Kristrún Frostadóttir forsætisráðherra heldur hlustunarfundi um hagsmuni Íslands vítt um land í aðdraganda þjóðaratkvæðagreiðslu um aðildarviðræður við Evrópusambandið. Verið hjartanlega velkomin í kvöldspjall með Kristrúnu í Eskifjarðarskóla kl. 20:30 miðvikudaginn 12. ágúst.

Forsætisráðherra vill hlusta á ólík sjónarmið og bjóða upp á heiðarlegt samtal um hagsmuni Íslands.

Hvar sérð þú tækifæri fyrir Ísland? Hvað veldur þér áhyggjum? Hvernig vilt þú að unnið verði með niðurstöður þjóðaratkvæðagreiðslunnar 29. ágúst?

Kristrún á Eskifirði: Hlustunarfundur um hagsmuni Íslands

Kristrún Frostadóttir forsætisráðherra heldur hlustunarfundi um hagsmuni Íslands vítt um land í aðdraganda þjóðaratkvæðagreiðslu um aðildarviðræður við Evrópusambandið. Verið hjartanlega velkomin á hádegisfund með Kristrúnu í Hamrinum (félagsheimili Þórs) á Akureyri kl. 12:00 sunnudaginn 16. ágúst.

Kristrún á Akureyri: Hlustunarfundur um hagsmuni Íslands

Það þýðir ekki að ég hafi ákveðið að ég telji að Ísland eigi að ganga í Evrópusambandið. Ég hef einfaldlega ekki forsendur til að taka þá ákvörðun fyrr en ég sé hvað okkur stendur raunverulega til boða.

Hvort nægjanlegt tillit verði tekið til sérstöðu okkar sem auðlindadrifinnar þjóðar og þess að við erum harðbýl eyja sem býr við allt aðrar áskoranir en flest ríki á meginlandinu.

Fáum samninginn á borðið, skoðum hann og tökum síðan ákvörðun. Við búum í frábæru landi og eigum að ganga að samningaborðinu með sjálfstraust. Að mínu mati höfum við engu að tapa á því að kanna hvort góður samningur geti gert sterkt samfélag enn sterkara.

Við höfum í áratugi talað um mikilvægi þess að efla byggð um allt land. Samt hefur safnast upp gríðarleg innviðaskuld á landsbyggðinni sem er fyrir löngu komin á gjalddaga. Stöðugt þarf að berjast fyrir fjárfestingu í samgöngum, atvinnuuppbyggingu, nýsköpun og þjónustu.

Mín skoðun er sú að landsbyggðirnar eigi ekki alltaf að þurfa að vera í varnarbaráttu. Við eigum að vera í stöðu til að sækja fram.

Þess vegna finnst mér áhugavert að skoða hvaða tækifæri gætu falist í byggðastefnu Evrópusambandsins og hvort í henni séu leiðir sem gætu hjálpað okkur að byggja upp sterkari landsbyggð til framtíðar.

Þar sé ég tækifæri sem vert er að skoða en líka stór mál sem við verðum að fá svör við.

Við eigum að ganga til viðræðna með sérstöðu Íslands að leiðarljósi. Þar skipta fiskveiðiauðlindin, íslenskur landbúnaður og fæðuöryggi, strjálbýli, miklar vegalengdir og öflugar sjávarbyggðir um allt land gríðarlega miklu. Þetta eru hagsmunir sem við eigum að standa vörð um og leggja ríka áherslu á í samningaviðræðum. Síðan skulum við sjá hvaða niðurstöðu við getum náð og taka afstöðu til hennar á eigin forsendum.

Fyrir mér eru þessi stóru hagsmunamál því ekki ástæða til að hætta áður en við byrjum. Þau eru ástæða til að fara vel undirbúin að borðinu og kanna hvað hægt er að semja um.

Sama á við um efnahagsmálin. Ég vil vita hvort við getum skapað meiri stöðugleika, fengið lægri vexti og betri kjör fyrir heimilin með inngöngu og upptöku á öðrum

gjaldmiðli. Hvaða áhrif gæti evran haft á íslenskt efnahagslíf? Gæti meiri samkeppni lækkað verð á vörum og matarkörfunni? Gætu íslensk fyrirtæki orðið samkeppnishæfari og fengið fleiri tækifæri á stærri markaði? Gæti erlend fjárfesting aukist?

