Málaflokkur fólks með fjölþættar stuðningsþarfir heyrir nú undir sameinað velferðarsvið Akureyrarbæjar, var áður tvískipt í búsetu- og fjölskyldusvið.  Sameiningin var gerð með það fyrir augum að bæta þjónustu sviðsins. Mikil þróun og vinna hefur farið fram allt frá því að málaflokkurinn var færður alfarið yfir til sveitarfélaganna árið 2011 og ljóst er að margt hefur áunnist. Stærsta áskorunin er þó sú að málefni fatlaðs fólks hafa verið vanfjármögnuð af hendi ríkisins frá upphafi og samkvæmt Sigurði Snævarr, hagfræðingi Sambands íslenskra sveitarfélaga í grein í Fréttablaðinu frá 7.5.2022, þá er það stærsta úrlausnarefni í fjármálum sveitarfélaga.

Samfylkingin hefur veitt forstöðu í velferðarráði þar sem mörg þörf og brýn mál hafa fengið farsæla niðurstöðu en ýmislegt er þó ógert. Gerð var úttekt á fjölmörgum  þáttum þjónustunnar og nú er unnið að úrbótum á meirihluta þeirra atriða sem þar komu fram. Eitt stærsta úrlausnarefni á komandi árum eru húsnæðismál, en í því samhengi var unnin skýrsla til að meta framtíðarþörf og afar brýnt er og algjört forgangsmál að hraða þeim framkvæmdum til að stytta tíma á biðlistum og koma þaki yfir þau sem nú þegar bíða. Til þess að það geti orðið að veruleika þarf skýra forgangsröðun, raunhæfa fjárhagsáætlun og samstillt átak þeirra flokka sem munu koma að málum eftir kosningar. Samfylkingin mun beita sér sérstaklega í fyrrgreindum þáttum til farsælla lausna.

Þörfin fyrir fjölbreytni í dagþjónustu fyrir fólk með fjölþættar stuðningsþarfir er einnig mikil.  Á Akureyri er unnið afar faglegt og fjölbreytt starf í Skógarlundi, miðstöð virkni og hæfingar, en húsnæðið er of lítið og kanna  þarf möguleika á stækkun til að koma enn frekar til móts við þennan hóp. Á Plastiðjuna Bjarg sækir einnig þjónustu stór hópur fólks með skerta vinnugetu og mikilvægt er að standa vörð um þá starfsemi. Einnig þarf að skoða sérstaklega þau tilboð sem Akureyrarbær stendur að yfir sumartímann , t.d. sumarvinna með stuðningi fyrir ungmenni og kanna þarf möguleika á sumardvöl fyrir þennan hóp.

Ein stærsta áskorun næsta kjörtímabils verður því að viðhalda góðri þjónustu við fólk með fjölþættar stuðningsþarfir, bæta í þar sem nauðsynlegt er og leita allra leiða til að sækja aukið fjármagn  til ríkisins. Leiðarljós Samfylkingarinnar í bæjarstjórn verður  ávallt að standa sem best vörð um lögbundið hlutverk sitt með mannréttindi og velferð allra í huga.

Elsa María Guðmundsdóttir, kennari, skipar 3. sæti á lista Samfylkingarinnar á Akureyri fyrir komandi sveitarstjórnarkosningar

Eitt stærsta verkefni á borði sveitarfélaga eru velferðarmál. Velferð, vellíðan og mannréttindi allra einstaklinga eru forgangsmál sem Samfylkingin mun halda áfram að beita sér sérstaklega fyrir. 

Þá var nýverið samþykkt ný umhverfis- og loftslagsstefna sveitarfélagsins sem er sannarlega fagnaðarefni. Við í Samfylkingunni ætlum að halda áfram á þessari braut og gera enn betur á næsta kjörtímabili.

Ástæða þess að við teljum þörf á að gera enn betur er sú að aðgerðir sem lúta að umhverfismálum hafa aldrei fyrr verið jafn knýjandi fyrir okkur öll og nú. Sérstaklega er mikilvægt að sveitarfélagið beiti sér með markvissum hætti í loftslagsmálum og þarf þar að horfa sérstaklega til aðgerða sem bæta loftgæði, draga úr losun gróðurhúsalofttegunda og auka kolefnisbindingu. Þá þarf einnig að ráðast í aðlögunaraðgerðir vegna breytinga á loftslagi, svo sem vegna hækkandi sjávarmáls og aukinna öfga í veðri. 

Samfylkingin ætlar að ráðast í þarfar samgöngubætur, eins og uppbyggingu hjólastíga í samræmi við samþykkt stígaskipulag bæjarins og styrkingu almenningssamgangna, með það fyrir augum að draga úr bílaumferð og minnka þá mengun sem hún hefur í för með sér. Á sama tíma blasir við þörfin á heildarendurskoðun sorpmála, þéttingu byggðar og bættri stafrænni þjónustu sem bæði dregur úr kostnaði og minnkar um leið ferðaþörf. Staðreyndin er nefnilega sú að orkuskipti, breyttar ferðavenjur, minni úrgangur, græn nýsköpun og atvinnuuppbygging er ekki aðeins góð fyrir umhverfið heldur er það einnig hagkvæmt fyrir okkur öll.

Sindri Kristjánsson skipar 2. sæti á lista Samfylkingarinnar á Akureyri fyrir kosningarnar 14. maí.

Það er sannarlega margt sem við Akureyringar getum verið stolt af þegar kemur að umhverfismálum. Við erum til að mynda í fararbroddi þegar kemur að flokkun sorps og nýtingu þeirra auðlinda sem í þeim felast. 

GERUM BETUR Í UMHVERFIS- OG LOFTSLAGSMÁLUM - FYRIR OKKUR ÖLL!

