Samfylkingin og annað félagshyggjufólk býður í kratagusukaffi á Uppstigningardag.

Hvar: Kajakfjaran, Neskaupstað
Hvenær: Fimmtudaginn 14. maí
Kl. 10:00

Kampavín og kokteilar með Samfylkingunni og öðru félagshyggjufólki

Við bjóðum ykkur velkomin á skemmtilegt kvöld með kampavíni, kokteilum og karaókí

 Kampavín og kokteilar
 Léttar veitingar
 Karaókí
 Gítarinn klár! taktu lagið með okkur
 Lofum miklu stuði

 Hvar? Tónspil í Neskaupstað
 Hvenær? Miðvikudaginn 13. maí kl. 20:00

Lífslíkur fram á efri ár hafa farið vaxandi um nokkurt skeið og er fjöldi fólks með heilabilunarsjúkdóma því ört vaxandi. Eins og staðan er í dag má gera ráð fyrir að þegar fólk greinist með heilabilun hafi hún verið byrjuð nokkru fyrr.

Meðal áhættuþátta í heilabilun er vanvirkni og félagsleg einangrun. Rannsóknir benda til að líkamleg og hugræn virkni hafi áhrif á bæði hugræna- og líkamlega getu fólks með byrjandi heilabilunarsjúkdóma og auki lífsgæði þeirra til muna. Einnig benda rannsóknir til að sérhæfð dagþjálfun fyrir fólk með heilabilun á miðlungs alvarlegu stigi auki lífsgæði þeirra, dragi úr álagi á aðstandendur og stuðli að bættum samskiptum innan fjölskyldu þeirra.

Sérhæfð þjálfun bæði fyrir þá sem greinast snemma á ævinni en einnig þá sem eldri eru, er því gríðarlega mikilvæg. Bæði þarf að grípa fólk þegar það greinist, veita fræðslu og stuðning til þeirra og fjölskyldunnar og hefja viðeigandi inngrip þegar við á. Meta þarf þjónustuþörf með gagnreyndum aðferðum, meta þörf fyrir endurhæfingu og þjálfun og setja slíkt af stað eins fljótt og hægt er. Það eykur líkur á að einstaklingurinn haldi sínu sjálfstæði sem lengst og lífsgæði séu sem mest.

Til að hámarka gæði þjónustu þarf hún að fara fram þar sem hennar er þörf, þegar hennar er þörf, vera sveigjanleg, endurmetin reglulega og aðlöguð að heilsu og breytilegum þörfum.  Huga þarf að því sérstaklega að umönnun og álag lendi ekki fyrst og fremst á aðstandendum og að aðstandendur fái nauðsynlegan stuðning og ráðgjöf. Heilabilunarráðgjöf, sérhæfð dagþjálfun, hvíldarinnlagnir með auknum  sveigjanleika og nýting velferðartækni heim getur skipt sköpum fyrir lífsgæði sjúklinga með heilabilun og aðstandenda þeirra.

Samþætting í þjónustu byggist á samvinnu og samhæfingu milli ábyrgðaraðila (ríkis og sveitarfélaga), fagfólks, hagsmunasamtaka og þjónustuþega. Samþætting á að tryggja samfellda þjónustu í samræmi við breytilegar þarfir einstaklinga, óháð því hvar þjónustan fer fram eða hver framkvæmir hana. Þannig á að koma í veg fyrir rof í þjónustu og tryggja að þjónusta sé hæfileg á hverjum tímapunkti. 

Unnið er nú þegar að samþættingu í þjónustu við aldraða í nokkrum sveitarfélögum undir slagorðinu ,,Gott að eldest”. Að mínu mati er ekki eftir neinu að bíða hvað það verkefni varðar á Akureyri og mikilvægt að hefja þátttöku í því sem fyrst. Enda gerir verkefnið ráð fyrir að unnið sé í skrefum að því að full samþætta þjónustuna. Í sama anda ætti að vinna að samþættingu þjónustu við fólk með heilabilun og skylda sjúkdóma. Þannig stuðlum við sem samfélag að auknu öryggi og lífsgæðum og að fólk með heilabilun geti búið lengur heima ef það vill og getur, án þess að það lendi aðallega á þeirra nánustu. 

Það er alveg ljóst að fólk sem greinist með heilabilun og þeirra aðstandendur þurfa strax eftir greiningu að fá sérhæfða ráðgjöf. Einnig er gríðarlega mikilvægt að fólk fái ráðgjöf og leiðbeiningar til að viðhalda virkni og hugrænni getu í framhaldinu. Þegar sjúkdómurinn ágerist þarf fólk svo að komast í sérhæfða dagþjálfun fyrir fólk með heilabilun og tengda sjúkdóma. Hvíldarinnlagnir þurfa að bjóðast og það þyrfti að vera hægt að stunda dagþjálfun samhliða slíkum innlögnum, ef þörf er á. Þetta þarf svo að samþætta þeirri þjónustu sem þarf heim, hvort sem hún er tímabundin eða til lengri tíma.

