Sveitarfélagið hóf malbikun gatna og gangstéttagerð, rafstrengjum var komið í jörð og götulýsing sett upp. Íbúarnir gróðursettu tré á lóðum sínum, steyptu kanta umhverfis og fengu lánuð mót frá sveitarfélaginu til þess arna. Þá var sveitarfélagið í fararbroddi annarra sveitarfélaga í þessum efnum

Nú er öldin önnur. Sveitarfélagið skarar á engan hátt fram úr, frekar er það á hinn veginn. Ég mun hér á eftir nefna það helsta en vil þó taka fram að hér er eingöngu fjallað um stöðu mála á Selfossi en ekki á Eyrarbakka og Stokkseyri þar sem ég þekki ekki eins vel til mála.

Frárennslismál
Framkvæmdir við hreinsistöð hafa tekið óhemju tíma eða u.þ.b. áratug, og hillir loks undir lok verkefnisins um næstu áramót. Núverandi meirihluti virðist hvorki hafa haft áhuga né metnað til að ljuka verkinu á kjörtímabilinu.

Framkvæmdir í handaskolum
Framkvæmdir á síðustu árum á vegum bæjarins hafa hafa einkennst af miklu sleifarlagi. Endurnýjun gatna hefur gengið mjög seint og jafnvel staðið yfir árum saman. Þar má nefna t.d. framkvæmdir við vestanverða Fossheiði og Rauðholt. Þó tekur steininn úr þegar framkvæmdir við nýja dælustöð við árbakkann eru skoðaðar. Það er ekki falleg ásýndin sem blasir við vegfarendum sem koma til bæjarins. Bæjaryfirvöldum hefði verið í lófa lagið að ganga strax frá þeim hluta framkvæmdanna sem er lokið og það fyrir löngu síðan. Þar fyrir utan er mannvirkið einstaklega ljótt og spillir verulega þessum fallega hluta árbakkans. „Það er eins og andskotinn hafi gert þetta með öfugum klónum fyrir aftan bak“ var einhvern tíma sagt um óvönduð vinnubrögð. Það á ágætlega við um þessa framkvæmd, Þar fyrir utan hefur mér verið sagt af fagmanni að engin þörf hafi verið á þessari staðsetningu dæluhússins.

Umhirða og viðhald
Viðhaldi gatna er verulega ábótavant, ónýtt slitlag er víða með tilheyrandi holum, gangstéttarkantar brotnir og gangstéttir stórhættulegar sem sums staðar eru orðnar eins og apalhraun yfirferðar. Tröppurnar við ráðhúsið hliðið að Tryggvagarði eru bæjarfélaginu síðan til ævarandi skammar.

Sigtúnsgarður
Mörg ár eru liðin síðan ákveðið var að útbúa bæjargarð í miðbæ Selfoss sem ætlaður yrði til útivistar og samkomuhalds. Útlit garðsins var hannað fyrir u.þ.b. þremur áratugum og framkvæmdir hófust með uppbyggingu mana sem gróðursett var í og malbikað plan þar sem skemmtanir vegna 17. júní og „Sumars á Selfossi“ hafa farið fram. Þá var malbikaður göngustigur lagður í gegnum svæðið. Árið 2013 var svo hóað til samkomu og garðinum gefið nafnið Sigtúnsgarður við hátíðlega athöfn með tilheyrandi myndatökum og ræðuhöldum. Siðan hefur ekkert gerst nema að svæðið hefur í tvígang verið minnkað og það sem af var tekið afhent Sigtúni-þróunarfélagi því að kostnaðarlausu. Því er nú svo komið að aðeins stendur eftir helmingur af svæðinu sem garðinum var ætlað og ef fram heldur sem horfir mun Sigtún-þróunarfélag eignast afganginn án þess að greiða eina krónu fyrir.

Fyrir utan þann seinagang og aðgerðaleysi sem hér hefur verið lýst hefur sveitarfélagið gengið mjög illa um þessa eign sína, viðhald og umhirða í algjöru lágmark, og auk þess leyft umferð níðþungra ökutækja (tívolí), og raunar annarri bílaumferð inn á grasflatirnar með tilheyrandi skemmdum.

