Aðalfundur verður haldinn mánudaginn 13. mars kl. 20 í fundarsal Samfylkingarinnar í Kópavogi, Hlíðarsmára 9.

Dagskrá aðalfundar skal hafa eftirtalda fasta liði:

1. Kjör fundarstjóra og fundarritara
2. Skýrsla stjórnar og nefnda fyrir liðið starfsár eftir því sem við á
3. Áritaðir reikningar fyrra árs lagðir fram til umræðu og samþykktar
4. Breytingar á samþykktum (stjórn hefur ekki lagt neinar fram fyrir aðalfund.)
5. Kjör stjórnar
6. Kjör félagslegra skoðunarmanna reikninga
7. Kjör uppstillinganefndar
8. Kjör í nefndir og ráð á vegum félagsins
9. Önnur mál.

Við hvetjum félagsfólk til að gefa kost á sér til trúnaðarstarfa og þau ykkar sem hafa áhuga á því sendið póst á kristinsaevars@gmail.comvið fyrsta tækifæri. Í uppstillinganefnd eru þau Kristín Sævarsdóttir, Erlendur Geirdal og Ýr Gunnlaugsadóttir. 

Við hlökkum til að sjá ykkur og ekki hika við að hafa samband ef einhverjar spurningar vakna,betrikopavogur@gmail.com.


Kær kveðja,
Stjórn Samfylkingarfélagsins í Kópavogi

Hægt er að nálgast samþykktir félagsins hér. 

Á föstudaginn 17. febrúar verður Bjór með borgarfulltrúa haldinn af Hallveigu í fyrsta skipti í ár. Við hittumst á Aldamótum kl 18 og tökum spjallið við Hjálmar Sveinsson, sem er meðal annars fulltrúi Samfylkingarinnar í umhverfis- og skipulagsráði borgarinnar. Hjálmar hefur beitt sér fyrir- og fagnað mörgum sigrum þegar kemur að þéttari og mannvænni byggð, betri hjólastígum, göngugötum og hægari bílaumferð.

Hjálmar vill gera Reykjavík að borg þar sem vistvænar samgöngur eru á heimsmælikvarða. 

Kíktu með í bjór og spjall! Þetta er fullkomin byrjun á kvöldinu - fyrsti bjórinn þinn er í boði Hallveigar! 

Utanríkis- og öryggismál eru efst á blaði á fundinum: SAMAK vill Finnland og Svíþjóð í NATO, Úkraínu í ESB og aukið varnarsamstarf Norðurlanda samkvæmt yfirlýsingu fundarins. 

Vilja Finnland og Svíþjóð í NATO og Úkraínu í ESB

Yfirlýsing fundarins kallar eftir því að Finnland og Svíþjóð fái inngöngu í NATO eins fljótt og verða má og að varnarsamstarf Norðurlanda verði aukið. Þá heita leiðtogar norrænu jafnaðarflokkanna og alþýðusambandanna fullum stuðningi við Úkraínu uns sigur hefur unnist á innrásarher Rússlands og einnig við uppbyggingu landsins að stríðinu loknu. Loks er lýst yfir stuðningi við aðildarumsókn Úkraínu að Evrópusambandinu. Yfirlýsinguna má lesa hér.

Samfylkingin og ASÍ eiga fulltrúa á fundinum

Leiðtogafundinn sækja Kristján Þórður Snæbjarnarson forseti ASÍ og Guðmundur Árni Stefánsson varaformaður Samfylkingarinnar, þar sem formaðurinn Kristrún Frostadóttir er í fæðingarorlofi. Sjálfur leiðtogafundurinn er lokaður en Kristján Þórður og Guðmundur Árni taka einnig þátt í pallborðsumræðum með kollegum sínum frá Norðurlöndum.

