Forseti Ungra jafnaðarmanna

Ragna Sigurðardóttir

Ný stjórn Ungra jafnaðarmanna hefur tekið til starfa sem kjörin var á fjölsóttu landsþingi hreyfingarinnar 5. september þar sem yfir 300 einstaklingar tóku þátt. Landshreyfingin vill beita sér fyrir því að ungt fólk alls staðar á landinu sé áberandi í starfi Samfylkingarinnar og að ungt fólk hafi sterka rödd innan stjórnmálaflsins. Sömuleiðis hefur ný stjórn það að markmiði að endurvekja aðildarfélög Ungra jafnaðarmanna um land allt - og er sú vinna hafin.

Nú líður senn að Landsfundi Samfylkingarinnar sem haldinn verður 6. og 7. nóvember næstkomandi og er skráning á fundinn í fullum gangi. Ég vil fyrir hönd Ungra jafnaðarmanna biðla til aðildarfélaga sem sjá um kjör fulltrúa á Landsfund, að hlutfall ungs fólks (á aldrinum 16-35 ára) verði ekki minna en hlutfall þeirra í hverju aðildarfélagi. 

Bið ég ykkur að tryggja þetta við kjör landsfundarfulltrúa. Allar upplýsingar um aldursdreifingu innan aðildarfélaga eiga að vera aðgengilegar í félagatölum þeirra. 

Stjórnmálahreyfingar hafa undanfarið verið gagnrýndar fyrir það að vera ekki opnar ungu fólki. Sýnum í verki að þetta eigi ekki við um Samfylkinguna - jafnaðarmannaflokk Íslands og tryggjum rétt hlutföll, áhrif og sýnileika ungs fólks á Landsfundi hreyfingarinnar. 

Þau sem gegna formennsku í aðildarfélögum eru hvött til að senda Ungum jafnaðarmönnum upplýsingar um hvar og hvernig er best að skrá sig hjá félögunum. 

Tryggjum áhrif og sýnileika ungs fólks á landsfundi Samfylkingarinnar. 

Nú líður að landsfundi en hann hefur verið boðaður 6. - 7. nóvember á Hilton Reykjavík Nordica. Það eru því annasamir tímar framundan hjá fulltrúum í málefnanefndum Samfylkingarinnar sem mun skila af sér tillögum 27. ágúst til framkvæmdastjórnar. 

Við hvetjum ykkur til að taka þátt í þessum vinnufundi næsta þriðjudag 25. ágúst kl.11-12.

Vinsamlegast skráið þátttöku á hlekknum hér: https://forms.gle/uHqPNJWU9441rqTo7

Join Zoom Meeting https://us04web.zoom.us/j/74691795531?pwd=SURpVFk2WkxRUXV2Um5zekVkbGttZz09

Meeting ID: 746 9179 5531 Passcode: 8GcKvV

Vinnufundur alþjóðanefndar verður haldinn næsta þriðjudag 25. ágúst kl. 11 á Zoom 

Bruninn í Vesturbænum var gríðarlegt högg. Hugur minn er hjá þeim einstaklingum sem liggja nú slasaðir á Landspítalanum og aðstandendum hinna látnu.


Sagt er að húsnæðið sé í eigu starfsmannaleigu - að erlendu verkafólki hafi verið boðið upp á óboðlegar aðstæður þar en 73 manns eru með skráð lögheimili í húsinu.


Við verðum að gera allt til að koma í veg fyrir að svona hryllingur endurtaki sig.Til þess verður ríkisstjórnin að standa við fyrirheit lífskjarasamninga um sektir og refsingar gegn atvinnurekendum sem ræna, svíkja og misnota verkafólk. Það verður að tryggja keðjuábyrgð. Ríki og sveitarfélög verða auk þess að að ráðast í samstillt átak til að auka vinnustaða- og heilbrigðiseftirlit.

