Framkvæmdarstjóri

1. Gunnsteinn R. Ómarsson

Sálfræðingur

2.Berglind Friðriksdóttir

Aðstoðarforstöðumaður í sértækri félagsmiðstöð

3. Pálmi Þór Ásbergsson

Viðskiptafræðingur

4. Bryndís Sigurðardóttir

Viðskiptafræðingur og ráðgjafi

5. Sigurður Freyr Vestmann Sigurvinsson

Aðalvarðstjóri hjá ríkislögreglustjóra

6. Sigfús Benóný Harðarson

7. Hrafnhildur Lilja Harðardóttir

Túlkur og starfsmaður í leikskóla í fæðingarorlofi

8. Sylwia Dzwoniarska

Tölvunarfræðingur og bruggmeistari

9. Gunnar Sigurðsson

Sjálfstætt starfandi við fræðslu og handverk

10. Guðrún Bjarnadóttir

Læknanemi

11. Helga Ósk Gunnsteinsdóttir

Trésmíðameistari og eftirlaunamaður

12. Hannes Gunnarsson

Ritari á Heilbrigðisstofnun Suðurlands

13. Hjördís Erlingsdóttir

Eftirlaunamaður og fyrrverandi hitt og þetta

14. Guðmundur Oddgeirsson

Samfylkingin setur börn og fjölskyldur í forgang í Reykjavík. Það gerum við með auknum krafti í leikskólamálum, markvissri uppbyggingu í skólakerfinu og skýrri ábyrgð á velferð barna. Við viljum að öllum börnum líði vel, fái að njóta sín og hafi jöfn tækifæri til að þroskast og taka þátt í samfélaginu, óháð bakgrunni eða öðrum félagslegum aðstæðum. Því leggjum við áherslu á samfellda og aðgengilega þjónustu þar sem skóli, velferð og frístundir vinna saman í þágu barnsins.

Samfylkingin lítur á leikskólann sem fyrsta skólastigið og lykilþjónustu í daglegu lífi fjölskyldna. Öflugt leikskólakerfi er forsenda jafnra tækifæra barna og gerir foreldrum kleift að taka fullan þátt í atvinnu og samfélagi. Þess vegna viljum við að þjónustan verði aðgengileg, áreiðanleg og vönduð.

Bætum vinnuaðstæður á leikskólum og setjum 600 milljónir í aukna mönnun og úrbætur á starfsumhverfi.

Fjölgum leikskólaplássum um 1500 á kjörtímabilinu í þeim tilgangi að bjóða yngri börnum inn á leikskóla.

Hækkum framlag til fjárfestinga í viðhaldi og uppbyggingu leikskólahúsnæðis um 10 milljarða á kjörtímabilinu svo það verði alls 30 milljarðar.

Sköpum svigrúm til náms samhliða starfi, meðal annars með námsstyrkjum, til að hvetja starfsfólk leikskóla til að sækja sér viðeigandi menntun.

Vinnum með ríkinu að tryggri fjármögnun leikskólastigsins og lögfestingu á rétti barna til leikskólavistar.

Stefnum að því að öll börn fái leikskólapláss í leikskóla sem er í fyrsta eða öðru vali forráðamanna þeirra.

Tökum upp systkinaforgang þannig að yngra systkini komist inn á sama leikskóla og eldri systkini.

Eflum snemmtækan stuðning í leikskólum með því að auka aðgengi að fagaðilum á borð við þroskaþjálfa, sálfræðinga og talmeinafræðinga.

2. Vellíðan og árangur í grunnskólum

Vellíðan og árangur í námi haldast í hendur. Börnum sem líður vel eiga auðveldara með að læra og þegar börn ná árangri eykst öryggi þeirra og sjálfstraust. Samfylkingin vill styðja betur við kennara og skóla í þeirra daglegu starfi. Við leggjum áherslu á inngildingu og fjölbreytileika, þannig að öll börn upplifi sig sem hluta af samfélaginu, óháð bakgrunni eða félagslegri stöðu.