Grunnþjónustan er undir; leikskólar og skólar, velferðarþjónusta fyrir unga sem aldna, húsnæðismál, umhverfismál og samgöngur. Allt þarf þetta að virka og það í þágu alls almennings en ekki sérhagsmuna. 

Við Samfylkingarfólk göngum stolt til kosninga enda sýnir það sig bæði í Reykjavík og í bæjar- og sveitarfélögum um allt land að þar sem við jafnaðarmenn komum að rekstri sveitarfélagsins eru hagsmunir íbúa í forgrunni. Við höfum staðið fyrir fordæmalausri uppbyggingu íbúða og ætlum okkur meira. Þar skiptir máli að hugað sé að blandaðri byggð en ekki bara einblínt á stórar og dýrar fasteignir. Húsnæðisöryggi er lykilmál Samfylkingarinnar og því höfum við verið í fararbroddi í samningum við óhagnaðardrifin fasteignafélög og skipulagt byggingarreiti með það í huga að íbúasamsetning hverfanna verði fjölbreytt og skemmtileg, með blöndu af litlum og stórum eignar- og leiguíbúðum. G óðir leik- og grunnskólar skipta einnig sköpum því menntun er lykillinn að jöfnum tækifærum til framtíðar og þar skiptir fagmennskan máli. Þá skiptir ekki síður máli að kjörnir fulltrúar hugi að því að samfélögin séu lifandi og skemmtileg með menningarstarfi, íþróttum og líflegu félagsstarfi. Við í Samfylkingunni stöndum stolt vaktina með nærandi og skemmtilegu samfélagi um allt land. 

Í samgöngumálum höfum við hvort tveggja í sveitastjórnum sem og landsmálum lagt stóraukna áherslu á almenningssamgöngur. Þar verðum við að vera stórhuga og hugsa til framtíðar því einkabíllinn brennir hvort tveggja upp loftslagið okkar sem og tíma vegna umferðartafa. Fjölgun einkabíla á höfuðborgarsvæðinu hefur verið langt umfram íbúafjölgun og þetta bitnar helst á þeim sem þurfa að fara lengri veg til sinna daglegu starfa. Því ætti það að vera sérstakt kappsmál þeirra að efla almenningssamgöngur því þá eykst valið milli ólíkra samgöngumáta. Það er enginn neyddur til að nýta almenningssamgöngur, heldur velja sífellt fleiri að nota aðra fararkosti en einkabílinn daglega og þá verður að hafa val sem virkar. Þess vegna leggjum við áherslu á uppbyggingu nútímalegra almenningssamgöngukosta, bæði Borgarlínu en einnig landlínu. Fyrst aðrar þjóðir geta lært að nýta almenningssamgöngur daglega þá getum við það. Það er framtíðin. 

Við kjósum á morgun um framtíðina því það sem gert er í stjórnmálum dagsins í dag varðar framtíðarhagsmuni okkar og barna okkar. Þegar við göngum inn í kjörklefann á morgun skulum við hugsa um þetta og hvernig við viljum jafna tækifæri afkomenda okkar. Þau tækifæri hefur Samfylkingin í huga í öllum sínum störfum.  

Við göngum til kosninga á morgun og fáum þá tækifæri til að velja þá flokka og það fólk sem við treystum best til að stjórna nærsamfélaginu okkar á komandi kjörtímabili.

Velkomin í kaffi og spjall - verum Samfó!

Pub Quiz stuð með frambjóðendum og Eyþóri Inga! 

Í lok síðasta kjörtímabils byrjuðum við að innleiða skaðaminnkandi nálgun í þjónustu við heimilislaust fólk með miklar og flóknar þjónustuþarfir. Undir forystu Samfylkingar samþykktu allir flokkar í borgarstjórn metnaðarfulla stefnu og aðgerðaáætlun um uppbyggingu þjónustu og húsnæðis fyrir heimilislaust fólk.

Síðan þá hefur stefnan verið sett á að minnka skaðann sem heimilisleysi eða notkun vímuefna veldur og að bjóða „húsnæði fyrst“ (e:housing first) fyrir öll sem eru tilbúin að leigja íbúð með þjónustu. Skaðaminnkandi nálgun í allri þjónustu hefur sannað gildi sitt, þá er lögð áhersla á mannvirðingu, fagmennsku, valdeflingu og virka þátttöku allra þeirra sem þjónustan snýr að.

Við höfum náð árangri á þessu kjörtímabili enda höfum við sett málaflokkinn nánast í gjörgæslu. Ný úttekt á stöðu heimilislausra með miklar og flóknar þjónustuþarfir frá nóvember 2021 sýnir m.a. að 8 einstaklingar eða 3% af hópnum býr á víðavangi við slæmar aðstæður en í könnun sem gerð var árið 2017 var metið að 76 einstaklingar eða 21% hópsins væru í þeirri stöðu. Einnig hefur fækkað í hópnum í heild en það tekur langan tíma því þrátt fyrir að fólk fái húsnæði og stuðning telst fólk áfram heimilislaust.

