam­drætti í losun innan tíma­ramma að­gerða­á­ætlunar í lofts­lags­málum. Mark­mið og árangurs­mæli­kvarðar verða að vera mjög skýrir. Land­sam­göngur, um­svif skipa og orku­fram­leiðsla eru þau svið sem vega þyngst í megin­mark­miðum að­gerða­á­ætlunar í lofts­lags­málum sem þarf að taka mið af í fjár­mögnunar­á­ætlun sjóðsins, á­samt stefnu Vísinda- og tækni­ráðs og góðum stjórnar­háttum í fé­lögum sem hann fjár­festir í. Grænar fjár­festingar þurfa líka að vera arð­bærar svo virkja megi al­menna fjár­festa. Fjár­hags­legar í­vilnanir til grænna fjár­festinga til við­bótar við um­hverfis­gjöld og sann­gjarnt gjald á losun gróður­húsa­loft­tegunda er skil­virk leið til að örva grænar fjár­festingar til að ná fram kol­efnis­hlut­leysi.


2) Metnaðar­fyllri lofts­lags­mark­mið

Í þings­á­lyktunar­til­lögunni er kveðið á um að um­hverfis- og auð­linda­ráð­herra hafi for­göngu um að mótuð verði ný að­gerða­á­ætlun í lofts­lags­málum sem geri ráð fyrir alla­vega 60% sam­drætti í losun gróður­húsa­loft­tegunda fyrir árið 2030 miðað við árið 2005. Mark­mið um kol­efnis­hlut­leysi árið 2040 verði fest í lög, skerpt verði á sjálf­stæði og að­halds­hlut­verki lofts­lags­ráðs og stjórn­sýsla lofts­lags­mála ef ld. Í um­sögnum við málið á Al­þingi kom fram skýrt á­kall um metnaðar­fyllri lofts­lags­mark­mið. Ein af lausnum til þess er aukin og bætt nýting inn­lendra, endur­nýjan­legra orku­gjafa í stað jarð­efna­elds­neytis. Upp­bygging, þróun og styrking raf­orku­flutnings­kerfisins styður líka vel við á­ætlanir um orku­skipti, meðal annars vegna raf­væðingar hafna. Lög­festing mark­miða Ís­lands í lofts­lags­málum er á­ríðandi eins og Finn­land og Noregur hafa gert.


Efling al­mennings­sam­gangna er einn stærsti liðurinn í því að ná mark­miðum um kol­efnis­hlut­leysi. Styrkja þarf al­mennings­sam­göngur um allt land því það eykur val­kosti al­mennings og auð­veldar ferða­lög á milli lands­hluta með strætis­vagni. Í efna­hags­á­standinu í kjöl­far kórónu­veirufar­aldursins er kjörið að flýta fram­kvæmdum á Borgar­línu sem búa til störf og skila miklum lofts­lags­á­vinningi. Að auki þarf rausnar­legt við­bótar­fram­lag til upp­byggingar stofn­leiða fyrir hjól­reiðar.


Það er brýnt að ráðast í mark­vissar að­gerðir til að hraða orku­skiptum á láði og legi. Styðja þarf enn frekar við upp­byggingu raf­hleðslu­stöðva um allt land með það fyrir augum að ný­skráningu bensín- og dísil­bíla verði hætt árið 2025. Það er metnaðar­fyllra en árið 2030 eins og nú­verandi ríkis­stjórn VG, Fram­sóknar­flokksins og Sjálf­stæðis­flokksins gerir. Stefna skal að því að tvö­falda fram­lög til Orku­sjóðs.


5) Sterk sveitar­fé­lög og fjár­festing í nær­sam­fé­laginu

Við­spyrnan eftir kóróna­veirufar aldurinn verður líka að eiga sér stað í nær­sam­fé­laginu. Því er lagt til að ríkis­sjóður hafi milli­göngu um hag­stæðar lán­veitingar til sveitar­fé­laga vegna lofts­lags­vænna fjár­festinga og auka­fram­lag til sóknar­á­ætlana lands­hluta árið 2021.


