Verið velkomin á opnun kosningamiðstöðvar S-listi Samfylkingar og óháðra í Suðurnesjabæ, síðasta vetrardag. Við kveðjum veturinn o fögnum bjaaari tímum með grilluðum pylsum og spjalli.

Öll hjartanlega velkomin!

📅 Miðvikudaginn 22. apríl kl. 18:00
📍 Garðvangi - Garðskagabraut 85 

Kosningastefna Samfylkingarinnar á Akranesi 2026 - 2030

Frístundastyrkur fyrir öll börn - Hækkum frístundastyrki frá 5 - 18 ára í 80.000 kr. og hlutastyrk fyrir yngri börn. Vinnum áfram með ÍA við að lækka kostnað barnafjölskyldna vegna fjölbreyttrar íþróttaiðkunar.

Systkinaafsláttur á leikskólum -  Við viljum 100% systkinaafslátt á leikskólum til þess að lækka kostnað barnafjölskyldna. 

Eflum umferðaröryggi -  Fjölgum gangbrautum og betrumbætum lýsingu á götum og stígum, sérstaklega á leiðum barna í og úr skóla. 

Leikvellir - Bætum til muna leikvelli bæjarins og tryggjum að viðhaldi þeirra sé sinnt. Fjölgum fjölbreyttum leiktækjum á leikvöllum sem nýtast öllum. Hefjum strax framkvæmdir á Merkurtúni.  

Bætum ferðaþjónustu fatlaðra - Við viljum bæta ferðaþjónustu fatlaðra svo að hún mæti daglegum þörfum þeirra sem þurfa á þjónustunni að halda.

Skammtímadvöl - Byggjum skammtímadvöl við Laugarbraut fyrir fötluð börn og ungmenni.

Samfelld þjónusta - Tryggjum að færsla fatlaðra barna í fullorðinsþjónustu sé eins áreynslulaus og kostur er fyrir þau og foreldra þeirra. 

Samfélagsmiðstöð - Við viljum tryggja nútíma húsnæði fyrir þær starfseiningar sem hugsaðar voru í Samfélagsmiðstöð, en taka ákvörðun með hagaðilum um framtíðina.

Aðgengi á Akranesi - Bætum aðgengi fólks með skerta hreyfigetu að öllum mannvirkjum bæjarins, leggjum áherslu á gatnakerfi og göngustíga sem virka fyrir öll.

Heimili fyrir fjölskyldur - Tryggjum að á Akranesi séu heimili sem nýtast ólíkum hópum, svo sem ungu fólki, einstæðum foreldrum, eldra fólki, fötluðu fólki, lágtekjufólki og stækkandi fjölskyldum. Styðjum áfram við uppbyggingu óhagnaðardrifinna húsnæðisfélaga.

Íþróttaval barna - Förum í markvissa vinnu með ÍA og tryggjum að yngstu iðkendur geti prófað fjölbreyttar íþróttir.

Íþróttir fyrir öll - Aukum félags- og íþróttastarf fyrir fatlaða í bænum. 

Framtíð Jaðarsbakka - Mótum uppbyggingu íþróttasvæðisins og framtíð þess með ÍA. Byggjum upp aðalvöllinn og gervigrasvöll á æfingasvæði. 

Jaðarsbakkalaug - Bætum aðstöðu og afþreyingu í Jaðarsbakkalaug.  

Ný innisundlaug - Tökum ákvörðun um staðsetningu og byggingu nýrrar innisundlaugar í samstarfi við hagaðila.

Bjarnalaug - Bætum aðgengi og aðstöðu Bjarnalaugar fyrir öll og sýnum henni virðingu sem einu af kennileitum Akraness. 

Garðavöllur - Styðjum við stækkun og þróun Garðavallar til framtíðar í samstarfi við Golfklúbbinn Leyni.

Eflum félagsstarf - Lengjum opnunartíma félagsmiðstöðva fyrir börn og ungmenni, til dæmis með aukinni opnun yfir sumarið og sértæku félagsstarfi fyrir ólíka hópa með mismunandi þarfir. 