En það er bara byrjunin. Það eru alltaf einhverjir því miður sem reyna að misnota sér bága stöðu fólks, en við verðum að gera slíkum einstaklingum eins erfitt fyrir og mögulegt er. Undanfarið hefur farið fram mikil umræða í samfélaginu um fordóma, óréttlæti og ofbeldi sem fólk af erlendum uppruna verður fyrir. Það samtal verður að halda áfram og því verður að fylgja eftir með beinhörðum aðgerðum á sviði stjórnmálanna.

The fire yesterday was tragic for our society. My thoughts are with the family and friends of the victims caught in the fire, and the people still fighting for their lives in the hospital.

We must do everything in our power to prevent something like this happening again.

To do that the government must fulfil their promise of stronger sanctions against employers who cheat and abuse workers and work together on all levels of government to protect peoples’ lives. But that is just the beginning, we must also eradicate systematic racism in our society. There will always be people that try to abuse their position and cheat people, but we must make it as difficult for them as possible.

Bruninn í Vesturbænum var gríðarlegt högg. Hugur minn er hjá þeim einstaklingum sem liggja nú slasaðir á Landspítalanum og aðstandendum hinna látnu.

Forseti bæjarstjórnar á Seyðisfirði og skipar 1. sæti Austurlistans í nýju sameinuðu sveitarfélagi Borgarfjarðar, Djúpavogshrepps, Fljótsdalshéraðs og Seyðisfjarðarkaupstaðar

Hildur Þórisdóttir

Um þó nokkurn tíma hefur verið unnið að stofnun Háskólaseturs á Austurlandi en skortur á valkostum í háskólanámi hefur háð framgangi og vexti fjórðungsins um árabil. Menntastig íbúa á Austurlandi er lægra en annars staðar á landinu sem hefur haft margvíslegar afleiðingar. Tekjur Austfirðinga hafa staðið í stað síðastliðinn áratug á meðan heildartekjur hafa aukist annarsstaðar á landinu. Munur á launum kvenna og karla er hvað mestur á Austurlandi sem er birtingarmynd þess að staða kvenna er ekki nægilega sterk. Fjölbreytni skortir þegar kemur að atvinnutækifærum ungs fólks sem hefur hug á að setjast að eftir háskólanám. Samfélögin á Austurlandi hafa flest hver horft fram á fólksfækkun þar sem kvarnast hefur mest úr aldurshópnum milli 20 og 40 ára. Börnum hefur fækkað í leikskólum og grunnskólum á minnstu stöðunum og sums staðar hafa árgangar helmingast.

Þetta er öfug þróun þegar hugsað er til þess að hvergi er betra að ala upp börn en í þorpunum út á landi. Frelsið og stuttu vegalengdirnar skapa lífsgæði sem borgarbúar geta aðeins látið sig dreyma um. Hér er andrými til að njóta lífsins og því virðist sólarhringurinn lengri.

Þegar við rýnum í ástæður þess að sífellt fleiri velja að sejast að í höfuðborginni eða erlendis blasir við skortur á innviðum. Hallað hefur verulega á landsbyggðina í byggðastefnu síðustu áratuga sem hefur lagt áherslu á sterka höfuðborg með góðum innviðum. Á sama tíma hefur sveitarstjórnarfólk eytt ómældum tíma í að berjast fyrir sjálfsagðri grunnþjónustu svo sem heilbrigðiskerfi, samgöngum og aðgengi að háskólanámi.

Ríkisstjórnin hefur boðað sameiningu sveitarfélaga í þeirri viðleitni að styrkja þau og sveitarstjórnarstigið sem hefur verið veikt um langt árabil. Í sameinuðu sveitarfélagi Borgarfjarðar, Fljótsdalshéraðs, Djúpavogs og Seyðisfjarðar eru sannarlega mörg tækifæri til að sækja fram.

Eitt þessara tækifæra og stórt framfaramál fjórðungsins er að koma á háskólanámi þar sem íbúar á Austurlandi geta stundað staðbundið nám. Í slíku háskólaumhverfi þrífast rannsóknir og nýsköpun sem styðja við aukna fjölbreytni og verðmætasköpun í atvinnulífi.

