Fimmtudaginn 14. maí kl. 17:00 höldum við fjölskyldudaginn okkar og grillum hinn margrómaða steinbít fyrir gesti. Auðvitað verða einnig pulsur á boðstólnum.
-Hoppukastali
-Andlitsmáling
-Poppvél
-Tónlist

Samfylkingin og óháðir í Suðurnesjabæ

Við bjóðum ykkur velkomin á happy hour með frambjóðendum og þingmönnum Samfylkingarinnar mánudaginn 11. maí kl. 17:00 á The Dubliner.

Ása Berglind Hjálmarsdóttir og Víðir Reynisson, þingmenn Samfylkingarinnar, Þórður Snær, framkvæmdastjóri þingflokks Samfylkingarinnar, ásamt frambjóðendum Samfylkingarinnar í Reykjanesbæ verða á staðnum til að ræða allt sem ykkur liggur á hjarta, hvort sem það er pólitíkin, sveitarfélagið eða bara lífið og tilveran

Kíktu við, fáðu þér drykk, spjallaðu við fólkið okkar og eigðu skemmtilega hamingjustund með okkur

Happy Hour með frambjóðendum og þingmönnum

Við í Samfylkingunni 60+ Hafnarfirði verðum með kaffispjall á fimmtudaginn 14. maí klukkan 10:30-12:00.

Næstkomandi fimmtudag, uppstigningardag, eru tveir dagar til kosninga. Hittumst, tökum stöðuna og eigum saman notalega morgunstund

Við hlökkum til að sjá ykkur á Strandgötu 43.
Öll hjartanlega velkomin!

Samfylkingin vill forgangsraða í þágu velferðar og við viljum bæta þjónustu við fatlað fólk í bænum.

Samkvæmt lögum þá eiga sveitarfélög að hafa frumkvæði að því að kynna fötluðu fólki réttindi sín og leiðbeina um þá þjónustu sem þau eiga rétt á. Þetta á jafnt við um allt fatlað fólk, börn og fullorðna. Samfylkingin ætlar að beita sér fyrir bættri upplýsingamiðlun og aukinni skilvirkni í þjónustu við fatlað fólk í Garðabæ.

Samfylkingin í Garðabæ leggur áherslu á samfellda, fjölbreytta og aðgengilega velferðar- og heilbrigðisþjónustu fyrir fatlað fólk í bænum. Einn liður í því er að samþætta heimaþjónustu sveitarfélagsins og heimahjúkrun og einfalda líf fólks með því að það geti leitað aðstoðar og upplýsinga um þjónustuna á einum stað.

Uppbygging búsetuþjónustu fyrir fatlað fólk er stöðugt verkefni sveitarfélaga. Ferlið frá hönnun til úthlutunar íbúða er langt og þó að nýlega hafi verið tekin skóflustunga að búsetukjarna í Hnoðraholti þá þarf strax að hefja vinnu við að hanna og byggja nýjan búsetukjarna í bænum. Ár hvert bætist í hóp þeirra fötluðu ungmenna sem þurfa slíka búsetuþjónustu hér í Garðabæ.

Við þetta bætist að í Garðabæ hefur uppbyggingu leiguhúsnæðis fyrir tekjuminna fólk alls ekki verið nægilega vel sinnt. Sú staðreynd bitnar ekki síst á ungu fólki sem vegna fötlunar, veikinda eða annarra áfalla hefur ekki haft tækifæri til að afla launatekna og býr því við erfið kjör. Samfylkingin í Garðabæ mun á næsta kjörtímabili beita sér fyrir því að óhagnaðardrifin leigufélög fái byggingarlóðir í bænum því úr þessu þarf að bæta sem allra fyrst.

Það er mikið réttlætismál fyrir fatlað fólk og fjölskyldur þeirra að þurfa ekki að vera á biðlista árum saman eftir því að geta eignast sitt eigið heimili og fá þjónustu í samræmi við þarfir, sem eru sjálfsögð mannréttindi

Samfylkingin vill að komið verði á fót virkni- og hæfingarstöð fyrir fatlað fólk í Garðabæ sem taki mið af þarfagreiningu sem unnin verði í samstarfi fagfólks, hagsmunasamtaka, fatlaðs fólks og aðstandenda þeirra. Virkni og þátttaka bæta líf okkar allra en fatlað fólk mætir fjölmörgum hindrunum fyrir því að taka virkan þátt í samfélaginu. Garðabær er fimmta stærsta sveitarfélag landsins með yfir 20 þúsund íbúa og hefur alla burði til að reka virkni- og hæfingarstöð fyrir þá íbúa sem á þurfa að halda. Það er siðferðileg skylda samfélagsins að skapa umhverfi og aðstæður sem gera fötluðu fólki mögulegt að vera virkir þátttakendur í nærsamfélaginu og við getum gert miklu betur í Garðabæ.

