Mörgum er tíðrætt um geðheilbrigðismál í kosningum. Auðvelt er að slengja fram fullyrðingum um að bæta þurfi geðheilbrigðiskerfið á Íslandi. Þegar komið er inn í kjörklefann er hins vegar gott að spyrja sig hvaða flokkur hefur trúverðugleika þegar kemur að því að leggja fram lausnir sem raunverulega munu bæta kerfið, lausnir sem virka, en ekki bara frasa sem hljóma vel.

Rauði þráðurinn í stefnu Samfylkingarinnar og „planinu“ fyrir komandi kosningar er að byggja á gagnreyndri þekkingu. Lausnum sem virka. Við vitum að gagnreynd sálfræðimeðferð skilar árangri þegar kemur að algengum og vægum geðröskunum. Við vitum líka að snemmtæk íhlutun getur haft jákvæð fyrirbyggjandi áhrif og komið í veg fyrir örorku síðar á lífsleiðinni þegar kemur að alvarlegri geðröskunum. Á þeirri hugmyndafræði byggir Bergið Headspace, kostnaðarlaus lágþröskuldaþjónusta fyrir ungt fólk sem einblínir á snemmtæka íhlutun. Á þeirri hugmyndafræði byggir einnig Laugarásinn, sem er sérhæfð snemmtæk íhlutun fyrir ungt fólk með geðrofssjúkdóma á byrjunarstigi. Þessa þjónustu viljum við byggja upp af enn meiri krafti í samvinnu við fagaðila.

Við teljum mikilvægt að styrkja fyrsta stigs-, annars stigs- og þriðja stigs þjónustu. Ein aðgerð mun ekki duga til að styrkja geðheilbrigðismál á Íslandi. Því viljum við styrkja heilsugæslustöðvar með því að auka aðgengi að sálfræðiþjónustu þar. Það felur ekki í sér að verkefnum verði hlaðið á heilsugæslustöðvar, einstaklingar þurfi áfram að bíða vikum saman eftir því að hitta lækni, sem síðar sendir tilvísun í sálfræðiviðtal sem aftur krefst margra vikna og jafnvel mánaða biðar. Við viljum leysa þetta - og útrýma því að tilvísunar er þörf frá lækni til þess að hægt sé að veita sálfræðiþjónustu á heilsugæslu, enda hafa rannsóknir sýnt fram á árangur sjálfstilvísana til sálfræðinga. Þá þarf að fjölga verulega sálfræðingum á heilsugæslum landsins, enda á þér ekki að vera mismunað út frá því hvar þú býrð með tilliti til þess hvort möguleiki sé á að þú fáir sálfræðiþjónustu.

Geðheilsuteymi heilsugæslunnar hafa verið í þróun síðastliðin tuttugu ár og eru mjög eftirsótt viðbót við geðheilbrigðiskerfið. Teymin ná hins vegar ekki að anna þeirri eftirspurn eða þeirri þörf sem til staðar er. Við viljum efla geðheilsuteymin þannig að aðgengi verði jafnara um allt land, og þannig að þau haldi í við þá eftirspurn og þörf sem er til staðar. Samfylkingin hefur stutt niðurgreiðslu á sálfræðiþjónustu í gegnum Sjúkratryggingar Íslands. Tryggja þarf á sama tíma að gæðaeftirlit sé virkt, að kerfin tali betur saman og að fjármagn sé vel nýtt og fylgi þörf. Þá þarf að endurskoða núverandi samning Sjúkratrygginga Íslands við sálfræðinga, fjölga þeim sjúkdómsgreiningum og geðröskunum sem hann tekur til og tryggja að SÍ hafi jafnframt bolmagn til þess að sinna því eftirliti sem ætlast er til af stofnuninni. Þetta á við um alla heilbrigðisþjónustu sem samið er um í gegnum SÍ.