Þetta skiptir landsbyggðirnar ekki síður máli. Háir vextir, kostnaðarsamar samgöngur og lítill heimamarkaður geta haft mikil áhrif á fólk og fyrirtæki um allt land.

Ég veit ekki svörin við öllum þessum spurningum og það er einmitt ástæðan fyrir því að ég vil viðræður.

Ég ber fulla virðingu fyrir því að fólk komist að ólíkum niðurstöðum í þessu máli. Sumir eru sannfærðir um að framtíð Íslands sé betur borgið utan Evrópusambandsins. Aðrir telja að tækifærin séu meiri innan þess. Sjálf er ég ekki tilbúin að taka lokaákvörðun fyrr en ég veit hvað okkur stendur raunverulega til boða. Ég vil að við göngum sjálfsörugg að borðinu, sem sterk og sjálfstæð þjóð, og reynum að ná besta mögulega samningi fyrir allt Ísland.

Síðan fær þjóðin samninginn í hendurnar. Þá ræðum við kosti hans og galla. Þá metum við það sem við fáum á móti því sem við þurfum að gefa eftir og þá tökum við lokaákvörðunina.

Kannski segi ég þá já. Kannski segi ég nei.

Höfundur er þingmaður Samfylkingarinnar í Norðausturkjördæmi.

Ég hef þegar greitt atkvæði í þjóðaratkvæðagreiðslunni um áframhaldandi viðræður við Evrópusambandið og mitt svar var já.

Miðvikudaginn 9. september
Kl. 10:00–12:00
Hallveigarstígur 1, 101 Reykjavík

Heitt á könnunni og eitthvað gott með því

Velkomin í spjallkaffi 60+ í Reykjavík. 

Eðlilega eru margir að horfa í lækkun vaxta og verðbólgu í samhengi við aðildarviðræður, enda er það eitt stærsta hagsmunamál íslenskra heimila og fyrirtækja.

Þóroddur Bjarnason prófessor skrifaði grein í vikunni þar sem hann greinir áhrif aðildar að ESB á landsbyggðirnar. Það hafa ekki margir verið að koma inn með það sjónarhorn í umræðuna sem er þó afar mikilvægt. Þar nefnir hann meðal annars tækifærin er kemur að samgönguframkvæmdum og það kveikti í mér. Mæli heilshugar með grein Þórodds.

Ég er mikil baráttumanneskja fyrir bættum innviðum og gott sem elska bundið slitlag. Ég hef upplifað sjálf sem íbúi á Vestfjörðum hvernig jarðgangaframkvæmdir geta breyta heilu samfélögunum, hversu mikil ein brú getur stytt vegalengdir og hversu miklu munar að losna við fjallvegi. Þetta snýst samkeppnishæfni, búsetuskilyrði og öryggi.

Í grein Þórodds fer hann yfir hvernig Evrópusambandið styður við samgöngubætur og hvernig það gæti litið út fyrir Ísland.

Samgöngur eru einn af lykilþáttum byggðastefnu Evrópusambandsins. Markmiðið er að byggja upp öruggt, skilvirkt og sjálfbært samgöngukerfi sem tengir ríki og svæði Evrópu saman og tryggir greiðar leiðir fyrir fólk og vörur.

Eitt mikilvægasta fjármögnunartæki ESB á þessu sviði er Samtengisjóður Evrópu (Connecting Europe Facility, CEF). Sjóðurinn styður uppbyggingu samgönguinnviða sem falla undir samevrópska samgöngunetið, TEN-T, meðal annars með styrkjum til framkvæmda, undirbúnings og nýsköpunar.

Aðild að ESB gæti því skapað ný tækifæri fyrir Ísland til fjármögnunar samgöngumannvirkja. Ísland er þegar hluti af TEN-T-kortlagningunni í gegnum EES-samstarfið og þar eru meðal annars tilgreindir mikilvægir vegir, hafnir og flugvellir. Með aðild gæti Ísland fengið aukinn aðgang að fjármögnun úr CEF vegna verkefna sem falla að markmiðum netsins. Þar gætu komið til álita framkvæmdir við vegi, hafnir, flugvelli og aðra mikilvæga samgönguinnviði, eftir því hvaða verkefni uppfylla skilyrði sjóðsins.

