Um er að ræða eins kílómetra kafla á Sæbrautinni sem verður settur í stokk frá Miklubraut og norður fyrir gatnamót Kleppsmýrarvegar og Skeiðarvogs.

Verkefnið er hluti af samkomulagi í samgöngusáttmálanum og er lykilverkefni í samgöngum borgarinnar og forsenda fyrir bættu umferðarflæði, aukinni afkastagetu og tengingu við fyrirhugaða Sundabraut. Á yfirborði stokksins verður grænn hverfisgarður sem bindur saman Vogahverfi og Vogabyggð.

Þetta verkefni er eitt af þeim gríðarlegu samgöngubótum sem eru á áætlun í samgöngusáttmálanum. Það eru sex stórar stofnvegaframkvæmdir fyrirhugaðar, meðal annars Miklubrautargöng og mislæg gatnamót Bústaðavegar og Reykjanesbrautar.

Það var skrifað undir endurskoðaðan samgöngusáttmála haustið 2024, en það tók rúm tvö ár eftir sveitarstjórnarkosningarnar vorið 2022, að ná samkomulagi um nýja forgangsröðun framkvæmda. Á meðan að ekki tókst að ljúka endurskoðun sáttmálans, biðu stór verkefni enda óvissa um samninginn.

Það veldur mér því miklum vonbrigðum að heyra fulltrúa þeirra sömu flokka og stóðu að samkomulaginu haustið 2024 tala um að nú þurfi að endurskoða sáttmálann frá grunni. Tveimur árum síðar!

Eigum við þá að setja Sæbrautarstokkinn í biðstöðu núna og leyfa borgar- og bæjarstjórnum að bítast um forgangsröðunina á ný? Eða eigum við að trúa því að hin sveitarfélögin á höfuðborgarsvæðinu kinki bara kolli og séu tilbúin að setja sín verkefni aftar í forgangsröðunina? Samgöngukerfið tengist allt, og breyting á einum stað, hefur áhrif á þann næsta.

Það að ætla endurskoða sáttmálann eftir hverjar sveitarstjórnarkosningar, allt eftir því hvernig vindar blása mun þýða endalausar tafir og samningaviðræður. Undirbúningur og hönnun samgöngumannvirkja er kostnaðarsöm og tímafrek vinna sem kallar á langtímasýn og ákveðna stjórnfestu.

Samfylkingin vill standa vörð um samgöngusáttmálann og taka ábyrgð á þeim ákvörðunum sem hafa verið teknar, með framtíðarsýn í samgöngumálum á höfuðborgarsvæðinu að leiðarljósi. Við höfum jafnframt sagt að við viljum auka samráð og samtal við hagsmunaaðila á framkvæmdatíma en stóra myndin haldist óbreytt.

Er Sjálfstæðisflokkurinn virkilega tilbúinn að setja Sæbrautarstokkinn á ís á meðan að samgöngusáttmálinn fer í enn eina nefndina næsta hálfa kjörtímabilið?

Það er að minnsta kosti ekkert Strax í þeim pakka.

Höfundur er frambjóðandi í 7. sæti Samfylkingar til borgarstjórnarkosninganna í vor.

Nýtt deiliskipulag fyrir Sæbrautarstokk er á leið í auglýsingu eftir samþykkt borgarráðs í vikunni. 

Við viljum ekki Sæbrautarstokk í nýja nefnd

Frambjóðendur Samfylkingarinnar í Norðurþingi verða með opinn framboðsfund í Skerjakollu á Kópaskeri. Frábært tækifæri fyrir íbúa sveitarfélagsins til að koma og kynna sér málin fyrir komandi kosningar.