Íbúðum og neyðarrýmum með þjónustu hefur verið fjölgað um alls 50 á kjörtímabilinu og tryggt að engum er vísað frá neyðarskýlum vegna plássleysis. Opnað var nýtt Neyðarskýli fyrir unga karla sem nota vímuefni í æð, við tókum Gistiskýlið á Lindargötu í gegn og verið er að hanna endurbætur á Konukoti, neyðarskýli fyrir konur, sem sannarlega er komið á tíma. Í neyðarskýlinu á Lindargötu hefur jafnframt verið hægt að veita einstaklingum betri þjónustu t.d. með því að geta boðið einstaklingum sem glíma við heilsufarsvanda upp á skjól allan sólarhringinn. Unnið er að því að finna húsnæði fyrir hjúkrunarrými fyrir þennan hóp í samtarfi við ríkið og þegar hefur fyrsta neyslurýmið opnað. Við erum nú með rúmlega 20 íbúðir od10 ný smáhýsi sem falla undir verkefnið „húsnæði fyrst“ víðsvegar um borgina sem nú eru heimili fólks. Við höfum styrkt vettvangs- og ráðgjafateymið sem hefur orðið æ mikilvægari þáttur í þjónustu við heimilislausa með mikla og flóknar þjónustuþarfir. Sett voru á fót neyðarteymi og stóraukið samráð er við alla aðila sem sinna þjónustu við þennan hóp fólks.

Áhersla á þjónustu við heimilislausar konur

Á þessu kjörtímabili hefur í fyrsta sinn verið áhersla á að auka þjónustu við heimilislausar konur og ég lít á það sem merki um traust að fleiri konur leita nú til Reykjavíkur eftir þjónustu. Heimilislausar konur þurfa áfallamiðaða nálgun og öryggi fyrst og fremst. Rótinni félag kvenna um áföll og vímuefni var falin ábyrgð á rekstri neyðarskýlis fyrir konur. Við erum nú með 8 íbúðir í sama húsi sem eru sérstaklega fyrir konur, auk þess sem konum hefur verið úthlutað stökum íbúðum hér og þar um borgina. Við opnuðum tímabundið neyðarskýli fyrir konur á gistiheimili sem reyndist vel, og munum nýta þá reynslu við endurbyggingu Konukots, þeim konum sem þar bjuggu var boðin áframhaldandi þjónusta á öðrum stað. Á næstu vikum opnar áfangaheimili fyrir konur í bata, þar sem veittur verður einstaklingsbundinn stuðningur og fræðsla. Einnig var opnað á kjörtímabilinu langtíma búsetukjarni fyrir tvígreindar konur og þar búa nú 7 konur.

Við settum okkur aðgerðaáætlun með 34 aðgerðum, 12 þeirra aðgerða er nú þegar lokið, 18 aðgerðir eru komnar vel á veg í vinnslu og því aðeins 4 eftir sem eru í undirbúningi. Við erum byrjuð að endurskoða aðgerðaáætlunina og fái ég til þess tækifæri mun ég sjá til þess að sú aðgerðaáætlun fari líka í framkvæmd og verði fjármögnuð. Þess ber að geta að fjármagn til málaflokksins árið 2019 var um 732 m.kr en núverandi meirihluti hefur staðið fyrir því að sú upphæð var tvöfölduð.

Við eigum að fjárfesta í velferð fólks, ekki síst þeim sem eru heimilislaus eða upplifa að þau séu komin í öngstræti með líf sitt. Það er ekki til neitt sem heitir ósýnilegt fólk, þannig samfélög virka ekki og það vitum við í Samfylkingunni, í Reykjavík undir stjórn jafnaðarfólks skiptum við öll nefnilega jafn miklu máli!

Höfundur skipar 2. sæti á lista Samfylkingarinnar í Reykjavík, er formaður Velferðarráðs Reykjavíkur og varaformaður Samfylkingarinnar.

Á þessu kjörtímabili hefur þjónusta við heimilislaust fólk tekið stakkaskiptum í Reykjavík. Hérlendis hefur borgin lengi verið í forystu í málaflokknum með einu neyðarskýli landsins, borgarverði og fleira. 

Stór­aukin þjónusta fyrir heimilis­laust fólk

Ungir frambjóðendur verða á staðnum fyrir þau sem vilja taka spjallið um stóru málin 

Hlökkum til að sjá ykkur!
***
xS Reykjavík throws a party at Prikið next Friday, May 13th at 8PM.

Young candidates will be there, more than willing to talk about the big issues 

xS Reykjavík heldur risa djamm á Prikinu á föstudaginn, 13. maí frá kl. 20:00 

Í banka­söl­unni var afsláttur ætl­aður fáum stórum lang­tíma­fjár­festum veittur mörgum litlum og sér­völdum skyndigróða­fjár­fest­um, sem meðal ann­ars komu úr hópi þeirra sem sáu um söl­una og fengu fyrir 700 millj­ón­ir. Svona eru vinnu­brögðin á vakt Sjálf­stæð­is­manna.

Og það er kraftur í Sam­fylk­ing­ar­fólki alls stað­ar. Það er næstum áþreif­an­legt. Flokk­ur­inn býður fram um allt land, víð­ast hvar undir eigin merkjum en sums staðar í sam­vinnu við aðra flokka og óháða sem hafa svipuð við­horf og félags­legar áhersl­ur.

Víða er Sam­fylk­ingin í stjórn bæj­ar­fé­laga, ann­ars staðar í minni­hluta, og alls staðar eru átaka­lín­urnar þær sömu. Þar sem Sam­fylk­ingin er sterk er traustur meiri­hluti félags­hyggju­flokka en þar sem hún er ekki jafn sterk myndar Sjálf­stæð­is­flokk­ur­inn meiri­hluta, stundum með þeim flokkum sem keppa við Sam­fylk­ing­una um atkvæði félags­lega sinn­aðra kjós­enda.

Oft er spurt: hver er eig­in­lega mun­ur­inn á Sam­fylk­ing­unni og öðrum félags­hyggju­flokkum sem hafa svip­aðan mál­flutn­ing í mörgum helstu deilu­mál­um? Þegar að er gáð kemur í ljós alls konar áherslu­munur í ein­stökum mál­um, en helsti mun­ur­inn liggur að mínu viti í sjálfu erindi flokks­ins. Aðrir flokkar frá miðju til vinstri voru stofn­aðir utan um áherslu á ein­hverja sér­stöðu, það sem aðgreini flokk­inn frá öðr­um. Sam­fylk­ingin var stofnuð til að sam­eina jafn­að­ar­menn. Hún er ekki stofnuð kringum sér­stöðu, heldur sam­stöðu. Hún er ekki stofnuð til að sundra heldur til að sam­eina.

