Kosningastefna Samfylkingarinnar í Reykjavík 2026

4. Rúllum út rauða dreglinum fyrir fólk og atvinnulíf

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar. 

Forsætisráðherra

Kristrún Frostadóttir

Heilbrigðisráðherra

Alma Möller

Umhverfis-, orku og loftslagsráðherra

Jóhann Páll Jóhannsson

Menningar-, nýsköpunar- og háskólaráðherra

Logi Einarsson

Arna Lára Jónsdóttir

Ása Berglind Hjálmarsdóttir

Dagbjört Hákonardóttir

Dagur B. Eggertsson

Eydís Ásbjörnsdóttir

Þingflokksformaður

Guðmundur Ari Sigurjónsson

Kristján Þórður Snæbjarnarson

Ragna Sigurðardóttir

Sigmundur Ernir Rúnarsson

Víðir Reynisson

Þórunn Sveinbjarnardóttir

Þeir sem bjóða sig fram til bæjarstjórnar Akureyrar eru að bjóða sig fram til forystu. Þegar meirihluti er myndaður að afloknum kosningum er það gert á grundvelli meirihlutasamnings, sem meirihlutinn hyggst hafa forystu um að koma í verk fyrir almenning á Akureyri. Í tilfelli Akureyrar er það reyndar þannig að sem lang stærsta sveitarfélagið á Norð- Austurlandi gegnir bærinn jafnframt forystuhlutverki í landshlutanum öllum, sbr. nýlega samþykkt á Alþingi um borgarstefnu fyrir Akureyri.

Það skiptir því miklu máli að meirihluti bæjarstjórnar Akureyrar á hverjum tíma taki þetta forystuhlutverk alvarlega og sé stöðugt að sinna hagsmunum Akureyrar og landshlutans alls. Á kjörtímabilinu hefur hins vegar sífellt meiri þungi færst í umræðu meðal bæjarbúa um að á þessa nauðsynlegu forystu hafi mjög skort.

Það er auðvelt að nefna mörg dæmi um að meirihlutinn hafi í besta falli haldið í humátt á eftir þeim sem hafa leitt umræðu um brýn hagsmunamál, t.d. varðandi Akureyrarflugvöll, Sjúkrahúsið á Akureyri eða Háskólann á Akureyri, að ógleymdum sparnaðarleiðangri menntamálaráðherra síðustu ríkisstjórnar með misheppnaðri atlögu að framhaldsskólunum, MA og VMA. Í þessum tilfellum hefur bæjarstjórn Akureyrar vart verið sýnileg í umræðunni, eða í besta falli fengið til sín gesti til að fá upplýsingar, en lítið orðið úr verki í kjölfarið.

Ýmis önnur mál virðist bæjarstjórn varla telja á sínu borði. Þar eru kannski skýrustu dæmin um styttingu á hringveginum fram hjá Blönduósi og afskipti af forgangsröðun í gangagerð. Ef bæjarstjórn hefði haft áhuga á að kynna sér málavöxtu varðandi gangagerð á Eyjafjarðarsvæðinu hefði hún ekki síst í ljósi nýrrar borgarstefnu barist fyrir því að næstu göng yrðu undir Öxnadalsheiði í stað Fljótaganga. Með því að gera göng undir Öxnadalsheiði mundi margt vinnast í senn. Samgöngur að vetri yrðu mun öruggari og ekki þyrfti að fara um Siglufjörð þegar heiðin er lokuð. Tenging yfir í Skagafjörð yrði mun betri og Eyjafjörður yrði sannarlega eitt atvinnusvæði allt til Siglufjarðar með göngum milli Dalvíkur og Ólafsfjarðar, sem eru framarlega á samgönguáætlun. Með því að berjast fyrir álíka endurskoðun á samgönguáætlun og á Austurlandi mundi Eyjafjarðarsvæðið styrkjast til muna, þar sem horft væri til svæðisins í heild frekar en að einblína á eitt vandamál í einu og eina lausn eins og varðandi veginn um Almenninga milli Siglufjarðar og Fljóta.