Bæjarfulltrúi

1. Stefán Þór Eysteinsson

2. Hjördís Helga Seljan

Stjórnmálafræðingur

3. Valborg Ösp Árnadóttir Warén

Vélfræðingur

4. Adam Ingi Guðlaugsson

Aðstoðarskólastjóri

5. Arndís Bára Pétursdóttir

Kjarasérfræðingur

6. Ásdís Helga Jóhannsdóttir

Varaformaður AFLs

7. Birkir Snær Guðjónsson,

Hönnuður

8. Esther Ösp Gunnarsdóttir

Leiðbeinandi

9. Aðalbjörg Eva Sigurðardóttir

Bifvélavirki

10. Jaroslaw Grzegorz Zajaczkowski

Íþróttakennari

11. Salóme Rut Harðardóttir

Kennari

12. Joanna Katarzyna Mrowiec

Bóndi

13. Oddur Sigurðsson

Sagnfræðingur

14. Sveinn Fannar Sæmundsson

Öryrki og verslunareigandi

15. Anna Sigrún Jóhönnudóttir

Félagsliði

16. Kristrún Antonsdóttir

Fyrrv. bæjarverkstjóri

17. Benedikt Sigurjónsson

Eldri borgari

18. Björn Hafþór Guðmundsson

Kosningastefna Samfylkingarinnar og félaga í Ölfusi 2026 - 2030

Við ætlum ekki að þrengja að hafnarsvæðinu með íbúabyggð. Skipulagsmál eiga að snúast um að auka lífsgæði íbúa og stuðla að fjölbreyttu atvinnulífi.

Við ætlum að tryggja öryggi eldri borgara með bakvakt og efla félagsstarf þeirra með stuðningi sveitarfélagsins.

Við ætlum að efla íbúalýðræði og virkja raddir allra íbúa.

Við ætlum að stórefla frístundastarf og félagsmiðstöð og styðja betur við velferð ungs fólks.

Við ætlum að byggja fjölnota íþróttahús.

Eldra fólk lifir virku og öruggu lífi í Ölfusi

Tryggjum aukið öryggi eldra fólks í Ölfusi með bakvakt og aukinni viðveru á Níunni, ásamt því að halda húsakynnum hennar opnum og aðgengilegum fyrir íbúa Níunnar og aðra eldri borgara.

Byggjum við sal Níunnar sem er orðinn of lítill.

Tryggjum eldra fólki og fjölskyldum örugga handleiðslu á efri árum með því að bjóða samfellda þjónustu með samþættingu heimaþjónustu, heimahjúkrunar og öldrunarráðgjafar sem byggir á þörfum hvers og eins, þar með talið þörf  fyrir heimilishjálp, félagsstarf, heilsueflingu, dagdvöl, iðju- og sjúkraþjálfun.

Eflum félagsstarf eldra fólks með stuðningi sveitarfélagsins.   

Nýtum þjóðarátak ríkisstjórnarinnar í uppbyggingu hjúkrunarrýma og tryggjum að hjúkrunarheimili rísi í Þorlákshöfn, með markvissri hagsmunagæslu og góðri samvinnu við ríki, nágrannasveitarfélög og aðra sem að málinu koma.

Mótum heildræna stefnu í málefnum eldra fólks í samvinnu við þau og aðra hagsmunaaðila.    

Tryggjum gjaldfrjálsan aðgang eldra fólks að sundi og rækt og áframhaldandi framboði á styrktarþjálfun.

Fjölbreytt og réttlátt samfélag fyrir alla íbúa

Virkjum lögbundið notendaráð, samráðshóps fatlaðs fólk. Ekkert um okkur án okkar.

Eflum stoðþjónustu við börn og fullorðna innan og utan stofnana sveitarfélagsins.

Bætum og eflum aðstöðu sértæks stuðnings í Grunnskólanum (Bjarg námsver).

Förum í heildstæða stefnumótun í samvinnu við hagsmunaaðila og fylgjum eftir lögfestingu samnings Sameinuðu þjóðanna um réttindi fatlaðs fólks með áherslu á búsetufrelsi fatlaðs fólks.

Greinum og bætum aðgengi í stofnunum sveitarfélagsins og aðgengi að upplýsingum, til dæmis á heimasíðu sveitarfélagsins.

Eflum enn frekar tækifæri þegar kemur að vinnu, virkni og hæfingu í samstarfi við Viss.

Höfum frítt í sund fyrir öryrkja og fólk á endurhæfingarlífeyri ásamt aðgangi að líkamsrækt utan annatíma.

Skólar og félagsstarf barna okkar skipta öllu máli

Setjum frístundir og félagsstarf barna og ungmenna í forgang, með fjölbreyttu framboði fyrir öll og tryggjum sértækt frístunda- og íþróttastarf fyrir fötluð börn og ungmenni.

