1. Hlúum að fólkinu sem byggði landið

Samfylkingin hlúir að fólkinu sem byggði bæinn og landið. Það er skylda okkar jafnaðarfólks að tryggja öryggi og mannvirðingu allra á efri árum. Ekki síst er þetta mikilvægt þegar heilsan brestur eftir langa ævi.

Samfylkingin ætlar einnig að leita leiða til þess að spyrna gegn félagslegri einangrun meðal eldra fólks í samvinnu við félagasamtök eldra fólks í bænum.

Samfylkingin ætlar að stórefla þjónustu við eldra fólk í heimahúsum og að loknum kosningum ætlum við strax að hefja uppbyggingu lífsgæðaíbúða fyrir eldra fólk á Sólvangssvæðinu. Í samstarfi við ríkisstjórn Kristrúnar Frostadóttur ætlum við svo að fjölga hjúkrunarrýmum með því að ljúka uppbyggingu á þeim stöðum sem hafa verið í undirbúningi á undanförnum árum.

styðja við virkni eldri bæjarbúa í samfélaginu, fjölga tækifærum þeirra til félagslegra samskipta og tryggja þeim heilsueflandi umhverfi.

stórefla þjónustu við eldra fólk í heimahúsum með því að bjóða samfellda þjónustu með samþættingu heimaþjónustu, heimahjúkrunar og öldrunaráðgjafar sem fylgir þörfum hvers í eins.

tryggja eldra fólki og fjölskyldum þeirra handleiðslu og styðja við virkni og grípa þannig fólkið fyrr sem þarf frekari þjónustu.

hefja þegar í stað undirbúning uppbyggingar lífsgæðaíbúða á Sólvangssvæðinu og móta uppbyggingaráætlun til framtíðar.

auka samráð við eldra fólk í Hafnarfirði um málefni sem að þeim snúa m.a. með auknu samstarfi við Félag eldri borgara í Hafnarfirði og með því að styrkja umgjörð öldungaráðs og efla starfsemi þess.

tryggja fjölgun hjúkrunarrýma í bænum þar sem stefnt verði að því að ljúka við uppbyggingu hjúkrunarheimila í Hamranesi, Hrafnistu og í Vatnshlíð.

standa vörð um og efla tómstundastyrk eldri borgara til þess að styðja við virkni eldra fólks.

Samfylkingin ætlar að koma upp nýrri heilsugæslustöð á miðsvæði Valla á næsta kjörtímabili sem þjóni nýjustu hverfum bæjarins; Völlum, Hamranesi, Skarðshlíð og Áslandi. Heilsugæslan í Hafnarfirði er komin að þolmörkum og löngu orðið tímabært að brugðist verði við því.

Eitt stærsta verkefni jafnaðarmanna frá upphafi eru húsnæðismál enda er það grundvallaratriði í stefnu Samfylkingarinnar að tryggja húsnæðisöryggi allra. Nauðsynlegt er að ráðast í kraftmikla og fjölbreytta húsnæðisuppbyggingu fyrir ungt fólk og fyrstu kaupendur, eldri íbúa, námsmenn og tekjulægri hópa í samfélaginu.

Þetta verður gert með því að fjölga íbúðum sem falla undir skilyrði hlutdeildarlána og með samstarfi við byggingarfélög eldri borgara, námsmanna og óhagnaðardrifin leigufélög á vegum verkalýðshreyfingarinnar, eins og Bjarg.

Það hefur sýnt sig að raunhæfasta leiðin til þess að ná niður leiguverði fyrir tekjulægri hópa samfélagsins er markviss uppbygging í samstarfi við óhagnaðardrifin leigufélög. Hluti húsnæðispakka Samfylkingarinnar verður að ráðast í uppbyggingu lífsgæðaíbúða fyrir eldri íbúa á völdum stöðum í bænum. Samhliða þessu verður að ráðast í stórátak í uppbyggingu húsnæðis fyrir fólk með fötlun með nýjum íbúðakjörnum og stuðningi við sjálfstæða búsetu. Einnig verður að fjölga félagslegum íbúðum hjá bænum og grípa til raunhæfra aðgerða í þágu heimilislausra.