Í umræðum á netinu um þessa stöðu bar einn af forvígismönnum bæjarstjórnarinnar fyrir sig að ástæða þessa væri peningaskortur. Sú skýring er hrein fásinna, bæjarfélagið hefur á þeim tíma sem liðinn er frá upphafsframkvæmdum oft staðið ágætlega og þar að aukið eru nauðsynlegar framkvæmdir við garðinn ekki sérlega kostnaðarsamar.

Hvað er til ráða?
Ég er nokkuð viss um að flestir íbúar vilji hafa bæinn sinn fallegan og snyrtilegan en til þess þarf að gera átak bæði bæjaryfirvalda og almennings. Veita þarf meira fé til þessara verkefna en ekki síst að vera vakandi fyrir umbótum og leita í því skyni samstarfs við almenning og áhugamannafélög eins og Skógræktarfélag Selfoss sem hefur unnið stórvirki í Hellisskógi á undanförnum áratugum. Rétt er að taka fram að ekki er um mikla fjármuni að ræða í samanburði við aðra kostnaðarliði sveitarfélagsins.

Núverandi bæjarstjórnarmeirihluti Sjálfstæðisflokksins hefur fengið sín tækifæri en algerlega brugðist í þessum efnum og virðist hvorki hafa áhuga né metnað til umbóta. Hann býður að mestu fram sama fólkið sem skipaði listann í síðustu kosningum og því engra breytinga þaðan að vænta. Því er nauðynlegt að að fella hann í komandi kosningum sem og af öðrum ástæðum og mynda nýjan meirihluta annarra flokka undir forystu Samfylkingarinnar og óháðra.

Tökum aftur forystu í umhverfismálum og gerum bæinn okkar snyrtilegan og fallegan á nýjan leik.

Þorvarður Hjaltason
Skipar 18. sæti á lista Samfylkingar og óháðra

Sveitarfélagið Árborg má muna sinn fífil fegurri í umhverfismálum. Sú var tíð að Selfoss var þekktur fyrir snyrtilegt umhverfi. Á sjöunda áratug síðustu aldar var mikil uppbygging í sveitarfélaginu. Þar fór saman áhugi íbúanna og frumkvæði sveitarfélagsins.

Umhverfismál og framkvæmdir í Árborg í ólestri

Miðvikudaginn 13. maí skellum við í risapartý í Samkomuhúsinu Sandgerði.

Kristrún Frostadóttir forsætisráðherra 
Uppistandarinn Ási Guðna
Tónlistarmaðurinn Guðjón Þorgils
Partýbingó
DJ Millenial

Gleðin hefst 20:00
Léttar veitingar á meðan birgðir endast
Hlökkum til að sjá ykkur

Samfylkingin og óháðir í Suðurnesjabæ

Af orðræðunni að dæma mætti halda að meiriháttar viðsnúningar hafi orðið á rekstri sveitarfélagsins, sem helst megi þakka hversu vel heppnaðar þær fjárhagslegu aðgerðir eru sem meirihlutinn hefur ráðist í á kjörtímabilinu, enda skili reksturinn 1.500 milljónum í rekstrarhagnað.

Þegar rýnt er í tölurnar kemur hins vegar berlega í ljós að hvorki er um að ræða snilld né kraftaverk í rekstri sveitarfélagsins. Ekki nema að ef vera skyldi að met í skattheimtu, langt umfram þörf, flokkist undir fjármálasnilld.

Hærri gjöld og tekjur
Það er mikilvægt að rýna í stöðu og rekstur síðustu ára til að greina rétt frá röngu. Við skoðun á rekstrarhluta ársreikningsins kemur eftir farandi í ljós:

-Rekstrargjöld voru áætluð rúmar 18.269 milljónir en enduðu í rúmum 18.841 milljón, munurinn er því 572 milljónir hærri rekstrargjöld en gert var ráð fyrir.

-Rekstrartekjurnar voru áætlaðar rúmar 21.084 milljónir en enduðu í tæpum 22.818 milljónum, munurinn er 1.734 milljónir hærri rekstrartekjur en gert var ráð fyrir.

