Kosning í sex efstu sætin er bindandi fyrir uppstillingarnefnd að teknu tilliti til reglna Samfylkingarinnar um að ekki halli á hlut kvenna.

Niðurstöður í efstu sex sætin voru eftirfarandi:

Guðmundur Árni Stefánsson með 537 atkvæði í 1. sæti

Sigrún Sverrisdóttir með 290 atkvæði í 1-2. sæti

Árni Rúnar Þorvaldsson með 485 atkvæði í 1-3. sæti

Hildur Rós Guðbjargardóttir með 351 atkvæði í 1-4. sæti

Stefán Már Gunnlaugsson með 429 atkvæði í 1-5. sæti

Kolbrún Magnúsdóttir með 434 atkvæði í 1-6. sæti

Á kjörskrá voru 2.225 og greiddur 962 atkvæði eða 43%.

formaður kjörstjórnar Samfylkingarfélagsins í Hafnarfirði

Flokksval Samfylkingarinnar í Hafnarfirði fyrir sveitarstjórnarkosningar í Hafnarfirði fór rafrænt fram í dag laugardaginn 12. febrúar.

Niðurstöður flokksvals Samfylkingarinnar í Hafnarfirði

Þótt þau þori ekki að segja það upphátt liggur þetta fyrir. Í gær var nefnilega lögð fram uppfærð þingmálaskrá ríkisstjórnar og þar er ekki að finna eitt einasta þingmál sem snertir efnahag heimilanna og áhrif hækkandi verðbólgu og hækkandi vaxta á tekjulágt fólk, þrátt fyrir sögulegar húsnæðisverðshækkanir, mjög hraðar vaxtabreytingar og hækkun bensínverðs sem ríkisstjórnir erlendis tala um að muni valda lífskjarakreppu sem ekki hefur sést frá áttunda áratugnum. Þær ríkisstjórnir sem þannig tala eru ekki í hræðsluáróðri. Þær segja einfaldlega sannleikann og takast á við vandann tímanlega. Enda er það hlutverk þeirra sem eru í stjórnmálum að bregðast við áskorunum, ekki finna upp nýjar og nýjar afsakanir fyrir aðgerðaleysi. 

Ráðherrarnir á Íslandi segjast vera að skoða málin. Engar samþykktar fjárheimildir eru þó fyrir mótvægisaðgerðum og lítill tími er til stefnu á þessu þingi. Ef stæði til að grípa inn í ástandið lægi fyrir þingmál og fjárauki. Fjárauki liggur reyndar fyrir þinginu. En hann snýr bara að stærsta verkefni ríkisstjórnarinnar þessa dagana; uppskiptingu ráðuneytanna. Í fjáraukanum kemur líka skýrt fram að ekki stendur til að leggja fram frumvarp um frekari fjárheimildir fyrr en á næsta þingári. Ekkert þingmál, engar fjárheimildir. Ekkert verður þá gert fram á haust þegar þing kemur næst saman. Það er eftir hálft ár.

Og það þrátt fyrir að lög um opinber fjármál séu mjög skýr um að ríkisstjórninni beri að huga að eins mikilli hagkvæmni og mögulegt sé á hverjum tíma. Og hvað er hagkvæmt nú? Er það að bíða og sjá? Bíða þar til verðlagshækkanir hafa lekið um allt, skollið með fullum þunga á ungu fólki og viðkvæmum hópum? Bíða þar til launakröfur aukast og leka út í verðlag? Það er óábyrgt að grípa ekki inn núna með sértækum aðgerðum. Þetta mun bara þýða að fjáraukalög síðar í haust verða umfangsmeiri, og þetta mun flýta hinu óhjákvæmilega: að fjármálastefna stjórnvalda til 2026 bresti. Því fjármálastefna þeirra er svo þröngt sniðin að lítið svigrúm er fyrir umfram verðbólgu án þess að ramminn springi – nema það sé áætlun ríkisstjórnar að bregðast við lífskjarakreppu í landinu með auknu aðhaldi á sem flestum sviðum. 

Upplýsingar síðustu daga staðfesta að úrræðaleysið er algjört og lítið að marka málflutning stakra ráðherra um mögulegar aðgerðir. Réttara væri þá að lýsa því bara yfir að ólíkt velferðarsamfélögunum í kringum okkar verði ekkert gert hér á Íslandi. En því þora þau ekki, enda auðveldara að sigla undir fölsku velferðarflaggi.

Ríkisstjórnin hefur nú staðfest að hún ætlar ekkert að gera vegna hækkandi verðlags í landinu. 

