Í samræmi við samþykkt aðalfundar FSR þann 25. nóvember síðastliðinn um frestun fundar, minnir stjórn FSR á framhaldsaðalfund FSR þann 16.desember 2021 kl. 18:30. Fundurinn fer eingöngu fram á Zoom vegna sóttvarna. 

Það sem liggur óafgreitt fyrir fundinum, en það er tillaga nýrrar stjórnar FSR um val á framboðslista Samfylkingarinnar fyrir Borgarstjórnarkosningar 2022 og tillögur stjórnarinnar um kjörstjórn og uppstillingarnefnd. 

Tillögurnar verða sendar til fundarfólks eftir stjórnarfund nk. þriðjudag.

Þau ætla ekki að að jafna kjörin í landinu nú þegar staða ríkissjóðs vænkast. Það er ekki þeirra forgangsmál þrátt fyrir fögur fyrirheit í aðdraganda kosninga. 

Munurinn milli lægstu launa í landinu og lífeyris frá almannatryggingakerfinu heldur áfram að aukast og verður um næstu áramót heilar 88 þúsund krónur á mánuði. Bilið hefur stöðugt aukist frá því Sjálfstæðisflokkur tók við stjórnartaumum ásamt Framsóknarflokki árið 2013 og þeir stjórnarflokkar sem nú halda áfram samstarfi virðast ætla að halda áfram að auka þetta bil. Fyrirheit í stjórnarsáttmála um að gera betur við eldra fólk er góðra gjalda vert en úrlausnin virðist eingöngu falla að þeim rúmlega 10% sem hafa atvinnutekjur en ekki þá sem fá greiðslur úr lífeyrissjóðum. Frítekjumark atvinnutekna eldra fólks verður tvöfaldað en ekkert verður hróflað við frítekjumarki atvinnutekna þeirra sem eru á örorku og eru með ákvörðun ríkisstjórnarflokkanna föst í 109 þúsund krónum og hafa verið föst í þeirri krónutölu frá árinu 2009. Við skulum hafa það í huga að verðlag hefur á sama tíma hækkað um 52,5% og er matarkarfa sem þá kostaði rúmar 12 þúsund krónur á tæpar 19 þúsund í dag. 

Stefán Ólafsson sérfræðingur hjá Eflingu hefur verið iðinn við að greina þróun almannatrygginga á Íslandi og bera saman við það sem þekkist í nágrannalöndum okkar. Hefur hann bent á að íslensk stjórnvöld hafa valið að verja hvað minnstum hluta af landsframleiðslu til velferðarmála miðað við þróuð vestræn ríki innan OECD. Þar er Ísland langt á eftir hinum Norðurlandaþjóðunum á sama tíma og skattbyrði á lífeyrisþega hefur stóraukist. Skerðingar á þeim hópum sem eru á lífeyri eru umtalsverðar í öllu tilliti og leiðir til þess hróplega óréttlætis sem eykst með degi hverjum í boði ríkisstjórnarinnar sem ætlar að setja málin í nefnd ef marka má stjórnarsáttmálann. Svar ráðherra við þessu er að ekki megi gleyma að halli ríkissjóðs sé verulegur sem er rétt en þó ætlar ríkisstjórnin á sama tíma að verja umtalsverðum fjármunum í uppstokkun stjórnarráðsins.   

Ísland er í kjöraðstöðu til að fjárfesta í fólki. Sú fjárfesting mun alltaf skila efnahagslegum ávinningi til frambúðar því fjárfesting í fólki léttir álag og sparar fjármuni á öðrum sviðum. Það að halda fólki í fátækt leiðir til meiri útgjalda í heilbrigðis-, velferðar- og réttarkerfinu. Fátækt er pólitíks ákvörðun og nú þegar ljóst er að staða ríkissjóðs er betri en áætlanir sögðu til um er engin afsökun fyrir því að vinna ekki markvisst að því að útrýma fátækt á Íslandi. 