Hlúum að geðheilsu nemenda og aukum vellíðan með því að fjölga fagfólki, á borð við sálfræðinga og félagsráðgjafa, inni í skólum. Þannig geta börn og unglingar fengið stuðning strax þegar þau glíma við kvíða, depurð, einmanaleika eða eiga erfitt í samskiptum.

Aukum til muna íslenskukennslu barna með annað móðurmál en íslensku til þess að skapa tækifæri og stuðla að jöfnuði.

Leggjum áherslu á læsi og stærðfræði, með skýrum markmiðum og gagnreyndum aðferðum sem nýtast í kennslustofunni og skila betri árangri fyrir fleiri nemendur.

Setjum 600 milljónir á ári í bættar starfsaðstæður í grunnskólum.

Hækkum fjárveitingar til bókakaupa skólabókasafna.

Tökum upp skimun í upphafi grunnskólagöngu til að finna snemma þau börn sem þurfa á sérstökum stuðningi að halda varðandi nám og líðan. Greining er ekki forsenda stuðnings.

Eflum menntun unglinga með því að fjölga safnskólum á unglingastigi þar sem stærra og öflugra skólaumhverfi tryggir meiri fjölbreytni í námsframboði og styrkir faglegt starf.

Aukum samstarf við háskólasamfélagið um rannsóknir á námi, kennslu og þróun í grunnskólum borgarinnar.

Virk þátttaka í frístundum er ein áhrifaríkasta forvörn sem til er. Þegar öll börn fá tækifæri til að taka þátt í fjölbreyttu og aðgengilegu frístundastarfi styrkjum við bæði líðan þeirra og samfélagið í heild. Við ætlum sérstaklega að ná til þeirra barna sem standa höllum fæti og tryggja að þau taki þátt.

Börn og unglingar frá tekjulágum heimilum fái fulla niðurgreiðslu á einni tómstund að eigin vali.

Berjumst gegn ofbeldi, einelti og félagslegri einangrun með því að leggja áherslu á fræðslu og samkennd í gegnum félagsmiðstöðvar og frístundastarf.

Eflum félagsstarf fyrir 10 til 12 ára börn með skipulögðu starfi í félagsmiðstöðvum.

Eflum félagsstarf fyrir 16 til 18 ára ungmenni, meðal annars með auknum opnunum í félagsmiðstöðvum, sundlaugum og íþróttahúsum.

Gefum fleiri börnum tækifæri til tónlistarnáms og annars listnáms, fléttum listnám meira inn í daglegt skólastarf nemenda með auknu samstarfi grunnskóla og listaskóla.

Húsnæði er undirstaða jafnaðar og mannvænnar borgar. Samfylkingin vill byggja upp húsnæðismarkað þar sem öll geta fundið sér heimili við hæfi, þar sem húsnæðisöryggi er tryggt, meðal annars með óhagnaðardrifinni uppbyggingu. Lykillinn að því er aukið framboð íbúða, en ekki síður fyrirsjáanleiki og jafnvægi sem skapar traust og stöðugleika á markaði til lengri tíma. Það er okkar sýn að uppbygging eigi að styðja við einfalt og gott daglegt líf, þar sem auðvelt er að komast leiðar sinnar og njóta mannlífs og náttúru.

Við leggjum áherslu á stöðuga og fyrirsjáanlega uppbyggingu, þar sem markmiðið er að ná jafnvægi á húsnæðismarkaði og mæta raunverulegri þörf borgarbúa.

Byggjum um 6000 nýjar íbúðir í Reykjavík næstu fjögur árin.

Leggjum sérstaka áherslu á Ártúnshöfða, Keldnaland og Halla í Úlfarsárdal, þar sem fyrirhuguð er umfangsmikil íbúðauppbygging á næstu árum, auk áframhaldandi þróunar í Elliðaárvogi og Vogabyggð.

