Heiða Björg Hilmisdóttir er borgarstjóri og oddviti Samfylkingarinnar í Reykjavík. Hún er menntaður næringarráðgjafi, með meistaragráðu í næringarrekstrarfræði frá Gautaborgar-háskóla í Svíþjóð, MBA-gráðu frá Háskólanum í Reykjavík og diplómu í jákvæðri sálfræði frá Háskóla Íslands. Áður en Heiða hóf störf í stjórnmálum starfaði hún sem forstöðumaður eldhúss og matsala á Landspítala frá 2000 til 2015.  

Hún er fædd og uppalin á Akureyri en hefur búið í Reykjavík stærstan hluta ævinnar. Hún er gift Hrannari B. Arnarssyni og eiga þau fjögur börn.

Heiða Björg hefur gegnt forystuhlutverkum í ýmsum samtökum, þar á meðal  MS-félaginu á Íslandi sem og formennsku í  norræna MS-félaginu og var jafnframt  formaður Matvæla- og næringarfræðafélags Íslands.  

Heiða Björg var formaður Kvennahreyfingar Samfylkingarinnar frá 2013 til 2015. Hún varð borgarfulltrúi í Reykjavík árið 2015 og hefur síðan setið í fjölda nefnda og ráða á vegum borgarinnar, m.a. Borgarráði, Ofbeldisvarnarnefnd og Velferðarráði Reykjavíkur þar sem hún gegndi formennsku um árabil. Í febrúar 2017 var hún kjörin varaformaður Samfylkingarinnar, þegar í hönd fóru mest krefjandi tímar í sögu flokksins. Hún sinnti  þeirri stöðu til ársins 2022.  

Sem formaður Velferðarráðs Reykjavíkurborgar leiddi Heiða Björg gerbreytingu á stefnu Reykjavíkurborgar í málefnum heimilislausra auk þess sem opnaðir voru rúmlega 20 búsetukjarnar fyrir fatlaða og gerðir tugir NPA-samninga við einstaklinga. Hún leiddi jafnframt verkefnið Betri borg fyrir börn. Þá var ofbeldisvarnanefnd stofnuð að hennar tillögu og einnig var Bjarkahlíð opnuð, en þar er miðstöð fyrir þolendur ofbeldis.  

Heiða Björg var upphafskona þess að stjórnmálakonur sendu frá sér yfirlýsingu „Áskorun til stjórnmálanna í skugga valdsins #metoo“ þar sem 419 stjórnmálakonur skoruðu á stjórnmálin að breytast og útrýma kynbundinni áreitni, ofbeldi og misbeitingu valds innan sinna raða. 

Heiða Björg var kjörin formaður Sambands íslenskra sveitarfélaga árið 2022, fyrst kjörinna fulltrúa af vinstri vængnum. Þar náði hún m.a. samkomulagi við ríkið um stóraukið framlag til málaflokks fatlaðra, en samkvæmt samingunum fá sveitarfélögin aukalega um 15 milljarða árlega til að veita þjónustuna. Hún samdi jafnframt við ríkið um gjaldfrjálsar máltíðir í grunnskólum landsins sem og um að ríkið ábyrgðist þjónustu við börn með með fjölþættan vanda.  

Þann 21. febrúar 2025 tók Heiða Björg við embætti borgarstjóra í Reykjavík í meirihluta-samstarfi Samfylkingarinnar, Pírata, Sósíalistaflokksins, Vinstri-grænna og Flokks fólksins. Samstarfið leggur áherslu á að efla grunnþjónustu, bæta lífsgæði og efla íbúðabyggð fyrir íbúa á öllum aldri. Eitt fyrsta verk Heiðu Bjargar sem borgarstjóri og sem formaður í Sambandi sveitarfélaga var að leysa þann hnút sem kominn var upp í kjaramálum kennara en samningarnir tryggðu kennurum löngu tímabærar kjarabætur. 

Hún hefur beitt sér fyrir uppbyggingu íbúða fyrir yngri og efnaminni kaupendur. Notendur frístundakorta hafa aldrei verið fleiri eftir breytingar sem gerðar voru á þeirri þjónustu í tíð núverandi samstarfsflokka. Félagslegar áherslur, húsnæðisuppbygging, ábyrg fjármálastjórn og sókn í málefnum barna og barnafjölskyldna hefur verið í algerum forgangi.