 Á næstu fjórum árum ætlum við að:

ráðast í kraftmiklar aðgerðir í húsnæðismálum með því að stórauka samstarf við óhagnaðardrifin leigufélög og bjóða upp á fjölbreytt og hagkvæmt húsnæði fyrir ungt fólk, fyrstu kaupendur, eldri íbúa, fólk með fötlun, tekjulága og fólk með millitekjur.

stuðla að öruggari og betri leigumarkaði með öflugu og markvissu samstarfi við óhagnaðardrifin leigufélög á vegum verkalýðshreyfingarinnar, eins og Bjarg fyrir tekjulægri fjölskyldur og byggngarfélög stúdenta og eldri borgara.

hefja þegar í stað undirbúning uppbyggingar lífsgæðaíbúða fyrir eldra fólk á Sólvangssæðinu og móta uppbyggingaráætlun til framtíðar.

fjölga félagslegum íbúðum sveitarfélagsins, stytta biðlista og biðtíma.

tryggja úrræði fyrir heimilislausa í húsnæðismálum.

stytta biðlista og biðtíma eftir húsnæði fyrir fatlað fólk með því að fjölga íbúðakjörnum og efla stuðning við sjálfstæða búsetu.

3. Virðing fyrir sjálfsákvörðunar-réttinum

Velferðarstefna jafnaðarmanna hvílir á félagslegu réttlæti og jöfnuði. Öflug velferðarþjónusta er forsenda réttláts samfélags og hún skapar öryggi og efnahagslegan stöðugleika. Leiðarljós velferðarþjónustu bæjarins á vera virðing fyrir sjálfstæði og sjálfsákvörðunarrétti hvers einstaklings og að muna að kerfið er til fyrir fólkið en ekki öfugt.

Samfylkingin leggur áherslu á að stjórnsýsla bæjarins og þjónusta eigi náið samráð við þá aðila sem nýta sér velferðarþjónustu sveitarfélagsins. Þess vegna leggjum við áherslu á að hagsmuna- og notendaráð bæjarins; öldungaráð, fjölmenningarráð og samráðshópur í málefnum fatlaðs fólks verði efld og umgjörð þeirra bætt.

Í málefnum fólks með fötlun viljum við halda í heiðri kjörorðum ÖBÍ - Ekkert um okkur án okkar. Samfylkingin vill að Hafnarfjörður vinni markvisst að innleiðingu Samnings Sameinuðu Þjóðanna um réttindi fatlaðs fólks.

Samfylkingin leggur áherslu á að Hafnarfjörður leiti ávallt allra leiða til þess að tryggja inngildingu nýrra Íslendinga þannig að þeir geti tekið fullan þátt í samfélaginu og í þeim efnum gegnir aðgengi að íslensku- og móðurmálsnámi lykilhlutverki.

gera stórátak í húsnæðismálum fólks með fötlun með því að fjölga markvisst íbúðakjörnum og styðja við sjálfstæða búsetu fólks með fötlun í félagslegu húsnæði á vegum Hafnarfjarðar.

halda áfram að fjölga NPA samningum og tryggja að taxtar verði hækkaðir til samræmis við útreikninga NPA miðstöðvarinnar.

gera Hafnarfjörð að fyrirmyndarbæ í aðgengismálum þannig að bærinn verði aðgengilegur fyrir alla.

vinna að innleiðingu Samnings Sameinuðu Þjóðanna um réttindi fatlaðs fólks.

auka aðgengi nýrra Íslendinga að íslensku- og móðurmálsnámi.

leita leiða til þess að auka þátttöku barna og ungmenna af erlendu bergi brotin í skipulögðu frístundastarfi.

leita leiða til þess að auka þátttöku eldra fólks af erlendu bergi brotið í hvers kyns félagsstarfi.

efla bókasafn Hafnarfjarðar sem samfélagsmiðstöð til að vinna gegn félagslegri einangrun og styðja við heilsueflandi samfélag.

tryggja öfluga akstursþjónustu fyrir fólk með fötlun og eldra fólk.

endurskoða sérstakan húsnæðisstuðning reglulega þannig að hagsmunir leigjenda séu alltaf tryggðir.

tryggja markvissa fjárhagsaðstoð til einstaklinga þar sem markmiðin eru að styðja fólk til sjálfsbjargar, gera því kleift að framfleyta sér og sínum og stuðla að valdeflingu þeirra.

Samfylkingin og annað félagshyggjufólk býður í notalegt vöfflukaffi ásamt Kaffikvörn á Stöðvarfjörður fimmtudaginn 1. maí kl. 15:00–17:00.

Komdu og njóttu góðra veitinga, spjalls og samveru á baráttudegi verkalýðsins. 

Stöðvarfjörður, 1. maí kl. 15:00–17:00

Málefni barna og ungmenna í fyrsta sæti

Samfylkingin léttir daglega lífið hjá barnafólki. Þegar reikningarnir eru þyngstir og brasið mest þá er mikilvægast að fjölskyldan fái stuðning frá samfélaginu. Þess vegna ætlar Samfylkingin að lækka kostnað barnafjölskyldna á næsta kjörtímabili.