Markviss uppbygging í eldri hverfum, þar sem vannýtt svæði og umbreytingarreitir svo sem í Mjódd og Skeifu, eru nýttir til að bæta við íbúðum á hóflegan hátt. Við leggjum áherslu á fjölbreytta byggð með mannlíf að leiðarljósi, þar sem hverfin eru styrkt án þess að raska einkennum þeirra eða lífsgæðum íbúa.

Tryggjum að húsnæðismarkaðurinn þjóni öllum hópum samfélagsins, ekki síst þeim sem hafa takmarkað fé milli handanna. Því leggjum við áherslu á að halda áfram að styðja við metnaðarfulla uppbyggingu óhagnaðardrifinna húsnæðisfélaga.

Undir óhagnaðardrifið húsnæði falla fjölbreyttar lausnir sem nýtast ólíkum hópum, til dæmis ungu fólki, einstæðum foreldrum, eldra fólki, fötluðu fólki, lágtekjufólki, háskólanemum og þeim sem þurfa á auknum stuðningi að halda. Með þessu er markmiðið að tryggja stöðugleika, öryggi og raunhæfan kost fyrir fleiri að eignast heimili.

Jafnframt verður áfram lögð áhersla á fjölbreytt búsetuform, svo sem eign, leigu, búseturétt, kjarnasamfélög og fleira, þannig að fólk geti valið það sem hentar best hverju sinni og hafi úr mismunandi kostum að velja á ólíkum æviskeiðum. Jöfnuður á húsnæðismarkaði er forsenda jafnra tækifæra í lífinu.

Uppbygging snýst um að skapa gæði, menningu og öruggt mannlíf. Hún skal taka mið af þörfum íbúa, fjölbreytni í húsagerð og því að hverfi þróist á eðlilegan og aðlaðandi hátt.

Í uppbyggingu nýrra hverfa leggjum við áherslu á gæði í nærumhverfi og jafnvægi í byggð. Markmiðið er að skapa svæði þar sem fólki líður vel, með fjölgun og góðu aðgengi að grænum svæðum, leiksvæðum og þjónustu.

Pössum upp á  að daglegt líf gangi upp á einfaldan hátt, með góðu aðgengi að þjónustu og skilvirku umferðarflæði, þannig að fólk geti nýtt tímann sinn betur og notið borgarinnar. Við þróum 15 mínútna hverfið af festu þar sem allt sem við þurfum í okkar daglega lífi er innan seilingar.

Áhersla verður lögð á að efla mannlíf innan hverfa með því að skapa skilyrði fyrir rekstri lítilla og meðalstórra fyrirtækja, öflugu menningarlífi og félagsstarfi. Borgin á að iða af lífi í öllum hverfum.

Samfylkingin vill byggja upp samgöngukerfi í Reykjavík sem mætir þörfum fólks og daglegu lífi þess. Markmiðið er að fólk komist leiðar sinnar á einfaldan og öruggan hátt, hafi val um ferðamáta og geti sinnt daglegum erindum sínum án óþarfa álags. Samfylkingin mun halda uppbyggingu áfram af krafti þannig að umbætur skili sér skjótt í hversdagslíf fólks. Samgöngusáttmálinn er grunnur þessarar þróunar.

Samfylkingin vill bæta samgöngur, stytta ferðatíma, minnka tafir og auka öryggi með því að hrinda samgöngusáttmálanum í heild sinni í framkvæmd, þar á meðal Sæbrautarstokki, Miklubrautargöngum og Borgarlínu.

Byggjum upp öflugar almenningssamgöngur sem veita fleirum raunhæfan valkost við einkabílinn og drögum þannig úr álagi á vegakerfið fyrir þau sem vilja keyra.

Flýtum undirbúningi á Miklubrautargöngum til að tryggja að þau komist í framkvæmd sem fyrst og setjum Sæbrautarstokkinn sömuleiðis í forgang til að bæta umferðarflæði.