Allan sinn feril hefur Heiða verið öflugur talsmaður velferðar, jafnréttis kynjanna og samfélagsþróunar og unnið stöðugt að því að bæta líf íbúa Reykjavíkur. Hún hefur yfirburða þekkingu á málefnum sveitarfélaga, er mannasættir og hefur sýnt það í störfum sínum að hún er pólitískur dugnaðarforkur sem lætur verkin tala.  

Flokksval í Reykjavík fer fram 24. janúar 2026

Kæra á kjörskrá Rvk.pdf

Eyðublað skráning félagsmanns (2).pdf

Frambjóðendur í flokksvalinu í Reykjavík

Viðburðir tengdir flokksvalinu í Reykjavík

Fréttir tengdar flokksvalinu í Reykjavík

Hæhæ, ég heiti Birkir Ingibjartsson og er 39 ára sjálfstætt starfandi arkitekt og varaborgarfulltrúi.

Ég er búsettur í Safamýri með fjölskyldunni minni en er alinn upp í Kópavoginum. Frá því ég var tæplega tvítugur hef ég þó búið eða verið með annan fótinn í Reykjavík. Helst má telja frá þau tæpu fimm frábæru ár sem við fjölskyldan bjuggum í Stokkhólmi. Ég er giftur Steinunni Hrólfsdóttur fatahönnuði og eiganda verslunarinnar Andrá Reykjavík á Laugaveginum og við eigum þrjú börn.

Í Stokkhólmi var ég bæði í mastersnámi í arkitektúr við Konunglega Tækniháskólann í Stokkhólmi (KTH) auk þess sem ég starfaði þar um tíma hjá VARG Arkitekter. Ég tók grunnnámið í arkitektúr við Listaháskóla Íslands á árunum 2009-2012 og smitaðist þar af miklum áhuga á Reykjavík og skipulagsmálum borgarinnar. Þar áður lauk ég grunnnámi (BSc) í umhverfis- og byggingarverkfræði við Háskóla Íslands árið 2009.

Á núverandi kjörtímabili hef ég verið varamaður í umhverfis- og skipulagsráði, ég var formaður íbúaráðs Háaleitis- og Bústaðahverfis á tímabilinu 2022-2024 og hef setið í Heilbrigðisnefnd Reykjavíkur frá febrúar 2025. Samhliða pólitískum störfum hefur mitt aðalstarf frá haustmánuðum 2022 verið að starfa sjálfstætt sem arkitekt. Við erum tveir félagar saman með litla teiknistofu og fáumst við hin ýmsu verkefni á sviði arkitektúrs og skipulagsmála, flest í smærri skala. Þar áður var ég verkefnastjóri hjá borgarskipulagi Reykjavíkur í þrjú ár þar sem ég tók þátt í þróun á stórum og smáum skipulagsverkefnum víða um borgina. Á meðal verkefna minna var t.a.m. undirbúningur og skipulagsvinna í tengslum við Borgarlínuna.

Það er ekkert launungarmál að það er áhugi minn á þróun og vexti borgarinnar sem dregur mig að vettvangi borgarstjórnar Reykjavíkur. Nú sem endranær eru stór verkefni til skoðunar og vinnslu sem munu marka með skýrum hætti hvernig borgarsamfélag Reykjavíkur og höfuðborgarsvæðisins alls mun þróast næstu tvo til þrjá áratugi. Samfylkingin í Reykjavík hefur verið leiðandi afl í því samtali síðustu 10-15 árin og vil ég eiga þátt í því að svo verði áfram.

Borgarlínan og önnur verkefni Samgöngusáttmálans, almenn gæði byggðar og nærumhverfis okkar, bættir göngu- og hjólastígar, Sundabraut, næstu skref í uppbyggingu Vatnsmýrarinnar, húsnæðisuppbygging með félagslegu bakbeini og öflugir sjálfstæðir borgarhlutar eru meðal þeirra fjölmörgu mála og málaflokka sem munu koma til umfjöllunar, stefnumótunar og afgreiðslu borgarstjórnar Reykjavíkur á næsta kjörtímabili.