Auk Kristjáns Þórðar og Guðmundar Árna er Oddný Harðardóttir í Helsinki gestur fundarins á vegum jafnaðarflokka í Norðurlandaráði og Gunnar Örn Stephensen, gjaldkeri Ungs jafnaðarfólks, á vegum jafnaðarfólks í Norðurlandaráði æskunnar. Þá er Kjartan Valgarðsson, fulltrúi Samfylkingarinnar í stjórn SAMAK, einnig á staðnum.

Þrír núverandi og tveir fyrrverandi forsætisráðherrar taka þátt

Kristrún Frostadóttir ávarpar fundinn með rafrænni kveðju úr fæðingarorlofinu. Á meðal annarra þátttakenda á leiðtogafundinum eru Sanna Marin forsætisráðherra Finnlands, Mette Frederiksen forsætisráðherra Danmerkur, Jonas Gahr Støre forsætisráðherra Noregs og Magdalena Andersson fv. forsætisráðherra Svíþjóðar og Jens Stoltenberg.

Þingkosningar fara fram í Finnlandi 2. apríl næstkomandi og framundan eru fundahöld Finna og Svía með Tyrkjum vegna NATO. 

Frekari upplýsingar um leiðtogafundinn má finna á vef SAMAK.

Árlegur leiðtogafundur Samráðsnefndar jafnaðarflokka og alþýðusambanda á Norðurlöndum (SAMAK)  fer fram í Helsinki í dag.

Leiðtogar jafnaðarflokka og alþýðusambanda funda í Helsinki 

Á fundinum var samþykkt yfirlýsing í nafni SAMAK sem lýsir sameiginlegri sýn jafnaðarflokka og alþýðusambanda á Norðurlöndum í utanríkis- og öryggismálum. Yfirlýsinguna má lesa á íslensku hér fyrir neðan.

„Yfirlýsingin er afdráttarlaus og það er afar þýðingarmikið að jafnaðarflokkar og verkalýðshreyfing Norðurlanda skuli sammælast um svo skýra stefnu í utanríkis- og öryggismálum. Innrás Rússlands í Úkraínu hefur breytt öryggismálum í Evrópu til frambúðar og við því þurfum við að bregðast. Það er best gert í krafti samstöðu. Þar njótum við góðs af nánu samstarfi við Norðurlöndin og NATO,“ segir Kristrún Frostadóttir, formaður Samfylkingarinnar, sem ávarpaði leiðtogafundinn með rafrænni kveðju úr fæðingarorlofinu.

Samfylkingin og ASÍ eiga aðild að SAMAK og Kristján Þórður Snæbjarnarson, forseti ASÍ, og Guðmundur Árni Stefánsson, varaformaður Samfylkingarinnar, sátu fundinn. Sérstakur gestur var Jens Stoltenberg, framkvæmdastjóri NATO, og á meðal annarrra þátttakenda voru þrír núverandi og tveir fyrrverandi forsætisráðherrar Norðurlanda.

Norrænir jafnaðarflokkar og alþýðusambönd í Helsinki:


Við höfum sameiginlega sýn á utanríkis- og öryggismál

Ár er liðið síðan Rússland réðst með ólögmætum og grimmúðlegum hætti inn í Úkraínu og hefur það valdið úkraínsku þjóðinni miklum þjáningum, eyðileggingu og dauða. Okkar mikilvægasta verkefni er að styðja Úkraínu af fullum krafti til að landið geti bundið endi á þessar stríðshörmungar með sigri og í framhaldinu hafið uppbyggingu og fengið aðild að Evrópusambandinu. Viðskiptaþvingunum gegn Rússlandi verður að halda áfram ásamt annars konar þrýstingi svo lengi sem Úkraína telur ekki forsendur fyrir friði.