Það verður að gera bragarbót á hagsmunagæslu Akureyrarbæjar á næsta kjörtímabili, en til þess að svo verði þurfa að koma til ný og betri vinnubrögð og meiri áhugi með nýjum meirihluta. Það er ekki nóg að bregðast við, heldur þarf Akureyri að vera í forystu. Það hefur sýnt sig að slíkt skilar árangri eins og Vaðlaheiðargöng eru gott dæmi um, sem væru ekki komin enn nema fyrir frumkvæði og baráttu Akureyrarbæjar og fyrirtækja á svæðinu. Slík forysta hefur ekki verið sýnileg á líðandi kjörtímabili. Bæjarstjórn Akureyrar þarf að stunda virka hagsmunagæslu fyrir bæinn, íbúa hans og atvinnulíf. Samfylkingin á Akureyri setjur hagsmuni bæjarbúa í fyrsta sætið í allri sinni nálgun.

Höfundur, Unnar Jónsson, er í 16. sæti á lista Samfylkingarinnar á Akureyri.

Slæ­leg hags­muna­gæsla meiri­hluta bæjar­stjórnar – það þarf að gera mun betur

Pílumót og skemmtun á kosningaskrifstofunni okkar, Garðvangi, á morgun föstudaginn 8. maí. Mótið byrjar 20:00 
Skemmtun og gleði, ásamt spjalli við frambjóðendur. 
Hlökkum til að sjá ykkur!

Ástæðan er einföld. Mig langar til þess að leggja mitt af mörkum í þágu samfélagsins sem ég bý í. Ég tel mig geta orðið góðan liðsfélaga í góðum hópi sem einsetur sér að efla sveitarfélagið m.a. með því að styrkja atvinnuuppbyggingu, fjölga lóðum og ekki hvað síst gera Suðurnesjabæ að enn betra, fjölbreyttara og eftirsóknarverðara samfélagi til að búa í.

Þegar við veltum því fyrir okkur hvað gerir samfélag gott þá liggur svarið oft í „litlu“ hlutunum en oft eru það þeir sem skipta fólkið mestu máli. Þetta eru þættir á borð við sorphirðu og snjómokstur sem fólk vill hafa í lagi en atriði sem snúa að velferðinni vega þó þungt og ef til vill þyngst. Við viljum öll að hlúið sé vel að börnum og eldri borgurum, að stuðningur við leik- og grunnskóla sé mikill og að öllum sé tryggð öflug félagsþjónusta.

Ég hef búið Garðsmegin í Suðurnesjabæ síðastliðin fjögur ár og hef orðið var við þann „ágreining“ sem hefur einkennt sveitarfélagið undanfarin ár. Ég á erfitt með að staðsetja mig í þessum ágreiningi og mér finnst fólk stundum hlaupa á sig að ástæðulausu. Þetta er einnig hluti af því að ég vil taka þátt í sveitarstjórnarmálunum í Suðurnesjabæ en ég vil meiri jákvæðni og hugrekki til ákvörðunartöku.

Ég er nýr í stjórnmálum að því leyti að ég hef í raun ekki verið virkur í stjórnmálastarfi. Ég hef hins vegar alltaf haft mjög skýrar pólitískar skoðanir og hef alltaf litið á mig sem jafnaðarmann (krata) og verið flokksbundinn Samfylkingarmaður frá stofnun hennar. Fyrir mér snúast stjórnmál um að setja almannahagsmuni ofar sérhagsmunum. Ég tel mikilvægt að nýta krafta markaðarins í þágu almennings og gera fólki auðveldara að byggja upp atvinnu og framtíð, til dæmis að stofna fyrirtæki. Samhliða öllu þarf að tryggja sterkt velferðarkerfi sem grípur þá sem þurfa á stuðningi að halda. Mér finnst mikilvægt að við berum ábyrgð hvert á öðru sem samfélag.

Ég mun leggja allt mitt af mörkum á þessum vettvangi ef þið veitið mér traust og brautargengi þann 16. maí næstkomandi.

Ökukennari hjá Ökuskóla S.G. og stjórnmálafræðingur að mennt. Skipar 3. sæti S-listans í Suðurnesjabæ

Ég ákvað að þiggja boð S-lista Samfylkingarinnar og óháðra í Suðurnesjabæ um að taka 3. sæti listans í komandi sveitarstjórnarkosningum sem fara fram þann 16. maí næstkomandi.

Líkt og undanfarin ár þurfa foreldrar að sækja um pláss á sumarnámskeiðum Kópavogsbæjar sem eru ekki nægilega mörg til þess að anna eftirspurn. Sveitarfélagið þarf að gera betur í að auka framboð námskeiða og einfalda þeim að sækja námskeið í sínum hverfum.

