Ég gef kost á mér í 4.-6. sæti í flokksvali Samfylkingarinnar í Hafnarfirði.

Ég er ný gengin til liðs við Samfylkinguna og byrjað strax að taka virkan þátt í félagsstörfum. Ég er meðal annars ritari Bersans, félags Ungra jafnarðarmanna í Hafnarfirði.

Ég er fædd og uppalin í Hafnarfirði, stjórnmálafræðingur, foreldri barns á leikskólaaldri, starfsmaður leikskóla í bænum og hef því reynslu af Hafnarfjarðarbæ, bæði sem þjónustuþegi og sem starfsmaður.

Ég hef ekki mikla reynslu af störfum innan stjórnsýslunnar, en er tilbúin að henda mér í djúpu laugina í þágu fólksins í bænum. Ég er tilbúin að spyrja spurninga og vera gagnrýnin.

Ég vil að íbúar í Hafnarfirði séu stoltir af bænum sínum en til þess þurfa þeir að eiga jöfn tækifæri á að finna og nýta styrk sinn í samfélaginu.

Bæta kjör hjá starfsfólki leikskóla og bæta starfsumhverfi.

Öll börn eldri en 12 mánaða komist til dagforeldris eða inn í leikskóla.

Þau börn sem komast ekki inn fái fjárhagslegan stuðning til að brúa bilið milli fæðingarorlofs og inngöngu í leikskóla eða til dagforeldris.

Hækka tekjuviðmið niðurgreiðslu dagforeldra og leikskólagjalda.

Auka velferð allra barna og unglinga og veita þeim hvatningu og styrk til að iðka frístundir, óháð efnahag og stöðu foreldra.

Jafn aðgangur barna að hollum og heitum mat í leik- og grunnskólum óháð efnahag og stöðu foreldra.

Bygging fjölbreytts húsnæðis fyrir alla hópa samfélagsins. Fjölgun félagsíbúða, þjónustuíbúða, íbúða fyrir fyrstu kaupendur og íbúða fyrir fjölskyldur.

Huga vel að því fólki sem nær ekki viðmiðum félagsþjónustu og athuga möguleika á að breyta þeim svo fleiri fái hjálp sem þurfa.

Auka aðgengi að sálfræðiþjónustu í grunnskólum.

Rauði þráðurinn í mínum áherslum eru fjárfestingar í lífi barnanna okkar. Ef þau upplifa öryggi, fjárhagslegt og félagslegt og hafa góðan aðgang að sálfræðiþjónustu, mun það skila sér í sterkum einstaklingum með góða sjálfsmynd sem gerir samfélag okkar allra betra.

 Ljóst er að mörg tilefni eru til breytinga og er ég tilbúin að taka slaginn.

Sigurbjörg Anna Guðnadóttir - 3. - 5. sæti

Ég gef kost á mér í flokksvali Samfylkingarinnar í Hafnarfirði vegna komandi bæjarstjórnarkosninga. Ég vona að sem allra flest ykkar taki þátt og óska ég eftir stuðningi ykkar í 3.-5. sæti listans. 

Ég hef búið í Hafnarfirði frá barnæsku og er mjög umhugað um að bænum sé sem best stjórnað með framfarir, sanngirni og jöfnuð að leiðarljósi. 

Í síðustu bæjarstjórnarkosningum var ég á lista Samfylkingarinnar og hef síðan starfað í umboði hennar fyrir Hafnarfjörð í menningar- og ferðamálanefnd bæjarins. 

Einnig er ég varafulltrúi í umhverfis- og framkvæmdaráði, ásamt því að hafa verið varaformaður Kjördæmisráðs Samfylkingarinnar í suðvesturkjördæmi síðustu tvö ár. 

Framundan eru mikilvæg verkefni en það er allra mikilvægasta er að Samfylkingin fái góða kosningu í vor. Sem kjölfesta í nýjum meirihluta getum við meðal annars: 

Aukið framboð íbúðarhúsnæðis, sérstaklega öruggs leiguhúsnæðis 

Forgangsraðað gjöldum og skattheimtu með tilliti til tekjulægri íbúa bæjarins 

Tryggt samkeppnishæfni vinnustaða bæjarins um starfsfólk, m.a. grunnskólanna 

Komið á friði í leikskólum bæjarins og hlustað á raddir starfsfólks og foreldra 

Stytt biðlista félagslegs húsnæðis og gert úthlutunarferlið gagnsærra 

Bætt upplifun íbúa varðandi skipulagsmál og framkvæmdir bæjarins 

Byggt upp betra útivistarsvæði í upplandinu, m.a. í kringum Hvaleyrarvatn 

Þetta þarf allt að gera með ábyrgri stjórn á fjármálum bæjarins, bæði með skammtíma og langtíma hagsmuni að leiðarljósi. 

