Samfélag er heild sem samsett er af einstaklingum þar sem hver um sig hefur sitt hlutverk, sínar þarfir, langanir og tækifæri. Samfélag sem ekki stendur vörð um alla er ekki gott, það býr til misrétti, rænir fólk möguleikum og gefur sumum forskot fram yfir aðra. Slíkt samfélag einkennist af misrétti og er í hróplegri andstöðu við hugmyndir jafnaðarfólks um farsæld og jafnrétti. Þess vegna viljum við standa vörð um grunngildi jafnaðarmanna. Áætlun um farsæld og jafnrétti einstaklinga er líka eilífðarverkefni sem sífellt þarf að halda á lofti, breyta og bæta. 

Fjölskyldan er hornsteinn allra og það mikilvægasta sem við eigum. Hún er oft nefnd kjarni hvers þjóðfélags, enda er þar leikið aðalhlutverkið, nefnilega að ala upp nýja einstaklinga sem taka svo við seinna meir. Fjölskyldan í nútímasamfélagi á aldrei að standa ein – oft er talað um að það þurfi heilt samfélag til að ala upp einstaklinga. Þess vegna leggjum við í Samfylkingunni mikla áherslu á að stuðningur við fjölskyldur sé bæði faglegur og sterkur, að enginn verði útundan og allir njóti góðrar og viðvarandi þjónustu og aðstoðar þegar með þarf. Jöfnuður og velferð er lykilhugtak í þessu sem öðru því það snýst um að allir í samfélaginu búi við grundvallaröryggi og hafi sömu grundvallartækifærin í lífinu. Það viljum við fyrir okkur sjálf og enn frekar fyrir börnin okkar. Afkoma allra þarf vera trygg, bæði fjárhagslega og félagslega til þess að við getum sagt að við búum í velferðarsamfélagi. 

Við erum Þorpið sem börnin okkar búa í.

Við í Samfylkingunni leggjum ríka áherslu á samþættingu skólastarfsins, frístundar og tómstundastarfs til að fjölskyldur eigi meiri tíma saman og að snúningar og skutl sé í lágmarki. Okkur er óhætt að flokka samverustundir fjölskyldunnar sem einn mest verndandi þátt í lífi barna. Samverustundir eru dýrmætar fyrir foreldra og börn og hefur sýnt að aukin samvera fjölskyldunnar hefur ekki síður forvarnargildi heldur getur aukin samvera dregið verulega úr líkum á að börnin okkar eigi í erfiðleikum síðar á lífsleiðinni. Þá þarf að vera tiltæk aðstoð fagfólks strax á fyrstu stigum vandans með samfellda og samþætta þjónustu ef eitthvað virðist vera að fara úrskeiðis.

Heilnæmt umhverfi og fjölskylduvænt skipulag er líka eitt af mikilvægustu atriðum til að búa til gott samfélag. Þess vegna viljum við leggja okkur fram um að bærinn okkar sé fallegur, snyrtilegur og okkur öllum til prýði og sóma. Fallegur og snyrtilegur bær er eftirsóknarverður til búsetu og þannig umhverfi eykur lífsgleði okkar og lífsgæði. Allt þetta eru auðvitað eilífðarverkefni, götur þarf að endurnýja og grænu svæðin ganga úr sér. Mikilvægi heilsusamlegs umhverfis verður nefnilega seint fullmetið. Við í Samfylkingunni viljum því að bæjarfélagið geri sitt til þess að auðvelda fólki hreyfingu og virkja þátttöku allra í samfélaginu því andleg og líkamleg heilsa fylgjast gjarnan að. 

Ágætu Skagamenn! Við í Samfylkingunni viljum leggja okkur fram um að viðhalda því góða sem við höfum í bænum okkar, en við vitum líka að margt má bæta. Til þess þarf opinn huga, löngun til framfara og breytinga og hugrekki og dugnað til að koma hugmyndum í verk. Við erum tilbúin, þess vegna þurfum við ykkar stuðning – XS Að sjálfsögðu!

Höfundur er Jónína Margrét Sigmundsdóttir og skipar 2. sætið á lista Samfylkingarinnar á Akranesi.

Greinin birtist í Skagafréttum 1. maí 2022.

Samfylkingin og óháðir setja fram 15 mælanleg loforð fyrir komandi kjörtímabil. Þetta eru málin sem við setjum á oddinn og einsetjum okkur að klára þannig að skýr árangur og mælanlegar breytingar sjáist fyrir lok kjörtímabilsins. Með þínu atkvæði getur þú hjálpað okkur að láta verkin tala!