Nú eru rúmar fjórar vikur síðan opnað var fyrir skráningu í flest einkarekin sumarnámskeið og mörg þeirra eru nú þegar orðin full. Kópavogsbær birti ekki fyrirkomulag sumarfrístundarinnar fyrr en í síðustu viku og hún verður, líkt og í fyrra, aðeins í Hörðuvallaskóla. Fyrir fjölskyldur í neðri byggðum Kópavogs er það einfaldlega ekki raunhæf lausn. Á annatíma getur það tekið 15 til 20 mínútur að keyra hvora leið, og fyrir þau sem treysta á strætó getur ferðin tekið 45 mínútur eða meira. Þá er ónefnt að foreldrar þurfa að koma sér til vinnu.

Við vitum af eigin raun hvað gerist þegar framboð sumarnámskeiða er of lítið og upplýsingarnar koma of seint; fjölskyldur neyðast til að púsla saman sumrinu með úrræðum sitt í hvorum enda bæjarins, ef pláss fæst yfirleitt. Það er hvorki góð né sanngjörn lausn. Þjónustan á að taka mið af daglegu lífi fólks og vera raunhæf fyrir fjölskyldur.

Það þarf hins vegar ekki að finna upp hjólið í þessum efnum. Hafnarfjörður hefur þegar opnað fyrir skráningu í sumarnámskeið, en þar eru öll frístundaheimili opin frá 12. til 29. júní og bærinn býður síðan upp á miðlæga frístund frá 6. til 17. júlí í tveimur skólum. Við gerum þá einföldu og eðlilegu kröfu að fjölskyldur í Kópavogi njóti sambærilegrar þjónustu. Þá er ótalið að þjónustan í Kópavogi er dýrari en í Hafnarfirði.

Þegar sveitarfélög eru of sein með upplýsingar og bjóða ekki upp á nægilega mikið af sumarnámskeiðum finnur fólk mismikið fyrir því. Þau sem hafa mest fjármagn, mestan sveigjanleika og bestu samgöngurnar komast frekar í gegnum sumarið. Foreldrar í verri stöðu eiga það á hættu að sitja eftir og fá ekki þjónustu fyrir börnin sín yfir sumarið.

Kópavogsbær getur gert betur. Foreldrar eiga rétt á upplýsingum fyrr, fleiri raunhæfum úrræðum og þjónustu sem tekur mið af þörfum fólks í daglegu lífi. Sumarið kemur á sama tíma á hverju ári og flestir foreldrar hafa takmarkaðan fjölda orlofsdaga. Upplýsingar þurfa að berast fyrr, þær þarf að auglýsa betur og sveitarfélagið þarf að koma betur til móts við foreldra barna á yngsta stigi grunnskóla.

Höfundar skipa 6. og 7. sæti á framboðslista Samfylkingarinnar í Kópavogi.

Það er eitthvað undarlegt við það hvernig jafn fyrirsjáanlegur atburður og sumarið virðist enn kalla á síðbúið skipulag hjá Kópavogsbæ. 

Sumarið kemur alltaf á ó­vart í Kópa­vogi

Leikskólastarfið er öflugt og starfsfólkið frábært. Það breytir þó ekki því að bæta má umgjörð málaflokksins í heild og styrkja hann til framtíðar.

Nýlega rakst ég á slagorð fyrirtækisins Skólamatur: „fyrir mikilvægasta fólkið“. Það á vel við í þessari umræðu því börnin okkar eru einmitt það, mikilvægasta fólkið. Samt er staðan sú að kostnaður við að eiga börn á leikskólaaldri er verulega hár. Þegar barn fer í grunnskóla falla niður skólagjöld, skólamáltíðir eru gjaldfrjálsar og skólagögn einnig. Á leikskólastigi þurfa foreldrar hins vegar að greiða meðal annars fyrir vistun, fæði og bleyjur.

Þetta skapar ósanngjarnt bil. Foreldrar ungra barna eru oft á sama tíma að fóta sig á vinnumarkaði, fjárfesta í húsnæði og byggja upp sitt líf. Því þarf að draga úr þessum fjárhagslega mun milli leikskóla- og grunnskólaáranna. Af þeirri ástæðu leggur S-listinn áherslu á leikskólamálin í komandi sveitarstjórnarkosningum, ásamt því að bæta stöðu þeirra foreldra sem reiða sig á dagforeldra.

