Grundvöllur hagsældar er að hér ríki jöfnuður og hann verðum við að auka, því þótt tekjujöfnuður sé hér nokkur þá er eignaójöfnuður verulegur og það bitnar fyrst og fremst á þeim tekjulægstu. Þá er alveg ljóst að þau sem byggja afkomu sína á tekjum frá almannatryggingum búa flest hver við afar kröpp kjör. 

Til að halda hér uppi samfélagi jöfnuðar þurfum við að nýta okkar tæki til að jafna byrðarnar og styðja við þá sem helst þurfa á því að halda. Íslendingar verja hvað minnstum fjármunum til bótakerfisins af EES ríkjum, en aðeins tæp 28% af útgjöldum ríkisins fara í ellilífeyri, barnabætur, atvinnuleysisbætur og fleiri flokka. Þarna birtast okkar veikleikar því við gerum þeim sem þurfa á stuðningi okkar að halda að lifa við fátækt sem leiðir til eymdar og mikils kostnaðar annars staðar í kerfinu. Börn sem alast upp við fátækt eiga það frekar á hættu að búa við fátækt á fullorðinsárum. Þau hætta frekar námi til að hefja störf til stuðnings við fjölskylduna og þá sýna rannsóknir Vörðu – rannsóknarstofnunar vinnumarkaðarins, að þau efnaminni leiti sér síður læknisaðstoðar. Við verðum að gera betur þegar kemur að stuðningi við fólk og fjölskyldur og þurfum til þess hvort tveggja pólitískan vilja til að auka hér jöfnuð en einnig fleiri vinnandi hendur. 

Í síðustu viku var kynnt ný rannsókn Samtaka atvinnulífsins um að fyrirsjáanlegur skortur væri á starfsfólki á komandi árum og að líkast til þyrftu um 12 þúsund manns að flytja hingað til lands til margvíslegra starfa. Skortur á vinnuafli er hvort tveggja á einkamarkaði sem og hinum opinbera. Við höfum heyrt rætt um skort á heilbrigðisstarfsfólki sem virðist vera vandamál á heimsvísu en þá ættum við að gera það sem við getum til að liðka til fyrir komu heilbrigðisstarfsfólks erlendis frá með sambærilega menntun. 

Við þurfum einnig að liðka til fyrir starfsfólki í öðrum mögulegum greinum, svo sem ferðaþjónustu, byggingariðnaði, tæknigeira og listum. Sú útlendingastefna sem ríkisstjórnir síðasta áratugar hafa staðið fyrir hefur því miðu lokað hér dyrum, utan þess að tekin var ákvörðun um að veita hér 6 mánaða leyfi fyrir efnameiri sérfræðinga utan EES svæðisins til að stunda hér fjarvinnslu. Hvers vegna var ekki tekin ákvörðun um að lækka múrana og heimila fólki að koma hingað til starfa fyrst skortur á vinnandi fólki er það sem helst getur hamlað hagvexti?  Þá er alveg ljóst að það fólk sem flýr heimili sín þessi misserin vegna stríðsátaka vill umfram allt koma sér fyrir á friðsamlegum slóðum og hefja störf sér til framfærslu. Við eigum að liðka til fyrir hingaðkomu fólks en ekki reisa múra. 

Við erum ríkt land af auðlindum og góðum lífsskilyrðum. Hagsæld hefur verið hér með ágætum en betur má ef duga skal. 

Uppstillingarnefnd hefur lokið störfum og mun leggja fram tillögu að skipan S-lista Samfylkingarinnar og óháðra fyrir komandi bæjastjórnarkosningar fyrir félagsfund Samfylkingarinnar í Reykjanesbæ n.k. mánudag þann 7. mars.

Félagsfundurinn verður haldinn í sal Knattspyrnudeildar Njarðvíkur í Vallarhúsinu við Afreksbraut og hefst kl. 20.

Samfylkingarfélagið í Reykjanesbæ boðar til félagsfundar mánudaginn 7. mars kl. 20:00. Fundurinn verður haldinn í sal Knattspyrnudeildar Njarðvíkur í Vallarhúsinu við Afreksbraut.

Félagsfundur - tillaga til afgreiðslu að framboðslista í Reykjanesbæ

Upphaf málefnastarfs Samfylkingarinnar í Reykjavík fyrir borgarstjórnarkosningar 2022 hefst með fundi í Sóltúni 26, mánudaginn 7. mars, kl. 20. Dagur B. Eggertsson, borgarstjóri, mun leiða umræður.