Skapandi sumarstörf - Höfum vinnuskólann í takt við nútímasamfélag með skapandi sumarstörfum. 

Forvarnir - Íþróttir, félagsmiðstöðvar og annað frístundastarf leikur lykilhlutverk í forvörnum barna og ungmenna. Eflum forvarnir í gegnum faglegt starf og grípum einstaklinga sem sýna áhættuhegðun.

Öflugt og samþætt átak - Vinnum gegn einelti og félagslegri einangrun, leggjum áherslu á fræðslu og samkennd í  félagsmiðstöðvum og frístundastarfi, í samvinnu við foreldra og fagaðila.

Rödd unga fólksins - Eflum barna- og ungmennalýðræði á Akranesi. Hlustum á raddir ungmenna og sinnum þeim verkefnum sem þau kalla eftir í bænum sínum.

Barngildi - Hækkum barngildi í leikskólum um 0,2 á hverri deild og bætum
starfsaðstæður með það að markmiði að minnka áreiti og álag bæði á börn og starfsfólk. 

Lögfesting leikskóla - Vinnum með ríkinu að tryggri fjármögnun leikskólastigsins og lögfestingu á rétti barna til leikskólavistar, með það að markmiði að brúa bilið milli fæðingarorlofs og leikskóla. 

Nýr leikskóli á Neðri-Skaga - Hefjum framkvæmdir á nýjum leikskóla á Neðri-Skaga. 

Stuðningur í skólum - Eflum snemmtækan stuðning í leikskólum og aukum aðgengi að fagaðilum á borð við þroskaþjálfa, sálfræðinga og talmeinafræðinga í öllum skólunum okkar. 

Næsti grunnskóli - Hefjum undirbúning að þriðja grunnskólanum í samstarfi við skólasamfélagið. 

Skólalóðir - Bætum lóðir grunnskólanna og höldum þeim vel við. 

Íslenskukennsla - Aukum íslenskukennslu barna með annað móðurmál en íslensku og horfum til samstarfs milli grunnskólanna í þeim efnum. 

Dvalarheimilið Höfði - Ljúkum við fyrirhugaða stækkun Höfða í samstarfi við ríkið. 

Gott að eldast - Tryggjum eldra fólki samfellda þjónustu sem uppfyllir þarfir hvers og eins og styðjum við sjálfstæði þeirra. 

Tökum ábyrgð hvert á öðru - Komum í veg fyrir einangrun og einmanaleika með stuðningi við eldra fólk í gegnum félagsstarfið. 

Endurhæfing eldra fólks - Dagþjálfun miðar að því að viðhalda færni, bæta lífsgæði og styðja við sjálfstæða búsetu. Finnum leiðir til þess að bæta aðgengi að þjónustu og þjálfun í samvinnu við Höfða.

Menningarhús - Eflum listsköpun og menningarþátttöku í bænum. Tryggjum húsnæði sem yrði miðstöð menningar á Akranesi, í samstarfi við ríkið. 

Strandlengjan - Eflum haftengda upplifun með því að tengja strandstíginn meðfram allri strandlengju Akraness með áningarstöðum og tryggjum aðgengi fyrir öll að náttúruperlum bæjarins. 

Fegrum bæinn -  Aukum gróður í bænum. Fjölgum listaverkum, leiktækjum, bekkjum og hreystiaðstöðu fyrir bæjarbúa á öllum aldri. 

Eflum miðbæinn - Horfum á Akratorgið sem miðpunkt mannlífs og menningar með tilkomu hótels, endurnýjun Kirkjubrautar og uppbyggingu Sementsreitsins. 

Menning og listir - Bætum aðstöðu og möguleika til menningarviðburða í bænum, til dæmis í tónlistarskólanum og á bókasafninu.

Vatn og orka - Fylgjum því eftir að fyrirheit Veitna og Landsnets verði efnd varðandi stækkun vatnsveitu og aukna raforku. 

Akraneshöfn - Stækkum athafnasvæði við Akraneshöfn. Bætum aðstöðu til sjósetningar og stuðlum að því að hafsækin starfsemi geti vaxið og dafnað á Akranesi í samstarfi við Faxaflóahafnir. 