Ég er með B.sc og M.paed gráðu í stærðfræði og réttindi sem framhaldsskólakennari. Þessa dagana er ég tölfræðingur hjá Áfallasögu kvenna og doktorsnemi. Ég hef unnið sem stærðfræðikennari og sviðstjóri við Flensborgarskólann, sem og við útreikning fasteignmatsins hjá Þjóðskrá Íslands og aðstoðardeildarstjóri þar. Einnig hef ég unnið sem tölfræðiráðgjafi. 

Bakgrunnur minn, sem er annars vegar stærðfræði og tölfræði og hins vegar kennsla, er mjög hentugur fyrir starf sem fulltrúi flokksins í bæjarstjórn, ráðum og nefndum.
 Þar nýtist vel að geta skilið tölur og útreikninga, geta unnið sjálfstætt sem og með fólki. 

Ég er einnig móður tveggja ungra manna og amma lítillar dömu, ég hef því verið foreldri á öllum skólastigum bæjarins og þekki vel hvernig er að vera foreldri í bænum og þjónustuþegi. 

Mér finnst mikilvægast að stjórnkerfið sé gagnsætt, unnið sé að sem mestum jöfnuði, hlúð að þeim sem minna mega sín og tryggt að allir geti notið sín í samfélaginu, óháð uppruna, aldri, kyni og því hvort fólk sé með fötlun eða ekki. 

Á menntaskólaárum mínum kviknaði áhugi minn á jafnréttismálum og það mætti kannski segja að það hafi verið mín leið inn í pólitíska umræðu og síðar meir þátttöku. Sem ung manneskja sem er að taka sín fyrstu skref í stjórnmálum hef ég haft jafnrétti að leiðarljósi í öllu sem ég tek mér fyrir hendur. 

Ég er Seyðfirðingur í húð og hár, ég ólst þar upp og flutti í raun og veru ekki lögheimili mitt fyrr en ég flutti hingað á Strandgötuna í Hafnarfirði árið 2019. Það voru forréttindi að fá að alast upp á Seyðisfirði. Sumrin þar voru engu öðru lík, sérstaklega þegar gekk vel í boltanum hjá okkur strákunum í Huginn.  

Þó að það muni töluvert í fólksfjölda og fjarlægðum þá finn ég oft fyrir líkindum á milli Hafnarfjarðar og Seyðisfjarðar. Hér er ég ekki bara að tala um litríku bárujárnsklæddu tréhúsin sem finna má á báðum stöðum heldur einnig bæjarandann. Á báðum stöðum þekkir fólk vel hvort annað og samfélagið stendur þétt saman. Það er því kannski ekki skrýtið að ég og tveir aðrir æskuvinir mínir frá Seyðisfirði höfum sest að hér í Hafnarfirði.  

Eftir menntaskólaárin þá lá leiðin í Háskólann á Bifröst. Sú ákvörðun átti eftir að verða mesta gæfuspor í mínu lífi en þar kynntist ég henni Stellu minni. Eins og sönnum Hafnfirðingi sæmir þá kom aldrei neitt annað til greina hjá Stellu en að við myndum flytja í Hafnarfjörð. Annars voru árin á Bifröst mjög mótandi fyrir mig, þar hóf ég þátttöku mína í félagsstörfum í gegnum Landssamtök íslenskra stúdenta (LÍS) sem börðust og berjast enn fyrir betri kjörum stúdenta.  

Í dag er ég í sjálfu sér enn að berjast fyrir hagsmunum stúdenta og háskólamenntaðra þar sem ég starfa fyrir fimm stéttarfélög sem eru öll aðilar að Bandalagi háskólamanna (BHM). Sú reynsla sem ég hef öðlast þar hefur gagnast vel inn í heim stjórnmálanna og þar hef ég einnig fengið innsýn í rekstur sveitarfélaga. 

