Málefnastarf flokksins er nú með nýju sniði. Heilbrigðismál voru í forgrunni í fyrra og síðasta vetur voru atvinna og samgöngur efst á baugi. Afrakstur þeirrar vinnu má finna í útspilunum Örugg skref í heilbrigðis- og öldrunarmálum og Kröfu um árangur í atvinnu- og samgöngumálum – en nú er komið að næsta málaflokki.

Vinna stýrihóps í fullum gangi
Stýrihópinn um húsnæði og kjaramál skipa Jóhann Páll Jóhannsson þingmaður, sem er formaður hópsins, Hildur Rós Guðbjargardóttir bæjarfulltrúi í Hafnarfirði, Hjördís Þóra Sigurþórsdóttir formaður AFLs starfsgreinafélags á Austurlandi og Kolbeinn Hólmar Stefánsson dósent við félagsvísindasvið HÍ. Vinnan hófst strax að loknum flokksstjórnarfundi Samfylkingar á Laugarbakka síðasta vor og hefur hópurinn fundað með fjölda sérfræðinga og fulltrúum verkalýðshreyfingar, atvinnulífs og hagsmunasamtaka.

Flokksfélögum og öðrum áhugasömum er bent á að setja sig í samband við stýrihópinn til að koma á framfæri ábendingum eða bjóða fram aðstoð.

Fyrstu fundir hringinn í kringum landið
Í næstu viku hefst hringferð um landið þar sem blásið verður til samtals um húsnæði og kjaramál. Á meðal gesta verða Kristrún Frostadóttir, formaður Samfylkingar, og annað forystufólk flokksins auk fulltrúa úr stýrihópnum.

Fundir á suðvesturhorninu fara fram síðar í september. Fyrstu fundir verða á eftirtöldum stöðum:

BORGARNES – fjölskyldugrill
Englendingavík
mánudag 2. september kl. 17:00

GRUNDARFJÖRÐUR – kvöldspjall
Samkomuhúsið
mánudag 2. september kl. 20:00

BÚÐARDALUR – morgunfundur
Vínlandssetrið
þriðjudag 3. september kl. 9:00

REYKHÓLAR – súpufundur
Reykhólabúðin
þriðjudag 3. september kl. 12:00

ÍSAFJÖRÐUR – fjölskyldugrill
Edinborgarhúsið
þriðjudag 3. september kl. 17:00

HÓLMAVÍK – morgunfundur
Kaffi Galdur
miðvikudag 4. september kl. 9:00

HVAMMSTANGI – hádegisfundur
Sjávarborg
miðvikudag 4. september kl. 12:00

SAUÐÁRKRÓKUR – fjölskyldugrill
Golfskálinn
miðvikudag 4. september kl. 17:00

SIGLUFJÖRÐUR – kvöldspjall
Aðalbakarí
miðvikudag 4. september kl. 20:00

AKUREYRI – morgunfundur
Samfylkingarsalurinn í Sunnuhlíð 12
fimmtudag 5. september kl. 9:00

HÚSAVÍK – súpufundur
Hérna kaffihús
fimmtudag 5. september kl. 12:00

EGILSSTAÐIR – fjölskyldugrill
Sláturhúsið
fimmtudag 5. september kl. 17:00

FÁSKRÚÐSFJÖRÐUR – kvöldspjall
Sumarlína
fimmtudag 5. september kl. 20:00

BREIÐDALSVÍK – morgunfundur
Beljandi
föstudag 6. september kl. 9:00

HÖFN – súpufundur
Kaffi Hornið
föstudag 6. september kl. 12:00

VÍK – fjölskyldugrill
Félagsheimilið Leikskálar
föstudag 6. september kl. 17:00

VESTMANNAEYJAR – súpufundur
Tanginn
laugardag 7. september kl. 12:00

HVOLSVÖLLUR – kaffispjall
Félagsheimilið Hvoll
laugardag 7. september kl. 16:00

Verið öll hjartanlega velkomin! Fundir á suðvesturhorninu verða auglýstir síðar í september.

