Við bjóðum ykkur hjartanlega velkomnar á skemmtilegt og notalegt kvennakvöld.

Kvöldið verður fullt af gleði og góðri stemningu:
 Gamanmál með okkar ástsælu Eddu Björgvins
 Líflegt tónlistarbingó
 Ljúffengir kokteilar

Tilvalið tækifæri til að hittast, slaka á og njóta saman í góðum félagsskap.

Strandgata 43, fimmtudaginn 30. apríl,  kl. 19:30.

Kvennakvöld Samfylkingarinnar í Hafnarfirði

Seltjarnarnarnes er að mínu mati eitt besta sveitarfélag landsins til að búa í. Hér er sterkt og fjölskylduvænt sveitarfélag umkringt fallegri náttúru. Ég er sjálfur fæddur og uppalinn á Nesinu, hér ól ég upp mín börn og fylgist nú með barnabörnunum fara í gegnum skólana á Nesinu. Ég veit að það er metnaður Seltirninga að veita framúrskarandi þjónustu, það höfum við alltaf gert. En á síðustu árum höfum við því miður fundið fyrir því að dregið hefur verið úr þjónustu, byggingar og leikvellir liggja undir skemmdum og ákveðið úrræðaleysi hefur einkennt bæjarstjórn Seltjarnarnesbæjar. Ábyrgur rekstur er undirstaða þess að við getum veitt góða þjónustu en því miður hefur töluvert vantað upp á þegar kemur að faglegum rekstri bæjarins.

Rekstrarniðurstaða bæjarsjóðs Seltjarnarnesbæjar hefur verið neikvæð níu sinnum á síðustu tíu árum. Uppsafnað tap frá 2015 nemur nú rúmlega þremur milljörðum króna. Á þessu kjörtímabili hefur fjármálastjórnun bæjarins versnað með fordæmalausu tapi á rekstri bæjarins og uppsafnaður halli vex hratt.

Upsöfnuð rekstrарniðurstaða Seltjarnarnesbæjar 2015–2024. Heimild: Ársreikningar Seltjarnarnesbæjar.

Sveitarstjórnarlög gera skýra kröfu um að rekstur sveitarfélaga sé í jafnvægi á hverju þriggja ára tímabili. Seltjarnarnesbær hefur ekki uppfyllt þá kröfu í áratug. Eftirlitsnefnd með fjármálum sveitarfélaga hefur þegar gert athugasemdir og endurskoðendur bæjarins hafa ítrekаð bent á nauðsyn markvissrar áætlunar um viðsnúning. Viðbrögðin hafa verið ófullnægjandi og fjárhagslegt sjálfstæði sveitarfélagsins því í hættu.

Lengi vel byggði Seltjarnarnes á viðskiptamódeli sem gekk út á lága skatta og sölu eigna til að fjármagna uppbyggingu innviða. Þegar byggja þurfti skóla eða ráðast í stórar framkvæmdir gat bærinn selt lóðir til að brúa bilið. Þetta módel hætti hins vegar að virka af krafti eftir árið 2007 þegar við seldum síðast lóð til uppbyggingar. Nú er takmarkað land eftir og svigrúmið til athafna hefur minnkаð verulega.

Á sama tíma hefur útsvarsprósentu bæjarins verið haldið undir hámarki þrátt fyrir að tekjur hafa ekki dugað fyrir útgjöldum og þeirri þjónustu sem íbúar kalla eftir. Til að bregðast við þessu hafa ýmis gjöld á barnafólk og íbúa verið hækkuð, viðhaldi frestað og dregið hefur verið úr þjónustu. Nú er hins vegar viðhaldsskuldin farin að bíta harkalega eins og sjá má í kostnaðarsömum mygluframkvæmdum í Mýrarhúsaskóla og Valhúsaskóla, í fokheldu félagsheimili, rakaskemmdum í félagsmiðstöðinni og bæjarskrifstofunni sem nú hefur verið auglýst til sölu. Einnig er kominn tími á viðhald á tónlistarskóla, íþróttamiðstöð og sundlaug bæjarins. Ástandið á götum, gangstéttum, veitukerfi og Eiðistorgi er svo efni í aðra grein.

