Magnús Einþór Áskelsson

Árangur á kjörtímabilinu sýnir skýra stefnu – Höldum áfram

Á undanförnum árum höfum við lagt aukna og markvissa áherslu á málefni barna og ungmenna í bænum okkar. Í starfi mínu sem þroskaþjálfi í fjölbrautaskóla og sem faðir sé ég daglega hversu miklu máli það skiptir að samfélagið standi þétt við bakið á ungu fólki, með raunverulegum aðgerðum en ekki aðeins í orði.

Á þessu kjörtímabili höfum við sýnt að við fylgjum stefnu okkar eftir með kröftugri uppbyggingu. Við höfum opnað þrjár nýjar félagsmiðstöðvar í grunnskólum bæjarins og árangurinn leynir sér ekki. Aðsókn ungmenna hefur aukist um heil 44% á skömmum tíma. Það staðfestir að við erum að mæta raunverulegri þörf fyrir öruggt og uppbyggilegt umhverfi eftir skóla. Mikilvægt er að halda áfram á þessari braut.

Hlýjan – stuðningur þegar mest þarf

Eitt af okkar mikilvægustu skrefum á kjörtímabilinu var að setja á laggirnar Hlýjuna, úrræði sem Reykjanesbær hefur þróað til að styðja við ungmenni. Þar fá ungmenni á aldrinum 13 til 18 ára gjaldfrjálsa og einstaklingsmiðaða ráðgjöf þar sem áhersla er lögð á hlustun og stuðning. Það sem gerir þetta úrræði einstakt er að ungmenni þurfa ekki tilvísun til að sækja þjónustuna. Með því höfum við lækkað þröskuldinn verulega og gert þeim auðveldara að leita sér aðstoðar á eigin forsendum.

Jafnframt höfum við hækkað frístundastyrki í Reykjanesbæ, sem skiptir fjölskyldur auðvitað miklu máli. Með því tryggjum við börnum og ungmennum raunhæfan aðgang að íþróttum og tómstundastarfi, óháð efnahag. Þetta er lykilatriði í því að styrkja grunnstoðir fjölskyldna í bænum og tryggja jöfn tækifæri fyrir öll.

Við höfum einnig styrkt skólastarf og tómstundir á kjörtímabilinu. Þetta eru grunnstoðir í lífi barna og fjölskyldna og fjárfestingar sem skila sér margfaldlega til baka í sterkari einstaklingum og heilbrigðara samfélagi. Ljóst er að við þurfum að halda áfram að efla þjónustu við ungt fólk og tryggja jafnt aðgengi að tómstundum og stuðningi, óháð aðstæðum. Mikilvægt er að halda áfram uppbyggingu félagsmiðstöðva og þróa starf þeirra í takt við breyttar þarfir ungmenna.

Reynslan af opnun þriggja nýrra félagsmiðstöðva í grunnskólum bæjarins á þessu kjörtímabili sýnir að við erum á réttri leið. Næstu skref eru að fjölga þeim og efla samstarf við fagfólk sem starfar á þessu sviði. Þrátt fyrir þennan góða árangur vitum við líka að verkefnin eru fleiri. Við munum því einnig beina sjónum okkar að þeim.

Við viljum huga betur að ungmennum 16 ára og eldri og styrkja atvinnumöguleika ungs fólks, enda á það ekki að vera þrautin þyngri að fá sumarstarf. Þá munum við halda áfram að leggja áherslu á andlega heilsu og efla samstarf skóla, fjölskyldna og fagfólks til að tryggja að stuðningur berist snemma og örugglega.

Framtíð Reykjanesbæjar byggir á ungu fólki. Ábyrgð okkar er að skapa aðstæður þar sem þau geta blómstrað í námi, félagslífi og daglegu lífi. Það krefst áframhaldandi uppbyggingar, skýrrar forgangsröðunar og þess að við stöndum við þau markmið sem við setjum okkur.

Fjárfesting í ungu fólki er fjárfesting í framtíð bæjarins. Með því að hlúa að þeim í dag, tryggjum við öflugt og heilbrigðara samfélag fyrir okkur öll á morgun.

Magnús Einþór Áskelsson, þroskaþjálfi við Fjölbrautaskóla Suðurnesja, fulltrúi í lýðheilsuráði og íþrótta- og tómstundaráði Reykjanesbæjar og skipar 9. sæti á lista Samfylkingarinnar í komandi bæjarstjórnarkosningum.