Ég óska eftir stuðningi ykkar til að leiða lista Samfylkingarinnar í Kópavogi í komandi sveitarstjórnarkosningum.

Á líðandi kjörtímabili hef ég verið bæjarfulltrúi, setið í skipulagsráði og svæðisskipulagsnefnd höfuðborgarsvæðisins og sem varamaður í bæjarráði, íþróttaráði, umhverfis- og samgöngunefnd og öldungaráði. Á síðasta kjörtímabili sat ég sem aðalmaður í menntaráði.

Á þessum tíma hef ég aflað mér góðrar reynslu og þekkingar á starfumhverfi bæjarfulltrúa og þeim ótal mörgu og ólíku málaflokkum sem starfið snertir á. 

Þau mál sem ég hef helst reynt að þoka áleiðis eru m.a.

Breytt ferli skipulagsmála þar aðgengi íbúa að tillögum og skoðanaskiptum er gert hærra undir höfði.

Að lýðheilsa sé höfð að leiðarljósi við þéttingu byggðar með góðum útivistarsvæðum fyrir íbúa. Nú síðast með tillögu um ylströnd/heitan pott á Kársnesi sjá hér 

Að tryggja að Kópavogsbær nýti öll tækifæri til að minnka losun gróðurhúsalofttegunda og hvetji íbúa og fyrirtæki til hins sama m.a. með tillögu minni um trjáræktarsvæði fyrir almenning og fyrirtæki í upplandinu sem samþykkt var fyrir tveimur árum.

Að gera íbúum sem eiga erfitt með kaup á húsnæði á opnum markaði kleift að verða sér úti um öruggt húsnæði hvort sem er til leigu eða kaups í samræmi við húsnæðisstefnu Kópavogs.

Að geta boðið eins árs börnum upp á leikskólapláss. Nú stefnir í óefni vegna fjölgunar barna og engrar fjölgunar leikskólaplássa.

Að samþætta þjónustu við eldri borgara. Í dag er hún annars vegar á hendi heilsugæslunnar og hins vegar á hendi Kópavogsbæjar. Tillaga Samfylkingarinnar um þetta mál var tekin til greina en hægt gengur að koma þessu í gagnið.

Að auka íslenskukennslu barna með íslensku sem annað mál. Samfylkingin hefur haldið þessu málefni á lofti í öllum fjárhagáætlunargerðum og fékk samþykkt aukið fjármagn í málaflokkinn fyrir þremur árum.

Að gera gögn um rekstur bæjarins aðgengilegri fyrir alla bæjarfulltrúa sem eru eftirlitsaðilar með rekstri bæjarins og bjóða bæjarbúum upp á betri upplýsingar um reksturinn.

Ýmislegt fleira höfum við fulltrúar Samfylkingarinnar lagt til málanna við mismikla ánægju ráðandi meirihluta en höfum þó oftast valið þá leið að vinna að góðum málum í sem mestri sátt og samlyndi við aðra í bæjarstjórn.

Kópavogur á ekki mikið óbrotið byggingarland eftir og því er nauðsyn að þétta byggð frekar en það þarf að gera í mun meiri sátt við bæjarbúa.

Við þurfum að gera kolefnisbókhald Kópavogsbæjar sýnilegt og vinna hratt að því að verða kolefnishlutlaus.

Við þurfum að hefja strax uppbyggingu fleiri leikskóla. Börnum á leikskólaaldri fjölgar hratt í dag og ástandið er ekki gott fyrir.

Við þurfum að tryggja að boðið sé upp á húsnæði í bænum fyrir alla tekjuhópa.

Við þurfum að einfalda stjórnsýslu vegna þjónustu við aldraða hvort sem hún er á hendi ríkisins eða sveitarfélagsins.

Við verðum að gera það sem í okkar valdi stendur til að skóli án aðgreiningar standi undir nafni. Með hækkandi hlutfalli barna með annað móðurmál en íslensku þarf meiri íslenskukennslu og tíma fyrir félagslega aðlögun til að gera þeim kleift að verða virkir þátttakendur í samfélaginu.

Ég heiti Bergljót og er alin upp í Hvömmunum þar sem hitastigið er oftast 1°C hærra en annars staðar á höfuðborgarsvæðinu. Ég hef aðallega búið í austurbæ Kópavogs þó með árs hliðarspori í Reykjavík og öðru í Bandaríkjunum. Síðustu tuttugu ár hef ég notið þess að búa í Salahverfi ásamt eiginmanni og tveimur börnum sem nú hafa þó hleypt heimdraganum.  