Þjónusta við fyrirtæki - Eflum rekstrarumhverfi fyrirtækja með einfaldara regluverki og skýrum samskiptum við stjórnsýslu, með það markmið að hraða afgreiðslu án þess að gefa afslátt af góðum vinnubrögðum. 

Samtal við atvinnulífið - Við viljum stuðla að samráðsvettvangi milli fyrirtækja og bæjaryfirvalda á Akranesi með það að markmiði að auka samskipti og samstarf.

Starfsemi Heilbrigðisstofnunar Vesturlands - Starfsemi sjúkrahússins á Akranesi þarfnast meira rýmis. Með því að færa heilsugæslustöðina í samstarfi við ríkið er hægt að bæta aðgengi og þjónustu við íbúa. 

Breiðarsvæðið - Við viljum halda áfram og ljúka við skipulagsvinnu á Breiðarsvæðinu. 

Kynnum Akranes - Eflum kynningarstarf bæjarins á sviði ferðamála og sköpum aðstæður í bænum fyrir fyrirtæki í ferðaþjónustu. Setjum upp Instagram ramma og tengjum við kennileiti bæjarins. 

Skagapassinn - Setjum í gang Skagapassann sem veitir afslátt af aðgangseyri safna, sundlauga og viðburða fyrir gesti.

Atvinnuþátttaka - Við viljum að bærinn sýni gott fordæmi og bjóði upp á fjölbreytt störf fyrir fólk með skerta starfsgetu. 

Ábyrgur rekstur - Við leggjum áherslu á góðan og skilvirkan rekstur og að hver króna nýtist á sem bestan hátt í þjónustu við íbúa. 

Mikilvægar eignir - Akranes nýtur þess að eiga hlut í innviðafyrirtækjum eins og Orkuveitunni og Faxaflóahöfnum. Á okkar vakt verða þau aldrei seld úr opinberri eigu.

Viðhald gatna og stíga - Við viljum gera átak í viðhaldi gatna og stíga bæjarins. Áætlanir og framkvæmdir skulu kynntar íbúum.

Fasteignir bæjarins - Nauðsynlegt er að sinna viðhaldi fasteigna bæjarins jafnt og þétt til að spara kostnað. 

Þjónustukjarni - Færum stjórnsýslu bæjarins á einn stað og semjum við ríkið um rými fyrir heilsugæslu, Náttúrufræðistofnun, embætti sýslumanns og önnur sérfræðistörf í sama húsnæði.

Aðstaða viðbragðsaðila - Tryggjum viðunandi starfsaðstöðu fyrir slökkvilið, sjúkraflutninga og björgunarsveitina í bænum. 

Svæðisskipulag norðan Hvalfjarðar - Vinnum saman með nágrannasveitarfélögum að svæðisskipulagi norðan Hvalfjarðar. Eflum samvinnu og grípum tækifærin með nágrönnum okkar.

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar. 

Ertu til í að gera bæinn okkar örlítið fegri og eiga góða stund með nágrönnunum?

Í tilefni af Stóra plokkdeginum ætlar framboð Samfylkingarinnar, Viðreisnar og óháðra að sameina krafta sína og snyrta svæðið í kringum Eiðistorg. Við ætlum að sýna umhverfinu okkar smá ást, fá ferskt loft í lungun og spjalla saman um leið og við týnum rusl.

Dagskráin er einföld:
Kl. 11:00: Mæting á Eiðistorg. Við útvegum poka (en hvetjum fólk til að koma með eigin hanska ef það á þá!).
Plokk: Við dreifum okkur um nágrennið og fegrum umhverfið.
Kl. 12:30 (ca.): Grillgleði! Við endum plokkið á því að skella pylsum á grillið og njóta samverunnar.

Þetta er frábært tækifæri fyrir alla fjölskylduna til að láta gott af sér leiða, hitta frambjóðendur í afslöppuðu umhverfi og fá sér eina með öllu í lokin.

Hlökkum til að sjá ykkur sem flest með plokkhumörinn í lagi!