Framtíð Reykjanesbæjar byggir á ungu fólki

En það er rétt að spyrja: hvað liggur í raun að baki þessum „bætta“ rekstri sveitarfélagsins? Í grunninn skýrist hann af hærri skatttekjum, hærri framlögum úr jöfnunarsjóði og lægri fjármagnskostnaði.

Frá árinu 2021 til ársins 2025 hafa tekjur Fjarðabyggðar vaxið um 43% og þar vega skatttekjur og framlög úr jöfnunarsjóði þyngst. Skatttekjur Fjarðabyggðar byggja á útsvari íbúa og fasteignagjöldum þeirra sem eiga fasteignir í sveitarfélaginu. Þegar tekjur íbúa hækka aukast tekjur sveitarfélagsins óumflýjanlega líka. Fjarðabyggð státar af öflugu atvinnulífi og meðaltekjur íbúa eru með þeim hæstu á landinu. Það skilar sér beint í reksturinn.

Á sama tíma hafa framlög úr jöfnunarsjóði hækkað verulega, ekki síst vegna þess að nú er meira tekið tillit til þess að Fjarðabyggð er fjölkjarna sveitarfélag. Framlögin jukust um 374 milljónir króna milli áranna 2024 og 2025 og hafa hækkað um 823 milljónir frá árinu 2022. Það munar um minna.

Ytri efnahagslegar aðstæður hafa líka skipt máli. Verðbólga var mjög há árin 2022 og 2023 en lækkaði árin 2024 og 2025. Hvers vegna skiptir það máli? Jú, skuldir sveitarfélagsins eru að mestu verðtryggðar og hærri verðbólga þýðir að höfuðstóll lána hækkar og þar með greiðslubyrðin. Lægri verðbólga þýðir lægri afborganir. Afborganir voru til dæmis 156 milljónum króna lægri en árið 2023.

Þetta skiptir máli vegna þess að jákvæð rekstrarniðurstaða segir ekki alla söguna. Hún sýnir ekki endilega að grunnreksturinn hafi verið endurskipulagður eða að forgangsröðun hafi batnað. Hún endurspeglar líka auknar tekjur og hagstæðari ytri skilyrði.

Nánast engar lántökur voru teknar hjá bönkum og lánastofnunum árin 2024 og 2025 hjá sveitarfélaginu í heild. A-hlutinn hefur engu að síður þurft að sækja sér fjármagn til fyrirtækja í B-hluta, einkum Hafnarsjóðs, til að fjármagna sig. Það nam tæpum 200 milljónum króna árið 2025 og 460 milljónum króna árið 2024.

Mikilvægt er að sýna ábyrgð í rekstri þrátt fyrir auknar tekjur. Flestar fjárfestingar ársins í A-hluta fóru fram úr áætlunum. Launakostnaður hækkaði um 560 milljónir króna milli ára, þótt hann hafi verið undir áætlun. Það skýrist að verulegu leyti af lausum stöðugildum. Þá vaknar eðlileg spurning: eru verkefni ekki unnin, eða er álagið orðið of mikið á það starfsfólk sem er fyrir?

Samhliða þessu hefur kostnaður vegna aðkeyptrar verktöku aukist. Ef sveitarfélagið nær ekki að manna störf og þarf þess í stað að kaupa þjónustu utan frá, hverfur fljótt sá „sparnaður“ sem birtist í lægri launakostnaði en áætlað var. Það er ekki sjálfbært til lengdar.

Rekstrargrunnur sveitarfélagsins er sterkur og sá styrkleiki hefur ítrekað sýnt sig í jákvæðri rekstrarniðurstöðu samstæðunnar allt kjörtímabilið. Rekstur sveitarfélagsins þarf að sjálfsögðu að byggja á ábyrgri nýtingu sameiginlegra fjármuna. En við erum ekki að reka fyrirtæki. Við erum að reka samfélag.

Þess vegna þarf leiðarljós sveitarfélagsins að vera ekki bara að halda rekstrinum jákvæðum, heldur að tryggja jöfnuð, velferð og sanngjarna þjónustu fyrir íbúa um alla Fjarðabyggð. Þar liggur hin raunverulega ábyrgð. Samfylkingin og annað félagshyggjufólk mun leggja áherslu á einmitt þau gildi: jöfnuð milli bæjarkjarna og sveitarfélag sem vinnur með íbúum og fyrir íbúa.