Stöndum vörð um öflugt, faglegt og framsækið skólastarf líkt og verið hefur í sveitarfélaginu um áratugaskeið. Skólar barna okkar skipta öllu máli, því þar þarf öllum að líða vel.

Höldum áfram með áform um viðbyggingu við Grunnskólann í Þorlákshöfn 

Styðjum á ný við leikskólakennaranám starfsfólks leikskóla til að að tryggja að nægilega margt fagfólk starfi við leikskólana og bregðumst þannig markvisst við manneklu í leikskólum.

Vinnum með ríkinu að tryggri fjármögnun leikskólastigsins og lögfestingu á rétti barna til leikskólavistar, með það að markmiði að brúa bilið milli fæðingarorlofs og leikskóla.

Tryggjum að hönnun, umhverfi og verklag í leikskólum styðji við öryggi barna og faglegt öryggi starfsfólks, með skýrum verkferlum og fræðslu fyrir börn, foreldra og starfsfólk.

Auðveldum börnum í leikskólanum Hraunheimum að ferðast um umhverfi sitt með kaupum á rafmagnsburðarhjóli.

Fjölgum tækifærum fyrir ungmenni með fjölbreyttari sumarstörfum, sérstökum stuðningi við afreksfólk í íþróttum og listum og samstarfi við atvinnulífið.

Gefum ungmennum raunverulega rödd í sveitarfélaginu og byggjum sveitarfélagið upp sem barnvænt samfélag UNICEF sem stendur vörð um velferð allra en innleiðingu á verkefninu ,,Barnvænt sveitarfélag” er ekki lokið. Við horfum líka til verkefnisins Börnin okkar í Mosfellsbæ sem eflir for­varnir, snemm­tæka íhlut­un­ og styrk­ing­u barna­-vernd­ar­starfs.

Leitum eftir samstarfi um lágþröskuldaþjónustu fyrir ungt fólk við aðila eins og Bergið Headspace því ekkert ungmenni á að upplifa að það fái ekki stuðning þegar þörf er á.  Bergið headspace er ráðgjafa- og stuðningsúrræði fyrir ungt fólk sem þar getur fengið ókeypis trúnaðarsamtal og aðstoð við andlegri vanlíðan og áskorunum í lífinu.

2.  Skipulag á forsendum lífsgæða, fjölbreytts atvinnulífs og öflugrar hagsmunagæslu

Byggjum ákvarðanir á skýrri framtíðarsýn

Hættum við áform um íbúðauppbyggingu í nánd við hafnarsvæðið þannig að framtíðarmöguleikar hafnarinnar og atvinnulífsins við hana verði ekki skertir.

Skipulagsmál taki mið af lífsgæðum íbúa og náttúrugæðum.

Tryggjum hóflega og fjölbreytta uppbyggingu íbúðarhúsnæðis sem styður við félagslega blöndun, gott jafnvægi í íbúasamsetningu og hverfi sem dafna til lengri tíma. Þannig er hægt að byggja upp innviði og þjónustu samhliða fjölgun íbúa.

Setjum endurbætur á innviðum í gamla hverfinu í forgang, meðal annars á  fráveitu og gangstéttum.

Vinnum með íbúum í dreifbýli með ráðgjöf, samræmingu og samstarfi þegar kemur að uppbyggingu nauðsynlegra innviða, svo sem vatns- og fráveitu og höfum í huga leiðbeiningarskyldu og jafnræðisreglu stjórnsýslulaga.

Byggjum upp fleiri íbúðir í samstarfi við Bjarg íbúðafélag sem tryggir tekjulágum einstaklingum og fjölskyldum á vinnumarkaði, sem eru fullgildir félagsmenn aðildarfélaga ASÍ eða BSRB, aðgengi að öruggu íbúðarhúsnæði í langtímaleigu.

Byggjum upp bæði öflugt og fjölbreytt atvinnulíf

Endurvinnum atvinnustefnu sveitarfélagsins með auknu samráði við atvinnulíf og íbúa með skýrri aðgerðaráætlun og mælanlegum markmiðum.