Nú stendur yfir vinna stýrihóps Samfylkingar um húsnæði og kjaramál. Á næstu vikum verða haldin fjölskyldugrill og opnir fundir um land allt þar sem flokksfélögum og almenningi gefst tækifæri til að taka þátt í samtali um þessa veigamiklu málaflokka.

Samtal um húsnæði og kjaramál um land allt

Fjölskyldugrill og samtal um húsnæði og kjaramál á Ísafirði. Verið öll velkomin í Edinborgarhúsið þriðjudaginn 3. september kl. 17:00-18:30.

Á meðal gesta verða Kristrún Frostadóttir formaður Samfylkingarinnar, Jóhann Páll Jóhannsson þingmaður, sem er einnig formaður í stýrihópi flokksins um húsnæði og kjaramál, og Arna Lára Jónsdóttir bæjarstjóri Ísafjarðarbæjar og ritari Samfylkingar. Boðið verður upp á skemmtun fyrir krakkana og líflegan leynigest.

Hvaða breytingar vilt þú í húsnæðis- og kjaramálum á Íslandi? Við viljum fá þig með í samtalið

Samfylkingin stendur fyrir samtali um húsnæði og kjaramál um land allt. Málefnastarf flokksins er nú með nýju sniði – heilbrigðismálin voru í forgrunni í fyrra, svo atvinna og samgöngur síðasta vetur og loks er komið að húsnæði og kjaramálum.

Fundirnir eru hugsaðir til að gefa fólki um land allt kost á að taka þátt í málefnastarfi Samfylkingar og leggja grunn að áherslum og forgangsröðun flokksins í veigamestu málaflokkum. Afraksturinn verður kynntur í væntanlegu útspili um húsnæði og kjaramál nú í haust.

Hér eru hlekkir á nýleg útspil Samfylkingar:
Örugg skref í heilbrigðis- og öldrunarmálum – https://bit.ly/3y7dFPm
Krafa um árangur í atvinnu- og samgöngumálum – https://bit.ly/3UE77zJ

Og hér má finna upplýsingar um næstu fundi: www.facebook.com/samfylkingin/events

Ísafjörður: Fjölskyldugrill og samtal um húsnæði og kjaramál

Landsfélögin, Félag frjálslyndra jafnaðarmanna, Þjóðvaka, Rósin og Alþýðuflokksfélag Reykjavíkur hafa haldið nokkra súpu fundi í hádeginu, fyrsta laugardag í hverjum mánuði.

Fyrsti fundur vetrarins verður haldinn laugardaginn 5. október kl. 12:00 í Herkastalanum Suðurlandsbraut 72.  Á fundinum verða tillögur málefnanefnda Samfylkingarinnar kynntar og ræddar.

Á fundinum gefst félögum tækifæri til að koma með breytingatillögur sem félagsfundurinn kýs svo um. Hljóti tillögur meirihluta á fundinum verða þær sendar til stjórnar og verða til umræðu og afgreiðslu á landsfundi. Tillögur sem ekki hljóta meirihluta á fundinum geta einstaklingar sent frá sér í eigin nafni til stjórnar, eigi síðar en 17. október kl. 23.59.

Aðeins tillögur sem berast fyrir þennan tíma, 17. okt. kl. 23.59, verða til umfjöllunar á landsfundi. Ekki verður hægt að bera upp nýjar tillögur í málefnanefndum á landsfundi. 

Vinsamlegast notið sniðmátið sem fylgir með þessum tölvupósti til að senda inn breytingatillögur.

Tillögurnar sem félagsfundurinn samþykkir verða svo birtar á heimasíðunni þar sem öllum gefst tækifæri til að kynna sér þær fyrir landsfundinn. 
 

