Opinn fundur með Loga Einarssyni formanni Samfylkingarinnar og Oddnýju Harðardóttur þingmanni Suðurkjördæmis, í Samfylkingarsalnum að Eyravegi 15 á Selfossi.

Alþjóðlegar rannsóknir á viðhorfum fólks til aðgerða sem gripið var til vegna veirunnar benda til þess að áhyggjur af vaxandi ójöfnuði hafi aukist, sérstaklega meðal ungu kynslóðarinnar. Þá virðist frjálslyndi, sam­ábyrgð og félagslegar áherslur ofar í hugum fólks en áður. Merki um aukinn ójöfnuð vegna COVID eru nú þegar sýnileg hérlendis. Ómarkviss dreifing fjármagns hefur ýtt undir slíka þróun. Þjóðarkakan minnkar – mörg þeirra sem halda vinnunni eru í sterkari stöðu en áður en aðstæður hinna hafa versnað. Stjórnvöld tala um ábyrga hagstjórn og dýrar aðgerðir en minna um hitt: hvernig almennar aðgerðir hafa dregið úr áhrifamætti peninganna og kynt undir ójöfnuði. Þetta er ekki þróun sem almenningur vill sjá.

Halli ríkissjóðs var 260 milljarðar í fyrra og svipuð afkoma er áætluð í ár. Rúmlega helmingur hallans í fyrra er vegna tekjusamdráttar en hitt er vegna aukinna útgjalda, þar af er rúmlega helmingur vegna atvinnuleysisbóta. Meirihluti hallans stafar þannig af svokölluðum sjálfvirkum sveiflujöfnurum, innbyggðum þáttum í tekju- og útgjaldaliðum hins opinbera. Aðeins um 25% af halla síðasta árs má því rekja til beinna ákvarðana stjórnvalda. Ofan á þá hátt í 200 milljarða sem sjálfkrafa leggjast á ríkissjóð flæðir nú önnur eins tala af nýju fjármagni í hagkerfinu. Fjármagn sem ríkisstjórnin telur sig enga ábyrgð bera á vegna þess að það má rekja til aðgerða á peningamálahliðinni sem Seðlabankinn heldur utan um. Þar var losað um hömlur í fjármálakerfinu sem leiddi af sér aukningu á nýjum peningum í umferð í gegnum miklar lánveitingar, einkum til fasteignakaupa.

Þó að Seðlabankinn sé sjálfstæður þá bregst hann við aðgerðum og aðgerðaleysi á ríkisfjármálahliðinni. Undanfarin ár hefur átt sér stað vitundarvakning víða um heim um ókosti þess að treysta um of á peningamálastefnuna til að styðja við hagkerfi í alvarlegri krísu. Hefur það alla jafna verið afleiðing af tregðu pólitískt kjörinna aðila til að beina fjármagni til þeirra sem raunverulega þurfa á slíku að halda. Ábyrgðinni er útvistað til embættismanna meðan kjörnir fulltrúar firra sig ábyrgð. Lærdómurinn af síðustu kreppu erlendis var að ómarkviss dreifing fjármagns þrýstir fyrst og fremst upp eignaverði. Fjármunirnir leituðu mun síður til þeirra sem í áfallinu lentu, lítið fór fyrir þeim í innviðafjárfestingu og afleiðingin var aukinn ójöfnuður.

Þá var um almennt áfall að ræða. Núverandi kreppa er mun sértækari, hún skekur aðeins afmarkaðan hóp. Allt frá því að kórónukreppan hófst var ljóst að tregða ríkisstjórnarinnar til að beita ríkisfjármálum með markvissum hætti hefði neikvæðar afleiðingar. Á þetta bentu hagfræðingar og stjórnarandstöðuþingmenn en ríkisstjórnin skellti skollaeyrum við. Það var rammpóli­tísk ákvörðun að bíða of lengi með sértækar aðgerðir og kalla þannig fram öflugri aðgerðir Seðlabankans en ella. Aðgerðir sem voru mjög almennar og þrýstu lánastofnunum í mikla útlánaaukningu til eina málaflokksins sem treystandi var, húsnæðis. Annað umfram fjármagn leitaði á verðbréfamarkað. Á meðan ráðamenn ræddu um hættur þess að hækka atvinnuleysisbætur í fordæmalausu atvinnuáfalli og streittust gegn því að beina fjármagni í auknum mæli til lítilla fyrirtækja til að koma í veg fyrir hrinu uppsagna flæddi fjármagn inn á fasteigna- og verðbréfamarkaðinn, kynti undir almennri eftirspurn og ýtti upp eignaverði.