Ég útskrifaðist frá MK 1983, er menntaður landfræðingur frá HÍ, með diploma í rekstrar- og viðskiptafræði frá HÍ og er að klára garðyrkju/skógræktarnám við LBHÍ.

Ég hef lengst af unnið í tæknigeiranum, var lengi yfirmaður upplýsingatæknideildar hjá Veritas Capital sem er stærsta lyfjadreifingarfyrirtæki á Íslandi en hef síðan árið 2016 unnið að mestu sjálfstætt. Ég er í hlutastarfi framkvæmdastjóri tæknisamtakanna Icepro, nefndar um rafræn viðskipti og stofnaði árið 2018 ásamt fleirum fyrirtækið Smartfix ehf. sem sinnir viðgerðum á snjalltækjum og tölvum.

Ég hef setið í stjórn Samfylkingarinnar í Kópavogi frá árinu 2014 og gegndi stöðu formanns árin 2017-2019 en er nú gjaldkeri félagsins.

Helstu áhugamál mín eru að stuðla að betra samfélagi, trjárækt og golf sem hefur verið íþróttin mín í yfir þrjátíu ár.

Bergljót Kristinsdóttir - flokksval Kópavogur

Ég óska eftir stuðningi ykkar í 1. sætið í flokksvali Samfylkingarinnar í Hafnarfirði

Ég heiti Árni Rúnar Þorvaldsson og býð mig fram til þess að leiða lista Samfylkingarinnar í Hafnarfirði í sveitarstjórnarkosningum sem fram fara 14. maí næstkomandi. Flokksval Samfylkingarinnar verður haldið 12. febrúar næstkomandi. Allt félagsfólk Samfylkingarinnar í Hafnarfirði hefur kosningarétt  í flokksvalinu auk skráðra stuðningsmanna.

Ég vil bæ sem tryggir lýðræðislega aðkomu bæjarbúa að allri ákvarðanatöku. Ég vil bæ þar sem velferð, jöfnuður og jafnrétti eru leiðarljósin við stjórnun bæjarfélagsins þar sem öllum börnum og unglingum eru tryggð jöfn tækifæri til náms og tómstunda. Sem jafnaðarmaður tel ég það eitt mikilvægasta verkefni bæjarstjórnar að jafna byrðarnar í samfélaginu og leitast við að létta álögur, sem íþyngja barnafjölskyldum og tekjulægri hópum samfélagsins. Fræðast má um öll mín áherslu- og stefnumál á vef mínum arnirunar.is 

Ég er fæddur árið 1976 og er því 45 ára. Foreldrar mínir eru Guðný Árnadóttir, frönskukennari í Flensborg og Þorvaldur Jón Viktorsson, fyrrum skólastjóri. Fyrir utan tvö ár sem ég bjó í London ólst ég upp í Hafnarfirði og gekk í Lækjarskóla. Þegar skólagöngunni lauk í Lækjarskóla lá leiðin beinustu leið upp á Hamarinn í Flensborg og þaðan útskrifaðist ég vorið 1997. Árið 2005 lauk ég prófi frá Kennaraháskóla Íslands og í dag er ég grunnskólakennari og starfa sem slíkur í Smáraskóla í Kópavogi.

Ég er kvæntur Ragnhildi Einarsdóttur deildarstjóra í Lækjarskóla. Við eigum þrjú börn: Guðnýju Árnadóttur, sem spilar fótbolta með AC Milan á Ítalíu, Einar Karl Árnason, sem spilar fótbolta með Sindra á Hornafirði og Sólborgu Árnadóttur sem er í 4. bekk í Öldutúnsskóla og spilar fótbolta með 6. flokki FH. Guðný og Einar Karl eru bæði stúdentar frá Flensborg.

Um aldamótin fluttum við hjónin til Hornafjarðar þar sem við bjuggum í ein 13 ár. Þaðan fluttum við svo með fjölskylduna í Vík í Mýrdal vorið 2013 þar sem konan mín starfaði þar sem skólastjóri Víkurskóla í tvö ár. Vorið 2015 fluttum við aftur í Hafnarfjörðinn þar sem við unum hag okkar afar vel.

Ég var kjörinn fyrir hönd Samfylkingarinnar í bæjarstjórn Sveitarfélagsins Hornafjarðar árið 2006 og var bæjarfulltrúi þar í rúm sjö ár. Á þeim tíma gegndi ég embættum forseta bæjarstjórnar og formanns bæjarráðs, auk þessa að sitja í fjölda annarra nefnda og ráða á vegum sveitarfélagsins. Undanfarin ár hef ég setið í fjölskylduráði fyrir hönd Samfylkingarinnar í Hafnarfirði og verið varabæjarfulltrúi á því kjörtímabili sem nú er að ljúka. Ég hef því mikla reynslu af sveitarstjórnarmálum og stjórnmálastarfi.