Þessi mikla tekjuaukning skýrist að mestu af eftirtöldum þáttum:

Um 500 milljónir hærri skatttekjur en gert var ráð fyrir.

Um 500 milljónir hærra framlag frá Jöfnunarsjóðnum.

Um 600 milljónir vegna SIS mats og er greitt úr Jöfnunarsjóðnum.

Þetta gera samtals um 1.600 milljónir og það er því ljóst að rekstrarbatinn sem varð á árinu 2025 er annars vegar tilkominn vegna hærri skatta og hins vegar vegna þess að sveitarfélagið vann í „Jöfnunarsjóðslottóinu“ rúmlega 1.000 milljónir sem eru mjög gleðilegar fréttir fyrir okkur íbúa Árborgar.

Heppni og hærri skattar
Af ofangreindu má því sjá að það er hálf sérkennilegt af meirihluta bæjarstjórnar að berja sér á brjóst og halda því blákalt fram að mikill „rekstrarviðsnúningur“ hafi orðið árið 2025 þegar það er öllum ljóst sem vilja sjá það að „lottóvinningurinn“ og hærri skatttekjur skýra að lang mestu leyti betri rekstrarniðurstöðu sveitarfélagsins Árborgar 2025.

Við blasir að gera þarf að gera miklu betur í rekstri sveitarfélagsins því ekki er hægt að stóla á lottóvinninga né halda úti því stigi í skattheimtu sem gert er nú. Það er ósanngjarnt, bitnar harkalega á ungu og efnaminna fólki og fælir bæði fólk og fyrirtæki frá því að setja sig niður í sveitarfélaginu.

Verkefni næsta kjörtímabils verður að lækka skattheimtu á íbúa og fyrirtæki. Ráðast verður í gagngerar breytingar á rekstrinum með það að leiðarljósi að lækka rekstrargjöld. Í því samhengi þarf til dæmis að horfa til tækifæra sem felast í innleiðingu stafrænna innviða. Það viljum við gera og þangað ætlum við fyrir alla íbúa Árborgar.

Sigurjón Vídalín Guðmundsson
Oddviti Samfylkingarinnar og óháðra í Árborg

Bæjarfulltrúar meirihluta D- og Á-listans í Svf. Árborg fara mikinn eftir að ársreikningur sveitarfélagsins fyrir 2025 var lagður fram til fyrri umræðu á bæjarstjórnarfundi sl. miðvikudag. 

Ég man samt ekki eftir Bununni, þótt þarna hafi vissulega verið smá spræna þegar ég var að alast upp en ekki nógu kraftmikil til þess að svala þorstanum. En ég hugsa stundum um hana, þetta svæði og allt það sem var þar áður.

Árið 1910 var ráðist í framkvæmdir á nýrri skólabyggingu í Klifinu sem í dag er gjarnan kallaður gamli Barnaskólinn. Árið 2026 eru annars konar framkvæmdir í húsinu en þar hefur verið mikil endurnýjun síðustu ár og húsið bíður spennt eftir nýju hlutverki. Húsið á Klifinu hefur gegnt ýmsum hlutverkum í gegnum árin og flestir frá plássinu eiga minningar um svæðið, húsið og starfsemina þar. Hvort sem það var skóli, samkomustaður og/eða félagsmiðstöð.

Félagsmiðstöðin Knellan var lengi þar til húsa. Ég man eftir henni þar: tónlistinni, lyktinni, namminu og draugunum. Nú er Félagsmiðstöðin Knellan til húsa á gömlu bæjarskrifstofunum fyrir ofan Valhöll. Félagsmiðstöðin Knellan var stofnuð árið 1985 og er ein elsta félagsmiðstöð landsins. Félagsmiðstöðin heitir eftir verslun og íbúðarhúsi langalangafa míns, sem stóð í Klifinu fyrir neðan gamla skólann á síðustu öld, en þar seldi Langi langi knall(h)ettur eða knellur. Orðið knella er tökuorð úr dönsku „knallhetta” sem þýðir: lítill hluti sem sér um að kveikja í hleðslu með snöggum hvelli eða neista þegar högg kemur á hana.