Leikskólamál snúast þó um meira en aðgengi, þau snúast einnig um kostnað. Í dag greiða foreldrar talsverðan hluta af þjónustunni. Full vistun kostar til dæmis um 50.800 krónur á mánuði. Veittur er 50% systkinaafsláttur af vistunargjaldi, en greiða þarf fullt fæðigjald.

Þrátt fyrir afsláttarkerfið getur heildarkostnaður orðið mjög hár, sérstaklega þegar börn komast ekki strax inn á leikskóla að loknu fæðingarorlofi og foreldrar þurfa að nýta þjónustu dagforeldra. Sem foreldri í þeirri stöðu sé ég fram á að greiða 121.000 kr á mánuði fyrir vistun tveggja barna minna. Þetta er staða sem margir aðrir þekkja og sumir hverjir standa jafnvel frammi fyrir mun hærri kostnaði.

Leikskólinn á að vera hluti af grunnþjónustu sveitarfélagsins og kostnaður við hann þarf að vera hóflegur. Þess vegna vill S-listinn setja skýrari ramma utan um gjaldtökuna. Við leggjum til að leikskólagjöld fari ekki yfir 50.000 krónur fyrir fulla vistun og að systkinaafsláttur verði 100%. Einnig ætlum við að hækka greiðslur vegna dagvistunar hjá dagforeldrum.

Leikskólinn er fyrsta skólastig barnanna og gegnir lykilhlutverki í þroska þeirra og vellíðan. Þar leggst grunnurinn að námi og félagsfærni. Starfsfólk leikskóla sinnir afar mikilvægu hlutverki á hverjum degi. Þetta þekki ég vel af eigin raun eftir að hafa starfað við bæði leik- og grunnskóla í Suðurnesjabæ og hef nýtt þessa mikilvægu þjónustu fyrir mín eigin börn. 

S-listi Samfylkingarinnar og óháðra í Suðurnesjabæ ætlar að styðja við fagfólkið, tryggja því gott starfsumhverfi og skapa aðstæður þar sem bæði börn og starfsfólk blómstra. Það gerum við með því að hlusta á reynslu þeirra sem starfa í leikskólunum og eiga raunverulegt samtal á vettvangi.

Markmið okkar er skýrt: að tryggja öllum börnum jafnt aðgengi að sínu fyrsta skólastigi og að Suðurnesjabær verði samfélag þar sem fjölskyldur finna fyrir öryggi og stuðningi. Með því styrkjum við snemmtæka íhlutun, bætum líðan barna og leggjum traustan grunn að framtíð þeirra.

Við óskum eftir þínum stuðningi við að láta þetta verða að veruleika. Setjum x við S þann 16. maí.

Bára Kristín Þórisdóttir
skipar 6. sæti lista Samfylkingar og óháðra í Suðurnesjabæ

Í kosningabaráttunni þessa dagana ræða framboð víða um land ólíkar „leiðir“ og „módel“ í leikskólamálum. Umræðan snýst oft fyrst og fremst um að tryggja leikskólapláss og stytta biðlista.

Það er nefnilega svo að þegar fólk velur sér stað til að búa á eru það ekki eingöngu atvinna og húsnæði sem skipta sköpum, fólk vill upp til hópa búa í lifandi samfélagi. Samfélagi sem býr yfir og styður við afþreyingu og viðburði af fjölbreyttum toga fyrir öll sem þar búa. Áratugum saman hefur Ísafjarðarbær byggt upp öflugt menningarlíf með þrautsegju skapandi einstaklinga í samvinnu við samfélag okkar og sveitarfélagið, sem nú stendur að fjölbreyttu menningarlífi miðað við stærð. Sveitarfélagið getur státað sig af sex fjölbreyttum listahátíðum, sem hlýtur að kallast einhvers konar met, auk fjölda annara menningarviðburða sem lífga upp á samfélag okkar allt árið um kring auk þess að draga að gesti víðs vegar af landinu. Það liggur því í augum uppi að Ísafjarðarbær hefur alla burði til að marka sér enn sterkari sérstöðu sem samfélag skapandi greina, enda getur Ísafjarðarbær með stolti kallað sig menningarbæ.