Í Sam­fylk­ing­unni ríkir hefð fyrir því að rök­ræða um alls konar mál, og stundum er þar tek­ist hressi­lega á eins og heil­brigt og eðli­legt er í stórum flokki með hug­sjóna­ríku fólki, en um leið sam­ein­umst við öll um hina stóru og miklu hug­sjón jafn­að­ar­stefn­unnar um frelsi, jafn­rétti og sam­stöðu. Við viljum að jafn­að­ar­stefnan sé alltaf og alls staðar lögð til grund­vall­ar. Um það sam­ein­umst við.

Sveit­ar­stjórn­ar­málin snú­ast um dag­legt líf okkar og umgjörð þess. Þau snú­ast um börnin og gamla fólk­ið, þjón­ustu við fatl­aða og umönnun þeirra sem þurfa á hjálp að halda. Þau snú­ast um skóla og vel­ferð­ar­þjón­ustu – en líka um sorp­hirðu, frá­veitu­mál og göngu­stíga, snjó­ruðn­ing og gatna­gerð. Þau snú­ast um menn­ingu og listir og íþrótta­starf. Þau snú­ast um hús­næð­is­mál, skipu­lag og almenn­ings­sam­göngur sem virka, bæði til að stand­ast lofts­lags­mark­mið og til að skapa raun­hæfan kost fyrir fólk sem ekki hefur tök eða áhuga á að reka bíl með ærnum til­kostn­aði, hvað þá marga bíla.

Sveita­stjórn­ar­málin snú­ast þannig um alls konar verk­efni í nær­sam­fé­lag­inu sem tryggja öllum íbúum til­tekið þjón­ustu­stig og vel­ferð sem við viljum hafa í lagi. Hver staður hefur sín sér­stöku úrlausn­ar­efni og ágrein­ingur virð­ist stundum lít­ill milli flokk­ana um lausn þeirra. En þegar að er gáð er sam­spil lands­mála og sveit­ar­stjórn­ar­mál­anna meira en við gerum okkur stundum grein fyr­ir. Ríkið hefur til­hneig­ingu til að hlaða verk­efnum á sveita­stjórnir án þess að fjár­magn eða tekju­stofnar fylgi. Ríkið hefur ekki fjár­magnað heil­brigð­is­kerfið eins og því ber, þjón­usta við fatl­aða er veru­lega van­fjár­mögnuð og allt bitnar þetta á sveita­stjórn­ar­stig­inu. Það eru miklar brotala­mir á hús­næð­is­kerf­inu, bæði hvað varðar fram­boð og fjár­mögn­un, en til­raunir til að kenna stjórn stærsta sveit­ar­fé­lags­ins um gjörvallan hús­næð­is­vand­ann eru frá­leit­ar.

Nú er mikið í húfi. Þessar kosn­ingar eru mjög mik­il­vægt tæki­færi fyrir kjós­endur að kjósa gegn fjár­mála­spill­ingu, gróða­væð­ingu inn­viða og sér­hags­muna­gæslu – en með félags­legum áhersl­um, umhverf­is­vit­und, virð­ingu fyrir mann­rétt­indum og öðrum grund­vall­ar­gildum jafn­að­ar­stefn­unn­ar.

Greinin birtis í Kjarnanum 11. maí 2022. 

Hvar sem maður fer um finnur maður að það er hugur í jafn­að­ar­mönn­um. Banka­sölu­hneykslið rifj­aði ræki­lega upp fyrir fólki vinnu­brögð og stjórn­ar­hætti Sjálf­stæð­is­manna sem leiddu á sínum tíma til hruns efna­hags­lífs­ins. Þegar sá flokkur ræður för er meira hugsað um hag útval­inna en almanna­hag, reglur um verk­lag eru sveigðar eða hrein­lega brotn­ar. 

Stefnuskrá Samfylkingarinnar í Mosfellsbæ 2022 - 2026

Markmið velferðarþjónustu Mosfellsbæjar eiga að vera mannréttindi og jöfn tækifæri fyrir alla. Réttur einstaklinga og fjölskyldna til þátttöku í samfélaginu eru borgararéttindi. Mosfellsbær á að styðja við þau réttindi með sveigjanlegri þjónustu þar sem markvisst er stuðlað að valdeflingu íbúa í sveitarfélaginu. Rétturinn felur í sér að hafa aðgang að
starfsemi samfélagsins, skólum, vinnustöðum, húsnæði, umhverfi, upplýsingum og fólki.

Allir íbúar Mosfellsbæjar, eldri sem yngri, eiga rétt á virðingu og félagslegri viðurkenningu. Við viljum að fólk geti búið sér gott heimili í Mosfellsbæ sem hentar mismunandi þörfum þess óháð fjölskyldustærð, aðstæðum, efnahag og aldri. Tekjuviðmið afsláttar elli- og örorkulífeyrisþega af fasteignagjöldum verði endurskoðuð. Nauðsynlegt er að stuðningsþjónusta sveitarfélagsins og heimahjúkrun á vegum ríkisins sé samhæfð með þarfir notenda að leiðarljósi. Við viljum meiri fjölbreytni í búsetukostum með því m.a. að koma á samstarfi við óhagnaðardrifin húsnæðisfélög um uppbyggingu leiguíbúða á viðráðanlegu verði. Sérstaklega þarf að gæta að framboði leiguhúsnæðis á viðráðanlegu verði fyrir tekjulága. Mikilvægt er að Mosfellsbær setji sér heildstæða fjölskyldustefnu með aðkomu bæjarbúa. Við viljum vinna markvisst og örugglega að innleiðingu Barnasáttmála Sameinuðu þjóðanna í allt starf og ákvarðanaferla innan stjórnsýslu og stofnana bæjarins svo Mosfellsbær verði sannarlega barnvænt samfélag. Við viljum að Mosfellsbær sé samfélag fyrir allar fjölskyldur og einstaklinga, ævina alla.