Nýtt sundlaugarsvæði - bærinn setji sér heildstæða stefnu í uppbyggingu íþróttasvæðis í góðri samvinnu við UMFG, með sundlaugarsvæðið í forgangi.

Ungmennahúsi verði fundið fullnægjandi húsnæði til frambúðar.

Efla og styðja við þróun og nýsköpun í skólastarfi grunnskólans þannig að nemendur verði vel undirbúnir fyrir frekara nám að lokinni grunnskólagöngu

Grindavík verði í fremstu röð áfangastaða ferðamanna með því að tryggja uppbyggingu ferðamannastaða með framlögum úr Uppbyggingarsjóði ferðamannastaða. 

Tryggja vernd menningarminja með framlögum hins opinberra: Kirkjugarðurinn á Stað, Selatangar, Húshólmi og Eldvörp verði sett í forgang.

Fylla 100 hektrara iðnaðarsvæðið vestan við bæinn af öflugum fyrirtækjum á átta árum.

Opin svæði bæjarsins verði gædd lífi, leiktækjum fjölgað og aðstaða bætt. Grindvíkingar geti kosið með beinu íbúalýðræði hvaða svæði fá forgang og með hvaða hætti.

Skipuleggja miðbæjarkjarna og klára vinnu við miðbæjarskipulag í góðu samráði við íbúa og hagsmunaaðila.

Byggja upp og ljúka framkvæmdum við fjölnota almenningsgarð þar sem nú er hálfkláraður Sjómannagarður.

Setja á fót nýtt skógræktarsvæði í samstarfi við skógræktarfélag Grindavíkur og hið opinbera.

Efla félagsstarf yngri borgara - Tryggja fjölbreyttara íþrótta- og tómstundastarf og stofna öfluga rafíþróttadeild.

Tryggja Fisktækniskóla Íslands fullnægjandi framtíðarhúsnæði.

Ljúka við uppbyggingu félagsaðstöðu eldri borgara.

Sveitarfélagið beiti sér fyrir því, í samvinnu við óhagnaðdrifin húsnæðisfélög, að byggt verði húsnæði fyrir fyrstu íbúðakaupendur og fólk í lægri tekjuhópum.

Setja upp fimm nýja ærslabelgi og dreifa þeim um bæinn.

Heilsuefling og lýðheilsa þverar öll svið stjórnsýslunnar: Skóla- og frístund, skipulags- og umhverfissvið, velferðar- og mannréttindasvið og menningu. Markmiðið er alltaf að bæta heilsu fólks, auka möguleika til virkni og þátttöku og þar með að bæta lífsgæði.

Alþjóðaheilbrigðisstofnunin (WHO) skilgreinir heilsu sem samspil félagslegra, andlegra og líkamlegra þátta sem hafi áhrif hver á annan.

Mikilvægt er að sem flestir hafi aðgengi að fjölbreyttum hreyfiúrræðum, bæði innanhúss og á opnum svæðum þar sem ungir sem aldnir og allir þar á milli geti stundað hreyfingu. Í bænum okkar og í nágrenni eru kjöraðstæður til að uppfylla þessi markmið og bæta það sem á vantar. Við höfum sandinn, fjörurnar og fjallið! Samfélagið þarf að búa til þær aðstæður að sem flestir hafi aðgengi að þessum náttúruperlum. Við þurfum að klára að tengja saman stíga, halda áfram að fjölga bekkjum meðfram þeim, auðvelda aðgengi að fjörunum og setja upp og viðhalda leiktækjum sem hvetja til útivistar og hreyfingar.

Við erum svo lánsöm að íþróttahreyfingin í bænum er öflug, þátttakendur eru margir og hennar hlutverk er stórt í heilsueflingunni. Íþróttahreyfingin er í auknum mæli farin að leggja áherslu á heilsueflingu í starfi sínu og þar með ná til sem flestra aldurshópa og getustiga. Við erum líka svo lánsöm að bygging nýrrar íþróttamiðstöðvar er hafin með það að markmiði að íbúum Akraness og gestum, bjóðist það besta sem völ er á.

