Kosningastefna Samfylkingarinnar í Suðurnesjabær 2026 - 2030

Ábyrgð kjörinna fulltrúa er mikil og mikilvægt að þeir sinni þeirri eftirfylgni og verkum sem þeir eru kosnir til að fylgja eftir og framkvæma. Bæjarstjórn starfar í umboði íbúa Suðurnesjabæjar og ber ábyrgð á því að þeir tekjustofnar sem til umráða eru séu nýttir með sem bestum hætti til lögbundinna verkefna og annarra sem ákveðið er hverju sinni með hag íbúa að leiðarljósi.

Bæjarstjóri og æðstu embættismenn hafa svo það hlutverk að koma þeim ákvörðunum sem teknar eru hverju sinni í framkvæmd í samráði við aðra starfsmenn. Í Suðurnesjabæ á að ríkja ábyrg, gagnsæ og skilvirk stjórnsýsla með skýra framtíðarsýn.

Setja skýra langtímastefnu fyrir sterkt og stöðugt sveitarfélag í sókn.

Vinna fjárhagsáætlun í raunverulegu samráði við íbúa.

Forgangsraða fjármunum út frá þörfum.

Auka gagnsæi og upplýsingagjöf til íbúa, t.d. með opnu bókhaldi.

Nýta fjárhagslegan styrk sveitarfélagsins til uppbyggingar.

Tryggja að Suðurnesjabær sé góður og eftirsóttur vinnustaður.

Setja kraft í stafræna vegferð Suðurnesjabæjar.

Aðalskipulagið okkar er skipulagsáætlun sem nær til alls lands í Suðurnesjabæ, eða um 84 km2 , og segir til um framtíðar landnotkun og fyrirkomulag byggðar. Líf íbúa er þar með rammað inn í aðalskipulag hverju sinni og teknar eru m.a. ákvarðanir um hvar íþróttasvæði byggjast upp, nærþjónusta, atvinnusvæði og íbúabyggð.

Það er íbúum mikilvægt að Suðurnesjabær byggist upp með góðu skipulagi, að hér sé snyrtilegt og að jafnvægi ríki milli byggðar, atvinnu og náttúru. Suðurnesjabær á að vera aðlaðandi sveitarfélag þar sem okkur íbúum líður vel.

Endurskoða Aðalskipulag Suðurnesjabæjar með það að markmiði að gefa íbúum tækifæri, eftir átta ára reynslutíma, til að hafa áhrif á framtíðarsýn og forgangsröðun.

Endurskoða deiliskipulag á lykilsvæðum, m.a. á báðum hafnarsvæðum.

Móta heildstæða sýn á svæðið milli kjarnanna með skýru skipulagi fyrir atvinnu, íþróttir og útivist.

Tryggja nægt framboð fjölbreyttra lóða.

Fegra Suðurnesjabæ með markvissri uppbyggingu

grænna svæða og almenningsrýma, m.a. með fjölgun bekkja, ruslatunna og aukinni gróðursetningu.

Setja meiri kraft í gatna- og stígagerð og efla eftirfylgni með framkvæmdum.

Setja í forgang samtal við Vegagerðina um breikkun á Garðskagavegi, á milli Garðs og Sandgerðis.

Bæta aðgengi almennings að kirkjum sveitarfélagsins, m.a. með því að bæta verulega aðgengi að Hvalsneskirkju og Sandgerðiskirkju og klára framkvæmdir við Útskálahús.

Tryggja að göngu -, hjóla- og akstursleiðir séu með besta móti og aðgengilegar allan ársins hring.

Auka umferðaröryggi við skóla með bættri lýsingu, gangbrautum og skýrara skipulagi sleppisvæða.

Vinna að bættum almenningssamgöngum í samráði við hagsmunaaðila, þ.m.t. Vegagerðina, íþróttafélög, atvinnurekendur og íbúa.

Efla núverandi leik- og útivistarsvæði og fjölga leikvöllum með fjölbreyttum leiktækjum, ásamt því að tryggja öryggi almennings með bættri lýsingu og góðum aðbúnaði.

Setja upp afgirt og öruggt svæði fyrir hunda og góða aðstöðu fyrir hundaeigendur.

Halda áfram að þrýsta á aukið fjármagn í sjóvarnir í Suðurnesjabæ.

Endurvekja umhverfisviðurkenningar og hvetja íbúa til að fegra í sínu nærumhverfi.

Suðurnesjabær er einstakur staður með mikla víðáttu, er umvafinn hafinu og fallegri strandlengju sem fáir geta státað sig af. Sumir myndu segja að hér fáum við notið fallegasta sólarlagsins og norðurljósa.

Í Suðurnesjabæ er öflugt starf á sviði ferða-, safna- og menningarmála sem mikilvægt er að styðja við og efla enn frekar því hér eru mörg tækifæri.

Gera Garðskaga að lykiláfangastað fyrir ferðamenn, bæði innlenda og erlenda.

Skapa aðstöðu til að njóta hafnar- og strandlífs.

Glæða gömlu höfnina í Garði lífi þannig að hún nýtist sem öruggt útivistarsvæði.

Skapa tækifæri fyrir enn fjölbreyttari menningarviðburði en fyrir eru.

Markaðssetja Suðurnesjabæ sem áfangastað með markvissri kynningu, samstarfi við ferðaþjónustuaðila og skýrri ímynd sveitarfélagsins.

Í öflugu velferðarsamfélagi fá öll tækifæri til að lifa sómasamlegu lífi og jöfn tækifæri til menntunar, íþrótta- og tómstundaiðkunar og þátttöku í samfélaginu.