Hækkun fjárhagsaðstoðar 
Fjárhagsaðstoð verði á pari við það sem best gerist í nágrannasveitarfélögunum. Áhersla verði lögð á stuðning við skjólstæðinga félagsþjónustunnar til að auka virkni og þátttöku í samfélaginu. 

Félagslegt leiguhúsnæði 
Hið félagslega leiguíbúðakerfi verði eflt þannig að aðgangur Mosfellsbæjar að leiguíbúðum á hverjum tíma svari þörf fyrir félagslegt leiguhúsnæði. 

Efla stuðning til sjálfstæðrar búsetu 
Stuðningsþjónusta og heimahjúkrun verði samhæfð og efld til muna til að gera sem flestum kleift að viðhalda sjálfstæðri búsetu. 

Lækkun fasteignagjalda 
Tekjuviðmið afsláttar af fasteignagjöldum elli og örorkulífeyrisþega verði endurskoðuð. 

Gjaldfrjálsa félagslega heimaþjónustu 
Þeir íbúar sem rétt eiga á stuðningsþjónustu (félagslegri heimaþjónustu) samkvæmt reglum þar um fái hana endurgjaldslaust. 

Samþætt þjónusta 
Nauðsynlegt er að stuðningsþjónusta sveitarfélagsins og heimahjúkrun á vegum ríkisins sé samhæfð með þarfir notenda að leiðarljósi. 

Betri upplýsingagjöf, ráðgjöf og eftirfylgni 
Við viljum bæta upplýsingagjöf fjölskyldusviðs þannig að tryggt sé að notendur þekki rétt sinn og viti hvaða þjónusta sé í boði. 

Bæta þjónustu við fólk með fötlun 
undefined


Þróa þarf áfram innleiðingu notendastýrðrar persónulegrar aðstoðar í samstarfi við þá sem nýta þjónustuna.

Skólar í Mosfellsbæ eiga að vera í fremstu röð. Við viljum að okkar skólar séu bestir í því að
stuðla að vellíðan, vexti og þroska barna okkar. Til þess þurfum við m.a. að laða að bestu
kennarana og fagfólkið inn í skólana.

Við leggjum áherslu á að öll börn í bænum eiga rétt á að þroska hæfileika sína og njóta jafnréttis til náms, þroska og vellíðanar. Til að það verði að veruleika þarf að stórefla stoðþjónustu innan skólakerfisins og ráða fagfólk með ýmsa sérþekkingu sem þörf er fyrir. Tryggja skal að stuðningur við börn miðist við þarfir en sé ekki háður greiningum. Hlúa þarf að samstarfi á milli skóla, skólastiga, félagsþjónustu og allra þeirra aðila sem sinna tómstundum barna og ungmenna til að treysta stuðningsnet þeirra. 

Skólinn gegnir mikilvægu hlutverki í að undirbúa börn undir þátttöku í margbreytilegu og sífellt flóknara lýðræðissamfélagi. Skólinn þarf því að hafa möguleika á að sinna fjölbreyttri fræðslu sem kallar á ýmiss konar sérfræðiþekkingu sem þarf þá að vera aðgengileg fyrir skólana. 

Símenntun starfsfólks skólanna er órjúfanlegur hluti metnaðarfulls skólastarfs. Þeim þáttum þarf að sinna á markvissan hátt og hvetja starfsfólk leik- og grunnskóla til að sækja sér viðbótarþekkingu sem nýtist skólunum. 

Samfylkingin vill stefna að gjaldfrjálsum skóla. Við viljum að skólamáltíðir, hollar og næringarríkar, verði gjaldfrjálsar í leik- og grunnskólum. Öll börn hafi þannig jafnan aðgang að góðu og heilbrigðu námsumhverfi sem stuðlar að jafnræði meðal barna óháð efnahag foreldra. 

Skólamannvirki standa oft á tíðum auð utan hefðbundins skólatíma. Þar felast ónýtt tækifæri sem hægt er að nýta með hagsmuni bæjarbúa að leiðarljósi. 

Vinna þarf stefnumótun til framtíðar um uppbyggingu og viðhald skólamannvirkja í nánu samstarfi við skólasamfélagið og í takti við breytingar í samfélaginu. Þannig verði unnið gegn því að bæjarfélagið lendi í ógöngum í framtíðinni vegna skorts á skólahúsnæði.

Fjölbreyttari sérfræðiþekkingu inn í skólana 
Til að skóli án aðgreiningar standi undir nafni og geti sinnt þeim börnum sem þarfnast og eiga rétt á auknum stuðningi þarf öflugt teymi með fjölbreytta sérfræðiþekkingu inn í skólana. Við viljum ráða sérfræðinga með mismunandi þekkingu inn í teymi sem þjónustar skóla bæjarins. 

Leikskólarými fyrir ungbarnafjölskyldur 
Vinna skal að því að tryggja öllum börnum frá 12 mánaða aldri leikskólapláss burtséð frá því hvenær ársins þau eru fædd. 