Ég hef einnig komið mikið að félagsmálum t.d. innan íþróttahreyfingarinnar og stéttarfélags kennara. Undanfarin ár hef ég verið virkur í starfi meistaraflokks kvenna hjá FH í fótbolta þar sem ég hef verið formaður meistaraflokksráðs kvenna frá 2015.  Áður var ég einnig til fjölda ára formaður knattspyrnudeildar Sindra á Hornafirði. Auk þessa hef ég  verið í virkur í starfi stéttarfélags grunnskólakennara og sat um tíma í stjórn Félags grunnskólakennara.

Þó ég hafi búið um nokkuð langan tíma utan Hafnarfjarðar þá hef ég alla tíð litið á mig sem mikinn Hafnfirðing. Hér liggja rætur mínar og hér sleit ég barnsskónum. Hér eru líka vinirnir frá fornu fari og stærstur hluti fjölskyldu minnar. Hér bjuggu afar mínir og ömmur, annars vegar Árni Bárður Guðmundsson og Ágústa Haraldsdóttir og hins vegar Viktor Þorvaldsson og Guðrún Ingvarsdóttir.

Ég hef alltaf verið stoltur Hafnfirðingur og það breyttist aldrei þann tíma sem ég bjó fjarri heimahögunum. Hafnarfjörður er fallegur og skemmtilegur bær og okkur ber skylda til þess að varðveita okkar sérstaka og fallega bæjarstæði. Hér er gott að búa en það er að sjálfsögðu alltaf hægt að gera betur. Mitt markmið og minn vilji stendur til þess að vera þátttakandi í því verkefni og leggja mitt af mörkum til þess að gera Hafnarfjörð að enn betri bæ og gera hann að eftirsóknarverðum valkosti fyrir einstaklinga, fjölskyldur og fyrirtæki.

Árni Rúnar Þorvaldsson, grunnskólakennari og varabæjarfulltrúi.

Ég gef kost á mér í 4.-6. sæti í flokksvali Samfylkingarinnar í Hafnarfirði.

Ég er ný gengin til liðs við Samfylkinguna og byrjað strax að taka virkan þátt í félagsstörfum. Ég er meðal annars ritari Bersans, félags Ungra jafnarðarmanna í Hafnarfirði.

Ég er fædd og uppalin í Hafnarfirði, stjórnmálafræðingur, foreldri barns á leikskólaaldri, starfsmaður leikskóla í bænum og hef því reynslu af Hafnarfjarðarbæ, bæði sem þjónustuþegi og sem starfsmaður.

Ég hef ekki mikla reynslu af störfum innan stjórnsýslunnar, en er tilbúin að henda mér í djúpu laugina í þágu fólksins í bænum. Ég er tilbúin að spyrja spurninga og vera gagnrýnin.

Ég vil að íbúar í Hafnarfirði séu stoltir af bænum sínum en til þess þurfa þeir að eiga jöfn tækifæri á að finna og nýta styrk sinn í samfélaginu.

Bæta kjör hjá starfsfólki leikskóla og bæta starfsumhverfi.

Öll börn eldri en 12 mánaða komist til dagforeldris eða inn í leikskóla.

Þau börn sem komast ekki inn fái fjárhagslegan stuðning til að brúa bilið milli fæðingarorlofs og inngöngu í leikskóla eða til dagforeldris.

Hækka tekjuviðmið niðurgreiðslu dagforeldra og leikskólagjalda.

Auka velferð allra barna og unglinga og veita þeim hvatningu og styrk til að iðka frístundir, óháð efnahag og stöðu foreldra.

Jafn aðgangur barna að hollum og heitum mat í leik- og grunnskólum óháð efnahag og stöðu foreldra.

Bygging fjölbreytts húsnæðis fyrir alla hópa samfélagsins. Fjölgun félagsíbúða, þjónustuíbúða, íbúða fyrir fyrstu kaupendur og íbúða fyrir fjölskyldur.

Huga vel að því fólki sem nær ekki viðmiðum félagsþjónustu og athuga möguleika á að breyta þeim svo fleiri fái hjálp sem þurfa.

Auka aðgengi að sálfræðiþjónustu í grunnskólum.