Fátækt er ekki náttúrulögmál heldur pólitískt val ráðandi afla. Ný fjárlög ríkisstjórnar Katrínar Jakobsdóttur hafa nú litið dagsins ljós og þar sjást áherslur ríkisstjórnarflokkanna þriggja, svart á hvítu.

Í upphafi verður farið lauslega yfir atvinnu- og efnahagsmála kaflana og svo ræðum við saman og köstum á milli okkar hugmyndum. Hvernig við viljum bæta hann? Hvar viljum við skerpa á? Því hvetjum við ykkur til að kynna ykkur kaflann fyrir fundinn.

https://xs.is/malefnin/jafna%C3%B0arstefna-efnahags-atvinnumal

https://us06web.zoom.us/j/82518492892?pwd=cmg2T3VUaGEzT0VNalBtUTNvaUEwUT09

Atvinnu- og efnahagsmál - rafrænn umræðufundur

Íþróttir – leikvangur karlmennskunnar?

Í tilefni dagsins hélt mannréttinda-, nýsköpunar- og lýðræðisráð Reykjavíkur opna málstofu í Ráðhúsi Reykjavíkur um jafnrétti í íþróttum sem bar yfirskriftina: Íþróttir leikvangur karlmennskunnar?

Í erindunum sem þar voru flutt mátti heyra að almennt virðist almenningur og íþróttahreyfingin vera að vakna til lífsins er varðar að jafna þurfi stöðu allra kynja þegar kemur að aðgengi og þátttöku í íþróttum.

Þátttaka barna með annað móðurmál en íslensku

Talað var um mikilvægi þess að virkja börn og fullorðna með annað móðurmál en íslensku til þátttöku í hvers kyns hefðbundnu eða óhefðbundnu íþróttastarfi þar sem þátttaka í íþrótta- og tómstundastarfi er mikilvægur liður í samfélagsþátttöku og félagatengslamyndun. Jasmina Vajzovic Crnac, verkefnastjóri hverfisverkefna í Breiðholti fór yfir átak sem Reykjavíkurborg hefur staðið fyrir í Breiðholti þar sem börnum og foreldrum með annað móðurmál en íslensku er boðið upp á einstaklingsþjónustu. Þar er boðið upp á viðtöl með það að markmiði að finna út úr því hvaða íþróttir börnin hafa áhuga á að stunda þar geta þau einnig fengið aðstoð við skráningu og jafnvel fylgd í fyrstu skrefunum í þátttöku í skipulögðu íþrótta- og/eða tómstundastarfi. Hefur þetta verkefni gefist mjög vel og sífellt fleiri börn með annað móðurmál en íslensku taka nú þátt.

Jafnréttisúttekt er mikilvægt tól til úrbóta

Samkvæmt jafnréttisúttekt á störfum hverfisíþróttafélaga sem kynnt var á fundinum í morgun mátti sjá að sum íþróttafélög virðast standa nokkuð vel hvað varðar jafnt kynjahlutfall í skipan starfsfólks og stjórna en önnur félög mega bæta sig verulega. Jafnréttisúttekt er mikilvægur liður í því að félögin fái rýni á störf sín og geti þannig bætt úr. Varðandi launakjörin þá segjast félögin að kynin fái greidd jöfn laun en fram kom í máli Sigríðar Finnborgadóttir verkefnisstjóra í kynjaðri fjárhags- og starfsáætlun hjá Reykjavíkurborg að greina þarf betur hvaða forsendur og breytur liggja þar að baki.

Hinsegin og kynsegin fyrirmyndir í íþróttum

Einnig var farið yfir málefni hinsegin og kynsegin fólks og fræðslu í íþróttum. Enn eimir af því að gert er grín að hinsegin fólki í íþróttastarfi og notaðar eru setningar eins og „síðastur þangað er hommi“ eins og þegar um kapphlaup er að ræða. Þá er hinsegin fólk ekki mjög sýnilegt í íþróttaheiminum og þar vantar fleiri fyrirmyndir. Enn vantar upp á fræðslu og taka þarf betur á fordómum og þá er einnig töluverð vanþekking á stöðu transbarna eins og kom fram í erindi Svandísar Önnu Sigurðardóttur sérfræðings í hinsegin- og jafnréttismálum Reykjavíkurborgar.