Ég kynntist starfi Samfylkingarinnar vel í síðustu Alþingiskosningum en m.a. þá aðstoðaði ég flokkinn við að halda utan um úthringingarnar í Kraganum síðustu vikurnar fyrir kosningar. Í framhaldi af því kynntist ég mörgu af því frábæra fólki sem myndar flokkinn hérna í Hafnarfirði. Ég byrjaði í framhaldinu að taka virkan þátt í flokksstarfinu með því að aðstoða við að mynda stjórn Samfylkingarfélagsins í Hafnarfirði. Nú gegni ég stöðu gjaldkera félagsins og hef verið virkur við að undirbúa flokkinn fyrir næstu sveitarstjórnarkosningar.

Mínar helstu áherslur eru eftirfarandi:

Ríkt samráð við íbúa og hagsmunaaðila.

Uppbygging á hagkvæmu íbúðarhúsnæði.

Að hefja virkt umbótasamtal við stjórnendur og starfsfólk grunn- og leikskóla um þær áskoranir sem þessi tvö skólastig standa frammi fyrir.

Að hafa heimsmarkmið Sameinuðu þjóðanna að leiðarljósi við rekstur og stefnumótun sveitarfélagsins.

Að stuðningur við barnafólk og börn verði aukinn. 

Uppbygging á grænu, hagkvæmu og þjónustumiðuðu nærumhverfi. 

Að bæta almenningssamgöngur og setja kraft í skipulagningu á Borgarlínu.

Þótt maður geti sett á sig hina ýmsu hatta þá, þegar til kastanna kemur, er maður í sjálfu sér ekkert annað en pabbi tveggja ára orkubolta sem gleður okkur Stellu á hverjum einasta degi. Í lok dags snúast stjórnmál um að skapa samfélag sem okkur líður vel með að börnin okkar og komandi kynslóðir erfi. 

Ég vill fá tækifæri til að búa til þannig samfélag og þess vegna bið ég um þinn stuðning í 5. sætið. 

Ég óska eftir ykkar stuðningi í efstu sæti í flokksvali Samfylkingarinnar til sveitastjórnarkosninga nú í vor.

Ég er fædd og uppalin í Reykjavík en flutti til Hafnarfjarðar árið 1992 þegar við hjónin keyptum okkar fyrstu íbúð uppi á Holti. Það var alltaf mikið líf og fjör að vera með barnafjölskyldu á Holtinu á þessum tíma. Ég er gift Ingvari Erni Guðjónssyni verkfræðingi og eigum við þrjár dætur og eitt barnabarn. Það að vera amma tveggja ára gutta er eiginlega það besta í heimi.

Ég hef verið í Alþýðuflokknum/Samfylkingunni síðan ég hlaut kosningarétt. Þar sem faðir minn var í stjórnmálum og sat fjögur kjörtímabil á þingi fyrir Alþýðuflokkinn má segja að ég hafi tiltölulega ung aðhyllst jafnaðarstefnu Alþýðuflokksins. 

Eftir útskrift frá Menntaskólanum í Reykjavík árið 1983 hélt ég til Bandaríkjanna og lauk B.Sc. gráðu í viðskipta- og markaðsfræðum sem og MBA í kjölfarið. 

Hvað er ég búin að vera að gera í gegnum tíðina? 

Ég hef allan minn starfsferil starfað sem stjórnandi í tengslum við markaðsmál. Eftir nám hóf ég störf hjá bókaútgáfunni Vöku-Helgafelli sem markaðs- og sölustjóri. Á þeim tíma gáfum við m.a. út bækur eftir Nóbelsskáldið okkar sem og myndasögurnar um Andrés Önd sem var skemmtileg blanda.  

Fimm árum síðar hóf ég störf hjá Icelandair sem forstöðumaður Vildarklúbbsins. Þar kynnti ég fyrir stjórnendum Icelandair hugmynd að styrktarsjóði fyrir langveik börn og börn sem búa við erfiðar aðstæður. Styrktarsjóðurinn Vildarbörn Icelandair var svo stofnaður vorið 2003. Á starfsferli mínum þá er ég einna stoltust af því að hafa átt frumkvæðið að stofnun Vildarbarna. 