Landsfélögin: Laugardagskaffi og málefnafundur

Verið velkomin á haustfagnað Samfylkginarfélagsins í Reykjavík. Við ætlum að hittast í Lágmúla 4, þar á 3. hæð (Akóges salurinn), laugardaginn 14. sept. kl. 17:30 til 22:00.

Boðið verður upp á góða samveru og léttar veitingar. 

Verið öll velkomin á Kænuna í Hafnarfirði þriðjudaginn 24. september kl. 19:00. Boðið verður upp á rjúkandi og ljúffenga súpu. 

Á meðal gesta verða Guðmundur Árni Stefánsson varaformaður Samfylkingar, Þórunn Sveinbjarnardóttir þingmaður Suðvesturkjördæmis, Jóhann Páll Jóhannsson þingmaður og Hildur Rós Guðbjargardóttir bæjarfulltrúi í Hafnarfirði. Þau tvö síðastnefndu eru fulltrúar í stýrihópi Samfylkingar um húsnæði og kjaramál.

Hvaða breytingar vilt þú í húsnæðis- og kjaramálum á Íslandi? Við viljum fá þig með í samtalið 🌹

Hér eru hlekkir á nýleg útspil Samfylkingar:

Örugg skref í heilbrigðis- og öldrunarmálum – https://bit.ly/3y7dFPm

Krafa um árangur í atvinnu- og samgöngumálum – https://bit.ly/3UE77zJ

Hafnarfjörður: Súpufundur um húsnæði og kjaramál

Verið öll velkomin í Leiknisheimilið í Breiðholti þriðjudaginn 1. október kl. 17:00. 

Samtalið er á vegum verkalýðsmálaráðs Samfylkingar og er liður í málefnastarfi flokksins um húsnæði og kjaramál. 

Á meðal gesta verða Finnbjörn Hermannsson forseti ASÍ, Kristrún Frostadóttir formaður Samfylkingar og aðrir þingmenn flokksins.

Verkalýðsmálaráð Samfylkingar: Samtal um húsnæði og kjaramál

Verið velkomin morgunfund um húsnæðis- og kjaramál eldri borgara laugardaginn 28. september kl. 10:00 í Safnaðarheimili Laugarneskirkju. Fundurinn er hluti af málefnastarfi Samfylkingar um húsnæði og kjaramál og er haldinn í samstarfi við Landssamtökin 60+ í Samfylkingunni. Á meðal gesta verða Jóhann Páll Jóhannson þingmaður Samfylkingar, sem er formaður í stýrihópi flokksins um húsnæði og kjaramál, og Dagbjört Hákonardóttir þingmaður.

Morgunfundur með eldri borgurum um húsnæði og kjaramál

Verið öll velkomin í Samfylkingarsalinn í Stillholti 16-18 á Akranesi. 

Fundurinn verður fimmtudaginn 26. september kl. 20:00 og á meðal gesta verða Kristrún Frostadóttir formaður Samfylkingarinnar og Valgarður Lyngdal Jónsson, oddviti flokssins á Akranesi og formaður bæjarráðs.

Akranes: Kvöldspjall um húsnæði og kjaramál

 I.
Forseti, góðir landsmenn. Hvað stendur upp úr að liðnum þingvetri? Hjá okkur í Samfylkingunni er svarið þetta: Ákall eftir aðgerðum fyrir fólkið í landinu. Aðgerðum til að vinna gegn verðbólgu og til að verja heimilisbókhaldið hjá fólki.

Í september settum við fram samstöðuaðgerðir fyrir heimilin, við kynntum kjarapakka fyrir jólin og nú fyrir þinglok höfum við stillt upp stuttum verkefnalista. Þrjú einföld verkefni sem er hægt að fara í strax: Vaxtabótaauki, leigubremsa og ívilnun til uppbyggingar — allt fjármagnað að fullu með því að loka ehf.-gatinu.