Kveikjum aftur knelluna í Fjarðabyggð 

Félagsmiðstöðvar í Fjarðabyggð skortir í dag þann neista, þá knellu sem áður kveikti líf í tómstundastarfi ungs fólks. Samfylkingin og annað félagshyggjufólk vill leggja áherslu á að efla félagsmiðstöðvar í sveitarfélaginu, endurskoða opnunartíma og búa til öflugri vettvang fyrir unga fólkið. Við þurfum að halda áfram að efla faglegt starf félagsmiðstöðva og gera endurbætur á húsnæði. Til þess þurfum við skýra framtíðarsýn fyrir allt félagsmiðstöðvastarf í Fjarðabyggð. Við viljum leggja áherslu á fjölbreyttara starf og samstarf á milli byggðakjarna. Þar gegna samgöngur lykilhlutverki þannig að börn og ungmenni geti sótt viðburði óháð staðsetningu. Félagsmiðstöðvar eiga ekki að mæta afgangi hjá sveitarfélaginu. Félagsmiðstöðvar eiga að vera öruggur staður fyrir ungmenni á kvöldin, því að þegar uppi er staðið eru félagsmiðstöðvar og föstudagsopnanir besta forvörnin.

Höfundur, Arndís Bára Pétursdóttir, skipar 5. sætið á framboðslista Samfylkingarinnar og annars félagshyggjufólks í Fjarðabyggð og er fyrrverandi forstöðumaður Knellunnar.

Á Eskifirði er hæð sem Eskfirðingar kalla Klifið. Í Klifinu segja bækur og eldra fólk að þar hafi verið buna sem þótti alveg einstaklega góð og svalandi. 

Kosningastefna Samfylkingarinnar í Reykhólpahreppi 2026 - 2023

Það hefur sárlega vantað ungt fólk í framboð til sveitarstjórna. Í síðustu kosningum hefur kosningaþátttaka yngsta kjósendahópsins verið lítil og farið minnkandi. Þegar ég ákvað að gefa kost á mér á lista S og óháðra í Árborg var það til þess að vekja athygli á og berjast fyrir þeim málefnum sem brenna á ungu fólki sem er að fara að stíga sín fyrstu skref út í lífið.

Setjum þak á leikskólagjöld
Það þarf að treysta ungu fólki til áhrifa. Þar er af nógu að taka og mun ég á næstunni fjalla um þau málefni í greinum sem þessari.

Ég hef átt heima í Árborg frá því að ég var tæplega 3 ára gömul þegar fjölskyldan flutti úr Skeiða- og Gnúpverjahreppi í Árborg. Skólagangan var Hulduheimar, Vallaskóli og FSu. Allt mjög góðir skólar þar sem var gott að vera.

Hér er gott að eiga heima og hef notið þess að taka þátt í allskyns tómstundum; fótbolta með UMFS, þátttöku í kór FSu og söngkeppni framhaldsskólanna fyrir hönd FSu. Þetta eru forréttindi og hefur mótað mig á víðtækan hátt. Ég vil tryggja að allir hafi aðgang að slíku starfi óháð því hver efnahagur fjölskyldu þeirra er.

Kristrún Frostadóttir, forsætisráðherra, komst vel að orði í stefnuræðu sinni á flokksstjórnarfundi Samfylkingarinnar um síðustu helgi þegar hún sagði; „Íslandi vegnar best þegar við tökum ábyrgð hvert á öðru — þegar réttur og skylda fara hönd í hönd, og allir leggja sitt af mörkum. Þetta er okkar hugmyndafræði: Það sem aðgreinir Samfylkingu og sósíaldemókrata frá öllum öðrum flokkum.“

Í anda orða Kristrúnar þurfum við að létta barnafólki lífið. Þau bera þyngstu byrðarnar í samfélaginu, koma upp fasteign fyrir fjölskylduna og börnunum í gegnum skólastigin.

Eitt af því sem er mikilvægt að gera og er í stefnudrögum flokksins er að setja þak á leikskólagjöld og taka upp 100% systkinaafslátt. Þá er mikilvægt að lögfesta rétt til leikskólavistar að loknu fæðingarorlofi.