Við viljum að öll fái jöfn tækifæri í Suðurnesjabæ – á öllum æviskeiðum.

Tryggja að Suðurnesjabær verði framúrskarandi velferðarsamfélag.

Standa vörð um skólasamfélagið, leik-, grunn- og tónlistarskóla, og efla stuðning og menntun starfsfólks.

Tryggja að engin fjölskylda greiði meira en 50 þúsund krónur á mánuði fyrir fulla leikskólavistun og 100% systkinaafslátt.

Tryggja að Suðurnesjabær verði til fyrirmyndar er kemur að þjónustu fyrir fatlaða og þá sem þurfa á sértækri þjónustu að halda.

Bæta þjónustu fyrir þá sem þurfa sértæka aðstoð, bæði tímabundna og til lengri tíma.

Tryggja úrræði fyrir ungt fólk með fötlun og gefa þeim tækifæri á að búa íheimabyggð.

Efla þjónustu við eldri borgara og tryggja þeim búsetu í heimabyggð.

Efla félagsstarf eldri borgara í Miðhúsum og Auðarstofu og skapa svigrúm fyrir nýjungar, meðal annars með því að skoða möguleika á frístundastyrkjum.

Vinna eftir stefnu eldri borgara og aðgerðaráætlun sem henni fylgir.

Styðja betur við nýja íbúa og bæta upplýsingaflæði til þeirra.

Endurskoða jafnréttisstefnu- og jafnréttisáætlun Suðurnesjabæjar og horfa á jafnréttismál í víðara samhengi.

Suðurnesjabær er heilsueflandi samfélag sem þýðir að taka þarf mið af heilsu og vellíðan í allri stefnumótun. Í Suðurnesjabæ eru mörg tækifæri til að gera gott íþrótta- og tómstundastarf enn betra fyrir alla, unga og þá sem eldri eru.

Láta gervigrasvöll verða að veruleika og hefja vinnu að uppbyggingu íþróttamannvirkja framtíðarinnar.

Efla samstarf við íþróttafélög og félagasamtök.

Bæta aðstöðu til íþróttaiðkunar og nýta mannvirki sem fyrir eru sem best m.a. að rýmka opnunartíma sundlauga.

Endurskoða frístundastyrkjakerfið á þann hátt að það ýti undir þátttöku barna og ungmenna í skipulögðu íþrótta- og tómstundastarfi með jöfnuð að leiðarljósi.

Efla starf fyrir eldri borgara í íþróttum og tómstundum.

Ráða fagfólk til að styðja við starfsemi íþróttafélaga.

Skapa umhverfi sem gefur börnum og ungmennum tækifæri á að iðka fjölbreytt íþrótta- og tómstundastarf.

Skapa skýra og sanngjarna samninga við félög í Suðurnesjabæ.

Finna hvata til að bæta nýtingu íþróttamannvirkja fyrir almenning, þ.m.t. sundlaugar.

Suðurnesjabær býr yfir kjörsvæðum til atvinnuuppbyggingar sem eru í nálægð við höfuðborgarsvæðið, bestu flugsamgöngur landsins og góða fiskihöfn. Við ætlum að skapa öflugt og fjölbreytt atvinnulíf sem styður við vöxt samfélagsins og tryggir störf til framtíðar.

Móta atvinnustefnu fyrir Suðurnesjabæ með það að leiðarljósi að efla nýsköpun og styðja við lítil og meðalstór fyrirtæki.

Hámarka þau tækifæri sem búa í K64 þróunaráætluninni fyrir Suðurnesjabæ og hafa áhrif á þá þróun.

Setja skýra þjónustu- og framkvæmdastefnu fyrir Sandgerðishöfn og gera hana samkeppnishæfari.

Hér má skoða kosningastefnuna í heild sinni á pdf skjali.

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar. 

Samfylkingin og óháðir bjóða þér að koma á spilakvöld þar sem verður létt stemning fram eftir kvöldi. Spilakvöldið fer fram á kosningaskrifstofu flokksins, Eyravegi 23.

Kjörið tækifæri til að kynnast frambjóðendum og taka spjallið.
Það eru að sjálfsögðu öll velkomin.

Á nýlegum fundi samtakanna var sérstaklega fjallað um almenna íbúðakerfið og ábyrgð sveitarfélaga í uppbyggingu húsnæðis. Spurningin sem brennur á mörgum er einföld – en þung: Hvar á unga fólkið og venjulegt launafólk að búa?

Húsnæði er ekki bara markaðsvara
Á undanförnum áratugum hefur húsnæðismarkaðurinn í auknum mæli mótast af lögmálum markaðarins. Á sama tíma hefur framboð á félagslegu húsnæði dregist verulega saman. Fyrir um 25 árum voru um 7% íbúða hluti af verkamannabústaðakerfinu – í dag er hlutfall almennra íbúða innan við 1%.

Þessi þróun hefur raunverulegar og áþreifanlegar afleiðingar:

Ungt fólk á erfiðara með að komast inn á markaðinn

Láglaunafólk á erfiðara með að festa rætur í samfélaginu

Þess vegna skiptir almenna íbúðakerfið svo miklu máli.

Sveitarfélögin skipta sköpum
Eitt það mikilvægasta sem fram kom á fundinum er að sveitarfélögin eru lykilaðilar í lausninni. Þau skipuleggja land fyrir húsnæði, úthluta lóðum og taka þátt í fjármögnun með stofnframlögum. Kerfið byggir á samvinnu ríkis og sveitarfélaga til að tryggja byggingu leiguíbúða á viðráðanlegu verði. Markmiðið er skýrt, þ.e. að fólk greiði ekki meira fyrir húsnæði en það ræður við.