Afleiðingin af því að reka bæinn á yfirdrætti er skýr, heildarskuldir bæjarins hafa fjórfaldast á tíu árum, úr 1,7 milljörðum árið 2015 í tæpa 8 milljarða. Afborganir og vaxtakostnaður hafa safnast upp sem dregur enn meira úr svigrúmi til að veita þá þjónustu sem íbúar eru vanir eða til að sinna nauðsynlegu viðhaldi.

Ég skrifa þessa grein ekki til að gagnrýna eða rífast um fortíðina. Ég skrifa hana vegna þess að ég tel að Seltjarnarnesbær eigi skilið bæjarstórn sem hefur bæði vilja og getu til að snúa rekstrinum við. Við þurfum ekki fleiri afsakanir eða eftiráskýringar, við þurfum að ráðast í raunverulegar aðgerðir.

Við þurfum að horfast í augu við það að tekjur þurfa að standa undir gjöldum. Við þurfum að forgangsraða verkefnum og hagræða í rekstri. Tekjuöflun þarf að endurspegla raunverulegan kostnað við rekstur bæjarins og skapa svigrúm til að sinna reglulegu viðhaldi. Við þurfum að nýta þau tækifæri sem felast í skipulagi og uppbyggingu á miðbæjarsvæðinu, bæði til að styrkja samfélagið og skapa tekjur. Og við þurfum að koma fagmennsku og aðhaldi í fjármálastjórnun bæjarins þannig að áætlanir séu raunhæfar og þeim fylgt eftir.

Þetta er ekki spurning um hugmyndafræði. Þetta er spurning um hæfni og ábyrgð. Íbúar á Seltjarnarnesi eiga skilið bæjarstjórn sem rekur bæinn af skynsemi, horfir fram á veginn og tekur erfiðar ákvarðanir þegar þeirra er þörf.

Markmið okkar er skýrt: Við ætlum að tryggja að Seltjarnarnes geti áfram boðið upp á framúrskarandi skóla, leikskóla og íþróttaaðstöðu, en það krefst þess að við rekum bæinn af meiri festu og framsýni en gert hefur verið undanfarin ár.

Við í Samfylkingu, Viðreisn og óháðum bjóðum fram fagþekkingu og raunverulegan vilja til breytinga. Við erum tilbúin að taka við og standa vörð um fjárhagslegt sjálfstæði Seltjarnarnesbæjar.

Höfundur er oddviti Samfylkingar, Viðreisnar og óháðra á Seltjarnarnesi

Tæplega þrír milljarðar hafa tapast á áratug og skuldir fjórfaldast. Nú er kominn tími á breytingar.

Fjár­hags­legt sjálf­stæði Sel­tjarnar­ness í hættu

Kosningastefna Samfylkingarinnar á Akureyri 2026 - 2030

Sama í hvaða stöðu og á hvaða æviskeiði þú ert ætlum við okkur að létta þér daglega lífið. Við munum sinna öflugri þjónustu við alla íbúa, því við erum sterkari saman.

Setjum þak á kostnað fjölskyldna vegna leikskólagjalda. Innleiðum 100% systkinaafslátt og höfum skráningardaga endurgjaldslausa.

Bjóðum upp á sumarfrístund fyrir öll börn frá fyrsta til fjórða bekkjar grunnskólanna, þar sem börnin geta unað sér í umhverfi sem þau þekkja.

Tengjum saman síðasta leikskólasumarið við upphaf skólagöngu hjá 6 ára börnum.

Minnkum skutlið. Endurhönnum leiðarkerfið og fjölgum ferðum þannig að strætó sé alvöru valkostur í samgöngum. 