Samfylkingin ætlar að beita sér fyrir því að þjónusta við fatlað fólk í Garðabæ verði með því besta sem þekkist. Við erum tilbúin, komdu með og settu X við S á kjördag.

Höfundur skipar 10.sæti á framboðslista Samfylkingarinnar í Garðabæ.

Garðabær hefur alla burði til að veita fötluðu fólki fyrirmyndar þjónustu. Hér er gott samfélag, öflugt starfsfólk með faglega þekkingu og reynslu og bæjarsjóður sem fær dágóðar tekjur í gegnum skatta frá íbúunum

Bætum þjónustu við fatlað fólk í Garða­bæ

Árborg alla ævi
Meginmarkmiðið er að Árborg sé öflugt samfélag þar sem íbúar hafa jöfn tækifæri, þjónustan sé góð og hérna sé gott að búa ævina alla. Til þess að ungt fólk vilji setjast hér að og ala upp börn eða koma aftur heim eftir nám og stofna hérna fjölskyldu þurfum við að vera samkeppnishæf við önnur sveitarfélög.

Þess vegna er mikilvægt að létta undir með barnafólki og lækka kostnað þeirra. Þetta gerum við með því að lækka leikskólagjöld í skrefum yfir kjörtímabilið, setja þak á leikskólagjöld og taka upp 100% systkinaafslátt.

Þjóðarátak í umönnun eldra fólks
Samfylkingin boðar þjóðarátak í umönnun eldra fólks og uppbyggingu yfir 1.500 hjúkrunarrýma á landinu öllu. Við þurfum að halda áfram að fjölga hér hjúkrunarrýmum í samstarfi við ríkið og vera tilbúin með lóðir þegar til þess kemur. Einnig þarf að fjölga dagdvalarrýmum. Við erum með góða þjónustu í Vinaminni og Árblik en biðlistarnir eru of langir. Þá er það velferðatæknin sem við teljum að geti bætt þjónustu til muna ásamt meiri samþættingu í þjónustu við eldra fólk þannig þau hafi einn stað til að leita á fyrir þá þjónustu sem þau þurfa.

Einfaldara regluverk
Til framtíðar þarf að auðvelda íbúum og fyrirtækjum rekstur og uppbyggingu í Árborg. Það blasir við að einfalda þarf regluverk og ferli leyfisumsókna, þannig að þeir sem eru í rekstri eða hyggjast hefja rekstur hafi einn tengilið eða vettvang fyrir sín erindi. Komum í veg fyrir að fólk þurfi að fara út um allan bæ með erindi sín og jafnframt passa upp á að leyfisveitingaraðilar komi í réttri röð og þetta sé margra mánaða ferli. Snúum dæminu við þannig að frumkvöðlum og fyrirtækjum sé treyst til að fara strax af stað og hefja rekstur, en veitum leiðsögn um úrbætur þegar eftirlit leiðir í ljós að þörf er á. En til þess að allt haldist í hendur þurfa að vera hvatar fyrir fyrirtæki og stofnanir að hefja starfsemi í Árborg. Tryggja þarf nægt lóðaframboð fyrir atvinnustarfsemi víðsvegar um sveitarfélagið ásamt því að sveitarfélagið sé raunverulega samkeppnishæft þegar kemur að álögum á fyrirtæki.

Hér að ofan hef ég nefnt fáein atriði úr ítarlegri stefnuskrá Samfylkingarinnr og óháðra í Árborg. Hægt er að kynna sér stefnuskránna á www.xs.is/arborg eða á samfélagsmiðlum okkar. Við hvetjum einnig íbúa til þess að kíkja til okkar á kosningaskrifstofuna að Eyravegi 23 Selfossi og spjalla við okkur um stefnumálin eða hvaðeina sem fólki liggur á hjarta.