Í íslensku heilbrigðiskerfi eru færri sálfræðingar á sjúkrahúsum en gengur og gerist í samanburðarlöndum. Úr þessu viljum við bæta. En það sem er mikilvægast af öllu er að uppbyggingu nýs geðsjúkrahúss verði hraðað eins og kostur er. Fyrir þessu hefur Samfylkingin barist á Alþingi í mörg ár og lagt fram þingsályktunartillögu um uppbyggingu geðspítala. Þetta fjárfestingarverkefni getur ekki mætt afgangi. Nýlega heimsóttum við Klepp þar sem uppbygging nýrrar öryggisgeðdeildar var stöðvuð í miðjum klíðum vegna skorts á fjármagni. Úr þessu viljum við bæta – og það krefst pólitísks vilja, forgangsröðunar og skilnings sem við búum yfir í Samfylkingunni.

Ljóst er að geðheilbrigði stýrist ekki aðeins af þeirri þjónustu sem er veitt, heldur einnig af félagslegum aðstæðum fólks og þar hefur ríkisvaldið mikið að segja. Síðastliðin ár hafa úrræði, til að mynda fyrir börn með fjölþættan vanda, verið lögð niður trekk í trekk en ekkert komið í staðinn. Mörg sveitarfélög hafa átt erfitt með að fjármagna slík úrræði en ríkið hefur ekki komið til móts við þau í nægilega miklum mæli. Úrræði sem þessi eru kostnaðarsöm til styttri tíma en hafa sýnt gríðarlegan ábáta fyrir samfélagið til lengri tíma. Þau hafa ekki verið byggð upp í takt við þörf, en ljóst er að þörfin hverfur ekki.

Við í Samfylkingunni viljum tryggja fjármögnun slíkra úrræða – enda er ljóst að skaðinn getur orðið mikill ef einstaklingar með fjölþættan félagslegan og geðrænan vanda fá ekki þá félagslegu aðstoð sem þörf er á. Það er alveg ljóst að varanleg rekstrarútgjöld til eflingar geðheilbrigðisþjónustu eða félagslegri þjónustu verða ekki fjármögnuð með sölu á eignum eða með meiriháttar niðurskurði í annarri velferðarþjónustu.

Samfylkingin er til þjónustu reiðubúin fáum við til þess umboð í komandi kosningum 30. nóvember. Þar er margt undir – en við höfum þá þekkingu, reynslu og innsýn sem þarf til þess að koma breytingum á í geðheilbrigðiskerfinu.

Ragna Sigurðardóttir, læknir skipar 2. sæti á lista  Samfylkingarinnar í Reykjavíkurkjördæmi Suður

Sigurþóra Bergsdóttir, stofnandi og framkvæmdastjóri Bergsins-Headspace,  skipar 4. sæti á lista Samfylkingarinnar í Reykjavíkurkjördæmi Suður

Geð­veikir frasar – en það þarf að vera plan!

Framundan er sögulegt tækifæri til breytinga til hins betra á Íslandi. Á laugardaginn gengur þjóðin að kjörborðinu og tekur ákvörðun um hvernig landinu verður stýrt næstu árin. Þessar kosningar munu snúast um það hvaða flokkur er líklegastur til að tryggja að alvöru breytingar verði gerðar. Breytingar sem þjóðin kallar eftir.

Undanfarin tvö ár höfum við í Samfylkingunni átt í virku samtali við fólk og fyrirtæki um allt land. Við höfum lagt við hlustir og boðum nú nýtt upphaf. Við munum negla niður vexti, laga heilbrigðiskerfið og laga Ísland. Hljóti Samfylkingin til þess nægilega sterkt umboð í komandi kosningum munum við tryggja að ráðist verði í þessar nauðsynlegu breytingar. Sterk Samfylking tryggir breytingar.

Til að koma á þessum breytingum sem kallað er eftir þarf sterka verkstjórn. Samfylkingin býður fram verkstjóra til þess verkefnis í Kristrúnu Frostadóttur. Konu sem kannanir sýna ítrekað að þjóðin treystir best til að standa í stafni þjóðarskútunnar næstu ársins. Svo að svo megi verða verða þessir sömu að setja x við s á kjördag.