Bæta þarf menningu í íþróttahreyfingunni

Kolbrún Hrund Sigurgeirsdóttir verkefnastýra Jafnréttisskóla Reykjavíkur og fulltrúi í framkvæmdastjórn Íþrótta- og Ólympíusambandi Íslands fór yfir skýrslu um kynferðislega áreitni og ofbeldi innan knattspyrnuhreyfingarinnar. Í máli hennar kom fram að nú er verið að skoða viðhorf, vinnulag og menningu. Þar er meðal annars verið að skoða hvernig eiga formlegar tilkynningar að berast, hverjir eru verkferlarnir og verið er að vinna að tillögum að úrbótum varðandi viðhorf, vinnulag og menningu. Skýrt þarf að vera hver viðurlögin eru og hvenær fólk á afturkvæmt og hvort fólk á afturkvæmt ef brot hefur átt sér stað. Kolbrún skýrði frá fjórum tillögum þar sem uppfæra þarf siðareglur og í þeim á að vera skýrt kveðið á um ofbeldismál. Að skýra þurfi leiðir og viðbrögð Knattspyrnusambands Íslands (KSÍ) í ofbeldismálum og að forysta KSÍ taki skýra afstöðu gegn ofbeldi, einnig að KSÍ verði leiðandi á sviði jafnréttismála innan íþróttahreyfingarinnar.

Kynferðisofbeldismálum gagnvart börnum fjölgað um 65%

Þá kom einnig fram í pallborði í lok málstofnunnar að hvers kyns ofbeldi gegn börnum er að finna alls staðar í samfélaginu og að við þurfum öll að taka höndum saman til að berjast gegn því. Þar er umfjöllun og fræðsla okkar helsta vopn. Í máli Kolbrúnar kom einnig fram að kynferðisofbeldismálum gegn börnum hefur fjölgað um 65% á síðastliðnum tveimur árum. Í þessu ljósi finnst mér mikilvægt að árétta að það er borgaraleg skylda okkar allra að tilkynna til barnaverndar ef okkur grunar að barn sé beitt ofbeldi eða vanrækslu.

Að lokum er mikilvægt að hafa í huga að jafnréttismál eru mannréttindamál. Iðkum mannréttindi og stöndum saman gegn öllu ofbeldi!

Hægt er að sjá upptöku af málstofunni hér á Facebook 

Höfundur er borgarfulltrúi Samfylkingarinnar og fulltrúi í mannréttinda-, nýsköpunar- og lýðræðisráði Reykjavíkurborgar.

Í dag, 10. desember er Alþjóðlegi mannréttindadagurinn en 73 ár eru liðin frá því að Mannréttindayfirlýsing Sameinuðu þjóðanna var samþykkt á þessum degi árið 1948.

Jafn­réttis­mál eru mann­réttinda­mál – út­rýmum of­beldi í í­þróttum og sam­fé­laginu

Frumvarpinu er ætlað að vinna gegn samþjöppun í sjávarútvegi og minnka fjárhagslega áhættu samfélagsins af því að aflaheimildir safnist á fárra hendur og að tengsl á milli raunverulegra eigenda fyrirtækja séu þannig að fall eins eða fjárhagslegir erfiðleikar hafi áhrif á stöðu annars.  Það er mikilvægt að frumvarpið fái framgang í þinginu, sérstaklega í ljósi þess að það eina sem ríkisstjórn hyggst gera þegar kemur að sjávarútvegsmálum er að láta þetta stóra deiluefni daga uppi í enn einni nefndinni. Þó margt hafi tekist vel í sjávarútvegi hér á landi þá vantar enn töluvert á að sátt sé um kerfið. Það vantar að auki réttlætið og fullvissuna um að samfélagið allt njóti nægilega góðs af auðlindanýtingunni. Þetta frumvarp er stórt skref til þess að skapa betra jafnvægi og meiri sátt um atvinnugreinina og nýtingu auðlinda.