Viðburðurinn fer fram á íslensku. Hjólastólaaðgengi til staðar.

Öll velkomin, flokksfélagar og önnur áhugasöm.

*
We will be kickstarting Samfylkingin's policy work for the 2022 City Council elections in Reykjavik with a meeting on Monday, March 5 at 8 pm, in Sóltún 26. Dagur B Eggertsson, mayor of Reykjavik, will moderate the discussions.

The event will be in Icelandic. Wheelchair accessible.

All welcome, party members and others who are interested. 

Uppstillingarnefnd leggur fram til samþykktar framboðslista Samfylkingarinnar í Mosfellsbæ við sveitarstjórnarkosningarnar í maí.

Sérstakur gestur fundarins verður Logi Einarsson formaður Samfylkingarinnar. 

Fundarstjóri verður Þórunn Sveinbjarnardóttir þingmaður í Suðvesturkjördæmi. 

Stjórn Samfylkingarinnar í Mosfellsbæ boðar til félagsfundar laugardaginn 5. mars kl.11-13 í Þverholti 3.

Félagsfundur í Mosfellsbæ - gestur Logi Einarsson 

Aðalfundur Samfylkingarfélagsins í Reykjavík fór fram í gær, fimmtudaginn 24. febrúar 2022. Á dagskrá voru hefðbundin aðalfundastörf samkvæmt lögum félagsins https://www.sffr.is/  

Ellen Calmon forman félagsins flutti skýrslu stjórnar en Samfylkingarfélagið í Reykjavík er fjölmennasta aðildarfélag Samfylkingarinnar og hefur haldið úti virkri starfsemi á árinu sem var að líða þrátt fyrir miklar áskoranir vegna heimsfaraldursins. 

Á fundinum var Ellen Calmon endurkjörin formaður með öllum greiddum atkvæðum. Stein Olov Romslo var kjörin gjaldkeri stjórnar og önnur i stjórn voru kjörin; Sigfús Ómar Höskuldsson, Ingiríður Halldórsdóttir, Vilborg Oddsdóttir, Ólöf Helga Jakobsdóttir og Sindri Freyr Ásgeirsson. Þá hlutu eftirfarandi kjör sem varamenn; Þorleifur Örn Gunnarsson, Halla Gunnarsdóttir, Barbara Kristvinsson, Mörður Árnason og Þorkell Heiðarsson. 

Aðalfundur Samfylkingarfélagsins í Reykjavík samþykkti svohljóðandi ályktun:

Samfylkingarfélagið í Reykjavík fordæmir hörmulega og fyrirlitlega innrás Rússa í Úkraínu. Innrásin er alvarlegt brot á alþjóðalögum, vanvirðing fyrir alþjóðlegum gildum og friði, brot á mannréttindum og aðför að lýðræði.

Samfylkingarfélagið í Reykjavík krefst þess að íslensk stjórnvöld standi fast á efnahagsþvingunum gagnvart Rússlandi og taki til afdráttarlausra aðgerða til að stilla til friðar. Samfylkingarfélagið í Reykjavík krefst þess að íslensk stjórnvöld bjóði borgurum Úkraínu mannúðaraðstoð og hæli á Íslandi, þar sem lögð verði sérstök áhersla á að koma börnum og barnafjölskyldum til bjargar. 

Ellen Calmon endurkjörin formaður Samfylkingarfélagsins í Reykjavík á aðalfundi félagsins í gærkvöldi

Ellen Calmon endurkjörin formaður Samfylkingarfélagsins í Reykjavík

Því vonum við svo sannarlega að sem flestir hafi tök á að taka þátt á vorfundi flokksstjórnar laugardaginn 12. mars, félagar, makar og börn velkomin.

09:00          Húsið opnar - skráning

09:30          Varaformaður Samfylkingarinnar setur fundinn 

09:40          Framtíðin er núna 
Fundargestir ræða mikilvægustu verkefnin framundan í sveitarfélögum landsins og gefst kostur á að hlusta á og spyrja gesti í pallborði í tveim liðum

Fjárfestum í Grænni framtíð - Loftslagsmál, samgöngur, fjárfestingar, innviðir

Samfélag fyrir okkur öll – jöfnum tækifærin í alvöru!  - Menntun, vinna, húsnæði, velferð

11:00        Ræða formanns Samfylkingarinnar
11:20        Hádegishlé       

Matarmikil grænmetisúpa, kjúklingasalat & vegansalat
ásamt brauðinu okkar og pestó

12:20        Almennar umræður, fulltrúi Reykjanesbæjar opnar 

14:00        Kosning í Verkalýðsmálaráð 
Kosið verður í fmm sæti, hér er að finna eyðublað með framboðstilkynningu.