 Höfundar eru bæjarfulltrúar Fjarðalistans.

Mikið hefur verið rætt um fjármál Fjarðabyggðar undanfarið og það er vissulega gleðiefni að rekstrarniðurstaða A-hluta sé jákvæð, þrátt fyrir lakari afkomu en áætlað var.

Frambjóðendur bjóða gestum og gangandi upp á grillaðar pulsur og bulsur á sumardaginn fyrsta.

Við verðum á grillinu frá kl. 12:00 og fram að göngu. Síðan verður boðið upp á kaffi og með því fram eftir degi.

Við hlökkum til að sjá ykkur og gleðilegt sumar!

Samfylkingin á Akranesi opnar kosningaskrifstofuna sína í Stillholti 16-18 kl. 11:00 sumardaginn fyrsta
Léttar veitingar í boði og frambjóðendur verða á staðnum
Öll velkomin

Í Reykjanesbæ eru í raun þrír hópar lóðareigenda: sveitarfélagið sjálft, Kadeco fyrir hönd ríkisins og einkaaðilar. Það ræðst því af staðsetningu hver á landið sem húsið stendur á og hverjum er greidd lóðarleigan.

Íslenska ríkið á umtalsvert land í sveitarfélaginu sem Kadeco hefur umsjón með. Einkaaðilar eru hins vegar að mestu erfingjar bænda sem keyptu landið fyrir áratugum og hefur það síðan gengið kynslóðanna á milli.

Fyrir nokkrum árum var lóðarleiga í Reykjanesbæ 2% en eftir bankahrun var tekin ákvörðun um að veita tímabundinn 25% afslátt af gjaldinu til að létta undir með íbúum. Árið 2023 var afslátturinn svo gerður varanlegur og lóðarleigan fest í 1,5%.

Þegar Reykjanesbær lækkaði lóðarleigu á íbúðahúsnæði árið 2023 var leitað til Kadeco og einkaaðila með hvatningu um að gera slíkt hið sama. Kadeco fylgdi fordæmi sveitarfélagsins og lækkaði gjaldið en einkaaðilar urðu ekki við beiðninni og innheimta því enn 2% lóðarleigu. Þetta er klár mismunun eftir því hvar í sveitarfélaginu fólk býr.

Reykjanesbær ítrekaði erindið á aðalfundi landeigendafélagsins árið 2025 og óskaði eftir sambærilegri lækkun af þeirra hálfu, en landeigendafélagið hefur enn ekki svarað þeirri ósk sveitarfélagsins.

Til að setja hlutina í samhengi má skoða dæmi úr Ásahverfi þar sem einkaaðilar eiga landið. Fyrir 165 m² raðhús er árleg lóðarleiga 222.300 kr. en væri 188.250 kr. ef húsið stæði á landi sveitarfélagsins. Fyrir 220 m² einbýlishús er gjaldið 283.300 kr. en væri 240.750 kr. við sömu forsendur. Þetta þýðir aukakostnað upp á um 34.000 kr. og allt að 42.000 kr. á hverju einasta ári.

Þetta er augljóst óréttlæti gagnvart þeim sem greiða hærra gjaldið, enda eru engar vísbendingar um að íbúar á landi einkaaðila njóti meiri þjónustu eða annarra gæða sem réttlæti hærri gjaldtöku. Það er því engin rökrétt ástæða fyrir því að þessi munur eigi að viðgangast, einkum nú þegar sveitarfélagið og ríkið hafa þegar lækkað sitt gjald.

Þessu ósanngjarna ástandi verður að eyða til að tryggja öllum íbúum Reykjanesbæjar jafnræði.

Guðný Birna, forseti bæjarstjórnar og oddviti Samfylkingar í Reykjanesbæ

Nýlega höfðu íbúar samband við mig til að spyrjast fyrir um lóðarleigu á húsnæði sínu, en hún er lögð á allar leigulóðir og reiknast sem hlutfall af lóðarhlutamati. Við nánari skoðun blasir við kerfisbundinn munur á gjaldtöku innan sama sveitarfélags, þar sem íbúar greiða mismunandi háa lóðarleigu eftir því hver á landið undir húsum þeirra.