Því við vitum jú öll að menntun er grundvöllur nýsköpunar og nýsköpun er grundvöllur fjölbreytts atvinnulífs framtíðarinnar.

Grein eftir Hildi Þórisdóttur  sem er forseti bæjarstjórnar á Seyðisfirði og birtist fyrst á Vísi 2. júlí. 

Tæki­færin í sam­einuðu sveitar­fé­lagi

Landsfundur Samfylkingarinnar verður haldinn dagana 6. og 7. nóvember á Hilton Reykjavík Nordica. 

Allir félagar í Samfylkingunni, jafnaðarmannaflokki Íslands og aðildarfélögum hennar eiga sæti á landsfundum með málfrelsi og tillögurétti.

Við hvetjum alla til að mæta og taka þátt á þessum viðburði sem jafnframt er æðsta vald flokksins. Þeir sem hafa áhuga á að vera landsfundarfulltrúi þá hvetjum við þig til að hafa samband við þitt aðildarfélag. Kosningar og val á fulltrúum fer fram á bilinu sept. - okt. hér fyrir neðan sjái þið mikilvægar dagsetningar sem gott er að huga að. 

Mikilvægar dagsetningar í undirbúningi landsfundar

13. ágúst - 3ja manna kjörstjórn landsfundar skipuð af framkvæmdastjórn a.m.k 12 vikum fyrir landsfund.

27. ágúst - Tillögur málefnanefnda skulu hafa borist framkvæmdastjórn 10 vikum fyrir upphaf landsfundar.

Byrjun september - Framkvæmdastjórn fyrirskipar kosningar til landsfundar. Stillt skal svo til að þær geti sem víðast farið fram á sama tíma og verið lokið um líkt leyti. Þó getur framkvæmdastjórn, ef sérstaklega stendur á fyrir einhverju aðildarfélagi eða félögum, veitt þeim annan tíma til kosningarinnar en almennt er ákveðinn ef félagsfundur eða stjórn félagsins ber fram ósk þar um við framkvæmdastjórn. 

Engu   aðildarfélagi er heimilt að hefja kosningu til landsfundar fyrr en   framkvæmdastjórn hefur fyrirskipað kosningar. Kosningar til landsfundar skal   tilkynna hverju aðildarfélagi bréflega.

10. sept. - Tillögur og niðurstöður málefnanefda skal senda aðildarfélögum til umræðu og umsagnar a.m.k. 8 vikum fyrir upphaf landsfundar.

20. sept.  - 45 dögum fyrir landsfund rennur út lokafrestur til að krefjast allsherjaratkvæðagreiðslu vegna formannskjörs.

24. sept. - Tillögur að lagabreytingum skulu sendar skrifstofu eigi síðar en 6 vikum fyrir boðaðan landsfund.

8. okt. - Skiladagur athugasemda og ábendinga tillagna frá aðildarfélögum minnst 4 vikum fyrir upphaf landsfundar. 

15. okt. - Aðildarfélög skulu þremur vikum fyrir landsfund senda framkvæmdastjórn lista með nöfnum kjörinna   landsfundarfulltrúa. Framkvæmdastjórn skal til bráðabirgða athuga hvort samræmi sé milli fjölda félagsmanna og kjörinna fulltrúa en afhenda kjörstjórn síðan gögn þessi við upphaf landsfundar.

29. okt. - Framboðsfrestur til formannskjörs á landsfundi skulu berast til framkvæmdastjórnar. Fari ekki fram allsherjaratkvæðagreiðsla um embætti formanns samkvæmt gr. 6.01 skal formaður kjörinn á reglulegum landsfundi. Kjörgengir eru allir félagar 18 ára og eldri. Framboð skulu berast framkvæmdastjórn skriflega eigi síðar en einni viku fyrir upphaf landsfundar. Kosning skal fara fram þótt aðeins einn hafi gefið kost á sér.