14:15        Umsókn um inngöngu Jafnaðarfélagsins í Samfylkinguna

15:00        Afgreiðsla tillagna og ályktunar fundarins 
Tillögur skulu hafa borist skrifstofu fyrir 5. mars kl. 09:00  á tölvupósti samfylking@samfylking.is

15:30       Hjartans málið mitt 

Frambjóðendur segja frá sínu hjartans máli

16:30       Hamingjustund með félögum okkar á Suðurnesjum  

Aðeins flokksstjórn hefur atkvæðisrétt á flokksstjóarnarfundi. 

Þátttökugjaldið er 3.500 kr., innifalið í því er kaffi, hádegismatur og síðdegiskaffi. Skráning á fundinn hér. 

Það er mikið gleðiefni að nú getum við komið saman og ætlum við að gera það á vorfundi flokksstjórnar sem haldinn verður í Reykjanesbæ í Hljómahöllinni. 

mitt erindi í borgarpólitíkinni hefur alltaf verið skýrt. Ég hef einkum starfað að umhverfis- og skipulagsmálum og í menningarmálum. Þegar ég var formaður umhverfis- og skipulagsráðs beitti ég mér fyrir þéttari og mannvænni byggð, betri hjólastígum, göngugötum og hægari bílaumferð. Með þeim árangri að þar sem áður voru endalaus bílaplön, úr sér gengnar atvinnulóðir og veghelgunarsvæði, rísa núna þúsundir íbúða, falleg torg og nytsamleg útisvæði. Ný hámarkshraðaáætlun hefur verið samþykkt og það hefur átt sér stað sannkölluð bylting í gerð hjólastíga. Við ætlum að gera Reykjavík að borg þar sem vistvænar samgöngur eru á heimsmælikvarða. Hraðvagnakerfi Borgarlínunnar er mikilvægasta verkefni næstu ára. Reykjavíkurborg gegnir þar lykilhlutverki. 

Ég hef undanfarin ár verið formaður menningar-, íþrótta- og tómstundaráðs. Þar hef ég meðal annars leitt vinnu við framsækna menningarstefnu fyrir borgina. Hún heitir „List og menning í Reykjavík 2030“. Við ætlum að gera Reykjavík að frábærri borg til að skapa listir og njóta þeirra. Reykjavík á að vera heimsþekkt menningarborg. Borg þar sem hlutirnir gerast. Ég hef stutt þær mikilvægu breytingar sem eru að verða á samfélagslegu hlutverki bókasafnanna og lagt áherslu á að Bíó Paradís geti starfað áfram. Það hefur tekist sem betur fer. Það var líka gefandi að vera í teyminu sem gekk frá nýrri íþróttastefnu fyrir borgina. Þar er fyrst og fremst lögð áhersla á að íþróttir eigi að vera fyrir okkur öll. Þessi verkefni eru líka pólitísk, og það skiptir miklu máli að allir geti notið sín á grundvelli jöfnuðar og samvinnu.

VISTVÆNA LEIÐIN ER EINA VITRÆNA LEIÐIN

Samfylkingin hefur haft forystu í borgarstjórn undanfarin átta ár og getur horft ánægð um öxl. Ég er stoltur af mínum þætti í þeim árangri. En brýn úrlausnarefni bíða, og ég segi það hiklaust að vegna reynslu minnar og þekkingar kem ég að gagni næsta kjörtímabil við ný verk og framhald hinna fyrri. -  Heimurinn er á krossgötum. Loftslagsvandinn gefur engin grið. Sú vistvæna leið sem við fetum í borginni, er eina vitræna leiðin. Við þurfum að taka enn stærri skref næstu árin. Og auðvitað þurfum við að tryggja að nýja Reykjavík sé skemmtileg og falleg borg, þar sem lögð er áhersla á velferð, á jöfnuð og á góða þjónustu við alla borgarbúa, frá bernsku til efri ára. - Ég er fullur tilhlökkunar að takast á við verkefnin sem framundan eru.

Hjálmar Sveinsson - flokksval í Reykjavík 2022

Reykjavík er stórkostleg borg á fleygiferð inn í framtíðina og það er mikilvægt að við villumst ekki af leið, heldur höldum áfram að nútímavæða og byggja upp mannvæna og góða borg fyrir okkur öll. 