Rússland hefur neitað grannríkjum sínum um rétt þeirra til að ákveða eigin stefnu í varnarmálum og brýtur þannig gegn reglum Sameinuðu þjóðanna og alþjóðalögum. Hernaðaraðgerðir Rússlands eru alvarlegasta ógn síðustu áratuga við sameiginlegt öryggi okkar, alþjóðafrið og stöðugleika. Stríðsrekstur Rússlands hefur breytt öryggismálum í Evrópu með óafturkræfum hætti. Við þessar aðstæður hafa Finnland og Svíþjóð sótt um inngöngu í NATO.

Sameiginlegt markmið okkar á Norðurlöndum er að bæði Svíþjóð og Finnland verði fullgildir aðilar að NATO svo fljótt sem verða má. Það mun styrkja bæði Norðurlönd og NATO.

Þegar Finnland og Svíþjóð fá aðild að NATO verður hlutverk Norðurlanda í Evrópu enn þýðingarmeira. Það mun skapa forsendur fyrir auknu varnarsamstarfi Norðurlanda. Samtímis eykst ábyrgð ríkjanna á að styrkja sameiginlega stefnu Evrópu í utanríkis- og varnarmálum.

Þessi yfirlýsing var samþykkt á ársfundi SAMAK í Paasitorni, Helsinki, Finnlandi 28. febrúar 2023. SAMAK er Samráðsnefnd jafnaðarflokka og alþýðusambanda Norðurlanda.

Utanríkis- og öryggismál voru í forgrunni á árlegum leiðtogafundi Samráðsnefndar jafnaðarflokka og alþýðusambanda á Norðurlöndum (SAMAK) sem fram fór í Helsinki í gær.

Yfirlýsing SAMAK um sameiginlega sýn á utanríkis- og öryggismál

Af því tilefni var haft eftir Guðrúnu Hafsteinsdóttur, þingmanni og verðandi ráðherra Sjálfstæðisflokksins, í miðlinum Vísi: „Verðmætin í íslensku samfélagi verða til í einkageiranum, þau verða til á almenna markaðnum, þannig við megum aldrei gleyma því að hlúa að fyrirtækjunum í landinu.“

Vissulega þarf að búa fyrirtækjarekstri góða umgjörð en hún er fráleit og þreytt sú margtuggna klisja að verðmætin verði eingöngu til í einkarekstri. Öllum ætti að vera augljóst að þau skapast í góðu samspili einkageirans og hins opinberra. Það er að minnsta kosti hætt við að verðmætasköpun fyrirtækja skryppi talsvert saman án öflugra skóla og heilbrigðisþjónustu, skilvirkrar löggæslu og dómstóla, góðra almenningssamgangna, veður- og hafrannsókna, alþjóðasamninga og þúsunda annarra starfa sem mestmegnis eru unnin af opinberum starfsmönnum.

Á ráðstefnu í tilefni þessarar sömu skýrslu, flutti sama ráðherraefni ræðu og sagði meðal annars: „Eins og ykkur er held ég flestum kunnugt, þá skipti ég um starfsvettvang fyrir um 18 mánuðum síðan. Og flest þekkið þið minn bakgrunn og því ætti ekki að koma ykkur á óvart að það versta við þessi nýju umskipti í mínu lífi, að þau voru að verða opinber starfsmaður. Þá vísa ég til þess að ég sé nú á framfæri annarra en sjálfrar mín …“ Fyrir utan þekkingarleysið og hrokann sem birtast í ummælunum er þetta býsna köld kveðja til alls þess opinbera starfsfólks sem vann í framlínustörfum fyrir örfáum misserum, þegar Covid-bylgjan lék landsmenn grátt, meðal annars til að verja hagkerfið.

Þegar draumur Guðrúnar Hafsteinsdóttur, þingmanns Sjálfstæðisflokksins, um ráðherrastól verður loks uppfylltur mun hún hafa á sinni könnu fjölda stofnana, þar sem þúsundir opinberra starfsmanna sinna fjölbreyttum og dýrmætum störfum. Ég óska henni góðs gengis en vona innilega að áður en til þess kemur, átti hún sig á mikilvægi og virði starfa þessa fólks fyrir verðmætasköpun landsins en líti ekki þannig á að þau séu á framfæri annarra en sjálfra sín.