Árið 2003 tók ég við stöðu svæðisstjóra Icelandair í Skandinaviu, fyrsta konan til þess að gegna þeirri stöðu hjá Icelandair.  

Árið 2007 hóf ég störf hjá Kaupþingi yfir alþjóðlegri markaðssetningu.Síðar var ég ráðin sem forstöðumaður markaðsmála Nýja Kaupþings sem varð svo Arion banki. 

Ég starfaði einnig hjá Orf Líftækni og var yfir markaðs- og almannatengslum fyrir BIOEFFECT húðvörulínuna. Árið 2016 varð ég ráðgjafi í markaðsmálum hjá dönsku alþjóðlegu ráðgjafafyrirtæki, CO+. Í lok síðasta árs stofnaði ég mitt eigið ráðgjafafyrirtæki, AUKA United, með tveimur fyrrum samstarfsfélögum mínum. 

Sat í stjórn IGS eða Icelandair Ground Services í fjögur ár (1999-2003). Sat einnig í stjórn Ímarks í fjögur ár. Var í stjórn Norsk-íslenska viðskiptaráðsins þegar það var stofnað árið 2006. 

Ég hef viðamikla reynslu úr atvinnulífinu. Ég er vön því að leiða teymisvinnu og veit ekkert skemmtilegra og meira hvetjandi en að vinna í ögrandi og metnaðarfullu umhverfi sem ég veit að bæjarfélagið okkar er. Ég á gott með að aðlaga mig að nýjum og breyttum aðstæðum og að vinna með fólki með ólíkar skoðanir. Ég hef einnig mikinn sjálfsaga, legg hart að mér, hef mikið keppnisskap, er árangursmiðuð og leita nýrra leiða við úrlausn verkefna. Ég kann vel við mig í leiðtogahlutverki, er sjálfstæð í vinnubrögðum og óhrædd við að taka á mig mikla ábyrgð. 

Ég mun leggja áherslu á að skila mínu dagsverki vel og markvisst. Kosningaloforð eru ekki eitthvað sem ég er hrifin af. Mér finnst að í öllu því sem maður tekur sér fyrir hendur þá eigi verkin að tala. Mér finnst Hafnarfjörður hafa dregist aftur úr nágrannabæjarfélögunum nánast í öllum málaflokkum. Nægir þar að nefna íbúðahúsnæði, umhverfis- og skipulagsmál, málefni eldri borgara, leikskólamál o.s.frv. Það er kominn tími á nýja hugsun, skýra og sterka framtíðarsýn fyrir bæjarfélagið okkar sem snertir okkur öll. Ég er viss um að sterkur listi Samfylkingarinnar mun láta verkin tala og leiða Hafnarfjörð inn í nýja og betri framtíð fyrir okkur öll.

Ég er svo sannarlega til í slaginn og býð mig fram til forystu í annað sæti listans. 

Samfylkingarfélagið í Reykjavík stendur fyrir fjórum framboðsfundum sem verður streymt á Facebooksíðu Samfylkingarinnar í Reykjavík - XS Reykjavík, á mánudag og fimmtudag, þar sem frambjóðendur í flokksvalinu ræða saman um borgarmálin. Fundir og fundartímar eru þessir:
         Mánudag 7.2., 17.30‒19: Reykjavík framtíðarinnar …
         Mánudag 7.2., 19.30‒21: Skóli og menning …
         Fimmtudag 10.2., 17.30‒19: Lýðræði og mannréttindi …
         Fimmtudag 10.2., 19.30‒21: Vinna og velferð …
Hver frambjóðandi velur sér tvö af þessum fundarefnum og ræða saman fjórir í einu (dregið í hópana). Fundarstjóri verður Inga Auðbjörg Straumland.
Væntanlegir fundarmenn (áhorf/heyrendur) geta sent inn fyrirspurnir um einstök mál á netfangið reykjavik@samfylking.is báða fundardagana fram til kl. 17. Ekki er hægt að ábyrgjast að allar fyrirspurnir komist til umræðu á fundunum.
Við vonumst eftir fróðlegum og skemmtilegum umræðum milli frambjóðendanna sextán. Takið kvöldin frá og segið vinum og félögum af viðburðunum !
        