6) Kol­efnis­binding og bætt land­nýting

Ráðist verði í kraft­mikið átak í skóg­rækt, land­græðslu og endur­heimt vot­lendis, birki­skóga og kjarr­lendis. Stuðningur við land­bóta­verk­efni frjálsra fé­laga­sam­taka verði stór­aukinn og mark­viss vinna sett af stað við endur­skoðun styrkja­kerfis og skatt­um­hverfis til að ýta undir á­byrga land­nýtingu og gera bændum kleift að ein­beita sér í auknum mæli að kol­efnis­bindingu, endur­heimt vot­lendis og upp­græðslu.


Stutt verði enn frekar við náms­tengd vinnu­markaðsúr­ræði fyrir at­vinnu­leit­endur og náms­fram­boð aukið með auknum fram­lögum til starfs­menntunar, fram­halds­fræðslu, sí­menntunar­stöðva, starf­sendur­hæfingar og vinnu­staða­náms. Nám í um­hverfis- og garð­yrkju­fræðum verði tryggt með starfs­námi á fram­halds­skóla­stigi, að­gengi að tækni­fræði­námi utan höfuð­borgar­svæðisins aukið og stutt verði við upp­byggingu há­skóla­úti­bús á Austur­landi.


Nauð­syn­legur hluti af grænni at vinnu­byltingu er að skapa um­hverfi sem nýtist til fjöl­breyttrar at­vinnu- og verð­mæta­sköpunar og fjölga tæki­færum fyrir góð tækni­störf. Það þarf til dæmis að stór­auka rann­sóknir og þróun hér­lendis á sviði fram­leiðslu og nýtingar á endur­nýjan­legu elds­neyti. Á­ætlana­gerð á þessu sviði hefur verið fremur al­menn. Nýting vist­væns elds­neytis á skipum er dæmi um ný­sköpunar­verk­efni sem brýnt er að fjár­magna og skatta­í­vilnanir geta líka liðkað fyrir fjár­festingu í breytingum á vél­búnaði skipa eða ný­smíði hrein­orku­skipa. Skipa þarf starfs­hóp um skipu­lega upp­byggingu iðn­garða á Ís­landi þar sem virði hreinnar orku er há­markað, svo sem til upp­byggingar í mat­væla­iðnaði, líf­rænni elds­neytis­fram­leiðslu, líf­tækni og garð­yrkju. Liðka þarf fyrir reglu­um­hverfi fyrir slíkri starf­semi.


Styðja þarf enn frekar við skapandi greinar og listir, enda í sam­ræmi við aukinn fjöl­breyti­leika at­vinnu- og verð­mæta­sköpunar. Fram­lög til launa­sjóða lista­manna verði stór­aukin og komið verði enn frekar til móts við menningar­stofnanir sem orðið hafa fyrir tekju­tapi vegna sam­komu­banns. Endur­greiðslur á virðis­auka­skatti til fram­leið­enda kvik­mynda og sjón­varps­efnis verði hækkaðar og Ís­land gert að á­kjósan­legum stað til full­vinnslu kvik­mynda.


10) Stór­sókn í ný­sköpun og þróun

Ráðist verði í heild­stæða greiningu á því hvernig bæta megi reglu­verk og nýta skatta­lega hvata til að treysta sam­keppnis­hæfni Ís­lands á sviði ný­sköpunar, rann­sókna og þróunar og tryggja hug­verka- og há­tækni­iðnaði hag­felldari rekstrar­skil­yrði. Fram­lög til opin­berra hluta ný­sköpunar og rann­sókna og þróunar, en þau fram­lög hafa lækkað mjög undan­farin ár. Fram­lög til Tækni­þróunar­sjóðs, Rann­sókna­sjóðs og Inn­viða­sjóðs verði því aukin og úr­ræðið Stuðnings-Kría full­fjár­magnað.


Með grænu at­vinnu­byltingunni er hægt að slá tvær flugur í einu höggi: Örva eftir­spurn og at­vinnu í einka– og opin­bera geiranum. En um leið skapa grænna og sjálf­bærara sam­fé­lag á Ís­landi, stíga fastar til jarðar í lofts­lags­málum en nú og setja metnaðar­fyllri lofts­lags­mark­mið til næstu ára. Einka­markaðurinn mun aldrei einn og sér leysa stóra vanda­málið, sem hlýnun jarðar er. Það er líka sam­fé­lags­lega nauð­syn­legt að byggja græna at­vinnu­upp­byggingu með sann­gjörnum um­skiptum í lofts­lags­að­gerðum. Til þess þarf þétt sam­starf og skýra pólitíska for­ystu til að tryggja að við­spyrnan eftir heims­far­aldurinn sam­ræmist al­þjóð­legum skuld­bindingum okkar í lofts­lags­málum.

