Formaður Samfylkingarfélagsins

Ásbjörn Þór Ásbjörnsson

Stillholt 16 - 18

Samfylkingin á Akranesi

Hafðu samband

Oddviti Samfylkingarinnar á Akranesi

Valgarður Lyngdal Jónsson

Bæjarfulltrúi Samfylkingarinnar á Akranesi

Jónína M. Sigmundsdóttir

Kristinn Hallur Sveinsson

Varabæjarfulltrúi Samfylkingarinnar á Akranesi

Anna Sólveig Smáradóttir

Björn Guðmundsson

Sigrún Ríkharðsdóttir

Bæjarfulltrúar

Spjallkaffi 60+ verður á sínum stað miðvikudaginn 25. mars kl. 10:00 - 12:00 í sal Samfylkingarinnar, Hallveigarstíg 1, 101 Reykjavík.

Gestur fundarins er Sabine Leskopf borgarfulltrúi sem ætlar að ræða við okkur um innflytjendamál í Reykjavík.

Það verður heitt á könnunni og eitthvað með því.
Verið öll velkomin!

Skrefum sem sýna það í verki að lífsgæði fólks, afkoma og framtíðarmöguleikar þess, eru það mikilvægasta í stefnu og aðgerðum okkar.

Snúið hefur verið af vegferð frekari uppsöfnunar á innviðaskuld á breiðum grunni. Ríkisstjórnin frestar ekki áskorunum eða rekur sig á yfirdrætti árum saman heldur tekst á við þær með lausnarmiðuðum hætti og af ábyrgð. Þar hefur kjarni jafnaðarstefnunnar verið leiðarljós í öllum verkum.

Ríkisstjórn undir stjórn Samfylkingarinnar hefur rofið kyrrstöðu og sýnt það í verki að hún er óhrædd við að ráðast í breytingar á kerfum sem eru hætt að virka fyrir fólkið í landinu og atvinnulífið. Kerfin eiga að þjónusta fólk, en ekki tálma aðgengi þess.

Stjórnarmeirihlutinn hefur ráðist í umfangsmikla tiltekt í ríkisfjármálunum sem skilað hefur mikilli hagræðingu, lækkun ríkisskulda, lögfestingu stöðugleikareglu, stórtækri einföldun regluverks, sameiningu stofnana, betri fjármögnunarkjörum, hærra lánshæfismati og stefnumörkun um hallalaus fjárlög strax árið 2027. Allt þetta leggur grunn að sterkari rekstri ríkissjóðs, minni verðbólgu og lækkun vaxta. Og bætir um leið afkomu fólks og fyrirtækja.

Í samræmi við stefnu Samfylkingarinnar og þær áherslur sem lagðar voru fram fyrir síðustu alþingiskosningar hefur verið gripið til margháttaðra aðgerða til að laga stöðuna á húsnæðismarkaði. Þar er unnið eftir þeirri skýru sýn að íbúðir eigi fyrst og fremst að vera heimili, ekki fjárfestingarvörur. Búið er að innleiða kerfisbreytingar í þágu fyrstu húsnæðiskaupenda og ráðist í aðgerðir til að koma í veg fyrir lóðabrask og leggja grunn að stórtækri fjölgun íbúða. Fram undan eru enn fleiri aðgerðir sem miða fyrst og síðast að því að fólk, ekki síst unga fólkið, geti komið sér þaki yfir höfuðið. Festa og öryggi í húsnæðismálum er grunntónn jafnaðarstefnunnar.

Ríkisstjórnin hefur gengið rösklega til verka í velferðarmálum með því að stöðva kjaragliðnun lífeyris og launa, hækka frítekjumörk og fæðingarstyrki auk þess sem umbætur hafa verið gerðar á Menntasjóði námsmanna.

Yfirstandandi er þjóðarátak í uppbyggingu hjúkrunarheimila eftir margra ára stopp. Það mun skila því að biðlistar eftir hjúkrunarrýmum munu helmingast milli áranna 2024 og 2027. Eldra fólk á skilið að búa við öryggi á ævikvöldi. Samfylkingin mun standa vörð um þau gildi.

Samhliða þessu hefur verið lagður grunnur að aukinni verðmætasköpun og kraftmikilli uppbyggingu innviða um allt land. Kyrrstaða hefur verið rofin í orkumálum og samgöngumálum og mótuð hefur verið atvinnustefna til framtíðar þar sem áhersla er á vöxt með velferð, ekki á kostnað velferðar líkt og var áður. Um leið stendur yfir tiltekt í loftslagsmálum og markvissari vernd líffræðilegrar fjölbreytni og náttúru.