Á næstu fjórum árum ætlum við að: 

setja þak á leikskólagjöld og 100% systkinaafslátt svo engin fjölskylda greiði meira en 50 þús. kr. á mánuði fyrir 40 tíma leikskólaviku (dvalargjald og fæðisgjald) - en tekjulægri greiði minna. 

leita leiða til að tryggja dagvistun eftir að fæðingarorlofi lýkur og jafna kostnað foreldra óháð formi dagvistunar. 

veita börnum og ungmennum að 18 ára aldri gjaldfrjálsan aðgang að strætó og einfalda líf barnafólks með því að minnka skutlið.  

hækka frístundastyrkinn strax upp í 75 þús. kr. til þess að ýta undir virka þátttöku í skipulögðu frístundastarfi og sjá til þess að Hafnarfjörður sé ávallt í forystu í þessum efnum.

Samfylkingin ætlar að stórefla geðheilbrigðismál barna og ungmenna og tryggja að þau fái nauðsynlegan stuðning frá stoðkerfinu. Hafnarfjörður á einfaldlega að skipa sér í forystu í þessum málum og tryggja að starfsfólk bæjarins hafi þjálfun og úrræði til að leysa verkefnin vel af hendi.

Við viljum efla velferð barna og unglinga með heildrænni nálgun á líðan, tengsl og þroska. Þjónustan við börn og fjölskyldur á að vera þrepaskipt þannig að rétt þjónusta berist á réttum tíma. Léttari stuðningur sé aðgengilegur snemma og þyngri sérfræðiþjónusta til staðar þegar þörf krefur. Við viljum auka sálfræðiþjónustu í skólum, efla stoðþjónustu fagfólks í skólunum og draga markvert úr biðlistum svo börn og ungmenni fái hjálp þegar þau  þurfa á henni að halda.

auka sálfræðiþjónustu og stoðþjónustu í skólum og draga markvert úr biðlistum eftir þjónustu.

efla þrepaskipta þjónustu sem byggir á lögum um farsæld barna m.a. með því að auka úrræði og gera aðgengilegri við hegðunar- og tilfinningavanda barna.

grípa fyrr inn í þegar börn glíma við fjölþættan vanda með teymisvinnu fagmanna þvert á skóla og þjónustu með því að efla þjónustu í samræmi við lög um farsæld barna.

vinna eftir Barnasáttmála Sameinuðu þjóðanna þar sem er m.a. kveðið á um að áhrif á börn verði metin í öllum ákvörðunum og stefnumótun.

tryggja að eineltisáætlanir skóla séu sýnilegar nemendum, foreldrum og forráðamönnum og að unnið sé eftir þeim.

festa í sessi samþætta þjónustu í þágu farsældar barna sem tryggir samstarf á milli sviða og fagaðila sem koma að þjónusta barns.

tryggja að barnaverndarþjónusta Hafnarfjarðar sé eins vel fjármögnuð og mönnuð og mögulegt er til að takast á við þau mál sem henni berast. 

auka upplýsingagjöf um stuðning í boði fyrir tekjulágar fjölskyldur og móta aðgerðaáætlun í þágu barna sem búa við fátækt og auka upplýsingagjöf um stuðning í boði fyrir tekjulágar fjölskyldur.

tryggja aðgengi ungs fólks að vinnu- og virkniúrræðum.

Menntastefna Samfylkingarinnar byggir á jöfnuði, félagslegu réttlæti og mannréttindum allra nemenda. Skólarnir eru grunnstoð samfélagsins og þar leggjum við grunn að jöfnum tækifærum barna og ungmenna til menntunar og þroska.

Við eflum skóla best með því að treysta fagfólki og virkja þann mannauð og sköpunarkraft sem býr í hverju skólasamfélagi. Þess vegna viljum við auka faglegt sjálfstæði skóla og veita þeim raunverulegt svigrúm til að móta eigið starf. Sjálfstæði verður þó ávallt að haldast í hendur við öflugt stuðningskerfi sem tryggir jafnræði og gæði í þjónustu við nemendur.

Við leggjum áherslu á bætt starfsumhverfi kennara og annars starfsfólks skóla. Auknar kröfur, fjölbreyttari nemendahópar og vaxandi verkefni kalla á markvissan stuðning, skýra verkaskiptingu og aðgengi að sérfræðiþjónustu. Við munum efla stoðþjónustu við skóla, tryggja betri aðgang að sérfræðingum og stytta bið eftir greiningu og viðeigandi úrræðum.

Strax að loknum kosningum ætlum við hefja undirbúning að stækkun Tónlistarskóla Hafnarfjarðar og leysa úr húsnæðisvanda hans til framtíðar.