Við minnum formenn málefnanefnda, aðildarfélaga og landshreyfinga á að í ágúst er fyrirhugaður undirbúningsfundur þar sem farið verður yfir vinnulag í aðdraganda landsfundar.

Landsfundur verður haldinn á Hilton Reykjavík Nordica 

Nú líður að landsfundi en hann hefur verið boðaður 6. - 7. nóvember á Hilton Reykjavík Nordica. Málefnanefndir skila af sér tillögum til framkvæmdastjórnar 27. ágúst, því er tilvalið að taka þátt í vinnufundi nefndarinnar áður en tillögunum er skilað inn. 

Vinsamlega skráið mætingu á fundinn svo hægt sé að meta fjölda og gera ráðstafanir vegna fjarlægðatakmarkanna.
Boðið verður upp á að taka þátt á fjarfundi á Zoom. Þeir sem eru skráðir á fundinn fá sendan link á fjarfundinn. 

Við hvetjum ykkur til að mæta á þennan vinnufund í nýju húsnæði flokksins í Sóltúni 26, fyrstu hæð. Gengið er inn norðanmegin. 

Skráning á fundinn hér: https://forms.gle/hnwkGGYdsTaBfzqy9

Vinnufundur efnahagsnefndar verður haldinn næsta miðvikudag 26. ágúst kl. 17

Um það bil 16.000 manns eru nú atvinnu­lausir og um 6.700 til við­bótar á hluta­bóta­leið­inni með  minnk­uðu starfs­hlut­falli. Hver sá sem lendir í því að missa vinn­una verður fyrir miklu áfalli og það getur dregið dilk á eftir sér. Lang­tíma atvinnu­leysi hefur ekki aðeins slæmar fjár­hags­legar afleið­ingar heldur einnig félags­leg­ar. Atvinnu­leit­endur í árang­urs­lausri atvinnu­leit þurfa því ekki aðeins fjár­hags­legan stuðn­ing heldur einnig and­legan stuðn­ing. Gæta þarf sér­stak­lega að börnum atvinnu­lausra.

Við sjáum ekki fyrir end­ann á afleið­ingum far­ald­urs­ins vegna COVID-19. Von­andi gengur hann yfir sem allra fyrst. Eitt vitum við þó. Þau sem missa vinn­una og fara á atvinnu­leys­is­bætur verða að fá auk­inn stuðn­ing frá stjórn­völd­um. Stjórn­völd virð­ast hafa mik­inn skiln­ing á stöðu fyr­ir­tækja í vanda og á að þau þurfi að búa við ein­hvern fyr­ir­sjá­an­leika í formi stuðn­ings frá rík­inu. Það þurfa heim­ilin líka þó minna hafi borið á skiln­ingi rík­is­stjórn­ar­innar á þeirri þörf.

Strax þegar fólk fer af upp­sagn­ar­fresti og á atvinnu­leys­is­bætur sér það fram á fjár­hags­vanda og erf­ið­leika við að ráða við skuld­bind­ing­ar, t.d. í formi hús­næð­is­lána. Það sér líka fram á að eiga erfitt með að leyfa börnum sínum að taka þátt í félags­starfi sem kostar pen­inga. Þegar þriggja mán­aða launa­tengdu tíma­bili lýkur magn­ast vand­inn. 

Ari Skúla­son hjá hag­deild Lands­bank­ans tók saman tölu­legar upp­lýs­ingar um þetta og birti á vefnum lands­banki.­is. Þar segir að með­al­laun séu um 800.000 kr á mán­uði. Tekju­tengdu atvinnu­leys­is­bæt­urnar sem fólk á rétt á í þrjá mán­uði verða ekki hærri en 456.404 kr. á mán­uði og grunnatvinnu­leys­is­bætur sem taka við eru 289.510 kr. á mán­uði. Aug­ljóst er að heim­ili atvinnu­lausra verða fyrir gríð­ar­legu tjóni, með til­heyr­andi afleið­ing­um. Þetta hefur svo marg­feld­is­á­hrif í sam­fé­lag­inu því að um leið verður eft­ir­spurn í hag­kerf­inu minni.