Ríkisstjórnin lofaði því í stjórnarsáttmála sínum að hún ætlaði að bæta skattskil, loka glufum og fækka undanþágum í skattkerfinu. Að gera skattkerfið almennara þannig að það sama sé yfir alla látið ganga. Við það hefur hún staðið.

Hún lofaði líka að greidd yrðu sanngjörn gjöld fyrir nýtingu þjóðarauðlinda. Það hefur nú verið lögfest.

Hún lofaði að treysta þjóðinni til að ákveða eigin örlög og greiða atkvæði um hvort viðræðum við Evrópusambandið yrði áframhaldið. Sú þjóðaratkvæðagreiðsla er nú fram undan.

Allt er þetta í samræmi við áherslur Samfylkingarinnar í aðdraganda síðustu kosninga um að ábyrgur ríkisrekstur, sterk velferðarpólitík og verðmætasköpun fari hönd í hönd. Allt er þetta í samræmi við þá skýru stefnu flokksins að hlusta á fólkið í landinu og mæta þeirra þörfum og kröfum. Stjórnmál í þágu þjóðar.

Flokksstjórnarfundur Samfylkingarinnar leggur áherslu á að ríkisstjórnin geri allt sem hún getur til að standa við loforð sitt til kjósenda um að lækka kostnað heimila og fyrirtækja.

Í því samhengi dugar ekki að reka öfluga velferðarpólitík og ábyrga ríkisfjármálastefnu heldur verður einnig að horfa til aðgerða sem eru til þess fallnar að auka samkeppni á Íslandi, brjóta upp fákeppni og verja neytendur fyrir tilefnislausum verðhækkunum og óhóflegri álagningu á nauðsynjavöru. Fundurinn brýnir fyrir ríkisstjórninni að leita allra raunhæfra leiða til þessa.

Þá stendur Samfylkingin - Jafnaðarflokkur Íslands nú sem fyrr með einstaklingum og hópum sem standa höllum fæti í okkar samfélagi. Það gerum við með sértækum stuðningi og jöfnun tækifæra.

Fram undan eru mikilvægar sveitarstjórnarkosningar þar sem jafnaðarfólk er í miklum færum til að sækja fram af krafti á grunngildum jafnaðarstefnunnar. Framboðum undir merkjum Samfylkingarinnar – jafnaðarflokks Íslands hefur fjölgað mikið og tækifærin til að vinna að bættri velferðarþjónustu og betri lífsgæðum fyrir fólkið í landinu eru fjölmörg. Hvort sem það er á Alþingi eða í sveitarstjórnum þá tökum við ábyrgð á nærsamfélagi okkar – hringinn í kringum landið. Að hugsjónir jafnaðarmennsku séu sameinandi afl og langsterkasta svarið gegn þeim stjórnmálaöflum sem vilja ala á sérhagsmunum með sundrungu. Við viljum vinna með fólki. Við hlustum á fólk. Og látum efndir fylgja orðum. Við gerum það sem við segjum.

Samfylkingin hefur látið verkin tala í ríkisstjórn. Nú ætlum við að gera slíkt hið sama í sveitarstjórnum vítt og breitt um land: Við viljum einfalda daglega lífið fyrir alla. Og gera það betra.

Flokksstjórnarfundur Samfylkingarinnar fagnar þeirri ákvörðun ríkisstjórnarinnar að setja þjóðaratkvæðagreiðslu um áframhaldandi viðræður við Evrópusambandið á dagskrá. Með því sýnir flokkurinn í verki að hann treystir þjóðinni til að ákveða eigin örlög, enda Samfylkingin Evrópusinnaður flokkur sem vill stefna að fullri aðild að Evrópusambandinu á þeirri forsendu uppfylltri að full yfirráð yfir auðlindum Íslands séu tryggð. Stjórn flokksins telur að umræðan um þjóðaratkvæðagreiðsluna eigi að hefjast upp yfir flokkspólitískar átakalínur og fara fram á grundvelli öflugrar og heiðarlegrar umræðu um kosti og galla aðildar að Evrópusambandinu.

Þá er sú ákvörðun íslenskra stjórnvalda að hafa ákveðið að taka þátt í máli Suður-Afríku gegn Ísrael fyrir Alþjóðadómstólnum í Haag líka fagnað. Samfylkingin lýsir einnig áfram yfir eindregnum áframhaldandi stuðningi við Úkraínu í varnarstríði sínu.