Mörg þessara mála hafa verið gagnrýnd harkalega af pólitískum andstæðingum Samfylkingarinnar á liðnum árum og að mínu mati oft að ósekju. Í mínum huga er sú stefna að byggja borgina inn á við og nýta og styrkja núverandi innviði í hverfum borgarinnar sú rétta. Vissulega má ávallt læra af því sem miður fer og víða þurfum við að gera betur þegar kemur að því að móta hið byggða umhverfi. Um leið þurfum við auðvitað að vera opin fyrir því að endurmeta áætlanir og þróa borgina í takt við þær þarfir sem hver tími kallar á.

Við þurfum hinsvegar að eiga öflugan málssvara borgarþróunar þar sem fjölbreyttir ferðamátar og lifandi mannlíf í borgarumhverfinu er útgangspunkturinn. Þar tel ég að mínar áherslur og faglega reynsla og þekking komi sterk inn og geti hjálpað til við að laða fram bestu mögulegu lausnirnar og þau tækifæri sem víða felast í borgarumhverfinu.

Það hefur verið dýrmæt reynsla síðustu fjögur ár að fá innsýn inn í gangverk borgarkerfisins frá sjónarhóli stjórnmálanna. Ég tel mig hinsvegar eiga mikið inni á vettvangi borgarinnar og vil gjarnan fá tækifæri til að verða virkari þátttakandi í að auðvelda hið daglega líf borgarbúa og móta framtíð Reykjavíkur. Ég óska því eftir þínum stuðningi í 3-4. sætið í flokksvalinu 24. janúar.

Hægt er að bjóða sig fram og/eða tilnefna fólk í gegnum þetta rafræna eyðublað. 

Uppstillingarnefnd biðlar til fólks að skila inn framboðum og tilnefningum eigi síðar en fyrir lok dags 31. janúar. Athugið að hér er einungis um viðmið að ræða, tekið verður á móti framboðum og tilnefningum eftir þann tíma en slíkt viðmið auðveldar uppstillingarnefnd í vinnu sinni við uppröðun á lista. 

Uppstillingarnefnd hvetur sem flest til þess að bjóða sig fram og/eða tilnefna mögulega frambjóðendur. Fyrir frekari fyrirspurnir er hægt að senda póst á xshafnarfjordur@xshafnarfjordur.is. 

Boðað verður til félagsfundar hjá Samfylkingunni í Hafnarfirði til þess að bera listann upp til samþykktar ekki seinna en laugardaginn 28. febrúar.

Kær kveðja uppstillingarnefnd Samfylkingarinnar í Hafnarfirði.

Hér má finna allar upplýsingar um uppstillingu í Hafnarfirði. 

Uppstilling í Hafnarfirði - allt sem þú þarft að vita

Magnea Marinósdóttir heiti ég og gef kost á mér í 2.- 4. sæti á lista Samfylkingarinnar fyrir komandi borgarstjórnarkosningar.  

Ég hef alla tíð haft sterka réttlætiskennd og látið samfélagsmál mig varða. Í eðli mínu er ég umbótasinni með getu til að greina hlutina heildstætt. Mér finnst ég einnig hafa þá þekkingu og reynslu sem þarf til að fara vel með það vald sem borgarfulltrúum er veitt með lýðræðislegu umboði þínu. Jafnframt tel ég mig hafa það úthald, festu og seiglu sem þarf til að sinna þessu ábyrgðarmikla og annasama starfi.

Til að finna jafnaðar- og jafnréttishugsjón minni farveg gekk ég fyrst til liðs við Samband ungra jafnaðarmanna áður en ég varð stofnfélagi í Samfylkingunni. Síðan þá hef ég lagt hugsjónum Jafnaðarflokks Íslands lið með margskonar hætti. Undanfarin ár hef ég verið tengiliður stjórnar í stefnumótandi málefnastarfi um stjórnarfar og mannréttindi, sit í stjórn Samfylkingarfélagsins í Reykjavík, Kvennahreyfingunni og Verkalýðsráðinu auk þess að vera varamaður í framkvæmdastjórn flokksins.

Núna óska ég eftir ykkar stuðningi til að taka sæti í borgarstjórn.