Stjórn SffR

Þegar þessi orð eru rituð er boðuð rauð veðurviðvörun á höfuðborgarsvæði og Suðurlandi og ef svo ólíklega vill til að blaðið berist inn um lúgur að morgni má ætla að veðrið sé að hámarki á höfuðborgarsvæðinu um það leyti sem blaðið snertir dyramottuna. 

Almannavarnir er skv. orðskýringum samnefnari um varnir, viðbúnað, viðbrögð og endurreisn, eða það skipulag sem verður að vera til staðar fyrir neyðarástand og miðar að því að verja borgarana fyrir hættum frá náttúru, af mannavöldum eða vegna tæknibilana. Við höfum heldur betur verið með almannavarnir allt um kring í glímu okkar við heimsfaraldurinn en síðustu daga hefur vísindafólk greint aðra hættu, sjálft ofsaveðrið. 

Ég er svo dúpt þakklát því fólki sem hefur helgað sig vísindum, því það getur aðstoðað okkur við undirbúning og viðbrögð við ýmsum hættum en svo er það stjórnvalda að koma að endurreisn. Ég hef hvorki hundsvit á veðri né heilbrigðisvísindum og treysti því leiðsögn okkar fagfólks þegar við almenningur þurfum að hegða okkur á einn eða annan hátt okkum sjálfum til heilla. Við sýnum ýtrustu varkárni svo við þurfum ekki að treysta á neyðarvakt heilbrigðiskerfis og almannavarna. 

Það er hins vegar stjórnvalda að byggja upp innviði sem þola áhlaup líkum þeim sem við höfum verið að glíma við. Áhlaup farsóttar kallar á sterka innviði í heilbrigðiskerfinu og þegar stjórnarliðar segja heilbrigðiskerfið okkar hafa staðist prófið í heimsfaraldri þá er eingöngu verið að miða við fjölda dauðsfalla vegna Covid en ekki dauðsföll sem leiða má af Covid ástandi vegna annarra sjúkdóma. Þá er heldur ekki verið að miða við það að heilbrigðiskerfið hafi ekki getað sinnt nauðsynlegum aðgerðum til bjargar mannslífum og til að lina þjáningar vegna annarra sjúkdóma því biðlistar hafa aldrei verið lengri um allt heilbrigðiskerfið og starfsfólkið líklega aldrei nær örmögnun eftir hlaupin. 

Í veðurofsa reynir á annars konar innviði, svo sem flutningskerfi raforku, vegakerfið, almenningssamgöngur og fjarskiptakerfið. Þar höfum við á undanförnum árum orðið vitni að verulega löskuðu kerfi innviða sem stjórnvöld verða að laga. Mikilvægar stofnanir eins og heilbrigðisstofnanir hafa misst rafmagn, byggðakjarnar hafa verið án rafmagns og fjarskipta og þéttbýlisstaðir einangraðir vegna snjóflóða þar sem jarðgöng skortir.  

Sem betur fer erum við viðbúin fyrir hvellinn og eigum að gera allt sem við getum til varnar okkur og samfélaginu. Ég vil þakka þeim fjölmörgu sem mynda almannavarnir á Íslandi því án ykkar værum við í verulegum vanda. 

Að undanförnu höfum við verið svo lánsöm að fá leiðsögn færustu sérfræðinga til varnar almenningi. Það er ekki lítils virði og sjálfsagt heldur feikilega mikilvægt samfélaginu.

Ef þið hafið áhuga á því að fara í framboð, sækist eftir ákveðnu sæti á listanum, eða hafið hugmyndir að fólki sem þið viljið sjá í fararbroddi fyrir Samfylkinguna á Akranesi, þá biðjum við ykkur endilega að setja ykkur í samband við okkur fyrir 10. febrúar n.k. 

Sigrún Ríkharðsdóttir sigrikh@gmail.com 

Guðjón V. Guðjónsson gudjonvg59@gmail.com 

Stjórn Samfylkingarfélagsins á Akranesi. 

Nú eru bæjarstjórnarkosningar í nánd og við erum farin að huga að framboðsmálum og leitum eftir áhugasömu fólki á öllum aldri til að skipa lista Samfylkingarinnar á Akranesi. 