Ákvarðanir um skólastarf skulu teknar í nánu samráði við fagfólk og byggja á þekkingu, reynslu og rannsóknum. Við viljum jafnframt stuðla að nýsköpun í skólastarfi og skapa faglegt umhverfi sem laðar að og heldur í öflugt starfsfólk á öllum skólastigum.

Við viljum skóla sem byggir á lýðræði, mannréttindum og jafnrétti; skóla sem fagnar fjölbreytileika og mætir öllum börnum þar sem þau eru stödd. Efnahagur má aldrei ráða möguleikum til menntunar. Allir nemendur eiga rétt á jöfnum tækifærum og virkri þátttöku í eigin námi og skólasamfélagi.

Skóli án aðgreiningar er leiðarljós okkar. Til að hann verði að veruleika þarf að tryggja snemmtækan og markvissan stuðning við nemendur, með stigvaxandi úrræðum sem mæta þörfum þeirra hverju sinni. Jafnframt þarf að styðja við starfsfólk þegar verkefni verða umfangsmikil eða fara út fyrir þeirra fagsvið.

Í samstarfi við ríkisvaldið viljum við styrkja umgjörð leikskólans með því að lögfesta réttinn til leikskólavistar að loknu fæðingarorlofi. Þannig brúum við raunverulega bilið milli fæðingarorlofs og leikskóla líkt og gert hefur verið á hinum Norðurlöndunum.

Markmið okkar er skýrt: að byggja upp menntakerfi sem er réttlátt, öflugt og sveigjanlegt og tryggir öllum börnum raunveruleg tækifæri til að vaxa, læra og blómstra.

auka stöðugildi deildarstjóra stoðþjónustu sem ber ábyrgð á skipulagningu og samhæfingu á stuðningi við nemendur með sérþarfir.

styðja skóla markvisst við að innleiða þrepaskiptan stuðning í námi, með snemmtækri íhlutun og markvissum úrræðum.

efla faglega þjónustu Mennta- og lýðheilsusviðs þannig að starfsfólk skóla hafi aðgang að þeim verkfærum, ráðgjöf og stuðningi sem þarf til að mæta þörfum nemenda.

bæta starfsumhverfi í skólum og tryggja faglegt umhverfi sem laðar að og heldur í öflugt starfsfólk, meðal annars með auknum tækifærum til menntunar og starfsþróunar og markvissum aðgerðum til að draga úr álagi.

auka svigrúm og fjölbreytni í skólastarfi svo hægt sé að mæta styrkleikum og áhuga hvers og eins, með sérstakri áherslu á skapandi greinar, list-, verk- og tæknigreinar og frumkvöðlamennt, sérstaklega á unglingastigi.

tryggja fræðslu um jafnrétti, kynjafræði, kynheilbrigði, samskipti, mannréttindi og málefni hinsegin samfélagsins og styðja við hinsegin börn og trans börn innan skólakerfisins.

tryggja að tækjabúnaður nemenda og starfsfólks sé uppfærður reglulega og uppfylli kröfur nútíma kennslu og náms.

leysa húsnæðisvanda Tónlistarskóla Hafnarfjarðar og styðja þannig enn betur við öflugt og mikilvægt starf skólans. 

efla samstarf heimila og skóla og styrkja foreldraráð í sessi.

efla nemendalýðræði, styrkja umgjörð ungmennaráðs og auka þátttöku barna og ungmenna í ákvarðanatöku.

gera áætlun um uppbyggingu íþróttahúsa við Áslandsskóla, Hvaleyrarskóla og Öldutúnsskóla.

halda áfram að fjölga leikskólaplássum, kanna stofnun ungbarnaleikskóla og styðja við dagforeldrakerfið á meðan beðið er eftir leikskólaplássi. Jafnframt verði unnið að því að jafna kjör foreldra óháð vistunarformi barna.

efla móttöku og kennslu nemenda með annað móðurmál en íslensku, með áherslu á íslenskukennslu, móðurmálsstuðning og aukinn stuðning við foreldra og forráðamenn.

vinna markvisst að því að efla lýðræðisvitund barna og ungmenna.

Öll börn og ungmenni eiga að geta stundað þær íþróttir og tómstundir sem þau hafa áhuga á óháð efnahag og félagslegum aðstæðum. Samfylkingin ætlar að draga úr kostnaði foreldra og forráðamanna með hækkun frístundastyrks.

Leitað verður allra leiða til að sjá til þess að öll börn og ungmenni geti nýtt frístundastyrkinn. Raunin er sú að ákveðnir hópar eru ólíklegri til að nýta hann en aðrir og það hefur sýnt sig að þátttaka barna og unglinga í skipulögðu frístundastarfi er ein öflugasta forvörn sem völ er á. Sömuleiðis verður að vinna gegn brottfalli úr frístundastarfi þegar komið er fram á unglingsárin. Við viljum einnig auka frístundastarf einstaklinga með fötlun, bæði meðal barna og fullorðinna, og stuðla að þátttöku á eigin forsendum með viðeigandi stuðningi.