Eigum við að láta þau sem voru svo óheppin að missa vinn­una vegna far­ald­urs­ins taka allt tjónið á sig? Eiga fjöl­skyldur þeirra að líða fyrir far­ald­ur­inn? Nei auð­vitað ekki. Við eigum að dreifa byrð­un­um.  Þannig sam­fé­lagi viljum við búa í.

Við þurfum strax að lengja rétt­inn til tekju­tengdra atvinnu­leys­is­bóta. Við þurfum líka að lengja rétt­inn til grunnatvinnu­leys­is­bóta og hækka þær um leið. Að lág­marki ætti að lengja launa­tengda tíma­bilið í 6 mán­uði og rétt­inn til atvinnu­leys­is­bóta um ár til bráða­birgða. Grunnatvinnu­leys­is­bætur ættu að hækka í 318 þús­und kr núna strax og fara í 333 þús­und kr 1. jan­úar 2021, og verða þannig 95% af lág­marks­laun­um.

Ef þau sem treysta á líf­eyr­is­greiðslur frá Trygg­inga­stofnun og ein­stak­lingar á atvinnu­leys­is­bótum fengju hærri greiðslur frá rík­inu myndi eft­ir­spurnin í hag­kerf­inu aukast um leið, enda ekki rými fyrir sparnað á þeim bæj­un­um. 

Rík­is­stjórn Ástr­alíu ákvað strax þegar áhrif COVID-19 komu fram þar í landi að líf­eyr­is­þegar og atvinnu­lausir fengju sér­staka ein­greiðslu ofan á lög­bundnar greiðsl­ur. Þetta eru 550 ástr­alskir doll­arar hálfs­mán­að­ar­lega til 24. sept­em­ber í ár og 250 doll­ara frá 25. sept­em­ber -31. des­em­ber. Þetta gera Ástr­a­lar til að bæta stöðu heim­ila í fjár­hags­vanda en einnig til að auka eft­ir­spurn­ina í hag­kerf­inu.

Tökum Ástr­ali okkur til fyr­ir­myndar í þessum efn­um.

Grein eftir Oddnýju G. Harðardóttur þinflokksformann Samfylkingarinnar sem birtist fyrst í Kjarnanum 13. ágúst.

Samkvæmt nýjustu tölum Vinnumálastofnunar er atvinnuleysi á Suðurnesjum 16,5%, það hæsta á landinu. Atvinnuleysi á landinu öllu er 8,8%. Á Suðurnesjum er atvinnuleysi meðal karla 14,8% en 19% meðal kvenna. Augljóslega ætti ríkisstjórnin og þingmenn svæðisins að leita logandi ljósi að lausn á vanda þeirra sem misst hafa vinnuna. Og gæta sérstaklega að Suðurnesjum sem verða allra verst úti. 

Hver sá sem lendir í því að missa vinnuna verður fyrir miklu áfalli og það getur dregið dilk á eftir sér. Langtíma atvinnuleysi hefur ekki aðeins slæmar fjárhagslegar afleiðingar heldur einnig félagslegar. Atvinnuleitendur í árangurslausri atvinnuleit þurfa því ekki aðeins fjárhagslegan stuðning heldur einnig andlegan stuðning. Gæta þarf sérstaklega að börnum atvinnulausra.

Við sjáum ekki fyrir endann á afleiðingum faraldursins vegna COVID-19. Vonandi gengur hann yfir sem allra fyrst. Eitt vitum við þó. Þau sem missa vinnuna og fara á atvinnuleysisbætur verða að fá aukinn stuðning frá stjórnvöldum. Stjórnvöld virðast hafa mikinn skilning á stöðu fyrirtækja í vanda og á að þau þurfi að búa við einhvern fyrirsjáanleika í formi stuðnings frá ríkinu. Það þurfa heimilin líka þó minna hafi borið á skilningi ríkisstjórnarinnar á þeirri þörf.

