Bæjarmálin og landsmálin í laugardagskaffi febrúarmánaðar þann 1. febrúar í Þverholti 3. Ný tímasetning kl. 10 - 12.

Anna Sigríður Guðnadóttir bæjarfulltrúi ræðir helstu viðfangsefni á vettvangi bæjarráðs og bæjarstjórnar kl. 10-11.

Þingmaður kjördæmisins Guðmundur Ari Sigurjónsson, formaður þingflokks Samfylkingarinnar, fer yfir málin við upphaf nýs kjörtímabils  kl. 11-12.

Öll velkomin í gott spjall, kaffi og með því.

Áætlunin byggir á stefnu borgarinnar í málaflokknum. Síðustu ár hefur orðið gjörbylting í þjónustu við heimilislaust fólk sem nú er veitt á grundvelli skaðaminnkandi hugmyndafræði og batamiðaðri valdeflandi þjónustu. Húsnæði fyrst hefur reynst vel og við höfum fjölgað þeim rýmum sem og smáhýsum, nýju neyðarhúsnæði og áfangaheimili fyrir konur, svo fátt eitt sé nefnt. Neyslurými var opnað í samstarfi við Heilbrigðisráðuneytið og heimilislaust fólk hefur nú aðgang að heimahjúkrun sem var gríðarlega stórt skref.

Enn er þó mikið verk að vinna, eins og ný aðgerðaáætlun ber með sér. Við höfum fjölgað búsetukostum fyrir heimilislaust folk um 80 frá 2019 og ætlum að fjölga um 106 nýjar húsnæðiseiningar fyrir árið 2027, sem munu auka heildarfjölda rýma í 293. Gistiskýlin verða endurskipulögð og stöðugildum í Vettvangs- og ráðgjafarteymi Reykjavíkurborgar, sem veitir þjónustu á vettvangi verður fjölgað og þjónustan veitt allan sólarhringinn.

Heimilislausar konur og jaðarsettir hópar

Aukin áhersla er á þjónustu við konur og einstaklinga af erlendum uppruna og áfram verður haldið að efla þjónustu sem og því verkefni að þrepaskipta þjónustunni, þannig að eitt úrræði taki við af öðru eftir þörfum hvers og eins. Við ætlum að opna nýtt Konukot en leit að hentugu húsnæði hefur staðið yfir árum saman þrátt fyrir að öllum sé ljóst að þörfin er brýn. Á grundvelli fyrri aðgerðaráætlunar skilaði starfshópur tillögum um hvernig hægt væri að koma í veg fyrir heimilisleysi ungmenna m.a. með gagnreyndum aðferðum og vinna er hafin við að tímasetja- og kostnaðarmeta þær tillögur.

Heimilislausir einstaklingar með miklar og flóknar þjónustuþarfir eru mun líklegri en aðrir einstaklingar til að glíma við geðrænar áskoranir, líkamleg veikindi, vímuefnavanda og þunga áfallasögu. Þá eru þessir einstaklingar líklegri til að eiga mál innan réttarvörslukerfisins og ljóst er að til að árangur náist kallar það á samþættingu mismunandi þjónustukerfa, þ.e. heilbrigðis,- réttar,- og félagslega kerfisins. Hingað til hefur Reykjavíkurborg borið hitann og þungann af þjónustunni en nú er kominn tími til að ríkið móti stefnu í málaflokknum og að önnur sveitarfélög setji sér stefnu og viðbragðsáætlanir. Um þriðjungur þeirra sem fá þjónustu í Reykjavík eru ekki íbúar sveitarfélagsins og eru því í áhættu á að festast í þeirri aðstöðu að leita til gistiskýla í borgarinnar í stað þess að fá úrræði sem mæta þeirra þörfum í sinni heimabyggð. Í Reykjavík hefur byggst upp mikil þekking á málaflokknum og við köllum eftir auknu samstarfi þvert á sveitarfélög og þvert á kerfi, til að geta veitt viðeigandi þjónustu til hvers og eins einstaklings.

Greinin birtist á visi.is 22. janúar 2025

Borgarstjórn Reykjavíkur hefur samþykkt endurskoðaða aðgerðaáætlun í málefnum heimilislausra, sem gildir til ársins 2027.