Heilstæð skólahverfi og stærð skóla 
Við skipulagningu nýrra íbúahverfa verði horft til þess að hvert hverfi sé heilstætt skólahverfi og þannig verði gætt að samheldni og félagsauði hverfanna. Sett verði viðmið um æskilega stærð skóla út frá faglegum viðmiðum hvað varðar fjölda barna og ákveðin þau mörk sem ekki er ásættanlegt að fara yfir til lengdar. 

Gjaldfrjáls leikskóli – fyrsta skólastigið 
Við stefnum að gjaldfrjálsum leikskóla með það markmið að sá tími sem ætlaður er i skipulagt, faglegt starf samkvæmt námsskrá verði gjaldfrjáls. Fab Lab Mosó Til að efla frumkvöðlahugsun og nýsköpun meðal grunnskólanema viljum við setja á fót Fab Lab sem nýtast mun öllum skólum bæjarins. 

Viðhald skólamannvirkja 
Gætt verði að fullnægjandi viðhaldi skólamannvirkja og áætlanir um fyrirbyggjandi viðhald og endurbætur uppfærðar með reglubundnum hætti.

Við búum að einu fallegasta bæjarstæði landsins og viljum standa vörð um sérkenni þess.
Umhverfið hefur mikil áhrif á líðan og lífshætti íbúanna og þess vegna skipta skipulags- og
umhverfismál miklu máli í ört vaxandi bæjarfélagi. Við viljum styrkja ásýnd bæjarins sem
útivistarbæjar, sveitar í borg með fjölbreyttri þjónustu og umhverfisvænni atvinnustarfsemi
sem og möguleikum til íþrótta og frístunda fyrir alla. Götur, torg og græn svæði eiga að
vera aðlaðandi, mannvæn og skjólsæl umgjörð daglegs lífs í Mosfellsbæ.

Við endurskoðun á gildandi aðalskipulagi skal tekið mið af forsendubreytingum í Mosfellsbæ hvað varðar íbúafjölgun, uppbyggingu nýrra hverfa og tengingum við útivistarsvæði. Þá skal endurskoðunin einnig gerð m.t.t. loftslagsáhrifa og loftslagsmála. 

Loftslagsmál eru stærstu úrlausnarefni samtímans og framtíðarinnar. Kolefnislosun vegna bílaumferðar er stærsti einstaki liðurinn í kolefnisbókhaldi höfuðborgarsvæðisins. Vinna þarf markvisst að því að gera Mosfellsbæ sjálfbærari hvað varðar störf, þjónustu og búsetu. Stuðla þarf að aukinni notkun almenningssamgangna og virkra ferðamáta með því að standa vörð um Borgarlínuverkefnið, efla strætósamgöngur á milli nýrra hverfa og eldri hverfishluta svo betra flæði verði innan bæjarins og bæta göngu- og hjólastígakerfið. 

Tryggja þarf samheldni milli umhverfis- og skipulagsmála. Þessu má ná fram með grænu skipulagi, sem nær til heildstæðs útivistastígakerfis þar sem almenningsréttur er tryggður, skógræktarsvæði verði skilgreind heildstætt. 

Við viljum að náttúran njóti alltaf vafans, að líffræðilegur fjölbreytileiki sé verndaður og að unnið verði að endurheimt lífríkis sem átt hefur undir högg að sækja.

Nýtt miðbæjarskipulag 
Efna skal til samkeppni um nýtt miðbæjarskipulag þar sem miklar forsendubreytingar hafa orðið. Greina þarf þörf og móta langtímastefnu hvað varðar þjónustu. Endurskoða skal þéttni byggðar og skilgreina endastöð borgarlínu í skipulaginu með tengingu inn á nýjan innanbæjarstrætó. Taka skal mið af algildri hönnun hvað varðar aðgengi- og öryggismál fyrir gangandi vegfarendur og rýmismyndun torg- og dvalarsvæða. 

Fjölbreytt íbúðasamsetning 
Skipulag stuðli að fjölbreyttri íbúðasamsetningu með kvöðum um hlutfall mismunandi húsnæðistegunda innan hvers svæðis. Íbúar þurfa að hafa möguleika til að stækka eða minnka við sig á mismunandi æviskeiðum innan sveitarfélagsins. 

Heildstæð skólahverfi skipulögð út frá sjálfbærni 
Ný hverfi verði skipulögð með sjálfbærni í huga sem heildstæð skólahverfi með staðbundna þjónustu. Tryggja skal greið tengsl við almenningssamgöngur milli hverfishluta og skilgreina stofnstígatengingar til annarra hverfa bæjarins og inn á græn svæði. Opin græn svæði, s.s. leiksvæði, skulu vera í forgangi við uppbyggingu hverfanna og kostuð af landeigendum sé skipulagssvæðið ekki í eigu Mosfellsbæjar. 

Loftslagsstefna með mælanlegum markmiðum 
Bærinn setji sér, í samræmi við lög, skilgreind markmið um samdrátt í losun gróðurhúsalofttegunda og kolefnisjöfnun í starfsemi bæjarins ásamt aðgerðum svo að þeim markmiðum verði náð. Bærinn horfi ekki einungis á hlutverk sitt sem rekstraraðila heldur einnig sem stefnumótandi aðila varðandi framtíðarþróun loftslagsmála næstu 50-100 árin. 

Umhverfisvöktun, skógrækt og verndun búsvæða 
Tryggja skal að ekki sé þrengt að árbökkum og árfarvegir geti tekið við flóðum. Stuðla skal að endurheimt búsvæða þar sem það á við og tryggja almannarétt með lagningu stíga meðfram ám og vötnum. Gera þarf betri tengingar inn á jaðarsvæði í fellum og skilgreind skógræktarsvæði bæjarins. 