Samvinna sveitarfélaga og ríkis er grundvallaratriði hvað ofangreinda þjónustu varðar. Á landsbyggðinni er sérlega mikilvægt að fólk í sveitastjórnum sé í forustu fyrir samvinnu, og þrýsti á um samstarf við ríkisvaldið um samþættingu þjónustu við fólk með heilabilun og skylda sjúkdóma, sama á hvaða aldri þeir eru.

Við í Samfylkingunni lítum þannig á að samþætta þurfi faglega þjónustu bæði við aldraða almennt, aldraða með heilabilunarsjúkdóma en einnig fyrir vaxandi hóp yngra fólks sem greinist með heilabilun og skylda sjúkdóma. Við leggjum áherslu á sérhæfða ráðgjöf fyrir fólk með heilabilunarsjúkdóma og aðstandendur þeirra og að unnið verði markvisst að sérhæfðri þjálfun eins fljótt og auðið er.

Höfundur er Anna Sigga Jökuls Ragnheiðardóttir, sálfræðingur í geðheilsuteymi fullorðinna og starfar fyrir Alzheiumersamtökin. Hún skipar 15. sætið á lista Samfylkingarinnar á Akureyri.

Tíðni heilabilunar er talin vera um 2% hjá 65 ára fólki og tvöfaldast á hverjum fimm árum eftir það, fram undir nírætt þegar um þriðjungur er talin vera með heilabilun af einhverjum toga.

Náttúran, grænu svæðin, blómin og samheldið samfélag eru meðal helstu styrkleika bæjarins. Þeir sem verða kosnir í bæjarstjórn verða að takast á við vöxt bæjarins af ábyrgð og mikilvægt er að uppbygging samfélagsins verði bæði skynsöm og sjálfbær.

Skipulagsmál byggi á virku samtali við íbúa

S-listinn leggur áherslu á að þróun bæjarins byggi á skýrri framtíðarsýn þar sem innviðir, þjónusta og skipulag haldast í hendur við íbúafjölgun. Við viljum ekki hraða uppbyggingu án þess að skólar, leikskólar, umferðarmál, íþróttir, tómstundir og önnur grunnþjónusta fylgi með. Skipulagsmál þurfa að byggja á fagmennsku og virku samtali við íbúana.

Við ætlum að tryggja að börn og ungmenni búi við öryggi og styðjandi umhverfi þar sem áhersla er lögð á góða skóla, öflugt frístundastarf og jöfn tækifæri til þátttöku og þroska. Jafnframt þarf að hlúa að eldra fólki með góðri heimaþjónustu og enn fleiri tækifærum til þátttöku í samfélaginu svo fólk geti búið við öryggi og góð lífsgæði á efri æviárum.

Traust og ábyrg stjórnsýsla er forsenda fyrir heilbrigðu samfélagi. Rekstur bæjarfélagsins þarf að einkennast af ráðdeild, gagnsæi og skýrri forgangsröðun. Fjármunum bæjarins þarf að verja af ábyrgð þannig að þeir nýtist sem best til að efla þjónustu og bæta lífsgæði íbúa. Það skiptir máli að ákvarðanir séu alltaf teknar á faglegum grunni og að upplýsingagjöf til íbúa sé opin og aðgengileg.

S-listinn vill efla faglega stjórnsýslu bæjarins þannig að hún sé vel í stakk búin til að mæta auknum verkefnum og þjónustuþörf samhliða vexti samfélagsins. Fagleg stjórnsýsla tryggir stöðugleika, eykur traust milli íbúa og bæjaryfirvalda og gerir sveitarfélaginu kleift að bregðast hratt og vel við þörfum íbúa og atvinnulífs.

Samfélag þar sem fólk finnur fyrir öryggi og samheldni

Við á S-listanum ætlum að byggja upp samheldið samfélag þar sem fólk finnur fyrir öryggi. Þess vegna þarf að hlúa að menningu, íþróttum, frístundastarfi og grænum svæðum samhliða annarri uppbyggingu. Það eru ekki aðeins húsin sem skapa góðan bæ — heldur fólkið, þjónustan og bæjarbragurinn.

Framtíð Hveragerðis á að byggjast á ábyrgri uppbyggingu, faglegri stjórnsýslu og skýrri sýn á það hvernig bærinn þróast á næstu árum. S-listinn ætlar að vinna með íbúum að þeirri framtíðarsýn af miklum metnaði fyrir hönd allra sem hér búa.

S-listinn í Hveragerði óskar eftir stuðningi þínum 16. maí næstkomandi.