Margt er vel gert í bænum og við skulum halda áfram að standa okkur vel. Hreyfiávísunin frá Akraneskaupstað fyrir 18 ára og eldri á covid-tímabilinu var frábært framtak sem mætti halda áfram með. Hægt væri að útvíkka þetta framtak með ávísun á menningarviðburði og tómstundastarf að auki sem viðspyrnu eftir heimsfaraldurinn og hvetja þar með til þátttöku. Þá þarf að huga að því að ná unglingunum okkar aftur inn í ýmis konar frístundastarf og hreyfivirkni. Þátttaka í fjölbreyttu frístundastarfi eykur andlega og félagslega heilsu íbúa á öllum aldri . Samfélags- og atvinnuþátttaka styður við það að viðhalda og bæta heilsu.

Lýðheilsa og forvarnir er fjárfesting sem sparar fjármuni til lengri tíma litið og ætti að vera hluti af allri ákvarðanatöku hvort sem um ræðir skipulag hverfa, velferð eða skóla-, íþrótta- og tómstundastarf.

Við þurfum að halda uppbyggingunni áfram en á sama tíma að ná utan um þá þjónustu sem þarf að vera til að mynda öflugt samfélag.  Öflugt samfélag laðar til sín fólk, fjárfesta og fyrirtæki og þannig má halda uppbyggingunni áfram. Verum stolt af því sem verið er að gera vel!

Við verðum aldrei öll sammála um það hvernig hlutir eru nákvæmlega gerðir eða hvaða litur okkur þykir fallegastur. En þetta er bærinn okkar og við getum öll litið í eigin barm og skoðað hvað við getum lagt af mörkum til að gera Akranes betra fyrir okkur öll. Enginn getur allt en allir geta eitthvað. Við vitum og höfum séð að magnaðir hlutir geta gerst þegar við sameinumst í gula litnum og íþróttabærinn Akranes hefur oftar en ekki verið okkar sameiningartákn. Það er bjart framundan.

Höfundur, Anna Sólveig Smáradóttir, er sjúkraþjálfari og skipar 4. sæti Samfylkingarinnar á Akranesi.

Hugmyndin og ákvörðunin um að reka og styðja við heilsueflandi samfélag er ekki bara plagg eða vottun að nafninu til. 

Frambjóðendur Samfylkingarinnar á Akranesi

Grunnskólakennari og bæjarfulltrúi

1. Valgarður Lyngdal  Jónsson

Starfsmaður fíkniteymis og sjúkraliðanemi

2. Jónína M. Sigmundsdóttir

Landfræðingur og bæjarfulltrúi

3. Kristinn Hallur Sveinsson

Sjúkraþjálfari

4. Anna Sólveig Smáradóttir

Húsasmiður

5. Björn Guðmundsson,

Tómstunda- og félagsmálafræðingur / náms- og starfsráðgjafi

6. Sigrún Ríkharðsdóttir

Fafvirkjanemi

7. Benedikt Júlíus Steingrímsson

Leikskólakennari

8. Guðríður Sigurjónsdóttir

tarfsmaður félagsmiðstöðvar og háskólanemi

9. Auðun Ingi Hrólfsson

Félagsráðgjafi og bæjarfulltrúi

10. Bára Daðadóttir,

Verkamaður

11. Uchechukwu Eze

Hjúkrunarfræðinemi

12. Margrét Helga Ísaksen

Lífeindafræðingur

13. Pétur Ingi Jónsson

Sjúkraliði/ lyfjatæknir/förðunarfræðingur

14. Þóranna Hildur Kjartansdóttir

Tæknifræðingur

15. Júlíus Már Þórarinsson,

Kennari/náms og starfsráðgjafi

16. Erna Björg Guðlaugsdóttir,

Ljósmyndari/ökukennari/hafnargæslumaður

17. Ágústa Friðriksdóttir

Fyrrverandi Alþingismaður

18. Guðjón S. Brjánsson,

Frambjóðendur Samfylkingarinnar í Grindavík

1. Siggeir Fannar Ævarsson

2. Jóna Birna Arnarsdóttir

3. Ármann Halldórsson

4. Marija Karimanovic

5. Alexander Veigar Þórarinsson

6. Erla Björg

7. Marcin Ostrowski

8. Sylvía Sól Magnúsdóttir

10. Maríus Máni Karlsson

11. Ólöf Helga Pálsdóttir

11. Sigrún Sverrisdóttir

12. Bergur Hinriksson

13. Steinunn Gestsdóttir

14. Páll Valur Björnsson

Íbúum Vesturbæjar er boðið til grillveislu við Vesturbæjarlaug laugardaginn 7. maí, milli kl. 15:30 og 17:00. Sjáumst hress!