Menntun: Eftir að hafa lokið námi í stjórnmálafræði frá Háskóla Íslands og Kaupmannahafnarháskóla fór ég í framhaldsnám í alþjóðaöryggismálum með áherslu á átakagreiningar og lausnir frá School of Foreign Service, Georgetown háskóla í Washington D.C. Hlaut námsstyrki frá Fulbright stofnuninni og Samtökum bandarískra háskólakvenna. Fékk einnig rannsóknarstyrk frá Mellon Foundation til að fara á vegum Institute for the Study of International Migration til Tansaníu að gera rannsókn í flóttamannabúðum á leiðum til að stemma stigu við kynbundnu ofbeldi og tillögur að aðgerðum gegn ofbeldinu. Sú reynsla mótaði mig fyrir lífstíð.

Starfsreynsla: Menntun mína tel ég gott veganesti í stjórnmálin. Hið sama má segja um víðfeðma starfsreynslu mína annars vegar hérlendis innan Alþingis, sendiráða, ráðuneyta, sveitarfélaga m.a. Reykjavíkurborgar, félagasamtaka, háskólasamfélagsins og hins vegar utan landsteinanna hjá virtum alþjóðastofnunum eins og UN Women og Alþjóðaráði Rauða krossins. Það mikilvægasta er að störf mín hafa veitt mér tækifæri til að vinna að málum sem snerta grunngildi þeirrar stefnu sem Samfylkingin byggir á. Má þar nefna jafnrétti og kvenréttindi, þróunar- og mannúðarmál og úrlausnarefni sem lúta að þörfum og réttindum fólks af erlendum uppruna.

Ég vil leggja mitt lóð á vogarskálarnar til að gera góða borg enn betri með grunngildi jafnaðarstefnunnar að leiðarljósi, manngæsku og samkennd, sem nú á klárlega undir högg að sækja. Ég vil vinna að úrlausnum mála sem snerta beint stöðu og velferð fólks á öllum aldri óháð uppruna sem og borgarbúa sem reka fyrirtæki og samtök, lista- og menningarstarfsemi.

Sem borgarfulltrúi mun ég ávallt vera óhrædd við að skoða og endurskoða mál með það að markmiði að stuðla að farsælum breytingum í takt við jafnaðarstefnuna. Ég mun hlusta, spyrja spurninga og leita svara: Þarf þétting byggðar endilega að þýða að sumir íbúar borgarinnar búi við skertari lífsgæði en aðrir eins og minni dagsbirtu? Hvað réttlætir það? Þarf ríkið að koma að úrlausn í leikskólamálum? Er brýnt að koma betur á móts við þarfir barna sem tala takmarkaða eða enga íslensku í skólakerfinu og foreldra þeirra? Hvers vegna? Er æskilegt að skapa tækifæri til að nýta betur krafta eldra fólks? Er þjónusta borgarinnar að virka fyrir borgarbúa og fyrirtækin og samtökin sem þau reka? Hvað með þau sem eru með starfsemi á sviði lista og menningar? Er svigrúm til að gera betur og þá hvernig? Er jafnræðis gætt hjá Reykjavíkurborg sem stjórnvaldi og ef ekki, hvers vegna og hvað er mögulegt að gera til að bæta það?

Ég mun jafnframt gæta þess að rót og ólga samtímans beri okkur ekki af leið og út af spori hinnar mannúðlegu jafnaðarstefnu.

Þakka þeim sem veita mér stuðning til góðra verka. 

Magnea Marinósdóttir - flokksval í Reykjavík 2026

Ég heiti Bjarni Þór og gef kost á mér í 4. til 6. sæti í flokksvali Samfylkingarinnar í Reykjavík.  Ég er Reykvíkingur og hef lengi haft sterka tengingu við borgina mína – ekki bara sem íbúi, heldur sem þátttakandi í samfélaginu og baráttunni fyrir betra lífi fólks. Ég er giftur og við eigum fimm börn og níu barnabörn. Sú reynsla mótar sýn mína á samfélagið, velferðina og ekki síst húsnæðismálin.

Ég býð mig fram í flokksvali Samfylkingarinnar vegna þess að ég tel að Reykjavík standi á tímamótum og þurfi skýra jafnaðarstefnu í verki.

Fjölbreyttur bakgrunnur – reynsla úr ólíkum áttum

Bakgrunnur minn er fjölbreyttur. Ég hef unnið við verslunarstörf, sjómennsku, kvikmyndagerð og fjölmiðla. Ég lærði kvikmyndagerð í París á níunda áratugnum og starfaði lengi við fjölmiðla, meðal annars hjá RÚV, 365 miðlum og Sýn.