Nýlega birti Félag atvinnurekenda niðurstöður skýrslu um launa- og fjöldaþróun opinberra starfsmanna undanfarin ár. 

Þetta er fólkið sem fæddist í og uppúr kreppunni, þraukaði af umróti seinni heimstyrjaldarinnar og byggði upp þjóðfélagið frá örbirgð til allsnægta. Fólkið sem umbreytti þjóðfélaginu frá því að vera fátæk þjóð á hjara veraldar í að vera ein af ríkustu þjóðum heims. 

Þetta er fólkið sem fær á sig ósækilega og niðrandi stimpla eins og „fráflæðisvandi“. Vandi, sem er í rauninni ekkert annað en kerfisvandi sem núverandi stjórnvöld bera fulla ábyrgð á. Allt önnur kynslóð.

Þetta er fólkið sem talað er um af óvirðingu sem þurfalinga og bagga á þjóðfélaginu, þetta er þó fólkið sem borgar hæstu skattprósentuna af litlum launum sínum til þjóðfélagsins, í formi allskyns skerðinga og jaðarskatta. 

Þetta er fólkið sem greiðir marga tugi milljarða til nærsamfélags síns í formi útsvars, sem er svo mikilvægt framlag að sum sveitarfélög væru ekki á vetur setjandi án þessa fólks, enda er þetta mun hærri upphæð en þetta sama fólk kostar þessi sömu samfélög. Þau eru enn miklu meira en sjálfbær, þetta fólk.

Þetta er fólkið sem er úthrópað sem ógn við þjóðfélagið af því að þeim fer fjölgandi, en þó er íslenska þjóðin sú yngsta í Evrópu og verður svo á næstu árum. 

Þetta er fólkið sem fer síðast allra í Evrópu, ásamt norskum eldri borgurum, á eftirlaun. Aðeins í þessum tveim löndum er eftirlaunaaldur almennt 67 ár, sá hæsti í Evrópu. 

Þetta er fólkið sem byggði upp velferðarþjóðfélagið, en á nú undir högg að sækja í velferðarþjóðfélaginu. 

Þetta fólk er ekki baggi á íslensku þjóðfélagi. Þetta fólk hefur unnið langan vinnudag, á langri starfsævi og er enn að skila sínu til samfélagsins, og það af naumum tekjum sínum.

Þetta er fólkið sem reisti Ísland úr örbirgð til allsnægta, en þúsundir þeirra þurfa að hverfa aftur til þeirra kjara sem þau bjuggu við í upphafi. Þau eru aftur sett á byrjunarreitinn frá því fyrir miðbik síðustu aldar, þegar þjóðin öll var fátæk. 

Hættum að tala niður til þessa fólks. Tölum við það og um það, af virðingu og ábyrgð. Við höfum ekki efni á að fara illa með þetta fólk. Við höfum ekki efni á öðru en að gera þeim kleift að lifa mannsæmandi lífi. Þau geta ekki beðið. Hefjumst handa strax. Þau eiga það inni. 

Þau kveiktu eldinn. Þau eiga að njóta hans.

 ------------------------------------------------------------
 Höfundur er varaþingmaður Samfylkingarinnar, jafnaðarflokks Íslands.

„Fáir njóta eldanna sem fyrstir kveikja þá“, segir í ljóði Davíðs Stefánssonar. Það má með sanni segja um elsta hluta íslensku þjóðarinnar. Eftirlaunafólkið sem er rúmlega 50 þúsund.

Þau kveiktu eldinn og eiga að njóta hans

Samfylkingin í Árborg boðar félagsfund laugardag 25. febrúar kl 11:00 í Samfylkingarsalnum á Eyravegi 15 á Selfossi.