Lækkum fasteignaskattsálagningu á atvinnuhúsnæði með því að nýta það svigrúm sem skapast þegar Alþingi samþykkir lög um að útbúa sérstakan flokk fasteignagjalda fyrir orkumannvirki og afnemum allar undanþágur frá fasteignaskatti á þann flokk.

Sækjum markvisst fram í að fjölga atvinnutækifærum, styrkjum höfnina og byggjum upp fjölbreyttara atvinnulíf.

Höldum áfram að byggja upp Ölfus Cluster sem drifkraft nýsköpunar, sprotastarfs og þekkingarmiðlunar.

Styrkjum samstarf við nærliggjandi sveitarfélög og lykilaðila á Suðurlandi til að nýta betur sameiginleg tækifæri í nýsköpun, atvinnuþróun og uppbyggingu.

Vinnum í góðu og árangursríku samstarfi við ríkið að framgangi mikilvægra mála fyrir sveitarfélagið, svo sem samgöngumála, bættri vetrarþjónustu og byggingu hjúkrunarheimilis.

3. Lifandi samfélag og aukin lífsgæði

Íþróttahúsið, þar sem hjartað slær

Byggjum fjölnota íþróttahús í Þorlákshöfn sem nýtist fjölbreyttri starfsemi og samfélaginu í heild.

Höldum áfram að styðja við öflugt íþrótta- og æskulýðsstarf í sveitarfélaginu.

Setjum nýja vaðlaug á sundlaugarsvæðinu á áætlun, þar sem hafa mætti yfirsýn yfir rennibrautarlaugina.

Bókasafnið og Versalir verði hjarta samfélagsins, með öflugu og markvissu félagsstarfi í samstarfi við Félag eldri borgara, stofnanir, foreldra ungra barna, foreldrafélög og önnur félagasamtök í sveitarfélaginu. Mikilvægt er að auka mönnun til að efla starfsemina.

Mótum menningarsal í miðbæ Þorlákshafnar í nánu samstarfi við menningarlífið í Ölfusi.

Höfum frumkvæði að því, í samstarfi við aðra aðila, að tryggja aðgengi að hentugu húsnæði fyrir félagsstarf í dreifbýli Ölfuss.

Mótum bæjarhátíð dreifbýlisins í Ölfusi í nánu samstarfi við íbúa og fulltrúa þeirra, þar sem afurðir, handverk og menning svæðisins fær að njóta sín.

Jólaljós verði sett upp í þéttbýliskjörnum í dreifbýli til jafns við önnur svæði sveitarfélagsins.

Varðveitum og lyftum sögu Selvogs og annarra merkra staða í dreifbýli og Þorlákshöfn.

Tryggjum nýjum íbúum hlýjar móttökur, góða upplýsingagjöf og greiða leið inn í samfélagið.

Endurvekjum þorrablótið í íþróttahúsinu með stuðningi sveitarfélagsins.

Mörkum 10 ára stefnu í uppbyggingu á þéttu neti reiðstíga og reiðhjólastíga um sveitarfélagið með áherslu á dreifbýli í samvinnu við íbúa, íþróttafélög og hestamannafélög.

Tryggjum áframhaldandi uppbyggingu í Þorláksskógum og förum í átak í að rækta upp gróður í Þorlákshöfn.

Eflum útivistarsvæðið við Hafnarnesvita, t.d. með grillskýli og leikvelli sem býður upp á fjölbreyttan og skapandi leik.

Komum upp útisviði og grillhúsi í Skrúðgarðinum og nýtum þannig garðinn enn betur fyrir skemmtilega viðburði.

Bætum þjónustu í dreifbýli með aðgengilegum grenndargámum.

4. Fagleg stjórnsýsla og öflugt íbúalýðræði

Virkt samtal við íbúa og öflug upplýsingagjöf

Stóreflum notendasamráð og nefndakerfi sveitarfélagsins til að tryggja virkari þátttöku íbúa og sterkari raddir ólíkra hópa, með öflugra starfi öldungaráðs, notendaráðs félagsþjónustu og ungmennaráðs, stofnun fjölmenningarráðs og skýrri aðgerðaáætlun um úrbætur í þjónustu sveitarfélagsins þar sem við á.

