Landsþing 60+ verður haldið þann 13. nóvember kl. 12 -13 á Hótel Natura. 

Landsþingið hefði með réttu átt að halda árið 2020 í tengslum við Landsfund en af ástæðum sem öllum eru kunnar var það ekki verið hægt. Við höldum því nú stutt Landþing, í tengslum við flokksstjórnafundinn, sem haldinn er sama dag á Hótel Natura. 

Á fundinum verður hægt að fá brauð og súpu sem kostar 2.490 á mann. Er fólk beðið um að merkja við það þegar það skrái sig.

Skráning hér: https://docs.google.com/forms/d/e/1FAIpQLScOiT2mJSUqiANHhxpBfmbl6alc7KNJyg36YZ-2L9vdhBgfcg/viewform

Dagskrá:
1. Skýrsla fráfarandi stjórnar
2. Kosning stjórnar
3. Kosning uppstillinganefndar
4. Starfið framundan
5. Önnur mál

Með bestu kveðju, og félagar eru hvattir til að fjölmenna.
Landssamtök 60+

 Þetta er vissulega dramatískt, en engu að síður staðreynd. Ef við keyrum samfélögin áfram með sama hætti næstu 30 ár og síðustu 30 þá munum við hægt og rólega útrýma lífverum og búsetusvæðum. Vísindin hafa sýnt okkur þetta og kennt okkur ýmsar leiðir til að koma í veg fyrir slíkt neyðarástand og þar verður mannkynið allt að taka höndum saman. Og það er hægt, ef við bara viljum. 

Hér á landi heyrast þær raddir að við séum svo smá og fá að okkar framlag skipti ekki máli. Það er alrangt því losun okkar á gróðurhúsalofttegundum er hluti af heildinni. Stórt framlag okkar í loftslagsmálum er líka að jafn ríkt land og Íslandi sýni í verki að það sé tilbúið til að gera allt sem þarf og verði þannig öðrum þjóðum fyrirmynd. Sem betur fer hafa ríki heims samið um ákveðnar leikreglur varðandi útreikning losunar og útdeilingu kvóta og við verðum að muna að með því að standa ekki við loforð okkar um samdrátt í losun þurfum við að greiða háar sektir. Það er því hvort tveggja samfélagslega og efnahagslega mikilvægt að standa við loforð okkar um samdrátt á losun, standa við loforð um kolefnishlutleysi. Við verðum að gera allt sem í okkar valdi stendur til að minnka losun. 

Stjórnvöld þurfa að draga úr notkun einkabíla með stóreflingu almenningssamgangna um allt land því það er fjárfesting til framtíðar. Kröftugar almenningssamgöngur þurfa að vera Borgarlína, sem má hraða með afgerandi hætti, Keflavíkurlína sem myndi minnka vægi einka- og rútubíla milli Suðurnesja og Höfuðborgarsvæðis og svo landlína sem þjónar Vestulandi, Vestfjörðum, Norðurlandi, Austurlandi og Suðurlandi. Stjórnvöld verða að vera stórtæk og skapa almenningi alvöru valkost við einkabílinn um allt land með úrlausnum og niðurgreiðslum á ferðum. Þau sem myndu nýta almenningssamgöngur daglega fengju aukinn afslátt og með því að gera ferðir gjaldfrjálsar fyrir börn og ungmenni ölum við upp nýjar kynslóðir notenda almenningssamgangna. 

Stjórnvöld þurfa líka að styðja með mynduglegum hætti íslensk fyrirtæki eins og Carbfix sem vinna að varanlegri kolefnisbindingu í jörðu. Kolefnisförgun er þannig markviss og nauðsynleg leið fyrir okkur til að ná loftslagsmarkmiðum okkar og er framúrskarandi tæknilausn sem byggir á traustum vísindalegum grunni sem nú þegar er að hafa mikil áhrif. Þar er hægt að gera stærri hluti ef stjórnvöld hafa áhuga á. 

Við á Íslandi getum gert margt en til þess þarf samstíga ríkisstjórn sem þorir að fara í stórtækar aðgerðir. 