Tryggjum metnaðarfulla uppbyggingu Borgarlínu svo hún verði áreiðanlegur valkostur. Við styðjum ekki hálfkák eða málamiðlanir á kostnað gæða.

Tryggjum gott umferðarflæði allra ferðamáta um framkvæmdasvæði og lágmarks rask fyrir íbúa og atvinnulíf á framkvæmdatíma.

2. Fjölbreyttir ferðamátar fyrir fjölbreytta borg

Gerum Reykjavík að gönguvænni borg með göngustígum og -götum, öruggum framkvæmdum og aðlaðandi hönnun.

Byggjum áfram upp örugga og samfellda hjólastíga með áherslu á að tengja hverfi borgarinnar betur saman.

Eflum vetrarþjónustu fyrir gangandi og hjólandi og ráðumst í sérstakt átak í úrbótum á gangstéttum og innviðum fyrir gangandi.

Á meðan Borgarlína byggist upp verður strætó áfram burðarás almenningssamgangna. Höldum áfram að bæta þjónustu strætó með einföldum og markvissum aðgerðum líkt og fleiri forgangsakreinum, betra aðgengi, bættu leiðakerfi og aukinni tíðni um helgar.

Höfuðborgarsvæðið hefur vaxið hratt á síðustu áratugum. Fyrir vikið verður áhrifasvæði þess sífellt stærra og er suðvesturhorn landsins hægt og rólega að verða eitt samverkandi þéttbýlissvæði. Þessi þróun kallar á skýra stefnumörkun í þéttbýlisþróun alls suðvesturhorns landsins og fjárfestingu í fjölbreyttum samgönguinnviðum sem tengja höfuðborgarsvæðið betur við aðliggjandi landshluta.

Sundabraut er lykilframkvæmd í að tengja höfuðborgarsvæðið og Vesturland betur saman. Um leið er mikilvægt að útfærsla hennar taki mið af hagsmunum Reykjavíkur og íbúa borgarinnar á áhrifasvæði Sundabrautar. Gæta þarf að góðu samráði við íbúa nærliggjandi hverfa við þróun og vinnslu verkefnisins.

Suðurnesin eru fjölmennasta þéttbýlissvæði landsins utan höfuðborgarsvæðisins auk þess að hýsa Keflavíkurflugvöll og fjölbreytta atvinnustarfsemi. Við viljum efla almenningssamgöngur Suðurnesja og Reykjavíkur.

Við viljum draga úr óþarfa flugumferð um Reykjavíkurflugvöll með takmörkun á einkaþotum, þyrluflugi og kennsluflugi til að verja öryggi, heilsu og lífsgæði íbúa í grennd.

Loftslags- og umhverfismál eru eitt allra stærsta viðfangsefni okkar tíma og taka þarf mið af þeim við alla ákvarðanatöku borgarinnar.  Loftslagsmál eru í grunninn spurning um jöfnuð, sér í lagi kynslóða. Stefna skal að kolefnishlutleysi 2030 og að heildarlosun borgarinnar dragist saman frá ári til árs með síaukinni grænni fjárfestingu.

Byggjum upp borgina á sjálfbæran hátt svo sem flest geti sótt sér þjónustu og atvinnu í sínu nærumhverfi. Stuðlum að sjálfbærari byggingariðnaði.

Minnkum áhrif svifryks á heilsu borgarbúa með því að draga úr óþarfa notkun nagladekkja í umferðinni, í samvinnu við ríkið.

Styðjum við áform um hátækni sorpbrennslu og raftengingar skemmtiferðaskipa til að minnka kolefnisspor og bæta loftgæði í borginni.

Bjóðum upp á meira úrval grænmetisrétta og grænkerafæðis í mötuneytum á vegum borgarinnar, sérstaklega í grunnskólum og leikskólum.

Samfylkingin ætlar að þróa Reykjavík sem borg þar sem náttúra, menning og öflugt íþróttastarf mætast og skapa einstök lífsgæði. Okkar markmið er að styðja við þá fjölbreyttu sköpunarkrafta sem búa í borginni og tryggja að öll hverfi bjóði upp á lifandi mannlíf og góða aðstöðu til útivistar.