Engin umræða hefur átt sér stað um þá hvata sem þessi óbeina aðgerð ríkisstjórnarinnar hefur haft; enginn stjórnmálamaður hefur þurft að svara fyrir þá miklu auðssöfnun sem hefur átt sér stað á undanförnum mánuðum í formi verulegrar verðhækkunar á verðbréfum og hækkunar húsnæðisverðs. Þau sem tæma sjóði sína til að mæta atvinnumissi – eða lenda í rekstrarvandræðum með lítil fyrirtæki hafa enga möguleika til að taka þátt í þessari uppsveiflu.

Samkvæmt opinberum tölum dróst opinber fjárfesting saman um 9,3% í fyrra – hagstjórnin er nú ekki ábyrgari en svo. Ábyrg hagstjórn, sem vinnur á móti áföllum en ekki með, snýst um að leita allra leiða til að örva fjárfestingu og vinnuframlag ekki aðeins kaupgetu. Þótt ríkisstjórnin tali mikið um stóraukna opinbera fjárfestingu hefur lítið af henni komið til framkvæmda. Ráðamenn leyfa sér svo að skrifa blaðagreinar þar sem þeir tala niður mikilvæga viðleitni Reykjavíkurborgar við að ýta undir fjárfestingu á tímum sem þessum. Viðbrögð stjórnarliða við áætlunum borgarinnar í fjármálum eru til marks um skilningsleysi á ábyrgri hagstjórn. Fyrst ríkisstjórnin virðist eiga erfitt með að koma verkefnum nógu hratt af stað ætti hún að setja í forgang að styðja við sveitarfélögin sem eru með fjölda samfélagslegra mikilvægra verkefna í startholunum. Í staðinn reynir hún að koma höggi á pólitíska andstæðinga sína í sveitarstjórnum, sem kemur að lokum niður á öllum almenningi.

Á tímum þar sem svigrúm til athafna er takmarkað, í landi með brothættan gjaldmiðil og mikla verðbólgusögu, felst hin raunverulega ábyrga hagstjórn í því að beina peningunum þangað sem þeirra er þörf. Að verja velferð fólks, framleiðslugetu fyrirtækja og skapa ný fjölbreytt atvinnutækifæri. Aðeins þannig getum við tryggt öfluga viðspyrnu, varið jöfnuð og komist stolt út úr þessu ástandi öll saman.

Greinin birtist í Fréttablaðinu 4. mars.

Stóra spurningin sem við stöndum frammi fyrir er hvernig samfélag við viljum að rísi upp úr kórónukreppunni. 

Ábyrga fjármálastjórnun byggða á sjálfbærum rekstri

Fimm ára áætlun um verkefni og forgangsröðun fjármagns

Skrá hagsmunatengsl bæjarfulltrúa á vefsíðu bæjarins

Vefsíðu sveitarfélagsins og íbúagátt á íslensku og ensku

Koma á laggirnar kerfi er upplýsir íbúa um stöðu mála og ferli ákvarðana

Birta gögn og skýrslur sem lögð eru fyrir nefndir og ráð og eru ekki háð trúnaði

Víðtækt íbúasamráð í fjölbreyttu formi

Skýra hlutverk samráðshópa og aðkomu að ákvarðanatöku

Þróa ber áfram rafræna vettvanginn Nesið okkar

Samfylkingin leggur áherslu á nútíma rekstur sveitarfélagsins. Jákvæð rekstrarafkoma er ekki nóg ein og sér heldur gerir Samfylkingin kröfu til þess að reksturinn sé sjálfbær. Sjálfbær rekstur hefur það að markmiði að koma á og viðhalda jafnvægi milli efnahagslegra, samfélagslegra og umhverfislegra þátta í rekstrinum. Í því samhengi stendur Seltjarnarnesbær frammi fyrir stórum áskorunum á næsta kjörtímabili. Samfylkingin vill leggja fram fimm ára áætlun þar sem útlistað er með skýrum hætti í hvaða verkefni verður ráðist og hvernig fjármagni og björgum verður forgangsraðað.

Fagleg vinnubrögð og gagnsæi í stjórnsýslu bæjarins verður áfram áherslumál hjá Samfylkingunni. Aðgengi að stjórnsýslu bæjarins þarf að bæta enn frekar. Mikilvægt er að koma upp kerfi sem eykur aðgengi íbúa að upplýsingum um stöðu mála og ferli ákvarðana. Miðlun upplýsinga frá stjórnsýslu til íbúa og starfsmanna einstakra stofnana bæjarins þarf að vera greið. Í því skyni er mikilvægt að tryggja að upplýsingar á vefsíðu sveitarfélagsins og í íbúagátt verði bæði á íslensku og ensku. Samfylkingin vill til viðbótar auka gagnsæi í störfum nefnda og ráða bæjarfélagsins með því að birta gögn sem unnið er með eða kynnt eru og ekki eru bundin trúnaði. Sem lýðræðislegt aðhald vill Samfylkingin einnig að bæjarfulltrúar verði skyldugir til að skrá hagsmunatengsl sín og birta á heimasíðu bæjarfélagsins.