Ríkisstjórnin er hvött til þess að beita sér áfram á alþjóðlegum vettvangi í heimi sem er að taka sífelldum breytingum af festu, ábyrgð, mannúð og með hagsmuni íslensku þjóðarinnar að leiðarljósi. Samfylkingin mun standa vörð um hag og framtíð Íslands.


Flokksstjórn Samfylkingar Reykjavík 21. mars 2026

Flokksstjórnarfundur Samfylkingarinnar fagnar þeim framfaraskrefum sem stigin hafa verið eftir að ríkisstjórn Kristrúnar Frostadóttur tók við stjórnartaumunum á Íslandi.

Stjórnmálaályktun flokksstjórnarfundar Samfylkingarinnar 21. mars 2026 

Borgarstjórn samþykkti nýlega að fela skrifstofu borgarstjóra að láta vinna sérstaka aðgerðaáætlun gegn einmanaleika og undirbúa endurskoðun á stefnu Reykjavíkurborgar um frístundaþjónustu með það að markmiði að fjölga tækifærum íbúa á öllum aldri til aukinnar samveru.

Leiðarljós Reykjavíkurborgar er að bjóða upp á fjölbreytta og heilsueflandi frístundaþjónustu sem hvetur til virkrar þátttöku, sköpunar og betra samfélags fyrir fólk á öllum aldri.

Einmanaleiki sést ekki utan á fólki, en hann hefur mælanleg áhrif á heilsu, lífsgæði og samfélag. Á síðustu árum hafa rannsóknir víða um heim sýnt að félagsleg einangrun getur haft jafn skaðleg áhrif á heilsu og margir vel þekktir áhættuþættir. Einmanaleiki er þess vegna ekki einkamál einstaklinga heldur samfélagslegt verkefni sem kallar á markviss viðbrögð.

Rannsóknir benda til þess að langvarandi einmanaleiki auki líkur á hjarta- og æðasjúkdómum, þunglyndi og kvíða, auk þess að tengjast lakari lífsgæðum almennt. Sumir fræðimenn hafa jafnvel bent á að áhrif langvarandi félagslegrar einangrunar á heilsu geti verið sambærileg við að reykja allt að hálfan pakka af síkarettum á dag.

Einmanaleiki snertir ekki aðeins eldri borgara, þó hann sé algengur þar. Hann getur einnig haft áhrif á ungt fólk, fólk sem býr eitt, nýja íbúa í borginni, innflytjendur eða einstaklinga sem standa utan hefðbundinna félagslegra neta. Í hraðri borgarþróun, þar sem fólk flytur oftar milli hverfa og tengslanet breytast, getur verið auðvelt að verða ósýnilegur í mannfjöldanum.

Þess vegna hafa sífellt fleiri borgir farið að líta á félagsleg tengsl sem mikilvægan hluta af innviðum samfélagsins, rétt eins og samgöngur, skóla og græn svæði. Sveitarfélög geta unnið gegn einmanaleika vegna þess að þau móta nærumhverfi fólks. Það sem við getum gert er að skapa rými fyrir tengsl, virkja samfélagið og greina og styðja við þau sem eru félagslega einangruð.

Borgir sem draga úr einmanaleika hanna umhverfi þar sem fólk hittist á sjálfsagðan og eðlilegan máta, t.d. með lifandi hverfiskjörnum með kaffihúsum, bókasöfnum og annari menningarstarfsemi. Með því að tryggja gott aðgengi að almenningsrýmum eins og görðum og torgum og með fjölbreyttum hverfastöðvum þar sem fólk getur tekið þátt í félagsstarfi.

Reykjavík hefur nú þegar sterka innviði á þessu sviði, til dæmis í bókasöfnum, sundlaugum og menningarhúsum. En eitt af því sem við gerum líka er að styrkja samfélagslegt frumkvæði t.d. í hverfahátíðum og viðburðum, sjálfboðaliðastarfi, félagasamtökum og verkefnum sem tengja kynslóðir saman, til dæmis samstarf skóla og eldri borgara

Slík verkefni hafa hjálpa þeim sem upplifa einmanaleika en styrkja jafnframt félagslegt traust og samkennd í samfélaginu.

Sumir íbúar þurfa sértækari stuðning. Þess vegna er mikilvægt að greina félagslega einangrun snemma, til dæmis í gegnum heilbrigðis- og félagsþjónustu til að geta boðið upp á heimsóknarverkefni eða tengiliði fyrir fólk sem býr eitt. Einnig má sjá fyrir sér að nýta stafrænar lausnir til að tengja fólk betur saman í gegnum viðburði og samfélagsverkefni.