Þá þarf einnig að brúa bilið á milli fæðingarorlofs og leikskóla í eitt skipti fyrir öll með samstilltu átaki ríkis og sveitarfélaga. Þannig stöndum við með barnafjölskyldum landsins og léttum undir með þeim í basli hins daglega lífs. Þá eru fríar strætóferðir og ríflegir frístundastyrkir mikilvæg til þess að efla þátttöku í íþróttum og tómstundum, óháð efnahag.

Elísabet Björgvinsdóttir
Skipar 4. sæti á lista Samfylkingarinnar og óháðra í Árborg

Samfylkingin mun á næstu dögum og vikum kynna stefnumál flokksins fyrir sveitarstjórnarkosningar í vor. Uppleggið er; hvernig léttum við þér lífið?

Í dag er svo komið að suðvesturhorn landsins er smám saman að verða eitt samverkandi þéttbýlissvæði. Þessi staða kallar á skýra og heildstæða stefnu í skipulagi og samgöngum, þar sem horft er til svæðisins sem ein heild.

Ein af forsendum þess að þessi þróun haldi áfram er að samgönguinnviðir fylgi eftir með öruggum og aðgengilegum tengingum milli svæða. Fjárfesting í fjölbreyttum og skilvirkum samgöngum er nauðsynlegar. Það á bæði við um vegakerfið og almenningssamgöngur, sem gegna mikilvægu hlutverki í sjálfbærri borgarþróun.

Sundabraut er lykilframkvæmd í að tengja höfuðborgarsvæðið og Vesturland betur saman og létta á umferð innan austurhluta borgarinnar. Sundabraut þarf þó að vera framkvæmd af ábyrgð og taka mið af hagsmunum Reykjavíkur og borgarbúa. Samráð við íbúa nærliggjandi hverfa skiptir miklu máli og mikilvægt að sjónarmið þeirra fái vægi við mótun verkefnisins. Þannig verður lausnin ekki aðeins tæknilega góð heldur einnig Reykjavík til framdráttar.

Suðurnesin gegna einnig stóru hlutverki í þessari heildarmynd. Þar er að finna fjölmennasta þéttbýlissvæði landsins utan höfuðborgarsvæðisins, auk þess sem svæðið hýsir helsta alþjóðaflugvöll landsins. Tengingar milli Suðurnesja og Reykjavíkur þurfa því að vera bæði öflugar og fjölbreyttar. Sérstök áhersla ætti að vera lögð á að efla almenningssamgöngur milli þessara svæða, sem myndi draga úr umferðarálagi og umhverfisáhrifum og auka lífsgæði þeirra sem ferðast daglega á milli. Í mínum huga eru hugmyndir um lestarsamgöngur milli Reykjavíkur og Keflavíkurflugvallar ekki draumórar heldur lausn sem þarf að fara skoða af alvöru á komandi kjörtímabili.

Það er ekki hægt að tala um samgöngur til og frá höfuðborgarsvæðinu án þess að ræða Reykjavíkurflugvöll. Líkt og íbúasamtökin Hljóðmörk hafa bent á með skeleggum málflutningi sínum þá hefur ónæði af óþarfa flugi aukist á síðustu 10 árum. Er þá átt við ónæði af flugi frá einkaþotum, útsýnisþyrlum og kennsluflugi. Við viljum draga úr þessari óþarfa flugumferð um Reykjavíkurflugvöll og þeim neikvæðu áhrifum sem hún hefur á öryggi, heilsu og lífsgæði íbúa höfuðborgarsvæðisins.

Einkaþotur ætti að flytja sem fyrst til Keflavíkur og útsýnisflug þyrla viljum við út fyrir borgarmörkin. Hvað kennsluflugið varðar þarf að ná betra jafnvægi um það innan hvaða ramma sú starfsemi starfar. Með markvissum aðgerðum má skapa betra jafnvægi milli starfsemi vallarins og hagsmuna þeirra sem búa og starfa í borginni. Svo þurfum við auðvitað að halda áfram leit að nýju flugvallarstæði fyrir innanlandsflug. Það er bæði hagur borgarbúa og flugsamfélagsins.