Með frumvarpinu eru lagðar til breytingar á lögum um stjórn fiskveiða, þess efnis að skilgreint verði nánar hvað felist í hugtökunum „tengdir aðilar“ og „raunveruleg yfirráð“. 

  Í fyrsta lagi er lagt til að aðilar teljist tengdir ef annar aðilinn á að minnsta kosti 25% hlutafjár, stofnfjár í hinum eða fer með 25% atkvæðisréttar. Það er í samræmi við lög um aðgerðir gegn peningaþvætti og fjármögnun hryðjuverka og lög um skráningu raunverulegra eigenda sem samþykkt voru í þinginu fyrir um tveimur árum.  

Í öðru lagi er lagt til að til tengdra aðila teljist lögaðilar sem stjórnað er af sömu einstaklingum og jafnframt hjón, sambúðarfólk, börn þeirra, fósturbörn og lögaðilar í þeirra eigu.

Í þriðja lagi er lögð til ítarlegri skilgreining á því hvað felist í raunverulegum yfirráðum en kveðið er á um í núgildandi lögum um stjórn fiskveiða. Er lagt til að með raunverulegum yfirráðum sé átt við rétt sem skapast með samningum eða einhverjum þeim hætti sem gerir aðila kleift að hafa afgerandi áhrif á félag; með eignarhaldi eða rétti til að nota eignir félags, allar eða að hluta, eða með rétti til að hafa afgerandi áhrif á samsetningu, atkvæðagreiðslu eða ákvarðanir stofnanafélags. 

Loks felur frumvarpið í sér málsmeðferð Fiskistofu þegar samanlögð aflaheimild einstakra aðila og tengdra aðila er yfir 6% af heildarverðmæti allra tegunda afla sem sæta takmörkunum á leyfilegum heildarafla. Lagt er til að í þeim tilvikum beri að tilkynna til Fiskistofu hverja þá ráðstöfun sem leiðir til hækkunar á aflahlutdeild áður en slík lögskipti koma til framkvæmda. 

Óskýrleiki á skilgreiningum á „tengdum aðilum“ í lögum um stjórn fiskveiða hefur orðið til þess að Fiskistofa hefur ekki treyst sér til að vinna eftir lögunum við eftirlit með því hvort einstakir aðilar fari með yfir 12% af úthlutuðum kvóta. Upplýsingar um raunverulega eigendur er nú þegar opinberar og aðgengilegar almenningi. Þannig getur almenningur fylgst með raunverulegum eigendum fyrirtækja sem fénýta auðlindir þjóðarinnar.

 „Ítrekað hefur verið bent á að of sterk yfirráð fárra aðila yfir fiskveiðiauðlindinni hafi þær afleiðingar að frekari völd safnist á hendur þeirra í þjóðfélaginu en heilbrigt getur talist. Völd þeirra og áhrif í krafti auðs geti orðið skaðleg og áhrif þeirra á ákvarðanir í stjórnkerfinu og á vettvangi stjórnmála geti unnið gegn almannahag. Samþjöppun kemur í veg fyrir samkeppni og hamlar nauðsynlegri endurnýjun. Tíu stærstu útgerðirnar fara með meira en helming kvótans og tuttugu stærstu útgerðirnar ráða yfir meira en 70% kvótans. Við þetta bætist svo eignarhald þessara útgerðarisa í öðrum útgerðum. Stór útgerðarfyrirtæki hér á landi eru í raun rekin sameiginlega og hafa samráð um veiðar, vinnslu og sölu afurða.“ 

-Oddný Harðardóttir, flutningsmaður frumvarpsins 

Með frumvarpinu er verið að hrinda í framkvæmd tillögum um samþjöppun aflaheimilda sem verkefnastjórn um bætt eftirlit með fiskveiðiauðlindinni skilaði til sjávarútvegs- og landbúnaðarráðherra 30. desember 2019. Verkefnastjórninni var m.a. falið að bregðast við ábendingum í stjórnsýsluúttekt Ríkisendurskoðunar um eftirlit Fiskistofu er varðar samþjöppun aflaheimilda. Oddný Harðardóttir, fyrsti flutningsmaður frumvarpsins átti sæti í stýrihópnum.