Margbreytileg litasamsetning miðsvetrarbirtunnar dregur mörg út undir bert loft til að njóta súrefnis, hreyfingar og næra sálina í skammdeginu. Útilífsborgin Reykjavík er sannarlega fjölbreytt en markmið og hlutverk hennar er meðal annars að stuðla að aukinni þátttöku borgarbúa í almennri útiveru, hreyfingu og stuðla þannig að bættri lýðheilsu. Leitast er við að koma til móts við mismunandi áhugasvið fólks tengt útilífi til dæmis með því að bæta þjónustu og skapa aðstöðu til þess í borginni samhliða að styðja við aðila og félög sem vinna með útivist í sínu starfi þannig að hægt sé skapa vettvang til að auka gæði og framboð útivistar fyrir sem flesta hópa. Svara kalli íbúa.

Austur­heiðar – hin nýja Heið­mörk Reyk­víkinga

Eitt af kosningaloforðum Samfylkingarinnar fyrir kosningarnar 2022 var einmitt að efla Austurheiðar með markvissari hætti sem bæði fjölbreytt og aðgengilegt útivistarsvæði fyrir borgarbúa. Skapa umgjörð fyrir fólk á öllum aldri með ólík áhugamál til að njóta og nota útivistar og náttúrulegs umhverfis við borgarmörkin. En hvað eru Austurheiðar? Fyrir þau sem ekki þekkja til eru Austurheiðar víðáttumikið heiðaland sem nær yfir Hólmsheiði, Grafarheiði og Reynisvatnsheiði. Innan svæðisins eru Rauðavatn og Reynisvatn ásamt þeim hluta Langavatns sem er innan sveitarfélagsmarka Reykjavíkur. Heiðin er mikið til skógi vaxin og lúpínubreiður þekja stóran hluta svæðisins en svæðið nýtist hópum eins og hestafólki, fjallahjólreiðamönnum, fyrir göngu og utanvegahlaup og jafnvel vetraríþróttir eins og gönguskíði. Þannig eru Austurheiðar hin nýja Heiðmörk Reykvíkinga - útivistarsvæði til að njóta náttúru, heilbrigðs lífsstíls og útiveru allt árið um kring. 

Loksins gönguskíðaspor í Austurheiðum

Lýðheilsustefna Reykjavíkurborgar og stefna í Íþróttamálum til 2030 eru mikilvægir leiðarvísar fyrir að skapa heilsueflandi og öruggt samfélag þar sem fólk á öllum æviskeiðum hefur jöfn tækifæri til að hlúa að andlegri, líkamlegri og félagslegri heilsu. Sporið og Útilífsborgin gerðu með sér samning síðasta haust, um að efla tækifæri borgarbúa til að stunda skíðagöngu í borgarlandinu og um leið hana gera aðgengilegri fyrir öll, líka þau sem aldrei hafa stigið á gönguskíði. Samið var um að Sporið muni í vetur annast lagningu og viðhald skíðagönguspora, leggja janvel tvöfalt gönguskíðaspor þar sem því verður við komið. Í veðurfari síðustu vikna hafa skapast aðstæður til að leggja gönguskíðaspor á Rauðavatni, Hólmsheiði og Langavatni en tekist hefur að tengja svæðin saman í spori sem gerir lengsta hring allt að 15 km langan. Þúsundir borgarbúa hafa nýtt sér gönguskíðasporin til hreyfingar og útiveru síðustu misserin, mörg prófað að stíga á gönguskíði í fyrsta sinn því Sporið hefur verið að bjóða upp á leigu á gönguskíðabúnaði og námskeið fyrir þau sem þurfa við Rauðavatn. 

Lífsgæðaborgin fyrir öll - allt árið um kring.

Það eru mikil lífsgæði fólgin í því að geta stundað fjölbreytta útivist eftir árstíðum og hefur meirihlutinn í borginni, fyrir tilstuðlan Samfylkingarinnar, lagt mikið upp úr því að skapa umgjörð þannig að íbúar geti sinnt og nært líkamlega, andlega og félagslega heilsu allt árið um kring. Mikil tækifæri felast í áframhaldandi þróunar til útivistar á Rauðavatni og Hólmsheiði en svæðið tengist inn á Græna trefillinn sem er heiti yfir skógræktar- og útivistarsvæði við útmörk sveitarfélaganna sjö á höfuðborgarsvæðinu en sjálfbær ferðaþjónusta er framtíðin og er efni í aðra grein. 