Síðar lauk ég viðskiptafræðinámi við Háskóla Íslands, sem hefur nýst mér vel í störfum tengdum rekstri, stefnumótun og stjórnarsetu. Ég starfaði hjá ASÍ sem sérfræðingur í húsnæðismálum og starfa í dag hjá Birtingi útgáfufélagi, auk þess að starfa sem leiðsögumaður yfir sumartímann.

Ég hef verið virkur í Samfylkingunni frá stofnun flokksins og sat í stjórn Samfylkingarfélags Reykjavíkur um fjögurra ára skeið. Ég er jafnaðarmaður í gegn og tel að stjórnmál snúist fyrst og fremst um að jafna tækifæri fólks og tryggja félagslegt öryggi og réttlæti í daglegu lífi.

Húsnæðismál eru mitt hjartans mál og hef ég unnið að þeim um langt árabil, einkum í gegnum verkalýðshreyfinguna. Ég hef setið í stjórn VR frá árinu 2011, þar af sem varaformaður í fjögur ár, og tekið þátt í mótun stefnu og ákvarðanatöku sem snýr að kjörum, velferð og lífsgæðum launafólks.

Ég hef einnig setið í miðstjórn ASÍ frá árinu 2013 og síðustu sjö ár í stjórn Lífeyrissjóðs verslunarmanna, þar sem ég hef fengið dýrmæta innsýn í samspil vinnumarkaðar, fjármála og samfélagslegra innviða.

Bjarg og Blær – tímamót í húsnæðissögu

Ég var einn af hvatamönnum að stofnun Bjargs íbúðafélags árið 2016. Markmiðið var einfalt: að tryggja launafólki öruggt og hagkvæmt húsnæði án hagnaðarsjónarmiða. Í dag hefur Bjarg byggt um 1.200 íbúðir sem veita jafnmörgum fjölskyldum raunverulegt húsnæðisöryggi og mun lægri leigu en á almennum markaði.

Ég sat í stjórn Bjargs frá stofnun og er nú formaður fulltrúaráðs Bjargs. Þá sit ég einnig í stjórn Blævar húsnæðisfélags VR, sem afhenti fyrstu leiguíbúðir til félagsmanna VR í upphafi síðasta árs.

Ég fullyrði að tilkoma Bjargs og systurfélagsins Blævar hafi verið mikið gæfuspor, marki tímamót í íslenskri húsnæðissögu og styrki öryggi, stöðugleika og jöfnuð í samfélaginu.

Við þurfum að hugsa húsnæðismál út frá lífshlaupi fólks. Ungt fólk þarf raunhæfa leið inn á markaðinn til að geta stofnað heimili og fjölskyldu. Þegar fjölskyldan stækkar eykst þörfin fyrir meira rými, öryggi og þjónustu í nærumhverfinu. Þegar börnin flytja að heiman breytast þarfir aftur – þá skiptir máli að fólk geti minnkað við sig án þess að þurfa að yfirgefa hverfið sitt eða samfélagið sem það tilheyrir.

Skynsamleg húsnæðisstefna í Reykjavík þarf því að byggja á fjölbreytni: blöndu af leigu- og eignaríbúðum, mismunandi stærðum og búsetuformum, sem gera fólki kleift að færa sig til eftir þörfum – án þess að öryggi eða lífsgæði skerðist.

Ég tel jafnframt að borgin verði að taka virkara hlutverk í því að tryggja öllum börnum og unglingum raunverulegan aðgang að skipulögðu íþrótta- og tómstundastarfi. Það má ekki ráðast af efnahag, bakgrunni eða móðurmáli hvort barn fái að taka þátt. Sérstök áhersla þarf að vera á börn með annað móðurmál en íslensku, svo þau standi ekki utan samfélagsins heldur fái jöfn tækifæri til þátttöku og tengslamyndunar.

Við eigum heldur ekki að sætta okkur við aukna félagslega einangrun eldra fólks. Einmanaleiki og aldursfordómar eru samfélagslegt verkefni. Reykjavík þarf að vinna markvisst að því að efla félagslega þátttöku eldri borgara og tryggja þeim virðingu, virkni og mannsæmandi hlutverk í borgarlífinu.

Í störfum mínum innan verkalýðshreyfingarinnar hef ég orðið vitni að vaxandi aldursfordómum. Fólk yfir 55 ára aldri mætir kerfisbundnum hindrunum, sérstaklega í atvinnuleit. Þetta er óréttlátt og sóun á dýrmætri reynslu og þekkingu.