Oddný Harðardóttir mælti í dag fyrir frumvarpi á Alþingi um stjórn fiskveiða. 

Mælti fyrir frumvarpi um stjórn fiskveiða

Auk hefðbundinna aðalfundarstarfa þá verður rætt um bæjarmálin og hvernig best verði að standa að vali á framboðslista fyrir komandi bæjarstjórnarkosningar.

Dagskrá
1. Venjuleg aðalfundarstőrf.
2. Umræður um val á framboðslista fyrir bæjarstjórnarkosningarnar 2022.
3. Önnur mál.

Félagar eru hvattir til þessa að mæta og gæta fyllstu sóttvarna.

Hönnunarsamkeppni - samráð við listafólk og borgarbúa

Fyrr í dag, undirrituðu Dagur B. Eggertsson, borgarstjóri, og Magnús Ásmundsson, hafnarstjóri Faxaflóahafna, samning um kaup borgarinnar á húsnæði Faxaflóahafna í Hafnarhúsinu. Með samningnum mun Reykjavíkurborg eignast Hafnarhúsið í heild sinni sem mun meðal annars hýsa nýtt safn Nínu Tryggvadóttur.

Áætlað er að safn Nínu Tryggvadóttur verði stað­sett í austur­hluta Hafnar­hússins í Reykja­vík en í vestur­hluta þess er Lista­safn Reykja­víkur. Safn Nínu Tryggvadóttur mun prýða þau verk sem Una Dóra Copley, einka­dóttir Nínu, hefur ánafnað Reyk­víkingum. Um er að ræða vel á annað þúsund lista­verka eftir Nínu sem eru mál­verk, teikningar, gler­verk, vatns­lita­myndir og fleira.

Í framhaldinu verður efnt til hugar­flugs og sam­ráðs við listafólk og borgarbúa á öllum aldri vegna frekari út­færslu á Hafnar­húsinu þar sem kallað verður eftir hug­myndum til undir­búnings hönnunar­sam­keppni. Þar verða út­færðar breytingar á húsinu til að rúma tilkomumikið Safn Nínu Tryggva­dóttur og stækkun Lista­safns Reykja­víkur. Tryggvagatan og allt svæðið í kringum Borgarbókasafnið í Grófinni og Hafnarhúsið verður samfelld og sannkölluð menningartorfa þegar allt verður fullbyggt sem við megum svo sannarlega láta okkur hlakka til að bera augum.

Verðmætasta gjöf sem borgin hefur þegið

Ég var svo lánsöm að eiga góða stund með Unu Dóru í haust þegar hún kom hingað til lands til að undirrita gjafasamninginn til borgarinnar en þá varð borgarstjóra á orði að þetta væri verðmætasta gjöf sem borgin hefur þegið. Una Dóra er sem fyrr segir einkadóttir Nínu Tryggvadóttur myndlistakonu og rithöfundar og Dr. Al Copley listamanns og doktors í læknavísindum.

Í samtali mínu við Unu Dóru langaði mig til að skilja betur hvers vegna Una Dóra færir Reykvíkingum þessa rausnarlegu gjöf, en mín tilfinningin er að æ sjaldgæfara sé að viðlíka gjafir séu gefnar í þessum kapítalíska heimi.