Við ætlum að endurskoða forvarnarmál bæjarins frá grunni og í víðu samhengi. Núgildandi forvarnarstefna Hafnarfjarðar er frá árinu 2008 og því löngu orðið tímabært að uppfæra hana. Í því samhengi verður að auka aðgengi ungmenna að vinnu- og virkniúrræðum.

Samfylkingin ætlar að efla starfsemi félagsmiðstöðva á næstu árum til þess að tryggja nægt framboð af fjölbreyttum tómstundum. Gott aðgengi barna og unglinga að öflugum félagsmiðstöðvum, þar sem boðið er upp á fjölbreytta starfsemi og fjölbreytt hópastarf dregur úr áhættuhegðun ungmenna. Á frístundaheimilum Hafnarfjarðar fer fram mikilvægt starf sem Samfylkingin ætlar að styðja og styrkja þannig að börn í Hafnarfirði fái tækifæri til þess að upplifa framúrskarandi frístundastarf í sínu hverfi.

Við ætlum að auka samþættingu skóla- og frístundastarfs í bænum. Það verður gert með því að flétta í auknum mæli frístundastarf barna og unglinga inn í skóladag þeirra og stefnt er að því að gera skóla- og frístundadag barna og unglinga eins samfelldan og mögulegt er.

Samfylkingin leggur mikla áherslu á að efla lýðheilsu í bænum. Liður í því er að skapa aðstöðu svo hreyfing og heilbrigður lífsstíll verði hluti af daglegu lífi og mikilvægt er að flétta þessa áherslu inn í skipulagsvinnu bæjarins.

hækka frístundastyrk barna og ungmenna strax upp í 75 þús. kr. á ári og tryggja það að Hafnarfjörður sé ávallt í fararbroddi í þessum efnum.  

vinna markvisst að því að ná til barna og ungmenna af erlendum uppruna og annarra hópa sem ekki nýta sér frístundastyrkinn í nægjanlegum mæli og kynna fyrir þeim skipulagt frístundastarf og auka þannig aðgengi allra barna að frístundastarfi í bænum.

auka þátttöku barna með sérþarfir í frístundastarfi og leita leiða til þess að þau fái þann stuðning sem þau þurfa þegar kemur að því.

auka aðgengi fatlaðra barna að hvers kyns frístundastarfi.

vinna að því að frístundabíllinn verði aðgengilegur fleiri aldurshópum og lögð áhersla á að hann verði aðgengilegur fyrir 12 ára börn og yngri.

kanna möguleikann á því að taka upp íþróttastyrki í samvinnu við íþróttahreyfinguna í Hafnarfirði fyrir 19 - 23 ára iðkendur til að sporna við brottfalli.

tryggja aðgengi fyrir fatlað fólk að íþróttamannvirkjum sem og að útivistarperlum í bæjarlandinu.

efla starfsemi félagsmiðstöðva, fjölga fagmenntuðu starfsfólki í öllu frístundastarfi, auka opnunartíma þeirra og styðja við starfsemi þeirra þannig að þær geti boðið upp á fjölbreytta starfsemi og öflugt hópastarf.

auka aðgengi ungs fólks að hvers kyns skapandi greinum innan bæjarins, bæði innan skólakerfisins og í frístundastarfi.

byggja upp öflugt ungmennahús í bænum fyrir 16 til 25 ára ungmenni sem býður upp á víðtæka og faglega þjónustu við allt ungt fólk með áherslu á jaðarsett og félagslega einangruð ungmenni.

tryggja að ungmennum verði tryggður aðgangur að vinnu- og virkniúrræðum á Selhellu í samræmi við tillögur starfshóps um framtíðarskipan félagsstarfs fyrir fólk á aldrinum 16-24 ára.

endurskoða forvarnarstefnu Hafnarfjarðar frá grunni.

gera stórátak í forvarnarmálum, m.a. gegn áfengi, tóbaki og nikótínvörum, eiturlyfjum og hvers kyns ofbeldi og leita leiða til þess að sporna gegn einmanaleika og félagslegri einangrun hjá ungu fólki. 

efla frístundastarf fyrir eldri borgara í samstarfi við Félag eldri borgara í Hafnarfirði m.a. til þess að sporna gegn félagslegri einangrun meðal eldri íbúa.