Valkostirnir í kosningunum á laugardaginn kemur eru skýrir. Sömu flokkar og hafa skapað glundroðann og kyrrstöðuna sem við sitjum uppi með. Stífar hægri áherslur með samsvarandi niðurskurði og aðför að velferðarkerfunum okkar og enn meiri ójöfnuðu. Eða sterk og stór Samfylking, öflug og skilvirk ríkisstjórn sem setur velferð, jöfnuð og uppbyggingu á oddinn.

Höfundur skipa fjögur efstu sæti Samfylkingarinnar í Norðausturkjördæmi.

Samfylkingin býður í grillpartý föstudagskvöldið 29. nóvember.
Geggjaðir börgerar og með því!

Allir velkomnir í Samfylkingargleðina að Sunnuhlíð 12.

Í vor var íbúakosningu um skipulagstillögur vegna mölunarverksmiðju Heidelberg og nýrrar hafnar við Þorlákshöfn frestað vegna alvarlegra athugasemda sem gerðar voru af hálfu forsvarsmanna landeldisfyrirtækisins First Water. Ástæðan sú að meirihluti bæjarstjórnar Ölfuss taldi nauðsynlegt að framfylgja rannsóknareglunni og leiða fram sannleikann um áhyggjur First Water. Heidelberg fékk því það hlutverk að láta rannsaka áhyggjurnar.

Nú stendur til að íbúar Ölfuss kjósi um fyrrnefnda mölunarverksmiðju og hafnarframkvæmdir samhliða þingkosningum. Fiskeldisfyrirtæki gegna lykilhlutverki í efnahagslegum vexti svæðisins og stuðla að sjálfbærri próteinframleiðslu og nýsköpun. Hins vegar getur stöðugur titringur, mengun og mikill hávaði frá mölunarverksmiðju haft veruleg áhrif á þessi fyrirtæki framtíðaruppbyggingu þeirra.

Verkfræðifyrirtækið COWI skilaði skýrslu í byrjun nóvember sem gerð var til að svara þeim alvarlegu athugasemdum sem First Water gerði við fyrirhugaða mölunarverksmiðju sem staðsetja á nánast við hlið fyrirtækisins við Laxabraut í Þorlákshöfn. Var skýrslan stíluð á Heidelberg á Íslandi. Beindust athugasemdir First Water m.a. að stöðugum titringi sem stafar af starfsemi slíkrar verksmiðju og neikvæðum áhrifum sem slíkur titringur hefur á vaxtaskilyrði eldisfiska og gæði afurða auk fleiri alvarlegra þátta.

Í skýrslu COWI virðist fyrst og fremst hafa verið tekið mið af áhrifum verksmiðjunnar á íbúa Þorlákshafnar en í miklu mun minna mæli á starfsemi landeldisfyrirtækja sem liggja steinsnar frá fyrirhugaðri verksmiðju.

Rannsóknir sýna að stöðugur titringur getur haft neikvæð áhrif á vöxt, heilsu, streitu og afurðagæði fiska í landeldi. Slíkar aðstæður geta raskað lífeðlisfræðilegri starfsemi fiska, þar með talið ónæmiskerfi þeirra og næringarupptöku. Skert ónæmi eykur viðkvæmni fiska fyrir sjúkdómum, sem getur haft alvarlegar afleiðingar fyrir framleiðslu og afkomu fyrirtækjanna. Samhliða getur minni vaxtarhraði leitt til lægri afurðagæða og framleiðslu, sem skerðir hagkvæmni landeldisins og getur sett frekari áform um uppbyggingu í uppnám.

Auk þess getur stöðugur titringur haft áhrif á vatnsgæði í kerfum landeldisstöðva. Rannsóknir hafa sýnt að truflun af þessum toga getur raskað hreinsunarkerfum, valdið óstöðugleika í efnajafnvægi og leitt til skemmda á búnaði til lengri tíma litið. Þetta eykur viðhaldskostnað og skapar hættu á óvæntum bilunum sem geta ógnað rekstraröryggi hjá landeldisfyrirtækjum.