Fleira þarf að gera — og auðvitað myndi Samfylkingin stjórna landinu með öðrum hætti ef við værum í ríkisstjórn. En þetta eru allt aðgerðir sem sitjandi ríkisstjórn, hæstvirt, ætti að geta fallist á — miðað við hvernig þau tala að minnsta kosti.

II.
Í allan vetur höfum við stundað jákvæða pólitík, sett fram lausnir og lagt ofuráherslu á efnahags- og velferðarmálin. Samfylkingin hefur reynt að stappa stálinu í hæstvirta ríkisstjórn, sem ber sig illa — lætur raunar eins og hún stýri engu og geti þess vegna enga ábyrgð tekið á aðstæðum — á meðan við höfum talað kjark og von í þjóðina.

Við höfum veitt ábyrga stjórnarandstöðu — sem sést kannski best á því að við höfum haft það sem viðmið að gera ekki tillögu um eina krónu í útgjöld án þess að tvær krónur komi á móti til að vinna gegn verðbólgu.

Svona hefur Samfylkingin unnið hér á Alþingi. Við höfum verið lausnamiðuð og beinlínis reynt að hjálpa þessari hæstvirtu ríkisstjórn að átta sig og gefast ekki upp heldur grípa til aðgerða.

III.
En góðir landsmenn, við í Samfylkingunni vitum að það er líf fyrir utan sali Alþingis og það er framtíð eftir þetta kjörtímabil. Þess vegna höfum við nýtt tímann í fleira en að halda hæstvirtum ráðherrum við efnið. Síðustu vikur hefur Samfylkingin haldið hátt í 40 opna fundi með almenningi um heilbrigðismál — um land allt. Og samhliða því fjölda vinnufunda með fólki af gólfinu og öðrum sérfræðingum.

Í Eyjum var rætt um álag á heilbrigðisstarfsfólk. Í Garðabæ vill fólk fastan tengilið í heilbrigðiskerfinu. Fólk vill bara öryggi og það vill þjóðarsamstöðu í þessu grundvallar velferðarmáli, eins og ágætur maður benti á á Hvammstanga. Fólkið í landinu er nefnilega með raunhæfar væntingar um framfarir í heilbrigðisþjónustu. Þessi samtöl eru grunnur aðgerða okkar í Samfylkingunni. Þetta verklag er lykilinn að því að endurvekja von og trú fólks á að við getum gert hlutina betur hérna sem velferðarsamfélag.

IV. 
Við þurfum nefnilega að tala meira um hvað felst í velferðarþjóðfélagi. Gjarnan er talað um stöðugleika á vinnumarkaði á hinum Norðurlöndum en þar er tekjuöflunin meiri, tilfærslukerfin sterkari og almannaþjónustan umfangsmeiri. Hlutverk hins opinbera á húsnæðismarkaði veigameira.  Lítil og meðalstór fyrirtæki standa mun betur að vígi í slíku umhverfi. Auk þess sem launafólk getur sætt sig við minni prósentuhækkanir þar sem hið opinbera hefur bolmagn til að standa vörð um húsnæðisöryggi fólks.

Við verjum stöðugleikann best með því að verja velferðina. Á þessu grundvallast stefna sósíaldemókrata sem hafa byggt upp farsælustu samfélög heims á Norðurlöndunum.

Fólkið í landinu vill alvöru umræðu um alvöru mál. Þess vegna leggjum við ofuráherslu á kjör, velferð og efnahag venjulegs fólks; þess vegna mætum við til fólksins, hlustum og tölum hreint út. Og við munum leggja öll spilin á borðið á þessu kjörtímabili um hvað við ætlum okkur að gera í ríkisstjórn á næsta kjörtímabili, fáum við til þess umboð. Með þessum hætti byggjum við upp traust, ekki aðeins á Samfylkingunni, heldur á stjórnmálunum í heild.