útvega rými fyrir vinnustofu ungra listamanna.

fjölga grænum svæðum m.a. á Völlunum og huga betur að þeim sem fyrir eru, þar sem hægt er stunda útivist og heilsurækt enda er Hafnarfjörður heilsubær.

halda áfram að merkja fjölbreyttar göngu- og hjólreiðaleiðir innan Hafnarfjarðar, t.d. með auknu aðgengi með hugbúnaðarlausnum eins og appi.

hefja undirbúning að opnun skíðabrekku fyrir börn og byrjendur í Hamranesi og vinna að opnun Skálafells í samstarfi við sveitarfélögin á höfuðborgarsvæðinu.

koma upp varanlegu skautasvelli í bænum með möguleika á yfirbyggingu.

lengja opnunartíma sundlauga á kvöldin og setja upp glervegg á útisvæði Sundhallarinnar til að auka birtu og skapa útsýni út á sjó.

mæta þörfum íþróttafélaga um uppbyggingu aðstöðu í samræmi við forgangsröðun ÍBH.

Samfylkingin í Reykjavík býður borgarbúum í vöfflukaffi í kosningamiðstöðinni á Laugaveg 114 (við Hlemm).

Dýrindis vöfflur með sultu og rjóma, kaffi og með því!

Sunnudagur 3. maí
14:00 - 16:00
Laugavegur 114, 105 Reykjavík

Við fögnum baráttudegi verkalýðshreyfingarinnar með 1. maí vöfflukaffi á kosningamiðstöð okkar, Garðvangi.
Tónlistaratriði, ávarp og góðar veitingar.


Samfylkingin styður við atvinnulíf og rekstur með einföldun regluverks og leyfisveitinga í anda þess sem ríkisstjórn Kristrúnar Frostadóttur hefur unnið að frá því hún tók við völdum og í samræmi við stefnumörkun flokksins á landsvísu vegna sveitarstjórnarkosninganna.

Samfylkingin styður við atvinnuuppbyggingu í bænum með markvissum hætti. Bærinn verður að bjóða upp á fjölbreyttar atvinnulóðir á hverjum tíma svo fyrirtæki geti flust til Hafnarfjarðar og fyrirtæki í bænum geti þróast áfram. Stuðningur við nýsköpun og frumkvöðlastarfsemi er einnig lykilatriði í stefnu Samfylkingarinnar í atvinnumálum. Jafnaðarmenn vita hversu mikilvægt samspil öflugs atvinnulífs og velferðarkerfis er, eitt getur ekki án hins verið.

Hafnarfjörður á að vera eftirsóknarverður áfangastaður fyrir ferðamenn og við viljum skerpa á ímynd Hafnarfjarðar fyrir ferðamenn. Við eigum útivistarperlur í upplandi bæjarins sem þarf að hlúa að og byggja upp og Krýsuvíkursvæðið er orðið vinsæll áningarstaður ferðamanna á leið þeirra um Reykjanes. Byggja verður upp innviði til þess að styðja enn betur við þessa þróun.

móta atvinnustefnu þar sem markmiðið er að styðja við atvinnulífið í bænum og laða ný fyrirtæki í bæinn og að ávallt sé leitast við að stilla álögum í hóf.

efla samstarf við fulltrúa atvinnulífs í bænum með það að markmiði að tryggja gagnkvæmt upplýsingastreymi.

efla samstarf bæjarins og Markaðsstofu Hafnarfjarðar og tryggja sýnileika starfsemi Markaðsstofunnar gagnvart fyrirtækjum bæjarins eins vel og mögulegt er.

styðja við frumkvöðlastarfsemi á sviði atvinnu-, menningar- og ferðamála.

efla samvinnu bæjaryfirvalda við fyrirtæki og samtök í bænum á sviði ferðaþjónustu svo vinna megi að leiðum til þess að ferðamenn stoppi lengur í bænum, m.a. þeir ferðamenn sem koma með skemmtiferðaskipum til Hafnarfjarðar.

auka samvinnu við fyrirtæki í bænum í tengslum við bæjarhátíðir, eins og Heima, Hjarta Hafnarfjarðar og Jólaþorpið, til þess að auka enn frekar lífið í kringum hátíðirnar og möguleika fyrirtækja.

vinna að uppbyggingu ferðaþjónustu í sátt við náttúruna á Krýsuvíkursvæðinu en fjöldi ferðamanna sækir svæðið heim í dag og nauðsynlegt að byggja upp innviði og þjónustu þar.

tryggja öfluga starfsemi tjaldstæðis í bænum þannig að hægt sé að taka við ferðamönnum sem vilja sækja okkur heim, t.a.m Íslendingum á ferð með ferðavagna um landið.

efla markaðssetningu á Hafnarfirði sem áhugaverðum stað fyrir ferðamenn til að heimsækja allt árið um kring þar sem lögð er áhersla á sérstöðu bæjarins.

gera Hafnarfjörð að fyrirmyndarsveitarfélagi hvað varðar atvinnuþátttöku fatlaðs fólks og fólks með skerta starfsgetu, bæði hjá sveitarfélaginu sjálfu sem og á almennum vinnumarkaði.