Menningin er hjartað í borginni og hún á heima í nærumhverfi fólks. Samfylkingin ætlar að efla menningarlíf í öllum hverfum til að auka þátttöku og efla félagsleg tengsl.

Styrkjum tónlistarborgina Reykjavík með bættri aðstöðu fyrir tónleikahald og æfingaaðstöðu fyrir hljómsveitir. Í því felst að einfalda leyfiskerfið og bæta alla umgjörð utan um viðburðahald samhliða því að leggja drög að stuðningskerfi við tónlistargeirann að norrænni fyrirmynd.

Bætum aðstöðu fyrir sviðslistir og skapandi greinar til að styðja við bakið á listafólki borgarinnar.

Efnum til menningarviðburða um alla borg með því að efla hverfiskjarna sem miðpunkta mannlífs. Styðjum þannig sérstaklega við uppbyggingu samfélagshúsa, bókasafna, kaffihúsa, veitingastaða og smærri reksturs í hverfunum okkar.

Við viljum að eldra fólk hafi fjölbreytt tækifæri til að láta til sín taka í samfélaginu og aðgang að stuðningi og þjónustu við hæfi þegar það þarf. Samfylkingin vill auka heimaþjónustu fyrir eldra fólk í samstarfi við ríkið, til að veita ennþá betri samþætta þjónustu inn á heimili ásamt heimahjúkrun og öldrunarráðgjöf.

Við viljum styðja við þátttöku, virkni og félagslíf eldra fólks í hverfum borgarinnar með aukinni áherslu á heilsueflingu og starfsemi samfélagshúsa og félagsmiðstöðva.

Við viljum að einn fagðaðili, málstjóri, taki við keflinu þegar þjónustuþörf vex bæði til að létta eldra fólki lífið og veita stuðning til aðstandenda

Við verðum áfram leiðandi í notkun velferðartækni til að styðja við sjálfstæði eldra fólks, tryggja góða þjónustu við eldra fólk og létta umönnunarbyrði aðstandanda en jafnframt tryggja að fólk geti búið sem lengst heima.

Borgin á að veita aðgengilega, fjölbreytta og góða þjónustu í samráði við notendur sem byggir á virðingu og mannréttindum.

Við komum til móts við þarfir og óskir fatlaðs fólk með því að standa vörð um áframhaldandi uppbyggingu á húsnæði.

Við styðjum hugmyndafræði um sjálfstætt líf og munum beita okkur fyrir nægilegu fjármagni frá ríkinu til að styrkja NPA-þjónustuna.

Bjóðum fötluðu og langveiku fólki störf hjá borginni, með því að fjölga hlutastörfum og tryggja viðeigandi aðlögun í starfi, þannig að Reykjavíkurborg sýni fordæmi á vinnumarkaði.

Tryggjum að fatlað fólk komist leiðar sinnar, til dæmis með áherslu á að allar almenningssamgöngur verði aðgengilegar.

4. Útivist og borg í tengslum við náttúru

Reykjavík nýtur þess að í borginni mætast náttúra og borgarlíf á einstakan hátt. Samfylkingin vill nýta þau tækifæri til fulls og gera útivist að sjálfsögðum hluta af daglegu lífi fólks allt árið um kring.

Sundlaugarnar eru okkar mikilvægustu samverurými. Eflum þær með markvissri uppbyggingu, auknu viðhaldi og þjónustu sem mætir þörfum borgarbúa.

Eflum haftengda upplifun og baðmenningu. Við viljum bæta aðstöðu við strandlengjuna, Ylströndina og aðra staði sem bjóða upp á einstaka upplifun við sjávarsíðuna, meðal annars fyrir siglingar.

Þróum útivistarsvæði í tengslum við uppbyggingu nýrra hverfa. 