Tökum upp heimastjórnir í stað dreifbýlisráðs, þar sem íbúar dreifbýlis kjósa tvo af þremur fulltrúum, til að tryggja sterkari rödd dreifbýlisins, reglulega umfjöllun og samráð um þeirra málefni og beina leið til að koma þeirra málefnum á dagskrá bæjarstjórnar.

Eflum samtal við íbúa með opnum fundum bæjarfulltrúa og reglulegum viðtalstímum.

Bætum upplýsingagjöf til bæjarbúa með tíðari fréttum á vefsíðu sveitarfélagsins, skýrari fundargerðum, streymum bæjarstjórnarfundum undantekningarlaust beint á netinu án skráningar og birtum dagbók bæjarstjóra vikulega á vef sveitarfélagsins

Komum á fót verkefninu „Betra Ölfus“, þar sem íbúar geta með beinum hætti sett fram hugmyndir, mótað forgangsröðun og haft áhrif á málefni sveitarfélagsins

Bætum aðgengi að upplýsingum og þjónustu fyrir íbúa með erlendan bakgrunn, út frá þeirra þörfum, í samráði við nýtt fjölmenningarráð.

Leiðbeinandi stjórnsýsla og eftirsóknarverður vinnustaður

Vinnum áfram að því að sveitarfélagið sé eftirsóknarverður vinnustaður þar sem hæft starfsfólk velur að starfa með góðum starfsanda og samkeppnishæfum kjörum, enda er það lykillinn góðri og faglegri þjónustu við íbúa.

Byggjum áfram upp faglega stjórnsýslu með skýrri eftirfylgni og samræmdri þjónustu sem byggir á jafnræði og fagmennsku.

Yfirförum verkferla stjórnsýslu sveitarfélagsins til að tryggja leiðbeiningarhlutverk stjórnvalda samkvæmt stjórnsýslulögum, sérstaklega í flóknum málaflokkum eins og skipulags- og byggingarmálum.

Tryggjum skýrari og aðgengilegri framsetningu fjárhags- og fjárfestingaáætlana, með greinargerð, rökstuðningi, tímasetningum og auknu samráði við íbúa.

Með því að smella hér má skoða kosningastefnuna í heild sinni á pdf skjali.

By clicking here you can view the entire election manifesto in a pdf file.

Klikając tutaj możesz zobaczyć cały manifest wyborczy w pliku PDF.

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar. 

Singalong með Guðrúnu Árný í boði Samfylkingarinnar og óháðra verður haldið 14.maí á Sviðinu!

Öll velkomin að koma og eiga skemmtilega stund saman á lokaspretti kosningabaráttunnar!

Grill & Gleðistund með Samfylkingunni í Hafnarfirði á Fjörukránni!

Við bjóðum upp á grillaða borgara, barsvar og bjór og að lokum stígur stórsöngkonan Stefanía Svavars á svið!

19:00–20:00 Feðgarnir Fannar Freyr og Oddvitinn Guðmundur Árni verða á grillinu.
20:00 Barsvar - Pubquiz.
Stefanía Svavars syngur!

Öll velkomin.
Komið og njótið kvöldsins með okkur!

Hespuhúsið er ævintýraheimur fyrir prjónafólk og aðra fagurkera.

Við ætlum að hittast þar ásamt Bryndísi bæjarstjóraefni okkar, próna og spjalla yfir búbblum, kristal og sérlöguðu hnetusnakki frá Guðrúnu í Hespuhúsi.

Guðrún ætlar líka að fræða viðstadda um gömlu jurtalitunarhefðina og leyfa fólki að kíkja í pottana.

Það eru öll velkomin, hvort sem þið viljið prjóna, spjalla eða bara hlusta á samtalið í notalegu umhverfi.

Viðburðurinn verðurhaldinn þriðudaginn 5. maí kl. 20-22

Hér hægt að sjá hvar Hespuhúsið er:
https://maps.app.goo.gl/r2gdQAmh9jy2sobC9

Samfylkingin í Hafnarfirði býður í mæðradagskaffi.

Sunnudaginn 10. maí, kl. 14:00–15:30 Strandgötu 43.