Brynjar Þór Elvarsson
Skipar 3. sæti á lista Samfylkingar og óháðra í Árborg

Tíminn flýgur og kosningar nálgast. Við í Samfylkingu og óháðum í Árborg opnuðum kosningaskrifstofu okkar formlega á sumardaginn fyrsta og kynntum stefnuskrá okkar fyrir kosningarnar 16. maí. Hér á eftir verður stiklað á stóru um helstu baráttumál okkar.

Laugardaginn 9. maí kl. 12:00 verður haldinn opinn framboðsfundur í Nesskóla með fulltrúum allra framboða fyrir sveitarstjórnarkosningarnar þann 16. maí 2026.

Fundinum verður streymt á Austurfrétt. Gunnar Gunnarsson stýrir fundinum og mun spyrja frambjóðendur spjörunum úr. Í lok fundar verður opnað fyrir spurningar úr sal.

Við hvetjum öll áhugasöm til að mæta og taka þátt í umræðunni! 

Það hefur lengi verið stefna hægri flokka í Reykjavík að selja eignir höfuðborgarinnar þar sem þau telja að borgin eigi ekki að vera í samkeppnisrekstri. Skiptir engu hvort þar sé um að ræða eignir með samfélagsleg verðmæti eða eignir með mikla tekjuberandi möguleika.

Eitt dæmi er tillaga um sölu bílastæðahúsa borgarinnar sem var lögð fram í borgarstjórn í febrúar á síðasta ári af borgarfulltrúum Sjálfstæðisflokksins. Bílastæðasjóður sem er í eigu Reykjavíkurborgar rekur sjö bílastæðahús: Stjörnuport, Vitatorg, Kolaport, Vesturgötu, Traðarkot, Bergstaði og Ráðhúskjallarann. Alls eru 1.144 stæði í þessum sjö húsum.

Verðlagningin er mjög lág í ofangreindum bílastæðahúsum í samanburði við aðra rekstraraðila bílastæðahúsa í miðborg Reykjavíkur. Þar getur munar mjög miklu og þumalputtareglan er að það kosti um einn þriðja af því sem það kostar að leggja undir Hörpu ef lagt er í þrjá klukkutíma og um einn fjórða ef lagt er undir Hafnartorgi/Reykjarstræti.

Fyrir þá sem vinna eða búa í miðborginni og kaupa langtímastæði í bílastæðahúsum yrði viðbótarkostnaðurinn við það að Reykjavíkurhúsin færðu sig upp í markaðsverð þeirra einkareknu gríðarlegur.

Þeim vill flokkurinn koma í hendur einkaaðila sem munu væntanlega reka húsin með umtalsvert aukinni arðsemiskröfu umfram það sem er í dag. Með öðrum orðum er nær öruggt að bílastæðin í viðkomandi húsum, sem þyrftu að mæta bæði væntingum nýrra eigenda um arðsemi og standa undir fjármagnskostnaði vegna kaupa á bílastæðahúsunum, yrðu dýrari fyrir borgarbúa.

Samfylkingin stendur skýrt fyrir því að selja ekki bílastæðahús Reykjavíkurborgar, né aðrar eigur borgarinnar. Til þess að tryggja að þau verði áfram í samfélagslegri eigu og bjóði upp á hóflega verðlagningu þarf að setja X við S 16. maí næstkomandi.

Höfundur, Regína Ásvaldsdóttir,  skipar 7. sæti á lista Samfylkingarinnar fyrir borgarstjórnarkosningarnar.

Viltu borga meira fyrir að leggja bílnum þínum í bílastæðahúsi?

Atkvæðagreiðsla utan kjörfundar hjá sýslumönnum vegna sveitarstjórnarkosninga 16. maí 2026 hófst 17. apríl

Allar upplýsingar er að finna á island.is.

Kjósendur á Íslandi geta kosið hjá sýslumönnum og í sumum sveitarfélögum.

Upplýsingar um staðsetningu og opunartíma

Kjósendur staðsettir erlendis geta kosið í sendiráðum og hjá ræðismönnum. Tryggja þarf flutning atkvæðis í tæka tíð.

Hægt er að sækja um kosingu í heimahúsi vegna sjúkdóms, fötlunar eða barnsburðar. Umsókn þarf að berast kjörstjóra fyrir kl. 10:00 tveimur dögum fyrir kjördag.