Greinin birtist í Morgunblaðinu 2. nóv. 2021

Loftslagsráðstefna Sameinuðu þjóðanna er hafin. Þangað streyma um 25 þúsund fulltrúar frá 200 löndum enda verkefnið það mikilvægasta af öllum - að bjarga heiminum frá lífsstíl okkar og gera plánetuna jörð að búsetustað allra lífvera áfram. 

Það skiptir líka miklu að huga að fjölskyldu þeirra sem fá heilabilun því þau eru líka að uplifa nýjan veruleika. Mikilvægt er að nýta alla þá möguleika sem til eru til að styðja við lífsgæði fólks og vellíðan og að þjónusta samfélagsins aðlagi sig að þörfum fjölskyldna.

Undanfarin ár hefur það verið stefna stjórnvalda að færa þjónustu sem fólk kann að þurfa á að halda þegar það eldist eða veikist í auknu mæli heim til fólks. Í Reykjavík er félagsleg stuðningsþjónusta og heimahjúkrun samþætt þannig að sem heildstæðust þjónusta skapist. Með nýjum reglum um stuðningsþjónustu sem samþykktar voru á dögunum mun mat á þjónustuþörf verða einstaklingsmiðaðra en markmiðið með því er að leggja til hliðar áður notaða matskvarða og meta frekar í samtali við notanda þjónustunnar hvað hann vil eða þarf. Auk stuðningsþjónustu þess er þjónusta á borð við matarsendingar, félagsstarf, akstur, endurhæfing og hjúkrunar og nú nýjast er teymi sem kallað er Selma. Það samanstendur af hjúkrunarfræðingum og læknum og hefur það að markmiði að efla heilbrigðisþjónustu heim til þeirra sem fá heimahjúkrun. Þetta hefur fækkað komum á bráðamóttöku og aukið lífsgæði fólks. Velferðartæknilausnir geta stutt við sjálfstætt líf og hefur Reykjavíkurborg verið að prófa sig áfram með slíkt í Velferðartæknismiðju.

Að vera náinn aðstandanadi manneskju með heilabilun krefst alltaf einhverra breytinga og það getur verið krefjandi verkefni eftir því sem sjúkdómurinn þróast. Stundum er um að ræða algjöra kúvendingu, jafnvel þannig að maki eða barn ber skyndilega alla ábyrgð á velferð og lífi ástvinar síns. Stefna Reykjavíkurborgar er að standa betur með þessum fjölskyldum þar og því munum við setja í gang tilraunaverkefni til tveggja ára þar sem við metum hvernig viðð getum best gert það. Verkefnið gengur út á að sérstakir starfsmenn heimaþjónustu veita stuðning inni á heimilinu, eitt til tvö skipti í viku, í 2-3 klukkustundir í senn, t.d. um kvöld og helgar í samræmi við þarfir heimilisins umfram þá þjónustu sem annars er í boði. Um leið og einstaklingurinn sem er með heilabilun fær stuðning gefst aðstandendum kostur á að fara út af heimilinu og sinna sínu, því það er einfaldlega mikilvægt. Með því móti væri verið að mæta þörf sem áður hefur ekki verið hægt að mæta með markvissum hætti af heimaþjónustu. Þetta er mikilvægt skref sem við erum að stíga og ég er sannfærð um að það mun sanna mikilvægi sitt og festast í sessi.

Greinin birtist á vísi.is 5. nóv. 2021

Það er margt sem breytist hjá fólki sem fær heilabilun, einföldustu hlutir geta orðið flóknir og minnið bregst sem oft skapar óöryggi. Það er mikilvægt að fólk fái strax stuðning og hjálp til að fóta sig og að þjónusta sé miðuð út frá hverjum einstakling. 

Stuðningur við fjöl­­skyldur fólks með heila­bilun

Fjármagn til viðhalds skólamannvirkja verður aukið og framkvæmdum flýtt. Verið er að hraða innleiðingu stafrænnar tækni í skólastarfinu til að færa nám og kennsluhætti í grunnskólum til móts við nýja tíma þar sem heimurinn er við fótskör nemenda. Þá er aukið samstarf skóla- og velferðarsviða í verkefninu Betri borg fyrir börn með áherslu á að bæta og samþætta skóla og velferðarþjónustu sem sé veitt í nærumhverfi barnafjölskyldna.

