Hér með er boðað til fundar 60+ á höfuðborgarsvæðinu miðvikudaginn 6. okóber, kl. 10 til 12. Í Sóltúninu.

Fundurinn er fyrst og fremst ætlaður fyrir okkur í 60+ til að ræða kosningarnar og eftirmál þeirra.  Við þurfum líka að gefa okkur tíma til að ræða og starf 60+ á komandi vetri ekki síst komandi aðalfund. 

Við skulum koma saman og eiga góðar og málefnalegar umræður um stöðuna eins og hún er dag og þá ekki síst stöðu okkar fólks. 

Kosningakaffið í Hafnarfirði verður í húsnæði Samfylkinginarinnar Strandgötu 43. Öll velkomin!

Kosningakaffi Samfylkingarinnar á Vopnafirði verður á Hótel Tanga. 

Samfylkingin í Árborg og nágrenni býður félögum og stuðningsfólki Samfylkingarinnar á Suðurlandi til fundar í Samfylkingarsalnum að Eyravegi 15 á Selfossi, laugardaginn 2. október kl 11:00.

Förum yfir nýafstaðnar kosningar og þökkum liðsfólki okkar fyrir öfluga baráttu.

Hefjum undirbúning sveitarstjórnakosninga sem verða næsta vor og ræðum starfið á komandi vetri.


Það blasir við öllum að markaðurinn á ekki úrræði við öllu, hin ósýnilega hönd hans lætur sig endanlega hverfa á krepputímum og einungis sterkt ríkisvald með almannahagsmuni að leiðarljósi er fært um að takast á við kreppu. Þar gilda heldur ekki úreltar hugmyndir um hallalaus fjárlög. Niðurskurður af því tagi sem er að finna í ríkjandi Fjármálaáætlun núverandi ríkisstjórnar upp á hundrað milljarða er til vitnis um að það er alls ekki bara best að kjósa þá flokka sem að henni standa því að þar eru raunveruleg áform um stórfelldan niðurskurð á opinberri þjónustu.

Nú er sögulegt tækifæri að gera hið saman hér og aðrar Norðurlandaþjóðir eru að gera. Þetta er hægt. Við getum myndað stjórn sem tekur almannahagsmuni fram yfir sérhagsmuni; setur á eðlileg veiðigjöld og færir skattkerfið í átt að réttlæti þar sem byrðar eru ekki þyngstar á launafólki en léttastar á stóreignafólki; horfist í augu við fjárþörf í heilbrigðiskerfinu en leysir vandann ekki með biðlistum; býr í haginn fyrir fjölbreytt atvinnulíf með nýsköpun og sísköpun; stórbætir í raun og veru smánarleg kjör öryrkja og eldra fólks; léttir undir með barnafjölskyldum; rækir skyldur okkar í loftslagsmálum.

Það er ekki náttúrulögmál að flokkur með 20-24% fylgi ráði för í ríkisfjármálum með tilheyrandi íhaldsúrræðum. Sjálfstæðisflokkurinn á ekki að hafa neitunarvald um öll umbótamál sem snúa að almenningi. Við getum virkjað eldmóðinn, heilindin og hugsjónirnar sem kjósendur umbótaflokkanna frá miðju og til vinstri búa yfir og við getum skapað úr þessu mikla afli eina sterka, kraftmikla og flotta stjórn sem starfar í þágu almannahagsmuna. Þetta er nefnilega vel hægt. Við getum gert eins og aðrar Norðurlandaþjóðir eru að gera allt í kringum okkur og gefið hægri mönnum langþráð frí og tekið af þeim lyklavöldin í Stjórnarráðinu. Til þess að leiða slíkt starf eru sósíaldemókratar best fallnir. Samfylkingin er nefnilega samfylking.

Alls staðar í kringum okkur er verið að kjósa vinstri stjórnir undir forystu sósíaldemókrata, flokkana sem gert hafa Norðurlöndin að farsælustu ríkjum heims með sinni mildu og mannúðlegu stefnu sem hefur hagsmuni almennings alltaf að leiðarljósi. Hefðbundin sýn hægrimanna beið skipbrot í Kórónaveirufaraldrinum. 

Kosningakaffi Samfylkingarinnar í Mosfellsbæ er í húsnæði flokksins í Þverholtinu. Öll velkomin!