Frambjóðendur bjóða upp á drekkhlaðið kökuhlaðborð.
Allar mæður fá rós í tilefni dagsins.

Reykjanesbær hefur vaxið hratt og íbúum fjölgað um nær þúsund á ári, eða um 60% síðasta áratuginn. Þessi vöxtur hefur kallað á umfangsmikla uppbyggingu í innviðum og þjónustu, sem hefur á sama tíma mótað ný og lifandi hverfi í bæjarfélaginu.

Byggð hefur verið glæsileg íþróttaaðstaða í Innri-Njarðvík, nýr skóli sem telst meðal þeirra glæsilegustu á landinu, öflugt bókasafn og vinsæl sundlaug sem nýtist samfélaginu daglega. Stórsókn hefur verið gerð í leikskólamálum með byggingu þriggja nýrra leikskóla og innritun barna hafin við 18 mánaða aldur. Þetta endurspeglar raunverulegan vöxt samfélagsins og er þó aðeins brot af því sem hefur verið gert.

Allt þetta hefur verið gert á traustum grunni. Jafnvægi hefur náðst í rekstri og sveitarfélagið hefur skilað góðum afgangi ár eftir ár síðasta áratuginn, að jafnaði um einn til tvo milljarða á ári. Staðan er enn sterkari þegar horft er til samstæðunnar. Hún hefur aldrei verið jafn vel rekin og skuldahlutfallið er nú það lægsta frá aldamótum, sem það hefur verið allt kjörtímabilið. Skuldaviðmið er í kringum 100% og því vel undir lögbundnu 150% hámarki og skuldahlutfall hefur lækkað hratt frá árinu 2014. Skuldahlutfall samstæðu hefur farið úr um 250% niður í 140% og skuldahlutfall bæjarsjóðs er nú í kringum 120% samkvæmt síðasta ársreikningi. Það er ekki mynd af stöðnun heldur ábyrgri fjármálastjórn.

Þetta hefur ekki gerst í tómarúmi. Á undanförnum árum hafa bæði ytri áföll og óvenjulegar aðstæður haft áhrif á samfélagið og starfsemi sveitarfélagsins, þar á meðal veirufaraldur, eldsumbrot og erfið staða í flugi. Þrátt fyrir það hefur tekist að halda rekstri sterkum og halda áfram umfangsmikilli uppbyggingu á sama tíma. Það að sveitarfélag standi í slíku álagi og haldi samt áfram með þessum hætti segir meira en óljósar fullyrðingar um stöðnun. Það vekur jafnframt athygli að þessir atburðir eru oft nefndir til að réttlæta hallarekstur fyrri ríkisstjórnar, en liðsmenn hennar viðurkenna þó ekki sömu áföll sem raunverulega áskorun fyrir sveitarfélag sem stóð í eldlínunni. Þar liggur ákveðin mótsögn.

Þetta þýðir ekki að allt sé fullkomið eða að engu megi breyta í bænum. Þvert á móti. Það eru alltaf verkefni fram undan, nýjar áskoranir og svigrúm til umbóta. En ábyrg og heiðarleg umræða verður að byggja á staðreyndum og staðreyndir breytast ekki eftir flokkslitum. Einn plús einn er alltaf tveir.

Við getum verið ósammála um áherslur og leiðir, en mat á stöðu sveitarfélagsins verður að byggja á raunverulegum gögnum og heildarmynd. Reykjanesbær hefur vaxið hratt, byggt upp sterka innviði og haldið fjárhagslegum aga á sama tíma. Það er sú mynd sem þarf að horfa til þegar framtíðin er mótuð.

Bjarni Halldór Heiðuson
Höfundur er stjórnmálafræðingur og frambjóðandi á lista Samfylkingarinnar fyrir komandi sveitarstjórnarkosningar.

Að undanförnu hafa ákveðnir frambjóðendur haldið því fram að Reykjanesbær hafi setið eftir og að hér ríki stöðnun. Sú mynd stenst hins vegar illa þegar horft er til þróunar síðustu ára.