Víðtækt samráð ber að hafa við íbúa um öll þau málefni er þá snerta. Samfylkingin leggur áherslu á að beint íbúalýðræði verði haft að leiðarljósi við stefnumótun og áætlanagerð þar sem  lagt verði upp með að sækja ólík sjónarmið íbúa og hagsmunaaðila m.a. í gegnum íbúafundi og rafrænar leiðir og þau höfð til hliðsjónar við afgreiðslu og ákvarðanatöku. Efla ber ungmennaráð og öldungaráð í þessu samhengi með því að skýra hlutverk þeirra og ábyrgð og aðkomu að ákvörðunum. Halda ber áfram að þróa verkefnið Nesið okkar.

Stjórnun og lýðræði

Hvað er jafnaðarstefnan? námskeiðið er 6 klst. og hópurinn hittist þrisvar sinnum í 2 klst. í senn.

Stuðst er við bókina Hvað er jafnaðarstefnan? eftir Ann-Marie Lindgren og Ingvar Carlsson, en bókin var þýdd* og gefin út árið 2015 af Samfylkingunni í Reykjavík með stuðningi Máttarstólpa Samfylkingarinnar.

Bókin skiptist í sex kafla og eru tveir kaflar teknir fyrir í hvert sinn. Leiðbeinandi fer í stuttu máli yfir efnið í byrjun og síðan ræða þátttakendur saman um efnið. Námskeiðið er því meir í ætt við leshring en námskeið.

Sænskir jafnaðarmenn – sagan (hér er farið yfir sögu íslenskrar verkalýðshreyfingar og jafnaðarmanna)

Ann-Marie Lindgren og Ingvar Carlsson: Hvað er jafnaðarstefnan? Samfylkingin í Reykjavík, 2015. *Þýðendur: Borgþór Kærnested og Mörður Árnason sem einnig skrifar neðanmálsgreinar til skýringar.

Guðjón Friðriksson: Úr fjötrum - Saga Alþýðuflokksins.

Sumarliði R Ísleifsson: Í samtök - Saga Alþýðusambands Íslands.

Leiðbeinandi verður Kjartan Valgarðsson.

Vinsamlega láttu þess getið við skráningu hvort þú átt bókina Hvað er jafnaðarstefnan? Annars færðu hana senda við skráningu. Síðarnefndu bækurnar tvær fást á skrifstofu Samfylkingarinnar og kosta 3.000 kr.

Hvað er jafnaðarstefnan?  námskeiðið er 6 klst. og hópurinn hittist þrisvar sinnum í 2 klst. í senn.

Stuðst er við bókina Hvað er jafnaðarstefnan? eftir Ann-Marie Lindgren og Ingvar Carlsson, en bókin var þýdd* og gefin út árið 2015 af Samfylkingunni í Reykjavík með stuðningi Máttarstólpa Samfylkingarinnar. 

Skrá mig á námskeið. Næstu dagsetningar námskeiðisins eru 16. 23. og 30. mars kl. 17:30.

Skapa eftirsóknarverðan vinnustað fyrir nýja kennara

Setja upp kennslustofur búnar nútíma tæknibúnaði

Hækka laun kennara í takt við menntun og ábyrgð

Tryggja blandaðar fyrirmyndir með fjölgun karlkennara

Taka upp verkferla og áætlanir í eineltismálum

Samfylkingin vill færa Grunnskóla Seltjarnarness til framtíðar. Það hefur ekki skort viljann til að standa vel að börnum á Nesinu en fáar hugmyndir eru um hvert eigi að stefna til að mæta áskorunum samtímans af áræðni. Gríðarlega gott starf er unnið innan grunnskólans sem er ekki síst að þakka öflugu starfsfólki og kennurum skólans. Framundan eru ákveðin þáttaskil þegar okkar reynslumesta fólk lætur af störfum sökum aldurs á sama tíma og yfirvofandi kennaraskortur er á landinu. Samfylkingin vill gera grunnskólann að eftirsóknarverðum vinnustað fyrir nýja, skapandi og framtakssama kennara á sama tíma og staða núverandi mannauðs verður treyst.