Gerum Austurheiðar að framtíðarútivistarsvæði með því að byggja upp göngu- og fjallahjólreiðastíga ásamt því að bæta aðstöðu til vetraríþrótta líkt og gönguskíða.

Ljúkum uppbyggingu Vetrargarðsins í Breiðholti sem heilsárs útivistarparadísar fyrir alla fjölskylduna. Höldum áfram uppbyggingu skíðasvæða höfuðborgarsvæðisins.

Fjölgum grænum svæðum og aukum gróður í borgarlandinu, stuðlum að fjölgun borgargarða með fjölbreyttum leiktækjum, bekkjum og hreystiaðstöðu fyrir borgarbúa á öllum aldri. Bætum aðstöðu og þjónustu í Fjölskyldu- og húsdýragarðinum.

Reykjavík styður við öflugt og fjölbreytt íþróttastarf um alla borg. Samfylkingin vill vera liðsfélagi íþróttahreyfingarinnar og tryggja að hún hafi skýra framtíðarsýn og þann stuðning sem þarf til að mæta vaxandi borg.

Forgangsröðum uppbyggingu og viðhaldi íþróttamannvirkja í öllum hverfum með áherslu á bætta aðstöðu fyrir börn og ungmenni.

Beitum okkur fyrir því að Þjóðarhöll rísi sem fyrst í Laugardal í samstarfi við ríkið.

Eflum íþróttafélögin sem lykilaðila í hverfunum þannig að hreyfing og samfélag séu aðgengileg öllum í sínu nærumhverfi.

Styðjum við fjölbreyttar íþróttagreinar, meðal annars hestamennsku, siglingar, og golf. Byggjum dans- og varnaríþróttahús í Breiðholti, fimleikahús á Höfðanum og styðjum við miðstöð jaðaríþrótta í Toppstöðinni í Elliðaárdal, til að mæta þörfum mismunandi hópa.

netkerfisfræðingur og formaður velferðanefndar

1. Ólafur Ingi Óskarsson

Kennari og fráfarandi borgarfulltrúi

2. Guðný Maja Riba

Landslagsarkitekt og náttúrufræðingur

3. Ómar Ingþórsson

Laganemi

4. Auður Einarsdóttir

Verkfræðingur

5. Guðlaugur Bjarki Lúðvíksson

Sérkennari FMOS

6. Elín Eiríksdóttir

Stjórnmálafræðinemi

7. Sigurður Óli Karlsson

Háskólanemi

8. Viktoría Magnúsdóttir

Skrifstofustjóri Þroskahjálpar

9. Þórarinn Snorri Sigurgeirsson

Hársnyrtir

10. Þóra Sigrún Kjartansdóttir

Framhaldsskólakennari

11. Magnús Hlynur Haraldsson

Kennari og hönnuður

12. Kristín María Ingimarsdóttir

13. Kári Freyr Kane

Öryggis- og gæðastjóri Sjúkratrygginga

14. Halla Halldórsdóttir

Nemi

15. Þyrnir Hálfdán Þyrnisson

Tækniteiknari

16. Þóra Hermannsdóttir Passauer

Verslunarmaður

17. Guðbjörn Sigvaldason

Eftirlaunakona

18. Þórunn Ísfeld

Baráttumaður fyrir réttindum fatlaðs fólks

19. Ragnar Gunnar Þórhallsson

20. Kristín Sæunnar Sigurðardóttir

Fyrrverandi bæjarfulltrúi og fyrrverandi formaður FAMOS

21. Jónas Sigurðsson

Stjórnsýslu- og upplýsingafræðingur og bæjarfulltrúi

22. Anna Sigríður Guðnadóttir

Við ætlum að hittast og móta umsögn við ungmennastefnu Íslands sem verður send inn í nafni hreyfingarinnar. Við byrjum á því að fá kynningar til að kveikja hugmyndir og síðan tekur við hópavinna við umsögn.

Hvenær: Sunnudaginn 15. mars kl. 13
 Hvar: Hallveigarstíg 1
 Öll velkomin.