Gerum gjaldtöku bæjarins skýra og fyrirsjáanlega. Hver og einn á að geta nálgast yfirlit yfir öll gjöld sem bærinn innheimtir á einum stað.

Hækkum frístundastyrki barna í 75.000 krónur og vinnum með íþróttafélögum við að halda kostnaði við búnað og keppnisferðir niðri.

Stóraukum framboð af félagslegu húsnæði og styttum biðlista.

Gætum að samkeppnishæfni við höfuðborgarsvæðið í álagningu fasteignagjalda  og lækkum fasteignagjöld.

Auðveldum rekstur og uppbyggingu á Akureyri með einum tengipunkti sveitarfélagsins við atvinnulífið á Akureyri. Setjum á fót Atvinnulífsstofu sem verður sá tengipunktur og innleiðir aðgerðir atvinnu- og vaxtarstefnunnar. 

Gætum þess að velferð og líðan barna og ungmenna sé ávallt í forgrunni.  

Aukum við sérúrræði á borð við Hlíðaskóla, biðlistar eru langir og þörfin er til staðar.

Aukum sveigjanleika í inntöku barna á leikskóla og í sumarleyfum leikskóla. 

Hefjum átak í list- og verkgreinakennslu inni í grunnskólum.

Stóraukum kennslu í íslensku sem annað mál í grunnskólum.

Gerum börnum og ungmennum kleift að stunda myndlistarnám á Akureyri.

Eflum starf félagsmiðstöðva og hugum sérstaklega á aldursbilinu 16-18 ára; eftir að grunnskóla lýkur og þar til lögaldur næst. 

Vinnum markvisst að bættum loftgæðum í bænum og tökum afleiðingar svifryksmengunar alvarlega.

Styttum biðlista eftir félagslegu húsnæði og tryggjum að í öllu nýju skipulagi sé gert ráð fyrir 35% óhagnaðardrifinni uppbyggingu. Húsnæðisuppbygging á að eiga sér stað á forsendum bæjarbúa og það er nauðsynlegt að staldra við og hugsa upp á nýtt hvernig lóðum er úthlutað, bæði til einstaklinga og fyrirtækja.

Gerum kröfu um 35% óhagnaðardrifna uppbyggingu í öllu nýju skipulagi íbúðabyggðar.

Höldum áfram skynsamlegri þéttingu byggðarinnar í sátt við íbúa samhliða uppbyggingu nýrra hverfa. Eitt útilokar ekki annað.

Hefjum vinnu við nýtt aðalskipulag og setjum markið hátt varðandi þróun íbúafjölda og atvinnutækifæra.

Gerum Akureyrarvöll að grænni perlu þar sem náttúra, íbúabyggð og fjölbreytt mannlíf fer saman.

4. Áhyggjulaust og skemmtilegt ævikvöld 

Sýnum fólkinu sem byggði þennan bæ þá virðingu sem það verðskuldar. Það á að vera gott að eldast. Tryggjum heldri Akureyringum áhyggjulaust og skemmtilegt ævikvöld. 

Reisum almennilega félagsaðstöðu fyrir eldra fólk í samstarfi við EBAK.

Húsnæðisstefna Akureyrarbæjar á að vera fyrir alla íbúa, allt nýtt skipulag skal taka mið af þörfum eldra fólks.

Samþættum þjónustu við eldra fólk og bætum þannig viðmót, öryggi og skilvirkni. Innleiðum verkefnið „Gott að eldast“ á Akureyri og bætum stuðning við heilabilaða og aðstandendur þeirra. 

Höldum verði lágu og gæðum háum á máltíðum eldri borgara. 

Rjúfum félagslega einangrun með að nota stafrænar lausnir og í samstarfi við hjálparsamtök þegar það á við. 

Bjóðum 70 ára og eldri frítt í sund. 

Bætum aðgengi að perlum bæjarins yfir vetrartímann, s.s. Lystigarðinum. Gætum að því að aðgengi hreyfihamlaðra sé tryggt við alla mannvirkjagerð hjá Akureyrarbæ. 