Við viljum koma á fót öflugum þróunarsjóði þangað sem kennarar á öllum skólastigum geta sótt um fjárveitingu fyrir verkefni sem þeir vilja koma á fót. Með slíkum sjóði viljum við valdefla kennara sem sérfræðinga í menntun barna, þannig að þeir geti haft raunveruleg áhrif á eigið starf og umhverfi. Við viljum veita kennurum sjálfstæði til að þróa sig sem fagmenn og rými til að þróa nám og kennslu í skólanum. Til að framsækin skólaþróunarverkefni geti þrifist þvert á námsgreinar, bekki og skólastig vill Samfylkingin skoða leiðir til að setja upp kennslustofur búnar nútíma tæknibúnaði. Með því bætum við starfsaðstæður kennara á sama tíma og við sköpum börnunum okkar framsækið námsumhverfi sem er í takt við samfélagið utan veggja skólans.

Draga verðu úr álagi á kennara og vill Samfylkingin fara fjölbreyttar og samverkandi leiðir til þessa. Stytting vinnuviku kennara er forgangsverkefni en með því viljum við auka starfsánægju og fækka veikindadögum. Við viljum einnig beita áhrifum okkar innan Sambands Íslenskra sveitarfélaga fyrir því að hækka laun kennara en það er gríðarlegt réttlætismál að laun kennarastéttarinnar, sem að miklu leyti er skipuð konum, endurspegli bæði menntun og ábyrgð. Samfylkingin vill samhliða þessu fjölga karlkyns kennurum en blandaður vinnuhópur skapar betri starfsanda á vinnstöðum. Á sama tíma er ekki síður mikilvægt að bæði stelpur og strákar hafi öflugar fyrirmyndir af báðum kynjum en slíkt bætir bæði nám drengja og stúlkna.

Mikilvægt er að huga að líðan barna í námi og leik innan veggja skólans. Samfylkingin vill efla enn frekar samstarf heimilis og skóla til að ná fram því markmiði. Hún leggur áherslu á að áætlanir og verkferlar í tengslum við einelti verði teknar upp og endurskoðaðar. Á sama tíma þarf að skýra sérstaklega viðbrögð og forvarnir við stafrænu ofbeldi.

Ókeypis námsgögn fyrir öll grunnskólabörn er einnig hjartans mál enda eru jöfn tækifæri til náms grunnstef í stefnu Samfylkingarinnar.

Grunnskólinn

Námskeiðið er u.þ.b. 1,5 klst námskeið fyrir þau sem eru nýgengin í flokkinn. Efni námskeiðsins er þríþætt:

●      Inngangur að jafnaðarstefnunni, hugmyndafræði og uppruni hreyfingarinnar.

●      Uppbygging og skipulag Samfylkingarinnar - Jafnaðarmannaflokks Íslands

●      Hvar geta félagar haft áhrif? Hvað er í boði fyrir nýliða? Leiðbeiningar um aðildarfélög, málefnahópa og sjálfboðaliðastarf (aðallega í kosningabaráttum).

Þingmaður eða þingkona koma í heimsókn í lok sjálfs námskeiðsins.

Nýliðanámskeiðin eru haldin fyrsta þriðjudag í hverjum mánuði, kl. 17:30 - 19:00.

Auka samráð við íbúa í skipulagsmálum í formi rafræns vettvangs þar sem íbúar geta kynnt sér skipulagsbreytingar, sent inn athugasemdir og tillögur

Klára miðbæjarskipulagið í samstarfi við bæjarbúa. Miðbæjarskipulag Seltjarnarnesbæjar er óklárað skipulag sem nær yfir leikskólann, ráðhúsreit, Austurströnd og Eiðistorg. Mikilvægt er að þetta skipulag verði unnið í öflugu samstarfi við bæjarbúa með fjölbreyttu formi íbúasamráðs. Miðbæjarsvæðið er síðasta alvöru þróunarsvæðið í sveitarfélaginu. Við skipulag þess þurfa bæjarbúar að svara stórum spurningum sem snúa að húsnæðis-, samgöngu- verslunar- og þjónustumálum

Að hlutfall af öllum nýjum byggingarreitum séu litlar íbúðir til þess að auka fjölbreytni á íbúðaframboði á Nesinu

Lagfæra og bæta ásýnd göngustíga, leiksvæða og annarra almenningsrýma á Seltjarnarnesi

Að Borgarlínan gangi út á Seltjarnarnes og tengi Nesið þannig við net háhraða almenningssamgangna sem bætir lífsgæði bæjarbúa og styður við rekstrarumhverfi fyrirtækja á Nesinu

Tengja strætóleið sem gengur af Nesinu og út á Granda sem er orðið eitt helsta þjónustusvæði Seltirninga