Þessir þættir voru ekki skoðað af hálfu verkfræðifyrirtækjanna.

Hávaðamengun og skaðleg áhrif á landeldi

Hávaði er annar þáttur sem hefur skaðleg áhrif á landeldisrekstur. Hávaði getur valdið viðvarandi streitu hjá fiskum, sem hefur áhrif á líðan þeirra og heilsu. Langtímastreita hjá fiskum líkt og öðrum lífverum hefur neikvæð áhrif á vaxtarskilyrði þeirra og gæði afurða. Ekki var skoðað í skýrslu COWI hversu mikill hávaði muni berast frá rekstri mölunarverksmiðjunnar til eldisstöðvanna. Ekki var tekið mið af endurkasti hljóðs frá byggingunni sjálfri. Mælingar sem gerðar voru á núverandi umhverfisaðstæðum m.t.t. hávaða eru því ómarktækar hvað varðar áhrif á rekstur landeldisfyrirtækjanna.

Norska úttektarfyrirtækið DNV (Det Norske Veritas) gerði úttekt á öryggi og aðstæðum vegna nýrrar hafnar í Keflavík við Þorlákshöfn, en Heidelberg gerir ráð fyrir um 25 flutningaskipum í viku, bæði með aðflutningi hráefnis og útflutningi afurða. Enda stendur til að mylja niður og flytja út heilt fjall og enn stærri hluta af sjávarbotni á viðkvæmu hrygningarsvæði við Landeyjarhöfn.

Vegagerðin hefur varað við því að aðstæður fyrir nýja höfn á þessu svæði séu mjög varasamar. Þar sé hafnarstæðið ekki náttúrulegt og há alda nái langt inn á víkina sem geri aðstæður mjög erfiðar. Þungaflutningar í þessa fyrirhuguðu höfn auka hættu á strand- og olíuslysum, með „mjög alvarlegum afleiðingum“ samkvæmt skýrslu DNV.

DNV taldi líkur á slysum vissulega ekki miklar – en það vekur þó athygli að þær líkur eru einungis reiknaðar útfrá umferð og meðaltali sjóslysa í heiminum heilt yfir en ekki út frá þeim varasömu aðstæðum sem geta myndast á þessu erfiða hafnarsvæði. Þó svo að deila megi um líkur á sjóslysum í höfninni þá myndi olíumengun að völdum slíks skips hafa gríðarlega alvarleg áhrif á umhverfið sem og rekstur First Water sem sækir jarðsjó og ferskvatn úr jörðu á þessu svæði til landeldisins.

Græn ímynd Ölfuss og Íslands í hættu

Ísland er í einstakri stöðu til þess að skapa sér sérstöðu í sölu og markaðssetningu á landeldisfiski á alþjóðavísu. Sterkt orðspor Íslands, græn orka og aðgengi að góðum vatnsgæðum og hreinu umhverfi eru lykilatriði þegar kemur að sölu á hágæða próteini um heim allan.

Fyrirætlanir um mölunarverksmiðju Heidelberg í Þorlákshöfn teflir í tvísýnu þeim miklu hagsmunum sem undir eru og mun, til lengri tíma litið, skaða ímynd Ölfus sem leiðandi sveitarfélags þegar kemur að grænni atvinnuuppbyggingu og framleiðslu á hágæða matvælum fyrir heimsmarkaðinn.

Höfundur er frambjóðandi í 2. sæti á lista Samfylkingarinnar í Suðurkjördæmi og bæjarfulltrúi í Ölfusi.

Áætlanir um byggingu mölunarverksmiðju stórfyrirtækisins Heidelberg í nágrenni landeldisstöðva í Ölfusi hafa vakið áhyggjur um neikvæð áhrif á rekstur fiskeldisfyrirtækja og uppeldisaðstæður eldisfiska.

Mölunar­verk­smiðja eða um­hverfis­væn mat­væla­fram­leiðsla

Við í Samfylkingunni gerum kröfu um góða hegðun, þess vegna höfum við sett okkur siðareglur og stefnu gegn hverskyns einelti og áreiti, við höfum einnig ákveðið verklag til að taka á slíkum málum komi þau upp.