Mikilvægt er að aðgerðir gegn einmanaleika verði ekki aðeins verkefni á vettvangi félagsþjónustu borgarinnar, heldur sameiginlegt verkefni margra sviða: menningar, íþrótta, skipulags, skóla og lýðheilsu. Það þarf samstarf við félagasamtök, kirkjur, íþróttafélög og grasrótarstarf í hverfum. Þar liggur oft mikil þekking á því hvað skapar þessi raunverulegu tengsl milli fólks sem eru svo mikilvæg.

Sterk borg er ekki aðeins mæld í hagvexti eða fjölda bygginga heldur einnig í því hvort fólk upplifi að það tilheyri samfélagi. Aðgerðir gegn einmanaleika snúast því ekki aðeins um að hjálpa einstaklingum heldur um að byggja samfélag þar sem fólk sér hvert annað, hittist og tengist. Borg sem hefur markvissa stefnu í þessum efnum er ekki aðeins heilbrigðari heldur líka mannlegri.

Einmanaleiki sést ekki utan á fólki, en hann hefur mælanleg áhrif á heilsu, lífsgæði og samfélag. Rannsóknir benda til þess að langvarandi einmanaleiki auki líkur á hjarta- og æðasjúkdómum, þunglyndi og kvíða.

Listinn var samþykktur einróma með standandi lófaklappi en húsfyllir var á fundinum. Nýr oddviti Samfylkingar í Norðurþingi er Kjartan Páll Þórarinsson

„Það eru teikn á lofti um krefjandi tíma fram undan hjá Norðurþingi. Jafnaðarmenn verða að eiga öfluga málsvara og ég fann köllun til þess að leiða það verkefni fyrir hönd Samfylkingarinnar. Ég er þakklátur fyrir það traust sem mér hefur verið sýnt og mun leiða flokkinn af heilindum í komandi kosningum,“ segir Kjartan Páll.

1. Kjartan Páll Þórarinsson, lögreglumaður og húsasmiður.

2. Rebekka Ásgeirsdóttir, hjúkrunarfræðingur

3. Ísak Már Aðalsteinsson, framkvæmdastjóri og verkefnastjóri.

4. Agnieszka Szczodrowska, þjónustufulltrúi og túlkur.

5. Reynir Ingi Reinhardsson, lögfræðingur.

6. Regína Sigurðardóttir, formaður Félags eldri borgara á Húsavík og nágrenni.

7. Birta Guðlaug Sigmarsdóttir, sjúkraliðanemi.

8. Andreas Blesner, rafvirki og stuðningsfulltrúi. 

10. Linda Birgisdóttir, einkaþjálfari.

11. Óskar Páll Davíðsson, umsjónarkennari.

12. Ruth Ragnarsdóttir, umsjónarkennari.

13.Egill P. Egilsson, fjölmiðlafræðingur og leiðbeinandi.

14. Helga Gunnarsdóttir, stuðningsfulltrúi.

15. Sigurður Jóhann Freygarðsson, bóndi og málarameistari.

16. Berglind Júlíusdóttir, kennsluráðgjafi og talmeinafræðingur. 

18. Gunnar Valdimarsson, heiðursfélagi.

Samfylkingin kynnti framboðslista sinn fyrir komandi sveitarstjórnarkosningar í Norðurþingi á félagsfundi sínum á laugardeginum 14. mars.

Framboðslisti Samfylkingarinnar í Norðurþingi

Reykjavíkurþing Samfylkingarinnar 2026 verður haldið laugardaginn 28. mars kl. 10:00. Á þinginu gefst gestum tækifæri til að hafa áhrif á stefnu Samfylkingarinnar fyrir borgarstjórnarkosningarnar í vor.

Reykjavíkurþingið verður haldið í Hinu húsinu, Rafstöðvarvegi 7-9, 110 Reykjavík og hefst kl. 10:00 og stendur til kl. 13:00. Boðið verður upp á kaffi og kleinur.

Samfylkingarfólk er hvatt til þess að fjölmenna á þingið, taka þátt í stefnumótuninni og eiga skemmtilega stund með jafnaðarmönnum í borginni. Þingið fer fram á með vinnustofusniði þar sem flokksfólk fær tækifæri til að koma hugmyndum sínum og skoðunum á framfæri og hafa þannig áhrif. Afurð vinnustofunnar verður notuð við gerð stefnu flokksins fyrir borgarstjórnarkosningar 2026.