Greinarhöfundar skipa forystusæti S-listans í Hveragerði. Birgitta Ragnarsdóttir er í 1. sæti og Þorsteinn Hjartarson í 2. sæti.

Á undanförnum árum hefur Hveragerði vaxið hratt og laðað til sín nýja íbúa sem vilja njóta þeirra lífsgæða sem bærinn hefur uppá að bjóða.

Á­byrg upp­bygging og sam­heldið sam­félag í Hvera­gerði

Kosningavaka Samfylkingarinnar í Kópavogi verður haldin á Catalínu, Hamraborg 11, á laugardagskvöldið.

Veislan hefst kl. 21:00.
Kosningasjónvarpið fer í loftið kl. 21:45 og fyrstu tölur eru að birtast á skjánum í kringum miðnætti.

Kópavogur er tilbúinn fyrir nýja forgangsröðun í þágu íbúa og við hlökkum til vorsins.

Stefnan byggir á vinnu og málflutningi jafnaðarfólks í bæjarstjórn á kjörtímabilinu og fjölbreyttu samráði við íbúa, atvinnulíf og félagasamtök. 

Á næstu fjórum árum ætlum við að setja málefni barna og ungmenna í fyrsta sæti með því að lækka kostnað barnafólks og einfalda daglegt líf þess. Jafnframt munum við leggja sérstaka áherslu á velferð og líðan barna og ungmenna í bænum. 

Við ætlum að hlúa að fólkinu sem byggði bæinn. Í þeim efnum er það grundvallarmarkmið hjá okkur að styðja við virkni eldra fólks með fjölbreyttum hætti og koma þannig í veg fyrir félagslega einangrun.

Lykilverkefni í samgöngumálum verða sett í forgangi hjá okkur á næsta kjörtímabili. Hafnfirðingar vita það manna best að í þeim málum er verk að vinna. 

Við meinum  það sem við segjum og þess vegna tímasetjum við lykilmál í stefnuskrá okkar: 

Frítt verður í strætó fyrir börn og ungmenni að 18 ára aldri frá og með 1. júlí nk. 

Frístundastyrkurinn verður hækkaður í 75. þús. kr. frá og með 1. september nk. 

Uppbygging lífsgæðaíbúða fyrir eldra fólk á Sólvangssvæðinu verður hafin í október á þessu ári. 

Eftirfarandi mál munum við svo setja af stað strax að loknum kosningum: 

Styðja við velferð og geðheilbrigði barna og ungmenna með því að auka sálfræðiþjónustu og stoðþjónustu í skólum og draga markvert úr biðlistum eftir þjónustu. 

Tryggja löngu tímabæra fjölgun hjúkrunarrýma á þeim svæðum þar sem ný hjúkrunarheimili hafa verið í undirbúningi, í Hamranesi, Hrafnistu og Vatnshlíð. 

Hefja þegar í stað viðræður við yfirvöld um að flýta bráðnauðsynlegum samgönguúrbótum á Reykjanesbraut frá N1 hringtorgi að Kaplakrika, við Suðurhöfn og Flóttamannavegi. 

Knýja á um uppfærslu Samgöngusáttmála höfuðborgarsvæðisins þannig að Borgarlína nái til Suðurhafnar í sérrými í ljósi komu nýs Tækniskóla á svæðið. 

Ráðast í kraftmiklar aðgerðir í húsnæðismálum með því að stórauka samstarf við óhagnaðardrifin leigufélög og bjóða upp á fjölbreytt og hagkvæmt húsnæði. 

Hefja þegar í stað undirbúning stækkunar Tónlistarskóla Hafnarfjarðar og setja af stað vinnu vegna nýs menningarhúss. 

Við erum tilbúin og ætlum að láta verkin tala í þágu bæjarbúa!

Höfundur er bæjarfulltrúi og skipar 3. sætið á lista Samfylkingarinnar í Hafnarfirði.

Það er þörf á breytingum í Hafnarfirði og Samfylkingin er tilbúin til verka á grunni vandaðrar og ítarlegrar stefnuskrár sem nú hefur verið birt á vef okkar. Þar nálgumst við viðfangsefnin af skilningi og raunsæi.

Kosningavaka Samfylkingarinnar í Reykjavík verður haldin í Austurbæjarbíói á laugardagskvöldið. Veislan hefst kl. 21:00.

Kosningasjónvarpið fer í loftið kl. 21:45 og fyrstu tölur eru að birtast á skjánum í kringum miðnætti.

Reykjavík er frábær borg en hana má alltaf bæta.
Tryggjum breytingar með jafnaðarmennsku! Við viljum ekki sjá harða hægri beygju í borginni okkar.

Með hjartað á réttum stað fyrir Skagaströnd

Kosningastefna Samfylkingar og óháðra á Skagaströnd

Samfylkingin og annað félagshyggjufólk býður í pizzuveislu á Café Cosý á Reyðarfirði.