Fyrir þau sem hafa ekki komið að Rauðavatni, gengið hringinn í kringum vatnið á upplýstum stíg, jafnvel tekið aukahring inn á stígakerfi Hólmsheiðar eða stoppað við áningu með kakóbolla með fjallasýn Bláfjalla fyrir augum vil ég segja: Velkomin í Austurborgina - Velkomin að upplifa dásemdir Austurheiða. Velkomin í Útilífsborgina Reykjavík. Komdu út að Vetrar-leika í svartasta skammdeginu, taka inn bleikrauða liti miðsvetrarbirtunnar, til að ganga, til að hlaupa, til að hjóla, til að skíða, til að viðra hundinn, til að taka skautasnúning á skautasvelli eða eiga trúnó með vinum. Sjáumst á Austurheiðum.

Höfundur er varaborgarfulltrúi Samfylkingarinnar, íbúi í austurborginni og elskar miðsvetrarbirtuna.

Í froststillu síðustu vikna hefur Reykjavíkurborg og umhverfi hennar skartað sínu allra fegursta. 

Komdu út að „Vetrar-leika“ í Austurheiðum Reykjavíkur

Samfylkingin í Garðabæ boðar til félagsfundar mánudaginn 17. mars kl. 19:30 í Sveinatungu, Garðatorgi 7.

1. Kosning fulltrúar félagsins á landsfund Samfylkingarinnar 11.-12. apríl nk. 

2. Fjármál Garðabæjar, 1. fundurinn í fundaröð um málefni bæjarins. Frummælandi: Gunnar Alexander Ólafsson, hagfræðingur.

Aðalfundur Alþýðuflokksfélags Reykjavíkur verður haldinn fimmtudaginn 20. mars kl. 16:30 Í Kastalakaffi (Hjálpræðisherinn) Suðurlandsbraut 72.

Kosning fulltrúa á landsfund Samfylkingarinnar

Samstarf við önnur félög í Reykjavík

Aðalfundur Alþýðuflokksfélags Reykjavíkur

Verkalýðsmálaráð boðar til opins fundar um kjaramál.  Fimmtudaginn 13. mars, kl. 17:00, að Hallveigarstíg 1, Reykjavík.

·        Fjölnir Sæmundsson, varaformaður BSRB

·        Sólveig Anna Jónsdóttir, formaður Eflingar

·        Þórunn Sveinbjarnardóttir, forseti Alþingis

Fundarstj. Gylfi Þór Gíslason, form. Verkalýðsmálaráðs Samfylkingarinnar

Ætlar ríkisstjórnin að verja réttindi launafólks?

Í þetta sinn var þingflokknum skipt upp í hópa sem heimsóttu mismunandi kjördæmi, þar sem viðtökurnar voru afar góðar og samtölin gagnleg. Við fórum

Áhersla var lögð á að funda með sveitarfélögum, fyrirtækjum, félagasamtökum og fólki til að hlusta á þeirra sjónarmið og ræða leiðir til að styrkja innviði og bæta lífskjör um allt land.

Á mánudaginn byrjuðum við á heimsókn til Sigurhæða, þar sem unnið er mikilvægt og viðkvæmt starf í þágu þolenda kynbundins ofbeldis. Það var fróðlegt að fá innsýn í þá þjónustu sem veitt er, en markmið samtakanna er að veita stuðning og úrræði fyrir þá sem hafa orðið fyrir ofbeldi.

Næst var það Heilbrigðisstofnun Suðurlands, þar sem þingmenn og heilbrigðisráðherra ræddu við starfsfólk um stöðu heilbrigðismála á svæðinu. Einnig var haldinn góður opinn stjórnmálafundur á Selfossi þar sem fjórir þingmenn okkar, þeirra á meðal Alma heilbrigðisráðherra, svöruðu spurningum fundargesta.

Á þriðjudag heimsótti hópur þingmanna okkar svo starfsstöð Lands og skógar í Gunnarsholti og komið var við á formlegri opnun nýrrar lögreglustöðvar á Vík í Mýrdal. Aðstaðan sem komin er þar byltir starfsumhverfi lögreglu á svæðinu.