Borgarráð samþykkti í gær tillögu borgarstjóra um að efna til samkeppni um viðbyggingu við Melaskóla sem fagnar 75 ára afmæli á árinu og umbreytingu Hagatorgs í grænan almennings- og útivistargarð fyrir íbúa og börn í leik-, grunnskólum og frístundastarfi hverfisins. Samhliða voru kynntar hugmyndir um framtíð Vörðuskóla og nærliggjandi skólahverfi og stækkun grunnskóla í Laugardal. Þá verður sett af stað vinna við að móta viðmið um forgangsröðun hugmynda um viðbyggingar og meiriháttar endurbætur á skólahúsnæði í borginni.

Við höfum þrefaldað fjármagn til viðhalds skólamannvirkja á undanförnum 5 árum úr 600 í 2.100 milljónir en munum nú gefa enn í. Nú liggja fyrir heildarupplýsingar um ástand skólamannvirkja sem gefur tilefni til að auka og hraða enn framkvæmdum til viðhalds þeirra. Þetta eru alls 136 skýrslur um húsnæði skóla og frístundastarfs í borginni. Á grundvelli þeirra samþykkti borgarráð í gær tillögu borgarstjóra um að varið verði 25-30 milljörðum króna í viðhald skólamannvirkja á næstu 5-7 árum, 4-5 milljörðum á hverju ári. Þetta verður eitt stærsta fjárfestingarverkefni borgarinnar og samræmist vel aðgerðahluta nýrrar menntastefnu borgarinnar þar sem sérstök áhersla er á fullnægjandi húsnæði og aðstöðu barna og starfsfólks sem helgar sig þessum mikilvæga málaflokki.

Greinin birtist í Fréttablaðinu 5. nóv. 2021

Reykjavíkurborg setur menntamál og velferð íbúa í forgang í fjárhagsáætlun sinni fyrir næsta ár. Grunnskólarnir styrkjast með nýju fjármagni sem nemur 1.546 milljónum á ári sem gerir skólunum kleift að sinna enn betur mismunandi þörfum nemenda. 

List og menning eru snar þáttur í lífs­gæðum okkar og um leið mikil­vægir drif­kraftar í þróun sam­fé­lagsins. Undan­farna mánuði hefur verið unnið að nýrri menningar­stefnu fyrir Reykja­vík sem heitir „List og menning í Reykja­vík 2030“.

Það er auð­velt að slá um sig með orðinu „menningar­borg“. En til að borgin standi undir þeirri nafn­bót þarf margt að koma til. Það er grund­vallar­at­riði að „allir í­búar hafi jöfn tæki­færi til að njóta lista, menningar og menningar­arfs bæði sem þátt­tak­endur og neyt­endur“. Enginn má vera úti­lokaður. Það er rauður þráður í stefnunni.

Annað megin­stef felst í því að í Reykja­vík séu fram­úr­skarandi að­stæður til list­sköpunar. Það á að vera eftir­sóknar­vert fyrir lista­menn að búa í Reykja­vík. Mikil­vægt er að Reykja­víkur­borg skapi að­stæður þar sem list­sköpun nýtur sín. Styrkir borgarinnar, sem eru um­tals­verðir, eiga að stuðla að eflingu list­greinanna á þeirra eigin for­sendum.

Segja má að í stefnunni sé bæði horft út á við og inn á við. Lögð er á­hersla á hverfa­menningu og sett fram sú fram­tíðar­sýn að öll hverfi borgarinnar verði suðu­pottur menningar og lista. Um leið er á­réttað að Reykja­vík eigi að verða heims­þekkt menningar­borg.