Greinin birtist fyrst í Fréttablaðinu 17. júní. 

Það töpuðu margir í þing­lokum Al­þingis. Þau sem trúðu því að mið­há­lendis­þjóð­garður myndi verða stofnaður á þessu kjör­tíma­bili, eða þau sem héldu í von um breytingar á stjórnar­skrá.

Eitt af einkennum hægristjórna er að ráðast að eftirlitsstofnunum og veikja þá sem standa vörð um almannahag. Og búa svo um hnútana að þeir sem eiga mikið, fái meira. Núverandi ríkisstjórn er þar engin undantekning og þau hafa nýtt kjörtímabilið vel til þessara verka.

Áður en Kórónuveirufaraldurinn skall á voru stjórnarflokkarnir búnir að gera Fjármálaeftirlitið að deild í Seðlabankanum og í kjölfarið tóku þau til við að veikja Samkeppniseftirlitið. Hættan á blokkamyndun- samþjöppun fyrirtækja, auðs og valda - er mikil í þeim aðstæðum sem nú hafa skapast á vinnumarkaði. Að veikja eftirlitsstofnanir og búa þannig til kjöraðstæður fyrir ráðandi fyrirtæki á fákeppnismarkaði er því alls ekki rétta leiðin áfram. Slíkt gengur augljóslega gegn hag almennings.

Þá var Neytendastofa holuð að innan og embætti skattrannsóknarstjóra lagt niður sem sjálfstæð stofnun. Skattrannsóknir fara nú fram í deild hjá Skattinum með mildari refsingum og óvissu um hver eigi að rannsaka stærri skattsvikamál. Í Panama-skjölunum voru margir efnaðir Íslendingar og rannsókn málanna flókin. Samherjaskjölin kalla líka á viðamikla rannsókn á flóknum millifærslum og skoðun í að minnsta kosti þremur löndum. Hagur almennings er ekki varinn með því að draga tennurnar úr skattrannsóknum hér á landi. Þvert á móti.

En þetta er ekki allt. Það stendur til að selja Íslandsbanka. 

Ríkisstjórninni liggur mikið á að selja hluti í bankanum áður en kjörtímabilinu lýkur. Og það áður en lykilspurningum um framtíðarbankakerfi hefur verið svarað. Um bankakerfi sem á að þjóna venjulegu fólki og fyrirtækjum til langs tíma en ekki skammtíma hag sérhagsmunaafla. 

Eftir söluna geta nýir eigendur tekið til við að dæla til sín arði og draga úr lánveitingum. 

Þannig hefur Ríkisstjórnin markvisst verið að búa í haginn fyrir þá sem sýsla með mikla peninga hér á landi. 

Ítrekað höfum við í Samfylkingunni bent á að yfirráð fárra yfir fiskveiðiauðlindinni gefi þeim fáu aukin völd og staða þeirra sé óeðlilega sterk gagnvart stjórnvöldum og fjölmiðlum. Völd þeirra geti valdið skaða og áhrif þeirra á ákvarðanir í stjórnkerfinu unnið gegn almannahag. Nákvæmlega þetta hefur sýnt sig svo greinilega undanfarið með Samherjaskjölunum og eftirmálum þeirra. Mútugreiðslur, skattsvik, peningaþvætti og óeðlileg afskipti af umfjöllun fjölmiðla og stjórnmálamanna.

Samherjahjónin greiddu börnum sínum arf, fyrirfram sem metinn er á tugi milljarða króna. Verðmætar eignir sem hafa orðið til vegna aðgangs að auðlind þjóðarinnar. Arður af auðlindinni, sem ætti að renna í ríkissjóð og sveitarsjóði og þaðan til allra barna og velferðarkerfisins, rennur nær óskiptur í vasa útgerðarmanna og þaðan beint til barna þeirra. (Hér er heimatilbúinn aðall sem á flest það verðmætasta á Íslandi). 