Ólíklegt er hins vegar að Ísland ætti rétt á stuðningi úr Samheldnissjóði ESB, þar sem slíkur stuðningur er almennt ætlaður ríkjum þar sem þjóðartekjur á mann eru undir 90% af meðaltali ESB. Ísland er vel yfir þeim mörkum.

Í aðildarviðræðum væri engu að síður mikilvægt að leggja áherslu á sérstöðu Íslands. Landið er stórt, strjálbýlt og harðbýlt, samgöngumannvirki eru kostnaðarsöm og góðar samgöngur hafa óvenju mikla þýðingu fyrir byggðaþróun. Ísland hefði því ríka hagsmuni af því að tryggja að þessar landfræðilegu aðstæður fengju viðeigandi vægi í samningum um þátttöku landsins í byggða- og samgönguáætlunum ESB. Ekki væri þó hægt að ganga að sérstakri undanþágu eða viðbótarstuðningi sem vísum fyrirfram og þyrfti að taka upp í aðildarviðræðum.

Annað sem skiptir líka máli er kemur uppbyggingu samgönguinnviða er að Fjárfestingarbanki Evrópu (EIB) veitir langtímalán á hagstæðum kjörum. Þar með gæti Ísland framkvæmt meira fyrir sama pening þar sem vaxtakostnaður væri mun minni.

Aðildarviðræður við ESB er risastórt tækifæri fyrir uppbyggingu innviða og hinar dreifðu byggðir. Tækifæri sem ég vil ég kanna betur. Ég vil fá að sjá hvernig samningur gæti litið út og þess vegna ætla ég að segja JÁ þann 29.ágúst nk.

Greinin birtist á visi.is 17. ágúst 2026. 

Nú styttist í þjóðaratkvæðagreiðslu um hvort halda eigi áfram aðildarviðræður við ESB. 

Kristrún Frostadóttir forsætisráðherra heldur hlustunarfundi um hagsmuni Íslands vítt um land í aðdraganda þjóðaratkvæðagreiðslu um aðildarviðræður við Evrópusambandið. Verið hjartanlega velkomin í kvöldspjall með Kristrúnu í Fjölbrautaskóla Suðurnesja í Reykjanesbæ kl. 20:30 þriðjudaginn 11. ágúst.

Kristrún í Reykjanesbæ: Hlustunarfundur um hagsmuni Íslands

Kristrún Frostadóttir forsætisráðherra heldur hlustunarfundi um hagsmuni Íslands vítt um land í aðdraganda þjóðaratkvæðagreiðslu um aðildarviðræður við Evrópusambandið. Verið hjartanlega velkomin spjall og ís með Kristrúnu í Miðbæjartorginu í nýja miðbænum á Selfossi kl. 17:00 mánudaginn 24. ágúst.

Kristrún á Selfossi: Hlustunarfundur um hagsmuni Íslands

Við erum þó vonandi flest úthvíld og tilbúin að takast á við áskoranir næsta vetrar. En foreldrar barna á yngsta stigi grunnskóla eru ekki alveg laus úr viðjum sumarfrísins, því skólahald hefst ekki fyrr en eftir rúmar tvær vikur en þó erum við flest nú þegar farin aftur að sinna eðlilegri vinnuskyldu.

Í Kópavogi hefur ekki verið boðið upp á samræmda sumarfrístund í grunnskólum bæjarins líkt og er gert í flestum öðrum sveitarfélögum á höfuðborgarsvæðinu. Bærinn býður upp á nokkrar vikur í einum grunnskóla og nú í vor seldust allar vikurnar sem í boði voru upp á innan við klukkustund, slík var aðsóknin. Hér má og þarf að gera mun betur í þjónustu við foreldra barna á yngsta stigi grunnskóla og betur við börnin okkar sem þurfa einhvern samastað og tilgang á meðan foreldrarnir sinna sínum störfum. 