Af hverju menningar­stefna? Jú, hún gefur meðal annars lista­fólki og þeim sem reka menningar­stofnanir kleift að hafa á­hrif á það hvaða mark­miðum skuli stefnt að næstu árin og til hvaða að­gerða skuli gripið til að ná settu marki. Menningar­stefnan byggir á víð­tæku sam­ráði við full­trúa allra list­greina, menningar­stofnana og fé­laga sem borgin styrkir. Stefnan brýnir borgar­yfir­völd til að leggja metnað í að skapa sem bestar að­stæður fyrir list­sköpun og öflugt menningar­starf. Hún lýsir mark­miðum og gerir grein fyrir hvernig þessum mark­miðum skuli náð.

Hér er hægt að kynna sér drög að stefnunni.

Greinin birtist í Fréttablaðinu 16. nóv. 2021.

Reykja­vík er menningar­borg. Hún býr yfir mjög frjórri lista­senu og öflugu menningar­starfi. Fyrir vikið verður til ríki­dæmi sem við njótum öll. Það er geysi­mikil­vægt. Líf okkar verður inni­halds­ríkara, fjöl­breyttara, skemmi­legra.

Aðalfundur Kjördæmisráðsins í Suðurkjördæmi verður haldinn laugardaginn 30. október 2021 kl. 11:00 - 13:00 á Bryggjunni í Grindavík. Gestur fundarins er Drífa Snædal forseti ASÍ. 
 
Dagskrá aðalfundar: 

2. Ársreikning fyrir næstliðið ár, 

4. Lagabreytingar, ef einhverjar eru, og umræður um endurskoðun á lögum ráðsins 

5. Yfirlit um starfsemi aðildarfélaga, 

6. Kjör stjórnarmanna og varamanna þeirra, 

7. Kjör valnefndar og skoðunarmanna reikninga. 

Aðalfundur kýs 5 manna stjórn kjördæmisráðsins og jafnmarga til vara. Formenn aðildarfélaga hafa seturétt á fundum stjórnar kjördæmisráðsins með málfrelsi og tillögurétti. 

Þau sem vilja taka sæti í stjórn og varastjórn endilega hafi samband við formnann Kjördæmisráðs Jónínu Holm  joninaholm@gmail.com 
 
 
Með kveðju,
stjórn kjördæmisráðsins 

Aðalfundur Kjördæmisráðsins í Suðurkjördæmi

Félagsfundur Samfylkingarfélagsins í Reykjavík (SffR) fer fram miðvikudaginn 10. nóvember 2021 kl. 19.30 þar sem kosið verður um lista fulltrúa SffR á aðalfundi Fulltrúaráðs Samfylkingarfélaganna í Reykjavík (FSR). Staðsetning auglýst síðar.

DAGSKRÁ
1. Listar fulltrúa SffR á aðalfundi FSR lagðir fram og um þá kosið.
2. Þingmannaspjall - Helga Vala Helgadóttir og Jóhann Páll Jóhannsson þingmenn Reykjavíkur eiga samtal við fundargesti.

Nauðsynlegt er að skrá sig á félagsfund SffR sem verður haldinn 10. nóvember svo hægt sé að áætla veitingar og húsnæði. Skráningarfrestur rennur út á miðnætti þriðjudaginn 9. nóvember 2021.
Skráning á félagsfund SffR miðvikudaginn 10. nóvember kl. 19.30: https://docs.google.com/forms/d/e/1FAIpQLSd89qFOnJvZilmaWcp7AlnbhaVJ5WOQvXmR_jc4ZfDCbB-fpA/viewform

Félagsfundur Samfylkingarfélagsins í Reykjavík 

Samfylkinginn í Mosfellsbæ boðar til félagsfundar mánudaginn  1.nóvember næst komandi í sal félagsins Þverholti 3 og hefst hann kl. 19:30.

Niðurstaða síðustu Alþingskosninga og sveitastjórnarkosningarnar næsta vor

 Kosning í valnefnd fyrir sveitastjórnarkosningarnar í vor  3 aðalmenn og tveir til vara

  Sérstakur gestur fundarins verður Þórunn Sveinbjarnardóttir oddviti í Samfylkingarinnar í suðvesturkjördæmi

Aðalfundur Félags frjálslyndra jafnaðarmanna verður haldinn fimmtudagskvöldið 4. nóvember nk. kl. 19.30 í Gym&Tonic salnum á Kex Hostel, Reykjavík.