Á Hvolsvelli tók umhverfis-, orku- og loftlagsráðherra þátt í opnun nýrra höfuðstöðva Náttúruverndarstofnunar á miðvikudag. Við erum spennt að sjá stofnunina vaxa og styrkja störf sín á sviði verndar lífríkis og náttúruauðlinda Íslands.

Það var líka á dagskrá að sigla til Vestmannaeyja og funda með bæjarstjórninni og fulltrúum atvinnulífs en það gekk því miður ekki upp. Þingmenn okkar bíða spenntir eftir að komast til Eyja við tækifæri.

Á miðvikudaginn heimsóttum við líftæknifyrirtækisins Algalíf, sem framleiðir astaxanthíni úr örþörungum. Þetta fyrirtæki er dæmi um vel heppnað nýsköpunarframtak, sem býr til verðmæti úr náttúrulegum auðlindum.

Næst var haldið á Ásbrú, þar sem Landhelgisgæslan var heimsótt. Þar var fjallað um öryggismál, mikilvægi Gæslunnar í íslenskri samfélagsgerð og þær áskoranir sem hún stendur frammi fyrir. Starf Landhelgisgæslunnar er gríðarlega mikilvægt fyrir landið, ekki bara þegar kemur að björgun og öryggismálum heldur einnig varðandi eftirlit með auðlindum og verndun hafsvæða okkar.

Eftir heimsóknina á Ásbrú var farið til Heilbrigðisstofnunar Suðurnesja. Þar var rætt um stöðu heilbrigðisþjónustunnar í kjördæminu.

Deginum lauk með opnum fundi í Reykjanesbæ, þar sem þingmenn og heilbrigðisráðherra funduðu ásamt Samfylkingarfélaginu í Reykjanesbæ. Fundurinn var líflegur og gaf okkar fólki góða innsýn í hvað brennur á íbúum svæðisins.

Í raun má segja að við höfum þjófstartað kjördæmavikunni í Norðvesturkjördæmi, en Kristrún Frostadóttir forsætisráðherra hélt opinn fund í Borgarnesi fimmtudagskvöldið 20. febrúar. Fundurinn var vel sóttur og mjög góður.

Hópur þingmanna okkar gerði svo víðreist um kjördæmið í síðustu viku. Við hófum þriggja daga ferð með notalegu kaffispjalli á Akranesi. Í framhaldinu var fundað með sveitarstjórnum á Vesturlandi þar sem helstu málefni svæðisins voru til umræðu, eins og innviðauppbygging, samgöngur og atvinnumál.

Þaðan var ekið á Ísafjörð og staða vegamála í kjördæminu tekin út um leið. Á Ísafirði tók við þéttur dagur. Þar var farið í heimsókn til Kerecis og fengu þingmenn okkar kynningu á þeirri mögnuðu starfsemi. Við heimsóttum líka rækjuvinnsluna Kampa, sem er stór atvinnuveitandi á svæðinu og leggur mikla áherslu á sjálfbærni í sjávarútvegi. Menntaskólinn á Ísafirði var næstur á dagskrá, þar sem við fengum að heyra frá bæði kennurum og nemendum um stöðu skólamála á svæðinu.

Við enduðum Ísafjarðardaginn á heimsókn í Heilbrigðisstofnun Vestfjarða, þar sem við ræddum við starfsfólk um helstu áskoranir í heilbrigðiskerfinu og þörfina fyrir aukinn stuðning við heilbrigðisþjónustu á landsbyggðinni.

Að heimsókninni á Ísafirði lokinni var ferðinni haldið yfir á Hvammstanga og Blönduós. Þar voru haldnir fundir með sveitarstjórnum, auk þess sem heimsóknir voru farnar í fyrirtæki á svæðinu, til dæmis prjónaverksmiðjuna KIDKA.

Í raun má segja að við höfum einnig tekið forskot á kjördæmavikuna í Norðausturkjördæmi, en okkar fólk stóð fyrir góðum opnum fundi á Akureyri 20. febrúar, auk þess sem heilbrigðisráðherra heimsótti Sjúkrahúsið á Akureyri í sömu ferð norður.