Óskað eftir framboðum og tilnefningum á Akranesi

Hildur Rós Guðbjargardóttir - 4. sæti

Í kosningunum í vor gefst okkur Samfylkingarfólki tækifæri til að vinna sigur og taka aftur stjórnina á Hafnarfirði svo að bærinn verði betra samfélag fyrir fólk og fyrirtæki. Ég er tilbúin til að vera með í  forystu í þeirri sókn og býð mig fram í 4. sæti í flokksvali Samfylkingarinnar sem fer fram þann 12. maí nk.

Ég er 29 ára gömul hugsjónamanneskja með báða fætur á jörðinni, hugsa stórt og trúi á samtakamátt góðs fólks.  Málefni barna, fjölskyldna og aldraðra fá hjarta mitt til að slá hraðar, velferðar- og menntamálin eru mín mál. Þrátt fyrir ungan aldur hef ég víðtæka reynslu í leik og starfi. Ég á þrjár dætur á leik- og grunnskólaaldri, ég starfa í aðhlynningu á Hrafnistu í Hafnarfirði og lýk grunnnámi kennara í faggreinakennslu í vor. Áður lærði ég hársnyrtingu og starfaði við það í nokkur ár.  

Ég gekk til liðs við Samfylkinguna árið 2016 og hef tekið þátt í að byggja upp flokkinn á síðustu árum í ýmsum trúnaðarstörfum og sit nú í framkvæmdastjórn flokksins og sem formaður fræðsluráðs flokksins. Jafnframt er ég vara formaður Bersans, félagi ungra jafnaðarmanna í Hafnarfirði

Samfylkingin berst fyrir jöfnum lífskjörum sem þýðir verulega bætt lífskjör ákveðinna hópa, sem oft bera skarðan hlut frá borði. En það er helsta ástæða þess að ég vil láta til mín taka og hef fulla trú á því að ég geti verið málsvari stórra hópa í samfélaginu okkar. Hafnarfjörður var byggður upp af jafnaðarmönnum og ber bærinn þess sannarlega merki. En margt má bæta til betri lífskjara og jafnari tækifæra fólksins í bænum og til þess þarf Samfylkingin taka stjórnina aftur. 

Mínar áherslur fyrir betri Hafnarfjörð:

Börn foreldra í lágtekjuhópi og börnum einstæðra foreldra þurfum við að tryggja jöfn tækifæri.

Hækka frístundastyrkinn og endurskoða í kjölfarið kerfið í heild sinni.

Lækka útgjöld heimila vegna grunnskóla.

Fjölbreytt framboð húsnæðis, félagslegar íbúðir, þjónustuíbúðir og almennar íbúðir.

Samstilla heilbrigðisþjónustu við aðra velferðarþjónustu með þverfaglegri nálgun í þjónustu sveitarfélagsins. 

Tryggja fötluðu fólki á öllum aldri, tækifæri til sjálfstæðs lífs með fjármögnun stuðningsþjónustu. 

Auka tækifæri eldri borgara til félagslegra samskipta og tryggja þeim heilsueflandi umhverfi.

Styrkja starfsumhverfi starfsfólks sveitarfélagsins með fjölgun stöðugilda og hvetjandi umhverfi fyrir fagfólk. 

Minnka kolefnis- og vistspor sveitarfélagsins með kolefnisjöfnun og fræðslu með áherslu á  sjálfbærni. 

Hafnarfjörður hefur upp á margt að bjóða. Styðja þarf ríkulega við menningarlíf til þess að gera bæinn eftirsóknarverðan stað til búsetu og heimsókna. 

Efla bókasafn Hafnarfjarðar sem samfélagsmiðstöð til að stuðla að sjálfbærni og efla hringrásarhagkerfið, vinna gegn félagslegri einangrun og styðja við heilsueflandi samfélag. 

Til þess að Samfylkingin taki stjórnina á Hafnarfirði aftur þurfum við að tryggja góða kosningu í vor, slíkt gerum við með öflugum og breiðum hópi frambjóðenda með sterka framtíðarsýn. Að endalykt óska ég eftir stuðningi ykkar í 4. Sæti í flokksvali Samfylkingarinnar í Hafnarfirði.

Kolbrún Magnúsdóttir heiti ég og er 45 ára gift tveggjabarna móðir uppalin í Hafnarfirði.