Skráning hér: https://forms.gle/D2uVTbFVG9E1SrqX6

10:00 - Pétur Marteinsson, oddviti Samfylkingarinnar í Reykjavík setur fundinn
10:05 - Steinunn Gyðu- og Guðjónsdóttir kynnir uppsetningu vinnustofunnar
10:15 - Vinna í hópum hefst
12:30 - Kynning á niðurstöðum

Boðað er til félagsfundar Samfylkingarinnar í Garðabæ mánudaginn 16. mars kl. 17.30 í Sveinatungu, Garðatorgi 7.

Efni fundarins er afgreiðsla tillögu um framboðslista Samfylkingarinnar í Garðabæ fyrir sveitarstjórnarkosningarnar þann 16.maí nk.

Hvetjum ykkur til að mæta, hitta frambjóðendur og fá ykkur léttan kvöldverð með okkur.

Félagsfundur - kynning á framboðslista í Garðabæ

Verkalýðsmálráð Samfylkingarinnar býður öll velkomin á málstofu laugardagsmorguninn 21. mars kl. 10:00 í húsnæði BSRB við Grettisgötu.

Frummælendur eru Logi Einarsson menningar- nýsköpunar og háskólamálaráðherra, Finnbjörn Hermannsson forseti ASÍ og Sonja Þorbergsdóttir formaður BSRB.

Flokksstjórnarfundur Samfylkingarinnar er sama dag í Austurbæjarbíó og opnar húsið kl. 11 og fundur settur kl. 11:30.
Viðburður: https://www.facebook.com/events/1841760466489057/

Málstofa: Hver er stefna ríkisstjórnarinnar í atvinnumálum?

Flokksstjórnarfundur verður haldinn í Austurbæjarbíó, Snorrabraut 37 - 105 Reykjavík, þann 21. mars.

Yfirskrift fundarins er Velkomin í Samfylkinguna. Á fundinum ætlum við að koma saman og kynnast hvert öðru. Nú setjum við okkur í stellingar fyrir skemmtilega og öfluga kosningabaráttu sem við ætum að sigra. 

Í lok fundar verður boðið upp á pizzur og við gerum okkur glaðan dag saman.
Í Austurbæjarbíói eru píluspjöld og karokeherbergi og því er tilvalið fyrir gesti að bóka slíkt eftir fund. 

Dagskrá:
11:00 Húsið opnar
11:30 Fundur settur
11:35 Ræða formanns - hlekkur á streymi: https://www.youtube.com/live/rrQutmq52DA
12:10 Daglega lífið
12:40 Samtal við salinn – Þingmenn svara spurningum
13:30 Kaffihlé
14:15 Samfylking í stórsókn – rætt við frambjóðendur um kjarnamálin
16:00 Almennar umræður 
16:40 Fundi slitið 

Við hvetjum ykkur til að taka daginn frá og mæta til leiks.

Drög að stjórnmálaályktun flokksstjórnarfundarins má finna hér. 

Fundarsköp má finnar hér: https://xs.is/fundarskop-flokkstjornar

Skráning á fundinn: https://forms.gle/2cVVaJuxMkJhgXL77

Ein tillaga liggur fyrir fundinum og má nálgast þær með því að smella á þær hér fyrir neðan.

Tillaga um sátta- og trúnaðarnefnd frá Sigfúsi Ómari Höskuldssyni og Viðari Eggertssyni

Hægt að bóka gistingu með 25% afslætti af netverði, kóðinn sjálfur er Samfylkingin og er bókanlegur í gegnum þennan hlekk: https://www.centerhotels.com/is/online-booking?propertyId=26688&lang=is&promocode=Samfylkingin&checkin=2026-03-20&checkout=2026-03-22 

Flokksstjórnarfundur fer fram laugardaginn 21. mars í Austurbæjarbíó við Snorrabraut 37, 105 Reykjavík. 

Velkomin í Samfylkinguna - flokksstjórnarfundur í Reykjavík 

Spjallkaffi 60+ verður á sínum stað miðvikudaginn 11. mars kl. 10:00 - 12:00 í sal Samfylkingarinnar, Hallveigarstíg 1, 101 Reykjavík.

Gestur fundarins er Pétur Marteinsson oddviti framboðslista Samfylkingarinnar í Reykjavík.

Leit um „��"

2966 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

2966 niðurstöður fundust við leit að „���������������������������"