Sérhagsmunagæsla ríkisstjórnarinnar um völd og auð þessa fólks ætti öllum að vera ljós enda hefur hún ekkert gert til að taka á augljósum vanda.

Leið Samfylkingarinnar um útboð á aflaheimildum og tímabundnum samningum er besta leiðin út úr þessum vanda, þar sem tekið er tillit til stærðar útgerða og byggðasjónarmiða og nýliðun gerð möguleg. Það hallar verulega á okkur eigendur auðlindarinnar og þegar spillingarmálin blasa við sem kerfið elur af sér, verður aldrei sátt um kerfið eða breytingar sem taka ekki á rót vandans.

Við þurfum ríkisstjórn sem horfist í augu við spillingarmálin og þorir að taka á þeim.

Kæru landsmenn
 Stjórnarflokkarnir samþykktu á síðasta degi maímánaðar, fjármálaáætlun til næstu fimm ára. Sameiginlega stefna VG, Sjálfstæðisflokks og Framsóknar  fyrir næsta kjörtímabil er því komin fram.

Við í Samfylkingunni teljum stefnu þeirra í grundvallaratriðum ranga leið upp úr efnahagslægðinni. 
 Þau hyggjast ekki bæta kjör öryrkja eða eldra fólks og ætla ekki að styðja betur við barnafjölskyldur.  Þau ætla ekki að byggja upp almenna félagslega íbúðakerfið. Þau ætla ekki að taka á biðlistum í heilbrigðiskerfinu né mæta vanda á þeim landssvæðum sem hafa orðið verst úti í heimsfaraldrinum. 

Við jafnaðarmenn leggjum til aðra leið. Við viljum fjölga störfum og auka græna verðmætasköpun. Tryggja aðgang að heilsugæslu og efla öryggismál um land allt. Og við munum bæta kjör barnafólks, öryrkja og eldra fólks og draga úr skerðingum sem hvergi í kringum okkur tíðkast í jafn ríkum mæli og hér. Með réttlátri tekjuöflun munum við auka jöfnuð og hagsæld.

En ríkisstjórnin vill frekar leggja ofuráherslu á að ná ákveðnu skuldahlutfalli neðar, sem er þó mjög lágt í öllum alþjóðlegum samanburði. Þau ætla að fara gömlu niðurskurðarleiðina á næsta kjörtímabili ef þau komast í þá stöðu. Leið sem ekkert annað land er að fara. Þau hafa tekið pólitíska ákvörðun um að auka ójöfnuð og búa enn betur í haginn fyrir auðmenn verði þau saman við völd eftir kosningar. Það er í okkar höndum, kæru landsmenn, að koma í veg fyrir það.

Í dag fögnum við lýðveldisafmæli Íslands og það er vor í lofti og tilhlökkun í fólki.

Það vill svo til að það eru einnig 100 dagar til næstu Alþingiskosninga í dag. Þann 25. september næstkomandi verðum við vonandi laus við veirufjandann, glaðbeitt og öll búin að taka þátt í árgangamótinu í bólusetningum. Við þurfum þá vonandi ekki að takast á um sóttvarnaraðgerðir í kosningabaráttunni  – heldur um það hvernig framtíð við ætlum að byggja hér út úr faraldrinum.

Við þurfum að tryggja að allir komist sem best af stað eftir þennan veirufaraldur, ráðast gegn ójöfnuði hvar sem hann er að finna og koma í veg fyrir að hann aukist samfara þeim umskiptum sem framundan eru vegna loftslagsógnarinnar og tæknibreytinga.

Samfylkingin vill þess vegna fjárfesta í framtíðinni. Í grunninnviðum samfélagsins. Í fólkinu í landinu. Við stefnum hátt og vitum að það krefst vinnu, en við vitum að saman getum við náð árangri! 

Kær kveðja, Logi Einarsson, formaður, og Heiða Björg Hilmisdóttir, varaformaður. 

Logi Einarsson, formaður, og Heiða Björg Hilmisdóttir, varaformaður, senda öllum kæra kveðju! 

Öll velkomin á sumarfund jafnaðarmanna í Suðurnesjabæ í Vörðunni í Sandgerði klukkan 18:00, miðvikudaginn 16. júní.

Grillaðar pulsur verða á boðstólnum og Fríða og Smári leika fyrir okkur góða tónlist.