Þetta er ekki bara stefna – þetta er verkfæri sem virkar, ef vilji er fyrir hendi.

Hveragerði á að vera fyrir alla
Sem frambjóðandi á S-listanum í Hveragerði spyr ég: Viljum við bæ fyrir alla – eða aðeins fyrir suma?

Hveragerði hefur vaxið hratt og er eftirsóttur staður til búsetu. En án fjölbreytts húsnæðis lokum við dyrunum fyrir stórum hópi fólks, svo sem ungu fólki sem vill setjast hér að og eldra fólki sem vill minnka við sig. Við megum ekki láta bæinn þróast eingöngu fyrir þá sem hafa mest á milli handanna.

Við verðum að halda áfram
Hveragerði hefur þegar stigið mikilvæg skref með þátttöku í uppbyggingu húsnæðis í samstarfi við óhagnaðardrifin leigufélög. En það er ekki nóg – við verðum að halda áfram.

Almenna íbúðakerfið er eitt af fáum raunhæfum verkfærum sem við höfum til að:

Ef sveitarfélög halda að sér höndum hægir á uppbyggingu – og vandinn eykst enn frekar.

Skýr stefna til framtíðar
Sem hluti af S-listanum vil ég að Hveragerði:

haldi áfram samstarfi við óhagnaðardrifin leigufélög

nýti skipulagsvald sitt til að tryggja lóðir fyrir slíka uppbyggingu

taki virkan þátt í almenna íbúðarkerfinu

Þetta snýst ekki um hugmyndafræði – þetta snýst um raunveruleg lífsgæði íbúa í Hveragerði.

Húsnæði er grunnforsenda öryggis og lífsgæða
Húsnæði er ein af grunnforsendum öryggis og lífsgæða. Það eiga ekki að vera forréttindi að koma sér þaki yfir höfuðið heldur sjálfsagður réttur. Ef við viljum að Hveragerði sé samfélag fyrir alla – en ekki aðeins þá sem hafa efni á því – þurfum við að huga vel að næstu skrefum.

Á nýlegum fundi frambjóðenda í Hveragerði með ungmennaráði var einmitt spurt um húsnæðismál ungs fólks. Við sem skipum S-listann viljum að ungt fólk geti búið hér og alið upp börnin sín, óháð efnahag. Til þess þurfum við að taka skýra og markvissa afstöðu. Við ætlum að vinna að því að Hveragerði verði áfram fallegur og fjölskylduvænn bær þar sem venjulegt fólk á raunhæfa möguleika á að koma sér upp heimili.

Við þurfum að halda áfram og gera enn betur.

Birgitta Ragnarsdóttir
Oddviti S-listans í Hveragerði

Í aðdraganda sveitarstjórnarkosninga hafa ASÍ og BSRB beint kastljósinu að einu stærsta réttlætismáli samtímans, húsnæðismálum. 

Tryggjum að Hveragerði verði áfram bær fyrir alla

Stórbættar samgöngur og skipulag á forsendum mannlífs

Samfylkingin setur nauðsynlegar úrbætur í samgöngumálum í forgang. Íbúar eiga að komast greiðlega um bæinn og þeir eiga að geta nýtt sér fjölbreytta ferðamáta. Við ætlum að minnka skutlið með því að ungmenni fái frítt í strætó að 18 ára aldri og styðja þannig við almenningssamgöngur og vinna með því í þágu umhverfis- og loftslagsmála.

Samfylkingin ætlar að tryggja nauðsynlegar samgönguframkvæmdir á Reykjanesbraut frá N1 hringtorgi í átt að Kaplakrika, við Suðurhöfn í ljósi komu nýs Tækniskóla á svæðið og uppbyggingar nýrrar íbúðabyggðar og löngu tímabærar endurbætur á Flóttamannavegi. Hafnfirðingar þekkja umferðarhnútana vel á þessum stöðum og þá verður að leysa strax.

Það er svo sannarlega verk að vinna í samgöngumálum í Hafnarfirði og framkvæmdir þola enga bið!

fara í nauðsynlegar samgönguúrbætur á Reykjanesbraut frá N1 hringtorgi í átt að Kaplakrika.

fara í nauðsynlegar samgönguúrbætur við Suðurhöfn til þess að tryggja það að svæðið geti örugglega tekið við nýjum Tækniskóla og nýrri íbúðabyggð.

halda áfram að ýta á löngu tímabærar endurbætur á Flóttamannaveginum.

efla almenningssamgöngur með Borgarlínu og öflugu innanbæjarkerfi strætó.

ráðast strax í aðgerðir til að bæta umferðaröryggi gangandi vegfarenda yfir Reykjavíkurveg.

minnka skutlið í bænum og gera strætó gjaldfrjálsan fyrir börn og ungmenni að 18 ára aldri.

standa vörð um næturstrætó sem komið var á að frumkvæði Samfylkingarinnar í Hafnarfirði.

bæta hjóla- og göngustígakerfi bæjarins og tryggja betri tengingar til nærliggjandi sveitarfélaga, þannig að hjólreiðafólk komist með sem einföldustum hætti alla leið til Reykjavíkur.

tryggja að Þjónustumiðstöð Hafnarfjarðar hafi ávallt greiðan aðgang að besta fáanlega tækjabúnaði vegna snjómoksturs og að starfsemin verði styrkt til hagsbóta fyrir alla bæjarbúa.

bæta vetrarþjónustu í hverfum bæjarins og hvetja þannig til þess að börn og fullorðnir geti farið styttri ferðir gangandi eða hjólandi allt árið.