Samfylkingin í Garðabæ ætlar að opna nýja kosningamiðstöð í Urriðaholtsstræti 16 föstudaginn 24. apríl.

Okkur langar að bjóða Garðbæingum að koma og hitta frambjóðendur, spjalla um helstu stefnumál og snæða gómsætar veitingar - endilega komið með alla fjölskylduna og hittumst hress á föstudaginn!

Samfylkingin í Reykjavík býður barnafjölskyldum að koma og búa til armbönd og hálsmen á kosningamiðstöð Samfylkingarinnar á Laugavegi 114 (við Hlemm).

Öll börn fá efnivið til að búa til fallega gripi. Smiðjan hentar fyrir börn 3 ára og eldri.

Sunnudagur 26. apríl
14:00 - 16:00
Laugarvegur 114, 105 Reykjavík

Boðið verður upp á safa og snarl fyrir börnin og kaffi fyrir foreldra.

Setjum börnin í fyrsta sæti: Perlum saman

Hann veikist skyndilega. Kannski eftir fall, veikindi eða einfaldlega vegna þess að heilsan hefur smám saman versnað. Hann fer á spítala, fær þar góða þjónustu og kemst svo í endurhæfingu. Þar gengur honum betur. Hann nær sér að hluta og er sendur heim. Það gerist hratt og áður en hann veit af er honum húrrað heim.

Þegar heim er komið tekur við allt annað kerfi. Nú þarf að sækja um heimaþjónustu og heimahjúkrun. Mögulega akstursþjónustu eða aðstoð við daglegt líf. Hver þjónusta hefur sína umsókn, sína ferla og sína aðila.

Ef hann er heppinn á hann aðstandanda sem getur hjálpað honum að rata í gegnum þetta. Einhvern sem hringir, fyllir út umsóknir, fylgir málum eftir og tengir saman þá þjónustu sem á að virka sem ein heild. En þannig er svo sem ekki komið fyrir öllum.

Þetta er ekki algjörlega ímyndað dæmi. Þetta er eitthvað sem margir þekkja og tengja við.

Þetta var allt í lagi á meðan Kristján var inni á spítala og í endurhæfingu. Þar er þjónustan samhæfð og ábyrgðin nokkuð skýr. En um leið og heim er komið brotnar þjónustan upp í aðskilda hluta, milli kerfa, milli stjórnsýslustiga og milli ábyrgðaraðila. Heimaþjónusta er á vegum sveitarfélags og heimahjúkrun á vegum ríkisins.

Fyrir stjórnsýsluna er þetta skýr verkaskipting. En fyrir Kristján okkar, er þetta eitt og sama lífið.

Þegar þessi þjónusta talar ekki saman skapast hætta. Fólk fær ekki þá aðstoð sem það þarf á réttum tíma. Álagið eykst, heilsan versnar og í verstu tilfellum endar fólk aftur á spítala.

Þetta er dýr leið. Bæði fyrir einstaklinga og samfélagið.

Við vitum að þessi staða kemur oft upp. Við vitum líka að það er hægt að gera betur.

Höfum það hugfast að kerfin, skrifræðið sem er til staðar, er mannanna verk. Kerfin okkar eiga að virka fyrir notendur og þegar kerfið virkar ekki sem skyldi er það á ábyrgð stjórnmálamanna að bæta úr þeim. Það ætti ekki að vera hlutverk aðstandenda að brjótast í gegnum skrifræðið til þess að tryggja nauðsynlega þjónustu.

Í nýju útspili Samfylkingarinnar um daglegt líf er einmitt tekið á þessu. Samfylkingin leggur áherslu á að stórefla þjónustu við eldra fólk í heimahúsum með því að samþætta heimaþjónustu, heimahjúkrun og ráðgjöf í eina samfellda þjónustu sem fylgir þörfum hvers og eins. Þetta er nákvæmlega sú nálgun sem þarf til, að þjónustan sé ekki sundurleit, heldur ein heild í kringum fólkið sem þarf á henni að halda.