Í dag höfum við val um að kjósa stjórnmálahreyfingu sem vinnur að því að jafna leikreglurnar, efla mannréttindi og jöfnuð, keyra af stað raunverulegar aðgerðir vegna loftslagsbreytinga, styrkja efnahagslífið með uppbyggingu og fjárfestingum í stað niðurskurðar og sérhagsmunadekurs. Í dag eru kosningar og ég ætla að kjósa Samfylkinguna – jafnaðarmannaflokk Íslands.

Samfylkingin hefur raunhæf og fjármögnuð loforð. Henni er treystandi til að taka ákveðin skref framþróunar og byggir á 100 ára arfleifð jafnaðarmanna sem skapað hafa bestu samfélög sem þekkjast í heiminum með tilliti til bæði velferðar og efnahagsstjórnar.

Fái ríkisstjórnarflokkarnir, Sjálfstæðisflokkur, Framsókn og Vinstri græn, sterka kosningu er ljóst að haldið verður áfram með óbreyttum hætti. Við fáum áframhaldandi íhaldssemi, skort á mannúð og jafnrétti, skort á hugrekki í uppbyggingu almenningssamgangna og grænna atvinnutækifæra, pattstöðu í loftslagsaðgerðum; stöðnun. Við fáum lægsta pólitíska samnefnara og missum af stórkostlegu tækifæri sem ekki kemur aftur í fjögur ár.

Ég kýs Samfylkinguna fyrir son minn, fyrir ömmu mína, fyrir fatlað fólk, fyrir atvinnurekendur, fyrir listamenn og einyrkja, fyrir hinsegin fólk, fyrir loftslagið, fyrir umsækjendur um alþjóðlega vernd og fyrir barnafólk. Ég kýs Samfylkinguna því henni er best treystandi til að standa með almenningi gegn sérhagsmunum.

Ég hef verið fötluð alla mína ævi og barist fyrir réttindum mínum, réttindum annars fatlaðs fólks og mannréttindum í samfélaginu öllu. Ég er jafnaðarmaður því ég sé og finn á eigin skinni hvernig gæðunum er misskipt, hve mörg sóknartækifæri við höfum í íslensku samfélagi sem eru vannýtt.

Við í Samfylkingunni höfum með stolti kynnt okkar áherslupunkta sem lúta að því að jafna kjör almennings í landinu. Við viljum byggja hér upp barnabótakerfi að norrænni fyrirmynd enda mun það koma öllu samfélaginu til góða. Önnur ríki hafa fyrir löngu áttað sig á mikilvægi alvöru barnabótakerfis en því miður hefur jafnt og þétt verið dregið úr þessum stuðningi hér á landi. Í okkar tillögum fær barnafólk með meðaltekjur og tvö börn á framfæri 650 þúsund krónur á ári eða 54 krónur í hverjum mánuði í barnabætur.  Enginn annar flokkur býður viðlíka kjarabætur fyrir venjulegt barnafólk né hafa aðrir flokkar lagt fram hvort tveggja útfærðar og fjármagnaðar tillögur í þágu  fjölskyldna í landinu. 

Það eru einnig aðrir hópar í samfélaginu sem hafa jafnt og þétt verið að dragast aftur úr en fólk sem fær greiddan lífeyri, hvort sem er elli- eða örorkulífeyri, hefur þurft að þola óþolandi skerðingar vegna atvinnu- og lífeyristekna sem hafa dæmt stóran hóp til fátæktar. Við viljum hækka grunnlífeyrinn upp að lágmarkslaunum og draga verulega úr skerðingum svo hægt sé að auka virkni og lífsgæði. 

Vanfjármögnun heilbrigðiskerfisins hefur líka bitnað harkalega á sjúklingum og fjölskyldum þeirra um allt land en einnig á heilbrigðisstarfsfólki. Biðlistaómenning ríkisstjórnarinnar er ekki náttúrulögmál heldur pólitísk ákvörðun um að leggja mun lægri fjárhæð hlutfallslega til heilbrigðiskerfisins en þekkist td. á hinum Norðurlöndunum og viljum við í Samfylkingunni gera mun betur með auknu fjármagni, betra skipulagi og minni kreddum. 