2. Skipulag á forsendum iðandi mannlífs og grænn bær

Samfylkingin vill byggja upp bæ sem er skipulagður með þarfir fólks í huga þar sem atvinna, menning og mannlíf fá að blómstra. Við ætlum að byggja upp bæ þar sem lögð er áhersla á fjölbreytta húsnæðisuppbyggingu. Til þess að það verði að veruleika þarf að vera nægt lóðaframboð og skipulag sem gerir ráð fyrir fjölbreyttri uppbyggingu fyrir unga sem aldna, fyrstu kaupendur, tekjulægri hópa og aðra.

Það er þörf á stórátaki í húsnæðismálum bæjarins og við ætlum okkur að standa fyrir því, m.a. í samstarfi við óhagnaðardrifin leigufélög, önnur félög sem stuðla að fjölbreyttri uppbyggingu og ríkið.

Samfylkingin er umhverfisflokkur sem leggur áherslu á öflugt atvinnulíf og nýsköpun í sátt við náttúruna. Mikilvægt er að fylgja eftir áætlunum um samdrátt í losun gróðurhúsalofttegunda og draga úr notkun jarðefnaeldsneytis. Við munum beita okkur í þágu umhverfisvænna og sjálfbærra lausna og ganga fram með góðu fordæmi í umhverfismálum. Við viljum bæ sem stendur vörð um náttúruperlur í upplandi bæjarins á sama tíma og íbúar geta notið þeirra með öruggum hætti.

Lífsgæði íbúa og iðandi mannlíf eru í forgangi þegar kemur að skipulagi. Horfa þarf á heildarmyndina jafnt sem mannleg smáatriði í umhverfinu þegar ný hverfi eru skipulögð og eldri svæðum breytt. Mikilvægt er að hugað að eflingu miðbæjarins á sama tíma og við varðveitum gömlu bæjarmyndina.

Skipulag þarf að vera fjölbreytt, bæði hvað varðar nýtingu lóða innan hverfa og eins íbúðagerða innan lóða. Stuðla þarf að jöfnu framboði lóða til nýbygginga, bæði með þéttingu byggðar og nýjum hverfum. Nauðsynlegt er þó að tryggja að þétting skerði ekki lífsgæði þeirra íbúa sem fyrir eru. Einnig verður skipulagið að taka mið af fjölbreyttum og ólíkum þörfum og Samfylkingin telur mikilvægt í allir skipulagsvinnu verði unnið eftir hugmyndafræði algildrar hönnunar og aðgengi allra verði tryggt.

Samfylkingin leggur áherslu á lýðræðislega þátttöku íbúa, aukið aðgengi fólks að ákvarðanatöku og samráði við íbúa áður en ákvarðanir eru teknar og gagnsæi í allri ákvarðanatöku í skipulagsmálum.

skipuleggja lóðir undir fjölbreytta uppbyggingu hagkvæms húsnæðis fyrir ungt fólk, fyrstu kaupendur, námsmenn, tekjulægri hópa og eldra fólk.

fara í samstarf við óhagnaðardrifin leigufélög á vegum verkalýðshreyfingarinnar enda hefur reynslan sýnt að slík uppbygging er besta leiðin til að ná niður leiguverði fyrir tekjulægri hópa.

halda áfram að vinna að uppbyggingu nýrrar hafnar í Straumsvík til að tryggja vöxt hafnsækinnar atvinnustarfsemi í bænum á sama tíma og við drögum úr umferð þungaflutninga í gegnum bæinn.

tryggja fjölbreytt framboð lóða til að stuðla að uppbyggingu húsnæðis fyrir ungt fólk og fyrstu kaupendur sem og til þess byggja upp öruggan leigumarkað.

hugað er að nýjum svæðum innan bæjarmarka til íbúðaruppbyggingar t.d. í Óttarsstaðalandi í samræmi við hættumat vegna vegna hraunavár á höfuðborgarsvæðinu.

vinna að útvíkkun vaxatamarka svæðisskipulags höfuðborgarsvæðisins.

halda áfram þéttingu byggðar þar sem þess er kostur enda styður hún við ýmis mikilvæg verkefni t.d. uppbyggingu hvers kyns þjónustu og almenningssamgangna.

flýta ferli við uppbyggingu á þéttingarreitum eins og Hraun vestur.

efla mannlíf í miðbænum og varðveita bæjarmyndina.

halda áfram að bæta hjóla- og göngustíga innan bæjarmarkanna sem og að gera betri tengingar við upplandið og nærliggjandi sveitarfélög.

ljúka skipulagi vegna Suðurhafnar og tryggja að lausnir verði fundnar á umferðar- og samgöngumálum á svæðinu, þar sem gert er ráð fyrir fjölbreyttum ferðamátum.

hefja vinnu við skipulag Vatnshlíðar sem hafi það að markmiði að móta byggð með fjölbreyttri þjónustu fyrir alla aldurshópa í sátt við umhverfið.

Samfylkingin er umhverfisvænn flokkur sem leggur áherslu á öflugt atvinnulíf og nýsköpun í sátt við náttúruna. Við viljum bæ sem stendur vörð um náttúruperlur í upplandi bæjarins á sama tíma og íbúar geta notið þeirra með öruggum hætti.