Rauði þráðurinn í mínum áherslum eru fjárfestingar í lífi barnanna okkar. Ef þau upplifa öryggi, fjárhagslegt og félagslegt og hafa góðan aðgang að sálfræðiþjónustu, mun það skila sér í sterkum einstaklingum með góða sjálfsmynd sem gerir samfélag okkar allra betra.

 Ljóst er að mörg tilefni eru til breytinga og er ég tilbúin að taka slaginn.

Sigurbjörg Anna Guðnadóttir - 3. - 5. sæti

Ég gef kost á mér í flokksvali Samfylkingarinnar í Hafnarfirði vegna komandi bæjarstjórnarkosninga. Ég vona að sem allra flest ykkar taki þátt og óska ég eftir stuðningi ykkar í 3.-5. sæti listans. 

Ég hef búið í Hafnarfirði frá barnæsku og er mjög umhugað um að bænum sé sem best stjórnað með framfarir, sanngirni og jöfnuð að leiðarljósi. 

Í síðustu bæjarstjórnarkosningum var ég á lista Samfylkingarinnar og hef síðan starfað í umboði hennar fyrir Hafnarfjörð í menningar- og ferðamálanefnd bæjarins. 

Einnig er ég varafulltrúi í umhverfis- og framkvæmdaráði, ásamt því að hafa verið varaformaður Kjördæmisráðs Samfylkingarinnar í suðvesturkjördæmi síðustu tvö ár. 

Framundan eru mikilvæg verkefni en það er allra mikilvægasta er að Samfylkingin fái góða kosningu í vor. Sem kjölfesta í nýjum meirihluta getum við meðal annars: 

Aukið framboð íbúðarhúsnæðis, sérstaklega öruggs leiguhúsnæðis 

Forgangsraðað gjöldum og skattheimtu með tilliti til tekjulægri íbúa bæjarins 

Tryggt samkeppnishæfni vinnustaða bæjarins um starfsfólk, m.a. grunnskólanna 

Komið á friði í leikskólum bæjarins og hlustað á raddir starfsfólks og foreldra 

Stytt biðlista félagslegs húsnæðis og gert úthlutunarferlið gagnsærra 

Bætt upplifun íbúa varðandi skipulagsmál og framkvæmdir bæjarins 

Byggt upp betra útivistarsvæði í upplandinu, m.a. í kringum Hvaleyrarvatn 

Þetta þarf allt að gera með ábyrgri stjórn á fjármálum bæjarins, bæði með skammtíma og langtíma hagsmuni að leiðarljósi. 

Ég er með B.sc og M.paed gráðu í stærðfræði og réttindi sem framhaldsskólakennari. Þessa dagana er ég tölfræðingur hjá Áfallasögu kvenna og doktorsnemi. Ég hef unnið sem stærðfræðikennari og sviðstjóri við Flensborgarskólann, sem og við útreikning fasteignmatsins hjá Þjóðskrá Íslands og aðstoðardeildarstjóri þar. Einnig hef ég unnið sem tölfræðiráðgjafi. 

Bakgrunnur minn, sem er annars vegar stærðfræði og tölfræði og hins vegar kennsla, er mjög hentugur fyrir starf sem fulltrúi flokksins í bæjarstjórn, ráðum og nefndum.
 Þar nýtist vel að geta skilið tölur og útreikninga, geta unnið sjálfstætt sem og með fólki. 

Ég er einnig móður tveggja ungra manna og amma lítillar dömu, ég hef því verið foreldri á öllum skólastigum bæjarins og þekki vel hvernig er að vera foreldri í bænum og þjónustuþegi. 

Mér finnst mikilvægast að stjórnkerfið sé gagnsætt, unnið sé að sem mestum jöfnuði, hlúð að þeim sem minna mega sín og tryggt að allir geti notið sín í samfélaginu, óháð uppruna, aldri, kyni og því hvort fólk sé með fötlun eða ekki. 

Á menntaskólaárum mínum kviknaði áhugi minn á jafnréttismálum og það mætti kannski segja að það hafi verið mín leið inn í pólitíska umræðu og síðar meir þátttöku. Sem ung manneskja sem er að taka sín fyrstu skref í stjórnmálum hef ég haft jafnrétti að leiðarljósi í öllu sem ég tek mér fyrir hendur. 

Ég er Seyðfirðingur í húð og hár, ég ólst þar upp og flutti í raun og veru ekki lögheimili mitt fyrr en ég flutti hingað á Strandgötuna í Hafnarfirði árið 2019. Það voru forréttindi að fá að alast upp á Seyðisfirði. Sumrin þar voru engu öðru lík, sérstaklega þegar gekk vel í boltanum hjá okkur strákunum í Huginn.  