Strax þegar fólk fer af uppsagnarfresti og á atvinnuleysisbætur sér það fram á fjárhagsvanda og erfiðleika við að ráða við skuldbindingar, t.d. í formi húsnæðislána. Það sér líka fram á að eiga erfitt með að leyfa börnum sínum að taka þátt í félagsstarfi sem kostar peninga. Þegar þriggja mánaða launatengdu tímabili lýkur magnast vandinn.

Meðallaun í landinu eru um 800.000 krónur á mánuði. Tekjutengdu atvinnuleysisbæturnar sem fólk á rétt á í þrjá mánuði verða ekki hærri en 456.404 krónur á mánuði og grunnatvinnuleysisbætur sem taka við eru 289.510 krónur á mánuði. Augljóst er að heimili atvinnulausra verða fyrir gríðarlegu tjóni, með tilheyrandi afleiðingum. Þetta hefur svo margfeldisáhrif í samfélaginu því að um leið verður eftirspurn í hagkerfinu minni.

Tekjur sveitarfélaganna á Suðurnesjum hafa dregist saman, margfalt meira en í öðrum landshlutum. Sveitarfélögin verða að geta komið til móts við barnafjölskyldur og sinnt lögbundnu hlutverki sínu um velferð íbúa. Það munu þau ekki geta nema með stuðningi ríkisins ef ástandið varir lengur en nokkrar vikur til viðbótar.

Eigum við að láta þau sem voru svo óheppin að missa vinnuna vegna faraldursins taka allt tjónið á sig? Eiga fjölskyldur þeirra að líða fyrir faraldurinn? Nei, auðvitað ekki. Við eigum að dreifa byrðunum. Í þannig samfélagi viljum við búa.

Við þurfum strax að lengja réttinn til tekjutengdra atvinnuleysisbóta. Við þurfum líka að lengja réttinn til grunnatvinnuleysisbóta og hækka þær um leið. Að lágmarki ætti að lengja launatengda tímabilið í sex mánuði úr þremur og réttinn til atvinnuleysisbóta um ár til bráðabirgða. Grunnatvinnuleysisbætur ættu að hækka í það minnsta að 95% af lágmarkslaunum.

Ef þau sem treysta á lífeyrisgreiðslur frá Tryggingastofnun og einstaklingar á atvinnuleysisbótum fengju hærri greiðslur frá ríkinu myndi eftirspurnin í hagkerfinu aukast um leið, enda ekki rými fyrir sparnað á þeim bæjunum. Tímabundnar eingreiðslur til viðbótar gætu ekki aðeins komið til móts við fjárhagsvanda heimila heldur einnig aukið eftirspurn sem aftur verður til þess að störfum fjölgar.

Ég mun leggja fram frumvarp í næstu viku um hærri atvinnuleysisbætur og framlengingu á launatengda tímabilinu ef ríkisstjórnin gerir það ekki þegar að þing kemur saman 27. ágúst. Fráleitum málflutningi hægrimanna um að ef bæturnar hækki vilji fleiri draga fram lífið á atvinnuleysisbótum, vísa ég til föðurhúsanna. Eða dettur einhverjum í hug að um 22.000 manns sem nú eru atvinnulaus hér á landi hafi valið sér það hlutskipti? Þvílík fásinna!

Hvað þarf til svo ríkisstjórnin vakni og taki eftir vanda Suðurnesjamanna? Strax þarf að slá á bráðavanda heimila með hærri atvinnuleysisbótum en einnig verður að leita lausna í atvinnumálum svæðisins.

Grein eftir Oddnýju G. Harðardóttur þinflokksformann Samfylkingarinnar sem birtist fyrst í Víkurfréttum 24. ágúst.

Leit um „��“

2912 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2912 niðurstöður fundust við leit að „������������������������������������������������������������“