Á dagskrá verða félagsmál, undirbúningur aðalfundar sem verður í mars, staðan í bæjarmálum, kynnt hvaða viðhald liggur fyrir að ráðast í á húsnæði okkar og svo auðvitað spjallað um hvaðeina sem fólk vill ræða.

Kaffi og kruðerí á boðstólum.

Aukaaðalfundur verður haldinn þriðjudaginn 28. febrúar kl. 19 í fundarsalnum Sveinatungu Garðatorgi. Hér fyrir neðan er að finna þá liði sem verða teknir fyrir og ekki náðist að klárast á síðasta aðalfundi. 

Dagskrá:

1. Skýrsla stjórnar.
4. Breytingar á samþykktum.
5. Kosning stjórnar, 1 aðalmanns og 3 til vara.
6. Kosning tveggja skoðunarmanna reikninga.
8. Önnur mál.

Við hvetjum félagsfólk til að gefa kost á sér til trúnaðarstarfa og þau ykkar sem hafa áhuga á því sendið póst á samfylking@samfylking.is við fyrsta tækifæri, en þá er einnig hægt að bjóða sig fram á fundinum sjálfum. 

Við hlökkum til að sjá ykkur og ekki hika við að hafa samband ef einhverjar spurningar vakna, samfylking@samfylking.is

Kær kveðja,
Stjórn Samfylkingarfélagsins í Garðabæjar

Aukaaðalfundur - Samfylkingarfélagið í Garðabæ 

Jafnaðarfólk vill bæ þar sem bæði ungt fólk og eldra fólk nýtur grunnþjónustu óháð efnahag og við viljum byggja upp framsækið at­­vinnu­líf. Í samræmi við þessi stefnumið okkar lagði Sam­fylkingin fram fjölda tillagna við afgreiðslu fjárhagsáætl­unar 2023 sem voru að fullu fjár­magn­aðar með sérstökum tekju- og hagræð­ingartillögum sem við lögðum fram.

Metnaðarleysi og skortur á framtíðarsýn

Fjárhagsáætlun er mikilvægasta stjórntæki bæjarstjórnar. Þar eru línurnar lagðar fyrir næsta ár og fjár­hagsáætlun býr til ramma sem bæjar­stjórn og starfsfólk sveitarfélagsins verð­ur að starfa innan. Í fjárhagsáætlun birtast áherslur þess meirihluta sem stýrir málum hverju sinni. Nýendur­reistur meirihluti Framsóknar- og Sjálf­stæðisflokks samþykkti fyrstu fjárhags­áætlun sína frá kosningum sl. vor á síðasta bæjarstjórnarfundi. Því miður verður að segjast að metnaður, fram­tíðarsýn og ábyrg fjár­mála­stjórn eru ekki einkennis­merki fjárhagsáætlunarinnar.

Málefnasamningur meiri­hlutans er rýr í roðinu og fyrsta fjárhagsáætlun hans er af sama meiði. Þar er fátt sem hönd er á festandi, fáar sem engar nýjar hugmyndir um sókn eða endurbætur í velferðarmálum og algjört tómahljóð hvað varðar mál sem hátt hafa farið í umræðunni að undanförnu, einkum fyrir tilverknað Samfylkingar­innar. Ærandi þögn ríkir um stórmál eins og flutning Tækni­skólans í Hafnar­fjörð, nýtt bókasafn í Firði og stór­verkefni Hafnarfjarðar­hafnar í sam­bandi við Carbfix verkefnið sem er risaverkefni í loftslagsmálum. Svo nefnd séu nokkur dæmi um týndu mál þessarar fjárhagsáætlunar.