13:10-13:30
SAMFÉS - Kynning um ungmennahús og félagsmiðstöðvar

13:30-13:50
Guðmundur Fylkisson - Segir frá sínum störfum í þágu ungmenna

13:50-14:00
Guðmundur Ari - markmið ungmennastefnu og vinnan framundan

Ungmennastefna Íslands: hvað viljum við?

Þar var kosið um sex efstu frambjóðendur á lista Samfylkingarinnar í Reykjavík fyrir borgarstjórnarkosningarnar 16. maí. Með niðurstöðunum hefst næsti áfangi í uppstillingu framboðslistans fyrir komandi kosningar.

Á framboðslista Samfylkingarinnar verða alls 46 nöfn, en borgarfulltrúar eru 23 talsins. Uppstillingarnefnd í Reykjavík óskar nú eftir framboðum og tilnefningum í sæti 7–46 á listanum. Félagsmenn geta bæði boðið sig sjálf fram eða tilnefnt aðra sem þeir telja eiga erindi á framboðslistann.

Framboð og tilnefningar skulu sendar á netfangið uppstillingarnefnd26@gmail.com eigi síðar en klukkan 16:00 föstudaginn 30. janúar. Uppstillingarnefnd mun fara yfir allar innsendar tillögur.

Samkvæmt samþykkt Fulltrúaráðs Samfylkingarinnar í Reykjavík skal framboðslisti kynntur eins fljótt og auðið er og eigi síðar en 28. febrúar. Þá verður tillaga uppstillingarnefndar lögð fyrir allsherjarfund Fulltrúaráðsins.

Í uppstillingarnefnd sitja Björk Vilhelmsdóttir, Gréta Dögg Þórisdóttir, Magnús Skjöld, Starri Reynisson og Vilborg Oddsdóttir.

Flokksval Samfylkingarinnar í Reykjavík fór fram á laugardaginn var, 24. janúar. 

Samfylkingin í Reykjavík óskar eftir framboðum og tilnefningum 

Aðalfundur Sölku – Ungs jafnaðarfólks á Akureyri fer fram föstudaginn 6. mars.

Fundurinn hefst kl. 18:00 í sal Samfylkingarinnar á Akureyri í Sunnuhlíð 12. Salurinn er aðgengilegur fólki í hjólastól.

Allt ungt fólk á aldrinum 15 til 35 ára sem aðhyllist jafnaðarstefnu og vill láta til sín taka velkomið. Félagar fá fundargögn í tölvupósti fyrir fundinn.

Meðal annars verður kosið um forseta og nýja stjórn auk þess sem stjórnmálaályktun verður tekin til afgreiðslu.

Tekið verður við framboðum til forseta og stjórnar fram að hádegi á fundardag.

Framboð og fyrirspurnir skal senda á netfangið forseti@uj.is.

Að fundi loknum liggur leiðin á Skor í pílu! 
- - - - - - -
Dagskrá:

1. Forseti Ungs jafnaðarfólks og fyrrv. forseti Sölku, Jóhannes Óli setur fundinn.
2. Kjör fundarstjóra og fundarritara.
3. Kosningar um samþykktir félagsins.
4. Fundarhlé.
5. Stjórnmálaályktun.
6. Kosið um forseta, stjórn og varastjórn.
7. Kosning skoðunarmanna reikninga.
8. Önnur mál.

Boðað er til félagsfundar Samfylkingarinnar í Ölfusi miðvikudaginn 11. mars kl. 18:00 á Heima Bistro.

Efni fundarins er afgreiðsla á tillögu á lista Samfylkingarinnar og óháðra í Ölfusi fyrir sveitarstjórnarkosningarnar sem haldnar verða 16. maí nk.

Sérstakur gestur fundarins er Kristrún Frostadóttir forsætisráðherra og formaður Samfylkingarinnar.

Leit um „��"

3374 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3374 niðurstöður fundust við leit að „���������������������������������������������������"