24. jún 2020

Tillögurnar okkar í COVID-19

Samfylkingin hefur lagt fram lausnir á Alþingi fyrir heimili og fyrirtæki

Samfylkingin hefur lagst á árarnar með stjórnvöldum við að greiða málum ríkisstjórnarinnar í tengslum við Covid-19 leið í gegnum þingið. Við höfum unnið þessi mál í nefndum í góðri samvinnu við þingmenn stjórnarmeirihlutans, sem að vísu hafa ekki samþykkt sumar breytingatillögur okkar. Hér fyrir neðan má finna yfirlit yfir þær tillögur sem Samfylkingin hefur lagt fram á Alþingi í tenglsum við efnahagslegar afleiðingar COVID-19.

Hærri atvinnuleysisbætur

  • Atvinnuleysisbætur hækki úr 289.510 kr. í 314.720 kr.
  • Hlutfall tekjutengdra atvinnuleysisbóta af meðaltali heildarlauna hækki tímabundið úr 70% í 100%
  • Framfærsla með hverju barni hækki um 50% (samþykkt)

Námsmenn og heimsfaraldurinn

  • Námsmönnum tryggður réttur til atvinnuleysisbóta í sumar
  • Aðgengi námsmanna að geðheilbrigðisþjónustu verði bætt
  • Starfsnám iðnnema verði tryggt með auknu fjármagni
  • Menntastofnunum verði gert kleift að taka við fleiri nemendum

Sveitarfélög og COVID-19

  • Aukið fjármagn til sóknaráætlana landshluta
  • Framkvæmdasjóður aldraðra verði styrktur
  • Byggðar verði fleiri almennar leiguíbúðir
  • Átak verði gert í íslenskukennslu atvinnuleitenda af erlendum uppruna

Aukin fjárfesting

  • Hærri álagsgreiðslur til framlínufólks, óháð vinnustað
  • Aukið fjármagn í nýsköpun, sprotastarfsemi og tækniþróun
  • Aukið fjármagn í verklegar framkvæmdir um allt land
  • Fjölgun listamannalauna og stórsókn í kvikmyndagerð
  • Aukið fjármagn til SÁÁ og íþróttamála
  • Hærri greiðslur til eldri borgara, öryrkja og fjölskyldna langveikra barna
  • Aukið fjármagn til grænmetisræktar og skógræktar
  • Beinir styrkir til lítilla fyrirtækja
  • Aukinn stuðning til fjölmiðla
  • „Allir vinna“ nái til kvennastétta

Skilyrði fyrir stuðningi til fyrirtækja

  • Fyrirtæki með tengsl við skattaskjól fái ekki stuðning skattgreiðenda
  • Krafa um loftslagsbókhald og áætlun til næstu fimm ára um minni losun gróðurhúsalofttegunda
  • Fyrirtæki endurgreiði stuðning eftir því sem afkomubati leyfi
  • Þak á laun stjórnenda