Tillögur Samfylkingarinnar hefðu sannarlega orðið til þess að stoppa í göt fjárhagsáætlunar meirihlutans. Því miður varð það ekki raunin því fulltrúar meirihlutans höfnuðu þeim öllum, stórum sem smáum. Um var að ræða fjölbreyttar tillögur líkt og hraðari fjölgun félagslegra íbúða, 500 milljón króna fjárfestingu Hafnarfjarðarhafnar vegna Carbfix verkefnisins, hækkun frístundastyrks og 30 milljón króna framlag til íslenskukennslu fyrir fólk af erlendu bergi brotið í Hafnarfirði auk fjölda annarra. Þessi pólitíska þröngsýni og það metnaðarleysi sem birtist í fjárhagsáætlun meirihlutans sýnir meirihluta í nauðvörn; sex mánuðum eftir kosningar!

Greinin birtist í Fjarðafréttum 21. desember 2022.

Samfylkingin, jafnaðarflokkur Ís­lands vill sjá sterkan Hafnarfjörð þar sem allir íbúar eiga kost á góðri grunnþjónustu og öfl­ugu stuðnings- og velferðar­kerfi. 

Fjárhagsáætlun meirihluta í nauðvörn

685 fjöl­skyldur bíða eftir því að flytja í Nýja Skerjó. Deili­skipu­lag byggðarinnar hefur hlotið lof er­lendis og hér heima. Gert er ráð fyrir grænu neti opinna svæða og skemmti­legum göngu­leiðum í gegnum hverfið. Á­hersla er lögð á for­gang gangandi og hjólandi, hæga bíla­um­ferð og öflugar tengingar við al­mennings­sam­göngur.


Upp­bygging Nýja Skerjó hefur nú verið tafin í 7 mánuði. Full­yrt hefur verið að rekstra­r­öryggi flug­vallarins skerðist verði af upp­byggingunni. En sam­kvæmt rann­sóknum verk­fræði­stofunnar EFLU er það ekki raunin. Bornar voru brigður á þær niður­stöður og því fékk Isavia hollensku flug- og geim­ferða­stofnunina (NRL) til að skoða þetta nánar. Niður­staðan er sú sama. Vandi vegna vinda­fars á flug­vellinum er við­ráðan­legur.


Ekki eru mál­efna­legar á­stæður til að fresta upp­byggingunni (e. „Howe­ver, it is conclu­ded that the i­dentifi­ed risk is mana­gea­ble and should not block the de­velop­ment of the Ny&#769;i-Skerja­fjo&#776;rður resi­denti­al area.“) Málið er á borði inn­viða­ráð­herra og er búið að vera þar allt of lengi.


Skipu­lag Nýja Skerjó byggir á sam­komu­lagi við ríkið frá 2013 sem gerir ráð fyrir að borgin fái af­sal og ó­skoraðan yfir­ráða­rétt yfir landinu. Í sam­komu­laginu stendur að Reykja­víkur­borg kapp­kosti að „skipu­lag verði vandað og að nýting landsins verði góð. Svæðið verður að megin­stefnu til skipu­lagt sem í­búðar­byggð“. Borgin þurfti, undir for­ystu borgar­stjóra, að draga ríkið bæði fyrir héraðs­dóm og Hæsta­rétt til að fá það til að standa við sam­komu­lagið. Það er ein­stakt í sögunni.


Reykja­víkur­borg hefur skrifað undir sam­komu­lag um vil­yrði til lóða­út­hlutunar í Nýja Skerjó til Bjargs í­búða­fé­lags verka­lýðs­hreyfingarinnar, Fé­lags­stofnunar stúdenta og HOOS1, fé­lags stofnaðs til að byggja hag­kvæmt hús­næði. Þessi á­hersla á fé­lags­lega hús­næðis­upp­byggingu, í bland við upp­byggingu á al­mennum markaði, er í sam­ræmi við gildandi hús­næðis­stefnu ríkis og borgar.

Greinin birtist í Fréttablaðinu 5.janúar 2023. 

Leit um „��“

2891 niðurstaða fannst við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2891 niðurstaða fannst við leit að „������������������������������������������������������������“