Eigum góða stund saman, fögnum sumrinu og tökum samtalið um pólitíkina.

Á staðnum verða:
- Formenn Samfylkingarfélagana í Garði og Sandgerði, Jónína Holm og Fríða Stefánsdóttir.
- Oddný Harðardóttir, þingmaður og oddviti Samfylkingarinnar í kjördæminu
- Viktor Stefán Pálsson og Inger Erla Thomsen, frambjóðendur Samfylkingarinnar í kjördæminu
- Fulltrúar frá landshreyfingum Samfylkingarinnar að ræða félagsstarf flokksins

Sumarfundur jafnaðarmanna í Suðurnesjabæ

Næsta miðvikudag 9. júní kl. 14:00 ætlum að fara í sumargöngu. Að þessu sinni ætlum við að gangaum Laugardalinn og verður Þorkell Heiðarsson, varaborgarfulltrúi, leiðsögumaður okkar. 

Við hittumst á bílastæðinu fyrir framan innganginn inn í garðinn - Skautahöllin og Fjölskyldu- og húsdýragarðurinn er við bílastæðið, sama stað og gengið er gjarnan inn í garðinn þegar haldið er á Kaffi Flóru . 

Gangan mun vara í um 1,5 klst. og eftir hana ætlum við að setjast niður á Kaffi Flóru og fá okkur kaffi og með því. Þau sem því ekki treysta sér í gönguna geta hitt okkur um kl. 15:30 á Kaffi Flóru. 

Við hlökkum til að sjá ykkur sem flest. 

Nú þegar sér fyrir endann á heimsfaraldrinum, er líkt og hulu eða grímu sé svipt frá andlitinu og við þurfum að horfast í augu við verkefnin sem blasa við okkur. 

Verkefni sem sum hafa legið í dvala vegna faraldursins, eða verið lögð vísvitandi til hliðar í skjóli heimsfaraldursins sem hefur verið notaður sem afsökun fyrir því að ná ekki stórum málum í gegn hér á þingi. 

Það vita allir að loftslagsmálin og umhverfismálin eru stóra verkefnið. Það er því meira en dapurlegt að grundvallarmál í stjórnarsáttmála ríkisstjórnarinnar af hálfu Vinstri grænna, miðhálendisþjóðgarðurinn, er ekki að nást í gegnum þingið nú, fjórum árum síðar. 

Málið var eitt stærsta, ef ekki stærsta mál VG við myndun ríkisstjórnarinnar og flokksfélagar fögnuðu því að minnsta kosti skyldi ráðist í þetta gamla baráttumál. Það er ekki svo að heimsfaraldur hafi komið í veg fyrir að miðhálendisþjóðgarður hafi orðið að veruleika, heldur annars konar faraldur sem er andstaða Sjálfstæðisflokksins og Framsóknarflokksins. Því ekki hefur  heimsfaraldurinn hindrað hjartans mál hinna flokkanna, eins og sölu Íslandsbanka, eða niðurlagningu skattrannsóknarstjóra.

Kæru landsmenn, loftslags – og umhverfismálin hafa verið í gíslingu Sjálfstæðisflokksins allt þetta kjörtímabil. Þau hafa náð því fram að metnaðurinn væri lítill, lítil skref tekin og engin róttækni leyfð. Og því miður hefur flokkurinn sem leiðir við ríkisstjórnarborðið guggnað yfir fleiri hápólitískum umhverfismálum. Má þar nefna vegalagningu um Teigskóg,  sem um gilda sérlög og hefur að auki sérstaka vernd í náttúruverndarlögum. Engin afdráttarlaus pólitísk lína hefur verið gefin út vegna virkjunaráforma í Hvalá á Ströndum, heldur treyst á lagaþrætur og dóma til að tefja málið. Rúmt ár tók að banna plastnotkun sem var nokkuð einföld EES innleiðing, sem lönd á borð við Albaníu höfðu löngu klárað á undan Íslandi. 

Árið 2020 átti að vera upphafið á áratug aðgerða í loftslagsmálum. Og þótt heimsfaraldurinn hafi sett strik í þann reikning, hafa nágrannaríki okkar sýnt að þeim er full alvara með því að leggja áherslu á græna viðspyrnu og græna endurreisn út úr COVID-19.  Slíkar aðgerðir hafa verið í skötulíki hér.