áfram verði unnið að gerð nýrrar hafnar í Straumsvík þannig að hefðbundin hafnsækin starfsemi geti flutt starfsemi sína þangað sem opnar um leið tækifæri fyrir nýja uppbyggingu annars konar hafnsækinnar starfsemi á núverandi hafnarsvæði.

Bær sem hlúir að menningu, mannlífi og listsköpun er blómstrandi bær. Því vill Samfylkingin gera menningu og listum hátt undir höfði. Við stöndum vörð um menningarstofnanir bæjarins og styðjum markvisst við frumkvæði og nýsköpun á menningarsviðinu.

Hafnarfjörður á líka að vera bær sem styður við líflegt og fjölbreytt menningarlíf þar sem allir geta fundið eitthvað við sitt hæfi.

reisa nýtt tónlistar- og menningarhús í Hafnarfirði í samstarfi við þá aðila sem vinna að menningarmálum í Hafnarfirði.

leysa húsnæðisvanda leikfélaga í bænum.

móta nýja menningarstefnu í samráði við listafólk og aðra sem vinna að menningarmálum í bænum og íbúa þar sem verði hugað að virkri þátttöku íbúa, t.d. í vetrarfríum skóla.

tryggja fleiri valmöguleika fyrir popup viðburði í bænum.

halda áfram að styðja og efla bæjarhátíðir, eins og Heima, Hjarta Hafnarfjarðar og Jólaþorpið, bæði fyrir Hafnfirðinga sem og til þess að draga gesti úr nágrannasveitarfélögum í heimsókn því það styður við atvinnustarfsemi í bænum.

 virkja miðbæinn enn frekar og halda áfram að skipuleggja miðbæinn með áherslu á öflugt mannlíf og fjölbreytta afþreyingu.

finna rými fyrir vinnustofu ungra listamanna.

3. Opin stjórnsýsla og íbúalýðræði

Kerfið er til fyrir fólkið og meginverkefni þess er að þjónusta bæjarbúa. Kjörnir fulltrúar eru kosnir til þjónustustarfa fyrir bæjarbúa og það er þeirra að sjá til að þess að stjórnsýslan og stjórnkerfið þjóni fólkinu. Við innleiðingu stafrænnar þjónustu hjá bæjarfélaginu er mikilvægt að tekið sé mið af þessu grundvallarsjónarmiði.

Samfylkingin vill traustan og ábyrgan rekstur bæjarfélagsins með réttri forgangsröðun. Ábyrg fjármálastjórn með réttri forgangsröðun er forsenda þess að hægt sé að vinna markvisst að nauðsynlegum framkvæmdum í bænum. 

Áhersla á opin og lýðræðisleg vinnubrögð er grunnstoð í stefnu Samfylkingarinnar.  Lýðræðið snýst ekki bara um kosningar á fjögurra ára fresti. Bæjarstjórn verður að tryggja íbúum möguleika til áhrifa á stefnumótun bæjarins milli kosninga og þar gegnir virkt íbúasamráð lykilhlutverki. Samfylkingin telur einnig að íbúakosningar um stór og brýn mál sem varða hagsmuni bæjarbúa séu mikilvægur hluti stjórnsýslu bæjarstjórnar.

Á árunum 2002-2014 var komið á fót Öldungaráði, Ungmennaráði og Samráðshópi í málefnum fatlaðs fólk. Önnur sveitarfélög fylgdu í kjölfarið og nú hefur einnig verið stofnað Fjölmenningarráð. Ráðgjafaráðin eru mikilvæg og Samfylkingin ætlar að auka vægi þeirra. 

tryggja virkt íbúasamráð með því að fá íbúa fyrr að borðinu í allri skipulagsvinnu og annarri stefnumótun bæjarins.

tryggja hverfasamráð, t.d. með því að halda reglulega hverfafundi.

styðja markvisst við frjálsa fjölmiðla í bænum.

vinna að aukinni kjörsókn í bæjarfélaginu m.a. með því að fjölga kjörstöðum í bænum.

auka vægi ráðgjafaráða í stjórnsýslu bæjarins.

tryggja góða upplýsingamiðlun frá bæjarfélaginu með fjölbreyttum hætti, t.d. í gegnum vef og samfélagsmiðla bæjarins og leggja áherslu á að ná til nýrra íbúa og nýrra Íslendinga í bænum.

innleiða skilvirkar leiðir fyrir íbúa til að koma á framfæri kvörtunum vegna þjónustu og svara erindum skilmerkilega og fljótt og vel.

auka aðkomu bæjarbúa að ákvarðanatöku bæjarins m.a. með því að stórefla verkefni eins og Betri Hafnarfjörður.

vanda til allra innkaupa og útboðsmála á vegum bæjarins með því að efla innkauparáð og bæta eftirlit með öllum innkaupum bæjarins.