það skiptir mig miklu máli að bænum sé vel stjórnað með hagsmuni bæjarbúa að leiðarljósi. Ég ólst upp í norðurbænum. Skólaganga mín hófst í Engidalsskóla og lauk í Víðistaðarskóla og var Hellisgerði einn af mínum uppáhaldsstöðum sem barn. heilsa og vellíðan skiptir mig miklu máli, ég var í fimleikum sem barn en í dag er áherslan á útiveru á borð við golf, skíði og göngur í nátturunni. 

Ég hef góða menntun og reynslu úr atvinnulífinu sem mun nýtast vel sem fulltrúi Samfylkingarinnar. Ég er með MSc í mannauðsstjórnun, BSc í viðskiptafræði og alþjólega vottun í markþjálfun. Ég hef starfað í mannauðs- og fræðslumálum síðastliðin átta ár ásamt því að vera markþjálfi og leiðbeinandi á ýmsum námskeiðum. Þar áður kom ég að ýmissi ráðgjöf í rekstri fyrirtækja, var innkaupafulltrúi hjá lyfjafyrirtæki og ráðgjafi í hugbúnaðageiranum.  Í dag starfa ég sem mannauðsráðgjafi hjá Hafnarfjarðarbæ og er hluti af stóru stefnumótunarteymi þar sem stefna Hafnarfjarðabæjar verður mótuð til næstu 15 ára. Einnig er ég markþjálfi og kennari í markþjálfunarnámi hjá Profectus.  Ég hef góða reynslu af félagsmálum og hef tekið að mér ýmis stjórnarstörf í gegnum árin. 

Það eru margar áskoranir sem blasa við okkur á komandi árum og er Hafnarfjörður þar engin undanteknin, því er mikilvægt að vera með skýra sýn á framtíðina og búa yfir aðlögunarhæfni til að takast á við þær áskoranir sem verða á vegferðinni. Það eina sem við getum verið fullviss um eru stöðugar breytingar og er ég full eldmóðs að fara í þá vegferð.

Hvernig getum við gert góðan bæ enn betri!

Mannauðurinn er lykillinn að góðum árangri og mikilvægasta auðlindin sem við eigum, hvort sem er í heilu bæjarfélagi eða á vinnustaðnum. Því er lykilatrið að hlúa vel að honum. Þá þurfa innviðirnir að vera góðir og styðja við fólkið sem þarf á ólíkri þjónustu að halda og tryggja jafnan rétt allra bæjarbúa. 

Vinna að framtíðarsýn og stefnu Hafnarfjarðabæjar og gera bæinn eftirsóknaverðan valmöguleika.

Tryggja jafnan aðgang og tækifæri allra barna og ungmenna að íþrótta- og tómstundastarfi. Með því að hækka frístundarstyrki og auka á fjölbreytileika í vali 

Efla enn frekar heilsubæinn Hafnarfjörð, með áframhaldandi uppbyggingu á hjóla- og göngustígum og uppbyggingu útvistasvæða.

Tryggja gott vinnuumhverfi hjá stofnunum bæjarins með áherslu á betra vinnuumhverfi og heilsu og vellíðan bæði starfsfólks og þeirra sem nýta þjónustunna með aukinni fræðslu og endurmenntun.

Aukin skilvirkni í skipulagsmálum. Tryggja fjölbreytileika í húsnæðismálum til að koma til móts við íbúa. Tryggja félagslegt húsnæðiskerfi, öruggan leigumarkað, búsetuúrræði með þjónustukjarna fyrir eldri borgara og búsetuúrræði fyrir fatlað fólk.

Umhverfsvænt bæjarfélag með auknu aðgengi að hleðslustöðum fyrir rafbíla, efla flokkun og draga úr plastnotkun. 

Atvinnumál með áherslu á fjölbreytileika starfa og skapa umhverfi fyrir nýsköpun og frumkvöðlastarf.

Til að ná góðum áragri skiptir öllu máli að halda samtalinu gangandi, heyra raddir bæjarbúa og greina hvað skiptir mestu máli til að ná settu markmiði þar sem ávinningur heildarinnar er hafður að leiðarljósi. Raddir allra þurfa að hafa hljómgrunn á þeirri vegferð.

Hvað skiptir okkur mestu máli þegar við mælum árangur?

Góður árangur er ekki aðeins mældur með hagvexti þó svo að sá mælikvarði sé mikilvægur í stóru myndinni. Ég tel mikilvægt að allir ofangreindir þættir séu lykilmælikvarðar að góðum árangri.