Framtíð höfuðborgarsvæðisins og nágrennis þess ræðst af því hvernig tekst að samræma vöxt, skipulag og samgöngur. Með skýrri stefnu, samráði og markvissri uppbyggingu innviða eru hér allar forsendur til staðar að byggja upp vel tengt og sjálfbært borgarsamfélag, þar sem ólík svæði vinna saman sem ein sterk heild. Horfum til framtíðar.

Höfundur, Birkir Ingibjartsson, skipar 8. sæti á lista Samfylkingarinnar fyrir borgarstjórnarkosningarnar í vor.

Höfuðborgarsvæðið hefur vaxið hratt á síðustu áratugum og áhrif þess teygja sig sífellt lengra út fyrir borgarmörkin. Sú þróun er ekki tilviljun heldur endurspeglar breytt samfélag og aukinn hreyfanleika milli atvinnu- og búsetusvæða. 

Síðastliðin ár hefur mikið verið fjárfest í innviðum Reykjavíkur og hér er haldið uppi öflugri menningarstarfsemi sem nýtist öllu landinu. Reykjavík ber uppi félagslega þjónustu á áhrifasvæði sínu en skilar samt af sér betri rekstri ár eftir ár en öll nágrannasveitarfélögin. Borgin er til að mynda eina sveitarfélagið á höfuðborgarsvæðinu sem var með nægjanlega miklar tekjur úr rekstri sínum til að geta greitt útistandandi skuldir sem gjaldfalla á árinu 2026 án þess að selja eignir eða taka yfirdrátt. Þetta skiptir máli.

Hægri flokkarnir í Reykjavík, sem hamra sífellt ranglega á því að rekstur borgarinnar sé í molum, vilja fara aðra leið til að reka höfuðborgina. Þeir vilja selja eignir borgarinnar, eignir sem nýtast okkur borgarbúum gríðarlega vel og eru í raun eignir borgarbúa.

Þetta sést til að mynda vel í stefnuskrá Sjálfstæðisflokksins. Hann vill selja:

Mörg þúsund félagslegar íbúðir í eigu borgarinnar sem veita lágtekjufólki og viðkvæmum hópum þak yfir höfuðið

Bílastæðahús í eigu borgarinnar sem bjóða upp á ódýrari bílastæði en samkeppnisaðilarnir, og hækka þannig bílastæðagjöld í miðborginni

Malbikunarstöðina Höfða sem sér um meginþorra malbikunarframkvæmda í Reykjavík og tryggir virka samkeppni á markaði

Mikilvæg fyrirtæki út úr samstæðu Orkuveitu Reykjavíkur eins og loftslagsverkefnið Carbfix og grunninnviðafyrirtækið Ljósleiðarann

Sjálfstæðisflokkurinn á landsvísu hefur líka boðað stórtæka einkavæðingu á orkufyrirtækjum eins og Landsneti, Rarik og Orkubúi Vestfjarða. Auk þess hefur formaður flokksins áður sagt að hún vildi að íslenska ríkið myndi selja 30-40% í Landsvirkjun. Það er því ljóst að samfélagslegt eignarhald á Orkuveitu Reykjavíkur verður aldrei tryggt á meðan Sjálfstæðisflokkurinn stýrir ríki eða borg. Þetta boðar Sjálfstæðisflokkur á sama tíma og hann talar bæði borgina og eignirnar niður.

Það er ljóst að hægri flokkarnir, Sjálfstæðisflokkur, Miðflokkur og Viðreisn ásamt Framsókn, ætla að auka einkavæðingu og einkarekstur með tilheyrandi arðsemiskröfu víða í borgarkerfinu. Til dæmis í velferðarþjónustu, sorphirðu, samgöngum og vistun barnanna okkar.

Það er lykilatriði að við stöndum vörð um þau miklu verðmæti sem eru í eigu borgarinnar og til þess að koma í veg fyrir að þau verði seld á tombóluverði þarf Samfylking að hljóta sterkt umboð í borgarstjórnarkosningum 16. maí.

Höfundur skipar 6. sæti á lista Samfylkingarinnar fyrir borgarstjórnarkosningarnar í vor.