Bæjarstjórn Akureyrar þarf að stunda virka hagsmunagæslu fyrir bæinn, íbúa hans og atvinnulíf. Samfylkingin á Akureyri setur hagsmuni bæjarbúa í fyrsta sætið í allri sinni nálgun.

Mörkum bænum atvinnu- og vaxtarstefnu til framtíðar sem tekur mið af breyttum heimi, tækniþróun og nýsköpun.

Stöndum vörð um millilandaflug til Akureyrar, erjumst fyrir áframhaldandi uppbyggingu flugvallarins og höldum áfram að styðja við markaðssetningu flugvallarins til erlendra og innlendra flugfélaga.

Greiðum fyrir fjölbreyttari atvinnutækifærum á svæðinu og aðstöðu til fjarvinnu - fáum fólkið okkar aftur heim eftir að það hefur náð sér í sérhæfingu og reynslu.

Hlúum að grunnatvinnugreinum okkar, lækkum fasteignagjöld á atvinnuhúsnæði og berjumst fyrir styttri leiðum til og frá Akureyri.

Tryggjum að framlög til menningarmála fylgi verðlagi og hefjumst handa við að móta nýja menningarstefnu. Sú síðasta féll úr gildi árið 2018. 

Stöndum vörð um Sjúkrahúsið á Akureyri, hjúkrunarheimilin og aðrar mikilvægar heilbrigðisstofnanir á Akureyri.

Tryggjum stöðugt framboð atvinnulóða með fullnægjandi innviðum.

Eflum Akureyri sem heilsársáfangastað, bætum aðgengi að perlum bæjarins yfir vetrartímann, s.s. Lystigarðinum. Bætum upplifun ferðamanna og fáum þá til að staldra lengur við hjá okkur. 

Hér má skoða kosningastefnuna í heild sinni á pdf skjali.

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar. 

Við í Samfylkingunni 60+ Hafnarfirði verðum með kaffispjall fimmtudaginn 30. apríl klukkan 10:30-12:00.

Gestur fundarins verður oddviti Samfylkingarinnar í Hafnarfirði og varaformaður flokksins, Guðmundur Árni Stefánsson

Við hlökkum til að sjá ykkur á Strandgötu 43.
Öll hjartanlega velkomin!

Kær kveðja,
stjórn Samfylkingarinnar 60+

Samfylkingin í Mosfellsbæ opnar skrifstofu sína upp á gátt í aðdraganda kosninga!

Opnunarhátíð verður laugardaginn 25. apríl kl. 16.00.
Komdu og kíktu við!
Stefnumálin kynnt
Spjall við frambjóðendur
Ljúffengar veitingar, svalir drykkir, tónlist og gleði

Sérstakur gestur: Kristrún Frostadóttir

Við, Samfylkingin og annað félagshyggjufólk í Fjarðabyggð, bjóðum fram í komandi sveitarstjórnarkosningum vegna þess að okkur er annt um samfélagið okkar og viljum halda áfram að leggja okkar af mörkum til að gera það enn betra. Við stöndum fyrir skýrum gildum og höfum ávallt gert: jöfnuð, ábyrgð og uppbyggingu sem skilar sér í betra samfélagi.

Við viljum að sveitarfélagið sé rekið af festu og að ákvarðanir taki mið af heildinni. Í samfélagi eins og okkar er nauðsynlegt að allir byggðarkjarnar fái að njóta sín og öll sem þar búa hafi rödd.

Við viljum móta samfélagið með fólkinu sem býr í því. Við höfum hitt fólk, hlustað og átt í samtali og það munum við áfram gera. Með þessum hætti tökum við betri ákvarðanir.