Við í Samfylkingunni viljum efla þessa uppbyggingu enn frekar með fjölbreyttum leiðum. Endurskoða þarf menningarstyrki Ísafjarðarbæjar sem nema í dag aðeins 3,5 milljónum króna á ári og hámarksstyrkur til hvers verkefnis er aðeins 250 þúsund krónur. Allir styrkir skipta máli en ljóst er að þessar fjárhæðir hafa ekki fylgt þróun samfélagsins og almenns verðlags.

Mikilvægt er að aðgengi að menningu sé jafnt á alla byggðarkjarna. Nú á síðasta Aldrei fór ég suður voru settar upp skipulagðar rútuferðir til og frá byggðarkjörnum í samstarfi við sveitarfélagið og voru þær ferðir vel nýttar. Einföld lausn líkt og þessi á ekki að vera einsdæmi heldur hluti af markvissri stefnu til að auka jöfnuð þegar kemur að aðgengi að menningarviðburðum, sem einnig má nýta sem fordæmi fyrir íþróttaviðburði og aðra afþreyingu.

Til að þessi uppbygging geti orðið að veruleika þarf að þrýsta á ríkið að mæta Ísafjarðarbæ af sama metnaði og gert hefur verið fyrir Akureyri þar sem sérstakur menningarsamningur við ríkið var endurnýjaður nú í apríl. Það er eðlilegt að ríkið taki frekari þátt í fjármögnun og stuðningi við menningarverkefni víðsvegar um landið, hvað þá á svæði líkt og Ísafjarðarbæ sem hefur margsannað gildi sitt í skapandi greinum og viðburðahaldi. Enda er það eitt af árherslumálum núverandi ríkisstjórnar að jafna aðgengi landsmanna að listum um land allt.

Menning er ekki lúxus.

Menning er forsenda þess að samfélög dafni.

Menning laðar að sér skapandi fólk.

Menning ýtir undir nýsköpun og styrkir atvinnulíf.

Menning gerir bæi að spennandi stöðum til að búa á.

Við sem sveitarfélag höfum einstakt tækifæri til að byggja á þeim grunni sem lagður hefur verið og vera leiðandi samfélag skapandi greina á landsbyggðinni.

Höfundur, Sunnefa Elvarsdóttir, er fatahönnuður og situr í 15. sæti á lista Samfylkingarinnar í Ísafjarðarbæ.

„Menning er límið í hverju samfélagi og við vitum að hún skiptir miklu máli þegar fólk ákveður hvar það vill búa.“ Þessi orð lét Logi Einarsson menningar-, nýsköpunar- og háskólaráðherra nýlega falla.

Menning gerir bæi að spennandi stöðum til að búa á

Kosningastefna Samfylkingarinnar í Reykhólahreppi 2026 - 2030

Samfylkingin og óháðir í Reykhólahreppi hafa sett saman eftirfarandi markmið næsta kjörtímabils.

Stefnan er jafnframt að fylgja þeirri fjárhagsáætlun sem er í gildi þar sem áætlaðir eru fjármunir í sorpsvæði, vatnsmál, byggingu íbúða á Barmahlíð, ljósleiðara og áframhaldandi viðhald fasteigna.

Öflugt skólastarf er hornsteinn hvers samfélags og við viljum tryggja það með því að:

Tryggja mönnun í leik- og grunnskóla – með því að bæta vinnuaðstæður og styðja við starfsfólk sem fer í nám.

Bæta skólahúsnæðið – Höldum áfram að bæta skólahúsnæðið þannig að það nýtist til fulls.

Stórauka stoðþjónustu leik- og grunnskólans – með því að ráða í stöðu deildarstjóra stoðþjónustu og endurskoða samninga um sérfræðiþjónustu. Endurskoða samninga um félagsþjónustu út frá þjónustu við börn og foreldra.

Endurskoða skólastefnu – Með aðkomu kennara, nemenda, foreldra og nærsamfélags fæst samstaða og skilvirkni í skólastarfinu.

Taka þátt í samvinnu um skólastarf – Vinna að stofnun skólaskrifstofu með sveitarfélögunum á Vestfjörðum.

Við viljum efla tómstundastarf og félagslega heilsu fyrir alla með því að:

Tryggja samfellt tómstundastarf frá 6-18 – með því að klára húsnæði fyrir frístundastarf á neðri hæð skólans og nýta húsnæði betur og tryggja opnun allt árið.