Almennar upplýsingar um utankjörfundaratkvæðagreiðslu

Við lögðum til að bærinn myndi skrifa undir rammasamning við Húsnæðis- og mannvirkjastofnun um húsnæðisuppbyggingu þar sem stefnt væri að því að 30% alls nýs húsnæðis í bænum væru hagkvæmar íbúðir á viðráðanlegu verði, t.d. á vegum óhagnaðardrifinna leigufélaga, og 5% félagslegar íbúðir. Meirihluti Framsóknar- og Sjálfstæðisflokks hafnaði þeirri tillögu enda er húsnæðisuppbygging í bænum langt frá þessum markmiðum. Í dag eru tæplega 1000 íbúðir á framkvæmdastigi á vegum Bjargs íbúðafélags ASÍ og BSRB, flestar í Reykjavík, en engin í Hafnarfirði. Þeirri stöðu verður að breyta og Samfylkingin ætlar að gera það.

Jafnaðarfólk í Reykjavík dregur vagninn

Alveg frá því sömu flokkar og fara með stjórn mála í Hafnarfirði, Sjálfstæðisflokkur og Framsóknarflokkur, lögðu niður verkamannabústaðakerfið um síðustu aldamót með alvarlegum afleiðingum fyrir húsnæðisöryggi vinnandi fólks hefur verkalýðshreyfingin haft frumkvæði að því að leiðrétta þau mistök. Á síðustu árum hefur Reykjavík, undir forystu jafnaðarmanna, dregið vagninn í uppbyggingu í samstarfi við óhagnaðardrifin leigufélög. Á sama tíma hafa sveitarfélög þar sem Sjálfstæðisflokkurinn heldur um stjórnartaumana, oftast með Framsókn í taumi, meira og minna skilað auðu.

Þannig er einmitt staðan í Hafnarfirði þar sem Sjálfstæðisflokkurinn hefur verið 12 ár í meirihluta og síðustu 8 ár í samstarfi við Framsókn. Á höfuðborgarsvæðinu er leiguverð sem hlutfall af ráðstöfunartekjum hvergi hærra en í Hafnarfirði. Bæjarstjórn getur ekki lokað augunum fyrir þessu og verður að bregðast við og hér er því verk að vinna.

Engar íbúðir fyrir eldra fólk eða námsmannaíbúðir

Engar námsmannaíbúðir hafa verið byggðar í Hafnarfirði í mörg ár. Það hafa heldur engar íbúðir fyrir eldra fólk verið byggðar í bænum í mörg ár að frumkvæði bæjarins. Meirihlutinn gekk reyndar svo langt að fella tillögu Samfylkingarinnar um að hefja undirbúning á uppbyggingu lífsgæðaíbúða fyrir eldra fólk á Sólvangssvæðinu þrátt fyrir fögur fyrirheit um slíka uppbyggingu fyrir síðustu kosningar og í upphafi kjörtímabilsins.

Félagslegum íbúðum fækkað hlutfallslega á kjörtímabilinu

Biðlistar eftir félagslegu húsnæði eru langir og biðtíminn sömuleiðis langur. Á kjörtímabilinu hefur félagslegum íbúðum ekki fjölgað að neinu ráði. Og þeim hefur raunar fækkað hlutfallslega úr 9,4 í 8,7 íbúðir á hverja 1.000 íbúa. Margir á biðlista eru í bráðum vanda og um 30 einstaklingar eru skilgreindir sem heimilislausir. Í málefnum þess hóps má líka segja að kjörtímabilið sé tímabil glataðra tækifæra því fyrir rúmum tveimur árum voru keypt smáhýsi fyrir heimilislausa en vandræðagangurinn er slíkur að þau standa enn auð í geymsluporti á vegum bæjarins.

Samfylkingin ætlar á næsta kjörtímabili að ráðast í nauðsynlegar aðgerðir í húsnæðismálum með því að stórauka samstarf við óhagnaðardrifin leigufélög og bjóða upp á fjölbreytt og hagkvæmt húsnæði fyrir alla; ungt fólk, fyrstu kaupendur, eldri íbúa, fólk með fötlun, tekjulága og fleiri.

Það er verk að vinna eftir kyrrstöðu og stefnuleysi síðustu ára. Samfylkingin er tilbúin að ganga í verkin með þá sýn að leiðarljósi að húsnæðismál séu velferðarmál og að allir eigi rétt á þaki yfir höfuðið. Ef þú vilt sjá breytingar á stjórn Hafnarfjarðar á næsta kjörtímabil þar sem lögð er áhersla á fjölbreyttar lausnir í húsnæðismálum sem tryggja húsnæðisöryggi allra þá er besta og öruggasta leiðin að því marki að kjósa Samfylkinguna í kosningunum 16. maí nk.