Í okkar huga á sveitarfélagið að vinna fyrir fólkið og einfalda líf þess. Þjónustan þarf að ganga upp, samgöngur milli byggðakjarna þurfa að virka og fólk þarf að geta fundið sér húsnæði og sest að. Við viljum einfalda þetta daglega líf, ekki flækja það. Það verður eingöngu gert með breiðri samstöðu og skýrum fókus á það sem skiptir fólk mestu máli. Ekki með stórum loforðum um að gera allt fyrir alla, heldur með raunhæfum ákvörðunum sem skila árangri.

Oddviti Samfylkingarinnar og annars félagshyggjufólks  í Fjarðabyggð

 samfélagi eins og okkar er nauðsynlegt að allir byggðarkjarnar fái að njóta sín og öll sem þar búa hafi rödd.

Við bjóðum fjölskyldur velkomnar í sumargleði Samfylkingarinnar á Akureyri í Sunnuhlíð á sumardaginn fyrsta.

Elsa María, sjónlistakennari og frambjóðandi býður upp á skapandi smiðjur fyrir börn á öllum aldri.

Tilvalið að hefja sumargleðina hjá okkur í Sunnuhlíð og njóta svo fjölbreyttrar dagskrár Barnamenningarhátíðar í bænm í framhaldinu. Sjáumst með sól í sinni!

Slökkviliðsstjóri

1. Jóhann K. Jóhannsson

Verkefnastjóri

2. Pálmi Blængsson

Sérfræðingur hjá RHA

3. Sæunn Gísladóttir

Ráðgjafi

4. Guðjón M. Ólafsson

Gæðastjóri

5. Kristín M. Halldórsdóttir

6. Áslaug Barðadóttir

Matreiðslumaður

7. Hbib Jaouad

Bókari

8. Valdís Jörgensdóttir

Kennari

9. Ásta Lovísa Pálsdóttir

Listakona

10. Kristjana Rannveig Sveinsdóttir

Þjónustustjóri

11. Jón Kort Ólafsson

Námsráðgjafi MTR

12. Hólmar Hákon Óðinsson

Fyrrverandi matráður

13. Ægir Bergsson

Stuðningsfulltrúi

14. Sæbjörg Ágústdóttir

Hér hefur byggst upp öflugt menntasamfélag sem samanstendur af leikskólum, grunnskólum, framhaldsskólum og háskóla. Það að bærinn okkar sé „sterkur skólabær“ er ekki endanleg staða og engan veginn tryggt til framtíðar! Þetta er lifandi verkefni sem krefst stöðugrar árvekni, skýrrar framtíðarsýnar og samstarfs ríkis og sveitarfélags sem setur menntun í forgang.

Á Akureyri eru allar forsendur til staðar til að skapa raunverulegt menntasamfélag. Horfa þarf á þjónustu við nemendur í víðu samhengi, frá fyrstu skrefum í leikskóla og alla leið upp í háskóla. Óháð því hvort einstaklingurinn sé með sérþarfir, búi við þröngan kost, sé stutt kominn í aðlögun sinni að tungumáli og menningu eða ekkert af framangreindu eigi við: Við þurfum öll sanngjarnt aðgengi að menntun.

Menntun er meira en kennslan ein og sér. Fimm lykilþættir ráða því hvernig okkur tekst til með áframhaldandi uppbyggingu bæjarins okkar sem sterks skólabæjar: Aðgengi að námi, aðbúnaður í skólum, stuðningur við nemendur og fjölskyldur þeirra, þátttaka ungs fólks í ákvörðunum um tilhögun menntunar, félagslífs og tómstunda og samtal ríkis, bæjarfélags og hagsmunaaðila.

Plássleysi, mannekla og ójafnt aðgengi að þjónustu sýna að kerfið er undir þrýstingi. Þetta hefur keðjuverkandi áhrif, ekki aðeins á yngstu börnin, heldur á allt samfélagið. Leikskólar bæjarins eru gjaldfrjálsir – en aðeins að hluta til. Eftir klukkan tvö tekur við gjaldtaka fyrir viðveru barns. Þetta hefur sérstaklega áhrif á fjölskyldur sem vinna fullan vinnudag til að ná endum saman og því miður hefur reynslan sýnt okkur að aukin pressa á foreldra að draga úr eigin vinnutíma leggst mun harðar á konur. Vissulega er tekið tillit til svoleiðis aðstæðna en að bjóða afslætti er ekki lausn á þessu vandamáli. Það er einfaldlega viðurkenning á því að kerfið nær ekki að tryggja jafnt aðgengi. Ef við ætlum að ná jafnræði í menntun verðum við að byrja á byrjuninni.