Hér á landi þurfa aðgerðir gegn loftlagsbreytingum að vera skýrar en ekki loðnar eins og nú er. Markmiðin þurfa að vera hærri og metnaðarfyllri. Fjárfestingar í grænum – loftslagsvænum aðgerðum þurfa að vera meiri. Hærri  fjármunum þarf að veita í rannsóknir og nýsköpun. Tækniþróun þarf að hverfast um loftslagsmarkmið. Setja þarf miklu meiri kraft í almenningssamgöngur og orkuskiptin þurfa að ganga hraðar fyrir sig. Enduruppbygging ferðaþjónustunnar á að vera á forsendum sjálfbærni. 

Ísland hefur nefnilega svo ótal tækifæri til að vera leiðandi í aðgerðum í umhverfis- og loftslagsmálum og þá þýðir ekki að tala um lagningu hitaveitunnar fyrir rúmum 70 árum við erlenda ráðamenn, heldur einblína á þau óteljandi tækifæri sem við höfum til framtíðar. 

Umskiptin vegna loftslagsbreytinga verða líka að vera sanngjörn. Metnaðarfull áætlun í loftslagsmálum getur nefnilega í senn skapað fjölda starfa, náð árangri í glímunni við ójöfnuð og stefnt að kolefnishlutleysi. 

Heimsfaraldurinn hefur aukið ójöfnuð og varpað ljósi á veikleika og óréttlæti samfélaga okkar. Því miður hafa sumir þjóðarleiðtogar og ríkisstjórnir nýtt faraldurinn til að grafa undan alþjóðasamvinnu. Þá verður að standa vörð um kjarnagildi mannréttinda, frelsis, sjálfsákvörðunar og jafnréttis. Alþjóðasamvinna hefur verið lykilatriðið í viðbragðinu. 

Án Evrópusamvinnunnar hefðum við ekki getað tryggt okkur aðgang að jafnmiklu bóluefni og raun ber vitni. Alþjóðaheilbrigðisstofnunin hefur staðið vaktina og samstarf vísindamanna og sérfræðinga við þróun bóluefnis hefur sannað gildi alþjóðasamvinnu svo um munar. 

En áskoranir alþjóðlegrar samvinnu ná yfir í gríðarlega brýn verkefni eins og loftslagsvána, sameiginlegri baráttu fyrir auknu félagslegu réttlæti og undirbúning okkar fyrir stafrænu byltinguna. 

Samstarfsríki okkar í Evrópusambandinu hafa verið leiðandi í aðgerðum um græna endurreisn en líka í því að leiða saman ólík Evrópuríki til að samþykkja sáttmála um málefni flóttafólks. 

Og þeir íslensku stjórnmálamenn sem tala niður ábyrgð okkar þegar kemur að móttöku fólks á flótta ættu að hugsa sinn gang. Ábyrgð okkar er siðferðisleg og mannúðleg. Hún snýst um að virða mannréttindi og halda í heiðri mannúð gagnvart þeim sem eru í langviðkvæmustu stöðunni, sem flýja heimili sín vegna stríðsátaka, loftlagsbreytinga eða sárafátæktar. 

Mér liggur við að segja svei þeim sem tala niður sam-mannlega ábyrgð okkar í   að taka á móti fólki á flótta með opnum örmum. Það eru ekki stjórnmál sem bæta samfélagið eða lífsgæði. Það eru stjórnmál haturs og ótta, rangfærslna og útúrsnúninga. Börn á flótta eru ekki glæpagengi. Fjölskyldufólk sem vill loks frið og ró eru ekki glæpagengi. 

Utanríkismál snúast um alþjóðasamvinnu, mannréttindi, virðingu fyrir lögum og reglum og eflingu lýðræðis. Þar eigum við að vera. Ekki bogin og hrædd eða ala á ótta og einangrun. Heldur bein í baki, opin og full sjálfstrausts á alþjóðasviðinu. 

Megi næstu sumarmánuðir færa okkur betri heilsu, lífsgæði, bjartsýni og gleði. Og góða, græna félagshyggjustjórn eftir komandi Alþingiskosningar. 

Leit um „��“

2911 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2911 niðurstöður fundust við leit að „������������������������������������������������������������“