Til þess þarf nýja ríkisstjórn. Ríkisstjórn sem þorir að sækja tekjur til þeirra sem geta. Stóreignarskatt sem leggst á ríkasta 1% þjóðarinnar eða fólk sem á eignir yfir 200 milljónir skuldlaust. 1250 krónur á mánuði af hverri milljón yfir skuldlausum 200 milljónum eru hófstilltir skattar og sanngjarnir. Þá leggjum við til að auðlindagjöld verði hækkuð á 20 stærstu útgerðirnar til hagsbóta fyrir almenning, eigendur auðlindarinnar. Það munar um þessa fjármuni við rekstur samfélagsins, svo sem á heilbrigðis- og velferðarkerfinu. Kerfi sem grípur allar fjölskyldur í landinu.   

Jöfnuður er ávísun á gott samfélag, því við eigum öll að hafa jöfn tækifæri til að lifa mannsæmandi lífi og láta drauma okkar rætast.  Um það snýst jafnaðarstefnan fyrir henni berjumst við í Samfylkingunni þannig að virðing fyrir fólki og náttúru verði í hávegum höfð hjá nýrri og betri ríkisstjórn fyrir almenning á Íslandi. 

Í dag göngum við til Alþingiskosninga um allt land. Flokkarnir hafa kynnt stefnumál sín undanfarnar vikur, hitt og hringt í kjósendur og drukkið ógrynni bolla af kaffi. 

Samfylkingin fyrir fjölskyldurnar í landinu

Reynslan sýnir að tryggja þarf endurnýjun aðildarumsóknar góðan meiri hluta, ekki einungis á Alþingi, heldur einnig meðal kjósenda. Þess vegna leggur Samfylkingin til að þjóðin verði spurð hvort taka eigi upp þráðinn frá 2013 og sigla aðildarviðræðum Íslands og ESB í höfn. Þannig viljum við vinna þessu stóra hagsmunamáli Íslands fylgis og stuðnings meðal almennings.

Stefna Samfylkingarinnar er, sem fyrr, að efla og dýpka samvinnu við önnur Evrópulönd og flokkurinn stefnir að fullri aðild að Evrópusambandinu með upptöku evru. Ísland þarf nýjan gjaldmiðil sem tryggir launafólki og fyrirtækjum stöðugleika, lága vexti og fyrirsjáanleika. Í þessu efni er ekki hægt að stytta sér leið, þótt því sé nú haldið fram, og slíkt gæti komið í bakið á okkur.

Þangað til þessu markmiði er náð þurfa íslensk stjórnvöld að nýta með markvissari hætti þau tækifæri sem felast í samstarfinu innan Evrópska efnahagssvæðisins, efla hagsmunagæslu Íslands gagnvart Evrópusambandinu og bæta framkvæmd EES-samningsins. Í rúmlega aldarfjórðun hefur þátttakan í EES-samstarfinu fært Íslandi lagabætur og velsæld sem öruggt er að fullyrða að ekki hefðu náðst fram jafn hratt og vel án samningsins. EES-samningurinn er hefði aldrei verið gerður án atbeina og stefnufestu jafnaðarmanna.

Samfylkingin beitir sér fyrir kraftmikilli samvinnu Íslands við önnur lýðræðisríki, ekki síst við nágranna okkar í Evrópu. Margar af mikilvægustu réttarbótum og umbótum sem náðst hafa fram á lýðveldistímanum eru afsprengi Evrópusamvinnu. Samstarf EFTA-ríkjanna við ESB hefur verið stórkostleg lyftistöng fyrir íslenskt atvinnulíf og knúið fram nútímavæðingu stjórnsýslu og samkeppnislöggjafar.

Kosningarnar á laugardaginn snúast um hvort frjálslyndir og alþjóðlegir straumar komi að stjórn landsins. Að við opnum á heiminn en lokum ekki dyrunum. Það er sögulegt tækifæri til að sækja fram og mynda nýja ríkisstjórn. Jafnaðarmenn eru í sókn um alla Evrópu og líka hér. Kjósum Samfylkinguna.

Ísland sótti um aðild að Evrópusambandinu sumarið 2009 en þá var Samfylkingin í ríkisstjórn ásamt Vinstri grænum. Eftir alþingiskosningarnar 2013 sleit ný ríkisstjórn Sjálfstæðis- og Framsóknarflokks viðræðunum með bréfi sem sent var til aðalstöðva ESB í Brussel. Síðan eru liðin átta löng ár og hagsmunum Íslands gagnvart ESB hefur lítið verið sinnt af þeim þrem ríkisstjórnum sem setið hafa.

Verið velkomin í kosningakaffi Samfylkingarinnar í Reykjanes frá kl. 10.

Leit um „��“

2758 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2758 niðurstöður fundust við leit að „���������������������������“