Reykjavíkurborg er vel rekið sveitarfélag. Hún er það núna og hefur verið það lengi. Það er þó með rekstur borgarinnar eins og rekstur annarra skipulagsheilda að það má alltaf gera betur, þetta vitum við í Samfylkingunni.

Reykja­vík töluð niður svo hægt sé að selja eignir hennar

Það er ekki ábyrgt að reka sveitarfélag án skýrrar sýnar um hvernig eigi að styrkja tekjustofna þess, draga úr skuldsetningu og byggja upp samfélag sem stendur undir eigin metnaði. Seltjarnarnes getur ekki leyft sér að sitja fast í hálfkáruðum lausnum, frestunum og ónýttum tækifærum á meðan reksturinn veikist og þróun bæjarins dregst aftur úr. Það þarf pólitískt þor til að horfast í augu við þessa stöðu og taka ákvarðanir sem skila raunverulegum árangri.

Við viljum uppbyggingu sem skilar árangri. Uppbyggingu sem styrkir fjárhag bæjarins, dregur úr skuldsetningu og skapar á sama tíma meira líf, betri þjónustu og öflugra samfélag. Það gerist ekki af sjálfu sér. Það gerist með skynsamlegu skipulagi, markvissri uppbyggingu í samráði við íbúa og skýrri sýn á það hvernig Seltjarnarnes á að þróast á næstu árum.

Bærinn þarf sterkari stoðir undir reksturinn

Lykillinn að sjálfbærum rekstri Seltjarnarnesbæjar er að styrkja tekjustofna og draga úr skuldsetningu. Það er ekki nóg að vona að staðan lagist af sjálfu sér eða að takast megi á við vaxandi verkefni með sama hugsunarhætti og hingað til. Sveitarfélag sem vill standa undir góðri þjónustu þarf að hafa burði til þess.

Við viljum nýta betur þau tækifæri sem felast í miðbænum og skipulagi bæjarins til að efla reksturinn, fjölga íbúum og skapa meira líf á Nesinu. Það er hægt að gera með ábyrgum hætti, í góðu samstarfi við íbúa og með skýra heildarsýn að leiðarljósi. Án slíkrar sýnar verða tækifærin áfram vannýtt og kostnaðurinn lendir að lokum á íbúunum í formi þrengri rekstrar, minni svigrúms og lakari þjónustu.

Eiðistorg á að vera hjarta bæjarins, ekki tákn um stöðnun

Eiðistorg og miðbærinn eru eitt stærsta vannýtta tækifæri Seltjarnarness. Þar ætti að vera líf, þjónusta, samvera og skýr bæjarbragur. En til þess þarf metnað, framtíðarsýn og vilja til að ljúka verkefnum sem hafa setið of lengi í bið.

Við viljum móta heildstæða framtíðarsýn um Eiðistorg og miðbæinn sem snýst ekki aðeins um fermetra eða tekjur. Við viljum að skipulögð verði blönduð byggð á lóðum við Austurströnd og Eiðistorgsplan í góðu samstarfi við íbúa og hagaðila. Slík uppbygging þarf að vera vönduð og manneskjuleg, og ríkja þarf jafnvægi milli íbúðarbyggðar, þjónustu og almenningsrýma.

Við viljum jafnframt endurreisa Eiðistorg sem lifandi hjarta bæjarins með því að ljúka viðgerðum á þaki torgsins, bæta hljóðvist og skapa aðlaðandi stemningu í samstarfi við einkaaðila á svæðinu. Það er ekki nóg að tala um mikilvægi miðbæjarins. Það þarf að sýna í verki að bæjarfélagið ætli sér að gera hann að raunverulegum samkomustað.

Seltjarnarnes á ekki að sitja eftir í stórum samgönguverkefnum

Samhliða fjölgun íbúa og markvissri uppbyggingu þarf að efla samgöngur til og frá Seltjarnarnesi. Það er einfaldlega ekki nóg að bæta við byggð ef tengingar, umferðaröryggi og aðgengi fylgja ekki með. Samgöngur eru hluti af lífsgæðum fólks, atvinnusókn, loftslagsmálum og daglegri virkni samfélagsins.