Liður í því að setja umhverfis- og loftslagsmál í öndvegi eru bættar almenningssamgöngur enda mikilvægt að mæta vaxandi bílaumferð með öðrum valkostum og brýnt að framkvæmdum við Borgarlínu á höfuðborgarsvæðinu ásamt stofnleiðum fyrir hjólreiðar verði flýtt eins og kostur er. Gera verður ólíkum ferðmátum jafn hátt undir höfði. Það er auk þess mikilvægur þáttur í bættri lýðheilsu.

Stefnt er að uppbyggingu í Vatnshlíð á næstu árum. Hún er í nánd við útivistarperlur í upplandi Hafnarfjarðar og  óspillta náttúru og mikilvægt að lágmarka umhverfisáhrif eins og kostur er með vistvænni byggð sem stuðlar að aukinni vellíðan og heilsu fólks.

fjölga grænum svæðum og huga betur að þeim sem fyrir eru, þar sem hægt er stunda útivist og heilsurækt enda er Hafnarfjörður heilsubær.

búa til fjölskylduvæn leiksvæði á fleiri stöðum í bænum, m.a. í miðbænum.

setja aukinn kraft í grænkun Valla og gera almenningsgarð fyrir alla fjölskylduna á Völlunum.

endurskoða umhverfisstefnu bæjarins á tveggja ára fresti.

ná raunverulegum árangri í loftslagsmálum og vinna eftir markvissri og aðgerðabundinni umhverfisstefnu þar sem forgangsröðun verkefna er skýr og vel fjármögnuð og stefnt að sjálfbærni.

reka öfluga umhverfisvöktun með hágæðamælingum á mengun í umhverfinu.

fjölga hvötum til bygginga á umhverfisvottuðum byggingum og stefna því að nýbyggingar á vegum bæjarins og endurbætur séu umhverfisvottaðar.

setja fram metnaðarfulla stefnu um verndun vatnsbóla í upplandi Hafnarfjarðar.

skipuleggja almenningsgarð á Hörðuvöllum og mynda samfellt grænt svæði í gegnum bæinn meðfram Læknum með áherslu á bekki, æfinga- og leiktæki og aðra möguleika til samveru.

standa betur að fegrun og hreinsun um allan bæ, fjölga ruslatunnum með flokkun og stuðla að betri umhirðu þeirra -  Hreinn bær okkur kær.

fjölga rafhleðslustöðvum í bænum og rafvæða bílaflota bæjarfélagsins.

standa vörð um náttúruperlur í upplandi Hafnarfjarðar.

bæta aðstöðu fyrir útivistarfólk og aðgengi að náttúruperlum þannig að allir íbúar fái notið þeirra.

bæta aðstöðu við Hvaleyrarvatn með því að koma gildandi skipulagi í framkvæmd með fleiri bílastæðum, betri aðkomu og umgjörð til útivistar við vatnið.

efla Krýsuvík sem útivistar- og ferðamannasvæði með frekari uppgræðslu í góðri samvinnu við opinbera aðila, frjáls félagasamtök og sjálfboðaliða sem og stöðva alla sauðfjárbeit í bæjarlandinu.

útrýma plasti í starfsemi bæjarfélagsins svo bærinn fari þar fram með góðu fordæmi.

minnka kolefnis- og vistspor sveitarfélagsins með kolefnisjöfnun og fræðslu með áherslu á sjálfbærni.

halda áfram að fegra og bæta Hellisgerði og efla sem almenningsgarð fyrir Hafnfirðinga og gesti.

Það var dýrmæt reynsla fyrir mig að starfa í félagsmiðstöðinni í Þorlákshöfn á tveggja ára tímbili 2017-2019. Það vakti hjá mér mikinn áhuga á að starfa með ungu fólki því ég fann þarna að ég hef mikið fram að færa. Í störfum mínum legg ég áherslu á að skapa öruggt, uppbyggjandi og skemmtilegt umhverfi og er meðvitaður um hversu miklu máli skiptir að nýta félagsmiðstöðvarstarf í forvarnarskyni. Frá árinu 2020 hef ég starfað í sértækri félagsmiðstöð í Reykjavík sem er fyrir börn og ungmenni sem hafa sérstakar stuðningsþarfir.

Frístundamál og starf félagsmiðstöðva gegna mjög mikilvægu hlutverki í lífi barna og ungmenna. Þar skapast vettvangur fyrir félagslega þátttöku, sjálfsstyrkingu og uppbyggileg samskipti. Með fjölbreyttu framboði af tómstundum fá ungmenni tækifæri til að þróa hæfileika sína, kynnast nýju fólki og byggja upp jákvæða sjálfsmynd. Slíkt starf er ekki aðeins skemmtilegt heldur hefur einnig mikið forvarnargildi, þar sem það styður við heilbrigðan lífsstíl og dregur úr líkum á félagslegri einangrun.

Það er þó þannig að félagsmiðstöðvarstarf er mjög mismunandi á milli sveitarfélaga og ég tel að sveitarfélagið Ölfusi geti stutt betur við það mikilvæga starf sem fer fram í félagsmiðstöð, þróað og bætt aðstöðuna.

Það er þörf á að brúa bilið sem er á milli frístundar fyrir 1-4 bekk, yfir í miðstig í félagsmiðstöð. Svo þarf að leggja mikla áherslu á að ná áfram til krakkana í 8.bekk til að hjálpa þeim að aðlagast efsta stigi og taka virkan þátt í félagsmiðstöðvarstarfi alla grunnskólagönguna. Góður félagslegur grunnur gerir allt félagslíf í framtíðinni svo miklu betra, þess vegna þurfum að horfa til þess að hjálpa krökkunum að fara á milli þessara stiga.