Þó að það muni töluvert í fólksfjölda og fjarlægðum þá finn ég oft fyrir líkindum á milli Hafnarfjarðar og Seyðisfjarðar. Hér er ég ekki bara að tala um litríku bárujárnsklæddu tréhúsin sem finna má á báðum stöðum heldur einnig bæjarandann. Á báðum stöðum þekkir fólk vel hvort annað og samfélagið stendur þétt saman. Það er því kannski ekki skrýtið að ég og tveir aðrir æskuvinir mínir frá Seyðisfirði höfum sest að hér í Hafnarfirði.  

Eftir menntaskólaárin þá lá leiðin í Háskólann á Bifröst. Sú ákvörðun átti eftir að verða mesta gæfuspor í mínu lífi en þar kynntist ég henni Stellu minni. Eins og sönnum Hafnfirðingi sæmir þá kom aldrei neitt annað til greina hjá Stellu en að við myndum flytja í Hafnarfjörð. Annars voru árin á Bifröst mjög mótandi fyrir mig, þar hóf ég þátttöku mína í félagsstörfum í gegnum Landssamtök íslenskra stúdenta (LÍS) sem börðust og berjast enn fyrir betri kjörum stúdenta.  

Í dag er ég í sjálfu sér enn að berjast fyrir hagsmunum stúdenta og háskólamenntaðra þar sem ég starfa fyrir fimm stéttarfélög sem eru öll aðilar að Bandalagi háskólamanna (BHM). Sú reynsla sem ég hef öðlast þar hefur gagnast vel inn í heim stjórnmálanna og þar hef ég einnig fengið innsýn í rekstur sveitarfélaga. 

Ég kynntist starfi Samfylkingarinnar vel í síðustu Alþingiskosningum en m.a. þá aðstoðaði ég flokkinn við að halda utan um úthringingarnar í Kraganum síðustu vikurnar fyrir kosningar. Í framhaldi af því kynntist ég mörgu af því frábæra fólki sem myndar flokkinn hérna í Hafnarfirði. Ég byrjaði í framhaldinu að taka virkan þátt í flokksstarfinu með því að aðstoða við að mynda stjórn Samfylkingarfélagsins í Hafnarfirði. Nú gegni ég stöðu gjaldkera félagsins og hef verið virkur við að undirbúa flokkinn fyrir næstu sveitarstjórnarkosningar.

Mínar helstu áherslur eru eftirfarandi:

Ríkt samráð við íbúa og hagsmunaaðila.

Uppbygging á hagkvæmu íbúðarhúsnæði.

Að hefja virkt umbótasamtal við stjórnendur og starfsfólk grunn- og leikskóla um þær áskoranir sem þessi tvö skólastig standa frammi fyrir.

Að hafa heimsmarkmið Sameinuðu þjóðanna að leiðarljósi við rekstur og stefnumótun sveitarfélagsins.

Að stuðningur við barnafólk og börn verði aukinn. 

Uppbygging á grænu, hagkvæmu og þjónustumiðuðu nærumhverfi. 

Að bæta almenningssamgöngur og setja kraft í skipulagningu á Borgarlínu.

Þótt maður geti sett á sig hina ýmsu hatta þá, þegar til kastanna kemur, er maður í sjálfu sér ekkert annað en pabbi tveggja ára orkubolta sem gleður okkur Stellu á hverjum einasta degi. Í lok dags snúast stjórnmál um að skapa samfélag sem okkur líður vel með að börnin okkar og komandi kynslóðir erfi. 

Ég vill fá tækifæri til að búa til þannig samfélag og þess vegna bið ég um þinn stuðning í 5. sætið. 

Ég óska eftir ykkar stuðningi í efstu sæti í flokksvali Samfylkingarinnar til sveitastjórnarkosninga nú í vor.

Ég er fædd og uppalin í Reykjavík en flutti til Hafnarfjarðar árið 1992 þegar við hjónin keyptum okkar fyrstu íbúð uppi á Holti. Það var alltaf mikið líf og fjör að vera með barnafjölskyldu á Holtinu á þessum tíma. Ég er gift Ingvari Erni Guðjónssyni verkfræðingi og eigum við þrjár dætur og eitt barnabarn. Það að vera amma tveggja ára gutta er eiginlega það besta í heimi.