Deiliskipulög og hverfisskipulög 
Tryggja verður að ný deiliskipulög haldi sem best og taki ekki sífelldum breytingum svo fyrirsjáanleiki kaupenda sé tryggur. Ný hverfisskipulög eða deiliskipulög skulu gerð fyrir eldri hverfi þar sem slík eru ekki fyrir hendi. Þetta stuðlar að samræmdri uppbygginu í eldri hverfum bæjarins með fyrirsjáanleika í breytingum innan hverfanna. 

Almenningssamgöngur 
Tryggja verður skilvirkar almenningssamgöngur og stuðla að hringrásarskipulagi sem gerir innanbæjarstrætó kleift að ganga í hringakstri á milli hverfa innan bæjarins. 

Grenndargámar 
Til að auðvelda og hvetja til flokkunar skal setja grenndargáma í hvert hverfi.

Lýðræði – mannréttindi -stjórnsýsla

Stjórnsýslan starfar fyrir bæjarbúa og í umboði þeirra. Samfylkingin hefur alla tíð barist fyrir
auknu gagnsæi í ákvörðunum stjórnsýslunnar og góðu aðgengi bæjarbúa að upplýsingum.
Gagnsæi og aðgengi að upplýsingum eru grundvallaratriði í lýðræðislegri stjórnskipan.

Standa þarf vörð um jafnrétti allra íbúa til þjónustu sveitarfélagsins. 

Raunhæfar framkvæmdaáætlanir með mælanlegum markmiðum skulu fylgja allri stefnumörkun á vegum bæjarfélagsins og skal aðgangur bæjarbúa að þeim mælingum vera tryggður. Niðurstöður mælinganna skal birta á vef bæjarins svo bæjarbúar geti fylgst með framvindu mála. 

Efla þarf raunverulegt þátttökulýðræði með auknu samráði bæjaryfirvalda við bæjarbúa og auknu gagnsæi í allri ákvarðanatöku. 

Fjármunir bæjarsjóðs eru almannafé og því þarf að gæta ábyrgðar, skynsemi og gagnsæis í meðferð þeirra. Fagnefndir bæjarins eru mjög mikilvægur hlekkur í lýðræðislegri umræðu og ákvarðanatöku og þær þarf að efla. 

Vinnustaðir bæjarins eiga að vera til fyrirmyndar í mannréttinda- og jafnréttismálum.

Efla Öldungaráð 
Öldungaráð er sjálfstæður og óháður ráðgefandi aðili gagnvart bæjarstjórn hvað varðar málefni er snerta eldri borgara. Við viljum virkt aðhald frá Öldungaráði og að því sé gert kleift að uppfylla skyldur sínar skv. lögum. 

Styrkja hlutverk fagnefnda 
Hlutverk nefnda verði endurskoðað með það að markmiði að þær taki ríkara frumkvæði á sínum málefnasviðum og þátttaka þeirra í fjárhagsáætlunargerð verði aukin. 

Opna og skilvirka stjórnsýslu 
Áfram verði haldið á þeirri braut að auka og auðvelda aðgengi íbúa að ákvörðunum og áætlunum stjórnsýslunnar. Öll gögn sem liggja til grundvallar almennum ákvörðunum bæjaryfirvalda og ekki ríkir trúnaður um skulu vera aðgengileg á vef bæjarins. 

Aukið samráð við íbúa 
Við viljum kanna árlega með markvissum hætti viðhorf og upplifun þeirra sem njóta þjónustu frá sveitarfélaginu í mismunandi málaflokkum. Bæjarstjórn fari til bæjarbúa og haldi fundi með íbúum einstakra hverfa um þau mál sem snerta þau sérstaklega. Standa þarf vörð um verkefnið Okkar Mosó og þróa það áfram. 

Efla starfsemi Ungmennaráðs 
Starf Ungmennaráðs verði þróað áfram og vægi þess sem ráðgefandi aðila gagnvart bæjarstjórn og fagnefndum verði eflt. Ungmennaráði verði gert kleift að vera ein megin stoð barnvæns samfélags í Mosfellsbæ. Ungmennaráð tilnefni áheyrnarfulltrúa til setu í fagnefndum bæjarins.

Í Mosfellsbæ kraumar ekki bara heitt vatn undir niðri heldur skapandi og skemmtilegt
sjálfstætt sveitarfélag. Hlutverk bæjarfélagsins er að styðja við og hlúa að sjálfsprottinni
menningar¬starfsemi sem og að standa sjálft að menningarstarfi. Í Mosfellsbæ á að vera
gaman að alast upp og eldast og allt þar á milli.

Mosfellsbær býr að sterkri og fjölbreyttri atvinnu-, byggða- og menningarsögu. Þá sögu þarf að gera sýnilega. Það styrkir bæjarbraginn. 

Listaskólinn gegnir mikilvægu hlutverki fyrir menningarlífið og hann þarf að efla. Nauðsynlegt er að finna honum hentugt framtíðarhúsnæði. 

Við viljum að forræði Hlégarðs sé á hendi bæjarins og að svæðið allt verði tengt skipulagi miðbæjarsvæðisins. Til að styrkja umgjörð menningarlífs í bænum þarf menningarlífið að eignast lögheimili. Þannig eflum við allt lista- og menningarlíf í bænum. 

Bókasafn Mosfellsbæjar gegnir mikilvægu og fjölþættu menningarhlutverki í bænum og þarf svigrúm til að vaxa og þróast til framtíðar.

Menningarhús 
Hlégarður verði Menningarhús bæjarins þar sem gróskumikil menningarstarfsemi blómstrar. Haldin verði hugmyndasamkeppni um nýtingu hússins og Hlégarðssvæðisins með það fyrir augum að fjölbreytt menningar- og félagsstarfsemi íbúa á öllum aldri eigi þar athvarf. 