Logi Einarsson, menningar-, nýsköpunar- og háskólaráðherra verður hjá okkur.

Hvar: Café Cosý
Hvenær: Þriðjudaginn 12. maí
Klukkan: 18:00
Píla

Á okkar vakt hafa átta nýir leikskólar opnað um alla borg og við erum með skýra áætlun um að byggja átta til viðbótar næstu árin og bæta við 1500 nýjum leikskólarýmum.Samhliða því þarf að auka enn fjármagn í viðhald og endurbætur núverandi leikskóla og við viljum auka það fjármagn um 10 milljarða á næsta tímabili. Við erum líka eini flokkurinn sem talar skýrt um að vilja setja 2,4 milljarða á næstu 4 árum í að bæta mönnun og starfsumhverfið í leikskólunum okkar.Það eru miklar áskoranir í leikskólamálunum enda borgin að stækka hratt og þarfir ungbarnaforeldra miklar og metnaðarmál að mæta þeim eftir bestu getu. En það er lykilatriði að gott jafnvægi sé á milli þess annars vegar að bæta húsakost og innviði leikskólanna og hins vegar að hlúa vel að starfsfólkinu sem ber hið metnaðarfulla fagstarf og menntunarhlutverk leikskólanna á herðunum.Það hefur verið og verður áfram leiðarljós okkar jafnaðarmanna í þessum mikilvæga málaflokki.

Loksins ríkisstjórn sem styður leikskólana

Ríkisstjórnin undir forystu Samfylkingarinnar hefur takið af skarið með að vilja styðja við bakið á leikskólunum með lögfestingu leikskólastigsins og sömuleiðis lögfesta rétt barna til leikskólavistar. Kristrún Frostadóttir forsætisráðherra hefur boðað að ríkið sé tilbúið að komið að fjármögnun leikskóla í samvinnu við sveitarfélögin og er það mikið fagnaðarefni því þannig má efla enn frekar innviði leikskólanna og bæta starfsumhverfið. Það er ekki tilviljun að ríkisstjórnin opnar faðminn gagnvart leikskólunum á vakt Samfylkingarinnar.

Við viljum byggja leikskóla í grænu og fallegu umhverfi þar sem börnin hafa fjölbreytta möguleika til að hreyfa sig og leika úti. Þess vegna munum við opna nýjan leikskóla í Elliðaárdal í haust fyrir um 130 börn og annan í Fossvogsdalnum á næsta ári fyrir um 180 börn. Í þriðja lagi viljum við byggja leikskóla á Klambratún og nýta þar reit sem nú hýsir hverfisstöð borgarinnar til að þjóna leikskólabörnum á einu fallegasta útivistarsvæði borgarinnar þar sem eru fjölmörg tækifæri til fjölbreyttrar útivistar, hreyfingar og leikja. Leikskóli á Klambratúni er eitt sjö nýrra verkefna sem borgarráði samþykkti sl. fimmtudag að taka inn í aðgerðaáætlun Brúum bilið um leikskólauppbyggingu í borginni.

Til viðbótar verða svo byggðir leikskóla í Arnarbakka í Breiðholti, við Hlíðarenda og Nauthólsveg, í Miðborg, Völvufelli og Safamýri að ógleymdu nýju leikskólahúsnæði sem verður sérhannað til að mæta nútímalegum þörfum leikskólanna Laugasól og Sunnuás í Laugardal í stað húsnæðis sem komið er til ára sinna og borgar sig ekki að gera við.

Til viðbótar þessu erum við að stækka leikskóla með nýjum húsum sem fjölga deildum um eina eða fleiri.Þær deildir eru við leikskóla í Vesturbæ, Grafarvogi, Hlíðum, Ármúla, Breiðholti, Fossvogi, Grafarholti, Árbæ, Miðborg, Háaleiti og Laugardal.

Í kosningunum á laugardaginn er meðal annars kosið um leikskólamál. Hægri flokkarnir vilja heimgreiðslur sem grafa undan kynjajafnrétti og fyrirtækjaleikskóla sem mismuna börnum eftir stöðu foreldra þeirra á vinnumarkaði. Ef þú vilt leikskóla þar sem öll börn hafa jafnan aðgang, áframhaldandi uppbyggingu vandaðra leikskóla í fallegu umhverfi og stöðugar umbætur í vinnuumhverfi starfsfólks og barna - þá er Samfylkingin rétti kosturinn fyrir þig. X-S!

Höfundur er frambjóðandi og borgarfulltrúi Samfylkingarinnar.

Samfylkingin hefur leitt leikskólauppbygginguna í borginni undanfarin átta ár og vill halda því áfram af fullum krafti.

Sam­fylkingin vill byggja átta nýja leik­skóla og bæta mönnun

Leit um „��"

3372 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3372 niðurstöður fundust við leit að „���������������������������������������������������"