Við viljum að öllum líði vel og flokksmenn starfi að heilindum og háttvísi, séu sér og öðrum til sóma í hvívetna.

Ef eitthvað kemur upp á má senda hverskyns ábendingar og erindi á trunadur@samfylking.is

Í trúnaðarnefnd sitja:
Björn Þór Rögnvaldsson lögfræðingur, formaður
Valgerður Halldórsdóttir
Ragnheiður Sigurjónsdóttir

Trúnaðarmenn flokksins eru:
Hildur Rós Guðbjargardóttir, varaforðmaður framkvæmdastjórnar
Arna Lára Jónsdóttir, ritari Samfylkingarinnar og bæjarstjóri á Ísafirði

Samfylkingin býður í vöfflur og kaffi á kjördag á kosningaskrifstofu Samfylkingarinnar í Reykjanesbæ, við Tjarnargötu 3. Öllum er velkomið að kíkja við, næla sér í heitar vöfflur og spjall með því.

UJ kynnir: Kosningaparty Ungs jafnaðarfólks á HAX

Kristrún Frostadóttir, formaður Samfylkingarinnar, Inga Sæland, formaður Flokks fólksins og Þorgerður Katrín Gunnlaugsdóttir, formaður Viðreisnar kynntu stjórnarsáttmála og nýja ríkisstjórn í dag. Fyrr um daginn hafði þingflokkur Samfylkingarinnar fundað og samþykkt tillögu formanns að ráðherraskipan. Stjórnarsáttmáli og tillaga að ráðherraskipan var svo samþykkt með öllum greiddum atkvæðum á flokksstjórnarfundi.

Ráðherrar Samfylkingarinnar verða eftirfarandi:

Kristrún Frostadóttir verður forsætisráðherra.

Logi Einarsson verður menningar- nýsköpunar- og háskólaráðherra.

Jóhann Páll Jóhannsson verður umhverfis-, orku- og loftslagsráðherra

Alma D. Möller verður heilbrigðisráðherra.

Forseti þingsins verður Þórunn Sveinbjarnardóttir.

Kristrún verður forsætisráðherra í nýrri ríkisstjórn Samfylkingar, Viðreisnar og Flokks fólksins

1. Kynning og umræður: Formaður kynnir tillögu að stefnuyfirlýsingu ríkisstjórnar Samfylkingar, Viðreisnar og Flokks fólksins ásamt tilnefningu þingflokks Samfylkingarinnar að ráðherralista Samfylkingarinnar.

Tillaga að stefnuyfirlýsingu ríkisstjórnar með þátttöku Samfylkingarinnar borin upp til staðfestingar með atkvæðagreiðslu,  sbr. c-lið greinar 7.04 laga Samfylkingarinnar.

Tilnefning þingflokks að ráðherralista flokksins við stjórnarmyndun borin upp til staðfestingar með atkvæðagreiðslu, sbr. d-lið greinar 7.04 laga Samfylkingarinnar.

 Skráning á fundinn hér: https://forms.gle/doxZPXPBJ7nsvEEo8

Fundur flokksstjórnar er opinn öllu félagsfólki Samfylkingarinnar á meðan húsrúm leyfir. Ef fleiri mæta en húsrúm leyfir hafa flokksstjórnarfulltrúar forgang. Athugið að einungis flokksstjórnarfulltrúar hafa atkvæðisrétt á fundinum.

Eftirfarandi aðilar eiga sæti í flokksstjórn með fullum atkvæðisrétti: 

b. þrjátíu og einn fulltrúi kjörnir af kjördæmisráðunum (sbr. gr. 9.14),

c. þrjátíu fulltrúar kjörnir á landsfundi,

d. Alþingismenn og sveitarstjórnarfulltrúar Samfylkingarinnar – jafnaðarflokks Íslands enda séu þeir jafnframt félagar í Samfylkingunni – jafnaðarflokki Íslands,

e. formenn kjördæmis- og fulltrúaráða,

Aðalmönnum ber að tilkynna forföll og varamann í sinn stað fyrir kl. 18:00 föstudaginn 20. desember með því að svara þessum pósti. Kjörstjórn úrskurðar um gildi varamanna. Tilkynningar um varamenn sem berast eftir auglýstan tíma verða ekki teknar til greina. Ekki verður hægt að gefa sig upp sem varamann á fundinum.