Okkar fólk fór svo um Austurland á fimmtudag. Dagskráin var fjölbreytt og við fengum tækifæri til að hitta fólk, fyrirtæki og stofnanir sem leggja sitt af mörkum til samfélagsins.

Ferðin hófst á Reyðarfirði þar sem þingmenn ásamt ráðherra voru viðstaddir opnun Píeta samtakanna á svæðinu. Píeta samtökin sinna afar mikilvægri þjónustu við fólk í sjálfsvígshættu og aðstandendur þeirra. Aðgengi að slíkri þjónustu utan höfuðborgarsvæðisins skiptir sköpum og við fengum innsýn í mikilvægi starfseminnar og þá áskorun sem snýr að geðheilbrigðismálum á svæðinu.

Við heimsóttum fyrirtæki og stofnanir á Eskifirði, Neskaupsstað, Reyðarfirði og Egilsstöðum, þar sem við ræddum við stjórnendur og starfsfólk um tækifæri til vaxtar, nýsköpunar og atvinnuuppbyggingar á Austurlandi.

Fimmtudagurinn endaði svo með opnum fundi sem haldinn var á Eskifirði og var vel sóttur. Þar áttu þingmenn og menningar, nýsköpunar- og háskólaráðherra gott samtal við íbúa um áskoranir og framtíðarsýn svæðisins.

Reykjavík á það til að gleymast í kjördæmaviku en ekki í þetta sinn. Farið var á ráðstefnur, fundað með félagasamtökum og ýmis fyrirtæki og stofnanir heimsóttar. Allir þingmenn funduðu eitthvað í Reykjavík í kjördæmaviku.

Stór opinn sameiginlegur fundur með öllum aðildarfélögum Samfylkingarinnar í Reykjavík var haldinn í Kastalakaffi og gekk mjög vel en slíkur fundur hefur ekki verið haldinn áður.

Kjördæmavikan var dýrmætur tími fyrir þingmenn Samfylkingarinnar til að hlusta, læra og taka þátt í samtali um framtíð Íslands. Flokkurinn leggur áherslu á að vinna náið með fólkinu í landinu og byggja upp stefnu sem endurspeglar raunverulegar þarfir og vonir landsmanna.

Takk fyrir hlýjar móttökur og málefnaleg samtöl.

Í síðustu viku var kjördæmavika en þá eru gerð hlé á hefðbundnum þingstörfum og þingmenn hvattir til að sinna kjördæmunum.

Kjördæmavikan - samtal við fólkið í landinu

Bæjarmálafundur Samfylkingarinnar á Akranesi verður haldinn sunnudaginn 9. mars kl. 20:00 í húsnæði félagsins, Stillholti 16-18.   

Verið öll hjartanlega velkomin!

Einnig vekjum við athygli á að landsfundur Samfylkingarinnar verður haldinn 11. - 12. apríl í Grafvogi í Reykjavík. Skráning fulltrúa er nú í fullum gangi og við hvetjum félaga á okkar að skrá sig til leiks og taka þátt á landsfundi. 

Skráning félaga á Akranesi: https://forms.gle/jrPcoLkEPBsnxiZMA

Spjallkaffi Samfylkingarinnar í Reykjavík 60+ verður á sínum stað miðvikudaginn 12. mars kl. 10:00 - 12:00 í sal Samfylkingarinnar, Hallveigarstíg 1, 101 Reykjavík.

Gestur okkar verður Sabine Leskopf, borgarfulltrúi.

Það verður heitt á könnunni og eitthvað með því.

Verið öll velkomin!

Framhaldsaðalfundur Samfylkingarinnar í Árborg og nágrenni er boðaður laugardag 15. mars í sal Rauða krossins að Eyravegi 23 á Selfossi og hefst kl. 10:30.
 
Venjuleg aðalfundarstörf með lagabreytingu og stjórnarkjöri
Kosning fulltrúa á landsfund Samfylkingarinnar, sem haldinn verður 11.-12. apríl.
 
Félagsfólk er hvatt til að mæta á fundinn og taka virkan þátt í starfi Samfylkingarinnar.

Framhaldsaðalfundur í Árborg og nágrenni

Leit um „��“

2827 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2827 niðurstöður fundust við leit að „���������������������������“