Endurheimta landslagið á vestursvæðinu með því að takmarka athafna- og efnislosunarsvæði bæjarins

Samfylkingin stendur fyrir skýrri framtíðarsýn og festu þegar kemur að skipulagsmálum. Klára þarf skipulag miðbæjarsvæðisins í samráði og samstarfi við bæjarbúa þar sem teknar verða mikilvægar ákvarðanir um framtíðarþróun bæjarins. Þessar ákvarðanir snúa að því hvar Borgarlínan á að stoppa á Nesinu, uppbyggingu á íbúðarhúsnæði og hvernig við getum gert miðbæinn okkar skemmtilegri og meira aðlaðandi fyrir fólk og fyrirtæki.

Miðbær Seltjarnarness er ekki aðeins mál bæjarbúa því kjarninn er einnig hluti af samgöngu- og þróunarás svæðisskipulagsins sem tengir höfuðborgarsvæðið saman. Mannfjöldaspár gera ráð fyrir að íbúum muni fjölga um 70 þúsund á næstu 20 árum og umferðarþungi muni aukast um 65%. Meira af því sama skapar aðeins meiri umferðaþunga. Samfylkingin styður Borgarlínu, net háhraða almenningssamgangna, sem styðja mun við rekstrarumhverfi fyrirtækja á Nesinu og flytja íbúa Seltjarnarness óhindrað með vistvænum, öruggum og skjótum hætti frá Eiðistorgi og um allt höfuðborgarsvæðið.

Samfylkingin vill leggja fram skýra húsnæðisáætlun þar sem lögð er áhersla á uppbyggingu íbúðahúsnæðis í samvinnu við húsnæðissamvinnufélög, samtök eldri borgara, námsmenn og einkaaðila. Leitast verður við að tryggja fjölbreytt framboð búsetukosta fyrir alla félagshópa. Samfylkingin vill mæta íbúum Seltjarnarness þar sem þeir eru staddir hverju sinni, hvort sem þeir eru í námi, að stíga sín fyrstu skref á vinnumarkaði, stofna fjölskyldu, stækka eða minnka við sig, hvort sem þeir eiga mikla fjármuni eða eiga erfiðara um vik. Þar sem áhersla undanfarinna ára hefur verið á að auka framboð stærri og dýrari íbúða verður til skamms tíma leitast við að auka framboð lítilla íbúða, óháð eignarformi, og miðað við þarfir þeirra sem ekki geta lagt mikið fé í eigið húsnæði. Það er stefna okkar að framboð húsnæðis og búsetukostir taki mið af þróun samfélagsins sem og taki tillit til fjölskyldustærða og fjölskyldugerða, aldursbreytinga og efnahagsþróun.

Samfylkingin vill treysta velferð og lífsgæði íbúa Seltjarnarness með því að skilgreina opin svæði í bæjarlandinu með grænu belti. Markmið græna beltisins er að endurskipuleggja, byggja upp og tengja saman róluvelli, torg, almenningsgarða, íþróttasvæði, útivistarsvæði, friðlýst svæði, strendur og fjörur, göngu-, hlaupa- og hjólastíga á Seltjarnarnesi þannig að þau myndi eina heild í landslaginu. Stærð þessara svæða og aðstaða býður upp á mismunandi leiðir til útivistar, leiks og slökunar í frítíma í umhverfi sem skipulagt er í þeim tilgangi. Opin svæði eru stór hluti af fegurð Seltjarnarness. Það er skýlaus krafa að jarðefni sem geymd eru vestan athafnasvæðis bæjarins verði fjarlægð og að bæjarbúar endurheimti verðmæt náttúru- og útivistarsvæði.

Uppbygging vistvænnar götumyndar helst þéttingsfast í hendur við skipulag grænna svæða. Bekkir, ruslatunnur, leiktæki, strætóskýli, hjólaskýli, hjólastandar, upplýsingaskilti, yfirborðsmerkingar, afmörkun bílastæða, blómaker. Í dag ægir öllu saman á Seltjarnarnesi, götugögn í ólíku útliti, mismunandi efni og gæðum blandast saman og gera umhverfið á köflum sundurlaust. Samfylkingin vill leggja áherslu á heildarhugsun í hönnun götugagna sem í bland við uppbyggingu grænna svæða skapa lifandi umhverfi. Með góðu efnisvali og einfaldri nútímahönnun má auka gæði og heildarsvip Seltjarnarness án þess að gera það einsleitt.

Leit um „��"

3401 niðurstaða fannst við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3401 niðurstaða fannst við leit að „���������������������������������������������������"