Boðað er til flokksstjórnarfundar Samfylkingarinnar – jafnaðarflokks Íslands laugardaginn 21. desember kl. 10:00 í Tjarnarbíói, Tjarnargötu 12, Reykjavík. 

Örugg heilbrigðisþjónusta óháð búsetu er réttlætismál fyrir okkur í Samfylkingunni. Hér á Norðausturlandi kallar það á markvissar aðgerðir til að tryggja öruggan rekstrargrundvöll heilbrigðisstofnana í kjördæminu. Samfylkingin leggur ríka áherslu á að sækja fram í þessum málaflokki og tryggja að íbúar landsbyggðarinnar njóti á engan hátt lakari heilbrigðisþjónustu en þeir sem búa á Höfuðborgarsvæðinu.


Þegar sekúndur skipta máli þá er nauðsynlegt að efla sjúkraflug og sjúkraflutninga til að stytta biðtíma og auka öryggi þeirra sem þurfa á bráðri þjónustu að halda. Á sama tíma þarf að tryggja að Reykjavíkurflugvöllur verði áfram í Vatnsmýrinni þar til jafngóður eða betri kostur er tilbúinn.

Á sama tíma þarf að bæta vegakerfið og einungis kraftmikil innviðauppbygging mun bæta samgöngur og tryggja heilbrigðisþjónustu á landsbyggðinni. Ísland hefur verið nokkuð langt undir meðaltali OECD-ríkja í fjárfestingum í samgöngumálum og þetta þarf að breytast.

Enginn ætti að þurfa að sleppa því að leita sér hjálpar vegna fjarlægðar eða kostnaðar, hvort sem um er að ræða líkamleg eða andleg veikindi. Niðurgreiðsla ferðakostnaðar fyrir þá sem þurfa að leita heilbrigðisþjónustu fjarri heimabyggð er lykilatriði í þessu samhengi. Samfylkingin vill því tryggja að allir hafi raunverulegan aðgang að þjónustu óháð búsetu.


Þjóðarátak í uppbyggingu hjúkrunarrýma


Enginn á að þurfa að búa við óvissu um hvort hann fái nauðsynlega umönnun á eldri árum. Við í Samfylkingunni viljum efla heimaþjónustu svo eldra fólk geti haft tök á að búa lengur heima. Við köllum eftir þjóðarátaki í uppbyggingu og fjármögnun hjúkrunarrýma en markmið síðustu ríkisstjórnar var að fjölga hjúkrunarrýmum um 700. Það tókst ekki og á sjö árum hefur aðeins verið úthlutað rúmlega 200 nýjum rýmum.



Staðreyndin er sú að því lengra sem farið er frá höfuðborgarsvæðinu þeim mun brothættari verður þjónustan. Samfylkingin ætlar að standa vörð um heilbrigðisþjónustu í landinu en við ætlum líka að sækja fram og tryggja að hún þjóni öllum landsmönnum jafnt.

Það er kominn tími til að leggja orðin til hliðar og hefjast handa. Öflug heilbrigðisþjónusta, betri samgöngur og aukin fjárfesting í innviðum eru ekki aðeins verkefni sem við getum tekið að okkur, þau eru verkefni sem við verðum að takast á við. Komdu með okkur í að sækja fram. Við vitum hvað þarf að gera, nú þurfum við bara að framkvæma það saman.


Á landsbyggðinni búa margir við þann raunveruleika að það getur verið dagamunur á því hvort þú fáir nauðsynlega heilbrigðisþjónustu.

Heilbrigðisþjónusta á Austurlandi í forgang

Leit um „��“

2829 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2829 niðurstöður fundust við leit að „���������������������������“