Í Reykjavík og Mosfellsbæ hefur verið farið í þessa átt, að samþætta heimaþjónustu og heimahjúkrun. Þar er þjónustan skipulögð sem ein heild í kringum einstaklinginn, með meiri samvinnu, betra upplýsingaflæði og skýrari ábyrgð.

Þetta skiptir máli. Raunveruleg þjónusta snýst ekki um það hvað er til á blaði. Hún snýst um það hvort að við náum utan um fólk á réttum tíma, jafnvel áður en vandinn verður of stór. Við eigum ekki að bíða eftir að fólk og aðstandendur villist í völundarhúsi stjórnsýslunnar til að fá hjálp. Þjónustan á að mæta fólki fyrr og án þess að það þurfi að berjast fyrir henni.

Með forvirkri nálgun og samþættri þjónustu er hægt að styðja fólk til að halda sjálfstæði sínu lengur, draga úr þörf fyrir innlagnir og bæta lífsgæði.

Í dag er ábyrgðin of oft á einstaklingnum sjálfum, eða aðstandendum hans, að tengja saman þjónustu sem ætti að vera samfelld. Það er hvorki sanngjarnt né skilvirkt.

Og kannski er það ástæðan fyrir þessu litla kvíðakasti mínu.

Eins og staðan er í dag er ég einstæð og barnlaus. Ég mun ekki endilega hafa aðstandendur sem geta gripið inn í þegar ég þarf á þjónustu að halda í ellinni. Þá þarf þjónustan að grípa mig. Í dag er ég ekki viss um að hún geri það.

Við erum að eldast sem samfélag. Fólki sem býr eitt fjölgar. Það þýðir að samfélagið þarf að taka meiri ábyrgð - ekki minni.

Í Kópavogi eigum við að stíga þetta skref. Samþætta heimaþjónustu og heimahjúkrun og byggja upp þjónustu sem virkar sem ein heild í kringum einstaklinginn. Þá þarf enginn að fá kvíðakast yfir því að eldast.

Höfundur skipar fjórða sæti á lista Samfylkingarinnar í Kópavogi.

Hugsum okkur gamlan mann í Kópavogi, köllum hann Kristján.

Svo einstök raunar að hún var síðastliðinn vetur tekin upp á lista UNESCO yfir óáþreifanlegan menningararf. Á listanum segir um sundmenningu okkar (í þýðingu undirritaðs): „Fólk sækir sundlaugarnar af ýmsum ástæðum, svo sem til hreyfingar, afslöppunar eða fyrir félagsskap. Sundlaugarnar eru reknar af samfélaginu, fyrir samfélagið.“ Sundlaugarnar eru einmitt staðir þar sem allar kynslóðir njóta sín og hittast, staður fyrir samfélag í heimabyggð. Ungmenni geta hist fjarri snjallsímum og öðrum truflunum, eldri borgarar haldast í líkamlegri og félagslegri virkni, og barnafjölskyldur hafa athvarf til leiks og tengslamyndunar. Allt á þetta sér stað í heilsubætandi umhverfi, bæði í formi slökunar og streitulosunar en einnig í formi mikilvægrar hreyfingar sem vöntun er á.

Íslendingar gera sér líka grein fyrir að þessi menning er einstök. Í samtölum við fólk hef ég orðið var við að undantekningarlaust vill fólk að vel sé staðið að þessum málum og á það líka við fólk sem er ekki stórnotendur sundlauganna. Við viljum að fólk fari sem allra oftast í sund. Það er einn af þessum örfáu hlutum sem virðast eingöngu hafa kosti.

Opnunartímar í Kópavogi eru stuttir og loka sundlaugar klukkan sex um helgar yfir veturinn og klukkan átta yfir vor- og sumarmánuðina. Helgarkvöld er einmitt sá tími sem við myndum allra helst vilja að ungmenni séu í sundi, þar sem þau geta átt heilsusamlega kvöldstund með jafningjum, fjarri vondum aðstæðum. Það er oft líka eini tíminn sem þreyttir foreldrar geta komist í afslappandi sund eftir langa viku.