Ólíkir einstaklingar þurfa ólíka nálgun

Félagsmiðstöðvar geta verið lykilþáttur í að efla samfélagsvitund og ábyrgðarkennd. Með því að skapa öruggt og styðjandi umhverfi þar sem allir eru velkomnir, er hægt að stuðla að aukinni þátttöku og jafnræði. Það er mikilvægt að þróa starfið áfram í takt við þarfir ólíkra hópa og tryggja að sem flestir geti notið þess sem boðið er upp á.

Í því samhengi má nefna að ávinningur gæti falist í því að koma á fót sértækri félagsmiðstöð fyrir einstaklinga með sérþarfir. Slíkt úrræði myndi skapa aðgengilegt og sérsniðið umhverfi þar sem einstaklingar geta tekið þátt á eigin forsendum, myndað tengsl og eflt sjálfstæði sitt. Þessi nálgun fellur vel að hugmyndum um forvarnir, þar sem snemmtæk og markviss þátttaka getur haft jákvæð áhrif til lengri tíma.

Fjárfesting í frístundastarfi og félagsmiðstöðvum er því ekki aðeins útgjaldaliður heldur mikilvæg samfélagsleg fjárfesting. Með því að leggja áherslu á aðgengi, fjölbreytni og þróun má skapa enn sterkari grunn fyrir framtíðina og tryggja að allir hafi raunveruleg tækifæri til þátttöku og vellíðanar í samfélaginu okkar.


Höfundur, Pálmi Þór Ásbergsson, skipar 3. sæti á lista Samfylkingar og félaga í Ölfusi. 

Styðjum, þróum og eflum frístunda- og félagsmiðstöðvarstarf fyrir öll börn í Ölfusi

Víða á landinu hafa verið boðaðir gjaldfrjálsir leikskólar, en þar er ekki öll sagan sögð.

Grunnhugmyndin snýst oftar en ekki um að frítt sé fyrir ákveðna grunn vistunartíma á viku meðan þeir sem þurfa að nýta sér lengri vistunartíma borga brúsann, með verulegum hækkunum á dvalargjöldum. Sérskráningardagar og fæðisgjöld eru tekin út fyrir sviga.

Við í Samfylkingunni erum ekki sammála þessari nálgun. Við gerum okkur grein fyrir að álag er mikið á leikskólastarfsfólk og mönnunarvandi fylgir oft á tíðum í ofanálag. Það er þó ekki hægt að leysa þann vanda með því að velta honum alfarið yfir á fjölskyldur. Eitt vandamál sem leysist en skapar annað er ekki lausn.

Samfylkingin kynnti nýlega útspil sitt á landsvísu fyrir sveitarstjórnarkosningar. Stefnan felur í sér að þar er sett greiðsluþak á leikskólagjöld. Hámark leikskólagjalda fyrir hverja fjölskyldu verði 50 þúsund krónur og tekjulægri greiði minna. Inní þeirri tölu eru öll gjöld sem tengjast leikskólavistun.

Til að geta verið samkeppnishæf við önnur sveitarfélög þurfum við öflugt, faglegt og metnaðarfullt tómstunda,- leik,- og grunnskólastarf. Í þeim málum erum við svo sannarlega rík hér í sveitarfélaginu. Við búum að dýrmætum mannauði þar sem einmitt fagmennska og metnaður er í fyrirrúmi.

Mikilvægt er að við höldum vel utan um starfsfólk og tryggjum þeim viðunandi vinnuaðstæður. Það er eitt af mörgum verkefnum næsta kjörtímabils.

Næstu ár verða krefjandi í rekstri sveitarfélagsins en það er ekki þar með sagt að ekkert sé hægt að gera.

Við í Samfylkingunni ætlum að forgangsraða verkefnum og framkvæmdum í þágu fjölskyldna. Áhersla verður lögð á skóla og frístundamál meðal annars. Við munum forgangsraða framkvæmdafé og klára skólalóðirnar. Þær framkvæmdir hafa augljóslega ekki verið í forgangi síðustu ár.

Rebekka Ásgeirsdóttir, 2. sæti á lista Samfylkingar í Norðurþingi

Aðaláhersla í málefnastarfi Samfylkingarinnar á landsvísu hefur snúist um hvernig við léttum ykkur daglega lífið. Það er einnig aðaláhersla Samfylkingarinnar í Norðurþingi.

Spildurnar voru úr jörðum í eigu ríkisins, Kópavogi og Digranesi. Átak í ræktun lands í Kópavogi var atvinnubótavinna í tíð kreppunnar miklu. Fólkið sem fluttist að og byggði upp bæinn var að stofni til ungt barnafólk. Svo mikið raunar að á tímabili innrituðust fleiri börn í skóla í Kópavogi en í gjörvallri Reykjavík. Þetta unga fólk og börn þess festu rætur og bærinn óx og dafnaði. Í dag fækkar fólki á barneignaraldri í bænum. Það er góð leið til að hola bæjarfélagið að innan að hrekja stofninn af framtíðarbæjarbúum burt.