Everybody in Vesturbær is invited to join our BBQ party by the swimming pool (Vesturbæjarlaug) between 3:30 and 5 pm on Saturday, May 7. Bring friends and kids! 

Hér er að finna Oddvitaáskorunina, allt sem þú vilt vita um Guðmund Árna. 

https://www.visir.is/g/20222256075d/oddvitaaskorunin-batt-spottann-i-drifskaftid?fbclid=IwAR2fzz_9Ynw6gynPQQXJWWQFQChtCPfmucT4XwZBuPGSKKrvRAJvKWPEhOA

Guðmundur Árni Stefánsson leiðir lista Samfylkingarinnar í Hafnarfirði í komandi sveitarstjórnarkosningum. Uppáhalds lag Guðmundar um þessar mundir er Einn dans við mig! ábreiða Frikka Dórs eftir lag Hemma Gunn.  

Guðmundur Árni í Oddvitaáskorun Vísis

Hoppukastalar verða á staðnum og candyfloss að sjálfsögðu í boði. Snillingarnir í Sirkus Íslands koma í heimsókn og blöðrulistamaður verður á svæðinu.

Við hlökkum til að sjá ykkur og það eru að sjálfsögðu öll velkomin!

Jafnaðarmenn í Hafnarfirði bjóða gestum og gangandi í gleði og gaman á Thorsplani frá kl. 14:00 til 16:00 laugardaginn 7. maí.

Rétt eins og undanfarin ár sýnir ársreikningurinn frábæra rekstrarniðurstöðu, en rekstrarhagnaður bæjarins er 578 milljónir króna sem er mun betri niðurstaða en áætlun gerði ráð fyrir.  Allar lykiltölur ársreikningsins sýna að rekstur Akraneskaupstaðar er mjög traustur, tekjur hækka á meðan skuldir eru greiddar niður og talsvert rými er til fjárfestinga og framkvæmda á vegum bæjarfélagsins.

Það er ekki einfalt mál að reka bæjarfélag og langt frá því að árangur sem þessi sé sjálfsagður. Bæjarstjórnir undangenginna kjörtímabila hafa borið gæfu til þess að stýra rekstri bæjarfélagsins af skynsemi með því að greiða niður skuldir um leið og þær hafa sýnt metnað til að standa vörð um góða þjónustu bæjarins í hvívetna. Þetta hefur þó á köflum kallað á mjög harða forgangsröðun og segja má að annars konar skuld hafi safnast upp, þ.e. skuld bæjarins gagnvart íbúum í formi innviða og viðhalds.

Á því kjörtímabili sem nú er að ljúka hefur þó margt verið gert til að greiða inn á innviðaskuldina. Síðustu ár hafa verið metár hvað varðar fjárfestingar á vegum Akraneskaupstaðar og má þar nefna byggingar eins og fimleikahús, reiðhöll og leikskóla auk þess sem mikill kraftur hefur verið í endurbyggingu og viðhaldi gatna. Skuldin er þó hvergi nærri fullgreidd, enn bíða margar götur eftir lagfæringu og stórar framkvæmdir eru í undirbúningi í uppbyggingu íþrótta- og skólamannvirkja. Verkefnin eru næg, en við erum að vinna að þeim af krafti þó við getum ekki gert allt í einu áhlaupi.

Það heyrist stundum sagt að bæjarfélagið eigi ekki að reka með rekstrarafgangi því bæjarfélag sé ekki fyrirtæki. Það er rétt að bæjarfélagið er ekki fyrirtæki, enda er það ekki rekið eins og fyrirtæki. Afgangurinn af rekstri bæjarfélagsins er ekki tekinn út sem arður til hluthafa, heldur skilar hann sér áfram í uppbyggingu og fjárfestingar í mannvirkjum, innviðum og  ekki síst þjónustu til bæjarbúa. Það að reka bæjarfélagið með hagnaði styrkir stöðu okkar til fjárfestinga og gerir okkur kleift að ráðast í verkefni eins og byggingu leikskóla, umbætur á húsnæði grunnskólanna og hina stórhuga byggingu íþróttamannvirkja sem hafin er á Jaðarsbökkum. Á sterkum fjárhagslegum grunni getum við einnig byggt áætlanir okkar til lengri tíma og sýnt áræðni og metnað í uppbyggingu til framtíðar. Þetta á ekki hvað síst við um atvinnulífið þar sem sterk staða bæjarfélagsins gefur okkur möguleika á að sýna metnað, framsýni og samfélagslega ábyrgð þegar kemur að stuðningi við uppbyggingu atvinnulífs og fjölgun atvinnutækifæra. Þessa stöðu eiga bæjaryfirvöld að nýta sér til fullnustu á næstu árum.