Við erum stödd í mesta uppbyggingarskeiði í sögu borgarinnar þar sem verið er að fjölga allskonar íbúðum af því að fólk er allskonar.  Við leggjum áherslu á hagkvæmt húsnæði fyrir ungt fólk, félagslegt húsnæði og uppbyggingu leiguhúsnæðis sem rekið er án hagnaðarsjónarmiða svo allir geti fundið sér stað í Reykjavík. 

Við höfum sett stefnuna á græna Reykjavík, kolefnishlutlausa borg þar sem Borgarlínan verður meginn drifkrafturinn, þar sem við öll fáum raunhæft val um vistvæna ferðamáta með aðgengilegum almenn­ings­sam­göngum, hjóla- og göngustígum. 

Mannréttinda og velferðarmál  þurfa að vera rauður þráður við stjórn borgarinnar, markmið okkar er að auka lífsgæði og lýðheilsu og stuðla að því að allir Reykvíkingar eigi kost á að lifa með reisn. Við þurfum líka að klára uppbyggingu leikskólanna til að geta boðið öllum 12 til 18 mánaða börnum leikskólapláss og halda áfram að styrkja alla þjónustu við börn og barnafjölskyldur um alla borg. 

Á næsta kjörtímabili verða þetta megin verkefnin í Velferðarborginni Reykjavík, og það er mikilvægt að það verði undir traustri stjórn jafnaðarfólks. 

Ég brenn fyrir samfélagi jafnaðar og jafnréttis, sjálfbærar þróunar og réttlætis, þar sem við öll getum átt gott og heilsusamlegt líf. Velferðarborgin Reykjavík er lykillinn að því að þannig samfélag fái að þróast og dafna á Íslandi. Að því vill ég áfram vinna. 

Ég er fædd árið 1971, menntuður Næringarrekstrarfræðingur og næringarráðgjafi frá Gautaborgarháskóla árið 2000 og með MBA próf frá HR 2005 og diploma í jákvæðri sálfræði frá HÍ 2015. Ég hef starfað við hin ýmsu störf í gegnum tíðina síðast sem stjórnandi á Landspítala áður en ég kom inn í Borgarstjórn árið 2015. 

Heiða Björg er gift Hrannari Birni Arnarssyni og eiga þau 4 börn og eitt barnabarn.

Heiða Björg Hilmisdóttir - flokksval í Reykjavík 2022

Upplýsingar fyrir kjósendur í Reykjavík

Flokksvalið fer fram helgina 12. - 13. febrúar

Kjörseðill hér: https://innskraning.island.is/?id=outcomesurveys.com

Upplýsingar um frambjóðendur hér: https://xs.is/frambjodendur-i-flokksvali-i-reykjavik-2022

Upplýsingar fyrir kjóendur hér: https://xs.is/upplysingar-fyrir-kjosendur-i-reykjavik

Hafa náð 16 ára aldri á seinni valdegi, 13. febrúar 2022 og

eru með lögheimili í Reykjavík og eru annað hvort:
skráðir félagar í Samfylkingunni - jafnaðarmannaflokki Íslands eða
skráðir stuðningsaðilar Samfylkingarinnar - jafnaðarmannaflokks Ísland

og uppfyltu þessi skilyrði föstudaginn 4. febrúar 2022 kl. 23:59.

Rafræna kosningakerfið er opið frá laugardegi 12. febrúar kl. 08:00 til sunnudags 13. febrúar kl. 15:00.

Búast má við því að úrslit flokksvalsins verði tilkynnt síðdegis eða snemma kvölds sunnudaginn 13. febrúar.

Kosningin fer fram rafrænt á xs.is. Kjósandi skráir sig inn í kosningakerfið með rafrænum skilríkjum eða Íslykli. Kjósandi fyllir út kjörseðilinn með því að raða frambjóðendum í 1. til 6. sæti. Kjósandi skal að lágmarki raða í fjögur sæti. 

Til að skila auðum seðli hakar kjósandi í reitinn „Skila auðu“.  

Kjósandi getur breytt atkvæði sínu allt þar til kosningu lýkur. Þá gildir síðast greidda atkvæðið.

Eigi kjósandi í vandræðum með kosningakerfið, þar á meðal með að skrá sig inn með rafrænum skilríkjum eða Íslykli, getur hann haft samband við kjörstjórn með tölvupósti fsr@samfylking.is eða í síma 414-2200.