Það hefur ekki farið fram hjá neinum að verkalýðsbarátta okkar daga hefur að miklu leyti, jafnvel umfram annað, snúið að húsnæðismálum. Með samkomulagi 2016 var almenna íbúðakerfinu komið á fót í samvinnu ríkis, sveitarfélaga og verkalýðshreyfingarinnar. Sama ár var flaggskip kerfisins, Bjarg íbúðafélag, stofnað af ASÍ og BSRB. Félagið er rekið sem sjálfseignarstofnun og sér um uppbyggingu íbúðahúsnæðis til leigu fyrir lágtekjufólk sem kemst ekki annars staðar að í húsnæði. Bjarg er óhagnaðardrifið og er leiga því á kostnaðarverði, án arðsemiskröfu. Aðkoma sveitarfélaga og ríkisins felst í svokölluðu stofnframlagi, langtímaláni sem fæst endurgreitt með hóflegum vöxtum og verðbótum eftir 50 ár.

Miðað er við að almenna kerfið grípi fólk í 3. og 4. tekjutíund; venjulegt vinnandi fólk sem ekki hefur tekjur til að leigja á almennum markaði svo við verði unað. Sami hópur og eignaðist heimili innan verkamannabústaðarkerfisins áður en kerfið var lagt af um síðustu aldamót. Bjarg býður þannig upp á vandað og öruggt húsnæði á mun lægri leigu en á markaði. Öllum reynslusögum ber þó saman um að það mikilvægasta við Bjarg sé húsnæðisöryggið, að geta eignast heimili án þess að eiga hættu á að leigusamningnum sé sagt upp með litlum fyrirvara. Að þurfa ekki að flytja og skipta um umhverfi með reglulegu millibili. Að geta fest rætur.

Í Kópavogi eru engar almennar íbúðir á vegum Bjargs, en um 500 Kópavogsbúar eru á biðlista eftir almennri leiguíbúð. Sveitarfélagið er það eina á höfuðborgarsvæðinu sem ekki hefur tekið þátt í uppbyggingu með Bjargi. Í febrúar hafnaði meirihlutinn í bæjarráði umsókn Bjargs um stofnframlag vegna byggingar á 24 íbúðum í Vatnsendahvarfi. Það er mikilvægt að undirstrika að umsókninni var ekki hafnað af praktískum ástæðum heldur hugmyndafræðilegum. Í bókun segir meirihluti bæjarráðs að meiri- og minnihluta greini á um leiðir að því markmiði að sem flestir geti eignast þak yfir höfuðið. „Sala á byggingarrétti á markaðsverði er sanngjarnasta leiðin til að tryggja að allir sitji við sama borð,“ er svar meirihlutans.

En markaðurinn hefur ekki boðið upp á lausnir fyrir þennan hóp og í Kópavogi hafa verið teknar ákvarðanir sem vinna gegn því að þessum hópi sé boðið upp á húsnæði sem hann ræður við. Ákvörðun um að úthluta byggingarrétti til hæstbjóðanda, til viðbótar við um 170% hækkun á gatnagerðargjöldum frá 2021, og skipulagsáherslum um að leyfa ítrekað breytingar á deiliskipulagi til að heimila uppbyggingu á stærri og dýrari íbúðum er hugmyndafræðileg ákvörðun um að gera ekkert til þess að mæta neyðinni á húsnæðismarkaði. Þessar stóru og dýru íbúðir seljast illa í dag og standa því meira eða minna tómar.

Á meðan ég óska Kópavogsbúum gleðilegs 1. maí vil ég minna aftur á að bærinn var byggður upp af ungu alþýðufólki sem komst ekki annars staðar að, sama hópi og er í dag neitað um þak yfir höfuðið á hugmyndafræðilegum grundvelli. Það er ágæt áminning um að baráttu verkalýðshreyfingarinnar um bætt kjör vinnandi fólks er hvergi nærri lokið. Samfylkingin í Kópavogi mun ekki skila auðu í þeirri baráttu.

Höfundur er oddviti Samfylkingarinnar í Kópavogi.

Kópavogur varð til í húsnæðiskreppu. Fólk á hrakhólum frá Reykjavík fékk úthlutaðar landsspildur til sjálfsþurftarbúskapar í móanum fyrir utan borgina. 

Urriðaholtið er fyrsta umhverfisvottaða hverfið á Íslandi. Ýmislegt er gert til að draga úr áhrifum byggðarinnar á hina dásamlegu og nærandi náttúru sem umlykur byggðina. Í hverfið vantar hinsvegar ýmsa nærþjónustu sem íbúar þurfa að sækja annað og hefur í för með sér aukna umferð og óþægindi og er úr takti við umhverfisáherslurnar. Samfylkingin í Garðabæ vill því auka og efla þjónustu innan hverfisins. Þau mál sem við setjum þar á oddinn eru:

Heilsugæsla í Urriðaholt. Strax verði hafnar formlegar viðræður við Ríkið um heilsugæslu í Urriðaholti. Í skipulagsgögnum er heilsugæsla sérstaklega nefnd sem hluti af fyrirhugaðri þjónustu á Háholtinu. Íbúar í Urriðaholti eru nú orðnir yfir 4000 og stefnir í að þeir verði nálægt 5000 þegar hverfið er fullbyggt. Samsetning íbúanna kallar á mikla þörf fyrir heilsuvernd, ungbarnaeftirlit og forvarnarþjónustu. Íbúafjöldinn ber heilsugæslustöð með 3-4 lækna og 1-2 hjúkrunarfræðinga. Þar mætti einnig vera þverfagleg þjónusta, félagsráðgjafi og sálfræðingur og lítill rannsóknarkjarni. Heilsugæslan í Garðabæ þjónar nú öllu sveitarfélaginu og er nálægt getuþaki.