Höfundur, Árni Rúnar Þorvaldsson, skipar 3. sætið á lista Samfylkingarinnar í Hafnarfirði.

Samfylkingin í Hafnarfirði hefur barist fyrir fjölbreyttri húsnæðisuppbyggingu á kjörtímabilinu. 

Setjum aukinn kraft í óhagnaðar­drifna húsnæðis­upp­byggingu í Hafnar­firði

Í MA rannsókn minni frá 2021, „Hvernig á að fá þúsund blóm til að blómstra?“ kom m.a. fram að talsverð gjá var á milli þess sem stefnan boðaði og því sem raungerðist. Þetta má reyndar segja um margar stefnur, en einmitt þess vegna er mikilvægt að þær standi undir nafni og innifeli t.d. tímasettar raunhæfar aðgerðir.

Stefnumótunarvinna í heildarhugsun menningarmála á Akureyri hefur því ekki verið unnin í 16 ár. Það er mjög langur tími.

Í mjög einfaldri mynd má segja að um tvo burðarása sé að ræða í menningarmálum á Akureyri. Í fyrsta lagi myndar Menningarhúsið Hof ramma utan um tónlist, sviðslistir og aðra fjölbreytta viðburði með Menningarfélagi Akureyrar. Í öðru lagi má segja að Listagilið rammi inn stóran hluta af grasrótarstarfi listafólks. Ýmis konar starfsemi fer líka fram víða um bæinn t.d. kórar og tónlistarstarf, dansskólar og fleiri listatengdar greinar.

Á þessum 16 árum hafa orðið gífurlegar breytingar sem vert er að gefa gaum. Mikilvæg stækkun Listasafnsins á Akureyri hefur haft jákvæðar breytingar í för með sér en um leið minnkar húsnæði fyrir grasrótarstarfsemi í Listagilinu. Gilfélagið, sem sér t.d. um Deigluna og gestavinnustofu, þarf á öllu sínu að halda til að starfsemin lognist ekki útaf. Húsnæði sem áður hýsti Myndlistaskólann á Akureyri er nú gistirými fyrir ferðamenn. Þrengt er að vinnustofum listafólks í Listagilinu og ekki auðvelt að fá leigt húsnæði annars staðar í bænum. Menningarsjóðir og styrkir til verkefna á vegum Akureyrarbæjar hafa alls ekki haldið í við vísitöluþróun og í raun rýrnað að raungildi yfir talsvert langan tíma. Þrátt fyrir hækkun á starfslaunum bæjarlistafólks á sl. kjörtímabili eru þau ekki sambærileg og listamannalaun á vegum ríkisins. Þessir þættir hafa allir bein áhrif á grasrótarstarf listafólks.

Á sl. fjórum árum hafa orðið talsverðar breytingar á stjórnskipan bæjarins, Akureyrarstofa var lögð af, menningarmál voru felld undir bæjarráð og málaflokkurinn settur undir þjónustu- og menningarsvið Akureyrarbæjar

Þessir þættir þarfnast endurskoðunar. Ef við viljum standa undir nafni sem svæðisborg þá þarf metnað í verki þegar kemur að menningarmálum. Við þurfum ráðgefandi fagráð í menningarmálum sem heyrir undir bæjarráð. Við þurfum að gæta að jafnvægi milli grasrótar og atvinnustarfsemi. Kortleggja þau mál sem hægt er að laga strax og hvaða mál önnur þarf að vinna til grundvallar nýrrar menningarstefnu. Nýlega fengust auknir fjármunir í menningarsamningi við ríkið, það er mjög jákvætt og mikilvægt skref. Sveitarfélagið verður að vera með á hreinu hvert við viljum stefna. Það er ekki vænlegt að styðja sig við stefnu sem er löngu útrunnin, hversu góð sem hún kann að hafa verið. Samfylkingin er klár í það verkefni að hrinda af stað vinnu við nýja menningarstefnu.

Höfundur skipar 7. Sæti á lista Samfylkingarinnar fyrir bæjarstjórnarkosningar 16. maí. Hún er með MA í menningarstjórnun og er sjónlistakennari í grunnskóla.

Menningarstefna Akureyrarbæjar rann út árið 2018. Hún var unnin í nokkuð víðtæku samráði uppúr 2010. Stefnan var metnaðarfull og boðaði jákvæðar breytingar sem margar hafa gengið eftir.

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"