Eins var tekin ákvörðun á kjörtímabilinu um að bara önnur af tveimur sundlaugum Kópavogs yrði opin á hátíðisdögum. Þegar öll fjölskyldan er í fríi og skólar og leikskólar lokaðir, og loksins gefst andrými frá önnum hversdagsins til að verja tíma saman sem fjölskylda. Hver sem hefur farið í sund á þessum dögum veit að það hefur myndast örtröð og vart verið þverfótað í búningsklefum.

Nú hugsa kannski einhverjir að þetta sé nú ekki svo slæmt, áfram komast flestir í sund ef viljinn er fyrir hendi þrátt fyrir stuttan opnunartíma og lokanir á hátíðisdögum. Sparnaðurinn af þessum aðgerðum er hins vegar takmarkaður. Vatnið þarf áfram að hita og mannvirkið stendur enn þótt tómt sé. Það eina sem sparast eru vinnustundir starfsmanna en þær endurheimtast að hluta í formi gjaldtöku. En burt séð frá því er sundmenningin okkar eitthvað sem á að efla - við eigum að hafa meiri metnað en svo.

Við viljum að fólk fari í sund og að það geri það sem oftast, sérstaklega nú þegar lýðheilsu er ógnað og gæðastundum fólks í samveru við hvert annað fer fækkandi. Það er þáttur í þeirri framtíðarsýn sem Samfylkingin hefur fyrir Kópavog. Við viljum lengri opnunartíma, meira sund. Samfylkingin vill að sundlaugarnar standi opnar til klukkan tíu öll kvöld og stefna að því að fyrir lok komandi kjörtímabils séu sundlaugar opnar til ellefu á föstudags- og laugardagskvöldum. Fleiri tækifæri til þess að spjalla í pottinum. Fleiri hlátursköll barna í rennibrautum. Fleiri hugleiðslustundir í gufubaðinu og andköf í kalda pottinum. Og við viljum fleiri sértilefni til að fara í sund; kvikmyndasýningar og dansleiki, miðnætursund og morgunsund. Bara svo lengi sem það er meira sund í Kópavogi.

Höfundur er oddviti Samfylkingarinnar í Kópavogi.

Íslensk sundmenning er einstök á heimsvísu.

Þar er margt ágætt en það er einkum eitt sem stingur í augu og það er að gert er ráð fyrir því að færa þjóðveginn lítillega til suðurs. Þá verður hægt að byggja íbúðir á núverandi vegstæði hans auk þess sem skipulögð er íbúðabyggð sunnan við hann. Með þessu móti verður íbúðabyggð báðum megin við nýjan þjóðveg, sem mun liggja þvert í gegnum bæinn. Erfitt er að koma auga á það hvernig hagsmunum Hveragerðis er best borgið með því að leggja þjóðveg 1 ásamt háspennulínum í gegnum bæinn. Sú íbúðabyggð sem gert er ráð fyrir sunnan við þjóðveginn mun varla ná að verða hluti af Hveragerði. Til þess verður samgangur og nánd milli þessara bæjarhluta of lítill. Gert er ráð fyrir þrennum undirgöngum til að tengja bæjarhlutana saman. Það er óásættanlegt með öllu. Með þessu lagi munu margar íbúðir verða staðsettar mjög nærri nýjum þjóðvegi, beggja vegna hans. Það er alls ekki í samræmi við þau lífsgæði og gildi sem S-listinn leggur áherslu á og sér fyrir sér.

Bæjaryfirvöldum hefur ítrekað verið bent á þetta og ýmsar tillögur að betri lausnum lagðar fram. Þær hafa því miður ekki fengið hljómgrunn.

Stækkun bæjarins á ekki að vera forgangsverkefni

Það liggur ekkert á að stækka Hveragerði. Skuldastaða bæjarins er erfið og fyrirliggjandi er m.a. að klára íþróttamannvirki og dýra framkvæmd við skólphreinsistöð. Það á alls ekki að fara í að stækka bæinn á meðan þau mál eru ekki komin í höfn. Þá þarf að koma ýmsum innviðum í betra horf fyrir núverandi íbúafjölda. Ástand þeirra batnar síður en svo með stækkandi bæ.