Auka fjölbreytni í tómstunda- og félagsstarfi – með því að gera skýra samstarfssamninga við félagasamtök eins og Aftureldingu, Heimamenn o.fl.

Efla ungmennaráð – Gera með ungmennaráði skýra ungmennastefnu sveitarfélagsins og tryggja raunverulega aðkomu þeirra að ákvörðunum.

Auka starfsemi fyrir 16+ – með því að fjölga svæðum sem þau geta nýtt, t.d. félagsmiðstöð og sundlaug, og styrkja félagasamtök til að bjóða upp á starfsemi fyrir þau. Þessi mál séu unnin með ungmennaráði.

Auka frístundastyrki – Skoða hvort hægt sé að hækka frístundastyrki til að jafna stöðu barna til tómstunda.

Styðja við fagmennsku – Með skýrum gæðaviðmiðum.

„Hlúum að fólkinu sem byggði landið.“

Við teljum það skyldu okkar að tryggja öryggi og mannvirðingu allra á efri árum með því að:

Standa vörð um Barmahlíð – með því að bæta viðhald utandyra sem innandyra svo húsnæðið nýtist sem best.

Auka félagsstarf eldri borgara – Með þjónustusamningum við félagasamtök

Öflugri félagsþjónusta – Með endurskoðun samninga með það að markmiðið að hér verði mun öflugri félags- og velferðarþjónusta.

Tengiliður eldri borgara – Að það sé einn staður þar sem eldri borgarar geta fengið upplýsingar og sótt um þjónustu. Þetta yrði hluti af samningum um félags- og velferðarþjónustu.

Útbúa aðstöðu fyrir félagsstarf eldri borgara – kostnaðargreina og finna leið til að finna félagsstarfi aldraðra hentugan stað.

„Fjörugt mannlíf er sameiginleg ákvörðun okkar allra.“

Fjörugt mannlíf og menning er forsenda þess að hægt sé að eiga ánægjulegt líf í sveitarfélaginu. Við viljum styðja við það með því að:

Efla félagasamtök – Með skýrum samstarfssamningum með það að markmiði að auka afþreyingu.

Styrkja inngildingu – Með þátttöku í verkefnum eins og Gefum íslensku séns

Auka aðgengi – Með því að fara yfir aðgengismál og setja þau í forgang í fjárhagsáætlun næsta árs.

Finna samkomustað – Nauðsynlegt er að finna menningarlífi samastað og skoða hvaða möguleikar eru í að nýta betur húsnæði.

“Ánægt starfsfólk, góð þjónusta – kraftmikið samfélag“

Eitt af mikilvægustu verkefnum sveitarfélaga er að laða að og halda í mannauðinn en líka að styrkja og styðja við hann. Þetta gerum við með því að:

Tryggja raunhæft álag og skýra verkaskiptingu.

Stuðla að faglegu starfsumhverfi– meðð skýrum starfslýsingum og innleiðingu á skipuriti.

Styðja starfsfólk í námi–- Með vinnu við endurmenntunarstefnu sveitarfélagsins.

Styðja stjórnendur – Skapa traust á milli stjórnenda og stjórnsýslu með skýrari starfslýsingum og virkri upplýsingagjöf.

Laða að og halda í fagfólk – Með því að minnka faglega einangrun með samstarfi við önnur sveitarfélög.

2.  Uppbygging, atvinnulíf og ábyrg stjórnsýsla

„Einföldum regluverk og aukum samstarf“

Við viljum að fólk velji að búa í Reykhólahreppi og byggja upp samfélagið með okkur með því að:

Vinna út frá einföldun regluverks – Einn viðkomustaður fyrir fyrirtæki sem auðveldar frumkvöðlum og nýjum fyrirtækjum að hefja starfsemi

Fara í kynningarherferð – Fara í sameiginlega kynningarherferð með atvinnulífi

Efla samvinnu við fyrirtækin á svæðinu – þannig opnast ný tækifæri. Nýta tækifæri í Þörungamiðstöð Íslands

Styðja landbúnað – með öflugri hagsmunagæslu gagnvart ríki, halda áfram með dreifbýlisnefnd og gera aðgerðaráætlun í samráði við bændur um eflingu landbúnaðar á svæðinu.