Grunnskólarnir okkar standa frammi fyrir skýrum áskorunum. Það vantar kennara og stuðningsfulltrúa, og er það ekki nýtt vandamál. Við háskólann okkar er kennd kennarafræði sem var hærri skráning í í fyrra en nokkru sinni fyrr. Margir sem stunda kennaranám við HA eru einnig að vinna fyrir Akureyrarbæ. Þeir þurfa að mæta tvisvar á misseri í lotur við HA og þurfa að taka sér launalaust leyfi frá vinnu því bærinn greiðir ekki fyrir menntun, á meðan önnur sveitarfélög greiða í hið minnsta hluta af launum á meðan á lotu stendur. Þá kvarta skólar víða undan plássleysi og það er ekki aðstaða alls staðar fyrir list- og verkgreinakennslu sem er grunnur að því að allir nemendur bæjarins fái jafnt aðgengi að kennslu.

Síðan eru það okkar ástsælu framhaldsskólar. Vissulega eru þeir reknir af ríkinu en nærsamfélag þeirra er á okkar ábyrgð! Strætókerfið okkar er úrelt, og þar með er erfitt fyrir nemendur og samfélagið í heild að nýta sér það almennilega. Ef nemandi missir af einni ferð getur hann þurft að bíða í allt að klukkutíma. Það er engan veginn raunhæft fyrir virkt skóla- og félagslíf og að geta tekið strætó á ekki að vera lúxus heldur einfaldlega grundvöllur fyrir aðgang að menntun. Það þarf að endurhugsa þetta kerfi svo að öll geti nýtt sér þetta. Þá þarf einnig að horfa til húsnæðismála, sérstaklega fyrir þau sem koma í bæinn fyrir iðnnám. Ekki allir vilja eða geta búið á heimavistinni, sérstaklega eldri nemendur eða fjölskyldufólk. Ef við viljum laða fólk að til náms verðum við að skapa raunveruleg góð lífsskilyrði – ekki bara bjóða upp á námið. Varðandi nám þá erum við með einn besta og vinsælasta verkmenntaskóla utan höfuðborgarsvæðisins. Nemendur annarra verkmenntaskóla, eins og VA, þurfa t.a.m. í ákveðnum tilfellum að koma í VMA til að klára þeirra nám. Til þess að það gangi upp, verður aðstaða til náms að vera í lagi. Við VMA vantar stofur og aðstöður fyrir það nám sem er í boði þar sem er óásættanlegt. Með því að laga þetta verðum við betri skólabær!

Háskólinn á Akureyri er einn mikilvægasti hornsteinn bæjarins. Hann laðar að ungt fólk alls staðar að og hefur bein áhrif á þróun samfélagsins. En til að halda í stúdenta þarf meira en góða kennslu. Það þarf að tengja háskólann betur við bæinn, skapa tækifæri til atvinnu, hvetja fólk til að verða eftir eftir útskrift og tryggja að lífsgæði á Akureyri séu samkeppnishæf við aðra staði.

Félagslífið í bænum er æðislegt, en við verðum að stuðla að því að framhaldsskólanemar sjái haginn í því að verða eftir, sækjast í háskólann okkar og vinna í þessari paradís sem við eigum. Til þess þarf að bæta aðstöðu fyrir stúdenta, hvort sem það er húsnæði eða félagsaðstaða, sýnileika innan bæjarins og margt fleira.