Samfylkingin í Mosfellsbæ býður upp á 1 . maí kaffi í Þverholtinu kl. 15-17.

Gestum gefst tækifæri til að gæða sér á dýrindis kræsingum og spjalla við frambjóðendur flokksins.

Öll velkomin, einnig vinir og vandamenn!

1. maí kaffi Samfylkingarinnar í Mosfellsbæ

Kosningaskrifstofa Samfylkingarinnar í Norðurþingi opnar í húsi Lions klúbbsins, laugardaginn 2.maí, frá klukkan 12-14. Grillaðar verðar pylsur ásamt því að stefnuskrá flokksins verður kynnt.
Bjóðum ykkur öll velkomin.


Opnun kosningaskrifstofu í Norðurþingi

Því miður erum við á þeim stað eins og er að stórt verkefni sem átti að hjálpa samfélaginu að vaxa og dafna virðist ekki ætla ganga upp þrátt fyrir að vonarneisti sé enn hjá PCC Bakka.

En við erum með mörg egg í körfunni varðandi uppbyggingu á svæðinu eins og fram kom hjá verkefnastjóra atvinnuuppbyggingar á Bakka (sjá hér). Það er okkar allra að vinna vel úr þeim málum og stuðla að öflugri innspýtingu í atvinnulífið.

Í grunnin stendur Norðurþing ágætlega miðað við allt og allt. Við þurfum að fara varlega næstu árin áður en við förum aftur að byggja upp.

Næstu ár vil ég nýta vel í áætlunargerð og skipulag þannig að allir viti að hverju verði gengið þegar við förum í að gera eitthvað skemmtilegt!
Ég hef lengi kallað eftir gerð áætlun um uppbyggingu á íþróttamannvirkjum í sveitarfélaginu. Ég nefni íþróttamannvirki sérstaklega þar sem að þau eru dýr í uppbyggingu og eru á meðal þeirra mannvirkja sveitarfélaga sem eru hvað best nýtt. Þörf er á skýrri áætlunargerð og hönnun sem sýnir í hvaða röð hlutirnir verða gerðir og hvernig þeir munu líta út. Það getur verið dýrt að taka rangar ákvarðanir í þessum málum.

Við höfum verið þeirrar gæfu aðnjótandi að fjölskyldufólk hefur valið að flytja til sveitarfélagsins vegna þeirra gæða sem hér eru. Við tökum fagnandi á móti fólki sem kýs að flytja aftur á heimaslóðir, eða fólk sem horfir á heimskortið og kýs þingeyska loftið frekar en allt annað.

Samfylkingin kynnti nýlega verkefni á landsvísu sem á að setja þak á leikskólagjöld. Að sjálfsögðu munum við beita okkur af fullum þunga í þessu máli enda vill það oftast verða þannig að ungar fjölskyldur bera oft þyngstu fjárhagslegu byrðarnar. Þetta viljum við laga.

Það er okkar sýn í Samfylkingunni að ákvarðanir verða teknar með fjölskylduna í fyrirrúmi. Þá eru það oft litlu hlutirnir sem skipta mestu máli eins og leikvellir, aðgengi að afþreyingu, öflugt íþrótta- og félagsstarf og gott skólastarf.   

Við í Samfylkingu viljum setja fjölskylduna í fyrsta sæti og tryggja að allar ákvarðanir verði teknar með hagsmuni fjölskyldunnar að leiðarljósi.

Næstu ár skiptir máli að standa vörð um þau mál sem gera samfélag að samfélagi.

Höfundur, Kjartan Páll Þórarinsson, er oddviti Samfylkingarinnar í Norðurþingi fyrir komandi sveitarstjórnarkosningar 16. maí.  

Norðurþing er auðugt sveitarfélag. Tækifæri hafa farið og önnur komið í staðinn. 

Víðir Reynisson og Eydís Ásbjörnsdóttir þingmenn Samfylkingarinnar koma til fundar við okkur á Reyðarfirði 30. apríl - kl. 20:00, Búðareyri 1.

Leit um „��"

3374 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3374 niðurstöður fundust við leit að „���������������������������������������������������"