Mikilvægt er að virkja betur þau vannýttu tækifæri sem felast í samgöngusáttmála höfuðborgarsvæðisins, sem Seltjarnarnes er stofnaðili að. Þar þarf að sækja fram af meiri festu og skýrari hagsmunagæslu fyrir íbúa bæjarins.

Við viljum styðja við fjölbreytta samgöngumáta, efla almenningssamgöngur og bæta tengingar þannig að stofnleiðir Strætó þjóni betur Gróttubyggð og tengist öflugri starfsemi á Granda. Við viljum ljúka gerð öruggra hjólastíga við Nesveg og skapa betri tengingu við háskólasvæðið í Vatnsmýrinni og aðra lykilstaði á höfuðborgarsvæðinu. Þetta eru ekki jaðarmál. Þetta eru grunnforsendur þess að Seltjarnarnes sé vel tengt og vel starfandi samfélag.

Við þurfum líka að tala skýrt þegar kemur að stærri samgöngumálum á höfuðborgarsvæðinu. Við viljum forgangsraða Miklubrautargöngum til að tryggja greiðari samgöngur fyrir íbúa Seltjarnarness og bæta tengingar við aðra hluta svæðisins. Við viljum jafnframt tryggja markvisst viðhald á vegakerfi bæjarins með því að leggja fram og fylgja eftir skýrri áætlun um endurbætur á götum og stofnbrautum á og að Nesinu.

Öryggi og aðgengi í nærumhverfinu skipta máli

Skipulag sem skilar árangri þarf að sjást í daglegu lífi íbúanna. Það þarf að sjást í öruggari götum, betri aðkomu, skýrari stýringu og vönduðum innviðum. Við viljum bæta umferðaröryggi í öllum hverfum bæjarins með markvissum aðgerðum þar sem öryggi vegfarenda er í fyrirrúmi, meðal annars með takmörkun hraða þar sem við á.

Við viljum einnig bæta aðgengi og stýringu við Gróttu með því að skipuleggja bílastæði og hefja gjaldtöku þar sem Seltirningar verði sérstaklega undanskildir. Það er eðlilegt að bærinn stýri betur aðgengi að einum vinsælasta áfangastað sínum, bæði til að vernda svæðið og tryggja betri upplifun fyrir íbúa og gesti.

Við viljum líka styrkja innviði til útivistar við Náttúruminjasafnið með gerð vandaðrar uppbyggingaráætlunar fyrir gönguleiðir með stuðningi úr opinberum framkvæmdasjóðum. Slík uppbygging eykur gæði nærumhverfisins og styrkir þá sérstöðu sem Seltjarnarnes býr yfir.

Uppbygging sem skilar árangri gerist ekki sjálfkrafa. Hún krefst þess að sveitarfélag hætti að láta tækifærin fram hjá sér fara og fari í staðinn að vinna af skýrri sýn, ábyrgð og festu. Hún krefst þess að rekstur, skipulag, samgöngur og þjónusta séu ekki meðhöndluð sem ótengd mál, heldur sem hlutar af einni heild. Seltjarnarnes þarf uppbyggingu sem skilar árangri, ekki kyrrstöðu sem kostar bæinn dýru verði.

Höfundur er framkvæmdastjóri og skipar 1. sæti á lista Samfylkingar, Viðreisnar og óháðra á Seltjarnarnesi.

Sterkt sveitarfélag byggist ekki á kyrrstöðu, skuldasöfnun og vannýttum tækifærum. Á Seltjarnarnesi viljum við nýta skipulag, samgöngur og uppbyggingu af ábyrgð til að styrkja rekstur bæjarins, fjölga íbúum og skapa meira líf á Nesinu.

Sel­tjarnar­nes þarf upp­byggingu sem skilar árangri

Hlustum og berum ábyrgð. Ræðum saman um málefni fólks með fötlun. Hvað þarf sveitarfélagið að bæta og hvað gengur vel?
Magnús Orri spjallar við gesti og aðrir frambjóðendur á staðnum
Mánudaginn 11. maí kl. 19:30

Kosningaskrifstofa okkar er á Garðvangi, Garðbraut 85

Leit um „��"

3374 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3374 niðurstöður fundust við leit að „���������������������������������������������������"