Aðlaðandi og fjölbreytt útisvæði við sundlaug. Verið er að byggja litla innilaug við Urriðaholtsskóla og síðustu skilaboð eru að laugin eigi að vera opin almenningi. Til að þetta verði raunverulegur valkostur fyrir íbúa, foreldra sem vilja koma með börnin, eldri íbúa sem vilja synda aðeins og setjast síðan í pottinn, göngufólk sem vill mýkja sig upp eftir göngur, unglinga sem vilja hitta félagana og spjalla, þarf að gera útisvæðið aðlaðandi og fjölbreytt. Þar sjáum við fyrir okkur marga potta, gufubað, æfingatæki og aðstöðu til að njóta sólar.

Bókasafnsþjónusta. Ekki er nein bókasafnsþjónusta fyrir íbúa hverfisins önnur en skólabókasafnið sem sinnir grunnskólabörnum. Við viljum koma á bókasfnsþjónustu í hverfinu. Þar eru ýmsir valkostir eins og að efla og opna skólabókasafnið, koma upp útibúi frá bókasafninu í Garðabæ, pöntunarþjónustu eða bókabíl.

Við í Samfylkingunni í Garðabæ munum á næstunni kynna áherslur okkar fyrir bæjarbúum. Við erum búin að bretta upp ermar og erum tilbúin til verka.

Höfundur, Vilmar Pétursson, er íbúi í Urriðaholti og skipar 4. sæti á lista Samfylkingarinnar í Garðabæ fyrir komandi sveitastjórnakosningar.

Fyrir margt ungt fólk er fyrsta skrefið inn á markaðinn orðið óraunhæft. Það er ekki bara erfitt að safna fyrir útborgun til að komast í eigið húsnæði, heldur er erfitt að finna leiguhúsnæði á meðan safnað er.

Þetta er gríðarleg hindrun fyrir fólk sem vill setjast að í okkar góða bæjarfélagi og því er mikilvægt fyrir okkur að spyrja okkur: Hvernig ætlum við að halda í unga fólkið okkar ef það er hvorki hægt að leigja né kaupa? Það segir sig sjálft að bæjarfélagið getur ekki haldið áfram að vaxa nema að uppbygging húsnæðis fylgi með og ekki er einungis hægt að treysta á getu foreldra til að halda þaki yfir uppkomnum börnum sínum

Á sama tíma sitja eldri íbúar oft fastir í húsnæði sem hentar þeim ekki lengur. Ekki vegna þess að þeir vilji það, heldur vegna þess að það vantar raunhæfa valkosti til að minnka við sig. Þetta stoppar hreyfanleika á húsnæðismarkaði bæjarfélagsins.

Raunin er sú að hringrásin er brotin. Ungt fólk kemst ekki inn, eldra fólk kemst ekki út, og uppbyggingin er mörgum árum á eftir íbúafjölgun og brúar ekki bilið. Afleiðingin er stöðnun sem við höfum einfaldlega ekki efni á.

Lágtekjuhópar finna hvað mest fyrir þessu; einstæðir foreldrar, fólk í láglaunastörfum, öryrkjar, námsmenn sem eru að reyna að fóta sig á vinnumarkaði. Þetta er oft fólk sem heldur samfélaginu gangandi en situr fast í ótryggu húsnæði þar sem framtíðin er alltaf háð sölu eigna eða leigusamningi.

Því er löngu tímabært að horfa á húsnæðismál Ísafjarðarbæjar með nýjum augum. Ekki bara bíða eftir markaðurinn leysi málið, heldur skoða markvisst hvaða leiðir bæjarstjórn getur farið til að hraða uppbyggingu, auka framboð og tryggja að samfélagið haldi áfram að vera lifandi. Þetta krefst þess að við tökum ákvörðun um að gera hlutina öðruvísi.

Óhagnaðardrifin leigufélög bjóða upp á raunhæfan valkost; þar er markmiðið ekki að hámarka arð, heldur að tryggja stöðugt, öruggt og viðráðanlegt húsnæði til langs tíma. Slík uppbygging getur skapað þann fyrirsjáanleika sem vantar sárlega fyrir alla þá hópa sem eiga erfitt með að fóta sig á hefðbundnum markaði.

Þess vegna viljum við í Samfylkingunni í Ísafjarðarbæ leita samstarfs við óhagnaðardrifin leigufélög og félagasamtök við uppbyggingu húsnæðis í bæjarfélaginu.

Öflugt samfélag býður upp á fjölbreyttar leiðir í húsnæðismálum. Gerum það saman.

Höfundur er oddviti á lista Samfylkingarinnar í Ísafjarðarbæ.

Húsnæðisframboð er hornsteinn þess hvort samfélagið okkar haldi áfram að vaxa eða staðni og það er sannarlega tími til kominn að endurskoða húsnæðismál í Ísafjarðarbæ.

Á­skoranir Ísafjarðarbæjar í hús­næðis­málum

Komdu og fagnaðu baráttudegi verkalýðsins með okkur – dagur sem er jafnaðarfólki afar kær.

📅 Föstudaginn 1. maí
⏰ Kl. 12:00–14:00
📍 Kosningamiðstöðin - Hafnarstræti 5

Við bjóðum upp á:
☕ Heitt kaffi og gott spjall
🎈 Skemmtilegt fyrir börnin

Komdu við, eigum góða stund saman og njótum dagsins í góðum félagsskap 🌹

Að viðburði loknum fjölmennum við í kröfugöngu og sýnum samstöðu 💪

Stöndum vörð um velferðina – sjáumst! 🌹

Leit um „��"

3374 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3374 niðurstöður fundust við leit að „���������������������������������������������������"