Framtíðarhúsnæði fyrir Listaskólann 
Finna Listaskólanum framtíðarhúsnæði svo skólinn megi vaxa og dafna og svara sívaxandi eftirspurn. Skoða ætti gaumgæfilega hvort Hlégarðssvæðið sé ekki rétti staðurinn fyrir skólann að blómstra. 

Listasmiðja 
Komið verði á fót listasmiðju þar sem ungir sem aldnir af öllum kynjum geta komist í aðstöðu til að sinna fjölbreyttri sköpun, s.s. tónlist, myndlist og handverki ýmiss konar 

Fleiri útilistaverk 
Mótuð verði stefna um listaverkakaup bæjarins og á kjörtímabilinu verði lögð sérstök áhersla útilistaverk. Gerð verði áætlun um uppsetningu aðkomuverka við bæjarmörkin. Lista- og menningarsjóður verði efldur svo hann geti betur stutt við fjölbreytta lista- og menningarstarfsemi í bænum. 

Efla menningartengda ferðaþjónustu 
Bærinn leitist við að styðja við menningartengda ferðaþjónustu sem byggir á byggðaog atvinnusögu sveitarfélagsins. Þetta getur bærinn gert með því að skapa aðstæður í gegnum skipulag, samstarf í kynningarmálum og með því að tengja saman stofnanir, samtök, fyrirtæki og einstaklinga. 

Velferðarsamfélagið byggir m.a. á gróskumiklu atvinnulífi. Samfylkingin vill að mótuð verði
atvinnustefna þar sem lögð verði áhersla á umhverfisvæna starfsemi sem tekur tillit til
fjölbreyttrar og viðkvæmrar náttúru bæjarins.

Móta þarf framtíðarsýn varðandi athafna- og iðnaðarsvæði í bæjarfélaginu svo viðkomandi starfsemi geti dafnað í sátt við aðra uppbyggingu í bænum. 

Skipulag miðbæjarsvæðis taki mið af því að þjónusta og verslun geti blómstrað í góðu nábýli við íbúabyggð þannig að það sé rými fyrir fjölbreytilega starfsemi í miðbænum. 

Við teljum að byggja ætti á þeirri þekkingu og reynslu sem þegar er til staðar í bænum varðandi heilsutengda starfsemi. 

Við viljum stuðla að öflugri, vistvænni matvælaframleiðslu í bæjarfélaginu. 

Heilsutengd atvinnustarfsemi 
Stuðla að uppbyggingu umhverfisvænnar, heilsutengdrar atvinnustarfsemi sem byggir á jarðhita sem er til staðar í sveitarfélaginu. 

Menningartengd ferðaþjónusta 
Bærinn leitist við að styðja við menningartengda ferðaþjónustu sem byggir á menningarsögu bæjarins. Þetta getur bærinn gert með því að skapa aðstæður í gegnum skipulag, samstarf í kynningarmálum og með því að tengja saman stofnanir, samtök, fyrirtæki og einstaklinga. 

Fjölbreytt framboð innihaldsríks tómstunda- og félagsstarfs fyrir börn og ungmenni hefur
margvíslegt félags-, forvarna-, uppeldis- og menntunargildi.
Þróttmikið íþrótta- og tómstundastarf fyrir unga sem aldna óháð efnahag og félagslegum
aðstæðum fjölskyldna eflir og auðgar samfélagið og hefur jákvæð áhrif á lýðheilsu.

Öflugt starf byggir á góðri aðstöðu og fjölbreyttu framboði fyrir alla aldurshópa. Það er hlutverk bæjaryfirvalda að sjá til þess að sú umgjörð sem til þarf sé fjölbreytt og góð og taki mið af stækkandi bæjarfélagi og breyttri aldurssamsetningu íbúa. Móta þarf stefnu til framtíðar um uppbyggingu íþróttasvæða í bænum. 

Í ört vaxandi sveitarfélagi er þörf fyrir fjölnota íþróttahús sem nýtist fjölbreyttri íþróttaiðkun og öllum aldursflokkum. Vinna þarf að staðarvali og áætlun um uppbyggingu þess á kjörtímabilinu í samstarfi við íþróttafélög í bænum. 

Heilbrigt tómstundastarf barna og ungmenna er samstarfsverkefni foreldra, skóla, íþróttaog tómstundafélaga og bæjaryfirvalda. Samstarf þessara aðlila þarf að efla til að halda enn betur utan um heilbrigt og gott tómstundastarf í bænum.

Frístundaávísun fyrir börn og ungmenni 
Frístundaávísunin skal hækka í 75.000 krónur á kjörtímabilinu og ná til barna frá fjögurra ára aldri. 

Frístundastyrkur fyrir eldri borgara 
Þátttaka í tómstunda-, íþrótta- og félagsstarfi eflir almenna heilsu og stuðlar að félagslegri virkni. Við viljum hækka styrkinn í 20.000 krónur og vinna að aukinni fjölbreytni hvað varðar framboð á íþrótta-, tómstunda- og félagsstarfi í samstarf við samtök eldri Mosfellinga.  

Ungmennahús 
Starfsemi Ungmennahússins Mosa verði efld á forsendum ungmennanna sjálfra og verði þannig að enn áhugaverðari kosti fyrir ungt fólk í Mosfellsbæ. Á kjörtímabilinu verði fundið hentugt framtíðarhúsnæði fyrir starfsemina. 

Fleiri útiæfingatæki og bekki 
Í öllum hverfum bæjarins verði sett upp útiæfingatæki og bekkir í nágrenni við gönguleiðir með það að markmiði að efla heilbrigði og lýðheilsu íbúa á öllum aldri.

Leit um „��"

3340 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3340 niðurstöður fundust við leit að „������������������������������������������������������������"