Halda þarf uppbyggingunni áfram og meðal þeirra verkefna sem Samfylkingin vill vinna að á næsta kjörtímabili eru bygging nýs leikskóla í neðri hluta bæjarins og fleiri búsetukostir fyrir fatlaða.

Bjarnalaug er ein af merkustu byggingum Akraness og má með sanni segja að hún eigi sérstakan stað í huga og hjörtum Akurnesinga. Þegar nýtt áhaldahús bæjarins verður byggt og sú starfsemi hverfur af Laugarbrautinni, skapast einstakt tækifæri til að búa til eitthvað spennandi og aðlaðandi á því svæði, hreyfi- og heilsuræktaraðstöðu utandyra og innan í fallegu umhverfi, með hina tignarlegu Bjarnalaug sem miðpunkt. Sundlaugarbyggingin sjálf fengi þá jafnframt löngu tímabært viðhald, bæði innanhúss og utan, auk þess sem tækifæri gæfist til að bæta aðgengi og búningsaðstöðu við laugina. Það þarf nefnilega ekki alltaf að byggja nýtt frá grunni til að skapa nýja hluti og Bjarnalaug á það svo sannarlega skilið að verða hafin til fyrri vegs og virðingar sem miðstöð heilsuræktar á Akranesi.

Við í Samfylkingunni ætlum að halda áfram að reka bæinn okkar með skynsemi og hagsýni að leiðarljósi. Við ætlum að tryggja að arðurinn af góðum rekstri skili sér til bæjarbúa í formi mannvirkja, aðstöðu og þjónustu – í formi lífsgæða.

Við erum tilbúin, þess vegna óskum við eftir stuðningi þínum í kosningunum 14 maí!

Greinin birtist í Skessuhorni 4. maí 2022. 

Á dögunum var ársreikningur Akraneskaupstaðar fyrir árið 2021 lagður fram til fyrri umræðu í bæjarstjórn Akraness. 

 Í gær var  samþykkt í bæjarráði Hafnarfjarðar að fela umhverfis- og skipulagssviði að undirbúa útboð á fyrstu áfangum á knatthúsi Hauka og reiðhöll. Á einföldu máli þýðir bókunin fyrir Sörla og Hauka að halda skuli áfram að undirbúa það sem hefur verið í undirbúningi allt kjörtímabilið. Og skóflustunga var tekin að báðum framkvæmdum fyrir tæpu ári, en eina sem hefur gerst er að búið er að moka ofan í þær aftur. Samþykkt bæjarráðs í gær er því svokölluð, “EKKI FRÉTT”. Halda á undirbúningi áfram sem þegar hefur verið gangi misserum saman.

Sjálfstæðis- og Framsóknarflokkur sögðu á fundum með félagsmönnum Sörla og  Hauka í apríl, að undirbúningi að reiðhöll og knatthúss væri lokið og útboð á framkvæmdum yrði auglýst næstu daga. Hvorugt hefur gerst. Og mun ekki eiga sér stað á kjörtímabilinu. Þessi loforð reyndust innihaldslaus. Sörlamenn og Haukamenn sitja eftir með loforð – en engar efndir.

Við jafnaðarmenn stöndum við gefin loforð. Við höfum lýst því skýlaust yfir að við munum standa við áform og loforð um byggingu reiðskemmu og knatthúss. Þegar við tökum við stjórn bæjarins eftir bæjarstjórnarkosningarnar 14. maí nk. munum við ganga í málin og og láta verkin tala – að sjálfsögðu!

Stefán Már Gunnlaugsson,
skipar 5. sæti lista Samfylkingarinnar – jafnaðarmanna í Hafnarfirði og er í starfshópi um uppbyggingu reiðhallar Sörla

Undirbúningur að byggingu reiðskemmu Sörla og knatthúss Hauka hefur staðið árum saman.

Knatthús og reiðhöll – undirbúningurinn endalausi 

Leit um „��"

3264 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

3264 niðurstöður fundust við leit að „���������������������������"