Á dagskrá fundarins eru venjuleg aðalfundarstörf skv. lögum félagsins, en þau eru að samþykkja lagabreytingar og endurskoðaða reikninga, að kjósa sjö fulltrúa í aðalstjórn, sjö í varastjórn og einn skoðunarmann reikninga. Þá munum við tilnefna fulltrúa félagsins á aðalfund fulltrúaráðs Samfylkingarinnar í Reykjavík (FSR)

Reiknað er með stuttum en snörpum fundi, því mál málanna verður að spjalla við gesti kvöldsins sem verða sitjandi þingmenn Reykjavíkurkjördæmanna tveggja, þau Helgu Völu Helgadóttur, Jóhann Pál Jóhannsson og Kristrúnu Frostadóttur. Við ætlum að ræða helstu þingmálin og hvað komandi kosningavetur gæti borið í skauti sér, sem og önnur mál sem brenna á fundargestum.

Framboð til stjórnar og lagabreytingar skulu berast á netfangið felagfrjalslyndra@gmail.com.

Aðalfundur Félags frjálslyndra jafnaðarmanna 

Ákall er um þéttara samstarf landanna um ógnir sem ná yfir landamæri, s.s. loftslagsvá, netárásir og heimsfaraldra.

Norræna módelið um velferð fyrir alla, heilbrigðan vinnumarkað og ábyrga efnahagsstjórn hefur staðist tímans tönn og ágjöf pólitískra strauma. Norðurlandaráð leggur mikla áherslu á samstarf landanna um samfélagsöryggi og það verður eitt helsta málefni þingsins. Gestaræðumaður er Jens Stoltenberg, framkvæmdastjóri NATO og fyrrverandi forsætisráðherra Noregs.

Norrænt samstarf er afar mikilvægt fyrir okkur Íslendinga. Til Norðurlandanna höfum við sótt fyrirmyndina að réttlátu velferðarsamfélagi fyrir alla. Samstarfið er um lög, reglugerðir og alls konar ákvarðanir á opinberum vettvangi, um menntun og menningu, samstarf stofnana, félagasamtaka og fyrirtækja. Samstarfið er einnig á pólitískum vettvangi.

Til dæmis hittast formenn jafnaðarmannaflokkanna á Norðurlöndum reglulega og sameiginlegir fundir eru með jafnaðarmannaflokkunum og verkalýðshreyfingum landanna. Kannanir sýna að næstum allir íbúar norrænu ríkjanna eru hlynntir norrænu samstarfi.

Grundvallarmarkmið Norðurlandaráðs er að gott sé að eiga heima, lifa og starfa á Norðurlöndum. Í ráðinu sitja 87 þingmenn. Danmörk, Finnland, Noregur og Svíþjóð eiga 20 þingmenn hvert land og Ísland á sjö.

Norðurlandaráð kemur saman tvisvar ár ári. Löndin skiptast á að gegna formennsku og þingið er haldið í því landi sem fer með formennsku sem er í ár Danmörk.

Stjórnmálastarf Norðurlandaráðs fer fram í nefndum og flokkahópum. Nefndirnar eru þekkingar- og menningarnefnd, sjálfbærninefnd, hagvaxtar- og þróunarnefnd, velferðarnefnd og eftirlitsnefnd sem fylgist með hvernig fjármagni er varið.

Flokkahóparnir skiptast í jafnaðarmenn, miðjumenn, hægrimenn, norræn vinstri græn, norrænt frelsi en tveir þingmenn eru utan flokkahópa. Verðlaunaafhending Norðurlandaráðs fyrir bókmenntir, kvikmyndir, tónlist og umhverfisverkefni er einn af hápunktum þingsins.

Greinin birtist á vísi.is 2. nóv. 2021

Þing Norðurlandaráðs stendur yfir dagana 2.-4. nóvember þar sem ákvarðanir verða teknar um málefni sem brenna á norrænum þingmönnum og sem þeir telja brýnt að ríkisstjórnirnar finni lausn á.

Leit um „��“

2360 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Vertu í bandi:

Leit um „���������������������������“