Fyrir barn sem bíður eftir nauðsynlegri og lögbundinni þjónustu, hvort sem að það er stoðþjónusta á borð við meðferð hjá talmeinafræðingi, sérkennslu eða önnur einstaklingsmiðaðri stuðningsþjónusta á borð við aðstoð í bekk, þá skiptir þessi tími sem fer í bið miklu máli þegar kemur að velferð og líðan barnsins á viðkvæmu þroskaskeiði.

Við þekkjum líklegast öll einhvern sem hefur beðið eftir stoð- eða stuðningsþjónustu. Ég þekki sjálf þessa bið af eigin raun en barnið mitt beið eftir aðstoð talmeinafræðings á vegum sveitarfélagsins í tæp fjögur ár. Þeir sérfræðingar sem starfa hjá sveitarfélaginu anna ekki þeim fjölda barna sem að þurfa á meðferð hjá talmeinafræðingi að halda en ég upplifði jafnframt að kerfið gæti verið skilvirkara og hraðvirkara. Það jók svo líka álagið og dró úr tiltrú manns á kerfinu að þurfa stanslaust að ýta á eftir þjónustu sem að ætti að vera sjálfsögð.

Kópavogur er fjölmennt sveitarfélag með margar skólastofnanir og hér býr fjölbreyttur hópur barna. Það kemur oft í ljós í skólanum að barn þurfi meiri stuðning eða þjónustu af einhverju tagi. Bæði í leikskólum og grunnskólum bæjarins starfar öflugt fagfólk sem greinir þörf fyrir stuðning en tilvikunum þar sem þörf er á stuðningi fer fjölgandi og þau eru oft flóknari úrvinnslu en áður. Stór hluti af vandanum er að börnin eru mörg og vandinn oft flókinn. Farsældarlögin sem gera skýra kröfu á að börn fái samþætta þjónustu án hindrana í gegnum einn tengilið hafa aukið álagið á velferðarkerfið okkar en þau bjóða jafnframt upp á lausn á vandanum. Hér er mikilvægt að við forgangsröðum rétt og að við höfum eina heildarsýn á velferð barna og ungmenna en skiptum þessu ekki niður í annars vegar velferðarmál og hins vegar menntamál.

Samfylkingin vill styrkja kerfið í heild sinni. Við viljum fjölga fagfólki innan skólanna til að stytta biðlista og vera í stakk búin til að grípa börn sem þurfa þjónustu fyrr. Hér erum við að horfa til þess að fjölga talmeinafræðingum, atferlisfræðingum og sálfræðingum sem starfa innan skólanna. Jafnframt viljum við ráða inn félagsráðgjafa í skólana til að sinna þeim börnum þar sem að aðstæður kalla á meira samstarf milli skóla og heimilis. Þetta mun létta á álaginu sem hefur myndast í skólakerfinu og veita kennurunum nauðsynlegan stuðning og rými til að sinna kennslunni í skólastofunni.

Við þurfum líka að horfa sérstaklega til þeirra barna sem hafa flóknari stuðningsþarfir. Það er mikilvægt að þau fái viðeigandi þjónustu sem að mætir þeirra þörfum að fullu og að það sé án þess að þurfa að bíða lengi eða flytjast milli úrræða. Það kallar á markvissa uppbyggingu og fjárfestingu frá sveitarfélaginu í sérúrræðum og að við skoðum nýjar leiðir. Samhliða þessu þarf að fjölga plássum í sérdeildum en í dag komast mun færri börn að þar en sækja um.

Í okkar huga er aðalatriðið skýrt. Börn eiga ekki að bíða eftir því að kerfið virki og líða fyrir vonda forgangsröðun hjá núverandi meirihluta. Með skýrum verkferlum og fleira fagfólki inni í skólanum getur Kópavogur tryggt þjónustu sem nær til barnanna á réttum tíma og styður þannig við börn, fjölskyldur og skólasamfélagið í heild sinni.

Eydís Inga Valsdóttir.
Höfundur skipar 2. sæti á lista Samfylkingarinnar í Kópavogi

Í dag eru yfir hundrað börn sem bíða eftir stuðnings- og stoðþjónustu í Kópavogi. Þessi bið getur tekið vikur, mánuði og í sumum tilvikum jafnvel ár. 

Leit um „��"

3426 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3426 niðurstöður fundust við leit að „���������������������������������������������������"