Samfylkingin hefur áður bent á að sumarið komi alltaf svolítið á óvart í Kópavogi. En í apríl hvert ár sitja foreldrar barna á yngsta stigi grunnskóla uppi með það að klóra sér í hausnum við að bóka hvert frístundanámskeiðið á fætur öðru, sum hjá íþróttafélögum og önnur hjá einkaaðilum. Allt með tilheyrandi kostnaði og það er alls ekki öruggt að námskeiðin fari fram í nærumhverfi barnanna heldur þarf oft að skutla börnunum hingað og þangað um höfuðborgarsvæðið til að allt gangi nú upp. Þegar fjölskyldan kemst loks í sumarfrí eru allir úrvinda. 

Íþrótta- og tómstundafélög í Kópavogi hafa boðið upp á fjölbreytt sumarnámskeið sem gegna mikilvægu hlutverki og eru víða hluti af fjáröflun félaganna. Slík námskeið geta þó ekki komið í stað samræmdrar frístundaþjónustu á vegum sveitarfélagsins. Börn hafa ólíkan áhuga, getu og þarfir og það sama hentar ekki öllum börnum. Mikilvægt er að fjölskyldur og börn hafi val. 

Við bæjarfulltrúar Samfylkingarinnar í Kópavogi höfum nú sett saman tillögu sem að felur í sér að menntasviði Kópavogsbæjar verði falið að undirbúa samræmda sumaropnun frístundaheimila fyrir börn á yngsta stigi. Þessa tillögu flytjum við á næsta fundi bæjarstjórnar Kópavogs þann 25. ágúst næstkomandi. Mikilvægt er að hefja undirbúning strax svo að hægt sé að gera ráð fyrir þessu aukna þjónustustigi í fjárhagsáætlun 2027. 

Til að gera þetta á sem bestan hátt leggjum við til að þjónustukönnun verði lögð fyrir foreldra sem kemur til með að gefa góða mynd af því hvernig útfærsla þjónustunnar þarf að vera svo að hún nýtist fjölskyldum sem best, með tilliti til þátta eins og t.d. aldursdreifingar barna, staðsetningu, mönnun og opnunartíma. Markmiðið skal þó vera að bjóða upp á aukna þjónustu og fjölbreyttari valkosti í frístundamálum frá og með næsta sumri og létta þar með daglega lífið fyrir barnafjölskyldur í Kópavogi.

Greinin birtist á visi.is 11. ágúst 2026. 

Við erum í dag flest komin aftur til starfa eftir íslenska sumarið, sem kom og fór, hvort sem að því var eytt við að dytta að heimilinu, spóka sig á sólarströnd eða við að bíða í röð eftir salerninu á fjarlægu íslensku tjaldsvæði þar sem að sást örlítið glitta til sólar. 

Látum ekki sumarið koma okkur aftur á ó­vart í Kópa­vogi

Kristrún Frostadóttir forsætisráðherra heldur hlustunarfundi um hagsmuni Íslands vítt um land í aðdraganda þjóðaratkvæðagreiðslu um aðildarviðræður við Evrópusambandið. Verið hjartanlega velkomin í kvöldspjall með Kristrúnu í félagsheimilinu Brún í Bæjarsveit í Borgarfirði kl. 20:00 þriðjudaginn 18. ágúst.

Kristrún í Borgarfirði: Hlustunarfundur um hagsmuni Íslands

Reykjavík

Pétur H. Marteinsson

Heiða Björg Hilmisdóttir

Steinunn Gyðu- og Guðjónsdóttir

Skúli Helgason

Stein Olav Romslo

Kópavogur

Jónas Már Torfason

Eydís Inga Valsdóttir

Hafnarfjörður

Hildur Rós Guðbjargardóttir

Árni Rúnar Þorvaldsson

Reykjanesbær

Guðný Birna Guðmundsdóttir

Hjörtur Magnús Guðbjartsson

Garðabær

Kjartan Atli Kjartansson

Akureyri

Sindri S. Kristjánsson

Hanna Dóra Markúsdóttir

Mosfellsbær

Ólafur Ingi Óskarsson

Árborg

Sigurjón Vídalín Guðmundsson

Margrét Björk Ólafsdóttir

Akranes

Leit um „��"

3426 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3426 niðurstöður fundust við leit að „���������������������������������������������������"