Óseldar íbúðir í Hveragerði eru nú um 160. Ef þær seljast má búast við að um 400 manns flytji inn í þær. Íbúafjöldi bæjarins í dag er um 3500 þannig að hér er um rúmlega 11% fjölgun íbúa að ræða. Þessu til viðbótar er gert ráð fyrir þéttingu byggðar og í deiglunni eru byggingaráform fjölda smærri íbúða á reitum sem að okkar mati verða margir hverjir ofsetnir við það.

S-listinn hefur engan áhuga á að vinna samkvæmt nýju aðalskipulagi, vill heldur ráðast strax í breytingar eftir kosningar með hagsmuni bæjarins að leiðarljósi. Við viljum láta færa þjóðveginn til suðurs, en mun lengra en aðalskipulagið gerir ráð fyrir. Þannig væri hægt í framtíðinni að koma fyrir samfelldri byggð í bænum, án þess að þjóðvegur og háspennulínur kljúfi byggðina í tvennt.

S-listinn vill leggja sitt af mörkum í því að þrýsta á ríkisvaldið um færslu þjóðvegarins. Nýrri hugmyndir benda til að vegurinn geti legið við eða utan við bæjarmörkin sem hefði jákvæð áhrif á skipulag bæjarins, landnýtingu, staðsetningu íbúða- og atvinnusvæða og hljóðvist.

Höfundar eru frambjóðendur á S-listanum í Hveragerði

Arnar H. Halldórsson, byggingarverkfræðingur, er í 6. sæti.

Hjálmar Trausti Kristjánsson, bílstjóri, er í 12. sæti.

Núverandi sveitarstjórn í Hveragerði hefur látið vinna nýtt aðalskipulag og mun það að öllu óbreyttu taka gildi fljótlega eftir kosningar.

Sérfræðingur hjá Vegagerðinni og bæjarfulltrúi

1. Sigurjón Vídalín Guðmundsson

Hjúkrunarstjóri

2. Margrét Björk Ólafsdóttir

Stjórnsýslufræðingur

3. Brynjar Þór Elvarsson

Skemmtanastjóri, samfélagsmiðlastjóri og þjálfari

4. Elísabet Björgvinsdóttir,

Verkefnastjóri

5. Árni Magnússon

Lögfræðingur

6. Elísabet Davíðsdóttir

Íslenskufræðingur

7. Margrét K. Sverrisdóttir

Skjalastjóri

8. Eva Gunnarsdóttir

Jarðfræðingur

9. Einar Sindri Ólafsson

Kennari og hjúkrunarfræðingur

10. Herdís Sif Ásmundsdóttir

Sérfræðingur á Byggðasafni Árnesinga

11. Linda Ásdísardóttir

Líffræðingur, sérfræðingur á Hafrannsóknastofnun og stöðvastjóri

12. Benoný Jónsson

Starfsmaður í grunnskóla

13. Renuka Chareyre

Leikskólakennari

14. Tinna Berg Rúnarsdóttir

Lífskúnstner.

15. Svala Norðdahl

Rafvirki

16. Kristinn Hermannsson

Vélvirki

17. Davíð Kristjánsson

Fyrrverandi framkvæmdastjóri SASS

18. Þorvarður Hjaltason

Ryrrverandi alþingiskona

19. Margrét Frímannsdóttir

Gæðastjóri

20. Ástríður M. Sigurðardóttir

Fyrrverandi alþingismaður og ráðherra

21. Björgvin G. Sigurðsson

Verkefnastjóri og bæjarfulltrúi

22. Arna Ír Gunnarsdóttir

Stóri plokkdagurinn verður haldinn með pompi og prakt um allt land sunnudaginn 26. apríl næstkomandi.

Samfylkingin og annað félagshyggjufólk býður öllum að koma og taka þátt í deginum á Fáskrúðsfirði þar við ætlum að plokka, grilla og gera okkur glaðan dag. Öll velkomin.

Hvar? Fjölskyldugarðurinn á Fáskrúðsfirði
 Hvenær? Kl. 13:00–15:00

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"