Fjölga iðnmenntuðum á svæðinu – gera samstarfssamninga við skóla sem bjóða upp á iðnnám um verknám á svæðinu í samstarfi við fyrirtæki.

Nýta auðlindir af ábyrgð – með því að tryggja fullnýtingu heita vatnsins, halda áfram með áætlanir um kalda vatnið.

„Skýr stefna, aukið gagnsæi og raunhæf skref.“

Við teljum að skýr stefna, gagnsæi og raunhæf skref séu grunnur þess að önnur áform geti orðið að veruleika. Við viljum ná því með því að:

Setja skýran fjárhagsramma fyrir hvern málaflokk – til að koma í veg fyrir að kostnaður aukist óvænt og auka aðhald stjórnenda.

Forgangsraða verkefnum árlega – Forgangsraða í samvinnu við stofnanir og íbúa.

Vinna markvisst í viðhaldi fasteigna og umhverfis – til að vinna niður innviðaskuld og tryggja öryggi við störf og leik.

Auka gagnsæi í ákvarðanatöku–-meðð því að birta bakgrunnsgögn með fundargerðum ogfréttumr eftirsveitarstjórnarfundii.

Einfalda stjórnsýslu og boðleiðir–-meðð því að halda áfram innleiðingu skipurits, yfirfara starfslýsingar og skýra verklag.

Tryggja hagsmuni sveitarfélagsins–- Í breyttu umhverfi íslenskra sveitarfélaga þar sem samvinna og sameiningar verði gerðar á forsendum sveitarfélagsins með hag þess í fyrirgrunni.

Halda áfram–- Tryggja að verkefni sem nú þegar eru hafin falli ekki niður heldur vinnist áfram með því að taka stöðuna á öllum verkefnum í fjárhagsáætlun og viðhaldsáætlun í upphafi kjörtímabils.

Í víðfeðmu sveitarfélagi þarf að tryggja að viðbragðsaðilar hafi getu til að tryggja öryggi íbúa. Það eflum við með því að:

Byggja nýtt almannavarnarhús – Kostnaðarmeta og hefja undirbúning og vinnu við nýtt almannavarnarhús undir slökkvilið og fleiri viðbragðsaðila.

Samstarf við ríkið – Byggja upp samstarf við HVE, lögreglu og ríkið með það að markmiði að efla almannavarnir og fjölga ríkisstörfum á svæðinu.

Vinna langtímaáætlun um öryggi og viðbragð – Nýta niðurstöður úr C10-verkefninu í samstarfi við ríkið og viðbragðsaðila á svæðinu um langtímaáætlun um almannavarnir á svæðinu.

Huga sérstaklega að jaðarsvæðum – nota lyfjakistur og bráðabúnað bæði gagnvart slysum og eldsvoða, t.d. í Flatey.

Skipulagsmál eru helstu stefnumarkandi aðgerðir sveitarfélaga og þar viljum við leggja áherslu á:

Deiliskipulag á Reykhólum- Vinna deiliskipulag á Reykhólum.

Deiliskipulag í Flatey – Uppfæra deiliskipulag þannig að Flatey verði íbúabyggð en tryggt sé að skilmálar um verndarsvæði í byggð verndi ásýnd og náttúru.

Uppbygging í Króksfjarðarnesi – Fylgja eftir breytingu á skipulagi þannig að hægt sé að byggja upp mikilvæga innviði.

„Flatey er hluti af samfélaginu ekki jaðar samfélagsins“

Mikilvægt er að hlúa sérstaklega að Flatey og tryggja byggð þar. Við viljum leggja áherslu á:

Vatnsmálin – Við viljum halda áfram að vinna með Flateyjarveitum að því að finna nýtanlegt vatn.

Halda árlega íbúafundi – Við viljum halda áfram að halda árlega íbúafundi og eiga gott samstarf við Framfarafélag Flateyjar.

Ferjusiglingar – Öflug hagsmunagæsla um ferjusiglingar í Breiðafirði í samstarfi við sveitarfélögin við Breiðafjörð þar sem það er grundvöllur þess að hægt sé að halda við byggð á svæðinu.

Smábátahöfn – Halda samtali við ríkið varðandi smábátahöfn áfram með öflugri hagsmunagæslu.

Hér má lesa stefnuna í heild sinni í pdf skjali.

Kosningastefna Samfylkingarinnar í Suðurnesjabæ 2026 - 2023

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"