Akureyri hefur alla burði til að vera fyrirmyndar skólabær. En það gerist ekki af sjálfu sér. Það krefst þess að við tökumst á við áskoranir af heiðarleika. Tryggjum jafnt aðgengi að menntun; styðjum betur við kennara og nemendur; bætum samgöngur og aðstöðu; og vinnum markvisst saman, ríkið, bærinn, leik-, grunn-, framhaldsskólar, háskóli og atvinnulífið og samfélagið í heild. Við verðum að skapa menningu sem lætur fólk vilja vera eftir. Sterkur skólabær er ekki mældur í stefnum eða slagorðum. Hann er mældur í því hvort öll fái raunverulegt tækifæri til að læra, lifa og byggja sér framtíð – hér á Akureyri!

Höldum í okkar fólk, fáum fólk norður, bætum samfélagið og verum stoltur sterkur skólabær!

Jóhannes Már Pétursson skipar fjórða sætið hjá Samfylkingunni á Akureyri við bæjarstjórnarkosningarnar í maí.

Akureyri er sterkur skólabær og það er ekki tilviljun.

Sterkur skólabær – vinnum þetta saman

Að vísu neðst á listanum en sumir tala um það sé heiðurssæti sem er auðvitað ekki verra en hvað annað því einhver verður að vera síðastur enda segir á góðum stað að þeir síðustu verði fyrstir áður en yfir lýkur. En að öllu gamni slepptu þá sýnist mér að þessi ágæti listi geymi margt ungt og efnilegt fólk sem er víst til að fleyta bænum okkur góða úr þeirri værð og fjarlægð frá íbúum hans sem einkennt hefur bæjarstjórn undanfarin ár.

Sjálfur hef ég barist fyrir því að virkja bæjarbúa til þátttöku varðandi skipulag miðbæjarins og notið aðstoðar við það frá fjölda manns sem náði hámarki þegar við héldum fjölmennasta íbúaþing landsins um árið. Þar voru mótaðar meginlínur um það hvernig allur þessi fjöldi vildi hafa miðbæinn og afraksturinn allur gefinn bæjarstjórn með hátíðlegri viðhöfn.

Bæjarstjórn tók vel á móti þessum tillögum en að lokum fleygði hún þeim öllum í ruslatunnuna og fór sínu fram um skipulag miðbæjarins. Tók ekkert tillit til skoðana íbúaþingsins og hefur ekki gert síðan, aldrei. Bara fjasað um þessi mikilvægu málefni innan sinna veggja og síðan raðað öllu upp eftir baktjaldamakk og engu svarað ábendingum eða fyrirspurnum bæjarbúa.

Þannig hafa árin liðið. Hins vegar hefur síðustu misseri heyrst úr bæjarstjórn að athugandi væri að leita til íbúa bæjarins þegar nú er stefnt að því að skipuleggja upp á nýtt svæðið þar sem íþróttavöllurinn er fyrir norðan Hólabraut.

Ekki veit ég hvort þetta er sagt í alvöru eða hvort þetta er bara enn ein sýndarmennskan. Það fer auðvitað eftir því hverjir verða í bæjar-stjórninni næstu árin. Mér sýnist að með lista Samfylkingarinnar sé verið að endurnýja liðið verulega og vonandi fylgja því ný og betri vinnubrögð.

Þess vegna gef ég kost á mér á að vera gamli maðurinn á listanum og styðja unga fólkið til að koma á eðlilegu sambandi við bæjarbúa, fá góð ráð frá almenningi í mikilvægum málaflokkum og fara jafnvel eftir þeim. Það er tími til kominn.

Þannig er ef til vill enn hægt að nýta gamla ellibelgi til góðra verka!

Ragnar Sverrisson skipar 22. sæti S-listans fyrir bæjarstjórnarkosningarnar á Akureyri

Það voru margir undrandi þegar í ljós kom að einn listinn (S-listinn) hefur mig, fjörgamlan manninn, í framboði.

Leit um „��"

3146 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3146 niðurstöður fundust við leit að „������������������������������������������������������������"