Ég hef verið í Alþýðuflokknum/Samfylkingunni síðan ég hlaut kosningarétt. Þar sem faðir minn var í stjórnmálum og sat fjögur kjörtímabil á þingi fyrir Alþýðuflokkinn má segja að ég hafi tiltölulega ung aðhyllst jafnaðarstefnu Alþýðuflokksins. 

Eftir útskrift frá Menntaskólanum í Reykjavík árið 1983 hélt ég til Bandaríkjanna og lauk B.Sc. gráðu í viðskipta- og markaðsfræðum sem og MBA í kjölfarið. 

Hvað er ég búin að vera að gera í gegnum tíðina? 

Ég hef allan minn starfsferil starfað sem stjórnandi í tengslum við markaðsmál. Eftir nám hóf ég störf hjá bókaútgáfunni Vöku-Helgafelli sem markaðs- og sölustjóri. Á þeim tíma gáfum við m.a. út bækur eftir Nóbelsskáldið okkar sem og myndasögurnar um Andrés Önd sem var skemmtileg blanda.  

Fimm árum síðar hóf ég störf hjá Icelandair sem forstöðumaður Vildarklúbbsins. Þar kynnti ég fyrir stjórnendum Icelandair hugmynd að styrktarsjóði fyrir langveik börn og börn sem búa við erfiðar aðstæður. Styrktarsjóðurinn Vildarbörn Icelandair var svo stofnaður vorið 2003. Á starfsferli mínum þá er ég einna stoltust af því að hafa átt frumkvæðið að stofnun Vildarbarna. 

Árið 2003 tók ég við stöðu svæðisstjóra Icelandair í Skandinaviu, fyrsta konan til þess að gegna þeirri stöðu hjá Icelandair.  

Árið 2007 hóf ég störf hjá Kaupþingi yfir alþjóðlegri markaðssetningu.Síðar var ég ráðin sem forstöðumaður markaðsmála Nýja Kaupþings sem varð svo Arion banki. 

Ég starfaði einnig hjá Orf Líftækni og var yfir markaðs- og almannatengslum fyrir BIOEFFECT húðvörulínuna. Árið 2016 varð ég ráðgjafi í markaðsmálum hjá dönsku alþjóðlegu ráðgjafafyrirtæki, CO+. Í lok síðasta árs stofnaði ég mitt eigið ráðgjafafyrirtæki, AUKA United, með tveimur fyrrum samstarfsfélögum mínum. 

Sat í stjórn IGS eða Icelandair Ground Services í fjögur ár (1999-2003). Sat einnig í stjórn Ímarks í fjögur ár. Var í stjórn Norsk-íslenska viðskiptaráðsins þegar það var stofnað árið 2006. 

Ég hef viðamikla reynslu úr atvinnulífinu. Ég er vön því að leiða teymisvinnu og veit ekkert skemmtilegra og meira hvetjandi en að vinna í ögrandi og metnaðarfullu umhverfi sem ég veit að bæjarfélagið okkar er. Ég á gott með að aðlaga mig að nýjum og breyttum aðstæðum og að vinna með fólki með ólíkar skoðanir. Ég hef einnig mikinn sjálfsaga, legg hart að mér, hef mikið keppnisskap, er árangursmiðuð og leita nýrra leiða við úrlausn verkefna. Ég kann vel við mig í leiðtogahlutverki, er sjálfstæð í vinnubrögðum og óhrædd við að taka á mig mikla ábyrgð. 

Ég mun leggja áherslu á að skila mínu dagsverki vel og markvisst. Kosningaloforð eru ekki eitthvað sem ég er hrifin af. Mér finnst að í öllu því sem maður tekur sér fyrir hendur þá eigi verkin að tala. Mér finnst Hafnarfjörður hafa dregist aftur úr nágrannabæjarfélögunum nánast í öllum málaflokkum. Nægir þar að nefna íbúðahúsnæði, umhverfis- og skipulagsmál, málefni eldri borgara, leikskólamál o.s.frv. Það er kominn tími á nýja hugsun, skýra og sterka framtíðarsýn fyrir bæjarfélagið okkar sem snertir okkur öll. Ég er viss um að sterkur listi Samfylkingarinnar mun láta verkin tala og leiða Hafnarfjörð inn í nýja og betri framtíð fyrir okkur öll.

Ég er svo sannarlega til í slaginn og býð mig fram til forystu í annað sæti listans. 