Una Dóra var rétt liðlega 17 ára gömul þegar hún missti móður sína og var það henni mikið áfall. Nína Tryggvadóttir lést í Bandaríkjunum þann 18. júní 1968 en jarðneskar leifar hennar hvíla í Fossvogskirkjugarði í Reykjavík. Una Dóra var ein sinna skólasystkina sem hafði misst foreldri. Hún sagði móðurmissinn hafa breytt henni og að hún hafi hreinlega orðið önnur manneskja eftir þetta áfall. Una Dóra hefur sterka tengingu við móður sína og segist alltaf hafa fundið fyrir nærveru hennar í gegnum lífið. En Nína birtist henni reglulega með ýmsum táknum og ekki síst þegar kemur að umsýslu með verkum hennar. Hún segir að móðir hennar hafi fylgt henni í þessa vegferð og megi því túlka sem svo að Nína hefði verið sátt við þessa ráðstöfun.

Í uppvextinum varði Una Dóra flestum sumrum sínum á Íslandi, mest á Fálkagötunni í íbúð sem foreldrar hennar keyptu þegar hún var lítil og ber því sterkar taugar til Reykjavíkur. Þegar ég spurði hana af hverju hún ánafnar Reykjavíkurborg öllum þessum verkum og eigum, þá svaraði hún því til - Af því Nína var alltaf íslensk – alltaf íslenskur ríkisborgari og gerðist aldrei bandarískur ríkisborgari. Hún sagði Nínu hafa kynnt land og þjóð hvar sem henni gafst færi á og átti oft í djúpum samræðum við fólk um Ísland. Því má með sanni segja að íslenska taugin hafi ætíð verið sterk og því eigi verk hennar hér heima. Þetta verður vissulega Safn Nínu Tryggvadóttur en aldrei hefði það orðið nema fyrir rausnarlega gjöf og ást Unu Dóru á Íslandi og Reykjavík, að ógleymdum stuðningi eiginmanns hennar heitnum Scott Jeffries sem studdi hana dyggilega í þessum velgjörðum.

Munu Reykvíkingar seint geta þakkað Unu Dóru nógsamlega.

Ég hlakka til að taka þátt í og fylgjast með framvindu verkefnisins þar til Safn Nínu Tryggvadóttur verður að veruleika.

Safn Nínu Tryggva­dóttur í Hafnar­húsið – Takk Una Dóra!

Logi Einarsson kemur í heimsókn í Kópavoginn, mánudaginn 6. des. kl. 20:00. Fundurinn verður haldinn á Catalínu í hjarta Kópavogs (hliðarsalur). 

Logi mun fara yfir áherslumál þingflokksins fyrir komandi þing. 

Mætum öll og hlustum á okkar mann.  

Kveðja, stjórnin. 

Bjarkarhlíð fær auka 7, 5 miljónir til að sinna þessu mikilvæga verkefni. Allir sem dvallið hafa á vistheimilum geta sótt ráðgjöf í Bjarkarhlíð, hvort sem heimilin voru rekin af ríkinu, Reykjavíkurborg eða einkaaðilum. 

Heiða Björg Hilmisdóttir, formaður velferðarráðs, segir að með þessu séu send skýr skilaboð til einstaklinga sem hafi orðið fyrir ofbeldi á vistheimili. „Börn eiga aldrei að verða fyrir ofbeldi og það er hræðilegt að heyra af því ofbeldi sem fólk hefur lýst að það hafi orðið fyrir á vistheimilum. Með þessu skrefi viljum við senda skýr skilaboð til þeirra sem vistuð voru sem börn á vegum Reykjavíkurborgar um að hafi þau orðið fyrir ofbeldi þá standi þeim til boða stuðningur í Bjarkarhlíð. Það er ekki hægt að breyta fortíðinni en við getum sannarlega staðið saman um það núna að taka afsöðu gegn hvers kyns ofbeldi og að trúa og styðja þau sem fyrir því hafa orðið.“

Með þessum aukna styrk til Bjarkarhlíðar vonast Reykjavíkurborg að unnt verði að bregast við þeim áföllum sem þessir einstaklingar hafa orðið fyrir sem börn. Undafarnar vikur, mánuði og ár hafa fjölmargir opnað sig um það ofbeldi sem það varð fyrir á slíkum heimilum og það er verk að vinna að hjálpa fjölmörgum að vinna sig út úr þessum áföllum. 