Óásættanleg mismunun á lóðarleigu í Reykjanesbæ

Það þýðir ekki að maður láti framhjá sér fara það sem miður fer, heldur legg ég áherslu á að leita jákvæðra leiða til að leysa vandann hverju sinni.

Ég flutti á Skagann af því að ég frétti að hér væri gott að búa. Það get ég staðfest, hér er gott samfélag með góðri þjónustu og miklum framtíðarmöguleikum. Þessi upplifun mín af því að hafa flutt hingað á Akranes er svo jákvæð að nú býð ég mig fram til þjónustu við þetta samfélag, bæjarfélagið sem tók mér svo vel. Hér vil ég vera og leggja mitt af mörkum til að styrkja og breyta því sem þarf í vaxandi bæ.

Samfélag er flókið net einstaklinga, fjölskyldna, félaga, fyrirtækja og opinberra stofnana. Allt þarf þetta að virka, samskipti og viðskipti, þjónusta og atvinna. Áherslur fólks eru misjafnar, fólk hefur fjölbreyttar þarfir og væntingar því þannig er lífið. Við sem verðum kosin í bæjarstjórn á Akranesi verðum að hafa augun á mörgu svo vel takist til.

Atvinna er undirstaða þess að við getum rekið okkar bæjarfélag. Atvinnustarfsemi á Íslandi hefur breyst mikið undanfarin ár og þar er Akranes engin undantekning. Við höfum verið dugleg að finna ný tækifæri og þeirri vinnu vil ég halda áfram.

Framlag allra er mikilvægt og skilar sínu til þjóðfélagsins. Stundum heyrir maður talað niður til sumra starfa, en önnur talin mikilvægari. Einkum heyrist að opinber störf séu ómerkilegri en störf á almennum markaði. Hér á Akranesi eru stórir opinberir vinnustaðir, sem við eigum að leggja okkur fram um að efla og styrkja. Við þurfum að stækka sjúkrahúsið og koma heilsugæslunni í nýtt húsnæði. Þetta gerum við í samstarfi við ríkið. Heilbrigðistofunin er stór vinnustaður og hana ber að efla eftir mætti.

Annað dæmi er dvalarheimilið Höfði. Það skiptir höfuðmáli að dvalarheimilið sé stutt af krafti. Nú er í undirbúningi stækkun Höfða og hefur bæjarstjórn unnið ötullega að þessu og þarf að halda dampi þar áfram.

Hér að ofan hef ég aðeins nefnt tvo vinnustaði á Akranesi sem skiptir höfuðmáli að bæjarstjórn standi vörð um og beiti sér fyrir eflingu þeirra. Bæði sjúkrahúsið og dvalarheimilið Höfði bjóða þjónustu sem við á Akranesi viljum geta sótt í bænum okkar en ekki í aðra landshluta. Við viljum vera bær sem byggir á okkar forsendum en ekki úthverfi frá Reykjavík. Við verðum áfram bjartsýn á Akranesi og leitum saman að nýjum tækifærum til að efla bæinn sem atvinnusvæði og sem kjarna fyrir öfluga opinbera þjónustu.

Höfundur er oddviti Samfylkingarinnar á Akranesi fyrir komandi sveitarstjórnarkosningar.

Ég er bjartsýnismaður og finnst mikilvægt að benda á það sem jákvætt er og forðast svartsýni.

Spjallkaffi 60+ verður á sínum stað miðvikudaginn 22. apríl kl. 10:00 - 12:00 í sal Samfylkingarinnar, Hallveigarstíg 1, 101 Reykjavík.

Gestur okkar er Indriði Þorláksson sem ætlar fara yfir nýja fjármálaáætlun ríkisstjórnarinnar með sínum alkunnu gagnrýnu augum.

Það verður heitt á könnunni og eitthvað með því.

Rúllum út rauða dreglinum fyrir fólk og atvinnulíf

Reykjavík er stærsta atvinnu- og þjónustumiðstöð landsins, með lykilhlutverk í verslun, fjármálum, háskólastarfi, stjórnsýslu og alþjóðlegum tengingum. Borgin er jafnframt atvinnumiðstöð fyrir allt höfuðborgarsvæðið, þar sem þúsundir sækja daglega vinnu. Reykjavíkurborg á að vera í liði með þeim sem vilja byggja upp, þróa og fjárfesta. Við viljum „rúlla út rauða dreglinum“ fyrir fólk og fyrirtæki sem vilja láta gott af sér leiða í borginni.