Kjörstjórn stödd á skrifstofu Samfylkingarinnar að Sóltúni 26, 105 Reykjavík, á laugardaginn kl. 09-20 og á sunnudaginn kl. 09-15. Þar getur kjörstjórn tekið við kjósendum sem þurfa á aðstoð að halda við kosningu, t.d. ef ekki hefur tekist að leysa úr vandkvæðum við að skrá sig inn með rafrænum skilríkjum eða Íslykli með öðrum hætti.

Námsmenn á Norðurlöndum, sem áður áttu lögheimili í Reykjavík, geta kosið í flokksvalinu. Sama gildir um maka, sambúðarmaka og börn þeirra, sem dveljast með þeim í viðkomandi landi. 

Þau sem óska eftir að vera bætt á kjörskrá, samkvæmt þessari heimild, geta sent inn beiðni þess efnis. Með beiðni skal fylgja staðfesting á skólavist. Kjörstjórn tekur við beiðnum af þessu tagi allt til loka kjörfundar. Beiðni ásamt staðfestingu á skólavist, skal send með tölvupósti á fsr@samfylking.is. 

Beiðni um að vera bætt á kjörskrá jafngildir ekki skráningu sem félagi í Samfylkingunni - jafnaðarmannaflokki Íslands eða sem stuðningsaðili hennar. Þannig verða aðeins þau tekin á kjörskrá sem voru rétt skráð í flokkinn eða sem stuðningsaðili hans fyrir skráningarfrest, föstudaginn 4. febrúar kl. 23:59.

Þá felur beiðni um að vera bætt á kjörskrá í flokksvalinu ekki í sér að viðkomandi eigi þá sjálfkrafa kosningarétt í borgarstjórnarkosningunum sjálfum. Þjóðskrá Íslands afgreiðir slíkar umsóknir og skulu þær hafa borist 36 dögum fyrir kjördag. Sjá hér: https://www.skra.is/folk/kjorskra-og-kosningar/kjorskra/namsmenn-a-nordurlondum/

Telji kjósandi sig eiga kosningarétt en er ekki á kjörskrá getur hann sent kjörstjórn beiðni um að vera tekinn á kjörskrá (kæra sig á kjörskrá). Þetta t.d. átt við um námsmenn á Norðurlöndunum sem áður áttu lögheimili í Reykjavík eða vegna villu í lögheimilisskráningu.

Til þess að kæra sig á kjörskrá skal senda inn erindi þess efnis til fylla út þetta eyðublað. og senda á með tölvupósti á fsr@samfylking.is. 

Kjörstjórn mun afgreiða kærur á kjörskrá á reglulegum fundum á kjördögum og munu kærendur fá skilaboð um úrskurð á sinni kæru eins fljótt og auðið er.

Kosningaréttur í flokksvalinu er óháður ríkisfangi. 

Þau sem uppfylla skilyrðin um að vera félagi í Samfylkingunni - jafnaðarmannaflokki Íslands eða stuðningsaðili hennar, hafa lögheimili í Reykjavík og eru orðin 16 ára eiga kosningarétt í forvalinu, óháð ríkisfangi.  

Íslenskir ríkisborgarar búsettir erlendis

Samkvæmt reglum um flokksvalið eiga félagar í Samfylkingunni - jafnaðarmannaflokki Íslands og stuðningsmenn hennar sem ekki eru með lögheimili í Reykjavík við lok skráningarfrests, föstudaginn 4. febrúar kl. 23:59, ekki kosningarétt í flokksvalinu. (Eina undanþágan varðar námsmenn á Norðurlöndum, sem áður er getið.)

Næstkomandi þriðjudag, 15. feb. klukkan 20:00verður haldinn kynningarfundur með frambjóðendum. Fundurinn fer fram á Zoom. Einnig er hægt að kynna sér frambjóðendur áhttps://xs.is/frambjodendur-i-kopavogi-2022

Flokksvalið fer fram rafrænt laugardaginn 12. febrúar og nánari upplýsingar má finn á https://xs.is/upplysingar-fyrir-kjosendur-i-hafnarfirdi.

https://us06web.zoom.us/j/83101538046?pwd=OHJNaytQOVRJaUxIV0NKRHV3RDVoUT09

Vilt þú kynnast frambjóðendum í flokksvali Samfylkingarinnar í Kópavogi betur? 

Leit um „��“

2355 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Vertu í bandi:

Leit um „���������������������������“