Samfylkingarfélagið í Reykjavík stendur fyrir fjórum framboðsfundum sem verður streymt á Facebooksíðu Samfylkingarinnar í Reykjavík - XS Reykjavík, á mánudag og fimmtudag, þar sem frambjóðendur í flokksvalinu ræða saman um borgarmálin. Fundir og fundartímar eru þessir:
         Mánudag 7.2., 17.30‒19: Reykjavík framtíðarinnar …
         Mánudag 7.2., 19.30‒21: Skóli og menning …
         Fimmtudag 10.2., 17.30‒19: Lýðræði og mannréttindi …
         Fimmtudag 10.2., 19.30‒21: Vinna og velferð …
Hver frambjóðandi velur sér tvö af þessum fundarefnum og ræða saman fjórir í einu (dregið í hópana). Fundarstjóri verður Inga Auðbjörg Straumland.
Væntanlegir fundarmenn (áhorf/heyrendur) geta sent inn fyrirspurnir um einstök mál á netfangið reykjavik@samfylking.is báða fundardagana fram til kl. 17. Ekki er hægt að ábyrgjast að allar fyrirspurnir komist til umræðu á fundunum.
Við vonumst eftir fróðlegum og skemmtilegum umræðum milli frambjóðendanna sextán. Takið kvöldin frá og segið vinum og félögum af viðburðunum !
        
Stjórn SffR

Þegar þessi orð eru rituð er boðuð rauð veðurviðvörun á höfuðborgarsvæði og Suðurlandi og ef svo ólíklega vill til að blaðið berist inn um lúgur að morgni má ætla að veðrið sé að hámarki á höfuðborgarsvæðinu um það leyti sem blaðið snertir dyramottuna. 

Almannavarnir er skv. orðskýringum samnefnari um varnir, viðbúnað, viðbrögð og endurreisn, eða það skipulag sem verður að vera til staðar fyrir neyðarástand og miðar að því að verja borgarana fyrir hættum frá náttúru, af mannavöldum eða vegna tæknibilana. Við höfum heldur betur verið með almannavarnir allt um kring í glímu okkar við heimsfaraldurinn en síðustu daga hefur vísindafólk greint aðra hættu, sjálft ofsaveðrið. 

Ég er svo dúpt þakklát því fólki sem hefur helgað sig vísindum, því það getur aðstoðað okkur við undirbúning og viðbrögð við ýmsum hættum en svo er það stjórnvalda að koma að endurreisn. Ég hef hvorki hundsvit á veðri né heilbrigðisvísindum og treysti því leiðsögn okkar fagfólks þegar við almenningur þurfum að hegða okkur á einn eða annan hátt okkum sjálfum til heilla. Við sýnum ýtrustu varkárni svo við þurfum ekki að treysta á neyðarvakt heilbrigðiskerfis og almannavarna. 

Það er hins vegar stjórnvalda að byggja upp innviði sem þola áhlaup líkum þeim sem við höfum verið að glíma við. Áhlaup farsóttar kallar á sterka innviði í heilbrigðiskerfinu og þegar stjórnarliðar segja heilbrigðiskerfið okkar hafa staðist prófið í heimsfaraldri þá er eingöngu verið að miða við fjölda dauðsfalla vegna Covid en ekki dauðsföll sem leiða má af Covid ástandi vegna annarra sjúkdóma. Þá er heldur ekki verið að miða við það að heilbrigðiskerfið hafi ekki getað sinnt nauðsynlegum aðgerðum til bjargar mannslífum og til að lina þjáningar vegna annarra sjúkdóma því biðlistar hafa aldrei verið lengri um allt heilbrigðiskerfið og starfsfólkið líklega aldrei nær örmögnun eftir hlaupin. 

Í veðurofsa reynir á annars konar innviði, svo sem flutningskerfi raforku, vegakerfið, almenningssamgöngur og fjarskiptakerfið. Þar höfum við á undanförnum árum orðið vitni að verulega löskuðu kerfi innviða sem stjórnvöld verða að laga. Mikilvægar stofnanir eins og heilbrigðisstofnanir hafa misst rafmagn, byggðakjarnar hafa verið án rafmagns og fjarskipta og þéttbýlisstaðir einangraðir vegna snjóflóða þar sem jarðgöng skortir.  

Sem betur fer erum við viðbúin fyrir hvellinn og eigum að gera allt sem við getum til varnar okkur og samfélaginu. Ég vil þakka þeim fjölmörgu sem mynda almannavarnir á Íslandi því án ykkar værum við í verulegum vanda. 

Að undanförnu höfum við verið svo lánsöm að fá leiðsögn færustu sérfræðinga til varnar almenningi. Það er ekki lítils virði og sjálfsagt heldur feikilega mikilvægt samfélaginu.

Leit um „��“

2753 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2753 niðurstöður fundust við leit að „���������������������������“