Traust sem hefur rofnað. Og talandi um traust, virðulegi forseti: Það er alvarlegt mál hvernig hæstvirt ríkisstjórn skapar aftur og aftur falskar væntingar hjá fólkinu í landinu með uppblásnum fyrirsögnum sem reynist svo engin innistæða fyrir. Síðast í fyrradag var trommað upp með svokallaðan aðgerðapakka upp á 36 milljarða sem reyndist síðan ekki neitt nema endurtekið efni úr gamalli fjármálaáætlun; áætlun sem hafði áður fengið falleinkunn hvað varðar viðureignina við verðbólguna.

Eitt er að stunda pólitík og vera ósammála um hugmyndafræði og áherslur. En annað að geta ekki staðið með pólitíkinni sem maður stundar heldur villa þess í stað um fyrir fjölmiðlum og almenningi. Það grefur undan trausti og er lítilsvirðing við fólkið í landinu á erfiðum tímum.

Þetta er alvarlegt mál, því að sterkt velferðarsamfélag byggir á trausti; getu fólks til að sjá sig í öðru fólki og stoltu framlagi til sameiginlegra sjóða sem fólk treystir að sé varið með skynsamlegum hætti og í þágu velferðar. Vilja til að standa með velferðarsamfélaginu.

V.
Og fyrir mér, kæru landsmenn, er það stóra verkefnið í stjórnmálunum á næstu árum. Því að það kemur sá tími í lífi þjóðar — að hún stendur á krossgötum. Og við þurfum að ákveða hvers konar þjóð við viljum vera. Velferðarþjóð? Stolt þjóð með sterkt velferðarkerfi? Eða lausbundið samansafn einstaklinga — þar sem keyrt er á þeirri mýtu að það sem helst skilgreini velsæld fólks sé skattprósentan sem er greidd, ekki gæði velferðarþjónustunnar í landinu.

Hvað er það sem skiptir fólk mestu máli í þess daglega lífi? Bætir það velsæld fólks að auka ráðstöfunartekjur þess eftir skatta í krónum talið, ef það býr ekki við húsnæðisöryggi og fær ekki tíma hjá lækni? Ef kynslóðin sem byggði landið nýtur ekki mannvirðingar á efri árum? Þetta eru grundvallar spurningar sem við stöndum frammi fyrir.

Svar Samfylkingarinnar verður skýrt: Styrkjum velferðina — fyrir Ísland allt. Sterk velferð, stolt þjóð. Þetta er sá valkostur sem Samfylkingin mun bjóða upp á.

VI.
Góðir landsmenn. Við ættum að geta sameinast núna á Alþingi um aðgerðir til að vinna gegn verðbólgu og verja heimilisbókhaldið hjá fólki. Það er hægt — en það sem er ekki í boði hins vegar er að gefast upp en sitja samt sem fastast í ríkisstjórn, stefnulaus og verklaus, þegar lausatökin bitna á fólkinu í landinu.

Samfylkingin mun halda áfram að stunda jákvæða pólitík og leggja til lausnir. Við munum halda áfram að hvetja hæstvirta ríkisstjórn til dáða, og undirbúa okkur undir komandi verkefni — að koma hér á velferðarstjórn undir forystu jafnaðarfólks.

Ræða Kristrúnar Frostadóttur í eldhúsdagsumræðum á Alþingi 7. júní 2023.

Ræða Kristrúnar: „Sterk velferð, stolt þjóð“

Spjallkaffi Samfylkingarinnar í Reykjavík 60+ verður á sínum stað miðvikudaginn 18. september kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur verður Guðmundur Ingi Þóroddsson, formaður Afstöðu.
Á fyrri hluta fundarins segir Hörður Filippusson stuttlega frá nýrri bók um nýfrjálshyggju, “The Invisible Doctrine”.

Það verður heitt á könnunni og eitthvað með því. 

Verið öll velkomin! 

Leit um „��"

3264 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3264 niðurstöður fundust við leit að „������������������������������������������������������������"