Tækifærin til að efla okkar dýrmæta samfélag eru mörg og væri það mér sannur heiður að fá tækifæri til að nýta þekkingu mína, reynslu og krafta til að fara þá vegferð með flokknum. Því óska ég eftir ykkar stuðningi.

Leiðbeiningar til frambjóðenda um kynningu á xs.is

Skila þarf gögnum vegna kynningar eigi síðar en kl. 12:00 á hádegi, mánudaginn 24. janúar 2022 

LEIÐBEININGAR TIL FRAMBJÓÐENDA UM SAMEIGINLEGA KYNNINGU Á XS.IS 

Frambjóðendum býðst að halda úti kynningarsíðu á xs.is á meðan prófkjöri stendur. Um er að ræða undirsíðu á xs.is þar sem kjósendur eiga að geta nálgast helstu upplýsingar um framboðið á einfaldan og miðlægan hátt. Hver frambjóðandi fær eina undirsíðu, þar sem hann getur komið eftirfarandi upplýsingum til kjósenda: 

Skrifleg kynning: Æviágrip og helstu málefni 

Hlekkir á bloggsíður, facebook-síður, samfélagsmiðlareikninga á borð við Twitter og Instagram. 

Sigrún Einarsdóttir, verkefna- og viðburðarstjóri flokksins, mun taka á móti öllum upplýsingum. 

Vakin er athygli á því að þetta er eitthvað sem er í boði fyrir frambjóðendur og þau þurfa sjálf að útvega efnið sem er til birtingar. Kjörstjórn mun ekki bjóða upp á myndatökur eða upptökur af neinu tagi og er frambjóðendum í sjálfsvald sett að útbúa allt. 

Skila skal þarf gögnum eigi síður en mánudaginn 24. janúar 2022 klukkan 12:00 á hádegi. 

Stefnt er að því að framboðsvefur geti farið í loftið eigi síðar en þriðjudaginn 25. janúar 2022 og er því beint til frambjóðenda að skila þessum upplýsingum fyrir þann tíma. Kjörstjórn áskilar sér þannig rétt til þess að heimila birtingu sameiginlega vefsvæðisins þó að ekki allir frambjóðendur hafi skilað inn gögnum. 

Skrifleg kynning upp á 500-600 orð. Frambjóðendum gefst kostur á að segja frá sér og sínum málefnum. Sem dæmi: 

Málefni: Hver eru helstu málefnin þín og af hverju eru þessir málaflokkar þér mikilvægir? 

Afhverju átt þú erindi í borgarstjórn? 

Það er gott viðmið að textinn sé ekki lengra en 500-600 orð - eða um ein A4 blaðsíða þétt skrifuð. 

Frambjóðendur eru beðnir um að senda inn myndir sem eru í góðri upplausn og ágætlega stórar. Athugið að það væri gott ef myndin sýni góðan hluta af efri-búk. Það gerir samræmda uppsetningu á vefsvæðinu auðveldari. Dæmi: 

Hlekkir á aðrar síður og aðrar upplýsingar 

Frambjóðendur geta komið með hlekki á aðrar síður: 

Einnig býðst frambjóðendum að hafa 

Frambjóðendum býðst að koma með myndbandskynningu á sjálfum sér og sínum málefnum. Tæknilegar upplýsingar: 

Myndbandið þarf að berast á .mp4 formatti. 

Skila skal þarf gögnum eigi síðar en mánudaginn 24. jan. kl. 12:00 á hádegi. 

Því fyrr sem kynningarnar berast, því fyrr getur sameiginlegur framboðsvefur komið upp. Stefnt er að því að sameiginlegur framboðsvefur komi upp eigi síðar en 25. janúar 2022 og er því beint til frambjóðenda að skila þessum upplýsingum fyrir þann tíma. 

Tékklisti á kynningu á xs.is fyrir frambjóðendur 

Facebook reikning (venjulega “reikninginn”/account) Twitter

Aðrir samfélagsmiðlar (YouTube, TikTok, etc) 

Skila skal þarf gögnum eigi síður en mánudaginn 24. jan. kl. 12:00 á hádegi. 

Leit um „��“

2907 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2907 niðurstöður fundust við leit að „������������������������������������������������������������“