Reykjavík á að vera traustur og áreiðanlegur samstarfsaðili fyrir íbúa og atvinnulíf. Leggjum áherslu á eftirlit í stað flókinna leyfisferla og komum í veg fyrir að verkefni tefjist að óþörfu með skýrum tímamörkum á afgreiðslu mála. Reykjavík á að vera þekkt fyrir jákvætt viðmót, fagmennsku og lausnamiðaða nálgun. Samfylkingin vill vinna markvisst að því að minnka fjarlægðina sem fólk upplifir milli ráðhússins, stjórnsýslu borgarinnar og íbúa.

Styttum biðtíma í afgreiðslu erinda, svo sem leyfisveitinga vegna reksturs og framkvæmda á eigin húsnæði, með einfaldari ferlum og skjótari samskiptum. Höldum áfram samstarfi við ríkið um einföldun regluverks.

Bjóðum fyrirtækjum einn tiltekinn tengilið við borgina með það að markmiði að stytta boðleiðir og bæta þjónustu.

Tryggjum starfsfólki viðeigandi fræðslu, tíma og aðstöðu til að standa undir þeirri ábyrgð sem felst í því að veita góða þjónustu.

Hlustum á ábendingar íbúa og lagfærum jafnóðum hnökra í þjónustuveitingu borgarinnar og mælum gæði hennar.

Reykjavíkurborg verði áfram leiðandi í stafrænni þróun í þjónustu við íbúa og atvinnulíf.

Reykjavík er atvinnuborg þar sem þekkingariðnaður og skapandi greinar vaxa samhliða sterkum grunni verslunar, þjónustu og iðnaðar. Samfylkingin vill skapa skilyrði fyrir öflugt og fjölbreytt atvinnulíf sem eykur verðmætasköpun, framleiðni og lífsgæði fyrir samfélagið. Borgin á að standast samanburð við fremstu borgir Evrópu þegar kemur að aðstæðum fyrir fyrirtæki og sérfræðinga.

Vinnum markvisst að því að auka aðdráttarafl Reykjavíkur fyrir fólk, spennandi hugmyndir og alþjóðleg verkefni.

Eflum samstarf háskóla og atvinnulífs með skýrum og hagnýtum verkefnum.

Vinnum markvisst að því að bæta aðgengi að athafnasvæðum og tryggja framboð af hentugu atvinnuhúsnæði.

Eflum rekstrarumhverfi lítilla og meðalstórra fyrirtækja með einfaldara regluverki og skýrum samskiptum við stjórnsýslu.

Samfylkingin leggur áherslu á góðan og skilvirkan rekstur þar sem hver króna nýtist á sem bestan hátt í þjónustu við íbúa. Mikilvægt er að viðhafa öguð vinnubrögð við gerð áætlana og öflugt eftirlit til að tryggja hagkvæmni í rekstri.

Eflum eftirlitshlutverk og ábyrgð kjörinna fulltrúa á fjármálum, fjárfestingum og samningum borgarinnar.

Sýnum aga í rekstri með skýrum markmiðum og árangursmælikvörðum í málaflokkum til að ná fram meiri stærðarhagkvæmni.

Leitum bestu lausna með stöðugum umbótum og reglulegum rekstrarúttektum á völdum verkefnum og málaflokkum.

Borgin nýtur þess að eiga innviðafyrirtæki eins og Orkuveituna og Faxaflóahafnir sem eru bæði samfélagslega mikilvæg og arðbær. Á okkar vakt verða þau aldrei seld úr opinberri eigu.

Við bjóðum kennurum, starfsfólki skóla og öllum áhugasömum í notalegt kaffispjall um hvernig megi styrkja skólakerfið í Kópavogi

Menntaskólinn í Kópavogi (mötuneyti)
 20:00–22:00
 Heitt á könnunni og sætur biti með

Enginn þekkir skólastarf betur en þau sem starfa í því á hverjum degi. Við viljum heyra ykkar sjónarmið, fá innsýn í áskoranir og ræða raunhæfar lausnir — með það að markmiði að bæta umgjörð skólamála í bænum

Samfylkingin í Kópavogi boðar til opins fundar um grunn- og leikskólamál — þar sem við hlustum og ræðum það sem skiptir máli.

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"