Ákveðið var á fundi Velferðarráðs að Bjarkarhlíð, miðstöð fyrir þolendur ofebeldis, fær aukinn styrk frá Reykjavíkurborg til að veita einstaklingum ráðgjöf sem hafa upplifað eða orðið fyrir ofbeldi við dvöl á vistheimilum.

Reykjavíkurborg styrkir Bjarkarhlíð til að veita þolendum ofbeldis vistheimila ráðgjöf

Haustið hefur liðið hratt og senn líður að jólum. Kosningarnar í september voru okkur jafnaðarmönnum vonbrigði - og raunar mörgum þeim sem aðhyllast félagslegt réttlæti og frjálslyndi. 

Þrátt fyrir það var sá möguleiki fyrir hendi að mynda ríkisstjórn frá miðju til vinstri; félagshyggjukosturinn var raunhæfur möguleiki sem að formaður Vinstri grænna hafnaði, til þess eins að endurnýja samstarf við Sjálfstæðisflokkinn.

Eftir tveggja mánaða bið birtu ríkisstjórnarflokkarnir þrír loks nýjan stjórnarsáttmála, litlausan og íhaldssaman. Hvergi minnst á fátækt og varla á ójöfnuð; þúsundum barna sem búa við skort, tekjulágu fólki, öryrkjum og öldruðum ekki gefin mikil von um bjartari tíma. Í byrjun gladdist ég þó að sjá áherslu lagða á loftslagsmálin, tæknibreytingar og öldrun þjóðar - en þau fögru fyrirheit voru slegin köld með framlagningu fjárlaga. Þar kom hið rétta andlit ríkisstjórnarinnar í ljós; engin aukning til loftslagsmála umfram það sem gert var ráð fyrir, niðurskurður á framlögum til mennta- og menningarmála og enga aukningu að sjá í húsnæðisuppbyggingu þrátt fyrir mikla vöntun. 

Heimsfaraldurinn heldur áfram að leika okkur grátt. Vegna fjölda smita í samfélaginu varð að fresta mikilvægum flokksstjórnarfundi sem átti að halda í nóvember. Það bíður því nýs árs að hittast í persónu og ræða stöðuna í stjórnmálum og framtíð jafnaðarstefnunnar. 

Verkefnin eru ærin og erindi jafnaðarmanna jafn mikilvægt og áður. Stjórnvöld hafa ríku hlutverki að gegna í baráttunni gegn ójöfnuði; réttlátt skattkerfi, félagslegt húsnæði, barnabætur og öflugar almannatryggingar skipta máli. Mikil misskipting dregur úr verðmætasköpun, skerðir lífsgæði og rýfur samkennd. Þá þarf að styrkja stoðir heilbrigðisþjónustunnar, vinna að nýrri sátt í fiskveiðistjórnunarkerfinu, mæta áskorunum framtíðarinnar og hamfarahlýnunar með stefnufestu og fjárfestingu, sækja fram í menntamálum og byggja upp atvinnulíf sem er fjölbreyttara, alþjóðlegra og grænna. 

Við jafnaðarmenn gefumst því ekki upp þótt móti blási heldur höldum ótrauð áfram til sigurs í sveitarstjórnarkosningunum í vor og Alþingiskosningunum næst - hvort sem þær verða eftir eitt ár eða fjögur. 

Kæru félagar, haustið hefur liðið hratt og senn líður að jólum. Kosningarnar í september voru okkur jafnaðarmönnum vonbrigði - og raunar mörgum þeim sem aðhyllast félagslegt réttlæti og frjálslyndi. 

Leit um „��“

2356 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Vertu í bandi:

Leit um „���������������������������“