Ég vil beita mér fyrir því að Reykjavíkurborg taki markviss skref til að bæta stöðu eldri borgara, vinna gegn aldursfordómum og skapa raunveruleg tækifæri til virkrar þátttöku fólks á efri árum.

Kæru félagar, ég óska eftir stuðningi ykkar í 4.–6. sæti í flokksvalinu. Ég tel að sú reynsla og þekking sem ég hef aflað mér í húsnæðis- og velferðarmálum muni nýtast borginni vel. Ég vil leggja mitt af mörkum til að byggja Reykjavík sem stendur með fólki, fjölskyldum og framtíðinni.

Laugardaginn 24. janúar komum við saman í Iðnó þegar niðurstöður flokksvals Samfylkingarinnar í Reykjavík verða kynntar.

Húsið opnar kl. 18:30
 Niðurstöður kynntar kl. 19:00
 Partýið stendur til kl. 01:00

Komdu og vertu með í þessari lýðræðislegu hátíð, fögnum saman niðurstöðunum og njótum kvöldsins í góðum félagsskap.

Úrslit flokksvals í Reykjavík og partý

Frambjóðendur í flokksvali í Kópavogi 2026

2. sæti

Eydís Inga Valsdóttir

1. - 4. sæti

Gunnar Gylfason

3. sæti

Hákon Gunnarsson

3. - 4. sæti

Hildur María Friðriksdóttir

1. sæti

Jónas Már Torfason

2. - 3. sæti

Sólveig Skaftadóttir

Samfélagsmiðlar

Áherslumál Samfylkingarinnar í Hafnarfirði

Samfylkingin er jafnaðarflokkur Íslands og hann byggir stefnu sína og störf á jöfnuði, frelsi, lýðræði, jafnrétti og samábyrgð. Sérhverjum einstaklingi skulu tryggð skilyrði til að rækta hæfileika sína og nýta í þágu eigin velferðar, samfélags síns og komandi kynslóða. Tryggja skal jöfnuð og öll eigum við rétta á heilbrigðisþjónustu, menntun og annarri samfélagslegri þjónustu óháð efnahag.

Oddviti Samfylkingarinnar

Guðmundur Árni Stefánsson

Bæjarfulltrúi

Árni Rúnar Þorvaldsson

Hildur Rós Guðbjargardóttir

Stefán Már Gunnlaugsson

Bæjarfulltrúar Samfylkingarinnar í Hafnarfirði

Formaður Samfylkingarfélagsins í Hafnarfirði

Gauti Skúlason

Tryggvi Rafnsson

Helena Mjöll Jóhannsdóttir

Hildur Guðmundsdóttir

Jón Grétar Þórsson

Ófeigur Friðriksson

Dagbjört Harðardóttir

Strandgötu 43

Samfylkingin í Hafnarfirði

Samfylkingarfélagið í Hafnarfirði

Raðað skal frambjóðendum af gagnstæðu kyni í 1. og 2. sætið. Leitast skal við að raða frambjóðendum á víxl eftir kyni, mest má setja frambjóðendur af sama kyni tvö sæti í röð og skulu þá næstu tvö sæti hafa frambjóðendur af öðru kyni. 

Ávallt skal leitast við að á framboðslistum séu frambjóðendur yngri en 35 ára í að minnsta kosti fimmtungi þeirra sæta sem stillt er upp í. 

Frambjóðendur skulu hafa fjölbreyttan bakgrunn og ólíka reynslu og líta skal sérstaklega til nýliðunar á listanum.

Uppstillingarnefnd skiptir með sér verkum. 

Boðað verður til félagsfundar til þess að bera listann upp til samþykktar ekki seinna en laugardaginn 28. febrúar.

Frekari upplýsingar frá uppstillingarnefnd berast félagsfólki fljótlega. 

Á félagsfundi Samfylkingarinnar í Hafnarfirði þann 8. janúar var tillaga stjórnar að raðað yrði á framboðslista af sérkjörinni uppstillingarnefnd samþykkt. 

Samfylkingin í Hafnarfirði hefur ákveðið uppstillingu 

Leit um „��“

2912 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2912 niðurstöður fundust við leit að „���������������������������“